MRK - NUMANA 8
8
Yesɔ ne yɔk aneshir azhin anas
1Nǝ bɛr yuŋɔ ntsan aneshir anuŋ ne biŋ, ba yine kinuŋ yi li ba, Yesɔ azho abɛ tsǝn maa te di, 2<<M lɔ susun kɛ aneshir baŋa; ne ka te bɛr tar bene bɛm iyaŋ kili. 3Mte di abɛ kɔmɔ ne kasa ate ku mfɔ ne ankɔŋ, anuŋ ne miŋ mǝne are amkpa gbagbaŋ.>>
4Abɛ tsǝn amaa mtanyeme, <<Nǝ zizik kǝŋe atei yik kili yi mla yɔk aneshire abaŋa yi?>>
5<<Izhin yine ambwab borodi?>> Yesɔ arib.
<<Me taŋgba,>> a tanyɛu ma.
6Yesɔ adi ntsan aneshire abɛ zisɔŋ ne mimi. Ndi ne baŋ ambwab borodi me taŋgba ma te nyɛr, ne mligǝ te nek abɛ tsǝn ama te abɛ nek aneshire, ana kɔ na mee. 7Ayi ne amwe ambɛ watsɔb fe Yesɔ abaŋǝ te nyɛr te nek abɛ tsǝn ma abɛ ta gab zhine ba. 8Aneshire ne li te hri. Ankyak abɛ tsǝn ama ne biŋ nki kili me isǝsa taŋgba ndi ne li te duŋ kime. 9Aneshir abaŋ ndi ne yi amɔ ne yar azhin anas. Fe Yesɔ adi abɛ kɔmɔ, 10Yesɔ akɔ yir miŋ gu ben abɛ tsǝne amaa te kɔmɔ na gar kɛ Dalmanuta.
11Ferisawa ne nyɛ te rib Yesɔ kiki nuŋ te bɛ tsa ru tɔ. Tǝ abɛ nek ba ngir nuŋ kɛ rɛ shu. 12Yesɔ avuŋ vli gli goŋ te di, <<Ayi nii duŋ kab kǝŋe awɔb te aba yik kiki yi vuŋ anui? Mǝ bla zhin lɛ didik, ba ngir keŋ ndi ate nek zhin.>> 13Fe Yesɔ aduŋ ba, te yir gu te glɔ kɔmɔ ne gar nuŋ.
Mbumbur atuntu yi Ferisawa ben Hiridus
14Abɛ tsǝn amaa ne ŋuro suk ne gli kili, anaga yi mbwab kili zhin yi ben abɛba ne gumɔ. 15<<Izhin bǝ te zǝ,>> Yesɔ agbaŋ ba atɔŋ. <<Izhin bǝ hria ayi te tɔ mbumbur atuntu ane Ferisawa ben ayou Hirudus.>>
16Ne lɛ kiki yiŋɛ ne akpa mɛn te di, <<Ayik ba ta yine borodi ba.>>
17Ndi ayi ne miŋ kɛ lɛ ne akpa mɛn, Yesɔ arib ba: Ayi anii duŋ zhin di borodi ka? Ba zhin yik te na zhi kai? Asusun min ne kpa kai? 18Izhin yine ayi ama ba zhin yik ba ben atɔŋ ba zhin wɔ ba? Ba zhin shuzhi kai? 19Ndi mne mlik ambwab borodi tuŋ nek aneshir azhin atuŋ, neyi sisa ben ne zhin ne vu nkime?>> adi,
<<Iwur ane yaa,>>
20<<Ndi mne mlik ambwab borodi ataŋgba m gab aneshir azhin anas, neyi sisa ben zhin ne vu nkime?>>
Mtanyeme,<<Itaŋgba.>>
21Yesɔ adi ba, <<Har azǝzaŋa ba zhin shuzhi kai?>>
Yesɔ ne na ner ne amfik ne Batseda
22Ndi ne yir Batseda, aneshir anuŋ agli iner ne amfik te nyɛ te ben Yesɔ te abɛ sagu ŋɔk 23Yesɔ ne vuŋ ŋɔk kɛ ner ne amfik ge te ru goŋ ntun. Ndi ne ruk ante ashuru ne ayi amaa te sagu ŋɔk, Yesɔ aribu,<<Uyik kinuŋ?>>
24Atɔ shu tedi, <<Myik aneshir; ama ayi ndi atiŋe akuŋkun atsǝnetsǝn.>>
25Yesɔ ana sak iner ne amfik ge ŋɔk neyi amaa. Fe abu ayi amaa, iyik maa ku kam nyak, ankyak akɔ yik kɔte nii glaŋglaŋ. 26Yesɔ adiu abɛ kɔmɔ ne kɔb, <<kǝr bǝ yir ntun nuŋ ba.>>
Ilɛ Biturus netu Yesɔ
27Yesɔ ben abɛ tsǝn amaa ne gar ntuntun yi Kaseriya Filibi. Ne akɔ arib ba, <<Aneshir adi myi ŋɔwai?>>
28Mtanyeme tedi, <<Anuŋ adi Yɔɔna ne su aneshir; anuŋ adi Iliya; anuŋ adi izhin ne miŋ abɛ na ndum Arik.>>
29Arib ba. <<Fe izhineba fa?>> <<Izhin di myi Ŋɔwai?>>
Biturus mtanyeme, <<Uyi kristi.>>
30Yesɔ ne gbaŋ ba atɔŋ kǝr abɛ duŋ bla nuŋ kinuŋ ne tu maa ba.
Yesɔ ne bla iku maa
31Fe Yesɔ avuŋ tsar ba te di Ivǝn Neshir atei yik iyah ne kiki tetɛk anuŋkub atei na kyagu, angɔŋgɔŋ abɛ na ndum ne akaba ben abɛ tsar cɛr yi Musa atei ŋunu ne goŋ kɛ bɛr yi ntar atei na lu. 32Yesɔ ne lɛ ki yiŋɛ aglɛ rumɔ, ankyak Biturus agliu te ru kɔnsa te atsaŋu.
33Ama ndi Yesɔ ne kama tɔ abɛ tsǝne maa, atsaŋ Biturus. <<Kam tibɛ, Kituk!>> Adi. Bou yi ne kinuŋ yi Arik ba, anaga yi kiki yi aneshir.>>
34Fe azho ntsan aneshire ben abɛ tsǝn amaa te di: <<Waŋ ndi ate di wa atei zǝm abɛ kyak tu maa te baŋ kuŋkun kɛ gen maa te zǝm 35Iwaŋ ndi ate di wa atei na vli maa aŋyak ba tei yik kɛ ba, ama waŋ ndi ate kyak vli maa ne tu muŋ ne ta kɛ azhɔk. 36Ayi ki didik tayi ndi neshir atei yik adudunki iyi gɔŋmimi te suk vli maa? 37Aye anii neshir atei nǝge tǝ ta vli maa zhɔk? 38Iwaŋ ndi ate shisha yi bla lɛ muŋ ne kab keŋ ndi ne kam goŋ anem tena zumimin, Ivǝn Neshir atei te shisha maa ndi ate nyɛ ne ŋgɔŋ kɛ Tetɛɛ maa ben abɛ shar Arik abɛ yi tsetser.>>
ទើបបានជ្រើសរើសហើយ៖
MRK - NUMANA 8: NAA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria
MRK - NUMANA 8
8
Yesɔ ne yɔk aneshir azhin anas
1Nǝ bɛr yuŋɔ ntsan aneshir anuŋ ne biŋ, ba yine kinuŋ yi li ba, Yesɔ azho abɛ tsǝn maa te di, 2<<M lɔ susun kɛ aneshir baŋa; ne ka te bɛr tar bene bɛm iyaŋ kili. 3Mte di abɛ kɔmɔ ne kasa ate ku mfɔ ne ankɔŋ, anuŋ ne miŋ mǝne are amkpa gbagbaŋ.>>
4Abɛ tsǝn amaa mtanyeme, <<Nǝ zizik kǝŋe atei yik kili yi mla yɔk aneshire abaŋa yi?>>
5<<Izhin yine ambwab borodi?>> Yesɔ arib.
<<Me taŋgba,>> a tanyɛu ma.
6Yesɔ adi ntsan aneshire abɛ zisɔŋ ne mimi. Ndi ne baŋ ambwab borodi me taŋgba ma te nyɛr, ne mligǝ te nek abɛ tsǝn ama te abɛ nek aneshire, ana kɔ na mee. 7Ayi ne amwe ambɛ watsɔb fe Yesɔ abaŋǝ te nyɛr te nek abɛ tsǝn ma abɛ ta gab zhine ba. 8Aneshire ne li te hri. Ankyak abɛ tsǝn ama ne biŋ nki kili me isǝsa taŋgba ndi ne li te duŋ kime. 9Aneshir abaŋ ndi ne yi amɔ ne yar azhin anas. Fe Yesɔ adi abɛ kɔmɔ, 10Yesɔ akɔ yir miŋ gu ben abɛ tsǝne amaa te kɔmɔ na gar kɛ Dalmanuta.
11Ferisawa ne nyɛ te rib Yesɔ kiki nuŋ te bɛ tsa ru tɔ. Tǝ abɛ nek ba ngir nuŋ kɛ rɛ shu. 12Yesɔ avuŋ vli gli goŋ te di, <<Ayi nii duŋ kab kǝŋe awɔb te aba yik kiki yi vuŋ anui? Mǝ bla zhin lɛ didik, ba ngir keŋ ndi ate nek zhin.>> 13Fe Yesɔ aduŋ ba, te yir gu te glɔ kɔmɔ ne gar nuŋ.
Mbumbur atuntu yi Ferisawa ben Hiridus
14Abɛ tsǝn amaa ne ŋuro suk ne gli kili, anaga yi mbwab kili zhin yi ben abɛba ne gumɔ. 15<<Izhin bǝ te zǝ,>> Yesɔ agbaŋ ba atɔŋ. <<Izhin bǝ hria ayi te tɔ mbumbur atuntu ane Ferisawa ben ayou Hirudus.>>
16Ne lɛ kiki yiŋɛ ne akpa mɛn te di, <<Ayik ba ta yine borodi ba.>>
17Ndi ayi ne miŋ kɛ lɛ ne akpa mɛn, Yesɔ arib ba: Ayi anii duŋ zhin di borodi ka? Ba zhin yik te na zhi kai? Asusun min ne kpa kai? 18Izhin yine ayi ama ba zhin yik ba ben atɔŋ ba zhin wɔ ba? Ba zhin shuzhi kai? 19Ndi mne mlik ambwab borodi tuŋ nek aneshir azhin atuŋ, neyi sisa ben ne zhin ne vu nkime?>> adi,
<<Iwur ane yaa,>>
20<<Ndi mne mlik ambwab borodi ataŋgba m gab aneshir azhin anas, neyi sisa ben zhin ne vu nkime?>>
Mtanyeme,<<Itaŋgba.>>
21Yesɔ adi ba, <<Har azǝzaŋa ba zhin shuzhi kai?>>
Yesɔ ne na ner ne amfik ne Batseda
22Ndi ne yir Batseda, aneshir anuŋ agli iner ne amfik te nyɛ te ben Yesɔ te abɛ sagu ŋɔk 23Yesɔ ne vuŋ ŋɔk kɛ ner ne amfik ge te ru goŋ ntun. Ndi ne ruk ante ashuru ne ayi amaa te sagu ŋɔk, Yesɔ aribu,<<Uyik kinuŋ?>>
24Atɔ shu tedi, <<Myik aneshir; ama ayi ndi atiŋe akuŋkun atsǝnetsǝn.>>
25Yesɔ ana sak iner ne amfik ge ŋɔk neyi amaa. Fe abu ayi amaa, iyik maa ku kam nyak, ankyak akɔ yik kɔte nii glaŋglaŋ. 26Yesɔ adiu abɛ kɔmɔ ne kɔb, <<kǝr bǝ yir ntun nuŋ ba.>>
Ilɛ Biturus netu Yesɔ
27Yesɔ ben abɛ tsǝn amaa ne gar ntuntun yi Kaseriya Filibi. Ne akɔ arib ba, <<Aneshir adi myi ŋɔwai?>>
28Mtanyeme tedi, <<Anuŋ adi Yɔɔna ne su aneshir; anuŋ adi Iliya; anuŋ adi izhin ne miŋ abɛ na ndum Arik.>>
29Arib ba. <<Fe izhineba fa?>> <<Izhin di myi Ŋɔwai?>>
Biturus mtanyeme, <<Uyi kristi.>>
30Yesɔ ne gbaŋ ba atɔŋ kǝr abɛ duŋ bla nuŋ kinuŋ ne tu maa ba.
Yesɔ ne bla iku maa
31Fe Yesɔ avuŋ tsar ba te di Ivǝn Neshir atei yik iyah ne kiki tetɛk anuŋkub atei na kyagu, angɔŋgɔŋ abɛ na ndum ne akaba ben abɛ tsar cɛr yi Musa atei ŋunu ne goŋ kɛ bɛr yi ntar atei na lu. 32Yesɔ ne lɛ ki yiŋɛ aglɛ rumɔ, ankyak Biturus agliu te ru kɔnsa te atsaŋu.
33Ama ndi Yesɔ ne kama tɔ abɛ tsǝne maa, atsaŋ Biturus. <<Kam tibɛ, Kituk!>> Adi. Bou yi ne kinuŋ yi Arik ba, anaga yi kiki yi aneshir.>>
34Fe azho ntsan aneshire ben abɛ tsǝn amaa te di: <<Waŋ ndi ate di wa atei zǝm abɛ kyak tu maa te baŋ kuŋkun kɛ gen maa te zǝm 35Iwaŋ ndi ate di wa atei na vli maa aŋyak ba tei yik kɛ ba, ama waŋ ndi ate kyak vli maa ne tu muŋ ne ta kɛ azhɔk. 36Ayi ki didik tayi ndi neshir atei yik adudunki iyi gɔŋmimi te suk vli maa? 37Aye anii neshir atei nǝge tǝ ta vli maa zhɔk? 38Iwaŋ ndi ate shisha yi bla lɛ muŋ ne kab keŋ ndi ne kam goŋ anem tena zumimin, Ivǝn Neshir atei te shisha maa ndi ate nyɛ ne ŋgɔŋ kɛ Tetɛɛ maa ben abɛ shar Arik abɛ yi tsetser.>>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria