MRK - NUMANA 7
7
Itsin kɛ yaŋ ŋgluk ben kɛ yine ŋgluk
1Ferisawa ben abɛ tsar cɛr yi Musa ne nyɛ rɛ Urushelima te zhɔk Yesɔ ne tsutsu 2ayik abɛ tsǝn amaa azǝn li kili ne <<aŋɔk rik,>> iyaŋ ŋla. 3(Ferisawa ben Yahudawa ba li kili ba se ne ŋla aŋɔk baliŋ a gli ita iyi ŋla aŋɔk, azǝ iki na atsintsim men. 4Ate rɛ dub ba tei li kili ba se ne suu baliŋ. Ana zǝ iki na atsintsim amen, amɛ ndi aŋla kparantse, kǝkɛn ben mkpalin.)
5Fe Ferisawa ben abɛ tsar yi Musa arib Yesɔ te di, <<Ayi anii duŋ abɛ tsǝn ami ba ŋla aŋɔk ir keŋ ndi atsintsim amɔr ne na ka te li kili ne aŋɔk rik?>>
6Yesɔ asak bama tedi, <<Ishaya ne bla lɛ didik ne atu amin izhin abɛ na yik ayi ndi ne cɛr:
<<<Aner abaŋa a nǝm ŋgɔŋ muŋ ne bɛrenu,
Ama asusun amen ayi shaan ben abɛm.
7Anaga zǝm isha;
Itsar mǝne iyi bla aneshir.>
8Izhin ne duŋ lɛ kɛ Arik te zǝ ilɛ kɛ atsintsim amin abɛ kukub.>>
9Ankyak Yesɔ adi ba: <<Izhin wɔb ankɔŋ ane tyak lɛ kɛ Arik zhɔk te izhin bǝ zǝ ki yi na atsintsim amin! 10Musa ne di, <Nǝk tetɛɛ mi ben iyah mi ŋgɔŋ> te, <waŋ ndi ate yen tetɛɛ maa ben iyah maa tuk abɛ ŋunu.> 11Ama izhineba di ineshir te di Tetɛɛ maa ben iyah maa: <iki yiŋ ndi atei nek atetɛ atei nek Arik neyi> (Iki yiŋ ndi mne ndi M tei nek zhin, mne kam baŋǝ nek Arik), 12fe ba zhin te na duŋu ana tetɛɛ maa ben yaa maa ki nuŋ ba. 13Neme wa izhin yik lɛ kɛ Arik iyi kisha ne kiki iyi na min kukub. Izhin na kiki yiŋɛ amɛ.>>
14Ankyak Yesɔ azho ntsan aneshire te di, <<Wɔ me zhin, kɔ te ŋɔwa, abɛ zhi yiŋɛ. 15Bai ki yiŋ ndi yir ne kpa kɛ neshir yi <cogu ala ba.> Ayi iki yiŋ ndi ne rurɛ anu amaa yi <cogu ala.>>> 16Iwaŋ ndi ayi ne atɔŋ ayi wɔ, abɛ wɔ.
17Ndi ne duŋ ntsan aneshire te yir kɔb, abɛ tsǝn amaa a rib bu lɛ kɛ lɛ kuŋkum maa. 18A rib. <<Ba zhin ne zhi ka?>> <<Izhin yik iki yiŋ ndi iyir anu akɛ neshir iyi <cogu ala kai>? 19Bane yir susun maa ba ne yir imiŋ ne maa, ite na ru ne kpa maa.>> (Nǝ di yiŋɛ, Yesɔ ne di kɔ di kili tayi iyi tsetser.>>)
20Yesɔ adi: <<Ki yiŋ ndi irurɛ kpa kɛ neshir iyi <cogu ala.> 21Te ne miŋ, ne susun kɛ aneshir, kiki mimin ru remɛ, amɛ ndi zǝ amba, zhib, ŋlɔk aneshir, 22kur ben alulum ben amba, te abubu, zumimiŋ, nyɛr tu, kam gli, ankiŋki, ilɛ mumur, lɛk tu, ben na kpukpur. 23Kiki mimin yiŋɛ bɔbɔk irurɛ miŋ susun te cɔk neshir <la.>>>
Itanyɛme iyi iwa ane Basurofinikiya
24Yesɔ ne duŋ amkpama te kɔmɔ ne gar kɛ Taya ne yir min kɔb bane tanyɛme te aneshir abɛ zhi ba; ne me bane zhi iyi ben iru maa ba. 25Ilɛ didik, ndi iwa ma ne wɔ lɛ kɛ Yesɔ, iwa waŋ ndi va maa vǝtsɔb ayi ne anerime anyɛ zhaku ne aza maa. 26Iwama ayi vǝŋɔ ne Helɛnawa, nga kɛ Siriya Basurofinikiya. Aben Yesɔ tedi abɛ Gli anerime rumɔ ne kpa kɛ va maa.
27Yesɔ ablau, <<Duŋ amumun abɛ li baliŋ,>> <<ba ne rɛ te bɛ baŋ kili yi amumun anǝk ane vǝu ba.>>
28<<Iyi amɛ, Ŋgɔŋ,>> Yesɔ mtanyeme, <<ama ane vǝu abaŋ ndi akur ne angus mben yi sak la ali nki kili yi amumun iyi var hrie.>>
29Fe Yesɔ ablau, <<Nǝ tanyɛme yiŋɛ, kɔmɔ, anerime ne ka ru ne kpa kɛ va mi.>>
30Ne kɔmɔ te kɔte yik va maa akɔ kurna, anerime ne ka ru.
Yesɔ ne na ner nǝ yaŋ wɔ lɛ bǝn ne ku ntam
31Fe Yesɔ ne duŋ Taya te zǝ Sidon, te kɔmɔ ne nek ne Galili ne gar kɛ Dikafoli. 32Aneshire anuŋ ne Gli ner ne yaŋ wɔ lɛ ben ne ku ntam, te benu te bǝ sagu ŋɔk ne kpa maa.
33Ndi Yesɔ ne baŋu te ru kɔnsa, te nab muno ŋɔk maa a sak ne tɔŋ maa. Ne shur ante te sak ŋɔk ne lilɛn maa. 34Yesɔ ne tɔ shu te zhɔk susun te diu, <<Ifata!>> (Watɔ, <<Bu!>>). 35Nǝ mee, atɔŋ yi neshire abu, lilɛn maa nab te vuŋ lɛ anenen.
36Yesɔ adiu kǝr abɛ duŋ bla nuŋ ba. Ama ndi zen bla amɛ, aneshir zen bla ki yi na maa shak amkpa. 37Aneshir ne yik ki yi vuŋ anu gar kam ankɔŋɔ. <<Ne na kiki bɔbɔk anenen,>> anere adi. <<Yesɔ ne duŋ abɛba ben abɛ amfik atɔŋ a wɔ lɛ.>>
ទើបបានជ្រើសរើសហើយ៖
MRK - NUMANA 7: NAA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria
MRK - NUMANA 7
7
Itsin kɛ yaŋ ŋgluk ben kɛ yine ŋgluk
1Ferisawa ben abɛ tsar cɛr yi Musa ne nyɛ rɛ Urushelima te zhɔk Yesɔ ne tsutsu 2ayik abɛ tsǝn amaa azǝn li kili ne <<aŋɔk rik,>> iyaŋ ŋla. 3(Ferisawa ben Yahudawa ba li kili ba se ne ŋla aŋɔk baliŋ a gli ita iyi ŋla aŋɔk, azǝ iki na atsintsim men. 4Ate rɛ dub ba tei li kili ba se ne suu baliŋ. Ana zǝ iki na atsintsim amen, amɛ ndi aŋla kparantse, kǝkɛn ben mkpalin.)
5Fe Ferisawa ben abɛ tsar yi Musa arib Yesɔ te di, <<Ayi anii duŋ abɛ tsǝn ami ba ŋla aŋɔk ir keŋ ndi atsintsim amɔr ne na ka te li kili ne aŋɔk rik?>>
6Yesɔ asak bama tedi, <<Ishaya ne bla lɛ didik ne atu amin izhin abɛ na yik ayi ndi ne cɛr:
<<<Aner abaŋa a nǝm ŋgɔŋ muŋ ne bɛrenu,
Ama asusun amen ayi shaan ben abɛm.
7Anaga zǝm isha;
Itsar mǝne iyi bla aneshir.>
8Izhin ne duŋ lɛ kɛ Arik te zǝ ilɛ kɛ atsintsim amin abɛ kukub.>>
9Ankyak Yesɔ adi ba: <<Izhin wɔb ankɔŋ ane tyak lɛ kɛ Arik zhɔk te izhin bǝ zǝ ki yi na atsintsim amin! 10Musa ne di, <Nǝk tetɛɛ mi ben iyah mi ŋgɔŋ> te, <waŋ ndi ate yen tetɛɛ maa ben iyah maa tuk abɛ ŋunu.> 11Ama izhineba di ineshir te di Tetɛɛ maa ben iyah maa: <iki yiŋ ndi atei nek atetɛ atei nek Arik neyi> (Iki yiŋ ndi mne ndi M tei nek zhin, mne kam baŋǝ nek Arik), 12fe ba zhin te na duŋu ana tetɛɛ maa ben yaa maa ki nuŋ ba. 13Neme wa izhin yik lɛ kɛ Arik iyi kisha ne kiki iyi na min kukub. Izhin na kiki yiŋɛ amɛ.>>
14Ankyak Yesɔ azho ntsan aneshire te di, <<Wɔ me zhin, kɔ te ŋɔwa, abɛ zhi yiŋɛ. 15Bai ki yiŋ ndi yir ne kpa kɛ neshir yi <cogu ala ba.> Ayi iki yiŋ ndi ne rurɛ anu amaa yi <cogu ala.>>> 16Iwaŋ ndi ayi ne atɔŋ ayi wɔ, abɛ wɔ.
17Ndi ne duŋ ntsan aneshire te yir kɔb, abɛ tsǝn amaa a rib bu lɛ kɛ lɛ kuŋkum maa. 18A rib. <<Ba zhin ne zhi ka?>> <<Izhin yik iki yiŋ ndi iyir anu akɛ neshir iyi <cogu ala kai>? 19Bane yir susun maa ba ne yir imiŋ ne maa, ite na ru ne kpa maa.>> (Nǝ di yiŋɛ, Yesɔ ne di kɔ di kili tayi iyi tsetser.>>)
20Yesɔ adi: <<Ki yiŋ ndi irurɛ kpa kɛ neshir iyi <cogu ala.> 21Te ne miŋ, ne susun kɛ aneshir, kiki mimin ru remɛ, amɛ ndi zǝ amba, zhib, ŋlɔk aneshir, 22kur ben alulum ben amba, te abubu, zumimiŋ, nyɛr tu, kam gli, ankiŋki, ilɛ mumur, lɛk tu, ben na kpukpur. 23Kiki mimin yiŋɛ bɔbɔk irurɛ miŋ susun te cɔk neshir <la.>>>
Itanyɛme iyi iwa ane Basurofinikiya
24Yesɔ ne duŋ amkpama te kɔmɔ ne gar kɛ Taya ne yir min kɔb bane tanyɛme te aneshir abɛ zhi ba; ne me bane zhi iyi ben iru maa ba. 25Ilɛ didik, ndi iwa ma ne wɔ lɛ kɛ Yesɔ, iwa waŋ ndi va maa vǝtsɔb ayi ne anerime anyɛ zhaku ne aza maa. 26Iwama ayi vǝŋɔ ne Helɛnawa, nga kɛ Siriya Basurofinikiya. Aben Yesɔ tedi abɛ Gli anerime rumɔ ne kpa kɛ va maa.
27Yesɔ ablau, <<Duŋ amumun abɛ li baliŋ,>> <<ba ne rɛ te bɛ baŋ kili yi amumun anǝk ane vǝu ba.>>
28<<Iyi amɛ, Ŋgɔŋ,>> Yesɔ mtanyeme, <<ama ane vǝu abaŋ ndi akur ne angus mben yi sak la ali nki kili yi amumun iyi var hrie.>>
29Fe Yesɔ ablau, <<Nǝ tanyɛme yiŋɛ, kɔmɔ, anerime ne ka ru ne kpa kɛ va mi.>>
30Ne kɔmɔ te kɔte yik va maa akɔ kurna, anerime ne ka ru.
Yesɔ ne na ner nǝ yaŋ wɔ lɛ bǝn ne ku ntam
31Fe Yesɔ ne duŋ Taya te zǝ Sidon, te kɔmɔ ne nek ne Galili ne gar kɛ Dikafoli. 32Aneshire anuŋ ne Gli ner ne yaŋ wɔ lɛ ben ne ku ntam, te benu te bǝ sagu ŋɔk ne kpa maa.
33Ndi Yesɔ ne baŋu te ru kɔnsa, te nab muno ŋɔk maa a sak ne tɔŋ maa. Ne shur ante te sak ŋɔk ne lilɛn maa. 34Yesɔ ne tɔ shu te zhɔk susun te diu, <<Ifata!>> (Watɔ, <<Bu!>>). 35Nǝ mee, atɔŋ yi neshire abu, lilɛn maa nab te vuŋ lɛ anenen.
36Yesɔ adiu kǝr abɛ duŋ bla nuŋ ba. Ama ndi zen bla amɛ, aneshir zen bla ki yi na maa shak amkpa. 37Aneshir ne yik ki yi vuŋ anu gar kam ankɔŋɔ. <<Ne na kiki bɔbɔk anenen,>> anere adi. <<Yesɔ ne duŋ abɛba ben abɛ amfik atɔŋ a wɔ lɛ.>>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria