MRK - NUMANA 6
6
Nǝ bla shar Arik ndi ba yik tɔ shak ayi ne itun maa ba
1Yesɔ ne duŋ amɔ te kɔmɔ ne ntun maa, abɛ zeu tsǝn ne ku goŋ 2Ndi bɛr sɔŋ sik ne nyɛ, Yesɔ ne tsar ba ne akabaŋkɔŋ, aneshir tetɛk ndi ne wɔu ne vuŋ anu. Arib te di,
<<Iner waŋa ne yik kiki yiŋɛ neme? Nǝ yik Mgbemgbeb kǝŋe ne mee? ndi azǝn na kiki yi vuŋ anu! 3Ba waŋa ayi izu ne kpaŋ ki kai? Ba wa ayi zu Meryamu ben izumen ane Yakubu, Yusuu, Yahuda ben Siman kai? Ba ye amunvamene ayi ben abɛta kai?>> Fe akɔ baŋ afuk bene bau.
4Yesɔ di ba,<<Anǝk ne shar ayou Arik ŋgon maa kɔte me anaga ayi ne ntun maa, ben aneshir amaa ben kɔb maa kɛ ba nǝgu ŋgon ba.>> 5Ba ne na kinuŋ yi vuŋ anu amɔ ba, ne anaga sak aneshir abɛ lɔ aŋɔk te duŋ ba arɛ. 6Yesɔ ne vuŋ anu ne yaŋ tanyɛme mǝne.
Yesɔ ne shar abɛ zeu na ndum awur ane yaa.
Ankyak Yesɔ azǝ ntuntun te zen tsar. 7Azho awur ne yaa, te shar ba aya yaa te nek ba mgbyamgbyaŋ ne tu anerim.
8Waŋa ayi lɛ kɛ nek maa: <<Kǝr zhin bǝ baŋ ki nuŋ Gli ne tsǝn min ba, nak Gli zhin mkpɔk ki kɛ tsǝn, kǝr zhin bǝ Gli kili ba, ben mgbɔ, ben azɔb ne kpamin. 9Abɛ su akpaza kǝr abɛ gli kiki yi su ba. 10Izhin te yir kɔb nuŋ, izhin bǝ sɔŋ amɔ se mkpaŋ keŋ ndi zhin ne duŋ ntuno. 11Itun yiŋ ndi ba te ta zhin te wɔ zhin ba, izhin bǝ klu mgbumgbuk yi aza min shur ndi zhin te ru, te bǝ yi ba ki yi shu zhi ne atu amen.
12Ne ru te zen du lɛ kɛ Arik te aneshir abɛ duŋ zumimin men 13Ne Gli anerim tetɛk agli arumɔ te shur aneshir tetɛk anyɛ te ne rɛ.
Iku kɛ Yɔɔna ne su aneshir
14Itum Hirudus ne wɔ ki yiŋɛ, isak kɛ Yesɔ ne zhi kɛ ŋgɔŋ. Anuŋ adi, <<Yɔɔna ne su aneshir ne ru ne bɛ, waŋa yi ki yiŋ ndi kiki yi vuŋ anu zen na.>>
15Anuŋ adi, <<Ayi Iliya.>>
Anuŋ adi <<Ayi ne bla shar yi Arik, ne min kɛ abɛ bla lɛ kɛ Arik kukub.>> 16Fe ndi Hirudus ne wɔ mee, adi, <<Yɔɔna, waŋ ndi mne duŋ akyaŋ tu maa, ayi wa ne lu ne bɛ!>>
17Hirudus ne tu maa ne nek anu te di abɛ vuŋ Yɔɔna, te wa abɛ kpau te ku ne jaru. Ne na me ne tu yi Hirudiya, iwa zumen Filibus waŋ ndi ne tau. 18Yɔɔna ne mǝne bla Hirudus te di,<< Bane rɛ te abɛ ta Iwa zumen ba.>> 19Fe hirudiya azǝn Gli Yɔɔna ne susun te wɔb ankɔŋ ane ŋunu. Ama bane yik ankɔŋɔ ba, 20te Hirudus aklu sisik Yɔɔna te zen kamu zǝk, ne zhi ayi ner ne klu sisik Arik te na yi ner tsetser. Ndi Hirudus ne wɔ lɛ kɛ Yɔɔna ayi ne mɔ, susun maa ne cɔk la; neme ne wɔb te wa abɛ wɔu.
21Ndi mkpaŋ ne te. Iber yi ŋli maa ne kam nyɛ Hiridus ne naa atum angɔŋgɔŋ ben amɔtsɔtsɔb ben angɔŋgɔŋ aneshir abɛ Galili igyaŋ. 22Ndi va Hirudiya ne yir te glu, ne duŋ susun kɛ Hirudus ben angɔŋgɔŋ aneshir anyɛr.
Itum adi vǝnwama, <<Ben me iki yiŋ ndi uwɔbǝ, M tei nǝgu neyi.>> 23Anegu anu te sherim, <<Iki yiŋ ndi utǝ wɔ bǝ me tei nǝgu yi kɔ ate yi ndi ayi ŋa ntun kɛ Gli muŋ.>>
24Vǝvǝn iwa ma aru te di yaa maa, <<Mǝ ben anii?>>
Atanyeu ma te di,<<Itu kɛ Yɔɔna ne su aneshir.>>
25Aŋur akam andanda ate yik itum te di: <<Mǝ wɔb te ubǝ nǝm itu Yɔɔna ne su aneshir ne miŋ agbǝgba.>>
26Susun kɛ tum ne cokla, ama arim ayiŋ ndi ne shei bǝn angɔŋgɔŋ abɛ gyaŋ maa bane tanyɛmɛ te wa abɛ yazhiu ma ba. 27Andanda akɔ shar ne blɛu tedi abɛ kɔte gli itu kɛ Yɔɔna agli nyɛmɛ. Ineshire akɔ kɔmɔ, te kɔte kyaŋ tu Yɔɔna ne jaru, 28akɔte gli tu kɛ Yɔɔna te nyɛ ne agbǝgba. Itum ata kɛ anǝk va maa, ivǝnwa ma ata kɛ anǝk iya maa. 29Ndi abɛ zǝ Yɔɔna na ndum ne wɔ mee, anyɛ baŋ ikum maa akɔte ru ne amkpa ane ru akum.
Yesɔ ne yɔk aneshir azhin atuŋ
30Abɛ zǝ Yesɔ na ndum ne ŋur akam aya yaa te nyɛ kamu azǝk ne tsutsu te blau ki yiŋ ndi aba nenai ben yiŋ ndi aba ne tsarǝ 31Fe, aneshir tetɛk azǝn nyɛ te kɔmɔ ba yik mkpaŋ kɛ li ki li ba,Yesɔ adi ba, <<Nyɛ zhin bene bɛm ne tu min ne amkpa ane yaŋ ya atɔŋ ne zizik te sɔŋ sik zhin.>>
32Ankyak akɔ te yir gu ne tu men te kɔmɔ ne amkpa awaŋ ndi aneshir ba yime ba. 33Ama aneshir tetɛk ndi ayik ba zhi aneshir aklu ne za a rɛ ntuntun te ku ba ti. 34Ndi Yesɔ ne yir te yik ntsan aneshir, ne wɔ lɔ susun mǝne, ayi ndi awanta abaŋ ndi ba yi ne iner ne kyu ba ba. Fe akɔ vuŋ tsar ba ikiki tetɛk.
35Nǝ mkpaŋa arik neka ku, fe abɛ azeu tsǝn ne anyɛ bene bɔu. <<Amkpa waŋa ayi zizik, arik ne ka ku. 36Duŋ aneshir akɔmɔ te gar ntuntun iyi gbahir te yir miŋ ntun te lɛb atu amen kili.>>
37Ama a tanyɛme te di, <<Nek zhine ba kili.>>
Adiu te di, <<Iyiŋ ndi atei ŋun azɔb ayi mla ya neshir ne na ndum ndi tei yi ihwa tender! Te ta bǝ ŋlɔk azɔb ne ki li te nek ba ta li?>>
38Yesɔ arib <<Ambwab borodi aben ayi ben abɛ zhin?>> <<kɔte tɔ zhin>>
Ndi ne kɔte tɔ, adi, <<Ambwab borodi atuŋ ben ambɛ ayaa.>>
39Fe Yesɔ adi ba abɛ duŋ aneshir bɔbɔk abɛ zǝ sɔŋ ntsetsen ne agǝga ashushu. 40Ankyak ne sɔŋ ntsǝtsen anuŋ amkplik azhi zhiin anuŋ sɔk tutuŋ 41A baŋ ambwab borodi atuŋ ben ambɛ yaa te lɛge agli tɔ shu, te nyɛr Arik te muŋ mbwab borodime. Fe te nek abɛ zeu tsin ne ti kɛ aneshir. Yesɔ ne gab ba ambɛ amɛ ayaa ma bɔbɔk. 42Ne li bɔbɔk mǝne te hri, 43ankyak abɛ tsin amaa ne vu isǝsa amɛ wur ane yaa te vu nki borodi ben ambɛ me. 44Idu alulum abaŋ ndi ne li kili me ne yi azhin atuŋ.
Yesɔ ne tsǝn ne atu amashir
45Andanda Yesɔ ne duŋ abɛ tsǝn amaa ayir gu te kuti akɔmɔ ne Batseda, teshe duŋ aneshir a kɔmɔ. 46Ndi Yesɔ ne duŋ ba, ne yuŋ tu gbu te ben Arik.
47Ndi amgbalu neka te, igumɔ iyi ne atsutsu nek, Yesɔ ayi ne tu gbu iwa kiki maa. 48Yesɔ ayik abɛ tsǝn amaa azǝn yik iyah ne den gumɔ, nguŋgu zen te zor ben abɛba. Nǝ agbak atuk nyɛ ŋan bɛr Yesɔ aru te gar ben abɛba. Nǝ na ndi atei gayir te duŋ ba, 49ama ndi ne yik Yesɔ ne tsǝtsen ne amashir, ayik te di ayi ner ne ku ru akɔ zhɔk tsaŋ, 50bɔbɔk mǝne ne yigu sǝsǝk ne te ba.
Anama lɛ bene abɛba te di, <<Vuŋ zhin susun! Ayi Nga. Duŋ te zhin sǝsǝk ba.>> 51Fe Yesɔ akɔ yir miŋ gu ben abɛba, ngugumɔ iku zǝ kur. Bɔbɔk mǝne ne vuŋ anu, 52bane zhi kiki yi mbwab borodi ba; asusun amene ne kpa ate amimin.
53Ndi ne glɔ, ne yir Jenisara te kpa gumɔ aŋyak ne kɔtɔŋ nek. 54Nak ru men ne gumɔ, aneshir akɔ tɔ Yesɔ azhi. 55Ne klu zǝ ntuntun, te zen vu aner abɛ lɔ ne atakpa amen te gar amkpa waŋ ndi ate wɔ Yesɔ ayime. 56Ankyak amkpa awaŋ ndi ate garu, ne miŋ ntun, ben tun vǝtsɔb aneshir avu abɛ lɔ azeshur ne amkpa ne li dub. Te zen benu abɛ duŋ ba asak aŋɔk ne ŋa klu maa, abaŋ ndi sagu aŋɔk ne rɛ.
ទើបបានជ្រើសរើសហើយ៖
MRK - NUMANA 6: NAA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria
MRK - NUMANA 6
6
Nǝ bla shar Arik ndi ba yik tɔ shak ayi ne itun maa ba
1Yesɔ ne duŋ amɔ te kɔmɔ ne ntun maa, abɛ zeu tsǝn ne ku goŋ 2Ndi bɛr sɔŋ sik ne nyɛ, Yesɔ ne tsar ba ne akabaŋkɔŋ, aneshir tetɛk ndi ne wɔu ne vuŋ anu. Arib te di,
<<Iner waŋa ne yik kiki yiŋɛ neme? Nǝ yik Mgbemgbeb kǝŋe ne mee? ndi azǝn na kiki yi vuŋ anu! 3Ba waŋa ayi izu ne kpaŋ ki kai? Ba wa ayi zu Meryamu ben izumen ane Yakubu, Yusuu, Yahuda ben Siman kai? Ba ye amunvamene ayi ben abɛta kai?>> Fe akɔ baŋ afuk bene bau.
4Yesɔ di ba,<<Anǝk ne shar ayou Arik ŋgon maa kɔte me anaga ayi ne ntun maa, ben aneshir amaa ben kɔb maa kɛ ba nǝgu ŋgon ba.>> 5Ba ne na kinuŋ yi vuŋ anu amɔ ba, ne anaga sak aneshir abɛ lɔ aŋɔk te duŋ ba arɛ. 6Yesɔ ne vuŋ anu ne yaŋ tanyɛme mǝne.
Yesɔ ne shar abɛ zeu na ndum awur ane yaa.
Ankyak Yesɔ azǝ ntuntun te zen tsar. 7Azho awur ne yaa, te shar ba aya yaa te nek ba mgbyamgbyaŋ ne tu anerim.
8Waŋa ayi lɛ kɛ nek maa: <<Kǝr zhin bǝ baŋ ki nuŋ Gli ne tsǝn min ba, nak Gli zhin mkpɔk ki kɛ tsǝn, kǝr zhin bǝ Gli kili ba, ben mgbɔ, ben azɔb ne kpamin. 9Abɛ su akpaza kǝr abɛ gli kiki yi su ba. 10Izhin te yir kɔb nuŋ, izhin bǝ sɔŋ amɔ se mkpaŋ keŋ ndi zhin ne duŋ ntuno. 11Itun yiŋ ndi ba te ta zhin te wɔ zhin ba, izhin bǝ klu mgbumgbuk yi aza min shur ndi zhin te ru, te bǝ yi ba ki yi shu zhi ne atu amen.
12Ne ru te zen du lɛ kɛ Arik te aneshir abɛ duŋ zumimin men 13Ne Gli anerim tetɛk agli arumɔ te shur aneshir tetɛk anyɛ te ne rɛ.
Iku kɛ Yɔɔna ne su aneshir
14Itum Hirudus ne wɔ ki yiŋɛ, isak kɛ Yesɔ ne zhi kɛ ŋgɔŋ. Anuŋ adi, <<Yɔɔna ne su aneshir ne ru ne bɛ, waŋa yi ki yiŋ ndi kiki yi vuŋ anu zen na.>>
15Anuŋ adi, <<Ayi Iliya.>>
Anuŋ adi <<Ayi ne bla shar yi Arik, ne min kɛ abɛ bla lɛ kɛ Arik kukub.>> 16Fe ndi Hirudus ne wɔ mee, adi, <<Yɔɔna, waŋ ndi mne duŋ akyaŋ tu maa, ayi wa ne lu ne bɛ!>>
17Hirudus ne tu maa ne nek anu te di abɛ vuŋ Yɔɔna, te wa abɛ kpau te ku ne jaru. Ne na me ne tu yi Hirudiya, iwa zumen Filibus waŋ ndi ne tau. 18Yɔɔna ne mǝne bla Hirudus te di,<< Bane rɛ te abɛ ta Iwa zumen ba.>> 19Fe hirudiya azǝn Gli Yɔɔna ne susun te wɔb ankɔŋ ane ŋunu. Ama bane yik ankɔŋɔ ba, 20te Hirudus aklu sisik Yɔɔna te zen kamu zǝk, ne zhi ayi ner ne klu sisik Arik te na yi ner tsetser. Ndi Hirudus ne wɔ lɛ kɛ Yɔɔna ayi ne mɔ, susun maa ne cɔk la; neme ne wɔb te wa abɛ wɔu.
21Ndi mkpaŋ ne te. Iber yi ŋli maa ne kam nyɛ Hiridus ne naa atum angɔŋgɔŋ ben amɔtsɔtsɔb ben angɔŋgɔŋ aneshir abɛ Galili igyaŋ. 22Ndi va Hirudiya ne yir te glu, ne duŋ susun kɛ Hirudus ben angɔŋgɔŋ aneshir anyɛr.
Itum adi vǝnwama, <<Ben me iki yiŋ ndi uwɔbǝ, M tei nǝgu neyi.>> 23Anegu anu te sherim, <<Iki yiŋ ndi utǝ wɔ bǝ me tei nǝgu yi kɔ ate yi ndi ayi ŋa ntun kɛ Gli muŋ.>>
24Vǝvǝn iwa ma aru te di yaa maa, <<Mǝ ben anii?>>
Atanyeu ma te di,<<Itu kɛ Yɔɔna ne su aneshir.>>
25Aŋur akam andanda ate yik itum te di: <<Mǝ wɔb te ubǝ nǝm itu Yɔɔna ne su aneshir ne miŋ agbǝgba.>>
26Susun kɛ tum ne cokla, ama arim ayiŋ ndi ne shei bǝn angɔŋgɔŋ abɛ gyaŋ maa bane tanyɛmɛ te wa abɛ yazhiu ma ba. 27Andanda akɔ shar ne blɛu tedi abɛ kɔte gli itu kɛ Yɔɔna agli nyɛmɛ. Ineshire akɔ kɔmɔ, te kɔte kyaŋ tu Yɔɔna ne jaru, 28akɔte gli tu kɛ Yɔɔna te nyɛ ne agbǝgba. Itum ata kɛ anǝk va maa, ivǝnwa ma ata kɛ anǝk iya maa. 29Ndi abɛ zǝ Yɔɔna na ndum ne wɔ mee, anyɛ baŋ ikum maa akɔte ru ne amkpa ane ru akum.
Yesɔ ne yɔk aneshir azhin atuŋ
30Abɛ zǝ Yesɔ na ndum ne ŋur akam aya yaa te nyɛ kamu azǝk ne tsutsu te blau ki yiŋ ndi aba nenai ben yiŋ ndi aba ne tsarǝ 31Fe, aneshir tetɛk azǝn nyɛ te kɔmɔ ba yik mkpaŋ kɛ li ki li ba,Yesɔ adi ba, <<Nyɛ zhin bene bɛm ne tu min ne amkpa ane yaŋ ya atɔŋ ne zizik te sɔŋ sik zhin.>>
32Ankyak akɔ te yir gu ne tu men te kɔmɔ ne amkpa awaŋ ndi aneshir ba yime ba. 33Ama aneshir tetɛk ndi ayik ba zhi aneshir aklu ne za a rɛ ntuntun te ku ba ti. 34Ndi Yesɔ ne yir te yik ntsan aneshir, ne wɔ lɔ susun mǝne, ayi ndi awanta abaŋ ndi ba yi ne iner ne kyu ba ba. Fe akɔ vuŋ tsar ba ikiki tetɛk.
35Nǝ mkpaŋa arik neka ku, fe abɛ azeu tsǝn ne anyɛ bene bɔu. <<Amkpa waŋa ayi zizik, arik ne ka ku. 36Duŋ aneshir akɔmɔ te gar ntuntun iyi gbahir te yir miŋ ntun te lɛb atu amen kili.>>
37Ama a tanyɛme te di, <<Nek zhine ba kili.>>
Adiu te di, <<Iyiŋ ndi atei ŋun azɔb ayi mla ya neshir ne na ndum ndi tei yi ihwa tender! Te ta bǝ ŋlɔk azɔb ne ki li te nek ba ta li?>>
38Yesɔ arib <<Ambwab borodi aben ayi ben abɛ zhin?>> <<kɔte tɔ zhin>>
Ndi ne kɔte tɔ, adi, <<Ambwab borodi atuŋ ben ambɛ ayaa.>>
39Fe Yesɔ adi ba abɛ duŋ aneshir bɔbɔk abɛ zǝ sɔŋ ntsetsen ne agǝga ashushu. 40Ankyak ne sɔŋ ntsǝtsen anuŋ amkplik azhi zhiin anuŋ sɔk tutuŋ 41A baŋ ambwab borodi atuŋ ben ambɛ yaa te lɛge agli tɔ shu, te nyɛr Arik te muŋ mbwab borodime. Fe te nek abɛ zeu tsin ne ti kɛ aneshir. Yesɔ ne gab ba ambɛ amɛ ayaa ma bɔbɔk. 42Ne li bɔbɔk mǝne te hri, 43ankyak abɛ tsin amaa ne vu isǝsa amɛ wur ane yaa te vu nki borodi ben ambɛ me. 44Idu alulum abaŋ ndi ne li kili me ne yi azhin atuŋ.
Yesɔ ne tsǝn ne atu amashir
45Andanda Yesɔ ne duŋ abɛ tsǝn amaa ayir gu te kuti akɔmɔ ne Batseda, teshe duŋ aneshir a kɔmɔ. 46Ndi Yesɔ ne duŋ ba, ne yuŋ tu gbu te ben Arik.
47Ndi amgbalu neka te, igumɔ iyi ne atsutsu nek, Yesɔ ayi ne tu gbu iwa kiki maa. 48Yesɔ ayik abɛ tsǝn amaa azǝn yik iyah ne den gumɔ, nguŋgu zen te zor ben abɛba. Nǝ agbak atuk nyɛ ŋan bɛr Yesɔ aru te gar ben abɛba. Nǝ na ndi atei gayir te duŋ ba, 49ama ndi ne yik Yesɔ ne tsǝtsen ne amashir, ayik te di ayi ner ne ku ru akɔ zhɔk tsaŋ, 50bɔbɔk mǝne ne yigu sǝsǝk ne te ba.
Anama lɛ bene abɛba te di, <<Vuŋ zhin susun! Ayi Nga. Duŋ te zhin sǝsǝk ba.>> 51Fe Yesɔ akɔ yir miŋ gu ben abɛba, ngugumɔ iku zǝ kur. Bɔbɔk mǝne ne vuŋ anu, 52bane zhi kiki yi mbwab borodi ba; asusun amene ne kpa ate amimin.
53Ndi ne glɔ, ne yir Jenisara te kpa gumɔ aŋyak ne kɔtɔŋ nek. 54Nak ru men ne gumɔ, aneshir akɔ tɔ Yesɔ azhi. 55Ne klu zǝ ntuntun, te zen vu aner abɛ lɔ ne atakpa amen te gar amkpa waŋ ndi ate wɔ Yesɔ ayime. 56Ankyak amkpa awaŋ ndi ate garu, ne miŋ ntun, ben tun vǝtsɔb aneshir avu abɛ lɔ azeshur ne amkpa ne li dub. Te zen benu abɛ duŋ ba asak aŋɔk ne ŋa klu maa, abaŋ ndi sagu aŋɔk ne rɛ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria