MRK - NUMANA 5
5
Yesɔ ne na ner ne yi ne anerim
1Yesɔ ben abɛ zeu tsin ne glɔ goŋ nek ne Galili te gar igar kɛ Garisinawa. 2Ndi Yesɔ ne ru ne miŋ gumɔ iner nuŋ ndi ayi ne anerim aru rɛ amkpa ane ru aneshir te anyɛ yigu. 3Iner waŋa akur ne amkpa ne ru aneshir, inuŋ ba mla te abɛ kpau ne tsǝtsaŋ ba. 4Nak men rɛ kukub akpau ne tsǝtsaŋ aŋɔk ben aza ama ana gbur atsǝtsaŋa akluk inuŋ ba yi ne mgbyamgbyaŋ kɛ vuŋu gli ba. 5Ibu bǝn aririk ne amkpa ne ru aneshir bǝn atu mkpaŋ a ŋarzhin te vu mkpaŋ aŋar kpa maa.
6Ndi ne yik Yesɔ gbagbaŋ, alu klu te tar agbarum ne ti maa. 7Inere aŋar kɔr te di, <<Uwɔb anii bene bɛm, Yesɔ, Izu Arik Ŋgɔŋ me biŋu ben Arik duŋ sak me iyah ba!>> 8Te Yesɔ ne adiu te di, <<ru ne kpa kɛ ner waŋa wa irim!>>
9Fe Yesɔ aribu te di, <<azhɔu te ŋɔ?>>
Adi, <<Azhɔm tǝ idu, watɔ tetɛk, tǝ ta yine du.>> 10Ankyak aben Yesɔ tena benu kǝr abɛ gli ba aru ne amkpa waŋa ba.
11Ayok ntsan ane gluk abɛ kɔb tetɛk ne kɔn tiŋ gbu. 12Ankyak anerime aben Yesɔ te di, <<shur ta ne miŋ ane gluk abɛ kɔb abaŋa te duŋ ta bǝ yir miŋ mǝne.>> 13Fe aduŋ ba aru, ankyak anerime akɔ ru te yir miŋ ane gluk abɛ kɔbɔ. Idu mǝne iyi azhin ayaa, ne ru ahrie ne miŋ nek ŋgɔŋ te mli amashir.
14Abaŋ ndi a yɔk ane gluk abɛ kɔbɔ aklu te kɔte bla aneshir ne miŋ ntun ŋgɔŋ ben ntuntun mwɔtsɔtsɔb, ankyak aneshir akɔ ru te kɔte tɔ iki yiŋ ndi Yesɔ ne nai. 15Ndi ne nyɛ ben Yesɔ, ne yik iner waŋ ndi anerim tetɛk ne yir kpa maa, akɔ sɔŋ ne su iki ne kpa maa alambur tu amaa ayi ben abɔu sǝsǝk ku vuŋ ba. 16Abaŋ ndi ne yik ne ayi men ne bla ki yiŋ ndi ne vuŋ waŋ ndi anerim tetɛk ne yir kpa maa ben ki yiŋ ndi ne vuŋ ane gluk abɛ kɔbɔ. 17Fe aneshire akɔ ben Yesɔ abɛ duŋ gar mǝne.
18Ndi Yesɔ ayi ne miŋ kɛ yir igu, iner waŋ ndi ane yi ne anerime aben te wa abɛ zeu. 19Yesɔ bane tanyɛme ba, ama diu, <<kɔmɔ te bla aner abɛ kɔmin ki yiŋ ndi Arik Ŋgɔŋ ne nau aneyi ben ir keŋ ndi ne lɔ susun mi.>> 20Fe neshire akɔ ŋur akam akɔmɔ te zen bla ba ne Dikafolis kiki yiŋ ndi Yesɔ ne naa wa aneyi. Ankyak aneshir aku vuŋ anu.
Yesɔ ne lɛk vǝnwa ne ku te na Wa ne lɔ
21Ndi Yesɔ ne glɔ goŋ nek ngɔŋ ne gu, ntsan aneshir ne kamu zhɔk ne atsutsu ne goŋ nek. 22Inuŋ ne miŋ kɛ angɔŋgɔŋ abɛ tsik ibaŋ ne akaba, azhɔu te Yarus, anyɛ amkpama. Ndi ne yik Yesɔ, te zhaku ne aza amaa 23te benu ngɔŋ, <<Iva muŋ vǝtsɔb aku. Mbenu kɔte sagu aŋɔk te duŋu abɛ rɛ te bɛ sɔŋ ne vli.>> 24Fe Yesɔ akɔ zeu.
Ntsan aneshir azhɔgu ne atsutsu te mɔu. 25Ankyak wa nuŋ ndi ne te ase awur ane yaa te zen zi azhizhi. 26Nǝ yik iya tetɛk ne ŋɔk abɛ na kǝka te ŋlɔk ki yi ŋɔk maa, ndi abɛ rɛ ilɔmɔ ikyak te te ŋgɔŋ. 27Ndi ne wɔ lɛ ne tu Yesɔ, akama zǝ goŋ maa te sak ŋɔk ne aklu akɛ gen amaa, 28adi ne susun maa, <<Mte sak ŋɔk ne aklu amaa, M tei rɛ.>> 29Nǝ amkpamkpama iru azhizhi me igburkli ankyak iwama awɔ ne kpa maa wa ne ka li aru ne ya maa.
30Nǝ amkpamkpama Yesɔ awɔ mgbyamgbyaŋ ne ru ne kpa maa. A kama tɔ ntsan aneshire te rib ba te di, <<Ayi ŋɔwa a sak ŋɔk ne anklu amuŋ?>> 31abɛ zeu tsǝn amaa mtanyeme, <<Uyik ntsan aneshir ne kamu azhɔk ne atsutsu, urib te di ai ŋɔwa asagu ŋɔk?>>>
32Ama Yesɔ akyak te blɛ amkpa tɔ te iwa abɛ yik ayi ŋɔwa ne cɔk wa ŋɔk. 33Fe iwama, ne zhi ki yiŋ ndi nena ne kpa maa, anyɛ te zhaku ne aza amaa ne rɛ kpa ben sǝsǝk te blau lɛ didik bɔbɔk 34Yesɔ a diu, <<Va muŋ, itanyɛme mi ne duŋu rɛ. kɔmɔ ne sik susun une li ru ne iyah mi.>>
35Ndi Yesɔ anaga ri yi ne miŋ kɛ lɛ aneshir anuŋ are kɔb kɛ Yarus ŋgɔŋ ne akaba. A blau te di <<Va mi ne ku,>> U na wɔb Yesɔ ne nii?>>
36Yesɔ bane kama tɔ kɛ yiŋ ndi ablai ba, adi Ŋgɔŋ ne akabaŋkɔŋ ŋɔ, <<Duŋ te sǝsǝk ba nak tanyɛme.>>
37Yesɔ bane duŋ nuŋ azeu ba anaga yi ane Biturus, Yakubu ben Yɔɔna amunzumen ane Yakubu. 38Ndi ne yir kɔb ŋgɔŋ ne akaba ma, Yesɔ awɔ yaa atɔŋ aneshir azǝn zhin ngɔŋ. 39Yesɔ ayir miŋ kɔbɔ te di ba, <<aye nii duŋ zhin ya tɔŋ te zhin amɛ? Vǝvǝne bane ku ba ayi tsitsir.>> 40Ankyak amlagu.
Ndi ne yar ba rumɔ bɔbɔk, aduŋ Tetɛɛ me ben iyah maa vǝvǝne ben abɛ zeu tsǝn ndi ayi bene bɔu, te yir amkpa waŋ ndi vǝvǝne akɔkurɔ. 41Yesɔ avuŋ ŋɔk maa te di vǝŋɔ <<Talita kum!>> Kǝŋ ilɛmɛ di, <<Vǝnwa vǝtsɔb, mdi lu sɔŋ!>> 42Ne amkpamkpama vǝnwama alu klɛ te tsǝn (ayi ase wur ane yaa.) Ki yi na maa duŋ ba vuŋ anu. 43Yesɔ ne di ba kǝr abɛ duŋ bla nuŋ ki yiŋɛ ba tena diba abɛ nugu kili ata li.
ទើបបានជ្រើសរើសហើយ៖
MRK - NUMANA 5: NAA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria
MRK - NUMANA 5
5
Yesɔ ne na ner ne yi ne anerim
1Yesɔ ben abɛ zeu tsin ne glɔ goŋ nek ne Galili te gar igar kɛ Garisinawa. 2Ndi Yesɔ ne ru ne miŋ gumɔ iner nuŋ ndi ayi ne anerim aru rɛ amkpa ane ru aneshir te anyɛ yigu. 3Iner waŋa akur ne amkpa ne ru aneshir, inuŋ ba mla te abɛ kpau ne tsǝtsaŋ ba. 4Nak men rɛ kukub akpau ne tsǝtsaŋ aŋɔk ben aza ama ana gbur atsǝtsaŋa akluk inuŋ ba yi ne mgbyamgbyaŋ kɛ vuŋu gli ba. 5Ibu bǝn aririk ne amkpa ne ru aneshir bǝn atu mkpaŋ a ŋarzhin te vu mkpaŋ aŋar kpa maa.
6Ndi ne yik Yesɔ gbagbaŋ, alu klu te tar agbarum ne ti maa. 7Inere aŋar kɔr te di, <<Uwɔb anii bene bɛm, Yesɔ, Izu Arik Ŋgɔŋ me biŋu ben Arik duŋ sak me iyah ba!>> 8Te Yesɔ ne adiu te di, <<ru ne kpa kɛ ner waŋa wa irim!>>
9Fe Yesɔ aribu te di, <<azhɔu te ŋɔ?>>
Adi, <<Azhɔm tǝ idu, watɔ tetɛk, tǝ ta yine du.>> 10Ankyak aben Yesɔ tena benu kǝr abɛ gli ba aru ne amkpa waŋa ba.
11Ayok ntsan ane gluk abɛ kɔb tetɛk ne kɔn tiŋ gbu. 12Ankyak anerime aben Yesɔ te di, <<shur ta ne miŋ ane gluk abɛ kɔb abaŋa te duŋ ta bǝ yir miŋ mǝne.>> 13Fe aduŋ ba aru, ankyak anerime akɔ ru te yir miŋ ane gluk abɛ kɔbɔ. Idu mǝne iyi azhin ayaa, ne ru ahrie ne miŋ nek ŋgɔŋ te mli amashir.
14Abaŋ ndi a yɔk ane gluk abɛ kɔbɔ aklu te kɔte bla aneshir ne miŋ ntun ŋgɔŋ ben ntuntun mwɔtsɔtsɔb, ankyak aneshir akɔ ru te kɔte tɔ iki yiŋ ndi Yesɔ ne nai. 15Ndi ne nyɛ ben Yesɔ, ne yik iner waŋ ndi anerim tetɛk ne yir kpa maa, akɔ sɔŋ ne su iki ne kpa maa alambur tu amaa ayi ben abɔu sǝsǝk ku vuŋ ba. 16Abaŋ ndi ne yik ne ayi men ne bla ki yiŋ ndi ne vuŋ waŋ ndi anerim tetɛk ne yir kpa maa ben ki yiŋ ndi ne vuŋ ane gluk abɛ kɔbɔ. 17Fe aneshire akɔ ben Yesɔ abɛ duŋ gar mǝne.
18Ndi Yesɔ ayi ne miŋ kɛ yir igu, iner waŋ ndi ane yi ne anerime aben te wa abɛ zeu. 19Yesɔ bane tanyɛme ba, ama diu, <<kɔmɔ te bla aner abɛ kɔmin ki yiŋ ndi Arik Ŋgɔŋ ne nau aneyi ben ir keŋ ndi ne lɔ susun mi.>> 20Fe neshire akɔ ŋur akam akɔmɔ te zen bla ba ne Dikafolis kiki yiŋ ndi Yesɔ ne naa wa aneyi. Ankyak aneshir aku vuŋ anu.
Yesɔ ne lɛk vǝnwa ne ku te na Wa ne lɔ
21Ndi Yesɔ ne glɔ goŋ nek ngɔŋ ne gu, ntsan aneshir ne kamu zhɔk ne atsutsu ne goŋ nek. 22Inuŋ ne miŋ kɛ angɔŋgɔŋ abɛ tsik ibaŋ ne akaba, azhɔu te Yarus, anyɛ amkpama. Ndi ne yik Yesɔ, te zhaku ne aza amaa 23te benu ngɔŋ, <<Iva muŋ vǝtsɔb aku. Mbenu kɔte sagu aŋɔk te duŋu abɛ rɛ te bɛ sɔŋ ne vli.>> 24Fe Yesɔ akɔ zeu.
Ntsan aneshir azhɔgu ne atsutsu te mɔu. 25Ankyak wa nuŋ ndi ne te ase awur ane yaa te zen zi azhizhi. 26Nǝ yik iya tetɛk ne ŋɔk abɛ na kǝka te ŋlɔk ki yi ŋɔk maa, ndi abɛ rɛ ilɔmɔ ikyak te te ŋgɔŋ. 27Ndi ne wɔ lɛ ne tu Yesɔ, akama zǝ goŋ maa te sak ŋɔk ne aklu akɛ gen amaa, 28adi ne susun maa, <<Mte sak ŋɔk ne aklu amaa, M tei rɛ.>> 29Nǝ amkpamkpama iru azhizhi me igburkli ankyak iwama awɔ ne kpa maa wa ne ka li aru ne ya maa.
30Nǝ amkpamkpama Yesɔ awɔ mgbyamgbyaŋ ne ru ne kpa maa. A kama tɔ ntsan aneshire te rib ba te di, <<Ayi ŋɔwa a sak ŋɔk ne anklu amuŋ?>> 31abɛ zeu tsǝn amaa mtanyeme, <<Uyik ntsan aneshir ne kamu azhɔk ne atsutsu, urib te di ai ŋɔwa asagu ŋɔk?>>>
32Ama Yesɔ akyak te blɛ amkpa tɔ te iwa abɛ yik ayi ŋɔwa ne cɔk wa ŋɔk. 33Fe iwama, ne zhi ki yiŋ ndi nena ne kpa maa, anyɛ te zhaku ne aza amaa ne rɛ kpa ben sǝsǝk te blau lɛ didik bɔbɔk 34Yesɔ a diu, <<Va muŋ, itanyɛme mi ne duŋu rɛ. kɔmɔ ne sik susun une li ru ne iyah mi.>>
35Ndi Yesɔ anaga ri yi ne miŋ kɛ lɛ aneshir anuŋ are kɔb kɛ Yarus ŋgɔŋ ne akaba. A blau te di <<Va mi ne ku,>> U na wɔb Yesɔ ne nii?>>
36Yesɔ bane kama tɔ kɛ yiŋ ndi ablai ba, adi Ŋgɔŋ ne akabaŋkɔŋ ŋɔ, <<Duŋ te sǝsǝk ba nak tanyɛme.>>
37Yesɔ bane duŋ nuŋ azeu ba anaga yi ane Biturus, Yakubu ben Yɔɔna amunzumen ane Yakubu. 38Ndi ne yir kɔb ŋgɔŋ ne akaba ma, Yesɔ awɔ yaa atɔŋ aneshir azǝn zhin ngɔŋ. 39Yesɔ ayir miŋ kɔbɔ te di ba, <<aye nii duŋ zhin ya tɔŋ te zhin amɛ? Vǝvǝne bane ku ba ayi tsitsir.>> 40Ankyak amlagu.
Ndi ne yar ba rumɔ bɔbɔk, aduŋ Tetɛɛ me ben iyah maa vǝvǝne ben abɛ zeu tsǝn ndi ayi bene bɔu, te yir amkpa waŋ ndi vǝvǝne akɔkurɔ. 41Yesɔ avuŋ ŋɔk maa te di vǝŋɔ <<Talita kum!>> Kǝŋ ilɛmɛ di, <<Vǝnwa vǝtsɔb, mdi lu sɔŋ!>> 42Ne amkpamkpama vǝnwama alu klɛ te tsǝn (ayi ase wur ane yaa.) Ki yi na maa duŋ ba vuŋ anu. 43Yesɔ ne di ba kǝr abɛ duŋ bla nuŋ ki yiŋɛ ba tena diba abɛ nugu kili ata li.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria