MRK - NUMANA 4
4
Nkanlɛ netu ner ine tib bǝbǝ ki
1Neme Yesɔ atsar ba ne kɔtɔŋ nek. Ntsan aneshir ndi ne kamu azǝk ne atsutsumɔ ayi ne du te duŋu a yir miŋ gwu asɔŋɔ te zen tsar ba ndi ne zǝ sɔŋ ne kɔtɔŋ nek ne Galili te zen wɔu. 2Ne tsar ba kiki tetɛk ne nkan lǝlɛ, fe ne miŋ kɛ tsar maa idi: 3<<Wɔ zhin! Iner ne lɔn nuŋ ne gar tib bǝbǝ ki ne ahwaŋa amaa. 4Ndi ayi ne min kɛ yi bǝbǝ kime, inuŋ var hrie ne ankɔŋ, fe aŋliŋlɔ anyɛ taŋǝ amli bɔbɔk. 5Inuŋ var hrie ne ayaŋ, ndi mimi me ba yi tɔ ki ba. 6Ndi arik ne laŋ ŋgɔŋ, bǝbǝ ki iyi tibɛ ku goŋ cɔkla, te kam klu te ririŋe bane sɔŋ ne mimi didik ba. 7Bǝbǝ kinuŋ var hrie ne min ncoŋ, ndi ne tɔ, ncoŋ ku turǝ teduŋ bane te mgbyaŋ ba. 8Neme bǝbenuŋ nena hrie ne mimi didik. Nǝ tɔ, te flu tena dɔ mgbyaŋ, inuŋ ne yi abubu sɔktar, sɔk tani, inuŋ ne naŋ amgblik azhin.>>
9Fena Yesɔ adi, <<Iwaŋ ndi ate yi ne atɔŋ ayi wɔ, abɛ wɔ.>>
10Ndi Yesɔ neyi kiki maa, abɛ zeu tsin amaa awur ane yaa ben abaŋ ndi ne wɔu arib Yesɔ lɛ netu nkan lǝlɛ yi bla maa. 11Yesɔ abla ba tedi, <<Iki iyi suyir ne kɔb kɛ Arik nɛ nǝk zhin neyi. Ama abaŋ ndi ayi ne abɛm ne bla ba nkan lǝlɛ yiŋɛ 12te duŋ,
<<<Tǝ abɛ tɔ ba tei yik ba,
Tǝ bɛ na wɔ batei zhi ba;
Mba amɛ ba atei ŋur akam tǝ bɛ zuk ba zhɔk!>>>
13Fena Yesɔ adi ba, <<Ba zhin ne zhi nkanlɛ yiŋɛ ka? Tǝ izhin tei na kikin te zhi nkanlɛ nuŋǝ? 14Iner ne lɔno ne tib ilɛ kɛ Arik. 15Aneshir anuŋ ayi ndi bǝbǝ ki yi tib iyiŋ ndi ne var hrie ne ankɔŋ, amkpa awaŋ ndi ne tib ilɛ mɛ. Ate naga wɔ lɛ kɛ Arik, shetan inyɛ te baŋ ilɛ kɛ Arik agli tibɛ ne asusun amen. 16Anuŋ, ayi ndi bǝbǝ yi var hrie ne amkpa ane ayaŋ, ndi ne wɔ lɛ kɛ Arik te nyɛr. 17Ama ba ilɛmɛ bane yir miŋ asusun amene ba, ba baŋ mkpaŋ ba. Ndi iwɔb akla ben isak iyah ite nyɛ netu lɛ kɛ Arik, akɔ mǝne azhaku. 18Neme anuŋ, ayi ndi bǝbǝ ki yiŋ ndi ne tibɛ ne miŋ ncoŋ, abaŋ ndi ne wɔ ilɛ kɛ Arik, 19ama imɔ yi sɔŋ kɛ gɔŋmimi, ishur ayi ne kiki iyi ben adudunki ben itik ayi ne bubu netu kiki ndi nyɛ te cɔk ilɛ kɛ Arik ila, te duŋ kɛ yaŋ flu. 20Anuŋ, ayi ndi bǝbǝ yi tib ne mimi didik, awɔ ilɛ kɛ Arik, ne tanyɛme ne kǝ, anuŋ ne yik abubu sɔk tar, sɔk tani kɔ bǝ naŋ amgblik azhin ne bǝbǝ ki yi tibɛ.>>
Pitila ne tu mben iyi sɔŋ maa
21Yesɔ adi ba, <<Izhin baŋ ilu kɛ laŋ ku nyak ne kuca kɔ ne aza agodɔ ne mimi? Ndi amɛ, di ka izhin sak zhin Lu kɛ laŋa ne ki iyi sɔŋ maa? 22Tǝ ikiyiŋ ndi ne suyir atei bui ayak andala, ikiyiŋ ndi iyi raraŋ Arik atei buri arumɔ. 23Ate yi ndi inuŋ ayi ne atɔŋ ayi wɔ, abɛ wɔ.>>
24Yesɔ adi ba, <<Izhin bǝ te zee ne kiki iyi wɔ min,>> <<Agbǝba awaŋ ndi izhin te tsar nuŋ kime, aye awa atei na tsa ru ma mi yi itei na gar kam. 25Iner waŋ ndi ate yi ne ki atei na nyaŋu nuŋ ne tu mɔ; iwaŋ ndi ba yi ame neyi ba, kɔ vǝtsɔb yiŋ ndi ayime ne yi atei tei ne ŋɔk maa.>>
Nkanlɛ bǝbǝ ki iyi tɔ
26Yesɔ nena di, <<Waŋa ayi ir keŋ ndi kɔb Ŋgɔŋ kɛ Arik yime. Ineshir ne yi bǝbǝ ki ne mimi. 27Akurna ne bu te sɔŋ tsitsir aririk, bǝbǝ me tɔ tena flu, neme ba zhi ka na kikin ba. 28Imimi iduŋ bǝbǝ ki tɔ te flu te dɔ ikili, tɛ nab ŋkluŋ baliŋ, fe te lu ru atɔ, fe mgbyaŋ ku ru. 29Ndi ikiyi tibɛ neka rǝ mla sɛr, iner ne ahwaŋa atei baŋ alibzi amaa sɛrǝ, te mkpaŋ kɛ sɛrǝ ma nǝ ka tǝ. >>
Nkanlɛ ne atu bǝbǝ mgbyaŋ musta
30Ankyak Yesɔ adi, <<Ta tei di ikɔb ŋgɔŋ kɛ Arik iyi kikini, ka nkanlɛ tayi tei bla ndi kɔbɔ yi mei? 31Iyi ndi bǝbǝ musta, keŋ ndi iyi mgbyaŋ mɔtsɔtsɔb ne miŋ kɛ bǝbǝ ki iyi tib ne mimi. 32Neme ate tib bǝbǝ me, itɔh te flu tena te ŋgɔŋ te kam naŋ nki bǝbǝ ki ndi ne tibɛ ne miŋ Ahwaŋ ne kam zib, te aŋliŋlɔ abɛ bwak ne shu ashur anjer ne anga amaa.>>
33Yesɔ ne lɛ ben abɛba ne nkan lǝlɛ tetɛk, neme bane nazhi iki yi bla ba. 34Yesɔ bane bla ba lɛnuŋ keŋ ndi bane yaŋ ba nkanlɛ ba. Ama mkpaŋ keŋ ndi atei ndɔ ben abɛ zeu tsǝn amaa, ba ku kinuŋ ayir bama ba.
Yesɔ ne tsaŋ nguŋgu tǝ nɛ te zee
35Nǝ bǝn amgbalu neka te, abla abɛ zeu tsǝn te di, <<Duŋ zhin tabǝ glɔ kɔmɔ ne goŋ nek yuŋ.>> 36Akɔ duŋ aneshir, te tsǝn ndɔ ben Yesɔ, ir keŋ ndi abɛ nama, ne gar ayir mimin gumɔ. 37Ankyak nguŋgu ngɔŋ iye ankun amashir fuk gumɔ ŋgɔŋ ndi tei gbuŋa, ayi ndi igumɔ itei rim. 38Yesɔ ne yi miŋ igumɔ ne ŋɔk te zen kurna te sak tu maa ne iki sak tu. Abɛ zeu tsǝn akɔte sǝu te di, <<Ine Tsar, bau nǝ kam tɔ kɔ tabǝ dɔ ba>>
39Akɔ lu, te tsaŋ nguŋgumɔ tedi, <<Tǝ zee, Kǝr ubena fuk ba!>> Ankyak ankun amashire akɔ te zee.
40Yesɔ akɔ di abɛ zeu tsin amaa, <<Izhin te sǝsǝk iye nii? Har azizaŋa ba zhin yi ne tanyɛme ka?>>
41Isisik ku te aneshire te ben arib akpa, <<Waŋa ayi ŋɔwai? Nak tɔ te vuŋ nguŋgu ben ankun amashir iwɔ lɛ maa!>>
ទើបបានជ្រើសរើសហើយ៖
MRK - NUMANA 4: NAA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria
MRK - NUMANA 4
4
Nkanlɛ netu ner ine tib bǝbǝ ki
1Neme Yesɔ atsar ba ne kɔtɔŋ nek. Ntsan aneshir ndi ne kamu azǝk ne atsutsumɔ ayi ne du te duŋu a yir miŋ gwu asɔŋɔ te zen tsar ba ndi ne zǝ sɔŋ ne kɔtɔŋ nek ne Galili te zen wɔu. 2Ne tsar ba kiki tetɛk ne nkan lǝlɛ, fe ne miŋ kɛ tsar maa idi: 3<<Wɔ zhin! Iner ne lɔn nuŋ ne gar tib bǝbǝ ki ne ahwaŋa amaa. 4Ndi ayi ne min kɛ yi bǝbǝ kime, inuŋ var hrie ne ankɔŋ, fe aŋliŋlɔ anyɛ taŋǝ amli bɔbɔk. 5Inuŋ var hrie ne ayaŋ, ndi mimi me ba yi tɔ ki ba. 6Ndi arik ne laŋ ŋgɔŋ, bǝbǝ ki iyi tibɛ ku goŋ cɔkla, te kam klu te ririŋe bane sɔŋ ne mimi didik ba. 7Bǝbǝ kinuŋ var hrie ne min ncoŋ, ndi ne tɔ, ncoŋ ku turǝ teduŋ bane te mgbyaŋ ba. 8Neme bǝbenuŋ nena hrie ne mimi didik. Nǝ tɔ, te flu tena dɔ mgbyaŋ, inuŋ ne yi abubu sɔktar, sɔk tani, inuŋ ne naŋ amgblik azhin.>>
9Fena Yesɔ adi, <<Iwaŋ ndi ate yi ne atɔŋ ayi wɔ, abɛ wɔ.>>
10Ndi Yesɔ neyi kiki maa, abɛ zeu tsin amaa awur ane yaa ben abaŋ ndi ne wɔu arib Yesɔ lɛ netu nkan lǝlɛ yi bla maa. 11Yesɔ abla ba tedi, <<Iki iyi suyir ne kɔb kɛ Arik nɛ nǝk zhin neyi. Ama abaŋ ndi ayi ne abɛm ne bla ba nkan lǝlɛ yiŋɛ 12te duŋ,
<<<Tǝ abɛ tɔ ba tei yik ba,
Tǝ bɛ na wɔ batei zhi ba;
Mba amɛ ba atei ŋur akam tǝ bɛ zuk ba zhɔk!>>>
13Fena Yesɔ adi ba, <<Ba zhin ne zhi nkanlɛ yiŋɛ ka? Tǝ izhin tei na kikin te zhi nkanlɛ nuŋǝ? 14Iner ne lɔno ne tib ilɛ kɛ Arik. 15Aneshir anuŋ ayi ndi bǝbǝ ki yi tib iyiŋ ndi ne var hrie ne ankɔŋ, amkpa awaŋ ndi ne tib ilɛ mɛ. Ate naga wɔ lɛ kɛ Arik, shetan inyɛ te baŋ ilɛ kɛ Arik agli tibɛ ne asusun amen. 16Anuŋ, ayi ndi bǝbǝ yi var hrie ne amkpa ane ayaŋ, ndi ne wɔ lɛ kɛ Arik te nyɛr. 17Ama ba ilɛmɛ bane yir miŋ asusun amene ba, ba baŋ mkpaŋ ba. Ndi iwɔb akla ben isak iyah ite nyɛ netu lɛ kɛ Arik, akɔ mǝne azhaku. 18Neme anuŋ, ayi ndi bǝbǝ ki yiŋ ndi ne tibɛ ne miŋ ncoŋ, abaŋ ndi ne wɔ ilɛ kɛ Arik, 19ama imɔ yi sɔŋ kɛ gɔŋmimi, ishur ayi ne kiki iyi ben adudunki ben itik ayi ne bubu netu kiki ndi nyɛ te cɔk ilɛ kɛ Arik ila, te duŋ kɛ yaŋ flu. 20Anuŋ, ayi ndi bǝbǝ yi tib ne mimi didik, awɔ ilɛ kɛ Arik, ne tanyɛme ne kǝ, anuŋ ne yik abubu sɔk tar, sɔk tani kɔ bǝ naŋ amgblik azhin ne bǝbǝ ki yi tibɛ.>>
Pitila ne tu mben iyi sɔŋ maa
21Yesɔ adi ba, <<Izhin baŋ ilu kɛ laŋ ku nyak ne kuca kɔ ne aza agodɔ ne mimi? Ndi amɛ, di ka izhin sak zhin Lu kɛ laŋa ne ki iyi sɔŋ maa? 22Tǝ ikiyiŋ ndi ne suyir atei bui ayak andala, ikiyiŋ ndi iyi raraŋ Arik atei buri arumɔ. 23Ate yi ndi inuŋ ayi ne atɔŋ ayi wɔ, abɛ wɔ.>>
24Yesɔ adi ba, <<Izhin bǝ te zee ne kiki iyi wɔ min,>> <<Agbǝba awaŋ ndi izhin te tsar nuŋ kime, aye awa atei na tsa ru ma mi yi itei na gar kam. 25Iner waŋ ndi ate yi ne ki atei na nyaŋu nuŋ ne tu mɔ; iwaŋ ndi ba yi ame neyi ba, kɔ vǝtsɔb yiŋ ndi ayime ne yi atei tei ne ŋɔk maa.>>
Nkanlɛ bǝbǝ ki iyi tɔ
26Yesɔ nena di, <<Waŋa ayi ir keŋ ndi kɔb Ŋgɔŋ kɛ Arik yime. Ineshir ne yi bǝbǝ ki ne mimi. 27Akurna ne bu te sɔŋ tsitsir aririk, bǝbǝ me tɔ tena flu, neme ba zhi ka na kikin ba. 28Imimi iduŋ bǝbǝ ki tɔ te flu te dɔ ikili, tɛ nab ŋkluŋ baliŋ, fe te lu ru atɔ, fe mgbyaŋ ku ru. 29Ndi ikiyi tibɛ neka rǝ mla sɛr, iner ne ahwaŋa atei baŋ alibzi amaa sɛrǝ, te mkpaŋ kɛ sɛrǝ ma nǝ ka tǝ. >>
Nkanlɛ ne atu bǝbǝ mgbyaŋ musta
30Ankyak Yesɔ adi, <<Ta tei di ikɔb ŋgɔŋ kɛ Arik iyi kikini, ka nkanlɛ tayi tei bla ndi kɔbɔ yi mei? 31Iyi ndi bǝbǝ musta, keŋ ndi iyi mgbyaŋ mɔtsɔtsɔb ne miŋ kɛ bǝbǝ ki iyi tib ne mimi. 32Neme ate tib bǝbǝ me, itɔh te flu tena te ŋgɔŋ te kam naŋ nki bǝbǝ ki ndi ne tibɛ ne miŋ Ahwaŋ ne kam zib, te aŋliŋlɔ abɛ bwak ne shu ashur anjer ne anga amaa.>>
33Yesɔ ne lɛ ben abɛba ne nkan lǝlɛ tetɛk, neme bane nazhi iki yi bla ba. 34Yesɔ bane bla ba lɛnuŋ keŋ ndi bane yaŋ ba nkanlɛ ba. Ama mkpaŋ keŋ ndi atei ndɔ ben abɛ zeu tsǝn amaa, ba ku kinuŋ ayir bama ba.
Yesɔ ne tsaŋ nguŋgu tǝ nɛ te zee
35Nǝ bǝn amgbalu neka te, abla abɛ zeu tsǝn te di, <<Duŋ zhin tabǝ glɔ kɔmɔ ne goŋ nek yuŋ.>> 36Akɔ duŋ aneshir, te tsǝn ndɔ ben Yesɔ, ir keŋ ndi abɛ nama, ne gar ayir mimin gumɔ. 37Ankyak nguŋgu ngɔŋ iye ankun amashir fuk gumɔ ŋgɔŋ ndi tei gbuŋa, ayi ndi igumɔ itei rim. 38Yesɔ ne yi miŋ igumɔ ne ŋɔk te zen kurna te sak tu maa ne iki sak tu. Abɛ zeu tsǝn akɔte sǝu te di, <<Ine Tsar, bau nǝ kam tɔ kɔ tabǝ dɔ ba>>
39Akɔ lu, te tsaŋ nguŋgumɔ tedi, <<Tǝ zee, Kǝr ubena fuk ba!>> Ankyak ankun amashire akɔ te zee.
40Yesɔ akɔ di abɛ zeu tsin amaa, <<Izhin te sǝsǝk iye nii? Har azizaŋa ba zhin yi ne tanyɛme ka?>>
41Isisik ku te aneshire te ben arib akpa, <<Waŋa ayi ŋɔwai? Nak tɔ te vuŋ nguŋgu ben ankun amashir iwɔ lɛ maa!>>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria