MRK - NUMANA 11
11
Yesɔ ne yir Urushelima ndi tum
1Ndi Yesɔ ben abɛ zeu tsǝn amaa ne te gbahir ne Urushelima te nyɛ Betafaji ben Batanya ne Igbu yi Zetun, Yesɔ ne shar amɛ ayaa ne min kɛ abɛ tsǝn amaa, 2te di ba, <<Gar zhin ntun yiŋ ndi iyi ne ti min, izhin te nak yir, izhin tei yik ne akpa tatur aŋyak amɔ, iwaŋ ndi ba ner nuŋ ndi ne yuŋɔ atɔ. Izhin bǝ zu gu Gli nyɛmɛ. 3Inuŋ ate rib zhin te di, <Izhin zuk nŋa ma tǝ ni?> Izhin bǝ diu, <<Ŋgɔŋɔ awɔbu atei gliu aŋur akama aŋyaga ne mkpaŋ watsɔb.>>>
4Ne gar ate yik ne kpa nŋa ma aŋyak ne abɛm, ne anɔkɔŋ. Ndi ne zu gu, 5aneshir anuŋ ne aklɛkli ne amkpama te rib ba te di, <<Izhin zuk taturo te gar amɛ?>> 6Nǝ bla ba ir keŋ ndi Yesɔ ne bla ba bǝ blama, ankyak aneshir aduŋ ba kɔmɔ. 7Ndi ne Gli nŋa ma agli Yesɔ mɔ ankyak aneshir ne vu nkluŋklu yi ku mvlu men asak ne tu nŋa ma, fe Yesɔ ayuŋɔ asɔŋ ne tu nŋa ma. 8Aneshir tetɛk ne lab kluŋklu men ne ankɔŋ, anuŋ ne lab amgbaamvu ndi ne ŋai ne zizik. 9Abaŋ ndi ne kuti ben abaŋ ndi azǝ goŋ maa ate ahwa te di,
<<Gbar asak ye Arik!>>
<<Anu adidik ayi ben waŋ ndi anyɛ ne sak kɛ Arik!>>
10<<Anu adidik abɛ yi ben ikɔb Ŋgon kɛ nyɛ kɛ tetɛɛ amɔr Doda!>>
<<Gbar asak ye Arik ne shu!>>
11Yesɔ ne yir Urushelima te yir Akabaŋkɔŋ. Te tɔ kiki bɔbɔk, ama amgbalu ne ka te, te ru iwa ben abɛ zeu tsǝn amaa amɛ wur ane yaa te gar Batanya.
Yesɔ ne nek itiŋ nglǝŋglǝ anu amimin
12Nǝ bɛr yi yaa ndi aduŋ Batanya, ikasa ne vuŋ Yesɔ. 13Ndi ari yi gbagbaŋ ne yik itiŋ nglǝŋglǝ iyi amgba ashushu, te gar ka iwa atei yik kɛ ne dɔ. Ndi ne yir itiŋ nglǝŋglǝ me, bane yik kɛ ne dɔ ba nak yi ne amgbaamvu ankyak, te bai mkpaŋ kɛ dɔ maa ba. 14Ankyak Yesɔ akɔdi itiŋ nglǝŋglǝ me, <<kǝr iner nuŋ abena li idɔ mi ba.>> Abɛ zeu tsǝn amaa ne wɔu ne bla lɛ kǝŋe.
15Ndi ne yir Urushelima, Yesɔ ne yir Akabaŋkɔŋ te yar abɛ zen li dub ndi alɛb tena vu alɛb amɔ. Te akam kiki yi lɛb mǝne atyak ahrie te tur mben yi sɔŋ abɛ lɛb ki te zuk ane angu abɛ kɔb ashur, 16te na yar aneshir igli ki te yir miŋ Akabaŋkɔŋ. 17Fe ne tsar ba, te di, <<Bane cɛr te di:
<<<Atei zhɔ kɔb muŋ te
Ikɔb kɛ ben Arik kɛ aneshir bɔbɔk>?
Ama izhin ne duŋ kɛ iyi zhin <amkpa ane suyir te zhib.>>>
18Angɔŋgɔŋ abɛ na ndum Arik ben abɛ tsar cɛr yi Musa ne wɔ amɛ te wɔb ankɔŋ awaŋ ndi aba atei ŋunu, te aklu sǝsǝk maa, te ntsan aneshir bɔbɔk ne sak aŋɔk ne anu ne tsar maa.
19Ndi amgbalu te, Yesɔ ben abɛ zeu tsǝn amaa aru ne ntuno.
Itiŋ nglǝŋglǝ me ne ku
20Nǝ bɛr yi yaa maa, ne gayir, te yik itiŋ nglǝŋglǝ me ne ku rɛ iririŋ maa. 21Biturus ne shu azhi te di Yesɔ, <<Ine Tsar, tɔ! Itiŋ nglǝŋglǝ kǝme ndi une te kɛ anu amimin ne ne ku!>>
22Yesɔ adiu. <<Bǝ tanyɛme ben Arik.>> 23<<Mbla zhin lɛ didik, inuŋ ate di Igbu yiŋɛ, sɛr, kɔte kyaŋ ku ne nek,> te ba te yaŋ tanyɛme ne susun ba ama ne tanyɛme te di iki yiŋ ndi wa ne blai itei na, itei nayi ndi awɔb. 24Neme mbla zhin, iki yiŋ ndi izhin te bene, tanyɛme te di izhin neka yige, itei na yi imin. 25Izhin te tei lu kli te ben Arik, ate yi ndi ugli nuŋ ne susun, zu gu zhɔk, te Tetɛɛ mi ne shu atei na zu gu azhɔk.>> 26Ama izhin te kyak zuk nuŋ zhɔk, te Tetɛɛ ne shu batei zuk zhin azhɔk ne lalɛ min ba.
Ne rib kɛ mgbyamgbyaŋ kɛ Yesɔ
27Yesɔ ben abɛ zeu tsǝn ne yir Urshelima, ndi ne zen tsǝn ne miŋ Akabaŋkɔŋ, ngɔŋ ne abɛ tsik ibaŋ, abɛ tsar cɛr yi Musa ben anǝŋkub ne nyɛ ben abɔu. 28Aribu te di, <<U na kiki yiŋɛ ne mgbyamgbyaŋ takɛ? Ŋɔ ne nǝgu mgbemgbeb kɛ bla lɛ kǝŋe?>>
29Yesɔ adi ba, <<M tei rib zhin lɛ zhin. Izhin te blam, M tei na bla zhin ka Mna ikiki yiŋɛ ne mgbyamgbyaŋ ta kɛ. 30Isu aneshir yi Yɔɔna, ire shu, ka ire ben aneshir ini? Blam me zhin!>>
31Akɔ lɛ ne akpa mɛn te di, <<ta te di, <Ire ishu,> <atei rib ta te di, <Tǝ anii duŋ zhin kyak tanyɛme ben abɔu?> 32Ama tate di, <Ire ben aneshir> (Ate sǝsǝk aneshir, te bɔbɔk aneshir ne tanyɛme te di Yɔɔna ayi ne bla shar Arik.)
33Ankyak adi Yesɔ, <<Bata ne zhi ba.>>
Yesɔ adi ba, <<Nga muŋ yi bam tei bla zhin ka mna kiki yiŋɛ ne mgbyamgbyaŋ takɛ ba.>>
ទើបបានជ្រើសរើសហើយ៖
MRK - NUMANA 11: NAA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria
MRK - NUMANA 11
11
Yesɔ ne yir Urushelima ndi tum
1Ndi Yesɔ ben abɛ zeu tsǝn amaa ne te gbahir ne Urushelima te nyɛ Betafaji ben Batanya ne Igbu yi Zetun, Yesɔ ne shar amɛ ayaa ne min kɛ abɛ tsǝn amaa, 2te di ba, <<Gar zhin ntun yiŋ ndi iyi ne ti min, izhin te nak yir, izhin tei yik ne akpa tatur aŋyak amɔ, iwaŋ ndi ba ner nuŋ ndi ne yuŋɔ atɔ. Izhin bǝ zu gu Gli nyɛmɛ. 3Inuŋ ate rib zhin te di, <Izhin zuk nŋa ma tǝ ni?> Izhin bǝ diu, <<Ŋgɔŋɔ awɔbu atei gliu aŋur akama aŋyaga ne mkpaŋ watsɔb.>>>
4Ne gar ate yik ne kpa nŋa ma aŋyak ne abɛm, ne anɔkɔŋ. Ndi ne zu gu, 5aneshir anuŋ ne aklɛkli ne amkpama te rib ba te di, <<Izhin zuk taturo te gar amɛ?>> 6Nǝ bla ba ir keŋ ndi Yesɔ ne bla ba bǝ blama, ankyak aneshir aduŋ ba kɔmɔ. 7Ndi ne Gli nŋa ma agli Yesɔ mɔ ankyak aneshir ne vu nkluŋklu yi ku mvlu men asak ne tu nŋa ma, fe Yesɔ ayuŋɔ asɔŋ ne tu nŋa ma. 8Aneshir tetɛk ne lab kluŋklu men ne ankɔŋ, anuŋ ne lab amgbaamvu ndi ne ŋai ne zizik. 9Abaŋ ndi ne kuti ben abaŋ ndi azǝ goŋ maa ate ahwa te di,
<<Gbar asak ye Arik!>>
<<Anu adidik ayi ben waŋ ndi anyɛ ne sak kɛ Arik!>>
10<<Anu adidik abɛ yi ben ikɔb Ŋgon kɛ nyɛ kɛ tetɛɛ amɔr Doda!>>
<<Gbar asak ye Arik ne shu!>>
11Yesɔ ne yir Urushelima te yir Akabaŋkɔŋ. Te tɔ kiki bɔbɔk, ama amgbalu ne ka te, te ru iwa ben abɛ zeu tsǝn amaa amɛ wur ane yaa te gar Batanya.
Yesɔ ne nek itiŋ nglǝŋglǝ anu amimin
12Nǝ bɛr yi yaa ndi aduŋ Batanya, ikasa ne vuŋ Yesɔ. 13Ndi ari yi gbagbaŋ ne yik itiŋ nglǝŋglǝ iyi amgba ashushu, te gar ka iwa atei yik kɛ ne dɔ. Ndi ne yir itiŋ nglǝŋglǝ me, bane yik kɛ ne dɔ ba nak yi ne amgbaamvu ankyak, te bai mkpaŋ kɛ dɔ maa ba. 14Ankyak Yesɔ akɔdi itiŋ nglǝŋglǝ me, <<kǝr iner nuŋ abena li idɔ mi ba.>> Abɛ zeu tsǝn amaa ne wɔu ne bla lɛ kǝŋe.
15Ndi ne yir Urushelima, Yesɔ ne yir Akabaŋkɔŋ te yar abɛ zen li dub ndi alɛb tena vu alɛb amɔ. Te akam kiki yi lɛb mǝne atyak ahrie te tur mben yi sɔŋ abɛ lɛb ki te zuk ane angu abɛ kɔb ashur, 16te na yar aneshir igli ki te yir miŋ Akabaŋkɔŋ. 17Fe ne tsar ba, te di, <<Bane cɛr te di:
<<<Atei zhɔ kɔb muŋ te
Ikɔb kɛ ben Arik kɛ aneshir bɔbɔk>?
Ama izhin ne duŋ kɛ iyi zhin <amkpa ane suyir te zhib.>>>
18Angɔŋgɔŋ abɛ na ndum Arik ben abɛ tsar cɛr yi Musa ne wɔ amɛ te wɔb ankɔŋ awaŋ ndi aba atei ŋunu, te aklu sǝsǝk maa, te ntsan aneshir bɔbɔk ne sak aŋɔk ne anu ne tsar maa.
19Ndi amgbalu te, Yesɔ ben abɛ zeu tsǝn amaa aru ne ntuno.
Itiŋ nglǝŋglǝ me ne ku
20Nǝ bɛr yi yaa maa, ne gayir, te yik itiŋ nglǝŋglǝ me ne ku rɛ iririŋ maa. 21Biturus ne shu azhi te di Yesɔ, <<Ine Tsar, tɔ! Itiŋ nglǝŋglǝ kǝme ndi une te kɛ anu amimin ne ne ku!>>
22Yesɔ adiu. <<Bǝ tanyɛme ben Arik.>> 23<<Mbla zhin lɛ didik, inuŋ ate di Igbu yiŋɛ, sɛr, kɔte kyaŋ ku ne nek,> te ba te yaŋ tanyɛme ne susun ba ama ne tanyɛme te di iki yiŋ ndi wa ne blai itei na, itei nayi ndi awɔb. 24Neme mbla zhin, iki yiŋ ndi izhin te bene, tanyɛme te di izhin neka yige, itei na yi imin. 25Izhin te tei lu kli te ben Arik, ate yi ndi ugli nuŋ ne susun, zu gu zhɔk, te Tetɛɛ mi ne shu atei na zu gu azhɔk.>> 26Ama izhin te kyak zuk nuŋ zhɔk, te Tetɛɛ ne shu batei zuk zhin azhɔk ne lalɛ min ba.
Ne rib kɛ mgbyamgbyaŋ kɛ Yesɔ
27Yesɔ ben abɛ zeu tsǝn ne yir Urshelima, ndi ne zen tsǝn ne miŋ Akabaŋkɔŋ, ngɔŋ ne abɛ tsik ibaŋ, abɛ tsar cɛr yi Musa ben anǝŋkub ne nyɛ ben abɔu. 28Aribu te di, <<U na kiki yiŋɛ ne mgbyamgbyaŋ takɛ? Ŋɔ ne nǝgu mgbemgbeb kɛ bla lɛ kǝŋe?>>
29Yesɔ adi ba, <<M tei rib zhin lɛ zhin. Izhin te blam, M tei na bla zhin ka Mna ikiki yiŋɛ ne mgbyamgbyaŋ ta kɛ. 30Isu aneshir yi Yɔɔna, ire shu, ka ire ben aneshir ini? Blam me zhin!>>
31Akɔ lɛ ne akpa mɛn te di, <<ta te di, <Ire ishu,> <atei rib ta te di, <Tǝ anii duŋ zhin kyak tanyɛme ben abɔu?> 32Ama tate di, <Ire ben aneshir> (Ate sǝsǝk aneshir, te bɔbɔk aneshir ne tanyɛme te di Yɔɔna ayi ne bla shar Arik.)
33Ankyak adi Yesɔ, <<Bata ne zhi ba.>>
Yesɔ adi ba, <<Nga muŋ yi bam tei bla zhin ka mna kiki yiŋɛ ne mgbyamgbyaŋ takɛ ba.>>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria