Yohana Ulongulelu wa Yohana
Ulongulelu wa Yohana
Habali Maha kukovekelana na Yohana ni imonga paghati gha vihitabu vinjechi Kulilaghano Lyonu vyeni kulongelela ngalilu gha Yesu Kilisito. Kila kimonga kya kyeni kingukemwa Injili yeni kumaanisa Habali Maha. Vihitabu havi viyandikilwi badili gha kihu kya Yesu. Na vyeni viyandikilwi na Matayu na Maliku na Lukasi na Yohana. Kihitabu haki kya Habali Maha pangi kiyandikilwi na Mndumindumi Yohana paghati gha machuva gha itisini badili gha kuhova kwa Kilisito. Pamonga na yiwa kihitabu haki kingulonga ng'ogha Yohana ndiwa myandika, ila mtindu wa kuyandika ungulandana nesu na mahamba gha 1 Yohana, na 2 Yohana na 3 Yohana. Wayandika waghangi wa dahile walongile Yohana akilikala kummbwani wa Efesu kwa lipindi hali, hinu kuwela na muwesekanu wa kihitabu kiwelili kiyandikwa haku Efesu.
Yohana angulongelela lipala lukani lwa kihitabu haki yiwa ni kuwatanga wandu kukwinila Yesu ndiwa Kilisito, Mwana wa Sapanga mkomu Sula gha 20:31. Kwa kukwinila tunguwesa kuwela na ukomu kulihina lyaki. Kihitabu kiyandikilwi kwa lukani kisomwi na Wayahudi na wala Wayahudi ng'ogha. Habali Maha gha Yohana kwa ndambu itenu ingulandana ng'ogha na Habali Maha zighangi itatu. Kwaikiva awikili mkasu kumakangasu agholile Yesu na kuyandika matangala yeni kulongelela milandanu ghaki. Mighalu mighangi mikulunga gha Yesu handa ubatisu wa Yesu na mayesu kuluvagha hilahila yayandikwa ng'ogha ku Habali Maha hai.
Gha mghati:
Yohana angutumbula kuyandika Habali Maha ku Sula gha 1:1-18.
Kangi kuulongolo anguyandika amonga gha makakangasu Yesu aigholile Sula gha 1:19-12:50.
Kangi angulongelela mighalu mitangala ihumilile kungalilu yeni kuyambusa kuhova kwa Yesu mbaka kuhinduka kwaki Sula gha 13:1-20:31.
Yohana anguyomola kuyandika Habali Maha hai ku Sula gha 21 akilongelela amonga gha Habali kulipindi Yesu kawahumila wandu badili gha kuhinduka na kulongela lukani lwaki lwa kuyandika kihitabu haki.
ទើបបានជ្រើសរើសហើយ៖
Yohana Ulongulelu wa Yohana: NTMbBL2025
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Mbunga @The Word for The World International and Mbunga Language translation, 2025. All rights reserved.