Lukasa 18
18
Lukasa 18
Eele lyomuselekavi nomupanguli
1Yesus okwe ya lombwela eele ndi, opo e ya longe nghee ye na okukala taa yalikana aluhe, yo ya kale ye na omukumo, a ti,
2“Moshilando shimwe omwa li omupanguli iha tila Kalunga, ye ke na ko nasha naanhu ooyakwawo. 3Moshilando omo tuu mo, omwa li wo omuselekavi, he ya olundji komupanguli hemwiindile ta ti, ‘Kwafela nge kombinga yeenhamanana pokati ketu nomutamaneki wange.’ 4Omutokoli okwa anya efimbo eleka, ndele konima okwe ipopila a ti: ‘Nande ihandi tila Kalunga, ame hina ko nasha nooyakwetu, 5omuselekavi ngu andi mu pangula pauyuuki, opo ina piyaaneka nge ali nokuuya kwaame olundji lundji.’” 6Omwene okwa ti, pwaikineni omupanguli omukeenouyuuki nhyi a ti, 7Kalunga iha pangula pauyuki aahoololwa yaye mba haye mu ifana ousiku nomutenya? Ote ya teelelifa nghaa efimbo eleka ine ya kwafa? 8Andi mu lombwele, ote ya ufile pangula pauyuki meendelelo. Nhyi Omona wOmunhu teke ya, ota ka hanga ko tuu eitaelo kombada yevu?”
Eele lyOmufalisai nomufendelifi
9Yesus okwa popya eyele ndi, kumba ya li ye iwete aayuuki, ye ineekela muyo yene, noya li ya vina aanhu yakwawo. 10“Okwa li ku na aalumenhu yaali ya ka yalikana kotembeli, umwe Omufalisai namukwawo omufendelifi.” 11“Omufalisai okwa fikama e ikalela, ndele ta yalikana puye mwene ta ti, ‘Kalunga, andi ku hambelele, molwanhyi ame inandi fa aanhu yamwe; eembuvi, aakolokohi naahondeli, andi ku hambelele natango molwanhyi inandi fa omufendelifi ngu. 12Oikulya ohandi ivilike luyali kehe moshiike, ohandi ku pe oshitimulongo shomoilikolwa yange ayihe.’ 13“Ndele omufendelifi okwa fikama kokule, ye ina vula okutala keulu, oshonhyi okwa sa oluhovi, ndele ta ti, ‘Kalunga sila nge onghenda, oshonhyi ame omulunde!’” 14Opo nee Yesus okwa ti, “Andi mu lombwele; omufendelifi okwa shuna keumbo a viminwa po koshipala shaKalunga e vule mukwawo. Molwanhyi ngu te inenepeke ota shonopekwa, nangu te ishonopeke ota nenepekwa.”
Yesus ta yambeke ounona
(Mateusa19:13-15; Malukusa10:13-16)
15Aanhu yamwe oya eta ouhanona wawo kuYesus opo e wu tenheke omake. Aalongwa nhyi yeshi mona, oya ngada mba ye wu eta. 16Ndele Yesus okwa ifana ounona auhe, wu uye kuyeeye a ti, “Efeni ounona wu uye kwaame, inamu wu keelela ko, oshonhyi Ouhamba waKalunga owa mba ye wu fa.” 17Oshili andi mu lombwele, kehe ngu iha tambula Ouhamba waKalunga ongokaana, iha yi mo muwo.”
Omulumenhu omuyamba
(Mateusa19:16-30; Malukusa10:17-31)
18Wumwe womaaleli Aayuda okwa pula Yesus ta ti, “Mulongi omuwa, nandi longe shi opo ndi mone omwenyo waaluhe?” 19Yesus okwe mu pula, “Omolwashike toti nge omuwa? Kaku na nande omunhu omuwa, oKalunga oye auke. 20Oipango owu yi shii, ‘Ino hondela, Ino yaka, Ino lundila, Simaneka ho nanyoko.’ ” 21Omulumenhu okwe mu yamukula a ti, ‘Mbi ayihe onde yi wanifa okuza mounyasha wange.’” 22Yesus nhyi e shi uva, okwa ti kuye, “Oku na oshiima shimwe natango u na okushi ninga. Landifa po ayihe mbi u na, oimaliwa to yi pe eehepele, oye to kala u na eliko meulu, opo u landulange. 23Ndele nhyi a uvu nhyi, okwa uva nayi, oshonhyi okwa li omuyamba. 24Yesus nhyi a vibulula kutya omulumhenhu okwa uva nayi okwa ti kuye:” Oshiviyu ngeepi omuyamba a ye mOuhamba waKalunga! 25Okupita kwongamelo meulu lyongwiya okuhwepo ku vule okuya kwomukengeli mOuhamba waKalunga.” 26Mba ye shi uva oya ti, “Hano mba taa hupifwa aangaleni nani?” 27Yesus okwe ya yamukula a ti, “Nhyi ashi nyenge aanhu ihashi nyenge Kalunga.” 28Ndele Peetulusa okwati, “Tala, “Se otwa fiya po omaumbo yetu, ndee atu ku landula.” 29Yesus okwa ti kuyo, “Oshili, andi mu lombwele, Kehe ngu ta fiye po eumbo lyaye nenge omukiinhu wae, nenge mumwainamati nenge aavali yaye, nenge ounona wae omolwOuhamba waKAlunga, 30ota ka mona oyindji mouyuni mbu, nomwenyo waaluhe ote ke wu pewa.”
Yesus ta popi kombiga yeso lyaye olutitatu
(Mateusa20:17-19; Malukusa10:32-34)
31Yesus okwe ikalekela aalongwa yaye omulongo nayaali ndele ta ti kuyo: “Taleni, atu yeni kuYelusalema, nghu a ku ka wanifilwa ayihe mbi ya shangwa kaahunganeki tayi popi Omona wOmunhu. 32Otaka yandjwa moikaha yamba ka ye shi Aayuda, mba taye ke mu yola, taye ke mu sheka, ndee taye ke mu siila omate. 33Otaye ke mu vega, ndele taye mu vipaya, ndele konima yomasiku yatatu otaka umuvwa.” 34Ndele aalongwa oya li kaye uviteko nande osha, oshonhyi eehapu ova li ve ya holekwa, inaya uva ko kutya, Yesus okwa hala okutya shike.”
Yesus ta yeluva omweeheli omuposi
(Mateusa20:29-34; Malukusa10:46-52)
35Yesus nhyi e ya popepi naYeliko, opwa li omulumenhu omuposi ta ehela peeha vondjila. 36Nhyi a uva ongudu yaanhu tayi ende po, okwa pula a ti, “Oshishi nhyi?” 37Aanhu oye mu lombwele ya ti, “OYesus ngu a za kuNasaleta ta ende po.” 38Opo nee okwa ingiva a ti, “Yesus! Omona waDavid! Sila nge onghenda!” 39Aanhu mba ya li komeho oye mu ngada, a mwene, ndee okwa viinine okwiingiva mopale a ti, “Omona waDavid! Sila nge onghenda!” 40Yesus okwa fikama ndee teya lombwele ya ete omuposi kuye. Nhyi e ya lwopopepi, Yesus okwe mu pula, 41“Owa hala ndi ku ningile shike?” Ye okwa ti,
“Omwene, onda hala ndi mone ko natango.”
42Opo nee Yesus okwa ti kuye, “Mona ko! Eitaelo lyoye olye ku yeluva.”
43Viyaviya okwa mona ko, ndele ta landula Yesus nokupandula Kalunga. Aanhu nhyi ye shi mono, ayehe oya hambelele Kalunga.”
ទើបបានជ្រើសរើសហើយ៖
Lukasa 18: MBTP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International
