लुका 22
22
येसुलो उबिरोडलं जाल याडोव
मत्ती २६:१-५; मर्कुस १४:१-२; युहन्ना ११:४५-५३
1खमिर माबराईसिव बरेलो पर्ब नजिकं केरिडेउलिज़्याव। आवलाई निस्तार पर्ब डोसिये। 2मुख्या सेवा डोने मीरं सोनो न्याम पैनेराई येसुलाई कैजैडे सै:ने वार्डे मौका याखिम्ज़्याव, कडालेकं यहुडीरंकाम उरुका मीरंलाई र:ङडे नोरं छेरंये।
येसुलाई सोक्योने यहुडा ओभनो
मत्ती 26:14-16; मर्कुस 14:10-11
3होकाम बारं उसिसरंलाम टोबो इस्करियोत याडोज़्याव यहुडालो उज्युङलं ज़्या: उपसिव। 4नोराई याकुइटं येसुलाई कैजैडे सोक्योने वार्डे मुख्या सेवा डोने मीरं सोनो कप्तानरं लेवङ नाडे नोये सल्ला ओडोनाव। 5नोरं बनै यारेङो, होकाम यहुडा इस्करियोतलाई रुप्या योने कबंल यानोयो। 6नो पनि आव रो:ट सामेल ओटाव। होकाम मीरं यामलेव मौकाटं येसुलाई नोराई याकुइटं सोक्योने वार्डे मौका खिम्डे ओबारिव।
येसुये निस्तार#22:7 इस्राएलीर मिस्रलाम याहाइसिव डिनलाई पर्ब यामानिव पर्बटा भोज ओझोयो
मत्ती २६:१७-30; मर्कुस १४:१२-२१; युहन्ना १३:२१-३०
7खमिर माबराईसिव बरे ज़्योने पर्ब ओराव, हो छ्याम निस्तार पर्बटा मार पल्ने लेव। 8येसुये पत्रुस सोनो युहन्नानिलाई ऐ वार्डे उपरी:ङोनी, “नाडे गेलागिटं निस्तार पर्बटा भोज गझैनाचिनके।”
9नोनि येसुलाई हैनेडोव, “गिन आव भोज काङ झैनेखेने?”
10येसुये नोनिलाई हैओडोवनि, “जिन सहरलं जेकेव पान्त्रा टोबो घारीलं री: घुरो मीये जिनलाई डैनेले। नो मी जो ज़ी:म्ल पसिना होका समं नो मीलो उझिन उझिन नाचिन, 11होकाम जिन होज़ी:मलो ओर्गेलाई हैडाचीन, ‘गुरुबाये नङलाई पजैसनज़्याव, ङा ङासिसरास निस्तार पर्बटा भोज ज़्याने पाहुना कोठा काङ लिज़्या?’ 12नोये जिनलाई ओतर्टा तालट सजैडे नैसिव घ्योव कोठा सतन्नेले, होकाम होलंज़ झैचिन।”
13नोनि नेनाव होकाम येसुये हैओवारो मान्तिनावज़ नेडोयो, होकाम नोनि निस्तार पर्बटा भोज नलंज़ नेझोयो।
प्रभु भोज
मत्ती २६:२६-३०; मर्कुस १४:२-२६; १कोरन्ठी ११:२३-२५
14होकाम बेला ओटाव पान्त्रा प्रेरितरासं भोज ज़्याने उचुङो। 15येसुये नोरंलाई हैओडोवरं, “ङा डुखं डैने भन्डा ङा:डेज़ आव निस्तार पर्बटा भोज जेसं ज़्योने घ्योव ङाईछ्या लेव, 16कडालेकं ङा जेलाई हैङाडाच्यो, परमेस्वरलो ओराज्यलं आवलो ओमाने पुरा ओमटाया समं ङा आव भोज फरि ज़्योने ङाम्ले।”
17होकाम कचौरा रैडे ढन्याबाड ओयोव पान्त्रा येसुये हैओडोवरं, “हाँ, आव जे भाडे ओँच्यो। 18कडालेकं ङा जेलाई हैङाडाच्योज़्या, परमेस्वरलो ओराज्य ओमराया समं आबो फरि अङ्गुरलो उरी: ओँने ङाम्ले।”
19होकाम येसुये बरे रैडे नो बरे ओके:व होकाम उसिसरंलाई ऐ वार्डे ओयोवरं, “जेलाई ङायाच्योज़्याव आव बरे ङाक्याङ ची। ङासम्झनालं आव ज़्योच्यो।”
20हैझैडे याज़्योव पान्त्रा येसुये कचौरा छेन्डे हैओडोवरं, “आव कचौरा जेलागिटं बगैसिव ङाक्याङटा झीला लेव सा:रौ बाचा ची। 21हैनि पनि ङालाई सोक्यो:नेलो उकुइ ङासं टेबलटंज़ लिज़्या। 22कडालेकं मानवालो ओज़ा के हैवार्सिव अनंसार नानेज़ले, हैनि पनि घिनैच्यो नो मीलाई,जोये नोलाई ढोका योव।” 23ऐटाव ये:न डाने काङ्काखेने वार्डे नोरं या-याज़ यापाङो।
घ्योव काङ्का
24होकाम नोरंलाम स्यान्टैराई भन्डा यासे:र काङ्का टाने वार्डे उसिसरं यायुसिव। 25येसुये नोरंलाई हैओडोवरं, “यहुडीरंकाम उरुका मीराई याराजाये नोराई याखार्ल राज डोवये, होकाम नोराई याखार्ल अढिकार चलैनेरंलाई चाव ये:न डोने मीरं वार्डे हैडोरंये।”
26हैनि पनि जे नेटानाव टाटाच्यो। जेलाम जो घ्योव ले हो आलिज़ा ओटाकं। अगंवा टानेये उरुराई यासेवा ओडोवकं। 27होकाम घ्योव काङका? ज़्याव ज़्योने सै सेवा डोने? ज़्याव ज़्योने माङ्क डोरो? हैनि पनि ङा जेखार्ल सेवा डोने मी स्यानाव ङालिज़्या।
28डुखं ङाडोयो बेलाकं जे ङासंज़ जेलेव। 29जो झैडे ङालाई ङाबाबुये राज्य डाने अढिकार याडेनैसोङो हैजैडे ङा पनि जेलाई ङायाच्यो, 30कडालेकं ङाराज्यलं जे ङाटेबलटं चुङडे ज़्याने ओँनेजेले, होकाम इस्राएलला बारं गोटा कुलराई यानिया डोड्यारंडे सिहासन यालं चुङसिनेजेले।
पत्रुसये ईन्कार ओडोने बारेलं येसुलो ओभबिस्यबानी
मत्ती 26:31-35; मर्कुस 14:27-31; युहन्ना 13:36-38
31“सिमोन, ए सिमोन, नङलाई ज़्या:ये पिमा मान्टि च्याप्ने आग्या नि:डेनोयो, 32हैनि पनि ङा नबिस्वास पक्का गटाकं वार्डे नलागिटं प्रार्ठना ङाडोव, होकाम फरी नङ ङालेवडे नवोलो पान्त्रा नभाइरंलाई पनि बल्ल्या झैरं।”
33होकाम पत्रुसये येसुलाई हैओडोव, “ए प्रभु, ङा नङसं झ्यालखानालं नाने सोनो नङसं सिने पनि तयार ङालिज़्या।”
34होकाम येसुये हैओवारो, “पत्रुस ङा नङलाई ङासरेसन, नङ ङालाई ङाम्स:रेसंन वार्डे सोङ्खेप हैनमवार्या समं आछिम भाले कोँने माले।”
ठैलि, ज़:न सोनो तरवाल
35येसुये नोरंलाई हैओडोवरं, “ङा जेलाई बिना ठैली, बिना ज़:न सोनो बिना पनै ङापरि:ङच्योकं जेलाई कडि उम्डुमो?”
नोराई हैयावारो, “स्यान्टैज़ उडुमो।”
36येसुये हैओडोवरं, “हैनि पनि आबो जोसं ठैली लिज़्या होये नो ओछेनोकं,ज़:न लेवये उघुरोकं। होकाम जोसं तरवाल माले, होये ओक्वा येडे टोबो तरवाल ओलो:ङोकं। 37ङा जेलाई हैङाडाच्योज़्या, ‘नो अपराडिरासं उगनिसिव’ वार्डे सर्सिव रो: ङाक्याङटं पुरा टावज़ परिये। हो, ङाबारेलं सर्सिव रो: पुराज़ टाज़्या।”
38होकाम उसिसराई हैयावारो, “ए प्रभु गर:ङके आकं नेबऱ्याङ तरवाल लिज़्या।”
येसुये हैओडोवरं, “नाढङ ओलेखिन् टा।”
जैतुन डान्डाटं येसुलो ओप्रार्ठना
मत्ती २६:६-४६; मर्कुस १४:३२-४२
39पाखा पुलुडे उरु बेलाका मान्टि येसु जैतुन डान्डाटं ओनाव, होकाम उसिसरं पनि उछिन-उछिन यानाव। 40होटं याकेव पान्त्रा येसुये उसिसरंलाई हैओडोवरं, “जे प्रार्ठना डोवग्यान डाच्यो होसोनो परिछ्यालं टापरिच्यो।” 41येसुये उसिसरं लेवकाम तिस मिटरया होसै नाडे उघुन्डा टिकिसिडे प्रार्ठना ओडोव, 42“ए बाबु, नईछ्या ओटाखिन आव कचौरा टङडे झाड्याङ। हैनि पनि ङाईछ्या माङ्क नईछ्या पुरा ओटाकं।” 43होकाम स्वर्गटाम टोबो कटंवालये नोलाई बल याने ओल लेवकं ओराव। 44चब्बनै डुखं मानिडे परमेस्वरलाई पुगारिडे प्रार्ठना ओडोव, होकाम ओक्याङटाम घ्यो-घ्योव ठोप्ला झी स्यानाव पसिना नामलं ओटे:व।
45प्रार्ठना डाडे वोल्डे ओराकं येसुये उसिसरंलाई यासगोये ठाकिडे ङ:ङ्डे यालिज़्याव ओडैरिवरं। 46येसुये नोरंलाई हैओडोवरं, “जे कडाने ङ:ङ्डे जिलिज़्याव? सोडे परिछ्या टाराकं वार्डे प्रार्ठना डोच्यो।”
येसुलाई याक्यो:वो
मत्ती २६:४७-५६; मर्कुस १४:४३-५०; युहन्ना १८:३-११
47येसु ओपाङज़्याकज़ टघुईरं मीरं होकं याराव। बार जना उसिसरंलाम टोबो यहुडा वार्ने नोराई याङा-याङा ओराव। येसुलाई म्वाइने वार्डे नो येसुलो ओछ्योकं ओनाव। 48होकाम येसुये नोलाई हैओडोव, “यहुडा, होकाम नङ मानवालो ओज़ालाई म्वाइडे ढोका याने नपान्ज़्याव रो?”
49होकाम येसुलो ओछ्योयाला लेवराई होकं जो ओटारिज़्याव हो र:ङ्डे येसुलाई हैयाडोव, “प्रभु गे तरवाल गेचलैरो?” 50नोरंलाम टोबोये सेवा डोनेराई यामुख्यालो ओनौकरलाई वो:रटं ओना च्वाट्ट पल्डेओयोव।
51हैनि पनि येसुये हैओवारो, “याटा आबो ऐ टालेच्यो।” होकाम हो मीलो ओना छुडे नोलाई ओसोसोमो।
52होकाम येसुलो उबिरोडलं राव मुख्या सेवा डोने मीरं, प्रार्ठना डोने ज़ी:मला कप्तानरं सोनो ढर्म गुररंलाई येसुये हैओडोवरं, “होकाम जे डाङ्कुलाई जेक्योरीका मान्टि तरवालरं, डेङ्नारं डाडे जेराज़्याव रो? 53ङा डिनकाज़ प्रार्ठना डोने ज़ी:मलं जेसं ङालेकं जे ङाबिरोडलं काङ्कायेज़ जिकुई जेम्झाये। हैनि पनि आबो जे जेसंमंय ची अन्ड्यारोलो ओसक्ति आवज़।”
पत्रुसये येसुलाई ङाम्सरे ओवारो
मत्ती २६:६९-७५; मर्कुस १४:६६-७२; युहन्ना १८:१५-१८; युहन्ना १८:२५-२७
54नोराई येसुलाई क्यो:डे यालाङो, होकाम सेवा डोनेराई यामुख्यालो उज़ी:मकं यारोयो। हैनि पनि पत्रुस टाडाङाम येसुलो उझिन-उझिन ओनाव। 55होकं ठारालं मे: सल्कैडे मीरं डुप्सिडे चुङ्सिडे यालिज़्याव। पत्रुस पनि नोरासंज़ उचुङ्सिव। 56पत्रुस होकं चुङसिडेउलिज़्याव बेलाकं मे:लो उज्यालोटं होला टोबो नौकरनीये पत्रुसलाई र:ङडे, चावसं पैलिडे हैओवारो, “आव मी पनि नोरासंज़ लेव।”
57हैनि पनि पत्रुसये ऐ ओवारो, “ए मेमा ङा नोलाई ङाम्सरे।”
58टढेसका छुटंये पत्रुसलाई र:ङ्डे हैओडोव, “नङ पनि नोरासंकाज़।”
हैनि पनि पत्रुसये जबाक ओयोव, “आव मीये कै ओवार्ज़्याव, ङा माङ्कची।”
59टघन्टाका टोबो मीये ऐ वार्डे कस्सिडे की:डे हैओवारो, “आव पक्काज़ नोरासं लिज़्यावज़ कडालेकं आव पनि गालीलीज़ ओलेवलेव।”
60होकाम पत्रुसये ऐ ओवारो, “नङ, कै नवारज़्याव, ङा ङाम्सन।” पत्रुस ओपाङज़्याकज़ भाले ओकोव। 61होकाम प्रभुये पत्रुसलाई वोल्डे ओरो:ङो। “आछिम भाले कोँने भन्डा ङाडे सोङखेप नङ ङालाई ङाम्स:रेसंन वार्नेनले।” वार्डे हैओवारो प्रभुलो ओपाङ पत्रुसये ओचेतोयो। 62होकाम पत्रुस पाखाङ पुलुडे ड:र-ड:र ओघोरो।
येसुलो उबिज्याट
मत्ती २६:५९-६८; मर्कुस १४:६५
63होकाम येसुलाई क्यो:नेराई येसुलाई गिल्लैडे यापो:व, 64येसुलाई उमिलङ कपड्याडे यापजोयो, “नङलाई पो:ने काङ्का? डे अगमबानी गपाङ्ङनके।” 65नोराई येसुलो उबिरोडलं उरु पनि हेलाहारी सप्डरं यापाङो।
येसु घ्योव कचरिलो ओङा:कं
मत्ती २६:५७-६८; मर्कुस १४:५३-६५; युहन्ना १८:१९-२४
66उज्यालो ओटाव पान्त्रा होला डुप्सिव मीराई याअगंवारं, मुख्या सेवा डोने मीरं सोनो न्याम पैने मीराई येसुलाई घ्योव कचंरिलं यालाङो, 67होकाम येसुलाई हैयाडोव, “नङ ख्रीस्ट टावसं गेलाई हैगडासिके।”
येसुये नोरंलाई हैओडोवरं, “ङा हैङावार्नि पनि जे जिम्पति। 68ङा ङापजैच्योनि पनि जे जबाक जेमयाङ। 69हैनि पनि आबो मानवालो ओज़ा स्यान्टैराई भन्डा ओसक्ति लेव परमेस्वरलो वो:र्डे चुङसिनेले।”
70होकाम नोराई स्यानटैराई हैयाडोव, “होकाम मानि नङ परमेस्वरलो ओज़ा रो?”
येसुये नोरंलाई हैओडोवरं, “जेज़ हैजेवार्ज़्या ङा होज़।”
71नोराई हैयावारो, “गेलाई आबो साचिलो कडि ओये:न ओटावड? कडालेकं नोलो ओया:लामज़ गेठैखे सानिडं।”
ទើបបានជ្រើសរើសហើយ៖
लुका 22: NTWMK25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
लुका 22
22
येसुलो उबिरोडलं जाल याडोव
मत्ती २६:१-५; मर्कुस १४:१-२; युहन्ना ११:४५-५३
1खमिर माबराईसिव बरेलो पर्ब नजिकं केरिडेउलिज़्याव। आवलाई निस्तार पर्ब डोसिये। 2मुख्या सेवा डोने मीरं सोनो न्याम पैनेराई येसुलाई कैजैडे सै:ने वार्डे मौका याखिम्ज़्याव, कडालेकं यहुडीरंकाम उरुका मीरंलाई र:ङडे नोरं छेरंये।
येसुलाई सोक्योने यहुडा ओभनो
मत्ती 26:14-16; मर्कुस 14:10-11
3होकाम बारं उसिसरंलाम टोबो इस्करियोत याडोज़्याव यहुडालो उज्युङलं ज़्या: उपसिव। 4नोराई याकुइटं येसुलाई कैजैडे सोक्योने वार्डे मुख्या सेवा डोने मीरं सोनो कप्तानरं लेवङ नाडे नोये सल्ला ओडोनाव। 5नोरं बनै यारेङो, होकाम यहुडा इस्करियोतलाई रुप्या योने कबंल यानोयो। 6नो पनि आव रो:ट सामेल ओटाव। होकाम मीरं यामलेव मौकाटं येसुलाई नोराई याकुइटं सोक्योने वार्डे मौका खिम्डे ओबारिव।
येसुये निस्तार#22:7 इस्राएलीर मिस्रलाम याहाइसिव डिनलाई पर्ब यामानिव पर्बटा भोज ओझोयो
मत्ती २६:१७-30; मर्कुस १४:१२-२१; युहन्ना १३:२१-३०
7खमिर माबराईसिव बरे ज़्योने पर्ब ओराव, हो छ्याम निस्तार पर्बटा मार पल्ने लेव। 8येसुये पत्रुस सोनो युहन्नानिलाई ऐ वार्डे उपरी:ङोनी, “नाडे गेलागिटं निस्तार पर्बटा भोज गझैनाचिनके।”
9नोनि येसुलाई हैनेडोव, “गिन आव भोज काङ झैनेखेने?”
10येसुये नोनिलाई हैओडोवनि, “जिन सहरलं जेकेव पान्त्रा टोबो घारीलं री: घुरो मीये जिनलाई डैनेले। नो मी जो ज़ी:म्ल पसिना होका समं नो मीलो उझिन उझिन नाचिन, 11होकाम जिन होज़ी:मलो ओर्गेलाई हैडाचीन, ‘गुरुबाये नङलाई पजैसनज़्याव, ङा ङासिसरास निस्तार पर्बटा भोज ज़्याने पाहुना कोठा काङ लिज़्या?’ 12नोये जिनलाई ओतर्टा तालट सजैडे नैसिव घ्योव कोठा सतन्नेले, होकाम होलंज़ झैचिन।”
13नोनि नेनाव होकाम येसुये हैओवारो मान्तिनावज़ नेडोयो, होकाम नोनि निस्तार पर्बटा भोज नलंज़ नेझोयो।
प्रभु भोज
मत्ती २६:२६-३०; मर्कुस १४:२-२६; १कोरन्ठी ११:२३-२५
14होकाम बेला ओटाव पान्त्रा प्रेरितरासं भोज ज़्याने उचुङो। 15येसुये नोरंलाई हैओडोवरं, “ङा डुखं डैने भन्डा ङा:डेज़ आव निस्तार पर्बटा भोज जेसं ज़्योने घ्योव ङाईछ्या लेव, 16कडालेकं ङा जेलाई हैङाडाच्यो, परमेस्वरलो ओराज्यलं आवलो ओमाने पुरा ओमटाया समं ङा आव भोज फरि ज़्योने ङाम्ले।”
17होकाम कचौरा रैडे ढन्याबाड ओयोव पान्त्रा येसुये हैओडोवरं, “हाँ, आव जे भाडे ओँच्यो। 18कडालेकं ङा जेलाई हैङाडाच्योज़्या, परमेस्वरलो ओराज्य ओमराया समं आबो फरि अङ्गुरलो उरी: ओँने ङाम्ले।”
19होकाम येसुये बरे रैडे नो बरे ओके:व होकाम उसिसरंलाई ऐ वार्डे ओयोवरं, “जेलाई ङायाच्योज़्याव आव बरे ङाक्याङ ची। ङासम्झनालं आव ज़्योच्यो।”
20हैझैडे याज़्योव पान्त्रा येसुये कचौरा छेन्डे हैओडोवरं, “आव कचौरा जेलागिटं बगैसिव ङाक्याङटा झीला लेव सा:रौ बाचा ची। 21हैनि पनि ङालाई सोक्यो:नेलो उकुइ ङासं टेबलटंज़ लिज़्या। 22कडालेकं मानवालो ओज़ा के हैवार्सिव अनंसार नानेज़ले, हैनि पनि घिनैच्यो नो मीलाई,जोये नोलाई ढोका योव।” 23ऐटाव ये:न डाने काङ्काखेने वार्डे नोरं या-याज़ यापाङो।
घ्योव काङ्का
24होकाम नोरंलाम स्यान्टैराई भन्डा यासे:र काङ्का टाने वार्डे उसिसरं यायुसिव। 25येसुये नोरंलाई हैओडोवरं, “यहुडीरंकाम उरुका मीराई याराजाये नोराई याखार्ल राज डोवये, होकाम नोराई याखार्ल अढिकार चलैनेरंलाई चाव ये:न डोने मीरं वार्डे हैडोरंये।”
26हैनि पनि जे नेटानाव टाटाच्यो। जेलाम जो घ्योव ले हो आलिज़ा ओटाकं। अगंवा टानेये उरुराई यासेवा ओडोवकं। 27होकाम घ्योव काङका? ज़्याव ज़्योने सै सेवा डोने? ज़्याव ज़्योने माङ्क डोरो? हैनि पनि ङा जेखार्ल सेवा डोने मी स्यानाव ङालिज़्या।
28डुखं ङाडोयो बेलाकं जे ङासंज़ जेलेव। 29जो झैडे ङालाई ङाबाबुये राज्य डाने अढिकार याडेनैसोङो हैजैडे ङा पनि जेलाई ङायाच्यो, 30कडालेकं ङाराज्यलं जे ङाटेबलटं चुङडे ज़्याने ओँनेजेले, होकाम इस्राएलला बारं गोटा कुलराई यानिया डोड्यारंडे सिहासन यालं चुङसिनेजेले।
पत्रुसये ईन्कार ओडोने बारेलं येसुलो ओभबिस्यबानी
मत्ती 26:31-35; मर्कुस 14:27-31; युहन्ना 13:36-38
31“सिमोन, ए सिमोन, नङलाई ज़्या:ये पिमा मान्टि च्याप्ने आग्या नि:डेनोयो, 32हैनि पनि ङा नबिस्वास पक्का गटाकं वार्डे नलागिटं प्रार्ठना ङाडोव, होकाम फरी नङ ङालेवडे नवोलो पान्त्रा नभाइरंलाई पनि बल्ल्या झैरं।”
33होकाम पत्रुसये येसुलाई हैओडोव, “ए प्रभु, ङा नङसं झ्यालखानालं नाने सोनो नङसं सिने पनि तयार ङालिज़्या।”
34होकाम येसुये हैओवारो, “पत्रुस ङा नङलाई ङासरेसन, नङ ङालाई ङाम्स:रेसंन वार्डे सोङ्खेप हैनमवार्या समं आछिम भाले कोँने माले।”
ठैलि, ज़:न सोनो तरवाल
35येसुये नोरंलाई हैओडोवरं, “ङा जेलाई बिना ठैली, बिना ज़:न सोनो बिना पनै ङापरि:ङच्योकं जेलाई कडि उम्डुमो?”
नोराई हैयावारो, “स्यान्टैज़ उडुमो।”
36येसुये हैओडोवरं, “हैनि पनि आबो जोसं ठैली लिज़्या होये नो ओछेनोकं,ज़:न लेवये उघुरोकं। होकाम जोसं तरवाल माले, होये ओक्वा येडे टोबो तरवाल ओलो:ङोकं। 37ङा जेलाई हैङाडाच्योज़्या, ‘नो अपराडिरासं उगनिसिव’ वार्डे सर्सिव रो: ङाक्याङटं पुरा टावज़ परिये। हो, ङाबारेलं सर्सिव रो: पुराज़ टाज़्या।”
38होकाम उसिसराई हैयावारो, “ए प्रभु गर:ङके आकं नेबऱ्याङ तरवाल लिज़्या।”
येसुये हैओडोवरं, “नाढङ ओलेखिन् टा।”
जैतुन डान्डाटं येसुलो ओप्रार्ठना
मत्ती २६:६-४६; मर्कुस १४:३२-४२
39पाखा पुलुडे उरु बेलाका मान्टि येसु जैतुन डान्डाटं ओनाव, होकाम उसिसरं पनि उछिन-उछिन यानाव। 40होटं याकेव पान्त्रा येसुये उसिसरंलाई हैओडोवरं, “जे प्रार्ठना डोवग्यान डाच्यो होसोनो परिछ्यालं टापरिच्यो।” 41येसुये उसिसरं लेवकाम तिस मिटरया होसै नाडे उघुन्डा टिकिसिडे प्रार्ठना ओडोव, 42“ए बाबु, नईछ्या ओटाखिन आव कचौरा टङडे झाड्याङ। हैनि पनि ङाईछ्या माङ्क नईछ्या पुरा ओटाकं।” 43होकाम स्वर्गटाम टोबो कटंवालये नोलाई बल याने ओल लेवकं ओराव। 44चब्बनै डुखं मानिडे परमेस्वरलाई पुगारिडे प्रार्ठना ओडोव, होकाम ओक्याङटाम घ्यो-घ्योव ठोप्ला झी स्यानाव पसिना नामलं ओटे:व।
45प्रार्ठना डाडे वोल्डे ओराकं येसुये उसिसरंलाई यासगोये ठाकिडे ङ:ङ्डे यालिज़्याव ओडैरिवरं। 46येसुये नोरंलाई हैओडोवरं, “जे कडाने ङ:ङ्डे जिलिज़्याव? सोडे परिछ्या टाराकं वार्डे प्रार्ठना डोच्यो।”
येसुलाई याक्यो:वो
मत्ती २६:४७-५६; मर्कुस १४:४३-५०; युहन्ना १८:३-११
47येसु ओपाङज़्याकज़ टघुईरं मीरं होकं याराव। बार जना उसिसरंलाम टोबो यहुडा वार्ने नोराई याङा-याङा ओराव। येसुलाई म्वाइने वार्डे नो येसुलो ओछ्योकं ओनाव। 48होकाम येसुये नोलाई हैओडोव, “यहुडा, होकाम नङ मानवालो ओज़ालाई म्वाइडे ढोका याने नपान्ज़्याव रो?”
49होकाम येसुलो ओछ्योयाला लेवराई होकं जो ओटारिज़्याव हो र:ङ्डे येसुलाई हैयाडोव, “प्रभु गे तरवाल गेचलैरो?” 50नोरंलाम टोबोये सेवा डोनेराई यामुख्यालो ओनौकरलाई वो:रटं ओना च्वाट्ट पल्डेओयोव।
51हैनि पनि येसुये हैओवारो, “याटा आबो ऐ टालेच्यो।” होकाम हो मीलो ओना छुडे नोलाई ओसोसोमो।
52होकाम येसुलो उबिरोडलं राव मुख्या सेवा डोने मीरं, प्रार्ठना डोने ज़ी:मला कप्तानरं सोनो ढर्म गुररंलाई येसुये हैओडोवरं, “होकाम जे डाङ्कुलाई जेक्योरीका मान्टि तरवालरं, डेङ्नारं डाडे जेराज़्याव रो? 53ङा डिनकाज़ प्रार्ठना डोने ज़ी:मलं जेसं ङालेकं जे ङाबिरोडलं काङ्कायेज़ जिकुई जेम्झाये। हैनि पनि आबो जे जेसंमंय ची अन्ड्यारोलो ओसक्ति आवज़।”
पत्रुसये येसुलाई ङाम्सरे ओवारो
मत्ती २६:६९-७५; मर्कुस १४:६६-७२; युहन्ना १८:१५-१८; युहन्ना १८:२५-२७
54नोराई येसुलाई क्यो:डे यालाङो, होकाम सेवा डोनेराई यामुख्यालो उज़ी:मकं यारोयो। हैनि पनि पत्रुस टाडाङाम येसुलो उझिन-उझिन ओनाव। 55होकं ठारालं मे: सल्कैडे मीरं डुप्सिडे चुङ्सिडे यालिज़्याव। पत्रुस पनि नोरासंज़ उचुङ्सिव। 56पत्रुस होकं चुङसिडेउलिज़्याव बेलाकं मे:लो उज्यालोटं होला टोबो नौकरनीये पत्रुसलाई र:ङडे, चावसं पैलिडे हैओवारो, “आव मी पनि नोरासंज़ लेव।”
57हैनि पनि पत्रुसये ऐ ओवारो, “ए मेमा ङा नोलाई ङाम्सरे।”
58टढेसका छुटंये पत्रुसलाई र:ङ्डे हैओडोव, “नङ पनि नोरासंकाज़।”
हैनि पनि पत्रुसये जबाक ओयोव, “आव मीये कै ओवार्ज़्याव, ङा माङ्कची।”
59टघन्टाका टोबो मीये ऐ वार्डे कस्सिडे की:डे हैओवारो, “आव पक्काज़ नोरासं लिज़्यावज़ कडालेकं आव पनि गालीलीज़ ओलेवलेव।”
60होकाम पत्रुसये ऐ ओवारो, “नङ, कै नवारज़्याव, ङा ङाम्सन।” पत्रुस ओपाङज़्याकज़ भाले ओकोव। 61होकाम प्रभुये पत्रुसलाई वोल्डे ओरो:ङो। “आछिम भाले कोँने भन्डा ङाडे सोङखेप नङ ङालाई ङाम्स:रेसंन वार्नेनले।” वार्डे हैओवारो प्रभुलो ओपाङ पत्रुसये ओचेतोयो। 62होकाम पत्रुस पाखाङ पुलुडे ड:र-ड:र ओघोरो।
येसुलो उबिज्याट
मत्ती २६:५९-६८; मर्कुस १४:६५
63होकाम येसुलाई क्यो:नेराई येसुलाई गिल्लैडे यापो:व, 64येसुलाई उमिलङ कपड्याडे यापजोयो, “नङलाई पो:ने काङ्का? डे अगमबानी गपाङ्ङनके।” 65नोराई येसुलो उबिरोडलं उरु पनि हेलाहारी सप्डरं यापाङो।
येसु घ्योव कचरिलो ओङा:कं
मत्ती २६:५७-६८; मर्कुस १४:५३-६५; युहन्ना १८:१९-२४
66उज्यालो ओटाव पान्त्रा होला डुप्सिव मीराई याअगंवारं, मुख्या सेवा डोने मीरं सोनो न्याम पैने मीराई येसुलाई घ्योव कचंरिलं यालाङो, 67होकाम येसुलाई हैयाडोव, “नङ ख्रीस्ट टावसं गेलाई हैगडासिके।”
येसुये नोरंलाई हैओडोवरं, “ङा हैङावार्नि पनि जे जिम्पति। 68ङा ङापजैच्योनि पनि जे जबाक जेमयाङ। 69हैनि पनि आबो मानवालो ओज़ा स्यान्टैराई भन्डा ओसक्ति लेव परमेस्वरलो वो:र्डे चुङसिनेले।”
70होकाम नोराई स्यानटैराई हैयाडोव, “होकाम मानि नङ परमेस्वरलो ओज़ा रो?”
येसुये नोरंलाई हैओडोवरं, “जेज़ हैजेवार्ज़्या ङा होज़।”
71नोराई हैयावारो, “गेलाई आबो साचिलो कडि ओये:न ओटावड? कडालेकं नोलो ओया:लामज़ गेठैखे सानिडं।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025