लुका 21
21
रान्डिनिलो ओभेटी
मर्कुस १२:४१-४४
1ढनिराई प्रार्ठना डोने ज़ी:मला डान नैने जालं याभेटी याचरैज़्याव येसुये ओरो:ङोरं। 2येसुये टोबो गरिब रान्डिनिये नलं नेपैसा ओचरोयो पनि ओरो:ङो। 3होकाम येसुये हैओवारो, “ङा डस्साज़ जेलाई हैङाडाच्योज़्या, आव गरिब रान्डिनिये स्यान्टैराई भन्डा भ्या चरैडे नोयो। 4कडालेकं आव स्यान्टैराई के यासं लेव भ्या सम्पतिटाम हाईडे चरैडेनैरं, हैनि पनि आवये गरिब टाडे पनि ओल्स लेव भरि स्यान्टै चरैडे नोयो।”
प्रार्ठना ज़ी:म नास टाने बारेलं येसु ओपाङो
मत्ती २४:१-४१; मर्कुस १३:१-३१
5होकाम कोई कोईराई चा-चाव लुङरं सोनो डानलं राव बस्तराई सजैसिव प्रार्ठना डोने ज़ी:मलो ओबारेलं रो: याडोव। होकाम येसुये हैओडोवरं, 6“जे जो जेर:ङज़्या, टछा ऐटाव समंय रानेले नोरं स्यान्टै टा:डे टोबो लुङ तर्ट छुटं लुङ पनि बाङ्की रहिने माले।”
आफंट सोनो बिफंट
मत्ती 24:3-14; मर्कुस 13:3-13
7नोराई येसुलाई यापजोयो, “गुरबा आव स्यान्टै नपाङ्ज़्याव रो:रं खर्क टाने लेरं? होकाम आव रो:रं पुरा याटारिकं खैटाव चिन्नरं टाने लेरं?”
8येसुये हैओडोवरं, “होस्यार लेच्यो, जेलाई काङ्काराई पनि जियुङ टाबलेड्याच्योरंकं। ङामीन्ट भ्याबिछोरं ‘ङा येसुज़’ होकाम ‘बेला नजिकं राडेले,’ वार्डे हैवार्रये। नोराई याछिन्ट जे टाबारिच्यो। 9जब जे लराई ओटाव सोनो चाव माचाव रो:रं ठैनेजेले हो बेलाकं टाछेच्यो, कडालेकं ङा:डे ऐटाव घटनारं टानेज़ले, हैनि पनि होपान्त्राज़ समंय खेम्ने माले।”
10होकाम येसुये नोरंलाई हैओडोवरं, “डेस डेसलो उबिरोडलं सोनो राज्य राज्यलो उबिरोडलं च्याङसिनेले। 11घ्यो-घ्योव भुम्चालरं नानेले। कोइ-कोइ पोयालं अनिकाल सोनो घ्यो-घ्योव रोगोये मीरं बनै सिनेलेरं, चब्बनै छे-छेङप्सिव टानेले, होकाम नमटं बडा-बडाघ्योव चिन्नरं र:न्नेलेरं।”
12हैनि पनि आव घटंनारं टाने भन्डा ङा:डे मीराई जेलाई क्यो:डे सहटैनेलेरं, जेलाई यहुडीरं याडुप्सिने ज़ी:मयालं सुम्पीड्यानेलेरं, होकाम झ्यालखानालं झानेलेरं। ङामिन जेरोयो कारंनये जेलाई राजाराई सोनो हाकिमराई याङाकं लाङने लेरं। 13हैनि पनि जेलागिटं आव टोबो ङागोहाई पाङने मौका टानेले। 14हैजैडे जे बान्चिनेलो लागिटं कडि पाङने हो रो: ङा:डेकाम्ज़ जियुङलं टासुन्चिच्यो। 15कडालेकं ङा जेलाई ऐटाव पाङने या: सोनो बुड्डी यानेङाले, जिबिरोडला पाङनेरं जेरो:लो ओजबाक याडुने मालेरं होसोनो जेपाङो रो:लो ओबात्रा पनि डोडुने मालेरं। 16हैनि पनि ज्यामा जेबाबुरं, जेडाज्यु भाइरं, जेआफ्नोरं सोनो जेनैराई पनि जेलाई सोक्यो:नेलेरं होकाम जे मड्डेलाम कोई-कोइरंलाई नोराई सै:नेलेरं। 17ङालाई जिपुगारिसोङो कारनये जेलाई स्यान्टै मीराई घिनैने लेरं। 18हैनि पनि जेङै:टा टोबो जेचेम पनि नास टाने माले। 19जे माआत्तिडे जेलेवये जेपोहोन बान्चीनेले।
येसुये यरुसलेम नास टाने बारेलं ओपाङो
मत्ती २४:१५-२१; मर्कुस १३:१३-१९
20जे यरुसलेमलाई सेनाराई याघिरिव जेरोङो पान्त्रा नो के चानोज़ नास टा वार्डे ठा सन्च्यो। 21होकाम यहुडियाला लेनेरं पाहारडे ओढोङ्रंकं। सहरला लेनेरं होलाम ओहाईसिरंकं, नाङ्खारलं लेनेरं सहरलं टापसिरंकं। 22कडालेकं सर्सिव स्यान्टै रो:रं पुरा टानेलो लागिटं पैचा रैने ऐटाव डिन रानेले। 23ओहो! नो डिन छ्याम मु:ऱ्या सोनो नुन ओँने याज़ालेव मेमारंलाई प्रिठीबीलं बनै घ्योव डुखं रानेले, होकाम आव मीरंलाई परमेस्वरलो उरिस र:न्नेले। 24नोरंलाई तरवालये सै:नेलेरं, होकाम स्यान्टै डेसडे कैडि झैडे लाङनेलेरं। होकाम यहुडीरंकाम उरुका मीराई यासमंय पुरा ओमटाया समं नोराई यरुसलेमलाई याखङये सिडे नैनेलेरं।
मानवालो ओज़ा राने
मत्ती 24:29-31; मर्कुस 13:24-27
25“नीमी, स्यावै सोनो सोरोयालं चिन्नरं र:न्नेले होकाम समन्डरलो ओगा सोनो ओछल्काराई प्रिठीबीला स्यान्टै डेसरं अप्ठारोलं परिडे आत्तिने लेरं।
26सङसारला टारिज़्याव घटनालो सङ्खा डैडे मीरं याछ्यासैये याचेटं मा:नेले, कडालेकं नम्टा सक्तिर खल्बलिने लेरं। 27होकाम मानवालो ओज़ालाई सक्ति सोनो घ्योव ओमहिमासं बाडलट ओराज़्याव नोराई र:ङनेलेरं।
28आव रो:रं पुरा याटारिकं च्याङसिडे जेङै: छेन्डे भाल्सिच्यो कडालेकं जे आव रो:टाम चानोज़ हाइसिने जेले।”
डिलो उसिङटाम सिछ्या
मत्ती 24:32-35; मर्कुस 13:28-31
29येसुये नोरंलाई टोबो सात्रो हैओडोवरं, “डीलो उसिङ सोनो स्यान्टै सिङरंलाई र:ङच्यो, 30नोराई यापला:व याख्याव र:ङ्डे जेज़ ठा जेसन उभ्याली नजिकं राडेले वार्डे। 31हैजैडेज़ जे पनि जब आव रो:रं याटाव जेर:ङ,होकाम परमेस्वरलो ओराज्य नजिकं लिज़्या वार्डे ठा सन्च्यो।”
32ङा जेलाई डस्साज़ हैङाडाच्यो, आव स्यान्टै घटनारं पुरा याम्टाया समं आव पुस्ता खेम्डे नानेमाले। 33नमर नामरं नास टाडे नानेलेरं, हैनि पनि ङापाङ खर्क पनि नास टाने माले।
जागा लेच्यो
34“हैनि पनि जे जेलागिटं होस्यार लेच्यो। मानि मोज मजाक, म:ङडे लेने, सोनो जेजीबनला चीन्ताये जियुङ बलेड्याच्योवके होकाम जेलाई नो डिन अम्ल्याङसानि माहाला मान्टि राके। 35कडालेकं ऐझैडेज़ सङसारलं लेने स्यान्टैरंलाईज़ आव माहाला मान्टि टाडे रानेले। 36हैनि पनि आव रारिज़्याव स्यान्टै रो:टाम हाइसिने सोनो मानवालो ओज़ालो ओङा:कं नानेलागिटं तयार टाने एक्सप्ड्या प्रार्ठना डाडे जागा लेच्यो।”
37येसुये लाकं प्रार्ठना डोने ज़ी:मलं पोयोरंये, होकाम रिलं होलाम पुलुडे जैतुन डान्डाट री भरि लेये। 38येसुलो ओबचन ठैने वार्डे स्यान्टै मीरं छकाल्ने प्रार्ठना डोने ज़ी:मलं रारंये।
ទើបបានជ្រើសរើសហើយ៖
लुका 21: NTWMK25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
लुका 21
21
रान्डिनिलो ओभेटी
मर्कुस १२:४१-४४
1ढनिराई प्रार्ठना डोने ज़ी:मला डान नैने जालं याभेटी याचरैज़्याव येसुये ओरो:ङोरं। 2येसुये टोबो गरिब रान्डिनिये नलं नेपैसा ओचरोयो पनि ओरो:ङो। 3होकाम येसुये हैओवारो, “ङा डस्साज़ जेलाई हैङाडाच्योज़्या, आव गरिब रान्डिनिये स्यान्टैराई भन्डा भ्या चरैडे नोयो। 4कडालेकं आव स्यान्टैराई के यासं लेव भ्या सम्पतिटाम हाईडे चरैडेनैरं, हैनि पनि आवये गरिब टाडे पनि ओल्स लेव भरि स्यान्टै चरैडे नोयो।”
प्रार्ठना ज़ी:म नास टाने बारेलं येसु ओपाङो
मत्ती २४:१-४१; मर्कुस १३:१-३१
5होकाम कोई कोईराई चा-चाव लुङरं सोनो डानलं राव बस्तराई सजैसिव प्रार्ठना डोने ज़ी:मलो ओबारेलं रो: याडोव। होकाम येसुये हैओडोवरं, 6“जे जो जेर:ङज़्या, टछा ऐटाव समंय रानेले नोरं स्यान्टै टा:डे टोबो लुङ तर्ट छुटं लुङ पनि बाङ्की रहिने माले।”
आफंट सोनो बिफंट
मत्ती 24:3-14; मर्कुस 13:3-13
7नोराई येसुलाई यापजोयो, “गुरबा आव स्यान्टै नपाङ्ज़्याव रो:रं खर्क टाने लेरं? होकाम आव रो:रं पुरा याटारिकं खैटाव चिन्नरं टाने लेरं?”
8येसुये हैओडोवरं, “होस्यार लेच्यो, जेलाई काङ्काराई पनि जियुङ टाबलेड्याच्योरंकं। ङामीन्ट भ्याबिछोरं ‘ङा येसुज़’ होकाम ‘बेला नजिकं राडेले,’ वार्डे हैवार्रये। नोराई याछिन्ट जे टाबारिच्यो। 9जब जे लराई ओटाव सोनो चाव माचाव रो:रं ठैनेजेले हो बेलाकं टाछेच्यो, कडालेकं ङा:डे ऐटाव घटनारं टानेज़ले, हैनि पनि होपान्त्राज़ समंय खेम्ने माले।”
10होकाम येसुये नोरंलाई हैओडोवरं, “डेस डेसलो उबिरोडलं सोनो राज्य राज्यलो उबिरोडलं च्याङसिनेले। 11घ्यो-घ्योव भुम्चालरं नानेले। कोइ-कोइ पोयालं अनिकाल सोनो घ्यो-घ्योव रोगोये मीरं बनै सिनेलेरं, चब्बनै छे-छेङप्सिव टानेले, होकाम नमटं बडा-बडाघ्योव चिन्नरं र:न्नेलेरं।”
12हैनि पनि आव घटंनारं टाने भन्डा ङा:डे मीराई जेलाई क्यो:डे सहटैनेलेरं, जेलाई यहुडीरं याडुप्सिने ज़ी:मयालं सुम्पीड्यानेलेरं, होकाम झ्यालखानालं झानेलेरं। ङामिन जेरोयो कारंनये जेलाई राजाराई सोनो हाकिमराई याङाकं लाङने लेरं। 13हैनि पनि जेलागिटं आव टोबो ङागोहाई पाङने मौका टानेले। 14हैजैडे जे बान्चिनेलो लागिटं कडि पाङने हो रो: ङा:डेकाम्ज़ जियुङलं टासुन्चिच्यो। 15कडालेकं ङा जेलाई ऐटाव पाङने या: सोनो बुड्डी यानेङाले, जिबिरोडला पाङनेरं जेरो:लो ओजबाक याडुने मालेरं होसोनो जेपाङो रो:लो ओबात्रा पनि डोडुने मालेरं। 16हैनि पनि ज्यामा जेबाबुरं, जेडाज्यु भाइरं, जेआफ्नोरं सोनो जेनैराई पनि जेलाई सोक्यो:नेलेरं होकाम जे मड्डेलाम कोई-कोइरंलाई नोराई सै:नेलेरं। 17ङालाई जिपुगारिसोङो कारनये जेलाई स्यान्टै मीराई घिनैने लेरं। 18हैनि पनि जेङै:टा टोबो जेचेम पनि नास टाने माले। 19जे माआत्तिडे जेलेवये जेपोहोन बान्चीनेले।
येसुये यरुसलेम नास टाने बारेलं ओपाङो
मत्ती २४:१५-२१; मर्कुस १३:१३-१९
20जे यरुसलेमलाई सेनाराई याघिरिव जेरोङो पान्त्रा नो के चानोज़ नास टा वार्डे ठा सन्च्यो। 21होकाम यहुडियाला लेनेरं पाहारडे ओढोङ्रंकं। सहरला लेनेरं होलाम ओहाईसिरंकं, नाङ्खारलं लेनेरं सहरलं टापसिरंकं। 22कडालेकं सर्सिव स्यान्टै रो:रं पुरा टानेलो लागिटं पैचा रैने ऐटाव डिन रानेले। 23ओहो! नो डिन छ्याम मु:ऱ्या सोनो नुन ओँने याज़ालेव मेमारंलाई प्रिठीबीलं बनै घ्योव डुखं रानेले, होकाम आव मीरंलाई परमेस्वरलो उरिस र:न्नेले। 24नोरंलाई तरवालये सै:नेलेरं, होकाम स्यान्टै डेसडे कैडि झैडे लाङनेलेरं। होकाम यहुडीरंकाम उरुका मीराई यासमंय पुरा ओमटाया समं नोराई यरुसलेमलाई याखङये सिडे नैनेलेरं।
मानवालो ओज़ा राने
मत्ती 24:29-31; मर्कुस 13:24-27
25“नीमी, स्यावै सोनो सोरोयालं चिन्नरं र:न्नेले होकाम समन्डरलो ओगा सोनो ओछल्काराई प्रिठीबीला स्यान्टै डेसरं अप्ठारोलं परिडे आत्तिने लेरं।
26सङसारला टारिज़्याव घटनालो सङ्खा डैडे मीरं याछ्यासैये याचेटं मा:नेले, कडालेकं नम्टा सक्तिर खल्बलिने लेरं। 27होकाम मानवालो ओज़ालाई सक्ति सोनो घ्योव ओमहिमासं बाडलट ओराज़्याव नोराई र:ङनेलेरं।
28आव रो:रं पुरा याटारिकं च्याङसिडे जेङै: छेन्डे भाल्सिच्यो कडालेकं जे आव रो:टाम चानोज़ हाइसिने जेले।”
डिलो उसिङटाम सिछ्या
मत्ती 24:32-35; मर्कुस 13:28-31
29येसुये नोरंलाई टोबो सात्रो हैओडोवरं, “डीलो उसिङ सोनो स्यान्टै सिङरंलाई र:ङच्यो, 30नोराई यापला:व याख्याव र:ङ्डे जेज़ ठा जेसन उभ्याली नजिकं राडेले वार्डे। 31हैजैडेज़ जे पनि जब आव रो:रं याटाव जेर:ङ,होकाम परमेस्वरलो ओराज्य नजिकं लिज़्या वार्डे ठा सन्च्यो।”
32ङा जेलाई डस्साज़ हैङाडाच्यो, आव स्यान्टै घटनारं पुरा याम्टाया समं आव पुस्ता खेम्डे नानेमाले। 33नमर नामरं नास टाडे नानेलेरं, हैनि पनि ङापाङ खर्क पनि नास टाने माले।
जागा लेच्यो
34“हैनि पनि जे जेलागिटं होस्यार लेच्यो। मानि मोज मजाक, म:ङडे लेने, सोनो जेजीबनला चीन्ताये जियुङ बलेड्याच्योवके होकाम जेलाई नो डिन अम्ल्याङसानि माहाला मान्टि राके। 35कडालेकं ऐझैडेज़ सङसारलं लेने स्यान्टैरंलाईज़ आव माहाला मान्टि टाडे रानेले। 36हैनि पनि आव रारिज़्याव स्यान्टै रो:टाम हाइसिने सोनो मानवालो ओज़ालो ओङा:कं नानेलागिटं तयार टाने एक्सप्ड्या प्रार्ठना डाडे जागा लेच्यो।”
37येसुये लाकं प्रार्ठना डोने ज़ी:मलं पोयोरंये, होकाम रिलं होलाम पुलुडे जैतुन डान्डाट री भरि लेये। 38येसुलो ओबचन ठैने वार्डे स्यान्टै मीरं छकाल्ने प्रार्ठना डोने ज़ी:मलं रारंये।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025