लुका 23
23
येसु पिलातसलो ओङा:कं
मत्ती २७:११-२६; मर्कुस १५:१-१५; युहन्ना १८:१-४०; १९:१-१६
1स्यान्टै कचरिला मीरं याच्याङसिव, होकाम येसुलाई पिलातस लेवकं यारोयो। 2नोराई येसुलाई ऐ वार्डे याडोसोयो, “आव मीये गे गेमीरंलाई छेन्डे ओभर्कैरिज़्यावरं गेरो:ङो। आवये कैसरलाई सिरमा पनि फोव मायासिवये, ओल ङाज़ ख्रीस्ट ची, ङा के राजा ची वार्डे है वार्ज़्या।”
3पिलातसये येसुलाई ओपजोयो, “होकाम नङ यहुडीराई याराजा रो?”
येसुये जबाक ओयोव, “नङज़ हैनवार्ज़्या?”
4होकाम पिलातसये मुख्या सेवा डोनेरं सोनो होला लेव मीरंलाई हैओडोवरं, “ङा आव मीलो ओगल्ति कडिज़ ङाम्डैये।”
5हैनि पनि नोरं बनै जोर डाडे हैयावारो, “आवये स्यान्टै यहुडिया, सोनो गालीललाम रैडे आलं समं मीरंलाई पैडे भर्कैरिज़्यावरं।”
येसु हेरोडलो ओङा:कं
6होकाम पिलातसये आव रो: ठैडे, “आव मी गालीलला सै” वार्डे ओपजोयो। 7होकाम आव राजा हेरोड उलिज़्यावडेङा मी ची वार्डे ठा सन्डे पिलातसये येसुलाई हेरोड राजा लेवङं उपरी:ङो। हो बेलाकं हेरोड ओल पनि यरुसलेमलं लेव।
8होकाम येसुलाई र:ङडे हेरोड चब्बनै ओरेङो। कडालेकं हेरोडये येसुलो ओबारेलं ठैडेओनैज़्याव। हैजैडे ङाडे:कामज़ हेरोड येसुसं डैसिने सोनो अचम्बला ये:न ओडोव र:ङने बनै आस डाडे ओनैज़्याव। 9हेरोडये येसुलाई बनै भ्या रो:रं ओपजोयो, हैनि पनि येसुये कडि जबाकज़ मायोवये। 10मुख्या सेवा डोनेरं सोनो न्याम पैनेराई च्याङसिडे कस्सि-कस्सिडे कि:डे येसुलाई याडोसोयो। 11हेरोडये उसिफाइँरासं मिलिडे येसुलाई हेलार:ङडे माचाव बेहोरा ओडोव, होकाम येसुलाई यागिल्लोयो। होकाम येसुलाई बनै चाव क्वा क्वाईडे पिलातस लेवङ सोवोल्डे उपरी:ङो। 12हो छ्यामकामज़ पिलातस सोनो हेरोड नि फरि नै-नैनि नेटाव, कडालेकं ङा:डे नोनि नेखार्ल माचाव लेव।
येसुलाई सै:ने डन्ड यायोव
मत्ती 27:15-26; मर्कुस 15:6-15; युहन्ना 18:39; 19:16
13होकाम पिलातसये ङा:डे मुख्या सेवा डोनेरं, सासंन डोनेरं सोनो यहुडीरंकाम उरुका मीरंलाई उडुपोरं। 14“पिलातसये नोरंलाई हैओडोवरं जे मीरंलाई सज़िरनेरं वार्डे आवलाई ङा-ङा:कं जेरोयो। जेङा:कंज़ आवलाई ङापजैकं जे आवलाई जेडोसोयोटं ङा आवलो ओडोस ङाम्डैये। 15हेरोडये पनि डोस माडोयोये, कडालेकं नोये पनि आवलाई गे लेवडेज़ ओसोवोलो। आवलाई सै:ने हाढंङका डोसि ये:न आवये ओडोव माले। 16हैजैडे ङा आवलाई पो:डे याज़ रा:ड्याने ङाले।” [17निस्तार पर्बटं नोराई यालागिटं टोबो कैडि पिलातसये रा:ड्यानेरं चलन लेव।]#23:17 कोइ पुरानो कुइये सर्सिव पोस्टोको यालं आव पाङ माडैसिये 18नोरं स्यान्टै टोबो जोर डाडे याकि:व, “आवलाई सै:डे बुरु गेलागिटं बारब्बालाई रा:ड्यासी।” 19बारब्बा सहरला मीरंलाई भर्कैने सोनो मीरं सै:ने ये:नलो ओकारंनटं झ्याललं ठुनिसिव लेव।
20येसुलाई रा:ड्याने युङ डाडे पिलातसये नोरंलाई फरि ओसम्झोयोरं। 21हैनि पनि नोरं ऐ वार्डे कि:वका कि:व यालेव, “क्रुसटं टाङगी, नोलाई क्रुसटं टाङगी।”
22होकाम नोये सोङ्खेपका फरि नोरंलाई हैओडोवरं, “कडा? आव मीये माचाव ये:न कडि डाडे ओनैज़्याव ड? ङा के आवलाई सै:नेहाढङ्का डन्ड याने कडि ओकारनज़ ङाम्डैये, हैजैडे ङा आवलाई पो:डे याज़ रा:ड्याने ङाले।”
23हैनि पनि नोरं कस्सि-कस्सिडे की:डे येसुलाई क्रुसटं टाङगिनेज़ ची वार्डे है यावारो। नोराई है यावारोज़ ओटाव। 24होकाम पिलातसये नोराई हैयावारोज़ झैड्यानेरं फासिला ओसोठोयोरं। 25पिलातसये बारब्बालाई ओरा:ड्योवरं, नो मी मीरंलाई भर्कैनेरं सोनो मीरंलाई सै:ने ये:नटं डोसी टाडे झ्याललं नाव लेव। नोलाईज़ रा:ड्यासी वार्डे नोराई हैयावारो। हैनि पनि येसुलाई पिलातसये नोमीराई याईच्छ्यालं सुम्पीडे ओयोवरं।
येसुलाई क्रुसटं याटाङ्गिव
मत्ती २६:३२-४४; मर्कुस १५:२१-३२; युहन्ना १९:१७-२७
26नोराई येसुलाई नलाम यालाङ्क येम्ट नाङ्खारलाम राज़्याव कुरेनीला लेने सिमोन उमिन लेव टोबो मीराई क्यो:डे क्रुस सुघुर्डे येसुलो उछिन-उछिन नाव यापरिङो। 27चब्बनै भ्या मीरं येसुलो उछिन-उछिन यानाव, होलं मेमारं पनि लेवरं, नोरं डुखं डुखि टाडे बनै याघर्ज़्याव। 28नोरं लेवडे न्या:डे येसुये हैओडोवरं, “यरुसलेमलो ओज़ारं, ङालागिटं टाघर्च्यो। जे जेलागिटं सोनो जेज़ाराई यालागिटं घर्च्यो। 29कडालेकं नो बेला रारिज़्या, जब मीराई हैवार्नेलेरं, ‘बान्जिनीरं, याज़ा माझैनेरं सोनो नुन सोवैने याज़ा मालेव मेमारं के भाग्यमानिरं ची।’ 30नोराई, घ्यो-घ्योव डान्डारंलाई ‘गेटर्ट टे:न’, डान्डारंलाई ‘गेलाई राल्सी’ डोनेलेरं। 31कडालेकं नोरं काचो सिङलाईज़ ऐ झैज़्यारं, ओठङ्क कै झैरंके?”
32नोराई नेबऱ्याङ अपराडिनीलाई पनि येसुसं सै:ने यालाङोरं। 33नोरं खप्परे याडोज़्याव डान्डाटं केडे येसुलाई क्रुसटं याटाङगिव, होकाम नेबऱ्याङ अपराडिनीलाई पनि टोबोलाई येसुकाम वो:रडे छुटंलाई डाबर्याडे क्रुसटं याटाङगिव। 34होकाम येसुये हैओवारो, “ए बाबु, आवरंलाई छेमा डोरं, कडालेकं आवरं कडि याडोज़्याव हो मासनरंये।” होकाम नोराई येसुलो ओक्वा गोला झाडे याभाव।
35मीरं च्याङसिडे यार:ङज़्याव। न्याम पैने अगंवाराई येसुलाई ख्याल डाडे हैयाडोव, “आवये उरुरंलाई ओजोगोयोरं, आव परमेस्वरलो उख्रीस्ट होसोनो परमेस्वरये ओछानिव मी टावसं आवये ओल्लाईज़ गबचोयोकं।”
36सिफाइँरं पनि राडे येसुलाई स्युरो मड्ड याडे ऐ वार्डे यागिल्लोयो, 37“नङ यहुडीराई याराजा टावसं नङलाईज़ गबचैके।”
38“आव यहुडीराई याराजा” वार्ने डोस पत्र येसुलो ओङै: तरसैज़ाकं लेव।
39क्रुसटा टाङ्गिसिव अपराडिनिङाम टोबो अपंराडिये येसुलाई गिल्लैडे हैओवारो, “नङ होकाम ख्रीस्ट माङ्क डोरो? नङ नङलाई पनि बचै, गिनलाई पनि बचैसी।”
40हैनि पनि नो टोबो अपराडिलाई हप्कैडे छुटं अपंराडिये हैओवारो, “नङ पनि आव डन्डलज़ परिडे नले, हैनि पनि परमेस्वरलो ओछ्या नम्डोयरो? 41गिन गेडन्डके निया अनंसारज़ लिज़्या, कडालेकं गिन के गेडोव ये:नलो ओये: गेडैज़्या, हैनि पनि आव मीये के माचाव ये:न कडिज़ माडोवये।”
42होकाम नोये हैओवारो, “ए येसु, नङ नराज्यालं नराकं ङालाई चेतैसंङ।”
43येसुये नोलाई हैओडोव, “ङा नङलाई डस्साज़ हैङाडानज़्या, आछिमज़ नङ ङासं सुखं लेव पोलं लेने नले।”
येसु उसिव
मत्ती २७:४५-५६; मर्कुस १५:३३-४१; युहन्ना १९:२८-३०
44लाकं बार बजेयाकाम तीन बजे समं स्यान्टै डेसलाई अन्ड्यारोये ओकपो। 45निमीलो उज्यालोज़ कम ओटाव, प्रार्ठना डोने ज़ी:मला पर्डा ओमान्जलाम चीडे नेफेसा ओटाव। 46कस्सिडे कि:डे येसुये हैओवारो, “ए बाबु,ङा ङाआत्मा नकुईटं ङासुम्पी।” आडङ पाङ्डे येसुलो ओसं ओफ्याव।
47नो स्यान्टै घटना ओटाव र:ङडे कप्तानये ऐ वार्डे परमेस्वरलो ओमहिमा ओडोव, “पक्काज़ आव मी सहि ओलेव लेव।” 48आव ओटाव र:ङडे होला डुप्सिव स्यान्टै मीराई याछाती पितिडे ज़ी:म्डे यावोलो। 49हैनि पनि येसुलाई स:रेनेरं सोनो गालीललाम येसुलो उझिन्ट राने मेमारं टाडाङाम च्याङसिडे नो स्यान्टै घटनारं र:ङ्डेज़ यानोयो।
येसुलाई गाडिसिव
मत्ती २७:५७-६१; मर्कुस १५:४२-४७; युहन्ना १९:३८-४२
50योसेफ उमिन लेव टोबो चाव सही मी लेव। नो घ्योव कचरिला सडस्या पनि लेव। 51होराई यासल्ला सोनो याये:नटं नो सामेल मालेव। नो यहुडीराई अरिमाठिया याडोज़्याव सहरला मी लेव। नोये परमेस्वरलो ओराज्य राने बेला ओकेनज़्याव। 52नोये पिलातस लेवङ नाडे येसुलो ओक्याङ उनी:व, 53येसुलो ओक्याङ नाम्ल झारैडे नोपो क्वाट ओपोव होकाम पहरटं खुपिडे झैसिव टोबो खाडरलं ओनोयो, नलं खर्क काङ्कालाईज़ नैसिव मालेव। 54नो छ्याम तयार टाने डिन लेव, होकाम ना:सिने डिन पनि सुरु ओटारिज़्याव।
55गालीललाम येसुसं राव मेमारं उछिन-उछिन यानाव, होकाम हो खाडर यारो:ङो, होलं येसुलो ओक्याङ कैजैडे यानोयो हो यारो:ङो। 56होकाम वोल्डे नाडे चाव मङ-मङ बासिने बस्त सोनो अत्तर तयार याझोयो। होकाम न्यामटा आग्या अनंसार ना:सिने छ्याम नोरं याना:सिव।
ទើបបានជ្រើសរើសហើយ៖
लुका 23: NTWMK25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
लुका 23
23
येसु पिलातसलो ओङा:कं
मत्ती २७:११-२६; मर्कुस १५:१-१५; युहन्ना १८:१-४०; १९:१-१६
1स्यान्टै कचरिला मीरं याच्याङसिव, होकाम येसुलाई पिलातस लेवकं यारोयो। 2नोराई येसुलाई ऐ वार्डे याडोसोयो, “आव मीये गे गेमीरंलाई छेन्डे ओभर्कैरिज़्यावरं गेरो:ङो। आवये कैसरलाई सिरमा पनि फोव मायासिवये, ओल ङाज़ ख्रीस्ट ची, ङा के राजा ची वार्डे है वार्ज़्या।”
3पिलातसये येसुलाई ओपजोयो, “होकाम नङ यहुडीराई याराजा रो?”
येसुये जबाक ओयोव, “नङज़ हैनवार्ज़्या?”
4होकाम पिलातसये मुख्या सेवा डोनेरं सोनो होला लेव मीरंलाई हैओडोवरं, “ङा आव मीलो ओगल्ति कडिज़ ङाम्डैये।”
5हैनि पनि नोरं बनै जोर डाडे हैयावारो, “आवये स्यान्टै यहुडिया, सोनो गालीललाम रैडे आलं समं मीरंलाई पैडे भर्कैरिज़्यावरं।”
येसु हेरोडलो ओङा:कं
6होकाम पिलातसये आव रो: ठैडे, “आव मी गालीलला सै” वार्डे ओपजोयो। 7होकाम आव राजा हेरोड उलिज़्यावडेङा मी ची वार्डे ठा सन्डे पिलातसये येसुलाई हेरोड राजा लेवङं उपरी:ङो। हो बेलाकं हेरोड ओल पनि यरुसलेमलं लेव।
8होकाम येसुलाई र:ङडे हेरोड चब्बनै ओरेङो। कडालेकं हेरोडये येसुलो ओबारेलं ठैडेओनैज़्याव। हैजैडे ङाडे:कामज़ हेरोड येसुसं डैसिने सोनो अचम्बला ये:न ओडोव र:ङने बनै आस डाडे ओनैज़्याव। 9हेरोडये येसुलाई बनै भ्या रो:रं ओपजोयो, हैनि पनि येसुये कडि जबाकज़ मायोवये। 10मुख्या सेवा डोनेरं सोनो न्याम पैनेराई च्याङसिडे कस्सि-कस्सिडे कि:डे येसुलाई याडोसोयो। 11हेरोडये उसिफाइँरासं मिलिडे येसुलाई हेलार:ङडे माचाव बेहोरा ओडोव, होकाम येसुलाई यागिल्लोयो। होकाम येसुलाई बनै चाव क्वा क्वाईडे पिलातस लेवङ सोवोल्डे उपरी:ङो। 12हो छ्यामकामज़ पिलातस सोनो हेरोड नि फरि नै-नैनि नेटाव, कडालेकं ङा:डे नोनि नेखार्ल माचाव लेव।
येसुलाई सै:ने डन्ड यायोव
मत्ती 27:15-26; मर्कुस 15:6-15; युहन्ना 18:39; 19:16
13होकाम पिलातसये ङा:डे मुख्या सेवा डोनेरं, सासंन डोनेरं सोनो यहुडीरंकाम उरुका मीरंलाई उडुपोरं। 14“पिलातसये नोरंलाई हैओडोवरं जे मीरंलाई सज़िरनेरं वार्डे आवलाई ङा-ङा:कं जेरोयो। जेङा:कंज़ आवलाई ङापजैकं जे आवलाई जेडोसोयोटं ङा आवलो ओडोस ङाम्डैये। 15हेरोडये पनि डोस माडोयोये, कडालेकं नोये पनि आवलाई गे लेवडेज़ ओसोवोलो। आवलाई सै:ने हाढंङका डोसि ये:न आवये ओडोव माले। 16हैजैडे ङा आवलाई पो:डे याज़ रा:ड्याने ङाले।” [17निस्तार पर्बटं नोराई यालागिटं टोबो कैडि पिलातसये रा:ड्यानेरं चलन लेव।]#23:17 कोइ पुरानो कुइये सर्सिव पोस्टोको यालं आव पाङ माडैसिये 18नोरं स्यान्टै टोबो जोर डाडे याकि:व, “आवलाई सै:डे बुरु गेलागिटं बारब्बालाई रा:ड्यासी।” 19बारब्बा सहरला मीरंलाई भर्कैने सोनो मीरं सै:ने ये:नलो ओकारंनटं झ्याललं ठुनिसिव लेव।
20येसुलाई रा:ड्याने युङ डाडे पिलातसये नोरंलाई फरि ओसम्झोयोरं। 21हैनि पनि नोरं ऐ वार्डे कि:वका कि:व यालेव, “क्रुसटं टाङगी, नोलाई क्रुसटं टाङगी।”
22होकाम नोये सोङ्खेपका फरि नोरंलाई हैओडोवरं, “कडा? आव मीये माचाव ये:न कडि डाडे ओनैज़्याव ड? ङा के आवलाई सै:नेहाढङ्का डन्ड याने कडि ओकारनज़ ङाम्डैये, हैजैडे ङा आवलाई पो:डे याज़ रा:ड्याने ङाले।”
23हैनि पनि नोरं कस्सि-कस्सिडे की:डे येसुलाई क्रुसटं टाङगिनेज़ ची वार्डे है यावारो। नोराई है यावारोज़ ओटाव। 24होकाम पिलातसये नोराई हैयावारोज़ झैड्यानेरं फासिला ओसोठोयोरं। 25पिलातसये बारब्बालाई ओरा:ड्योवरं, नो मी मीरंलाई भर्कैनेरं सोनो मीरंलाई सै:ने ये:नटं डोसी टाडे झ्याललं नाव लेव। नोलाईज़ रा:ड्यासी वार्डे नोराई हैयावारो। हैनि पनि येसुलाई पिलातसये नोमीराई याईच्छ्यालं सुम्पीडे ओयोवरं।
येसुलाई क्रुसटं याटाङ्गिव
मत्ती २६:३२-४४; मर्कुस १५:२१-३२; युहन्ना १९:१७-२७
26नोराई येसुलाई नलाम यालाङ्क येम्ट नाङ्खारलाम राज़्याव कुरेनीला लेने सिमोन उमिन लेव टोबो मीराई क्यो:डे क्रुस सुघुर्डे येसुलो उछिन-उछिन नाव यापरिङो। 27चब्बनै भ्या मीरं येसुलो उछिन-उछिन यानाव, होलं मेमारं पनि लेवरं, नोरं डुखं डुखि टाडे बनै याघर्ज़्याव। 28नोरं लेवडे न्या:डे येसुये हैओडोवरं, “यरुसलेमलो ओज़ारं, ङालागिटं टाघर्च्यो। जे जेलागिटं सोनो जेज़ाराई यालागिटं घर्च्यो। 29कडालेकं नो बेला रारिज़्या, जब मीराई हैवार्नेलेरं, ‘बान्जिनीरं, याज़ा माझैनेरं सोनो नुन सोवैने याज़ा मालेव मेमारं के भाग्यमानिरं ची।’ 30नोराई, घ्यो-घ्योव डान्डारंलाई ‘गेटर्ट टे:न’, डान्डारंलाई ‘गेलाई राल्सी’ डोनेलेरं। 31कडालेकं नोरं काचो सिङलाईज़ ऐ झैज़्यारं, ओठङ्क कै झैरंके?”
32नोराई नेबऱ्याङ अपराडिनीलाई पनि येसुसं सै:ने यालाङोरं। 33नोरं खप्परे याडोज़्याव डान्डाटं केडे येसुलाई क्रुसटं याटाङगिव, होकाम नेबऱ्याङ अपराडिनीलाई पनि टोबोलाई येसुकाम वो:रडे छुटंलाई डाबर्याडे क्रुसटं याटाङगिव। 34होकाम येसुये हैओवारो, “ए बाबु, आवरंलाई छेमा डोरं, कडालेकं आवरं कडि याडोज़्याव हो मासनरंये।” होकाम नोराई येसुलो ओक्वा गोला झाडे याभाव।
35मीरं च्याङसिडे यार:ङज़्याव। न्याम पैने अगंवाराई येसुलाई ख्याल डाडे हैयाडोव, “आवये उरुरंलाई ओजोगोयोरं, आव परमेस्वरलो उख्रीस्ट होसोनो परमेस्वरये ओछानिव मी टावसं आवये ओल्लाईज़ गबचोयोकं।”
36सिफाइँरं पनि राडे येसुलाई स्युरो मड्ड याडे ऐ वार्डे यागिल्लोयो, 37“नङ यहुडीराई याराजा टावसं नङलाईज़ गबचैके।”
38“आव यहुडीराई याराजा” वार्ने डोस पत्र येसुलो ओङै: तरसैज़ाकं लेव।
39क्रुसटा टाङ्गिसिव अपराडिनिङाम टोबो अपंराडिये येसुलाई गिल्लैडे हैओवारो, “नङ होकाम ख्रीस्ट माङ्क डोरो? नङ नङलाई पनि बचै, गिनलाई पनि बचैसी।”
40हैनि पनि नो टोबो अपराडिलाई हप्कैडे छुटं अपंराडिये हैओवारो, “नङ पनि आव डन्डलज़ परिडे नले, हैनि पनि परमेस्वरलो ओछ्या नम्डोयरो? 41गिन गेडन्डके निया अनंसारज़ लिज़्या, कडालेकं गिन के गेडोव ये:नलो ओये: गेडैज़्या, हैनि पनि आव मीये के माचाव ये:न कडिज़ माडोवये।”
42होकाम नोये हैओवारो, “ए येसु, नङ नराज्यालं नराकं ङालाई चेतैसंङ।”
43येसुये नोलाई हैओडोव, “ङा नङलाई डस्साज़ हैङाडानज़्या, आछिमज़ नङ ङासं सुखं लेव पोलं लेने नले।”
येसु उसिव
मत्ती २७:४५-५६; मर्कुस १५:३३-४१; युहन्ना १९:२८-३०
44लाकं बार बजेयाकाम तीन बजे समं स्यान्टै डेसलाई अन्ड्यारोये ओकपो। 45निमीलो उज्यालोज़ कम ओटाव, प्रार्ठना डोने ज़ी:मला पर्डा ओमान्जलाम चीडे नेफेसा ओटाव। 46कस्सिडे कि:डे येसुये हैओवारो, “ए बाबु,ङा ङाआत्मा नकुईटं ङासुम्पी।” आडङ पाङ्डे येसुलो ओसं ओफ्याव।
47नो स्यान्टै घटना ओटाव र:ङडे कप्तानये ऐ वार्डे परमेस्वरलो ओमहिमा ओडोव, “पक्काज़ आव मी सहि ओलेव लेव।” 48आव ओटाव र:ङडे होला डुप्सिव स्यान्टै मीराई याछाती पितिडे ज़ी:म्डे यावोलो। 49हैनि पनि येसुलाई स:रेनेरं सोनो गालीललाम येसुलो उझिन्ट राने मेमारं टाडाङाम च्याङसिडे नो स्यान्टै घटनारं र:ङ्डेज़ यानोयो।
येसुलाई गाडिसिव
मत्ती २७:५७-६१; मर्कुस १५:४२-४७; युहन्ना १९:३८-४२
50योसेफ उमिन लेव टोबो चाव सही मी लेव। नो घ्योव कचरिला सडस्या पनि लेव। 51होराई यासल्ला सोनो याये:नटं नो सामेल मालेव। नो यहुडीराई अरिमाठिया याडोज़्याव सहरला मी लेव। नोये परमेस्वरलो ओराज्य राने बेला ओकेनज़्याव। 52नोये पिलातस लेवङ नाडे येसुलो ओक्याङ उनी:व, 53येसुलो ओक्याङ नाम्ल झारैडे नोपो क्वाट ओपोव होकाम पहरटं खुपिडे झैसिव टोबो खाडरलं ओनोयो, नलं खर्क काङ्कालाईज़ नैसिव मालेव। 54नो छ्याम तयार टाने डिन लेव, होकाम ना:सिने डिन पनि सुरु ओटारिज़्याव।
55गालीललाम येसुसं राव मेमारं उछिन-उछिन यानाव, होकाम हो खाडर यारो:ङो, होलं येसुलो ओक्याङ कैजैडे यानोयो हो यारो:ङो। 56होकाम वोल्डे नाडे चाव मङ-मङ बासिने बस्त सोनो अत्तर तयार याझोयो। होकाम न्यामटा आग्या अनंसार ना:सिने छ्याम नोरं याना:सिव।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025