लुका 20
20
येसुलो ओअढिकार बारेलं प्रस्न
मत्ती 21:23; मर्कुस 11:27-33
1टछा येसुये प्रार्ठना डोने ज़ी:मलं मीरंलाई ओपैज़्यारंकं, हो मीरंलाई चाव सोर ओसठोयोरं। मुख्या सेवा डोने मीरं, न्याम पैने मीरं सोनो अगंवारं येसुलेवकं याराव, 2होकाम येसुलाई यापजोयो, “गेलाई हैगडासिके, नङ आव ये:न कडि अढिकारये नोडोज़्याव, नङलाई आव अढिकार काङ्काये ओयानो?”
3येसुये नोरंलाई जबाक ओयोवरं, “ङा पनि जेलाई टोबो रो: ङापजैच्यो, ङालाई जबाक याङच्यो। 4युहन्नाये ओयोज़्याव बप्तिस्मा स्वर्गटाम, सै मीराई ङाम?”
5नोरं या-या पाङसिडे ऐ यालेव, “स्वर्गटाम, यावार्सिखे भने, ‘जे नोलाई बिस्वास कडा जेम्डो?’ वार्डे मी लाई है ची डाने ले। 6‘मीराईङाम’ यावार्सिखे भने, स्यान्टै मीराई गेलाई लुङये झोम्ने लेरं, कडालेकं युहन्नाके अगमबक्ताची वार्ने नोरंलाई पक्का बिस्वास लेव।”
7हैजैडे नोराई जबाक यायोव, “गे गेम्सन, काङाम ओराव।”
8होकाम येसुये नोरंलाई हैओडोवरं, “हो टावसं ङा पनि कडि अढिकारये आव ये:न ङाडोज़्याव जेलाई ङाम्पान्ड्याच्यो।”
अडिया कमैनेराई यासात्रो
9येसुये मीरंलाई आव सात्रो हैओडोवरं, “टोबो मीये ओये:ङलं अङ्गुर ओवावो, होकाम अडिया कमैनेरंलाई ओयोवरं, होकाम जामा भ्या डिन समं प्रडेस डे ओनाव। 10ओसै उमि:नो पान्त्रा नो ये:ङलाम अडिया भाग रैने नो ये:ङलो ओसाहुये टोबो ओनौकरलाई अडिया कमैनेरं लेवङ उपरि:ङो। हैनि पनि अडिया कमैनेराई नो ओनौकरलाई पो:डे कडिज़ मायाडे रितो यापरि:ङो। 11नो साहुये फरी छुटं ओनौकरलाई उपरि:ङो, हैनि पनि नोराई होलाई पनि पो:डे रितोज़ यापरि:ङो। 12होकाम सोङ्खेपका छुटं ओनौकरलाई पनि उपरि:ङो, होराई नोलाई पनि पो:डे घाईते झैडे यापरि:ङो।”
13“होकाम ये:ङलो ओर्गेये हैओवारो, ‘आबो ङा कै लेने? ङा ङायुङ्का ङाज़ालाई परिङने ङाले सक्याटं नोलाई के जामा मान योरंके।’
14हैनि पनि अडिया कमैनेराई ये:ङ ओर्गेलो ओज़ालाई र:ङ्डे या-या यापाङसिव, ‘आवके ओहक लेव ची। डे गे आवलाई सै:ने, होकाम सम्पतिलो हक गे डैने गेले।’ 15होकाम नोराई ये:ङ ओर्गेलो ओज़ालाई अङ्गुर वासिव ये:ङकाम टङडे लाङ्डे यासो:यो।”
“आबो ये:ङलो ओर्गेये नोरंलाई कै डोवरके? 16नो ओर्गे राडे नोरंलाई सै:नेरंले होकाम नो ये:ङ उरुरंलाई अडिया यानेले।”
मीराई आव रो: ठैडे हैयावारो, “ऐटाव खर्कज़ टाटाकं।”
17हैनि पनि येसुये नो मीरंलाई र:ङ्डे हैओवारो, “आव सर्सिव कडि खेने?
‘जो लुङलाई ज़ी:म झैनेराई फालिम याझोयो, हो लुङज़ ज़ी:मलो ओगोराटा उगुर लुङ ओटाव।’
18नो लुङ तर्ट टे:नेरं स्यान्टै कुत्रा कुत्रा टानेलेरं, हैनि पनि नो लुङ जोलो ओतर्ट टे: हो नप-नप टानेले।”
19होकाम न्याम पैनेरं सोनो मुख्या सेवा डोने मीराई येसुलाई होकज़ क्यो:ने यापानो। येसुये नो सात्रो नोराई याबिरोडलं ओपाङो वार्डे नोरंलाई ठा के लेव कडालेकं मीरंलाई र:ङ्डे नोरं याछेव।
कैसरलाई फोने सिरमा
मत्ती 22:१५-२२; मर्कुस १२:१३-१७
20नोराई मौका यार:ङज़्याव, होकाम सहि मी झैसिने चिवारेरंलाई नोराई येसु लेवङ यापरि:ङोरं। नोरं येसुलाई ओरो:टंज़ फसैडे हाकिमराई याकुईटं येसुलाई सुम्पिड्याने डाउँ यार:ङज़्याव। 21नोराई येसुलाई यापजोयो, “गुरबा गे गेसंनये, नङ चाव नपाङये होसोनो चावज़ नपैये, होकाम काङ्कालो याज्युङ्नी पनि नम्झैसिये, होकाम परमेस्वरलो ओयेम सत्यसं नपैये। 22गे कैसरलाई सिरमा फोने टाये, सै माटाये?”
23येसुये नोराई याकैफट सन्डे हैओडोवरं, 24“ङालाई टोबो पैसा सतन्ड्याङच्यो। आव पैसाटं काङ्कालो उसुरुप सोनो काङ्कालो उमिन सर्सिव लिज़्या?”
नोराई हैयावारो, “कैसरलो”
25येसुये नोरंलाई हैओडोवरं, “हैजैडे जो कैसरलो लिज़्या, हो कैसरलाई याच्यो। होकाम जो परमेस्वरलो लिज़्या, हो परमेस्वरलाई याच्यो।”
26मीराई याङा:कं नोराई येसुलाई रो:टं माफंसैडुरंये, होकाम येसुलो ओजंबाफटं नोरं अचम्ब टाडे च्यामचिम याटाव।
सिडे ज्युङडा टाने बारेलं
मत्ती 22:23-33; मर्कुस 12:18-27
27होकाम येसु लेवकं नेबऱ्यायाँ सडुकीरं याराव। मीरं सिडे फरि ज्युङडा माटारं वार्ने नोराई याबिचार लेव। नोराई येसुलाई यापजोयो, 28“गुरबा, मोसाये गेलाई हैडाडेनैसिव, टोबो मीलो ओडाज्यु बेह्याँ डाडे ओसन्तान ओम्टाडेज़ यासिखे भने, ओभाइये ओडाज्युलो ओज्यालाई बेह्याँ डाडे ओडाज्युलो ओसन्तान झैड्याने टाये। 29नोरं सातभाई लेवरं। जेठाये टोबो ज्या रैडे ओसन्तान ओम्टाडेज़ उसिव, 30होकाम माईलाये, 31हैजैडेज़ साईँलाये पनि बेह्याँ ओडोव, हैजैडेज़ सातभाइज़ यासन्तान माटाडे यासिव। 32झिन्डे नो मेमा पनि उसिव। 33होकाम सिडे फरि ज्युङडा टाकं नो मेमा काङ्कालो ओज्या टाके? कडालेकं नो सातजनाराईज़ याज्या टाडे खेमो लेव।”
34येसुये नोरंलाई हैओडोवरं, “आव जुगुला मीरं बेह्याँ डोरं होसोनो बेह्याँ डाड्योरं। 35हैनि पनि छुटं जुगु समं केनाने टावरं सोनो सिवलाम फरि ज्युङडा टावराई न बेह्याँडोरं, न याबेह्याँ डाड्योरं। 36नोरं फरि मासिरं, कडालेकं नोरं स्वर्गटा कटंवाल मान्टिव टारंये, होकाम सिडे फरि ज्युङडा याटाव कारनये नोरं परमेस्वरलो ओसन्तानरं ची। 37हैनि पनि सिवरं ज्युङडा टाडे सोने लेर वार्ने रो: मोसाये पनि घ्योव प्रभुलाई अब्राहामलो ओपरमेस्वर, इसहाकलो ओपरमेस्वर सोनो याकुबलो ओपरमेस्वर वार्डे उपुगारिकं पठरक्यालो ओबयानटाम ओसोटोनो। 38परमेस्वर सिवराई यापरमेस्वर माङ्कची हैनि पनि ज्युङडाराई यापरमेस्वर ची, कडालेकं स्यान्टै ओलागिटंज़ ज्युङडा लेरं।”
39होकाम न्याम पैनेरंलाम कोइ कोइराई हैयावारो, “गुरबा, नङ चावज़ नवार्खे।” 40होकाम काङ्काये पनि येसुलाई प्रस्न पजैने हिक्मत माडोडुरंये।
ख्रीस्ट काङ्कालो ओज़ा?
मत्ती २२:४१-४६; २३:१-७; मर्कुस 12:35-40
41हैनि पनि येसुये नोरंलाई हैओडोवरं, ख्रीस्ट डाउडलो ओज़ा वार्डे नोरं कैजैडे हैवार्र? 42कडालेकं भजनलो उकितापटं डाउडये ओलज़ हैवार्डेले,
स्यान्टैराई भन्डा घ्योव प्रभुये ङाप्रभुलाई हैओडोव,
“नङ वो:र्डेङा ङाकुइडे चुङसिन,
43जोकासमं नसुतररंलाई नखङ ढुङलं लेने ङाम्झैरं।”
44ऐजैडे डाउडये ख्रीस्टलाई प्रभु याडोवखे भने फरि कैजैडे नो डाउडलो ओज़ा टा?
45होकाम स्यान्टै मीरं याठैज़्याकं येसुये उसिसरंलाई हैओडोवरं, 46“खे-खेव क्वा क्वाइसिडे आडे होडे बाने, होकाम बजारयालं मीराई ढो गोडोरंकं वार्डे यामान खीम्ने, यहुडीरं याडुप्सिने ज़ी:मलं घ्योव मीरं याचुङने पोटं चुङनाने,भोज ज़्याने पोलं यामान लेव मीरं याचुङने पोयालं चुङनाने युङ डाने न्याम पैनेरंङाम होस्यार लेच्यो। 47नोराई रान्डिनिराई याज़ी:म नान्ड्योरंये, प्रार्ठना याडोकं मीरंलाई सतन्ने लागिटं खे-खेव प्रार्ठना डोरंये। आवराईज़ भ्या डन्ड डैने लेरं।”
ទើបបានជ្រើសរើសហើយ៖
लुका 20: NTWMK25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
लुका 20
20
येसुलो ओअढिकार बारेलं प्रस्न
मत्ती 21:23; मर्कुस 11:27-33
1टछा येसुये प्रार्ठना डोने ज़ी:मलं मीरंलाई ओपैज़्यारंकं, हो मीरंलाई चाव सोर ओसठोयोरं। मुख्या सेवा डोने मीरं, न्याम पैने मीरं सोनो अगंवारं येसुलेवकं याराव, 2होकाम येसुलाई यापजोयो, “गेलाई हैगडासिके, नङ आव ये:न कडि अढिकारये नोडोज़्याव, नङलाई आव अढिकार काङ्काये ओयानो?”
3येसुये नोरंलाई जबाक ओयोवरं, “ङा पनि जेलाई टोबो रो: ङापजैच्यो, ङालाई जबाक याङच्यो। 4युहन्नाये ओयोज़्याव बप्तिस्मा स्वर्गटाम, सै मीराई ङाम?”
5नोरं या-या पाङसिडे ऐ यालेव, “स्वर्गटाम, यावार्सिखे भने, ‘जे नोलाई बिस्वास कडा जेम्डो?’ वार्डे मी लाई है ची डाने ले। 6‘मीराईङाम’ यावार्सिखे भने, स्यान्टै मीराई गेलाई लुङये झोम्ने लेरं, कडालेकं युहन्नाके अगमबक्ताची वार्ने नोरंलाई पक्का बिस्वास लेव।”
7हैजैडे नोराई जबाक यायोव, “गे गेम्सन, काङाम ओराव।”
8होकाम येसुये नोरंलाई हैओडोवरं, “हो टावसं ङा पनि कडि अढिकारये आव ये:न ङाडोज़्याव जेलाई ङाम्पान्ड्याच्यो।”
अडिया कमैनेराई यासात्रो
9येसुये मीरंलाई आव सात्रो हैओडोवरं, “टोबो मीये ओये:ङलं अङ्गुर ओवावो, होकाम अडिया कमैनेरंलाई ओयोवरं, होकाम जामा भ्या डिन समं प्रडेस डे ओनाव। 10ओसै उमि:नो पान्त्रा नो ये:ङलाम अडिया भाग रैने नो ये:ङलो ओसाहुये टोबो ओनौकरलाई अडिया कमैनेरं लेवङ उपरि:ङो। हैनि पनि अडिया कमैनेराई नो ओनौकरलाई पो:डे कडिज़ मायाडे रितो यापरि:ङो। 11नो साहुये फरी छुटं ओनौकरलाई उपरि:ङो, हैनि पनि नोराई होलाई पनि पो:डे रितोज़ यापरि:ङो। 12होकाम सोङ्खेपका छुटं ओनौकरलाई पनि उपरि:ङो, होराई नोलाई पनि पो:डे घाईते झैडे यापरि:ङो।”
13“होकाम ये:ङलो ओर्गेये हैओवारो, ‘आबो ङा कै लेने? ङा ङायुङ्का ङाज़ालाई परिङने ङाले सक्याटं नोलाई के जामा मान योरंके।’
14हैनि पनि अडिया कमैनेराई ये:ङ ओर्गेलो ओज़ालाई र:ङ्डे या-या यापाङसिव, ‘आवके ओहक लेव ची। डे गे आवलाई सै:ने, होकाम सम्पतिलो हक गे डैने गेले।’ 15होकाम नोराई ये:ङ ओर्गेलो ओज़ालाई अङ्गुर वासिव ये:ङकाम टङडे लाङ्डे यासो:यो।”
“आबो ये:ङलो ओर्गेये नोरंलाई कै डोवरके? 16नो ओर्गे राडे नोरंलाई सै:नेरंले होकाम नो ये:ङ उरुरंलाई अडिया यानेले।”
मीराई आव रो: ठैडे हैयावारो, “ऐटाव खर्कज़ टाटाकं।”
17हैनि पनि येसुये नो मीरंलाई र:ङ्डे हैओवारो, “आव सर्सिव कडि खेने?
‘जो लुङलाई ज़ी:म झैनेराई फालिम याझोयो, हो लुङज़ ज़ी:मलो ओगोराटा उगुर लुङ ओटाव।’
18नो लुङ तर्ट टे:नेरं स्यान्टै कुत्रा कुत्रा टानेलेरं, हैनि पनि नो लुङ जोलो ओतर्ट टे: हो नप-नप टानेले।”
19होकाम न्याम पैनेरं सोनो मुख्या सेवा डोने मीराई येसुलाई होकज़ क्यो:ने यापानो। येसुये नो सात्रो नोराई याबिरोडलं ओपाङो वार्डे नोरंलाई ठा के लेव कडालेकं मीरंलाई र:ङ्डे नोरं याछेव।
कैसरलाई फोने सिरमा
मत्ती 22:१५-२२; मर्कुस १२:१३-१७
20नोराई मौका यार:ङज़्याव, होकाम सहि मी झैसिने चिवारेरंलाई नोराई येसु लेवङ यापरि:ङोरं। नोरं येसुलाई ओरो:टंज़ फसैडे हाकिमराई याकुईटं येसुलाई सुम्पिड्याने डाउँ यार:ङज़्याव। 21नोराई येसुलाई यापजोयो, “गुरबा गे गेसंनये, नङ चाव नपाङये होसोनो चावज़ नपैये, होकाम काङ्कालो याज्युङ्नी पनि नम्झैसिये, होकाम परमेस्वरलो ओयेम सत्यसं नपैये। 22गे कैसरलाई सिरमा फोने टाये, सै माटाये?”
23येसुये नोराई याकैफट सन्डे हैओडोवरं, 24“ङालाई टोबो पैसा सतन्ड्याङच्यो। आव पैसाटं काङ्कालो उसुरुप सोनो काङ्कालो उमिन सर्सिव लिज़्या?”
नोराई हैयावारो, “कैसरलो”
25येसुये नोरंलाई हैओडोवरं, “हैजैडे जो कैसरलो लिज़्या, हो कैसरलाई याच्यो। होकाम जो परमेस्वरलो लिज़्या, हो परमेस्वरलाई याच्यो।”
26मीराई याङा:कं नोराई येसुलाई रो:टं माफंसैडुरंये, होकाम येसुलो ओजंबाफटं नोरं अचम्ब टाडे च्यामचिम याटाव।
सिडे ज्युङडा टाने बारेलं
मत्ती 22:23-33; मर्कुस 12:18-27
27होकाम येसु लेवकं नेबऱ्यायाँ सडुकीरं याराव। मीरं सिडे फरि ज्युङडा माटारं वार्ने नोराई याबिचार लेव। नोराई येसुलाई यापजोयो, 28“गुरबा, मोसाये गेलाई हैडाडेनैसिव, टोबो मीलो ओडाज्यु बेह्याँ डाडे ओसन्तान ओम्टाडेज़ यासिखे भने, ओभाइये ओडाज्युलो ओज्यालाई बेह्याँ डाडे ओडाज्युलो ओसन्तान झैड्याने टाये। 29नोरं सातभाई लेवरं। जेठाये टोबो ज्या रैडे ओसन्तान ओम्टाडेज़ उसिव, 30होकाम माईलाये, 31हैजैडेज़ साईँलाये पनि बेह्याँ ओडोव, हैजैडेज़ सातभाइज़ यासन्तान माटाडे यासिव। 32झिन्डे नो मेमा पनि उसिव। 33होकाम सिडे फरि ज्युङडा टाकं नो मेमा काङ्कालो ओज्या टाके? कडालेकं नो सातजनाराईज़ याज्या टाडे खेमो लेव।”
34येसुये नोरंलाई हैओडोवरं, “आव जुगुला मीरं बेह्याँ डोरं होसोनो बेह्याँ डाड्योरं। 35हैनि पनि छुटं जुगु समं केनाने टावरं सोनो सिवलाम फरि ज्युङडा टावराई न बेह्याँडोरं, न याबेह्याँ डाड्योरं। 36नोरं फरि मासिरं, कडालेकं नोरं स्वर्गटा कटंवाल मान्टिव टारंये, होकाम सिडे फरि ज्युङडा याटाव कारनये नोरं परमेस्वरलो ओसन्तानरं ची। 37हैनि पनि सिवरं ज्युङडा टाडे सोने लेर वार्ने रो: मोसाये पनि घ्योव प्रभुलाई अब्राहामलो ओपरमेस्वर, इसहाकलो ओपरमेस्वर सोनो याकुबलो ओपरमेस्वर वार्डे उपुगारिकं पठरक्यालो ओबयानटाम ओसोटोनो। 38परमेस्वर सिवराई यापरमेस्वर माङ्कची हैनि पनि ज्युङडाराई यापरमेस्वर ची, कडालेकं स्यान्टै ओलागिटंज़ ज्युङडा लेरं।”
39होकाम न्याम पैनेरंलाम कोइ कोइराई हैयावारो, “गुरबा, नङ चावज़ नवार्खे।” 40होकाम काङ्काये पनि येसुलाई प्रस्न पजैने हिक्मत माडोडुरंये।
ख्रीस्ट काङ्कालो ओज़ा?
मत्ती २२:४१-४६; २३:१-७; मर्कुस 12:35-40
41हैनि पनि येसुये नोरंलाई हैओडोवरं, ख्रीस्ट डाउडलो ओज़ा वार्डे नोरं कैजैडे हैवार्र? 42कडालेकं भजनलो उकितापटं डाउडये ओलज़ हैवार्डेले,
स्यान्टैराई भन्डा घ्योव प्रभुये ङाप्रभुलाई हैओडोव,
“नङ वो:र्डेङा ङाकुइडे चुङसिन,
43जोकासमं नसुतररंलाई नखङ ढुङलं लेने ङाम्झैरं।”
44ऐजैडे डाउडये ख्रीस्टलाई प्रभु याडोवखे भने फरि कैजैडे नो डाउडलो ओज़ा टा?
45होकाम स्यान्टै मीरं याठैज़्याकं येसुये उसिसरंलाई हैओडोवरं, 46“खे-खेव क्वा क्वाइसिडे आडे होडे बाने, होकाम बजारयालं मीराई ढो गोडोरंकं वार्डे यामान खीम्ने, यहुडीरं याडुप्सिने ज़ी:मलं घ्योव मीरं याचुङने पोटं चुङनाने,भोज ज़्याने पोलं यामान लेव मीरं याचुङने पोयालं चुङनाने युङ डाने न्याम पैनेरंङाम होस्यार लेच्यो। 47नोराई रान्डिनिराई याज़ी:म नान्ड्योरंये, प्रार्ठना याडोकं मीरंलाई सतन्ने लागिटं खे-खेव प्रार्ठना डोरंये। आवराईज़ भ्या डन्ड डैने लेरं।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025