लुका 19
19
सिरमा डुप्ने जखायेस
1येसु यरीहोलं नाडे होलाग्यान्ट ओनाज़्याव। 2नलं जखायेस उमिनलेव टोबो मी लेव। नो सिरमा डुप्नेराई यासे:र लेव, होकाम ढनी पनि लेव। 3येसु काङ्का वार्डे र:ङने नोलो उयुङ लेव। हैनि पनि आलिज़ा कचरा ओटाव ये मीराई याखार्लाम नोये येसुलाई मार:ङडुवये। 4नो मी येसुलाई र:ङने वार्डे मीराई याङा:डे ज़ोनाडे टोबो डीलो उसिङटं उपुलुव। कडालेकं येसु होलाग्यान्टज़ ओनारिज़्याव।
5येसु होकं ओकेरिकं, येसुये ङला लेडे र:ङडे हैओडोव, “ए जखायेस, चानो झरिडे गरानके, कडालेकं ङा आछिम नज़ी:म्क बासिने ङारारिज़्या।” 6नो होपान्त्राज़ झरिडे ओराव। होकाम रेङये रेङये येसुलाई खुल्डे मान ओडोव।
7स्यान्टै मीराई नो यारो:ङो पान्त्रा, नोरं ऐ वार्डे गन गन यालेव, “येसु पापीलो उज़ी:म्ल पाहुना उचुङ्सिनाव।”
8जखायेस ठर-च्याङसिडे प्रभुलाई हैओडोव, “प्रभु, डे, आबो ङा ङासम्पतिलाई नेभा झैडे टभा गरिबरलाई ङायोरं, होकाम कोईराई लेवङाम अनिया डाडे कडिरं रैडे ङानैखे भने ङा नोलाई चारगुना सोवोल्ड्यानेङाले।”
9होकाम येसुये नोलाई हैओडोव, “आछिम आव ज़ी:मलं छुट्कारा राडेले, कडालेकं आव पनि अब्राहामलो ओज़ा ची। 10कडालेकं मानवालो ओज़ा मा:वरंलाई खीम्ने सोनो बचैने ओराव ची।”
सुनलो पैसालो सात्रो
11नोराई आव रो: याठैज़्याकंज़ येसुये नोरंलाई टोबो सात्रो झाडेओयोवरं। येसु यरुसलेम छ्योकंज़ उलिज़्याव, होकाम मीराई परमेस्वरलो ओराज्य चानोज़ रारिज़्या वार्ने बुझीडे यानैज्याव। 12येसुये हैओडोवरं, “टोबो घ्योव मी टोबो राज्य ङामी झैडे वोल्डे ङारा वार्डे टाडा डेसडे ओनाव। 13नोये डस जना ओनौकररंलाई खुल्डे नोरंलाई सुनलो डस गोटा ढ्याक याडे हैओडोवरं, ‘ङा वोल्डे ङामराया समं आवये बैपार डोच्यो’।”
14“हैनि पनि नोलो ओप्रजालाई नोलाई घिनैरंये, होकाम नोराई नो मीलो उझिन्ट ऐ वार्डे कटंवालरं यापरि:ङोरं, ‘नो गेराजा ओटाव गे चाव गेम्ङप्सिये’।”
15होकाम राज्य उमिन्ट झैडे वोल्डे ओराव पान्त्रा सुनलो पैसा ओयोव नौकररंलाई ओल लेवकं खुल्ने हुकुम ओयोवरं, होकाम बैपार डाडे खाडंङ पैसा याझैरंया वार्डे सन्ने युङ ओडोव।
16होकाम ङा:डे टोबो राडे ऐ ओडोव, “ए साहु, नयाङो टोबो ढ्याकये अजं डस गोटा कमैडेङानै।”
17होये नो नौकरलाई हैओडोव, “स्याबास चाव इमान्डारी नौकर, नङ आलिज़ा ये:न्ट बिस्वासी नटाखे, नङ आबो डस गोटा सहरलो अढिकार डैने नले।”
18डोस्रा नौकर राडे ओसाहुलाई हैओवारो, “नयाङो टोबो ढ्याकये ङा पाँसगोटा कमैडेङानै।”
19“नोये होलाई पनि हैओडोव, ‘नङ पनि पाँस गोटा सहरलो अढिकार डैने नले’।”
20“होकाम छुटं राडे ऐ ओवारो, ‘ए साहु, गर:ङके, नढ्याक। आव ङा रुमालटं पोडे ङानोयो। 21ङा नङसं ङाछेव, कडालेकं नङ मी कर्रा नले। जो नमनोयो हो नलाङये, जो बालि नमवाव होज़ नक्याये’।”
22“होये नोलाई हैओडोव, ‘नया:ये नपाङो रो:टाम ज़ ङा नङलाई निया डोड्याने ङाले, ए नयुङ माचाव नौकर! जो ङामनै हो ङालाङ होसोनो जो बालि ङाम्वा हो क्याने ङा मी कर्रा ङाले वार्ने के नङलाई ठाज़ लेव सानिडं। 23ङाढ्याक ब्याङ्कलं कडा नमनोयो नी? ङा राडे ओब्याजसं नो ङाडैखे हो’।”
24“होकाम होका च्याङसिवरंलाई हैओडोवरं, ‘नोलाई नो पैसा नानडे डस गोटा पैसा लेवलाई याच्यो’।”
25नोराई हो साहुलाई हैयाडोव, “नोसं के डस गोटा पैसाज़ लिज़्या सानिडं।”
26“‘ङा जेलाई हैङाडाच्योज़्या, जोसं लिज़्या होलाई अजं भ्या यासिने ले, हैनि पनि जोसं माले होसं लेव पनि नान्सिने ले। 27हैनि पनि ङा जेखार्ल राज ङाडोव चाव माङप्सिने ङासुतर्रंलाई आकं रैच्योरं, होकाम नोरंलाई ङाङा:कंज़ सै:च्योरं’।”
येसु राजा मान्टि यरुसलेमलं ओनाव
28येसुये आव रो: हैओवारो पान्त्रा यरुसलेमडे ओनाव। 29जब येसु बेठफागे सोनो बेठानिया नी नेछ्योकं जैतुन याडोज़्याव डान्डाटं याकेनाव, येसुये उसिसरंलाम नेबऱ्याङनिलाई ऐ वार्डे उपरी:ङोनी, 30“आका गेङा:का नाङ्खारलं नाचिन होकाम नाङ्खारलं जिपसिनारिज़्याकं जिन टोबो गडाहालाई सुरसिव उलिज़्याव र:ङने जेले, नोलाई आर्क समं काङ्काराई पनि याचेपो माले। नोलाई पलाडे आकं रैचीन। 31कोइराई कडाने जेपलाज़्याव? वार्डे यापजैचिनरंखे भने, ‘प्रभुलाई आव चाहिज़्या’ वार्डे हैडाचीनरं।”
32होकाम होनी नेनाव, होनिलाई येसुये जोस्यानाव हैओडोवनि हैटावज़ नेडैनाव। 33नोनि गडाहा नेपलाज़्याकं नो गडाहालो ओर्गेराई यापजोयोनी, “जिन आव गडाहा कडाने जेपलाज़्याव?”
34नोनि हैनेडोवर, “प्रभुलाई आव चाहिज़्या।”
35उसिसनि गडाहालाई येसुलेवकं नेरोयो, होकाम उसिसराई याक्वा हाईडे गडाहालो ओजङ्टं तान्डे येसुलाई यासुचुनो। 36येसु होटं पुलुडे ओनाकं मीराई याक्वा हाईडे येमलं यातान्ड्योव।
37येसु जैतुन डान्डाटा उरालालं ओकेरिकं स्यान्टै उसिसरं, ङामिलङयेज़ यारो:ङो स्यान्टै सक्तिला ये:नलो ओलागिटं रेङ्डे, कस्सिडे कि:डे (ढन्याबाड याडे) परमेस्वरलो उगुन यागंयो,
38“स्यान्टैराई भन्डा घ्योवलो उमिननी राने राजा बनै चाव ची। स्वर्गट सान्ति होकाम घ्योव परमेस्वर ओलेने पोटं महिमा।”
39होकाम होला लेव कोई कोइ फरिसीराई येसुलाई हैयाडोव, “ए गुरबा नसिसरंलाई हक्लैरं।”
40हैनि पनि येसुये हैओडोवरं, “ङा जेलाई हैङाडाच्यो, आवर-गाई गुई मालेरंखे भने लुङरंज़ कि:ने लेरं।”
41येसु नजिक्क ओकेरिव, होकाम सहरलाई ओरो:ङो, होकाम नो सहरलो ओलागिटं येसु ऐ वार्डे ओघोरो, 42“सान्ति कैजैडे राये वार्डे नङ आजिकाल पनि ठा नसंनखीनके याटा हो! आबो नो नङा: नमिकाम मो:सिडे खेम्डेची ले। 43कडालेकं नङलाई ऐटानाव डिन रानेले, नसुतररं नो छ्योयालं टाना मारिडे नङलाई घिरिनेलेरं, होकाम चारकोनाङाम नङलाई वोङने लेरं। 44नोराई नङलाई सोनो नज्युङलं लेने नसन्तानरंलाई नामलं फङ-फङ टने लेरं, होकाम टोबो लुङ तर्ट छुटं लुङ पनि र:न्ने माले। कडालेकं नङलाई परमेस्वरये ओडानो डया नमस:रेडुये।”
येसु प्रार्ठना डोने ज़ी:मलं
45होकाम येसु प्रार्ठना डोने ज़ी:मलं उपसिनाव, होकाम होला बैपारिरंलाई उपुलोयोरं, 46नोरंलाई ऐ ओडोवरं, “ढर्म सास्त्रटं सर्सिव ले, ङाज़ी:म प्रार्ठनालो ज़ी:म टाने ले, हैनि पनि जे के आवलाई डाङ्कुरं याडुप्सिने पो झैडे जेनै।”#यसैया ५६:७; यर्मिया ७:११
47येसुये डिनका पतिज़ प्रार्ठना ज़ी:मयालं नाडे पोयोरंये। हैनि पनि मुख्या सेवा डोने मीरं, न्याम पैनेरं, सोनो जनताराई यासे:रराई येसुलाई सै:ने पानरंये। 48नोराई येसुलाई सै:ने उनिव माडैडुरंये, कडालेकं स्यान्टै मीरं येसुलो ओरो: बनै चावसं याठैज़्याव।
ទើបបានជ្រើសរើសហើយ៖
लुका 19: NTWMK25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
लुका 19
19
सिरमा डुप्ने जखायेस
1येसु यरीहोलं नाडे होलाग्यान्ट ओनाज़्याव। 2नलं जखायेस उमिनलेव टोबो मी लेव। नो सिरमा डुप्नेराई यासे:र लेव, होकाम ढनी पनि लेव। 3येसु काङ्का वार्डे र:ङने नोलो उयुङ लेव। हैनि पनि आलिज़ा कचरा ओटाव ये मीराई याखार्लाम नोये येसुलाई मार:ङडुवये। 4नो मी येसुलाई र:ङने वार्डे मीराई याङा:डे ज़ोनाडे टोबो डीलो उसिङटं उपुलुव। कडालेकं येसु होलाग्यान्टज़ ओनारिज़्याव।
5येसु होकं ओकेरिकं, येसुये ङला लेडे र:ङडे हैओडोव, “ए जखायेस, चानो झरिडे गरानके, कडालेकं ङा आछिम नज़ी:म्क बासिने ङारारिज़्या।” 6नो होपान्त्राज़ झरिडे ओराव। होकाम रेङये रेङये येसुलाई खुल्डे मान ओडोव।
7स्यान्टै मीराई नो यारो:ङो पान्त्रा, नोरं ऐ वार्डे गन गन यालेव, “येसु पापीलो उज़ी:म्ल पाहुना उचुङ्सिनाव।”
8जखायेस ठर-च्याङसिडे प्रभुलाई हैओडोव, “प्रभु, डे, आबो ङा ङासम्पतिलाई नेभा झैडे टभा गरिबरलाई ङायोरं, होकाम कोईराई लेवङाम अनिया डाडे कडिरं रैडे ङानैखे भने ङा नोलाई चारगुना सोवोल्ड्यानेङाले।”
9होकाम येसुये नोलाई हैओडोव, “आछिम आव ज़ी:मलं छुट्कारा राडेले, कडालेकं आव पनि अब्राहामलो ओज़ा ची। 10कडालेकं मानवालो ओज़ा मा:वरंलाई खीम्ने सोनो बचैने ओराव ची।”
सुनलो पैसालो सात्रो
11नोराई आव रो: याठैज़्याकंज़ येसुये नोरंलाई टोबो सात्रो झाडेओयोवरं। येसु यरुसलेम छ्योकंज़ उलिज़्याव, होकाम मीराई परमेस्वरलो ओराज्य चानोज़ रारिज़्या वार्ने बुझीडे यानैज्याव। 12येसुये हैओडोवरं, “टोबो घ्योव मी टोबो राज्य ङामी झैडे वोल्डे ङारा वार्डे टाडा डेसडे ओनाव। 13नोये डस जना ओनौकररंलाई खुल्डे नोरंलाई सुनलो डस गोटा ढ्याक याडे हैओडोवरं, ‘ङा वोल्डे ङामराया समं आवये बैपार डोच्यो’।”
14“हैनि पनि नोलो ओप्रजालाई नोलाई घिनैरंये, होकाम नोराई नो मीलो उझिन्ट ऐ वार्डे कटंवालरं यापरि:ङोरं, ‘नो गेराजा ओटाव गे चाव गेम्ङप्सिये’।”
15होकाम राज्य उमिन्ट झैडे वोल्डे ओराव पान्त्रा सुनलो पैसा ओयोव नौकररंलाई ओल लेवकं खुल्ने हुकुम ओयोवरं, होकाम बैपार डाडे खाडंङ पैसा याझैरंया वार्डे सन्ने युङ ओडोव।
16होकाम ङा:डे टोबो राडे ऐ ओडोव, “ए साहु, नयाङो टोबो ढ्याकये अजं डस गोटा कमैडेङानै।”
17होये नो नौकरलाई हैओडोव, “स्याबास चाव इमान्डारी नौकर, नङ आलिज़ा ये:न्ट बिस्वासी नटाखे, नङ आबो डस गोटा सहरलो अढिकार डैने नले।”
18डोस्रा नौकर राडे ओसाहुलाई हैओवारो, “नयाङो टोबो ढ्याकये ङा पाँसगोटा कमैडेङानै।”
19“नोये होलाई पनि हैओडोव, ‘नङ पनि पाँस गोटा सहरलो अढिकार डैने नले’।”
20“होकाम छुटं राडे ऐ ओवारो, ‘ए साहु, गर:ङके, नढ्याक। आव ङा रुमालटं पोडे ङानोयो। 21ङा नङसं ङाछेव, कडालेकं नङ मी कर्रा नले। जो नमनोयो हो नलाङये, जो बालि नमवाव होज़ नक्याये’।”
22“होये नोलाई हैओडोव, ‘नया:ये नपाङो रो:टाम ज़ ङा नङलाई निया डोड्याने ङाले, ए नयुङ माचाव नौकर! जो ङामनै हो ङालाङ होसोनो जो बालि ङाम्वा हो क्याने ङा मी कर्रा ङाले वार्ने के नङलाई ठाज़ लेव सानिडं। 23ङाढ्याक ब्याङ्कलं कडा नमनोयो नी? ङा राडे ओब्याजसं नो ङाडैखे हो’।”
24“होकाम होका च्याङसिवरंलाई हैओडोवरं, ‘नोलाई नो पैसा नानडे डस गोटा पैसा लेवलाई याच्यो’।”
25नोराई हो साहुलाई हैयाडोव, “नोसं के डस गोटा पैसाज़ लिज़्या सानिडं।”
26“‘ङा जेलाई हैङाडाच्योज़्या, जोसं लिज़्या होलाई अजं भ्या यासिने ले, हैनि पनि जोसं माले होसं लेव पनि नान्सिने ले। 27हैनि पनि ङा जेखार्ल राज ङाडोव चाव माङप्सिने ङासुतर्रंलाई आकं रैच्योरं, होकाम नोरंलाई ङाङा:कंज़ सै:च्योरं’।”
येसु राजा मान्टि यरुसलेमलं ओनाव
28येसुये आव रो: हैओवारो पान्त्रा यरुसलेमडे ओनाव। 29जब येसु बेठफागे सोनो बेठानिया नी नेछ्योकं जैतुन याडोज़्याव डान्डाटं याकेनाव, येसुये उसिसरंलाम नेबऱ्याङनिलाई ऐ वार्डे उपरी:ङोनी, 30“आका गेङा:का नाङ्खारलं नाचिन होकाम नाङ्खारलं जिपसिनारिज़्याकं जिन टोबो गडाहालाई सुरसिव उलिज़्याव र:ङने जेले, नोलाई आर्क समं काङ्काराई पनि याचेपो माले। नोलाई पलाडे आकं रैचीन। 31कोइराई कडाने जेपलाज़्याव? वार्डे यापजैचिनरंखे भने, ‘प्रभुलाई आव चाहिज़्या’ वार्डे हैडाचीनरं।”
32होकाम होनी नेनाव, होनिलाई येसुये जोस्यानाव हैओडोवनि हैटावज़ नेडैनाव। 33नोनि गडाहा नेपलाज़्याकं नो गडाहालो ओर्गेराई यापजोयोनी, “जिन आव गडाहा कडाने जेपलाज़्याव?”
34नोनि हैनेडोवर, “प्रभुलाई आव चाहिज़्या।”
35उसिसनि गडाहालाई येसुलेवकं नेरोयो, होकाम उसिसराई याक्वा हाईडे गडाहालो ओजङ्टं तान्डे येसुलाई यासुचुनो। 36येसु होटं पुलुडे ओनाकं मीराई याक्वा हाईडे येमलं यातान्ड्योव।
37येसु जैतुन डान्डाटा उरालालं ओकेरिकं स्यान्टै उसिसरं, ङामिलङयेज़ यारो:ङो स्यान्टै सक्तिला ये:नलो ओलागिटं रेङ्डे, कस्सिडे कि:डे (ढन्याबाड याडे) परमेस्वरलो उगुन यागंयो,
38“स्यान्टैराई भन्डा घ्योवलो उमिननी राने राजा बनै चाव ची। स्वर्गट सान्ति होकाम घ्योव परमेस्वर ओलेने पोटं महिमा।”
39होकाम होला लेव कोई कोइ फरिसीराई येसुलाई हैयाडोव, “ए गुरबा नसिसरंलाई हक्लैरं।”
40हैनि पनि येसुये हैओडोवरं, “ङा जेलाई हैङाडाच्यो, आवर-गाई गुई मालेरंखे भने लुङरंज़ कि:ने लेरं।”
41येसु नजिक्क ओकेरिव, होकाम सहरलाई ओरो:ङो, होकाम नो सहरलो ओलागिटं येसु ऐ वार्डे ओघोरो, 42“सान्ति कैजैडे राये वार्डे नङ आजिकाल पनि ठा नसंनखीनके याटा हो! आबो नो नङा: नमिकाम मो:सिडे खेम्डेची ले। 43कडालेकं नङलाई ऐटानाव डिन रानेले, नसुतररं नो छ्योयालं टाना मारिडे नङलाई घिरिनेलेरं, होकाम चारकोनाङाम नङलाई वोङने लेरं। 44नोराई नङलाई सोनो नज्युङलं लेने नसन्तानरंलाई नामलं फङ-फङ टने लेरं, होकाम टोबो लुङ तर्ट छुटं लुङ पनि र:न्ने माले। कडालेकं नङलाई परमेस्वरये ओडानो डया नमस:रेडुये।”
येसु प्रार्ठना डोने ज़ी:मलं
45होकाम येसु प्रार्ठना डोने ज़ी:मलं उपसिनाव, होकाम होला बैपारिरंलाई उपुलोयोरं, 46नोरंलाई ऐ ओडोवरं, “ढर्म सास्त्रटं सर्सिव ले, ङाज़ी:म प्रार्ठनालो ज़ी:म टाने ले, हैनि पनि जे के आवलाई डाङ्कुरं याडुप्सिने पो झैडे जेनै।”#यसैया ५६:७; यर्मिया ७:११
47येसुये डिनका पतिज़ प्रार्ठना ज़ी:मयालं नाडे पोयोरंये। हैनि पनि मुख्या सेवा डोने मीरं, न्याम पैनेरं, सोनो जनताराई यासे:रराई येसुलाई सै:ने पानरंये। 48नोराई येसुलाई सै:ने उनिव माडैडुरंये, कडालेकं स्यान्टै मीरं येसुलो ओरो: बनै चावसं याठैज़्याव।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025