Johane Tjinginiso
Tjinginiso
Ndebo Mbuya sekwayakakwagwa ndiJohane gumwe lukwalo gwewhalo dzilina dzeThesitamente Ndzwa dzinoleba nekwebutjilo gwaYesu. Gumwe negumwe lukwalo goyi “ndebo mbuya.” Whalo idzedzi dzakakwagwa naMatewu, naMako, naLuka naJohane hule kwefa kwaYesu. Ndebo Mbuya sekwayakakwagwa ndiJohane ingabe yakakwagwa neMpositoli Johane mumakole angaba makumi ahhanalume hule kwezwagwa kwaKhirisitu. Nekene lukwalo igogu gusingalebe kuti Johane ndiye nkwali, kwala koyendidzana newhalo dzaJohane wekutanga, naJohane webubili naJohane webutatu. Bamwe bakwali bantolo banoti Johane waka egala munzi-nkulu weku Efesu mulubaka igogu ndizo lukwalo igogu gungabe gwakakwaligwa muEfesu.
Ndebo Mbuya sekwayakakwagwa ndiJohane inoleba kupatjena nekwe tjinangwa tjelukwalo kudze gutjidze banhu bagalemoyo kuti Yesu ndiye Khirisitu, Nkololo weNdzimu unotjila (Joh 20.31). Nekuti ngekugalamoyo ikoku tingabe nebutjilo muzina lile. Lukwalo gwakakwaligwa banobala bemaJuta nebasi BaJuta. Ndebo mbuya yaJohane mudzimwe zila yakasiyana nedzimwe whalo nhatu. Wakakwala akalingisana nezwilakidzilo zwakayetiwa naYesu azokwala kwazo nekwe zwifananidzo zwizwe. Kumwe kwezwinhu zwakayetikala kunonga bvubikiwa kwaYesu nelikwa mutjilambanyika akuzokwagwa mundebo mbuya iyeyi.
Nlongoloso Yezwimukati
Johane unotangisa ndebo mbuya mudanho 1.1-18.
Unokwala kakale nekwezwimwe zwilakidzilo zwinjinji zwakayetiwa naYesu (Joh 1.19-12.50)
Unolongolosa kakale nekwezwimwe zwinhu zwakayetikala mubutjilo gwaYesu zwakathama kuti afe kakale amuke (Joh 13.1-20.31)
Johane unopedzisa ndebo mbuya mudanho 21 eleba nekwelubaka gumwe Yesu kwaakazwilakidza kubanhu hule kwekumuka kukwe kubafi ekotjileba nekwe tjinangwa tjekwala kukwe lukwalo.
ទើបបានជ្រើសរើសហើយ៖
Johane Tjinginiso: KTP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International