Maluko 13
13
Yesû walisamba kibalo kya konwa kwa kitotelo
(Matayo 24.1-2; Luka 21.5-6)
1Nfulo Yesû lwabele waima mu nsese gya kitotelo,#13.1 hekalu gûmo wa baana babûganga bage umulombwele: “Mulangi! Lola, bûlûlê mabwe gaga no mpimpêlo gigi bya gilê gya bitûdjûdjû!”
2Umuêndwêle: “Wamona mpimpêlo gigi gikata? Hakûle noline bwee limo likasigala egûlû lya linge; kintû kyonse kiongolwa.”
Mudjembo no masûsû
(Matayo 24.3-14; Luka 21.7-19)
3Yesû kyaba kyabele mwikane kûlûgûlû lwa Mpasi, mubûlûlê bwa kitotelo,#13.3 hekalu Petelo, Shake,#13.3 Yakobo Yoano no Andele, bamubulishe kûnkondo: 4“Wêtûlombole, mianda gino gikaba kyaba kêê? Byesha kêê bikalangêsha kwana mianda gino agikûbwêê kûgwanibwa?”
5Yesû ûbambile kwêbalombola: “Mube meso muntû nakasi kwimibemba. 6Kibalo bangê bekasha kusina lyane, no kwêsamba: ‘Ninene ûge Kilisitu!’ Nobo bekabemba bantû bangê. 7Kyaba kyamulê kategelela musahû gwa lûgosi no nganingani gya lûgosi, namukadjembi. Kiyenene mianda gigyo giimine, mone nfulo hagyaliike. 8Kuana musoo gûmo gwêkalwa no musoo gûûnge; bûkolo bûmo bwêkalwa no bûkolo bûnge. Kwêkaimina haanda mu kandje hantû ala ala, kwêkaba lûûma lwa bya kûlya. Mianda gigi aginagwe mubambo gwa mûsûsû gatangi ga mwanamukasi wakûbyala mwana.
9 #
Mt 10.17-20; Lk 12.11-12 “Mone benywe mu tegelele bilya bya kemiikêla! Bantû bekemiila kûbangabanga. Be kemiûla mu nsese gya milombelo gya Bayuda,#13.9 Sinagogi bekemiila kûgêbwa kwa bakûlu ba bitenta no kwê babêkali kibalo kyane. Mwanda mu kansitêkêkye kûgêbwa kwabo. 10Kiyenene bêlê mwanda gûsoga gûsahûlwe kumisoo gyonse. 11Kyaba kyabalê kemikwata no kwimiila kûbangabanga, na mukabi mpewampewa namukakebi bilya byamulê kesamba, mone mwisambe gilya gyamulêkaebwa kyaba kyonka kilya, kwakûba habenywe bakwêsamba; nambo, Mutêma Gûlûmbûlûke. 12Mwanabo wakamuana mwanabo nage eyagwe, shage wakamuana mwanage eyagwe. Baana bekaba bamangi ba babyali babo nobo bekebeyagya. 13#Mt 10.22No benywe mwakasikibwa no bantû bonse kibalo kya sina lyane. Mone gegense wêkalêndêla kuikêla nfulo, ûge wêkaanda.
Masûsû gakata
(Matayo 24.15-28; Luka 21.20-24)
14 #
Ndan 9.27; 11.31; 12.11 “Kyaba kyamulê kamona Kûûngêsha kwa bonenkania kwagimana antû alûmbûlûke.” Musomi no asingûlûle kibalo kyage, babo beku Bayuda batinine kûngûlû. 15#Lk 17.31No muntû gense wêkaba mukidjendje kya nsese nekatweli munda kûtwala mo kintû. 16Gûlya noge wêkaba kwêbala nekebwilili kwage kûtwala kishandê kya mpeho kyage. 17Musibo gwabo ba madjû bemite no bakonkya mu sigi lilyo! 18Mulombe Kabesha Mpûngû kibalo mianda gigyo nagikaimini kyaba kya mpeho!#13.18 Bûkamu 19#Ndan 12.1; Mput 7.14Kibalo mumasigi gago kwêkaimina masûsû gakata gashalimweke kûbambêle sigi lilya Kabesha Mpûngû ehangile kandje kuikêla noano. No hakûkaimini byonka masûsû bigano. 20Ntêê Kolo aswele kûtaûla masigi gago, hakûswele kûba muntû wakûhanda; mone wêgatawêle masigi gago kibalo kya basololwa bage. 21“Kyaba kikyo muntû gee kwimilombola: ‘Mulole, Kilisitu!’ Wêano ao, ‘Wêkulya!’ Namuketabêsha. 22Kibalo kwêkaimina ba Kilisitu no bamoni ba buumpi, nobo bekalonga kabandêlêlo kabyesha no bitudjûdjû, kibalo kya kûlûbya, ntêê byabilê binyonghokele, baswa kûlûbya no basololwa ba Kabesha Mpûngû. 23Mone benywe mube meso! Kibalo nanimilombola mianda gyonse kûgêbwa agyaliikêle.
1 Kûsha kwa Mwana wa Muntû
(Matayo 24.29-31; Luka 21.25-28)
24 #
Isay 13.10; Esek 32.7; 3.15; Mput 6.12 “Kûwa masigi gago, masûsû agalê kawa, djûba lya kaba kidjo, no kwesi hakukankeki, 25#Isay 34.4; Yow 2.10; Mput 6.13no tûmbalambala twa egûlû twakagwêla, no bûkome bwa mwigûlû bwê katingina. 26#Ndan 7.13; Mput 1.7Ao bekamumona Mwana wa Bantû, wakûsha mumalesigûlû no bûkome bûûngê no ntumbo. 27Kyaba kilya wêkatuma bamasalagûlû no kukuminkania basololwa bage kuima mpenga gyonse gina gya kandje, kuima nfulo gya kandje no nfulo gya gûlû.
Lûkêndê kibalo kya mutê gwa kikûdjû
(Matayo 24.32-35; Luka 21.29-33)
28“No mwilange kuima kumutê gwa kikûdjû Kyaba matabê gage agesenene no mani gage gatintila, musingûlûle kwana kyaba kya bûdjogo kyaikêla. 29No benywe kûmona mianda gigyo ntêê agyakwika, musingûlûle kwana Mwana wa Muntû wêkûbwêhê, no wêkumushango. 30Sitêê nanimilombola benywe muso gûno hagûkaite ntêê mianda gigyo gyonse hagyaliimine. 31Gûlû no kandje bikaêta, mone mianda gyane agikahiti mbeela.
Hakûle muntû mumanye sigi no kyaba
(Matayo 24.36-44)
32 #
Mt 24.36
“Mone, hakûle muntû mumanye, sigi no kyaba kikyo; no gene masalagûlû gamwigûlû, no Mwana; nambo Tata bugima bwage umumanye. 33Mube meso no mulombe, kibalo hamwidjê byakelêka kyaba kêê. 34#Lk 12.36-38Kikaba nagwe muntû wêmulwendo, usigile nsese gyage ûwele muntû gense mugêlo gwage no kûtakêsha muhempi wamushango abe meso. 35Nfulo mube meso, kibalo hamwidjè mwine nsese kyaba kyalêkasha; ntêê lêngolo ao mumandê ga busigi ao akûbêlêkela kwa nkoko ao mugûndja. 36Ntêê washa kimpûlû mpandja, nakasi kwêmitana mubêdjê. 37No gûgo gwa nanimilombola benywe, nanimilombola bonse: mube meso!”
ទើបបានជ្រើសរើសហើយ៖
Maluko 13: HBT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល