ខគម្ពីរពេញនិយមពី Maluko 13

ចែក​រំលែក

No benywe mwakasikibwa no bantû bonse kibalo kya sina lyane. Mone gegense wêkalêndêla kuikêla nfulo, ûge wêkaanda.

Mube meso no mulombe, kibalo hamwidjê byakelêka kyaba kêê.

Kyaba kyabalê kemikwata no kwimiila kûbangabanga, na mukabi mpewampewa namukakebi bilya byamulê kesamba, mone mwisambe gilya gyamulêkaebwa kyaba kyonka kilya, kwakûba habenywe bakwêsamba; nambo, Mutêma Gûlûmbûlûke.

Gûlû no kandje bikaêta, mone mianda gyane agikahiti mbeela.

“Mone, hakûle muntû mumanye, sigi no kyaba kikyo; no gene masalagûlû gamwigûlû, no Mwana; nambo Tata bugima bwage umumanye.

Kyaba kyamulê kategelela musahû gwa lûgosi no nganingani gya lûgosi, namukadjembi. Kiyenene mianda gigyo giimine, mone nfulo hagyaliike.

Nfulo mube meso, kibalo hamwidjè mwine nsese kyaba kyalêkasha; ntêê lêngolo ao mumandê ga busigi ao akûbêlêkela kwa nkoko ao mugûndja. Ntêê washa kimpûlû mpandja, nakasi kwêmitana mubêdjê. No gûgo gwa nanimilombola benywe, nanimilombola bonse: mube meso!”

Kuana musoo gûmo gwêkalwa no musoo gûûnge; bûkolo bûmo bwêkalwa no bûkolo bûnge. Kwêkaimina haanda mu kandje hantû ala ala, kwêkaba lûûma lwa bya kûlya. Mianda gigi aginagwe mubambo gwa mûsûsû gatangi ga mwanamukasi wakûbyala mwana.

Kiyenene bêlê mwanda gûsoga gûsahûlwe kumisoo gyonse.

Kibalo bangê bekasha kusina lyane, no kwêsamba: ‘Ninene ûge Kilisitu!’ Nobo bekabemba bantû bangê.

“Mone benywe mu tegelele bilya bya kemiikêla! Bantû bekemiila kûbangabanga. Be kemiûla mu nsese gya milombelo gya Bayuda, bekemiila kûgêbwa kwa bakûlu ba bitenta no kwê babêkali kibalo kyane. Mwanda mu kansitêkêkye kûgêbwa kwabo.

Kibalo kwêkaimina ba Kilisitu no bamoni ba buumpi, nobo bekalonga kabandêlêlo kabyesha no bitudjûdjû, kibalo kya kûlûbya, ntêê byabilê binyonghokele, baswa kûlûbya no basololwa ba Kabesha Mpûngû.

“Kûwa masigi gago, masûsû agalê kawa, djûba lya kaba kidjo, no kwesi hakukankeki, no tûmbalambala twa egûlû twakagwêla, no bûkome bwa mwigûlû bwê katingina.