Luka 2
2
Kûbyalwa kwa Yesû
(Matayo 1.18-25)
1Musigi lilya kûtelwe mbêla giimine kwê Kaisali Ogisito mubêkali muk-ûlû kwêbakeba bantû bonse bamûmwalo gonse gwa baloma babalwe. 2Kûbalêkwa kûko kûbele lûkwe lûtangi, kyaba Kolenio abele mubêkali wa mwalo gwa Sulia. 3Nfulo, bonse bategelele bagêle kûbalêkwa muntû gense mu kibûndê kyage.
4Byonka nansho Yosefu noge ûselile mukibûndê kya Nasaleti mwalo gwa Galilaya, ûgêle mukibûndê kya Daudi kya kwêtwa Betelehemu mwalo gwa Daudi, no kwanansho ûbele walûbyalo lwa Daudi. 5Ûgêle kûbalwa amo no musongwe wage Malia, kwana ûbele no limi. 6Lua babele kûko kû Betelehemu, kyaba kyage kya kûbyala kigwanine, 7ûbyalile mwanage wabûbelê, mwana mulûme. Umushikile kishandê kya bwanike, umulalikile mu kisakyê kya banghombe kibalo babulilwe antû mu nsese gya baika.
Masalagûlû walibaimina baempi bamikoko
8Kûntû kûko kû Betelehemu kûbele baempi bamikoko bakelilwe busigi mukitûntû kûempa bimunanwa byabo. 9Masalagûlû ga Kolo gebaiminine kimpûlû mpandja, no ntûmbo gya Kolo gibamunkêshe mugela gonse. Batudjukile biiko. 10Mone Masalagûlû ga Kolo wêbalombwele: “Namukatudjuki! Na nimihêla musahû gûsoga, gwa mulogo gûkata gwêkebamona bantû bonse. 11Kibalo lêno lili mukibûndê kya Daudi, mwabyalwa muandia kibalo kyenyu, ûge Kilisitu Kolo. 12Nokano kekaba kabandêlêlo kwenyu, mwikamu sangana mwana wa lûkeke mushêkwe kishandê kya bwanike, mulalêkwe mukisakyê.”
13Onkao kibûngo kikata kya basilêkale ba mwigûlû kikuminkene no gudjo Masalagûlû, gamutumbikile Kabesha Mpûngû:
14“Ntûmbo kwê Kabesha Mpûngû wê mwigûlû,
no angalê akandje kû bantû balya bakumunengesha!”
15Nghimba gya masalagûlû kûsemuka kwêbwêlêla mwigûlû, balya baempi bamikoko belombolene: “Tûgye lûmo kwa lûmo kuikêla Betelehemu tûkamone kya gêlêka, Kolo kyalitwanine.”
16Nfulo, bagêlê lûbêlo, bamusangene Malia no Yosefu no gûdjo mwana wa lûkeke mulalêkwe mukisakye. 17Babo baempi bamikoko lwabamumwene gûdjo mwana bebanine bonse musahû gwabategelele kibalo kyage, 18bonse bategelele gûgo mwanda begalagenie kibalo kya musahû gwa balombwelwe no baempi bamikoko. 19Mone Malia ûkwatêlêshe mianda gyonse gigyo mumutêma gwage. 20Balya baempi bamikoko bebwêlêle kwabo kûno mukûtûmbêsha no kumutota Kabesha Mpûngû kûbyonse byababele bategelela no kûmona byonse bibele monka mwa balombwelwe.
Mwana waginikwa sina
21 #
Benlf 12.3; Lk 1.31 Masigi muganda, nghimba gya kûkalwa balê mwana agaikile, umwinikile sina lyage Yesû, sina kwana ûbelemuebwe no Masalagûlû nghimba enelitwalêlwe limi.
Yesû walangisibwa mu kitotelo
22 #
Benlf 12.6-8
kyaba kya kumunkibwa kwa Yosefu no Malia, byabibele bilagêlêle bisila bya Musa, babyali babo batwalile Mwana baselile nage Yelusalema kûba bamulangêshe kûgêbwa kwa Kolo, 23#Kuim 13.2; 12mubisila bya Kolo musintwe: “Mbyalwa gense mubelê wa mwana mulûme shabêkwe djambûla kwê Kolo.” 24no bagêle kuimia mulambû: “Nkûnda gibêlê no byana bibêlê bya djêba, monka mwisambêle bisila bya Kolo.”
25Kyaba kikyo kûko Yelusalema kûbele no muntû gûmo musoga no mutûdjûke Kabesha Mpûngû, sina lyage Simo. Gee ûbele walwegelela kwakiwêwê bûempuli bwa Isilaeli. Mutêma gûlûmbûlûke gûbele amo nage. 26Mutêma Gûlûmbûlûke gûbele gwamusitêkêkya kwana haso kûkya ntê onolimone Kilisitu wa Kolo. 27Nfulo ûlûbûlwêlwe no Mutêma Gûlûmbûlûke, Simo ûtwelile mu Kitotelo. No babyali ba Yesû lwaba musilishe mu Kitotelo Mwana wabo kûba bamulongele monka mukebelwe no kisila, 28simo umutambwêle mwana yesû mumaboko gage kûno wakumutûmbêsha Kabesha Mpûngû, no kûnenghena:
29“Onkano Kolo ntakêshe, nene mwingili obe nkye kwa angalê kwa kûba wagwania mulago gobe. 30Kibalo meso gane gamona lûhandêlo lobe,
31kwana lobikile djambûla kûmeso ga bantû bonse:
32 #
Isay 42.6; 49.6; 52.10 Mugenge kibalo kya mpûtûlo kû bantû basibetabeshe,
no kibalo kya ntûmbo kûbantû bobe Isilaeli.”
33Shage no nyage wa Yesû babele baligalagania mianda gisambile Simo kibalo kya mwana. 34Kûwa Simo wêbesele malyese, umulombwele Malia, nyage wa Yesû: “Mwana gûdjû wêkaba kibalo kya kûgwêsha no kûbyûla kwa bantû bangê mu Isilaeli. Noge wakaba byesha byakabengwa no bantû; 35kibalo maninga ga bantû bangê gekaûtûlwa hûtû hûtû. No mugela gobe gwe mwine, misa gikakukinka nagwe lûpanga lwabûgê lwê kakukinka Mutêma gobe.” 36-37Byonka ûbele mu Kitotelo mumoni gûmo mwana mukasi, Sina lyage Ana, musike wa Fanueli, wa musoo gwa Asheli, ûbele mukote biiko; wêkene no mulûme miaka kiloba yaa, Kûwa mulûme wage ukile. Noge ûbele mukyêlêlwe no mulûme, ûbele no miaka makumi muganda no gina. Kyaba kyonse wêkene mukitotelo wa kwigima no kûlomba busigi no djûba. 38Kyaba kyonka kikyo, Ana usile no kûbamba kumutûmbêsha Kabesha Mpûngû, no kwêsamba musahû gwa gûdjo mwana kûbantû bonse babele bakûempa buikuli bwa Yelusalema.
Kwêbwêlêla kû Nasaleti
39 #
Mt 2.23
Kyaba Yosefu no Malia, babyali ba Yesû lwabawêle kûlonga byonse bitakisibwe no bisila bya Kolo, bebwêlêle kwabo Nasaleti mwalo gwa Galilaya. 40No gûlya mwana ukulile ûgêlêlêle kûmona bûkome, udjulile lweni, no kyabûntû kya Kabesha Mpûngû kibele amo nage.
Yesû mukitotelo
4141 #Kuim 12.1-27; Ngib 16.1-8Yosefu no Malia babyali ba Yesû; babele no kisela kya kûgya Yelusalema mumwaka gonse kyaba kya sigi likata lya Pasaka. 42Yesû lwabele no kilêko kya miaka kumi no gibêle, bonse baselile kûgya Yelusalema musigi likata lilyo monka mubelele kisela. 43Nghimba gya kikwe kûwa, Yosefu no Malia babambile kwêbwêlêla kwabo, noge Yesû usigile Yelusalema, mone babyali bage habasingûlwêle. 44Baningile ûbele nabo mumulongo gûmo, bagêle lwendo lwa sigi ligima, babambile kumukeba mu musoo gwage no kû balûnda. 45Kwa kûba abamumwene, baselile byonka Yelusalema kûmukeba. 46Nghimba gya masigi gasatû bamumwene mukitotelo, wiki mubûkata bwa balangi babisila, wakwêbategelela no kwêbabûsha. 47No bonse bategelele mianda gyage begalagenie lweni lwege no mahêndwe gage. 48Babyali bage lwabamumwene begalagenie. Malia nyage umubulishe: “Mwanane, mwanda gwa kêê walitûlongela nansho? tata obe no nene twaba twakûkeba kwa kininga.”
49Yesû wêbabulishe: “Kibalo kyakê mwakûnkeba? Amwidjê kwana kimpyenene kûba mu nsese gya Tata wane?” 50Mone babyali bage abasingûlwê nsintwe gya mianda gyalibalombwele.
51Nfulo utukile nabo Nasaleti, ûbele walibakokela. Mone nyage ûbêkêlêshe mianda gigyo gyonse mumutêma gwage. 52#1 Sam 2.26; Nkd 3.4Noge Yesû ûkulile mu lweni no kêmo, ûkampilwe no Kabesha Mpûngû no bantû bonse.
ទើបបានជ្រើសរើសហើយ៖
Luka 2: HBT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
