Luka 17
17
Milango kibalo kya bûbê no lûlekelelo
(Matayo 18.6-7; 18.21-22; Maluko 9.42)
1Yesû wêbalombwele baana babûganga bage: “Kiyenene mianda gya kumutakêsha muntû kûlonga bûbê buimine, mone musibo gwage muntû gûlya wakwibisisha! 2Kya swakûba kiyenene kwê muntû gûdjo kûkwêkwa bwee likata munkingo lya kûelela no kûtebwa mwisiba kûbûla kumukukasha gûmo wabaanike bano kûlonga bûbê. 3#Mt 18.15 Kwanasho mwilame!
“Ntêê mulûnda obe, ge kûkûlongela ubisibyo mulêngêle, no ntê gee kumulêlêla, mulekelele. 4No ntêê gee kûkûlongela bûbê nghendo kiloba musigi limo, no nghendo kiloba gee kwêbwêlêla kolê no kûnenghena: ‘Nanisasa,’ Kiyenene umulekelele.”
Milango kibalo kya lwêtabêsho
5Bikûla bimulombwele Kolo: “Witubilêshe lwêtabêsho.”
6Noge Kolo wêndwêle: “Lwêtabêsho lwenyu lwalê lûke nagwe ni ndjee gisho gya kilanga, mwaswa kwêgûlombola mutê gûgû gûkata gwa kikûdjû: ‘Tukuka, ûkekune mwisiba!’ Nogo gwaswa kwimikokela.
Ngikeno gya bwingili
7“Twêsambe kwa lûkêndê, gûmo wenyu wêno mwingili kwana wakûlêma ao wakûempa mikoko, Ntêê wagibwêlêla kuima kwêbala shamulombole gûdjo mwingili, bûkêlê ndjûû ûlye kya kûlya? 8Ûwe! Hamulomboli mbêkêle djambûla kyakûlya: ‘Wêkwêke djambûla kungilêla, Kuikêla anankabidja kûlya no kwêkûbêla; ûao nogwe ûlye no kwêkûbêla?’ 9Ntêê wakamufwisha gûdjo mwingili, kibalo wagwania byelagêlêlwe? 10Byonka nansho no benywe kûwa kûlonga byonse byamulagêlêlwe; mwisambe: ‘Betwe twê bengili basi no katolwa, twagwania yaa bilya byatûlagilwe kûlonga.’”
Yesû wa libamunkya beno bûsûngû kumi
11Yesû lwabele mukûgya ku Yelusalema, witile kûmbêmbê gya Samalia no Galilaya. 12Lwabele mukûtwela mu kibûndê kimo bantû kumi beno bûsûngû. Bakuminkene nege bemene kûla 13Batele bangwêle djwê banine: “Yesu! Mulangi! Wêtûkyêle lûsa!”
14 #
Benlf 14.1-32
Kyaba Yesû lwalibamwene, wêbalombwele, “Mugyate mukelangêshe kwê balambwili.”
Lwababele mulwendo bamunkibwe. 15Gûmo wabo lwamwene kwana wahanda, wêbwêlêle kûno mukumutûmbêka Kabesha Mpûngû, kwa djwê likata. 16Wêtele ansê kûgêbwa kûmagûlû ga Yesû umutumbikile. Muntû gûdjo ûbele Musamalia. 17Hûao Yesû ubulishe: “kûbêle bantû kumi bamukibwe, balya abûla be kwêê? 18Hakûmonekile gûnge wêbwêlêle kumutûmbêka Kabesha Mpûngû nambo ya gûdjû mwika?” 19Hûao Yesû umulombwele gûdjo muntû: “Gimana gyata, lwêtabêsho lobe lwa kûandia.”
Kûsha kwa Bûkolo bwa Kabesha Mpûngû
(Matayo 24.23-28; 24.37-41)
20Kyaba kimo Bafalisayo bamubulishe Yesû Bûkolo bwa Kabesha Mpûngû bwêkasha kyaba kêê. Yesû wêbaêndwêle: “Bûkolo bwa Kabesha Mpûngû abusi kwa kûmoneka hûtû. 21No kwênghe muntû wêkanyonghona kwêsamba: ‘Bwê ano’ ao ‘Bwê alya’, kibalo Bûkolo bwa Kabesha Mpûngû bwê munda gyenyu.”
22Hûao Yesû wêbalombwele baana bage ba bûganga, “Kyaba kya kasha ûkyamulê kakampwa kûmona sigi limo lya Mwana wa Muntû, mone hamukelimoni. 23No bantû bekemilombola: ‘Lola wêkûlya’, ao ‘Lola wêano’ Mone benywe namukasemuki kwêbalonda. 24Kibalo ntê nansilya mugenge gwa nkûba byagilêkaima kimpûlûmpandja no kûkenka kuima mugela gûmo kûgya mugela gûnge, ûbyo byabilê kaba kûmoneka mwana wa Muntû byalêkaba sigi lyage. 25Mone bêlê, kikamuyenene kûsûsûka biiko mu mianda giingê no kûbengwa no lûbyalo lûlû. 26#Mub 6.5-8Ntêê byalibele sigi lya Nowa ûbyo byalilê kaba mu sigi lyage Mwana wa Muntû. 27#Mub 7.6-24Bantû bagêlêlêle kûlya no kwêkûbêla, kûkwela no kûlobola kuikêla kyaba kilya Nowa lwatwelile mubwato, ntende kalûnga giikile no kwêbatobesha bonse. 28#Mub 18.20—19.25 “Bikaba nagwe bya kibele kyaba kya Loti, bantû bagêlêlêle kûlya no kwêkûbêla, kûla no kûsha kukuna ndje no kuimpa. 29Mone sigi lilya Loti lwaimine mu Sodoma kûnokile mbila gya mabwe ga kaya kuima mwigûlû no kwêbatobesha bonse. 30Byonka nansho, byalilêkaba sigi lilya Mwana wa Muntû alê kaûtwêlwa.
31 #
Mt 24.17-18; Malk 13.15-16 “Sigi lilyo, muntû gense wêkaba egûlû lya nsese gyage, no bintû bibaka munda gya nsese gyage, hakatuki kûtwala bintû byage. Byonka nansho muntû wêkaba kwêbala hakebwilili kû nsese kûtwala kyokyonse. 32#Mub 19.26 Mwidjûkane bimukumine mukasi wa Loti! 33#Mt 10.39; 16.25; Malk 8.35; Lk 9.24; Yoa 12.25 Gegense wakûkeba kahandya kikûle kyage; shaekisiminie no gegense wakusiminia wêkegiandia. 34Nanimilombola, sigi lilya busigi, bantû babêlê bekaba balale amo, gûmo wêkatwalwa, no gûnge wêkasingwa. 35Baana bakasi babêlê bekaba mukûela ngano amo; gûmo wêkatwalwa, no gûûnge wêkasigwa. 36Baana balûme babêlê bekaba balonga mingêlo amo mwibala, gûmo wêkatwalwa, no gûnge wêkasigwa.”
37Baana ba bûganga bamubulishe Yesû: “Kolo, mianda gino gikalongeka kwê?”
Yesû wêbaêndwêle: “Alya emubêlê gûkye, ûalya ekakuminkana makûbê.”
ទើបបានជ្រើសរើសហើយ៖
Luka 17: HBT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
