Yohana 19
19
Owa znunya Yeisu znuznudu nya
1Nlonu Byilatusu wa la Yeisu ga nge a la wo gyinaya. 2Akwnuyi ɓa pmyi fnunyi aknawui nya ɓaa kwo kwnu wo n tukwo. Ɓa kpe wo əje-kpadalai jeɓwada, 3jesnu ɓa lo da wo ɓai bmakpe-bmakpe, ɓai gna, “Haamwasa, Ayahudiyi əsu!” Njesnu ɓa ce wo əpmi n awyeba.
4Byilatusu wa je gbmiya ɓe wa gna Ayahudiyi n ɓa ɓə yezhi n abaayi nyi wa gna, “Fye gyewye, mi gbmi wo ɓe fye ncei nu, nabai fya kwu kpe nge mi too ɓwa ɓəgyi ho tu n əwo tukwo m.” 5She Yeisu ɓə gbmiɓe n fnunyi aknawui nyai kwnu jesnu n əje-kpadalai jeɓwadai kpe, Byilatusu wa gna ɓa, “To, əza ye gnyi nyi!”
6Shi apirisiti atukwoda n əɓa abyegyiyii ɓə zè n əwo wyegyei, ɓa ɓəwyi, “A la wo znudu! A la wo znudu!”
Ama Byilatusu wa dnaɓəgbe, “Fye la wo la fyee la wo znudu! Ama əmi, mi too ɓwa ɓəgyi ho tu n əwo tukwo m.”
7Ayahudiyi atukwoda ɓa kwu gyima, “Yi n owai lo jesnu owa kwa gna ɓəshishi nu wa fyí, ntuge wo yi əwohni nge wo zhni Shekwoyi Nugwnu nu.”
8She Byilatusu ɓə wo əɓo ye, ədna kwa gna wo wowo, 9jesnu wa jezelo galukwo əmi. Wa nya Yeisu əɓo, “Ho gbmi ń nanu a?” Ama to Yeisu wa dna wo ɓəgbe m. 10Byilatusu wa gna, “Ho ta ye lo ha dna mi ɓəgbe m? Ho ta kpəlo nge mi n ikwoi lo maa ho loya kwo ma znu ho du m?”
11Yeisu wa dnaɓəgbe, “Ho taa ɓwa ikwo tu n əmi to ai ga ho kwo n əshemi nu m. Ntucenu əza n wa dna mi n əho akwnu nyi, əwo nu n ɓəgyi leifyi yaakwo gnadui lo.”
12Ənya n kwo laka nsayii kwoi lo n abyei, Byilatusu wa zhnatna nge wa lo Yeisu ya, ama Ayahudiyi atukwoda ɓa gwodu n wyiɓei, “N ha fa əza ye waa lo, a gye ho to zhni Kaisa nugwnudo nu m. Əza n wa gna wo zhni əsu nu, wo gnyiapaapa n Kaisa nu.”
13She Byilatusu ɓə wo ɓəye, wa gbmi Yeisu ɓe ncei jesnu wa sasetu n owada shnikpegye n aba n a yi nge Kwuta Patai nyi (n Aramyiyii yi nge Gabbata). 14Əwyi yi ɓə zhni nyipyei nu n a vyi anya ɓo zhi ntu n Gnanaznu ɓo; nyipyei atukwogwnu əsa nu ɓə gnyi.
Byilatusu wa gna Ayahudiyi, “Əfye əsu n əfyei gnyi nyi.”
15Ama ɓa ɓəwyi, “A lo n woi! A lo n woi! Ə la wo znudu!” Byilatusu wa nyaɓo, “Mi la əfye əsu znudu?” Apirisiti atukwoda ɓa dnaɓəgbe, “Yi to n əsui lo m, akpəge Kaisa.”
16N kpmasnu Byilatusu wa wo taya ga ɓa, a lo ə la wo znudu.
Yeisu znuznudu
Ntulonu akwnuyi ɓa gwo Yeisu dna n əɓa akwnu.
17Yeisu wa gbmilo Atukwobwe aba (n Aramyiyii yi ge Gwolgwota nyi) n əwohni znudui shi. 18N abaayi nu n ɓa ɓə la wo znudu, jesnu azaje ɓə nyi ngwnu-aba; gbmanyi n əwo ɓwaizhe, gbmanyi n əwo ɓwapmi, n Yeisui dna n əɓa atasni.
19Byilatusu wa kwu ɓəgyinyáka ka waa kwo gyitu n znudu. Əkwo nu nyi:
Yeisu Nazeretiyi, Ayahudiyi Əsu.
20Ayahudiyi bəgyé ɓə la əznù ye ba, ntuge aba n a ɓə n Yeisui znudu tu nyi, kwo ɓə wo vyivyiwyi n əzhiyaakwoi, jesnu a ɓə n əznù yei ka shi n Aramyiyi nu, Latin ɓədo n Girik abyei. 21Ayahudiyi apirisiti atukwoda ɓa kwukazhi da Byilatusu ɓa gna, “To kakpe ge, ‘Ayahudiyi əsu m,’ ama nge, əza ye yi əwohni nge əwo nu zhni Ayahudiyi əsu.”
22Byilatusu wa dnaɓəgbe, “Ənya n mi kwu ka, mi kwu ka.”
23She akwnuyi ɓə lá Yeisu znudu, ɓa kwu əwo aje, ɓa gna ɓa akwu ngwnu-anyi, okwu gbmanyi ntu n əzahozahoyi ɓo, n əje əmìnyai cezhi. Əje ye to ɓə cicii n ɓwaho m, n lului shi gbmanyi kwoi ya ń əshe lo snuta.
24Ɓa gna aje, “Yi to sa kwo ya m. Fa ya knyi əza n əbashei n wo ɓa ɓwa kwo.”
Dəye ɓə zhni nabai kwa nu nyakagyigyiyi nu n kwo gna,
“Ɓa ɓə la əmi ajekpe gnaya ga əɓahni
njesnu ntu əmi əje-kpadalai ɓo ɓa she əba.”
Ntulonu əɓo nu nyi n akwnuyi ɓə zhni.
25Yeisu əya, n əwo əya zadoi, Mariyamwu Kleyopas nyikwo n Mariyamwu Magadalayii, ɓa ɓə zhi n wo vyivyiwyi n Yeisu znudu abai. 26She Yeisu ɓə gye əwo əya gnyi n ɓo, jesnu n mwutuyii n wo ɓə zhni woi ye wo nyi, n gnyi vyivyiwyi n ɓo, wa gna wo, “Nyikwoza, əho nugwnu nu gnyi nyi,” 27jesnu wa gna mwutuyi yi, “Əho əya nu gnyi nyi.” Ənya n kwo ɓə laka nsayii, mwutuyi yi wa lo n Yeisu əyai n əwo pwuwa.
Yeisu fyífyi
28Əsa fyewyi, woi kwu kpe nge ɓəhoɓəhoi kwo kwu zozhni, jesnu nabai nge Shekwoyi nyakagyigyiyi kwa kwu nu, Yeisu wa gna, “Nuwna myikwnu wo mi lo.” 29Nyikwnu anamnuwna mamai ɓə shi n abaayi, ntulonu ɓa da sooso fyi n kwo, ɓa kwu sooso yi gyi n bwusi, ɓa la kwo wulo ncei n Yeisu əgbe. 30She wo ɓə la anamnuwna mamai towo, Yeisu wa gna, “A kwu zozhni.” N dəyei, wa shni əwo tukwo kwnu jesnu wa dna əsnu.
31Əwyi yi ɓə zhni nyipyei aɓozhnizhi nya nu ń əkwo fyegyi ɓə zhni Sibyiwyii knyiknyii. Ntuge Ayahudiyi atukwoda to ɓə ncei ye a ya nayi tu n znudu n Sibyiwyi m, ɓa nya Byilatusu nge a bma əɓa apita ya, jesnu aa əɓa anayi kazhi. 32Ntucenu akwnuyi ɓa ɓe, ɓa bma əza kpmisnuyi apita ya, n a ɓə n woi znudu tu n kwnusnu n Yeisui nyi, jesnu n əzabaayi nyai. 33Ama she ɓa ɓə ɓe da Yeisu, ɓa gye wo la lu fyí, to ɓa bma əwo apita ya m. 34N əkwoɓwi, zagbmanyi n akwnuyi wa fnyi Yeisu əshabwusi n abmayi, kwa zhni ami ɓa cepwo n nuwnai. 35Əza n wo ɓə kwu dəye gyewye, wo la əkwo ɓəgbmi, jesnu əwo ɓəgbmi zhni ɓəhnihni nu. Wo kpəlo nge wo da gaiciyanunui nu, jesnu wo gbmiɓo nabai əhohni ce n ho ɓa myi ha ga gaiciya nu. 36Aɓo ye ɓə zhni nabai nge nyakagyigyiyi kwa nú nu: “A taa bma əwo snúkwnu gbmanyi ho ya m,” 37jesnu, ngye shi nyakashi ədo ncei da, “Ɓa ɓə shi əza awye n ɓa ɓə fnyi wo ənya nyi.”
Yeisu byibyi
38Əsa fyewyi, Yusufu Arimatiyai wa nya Yeisu nayi ɓo n Byilatusu aba. Yusufu ɓə zhni Yeisu mwutuyi nu, ama n ɓwiɓwi ntu n ədna Ayahudiyi atukwoda ɓo. She Byilatusu ɓə ga əgbe, wa ɓe, wa la nayi lo ncei. 39Ɓa ɓə kwnusnu n Nikwodimwusii nu, əza n wo ɓə lo Yeisu aba n sukwoi nyi. Nikwodimwus wa ɓe n myirii n gbmiaje n aloyii, n əkwo əshnawo ɓə nyi ngye akilo shiita-ceatnu nu. 40Əɓa ngwnu-aba ɓa shni Yeisu nayi ɓa pa kwo, n anyasnidaii, dna n aje luweluweii. Dəye ɓə vyi Ayahudiyi əzabyi kwnunu nu. 41Aba n a ɓə znu Yeisu du nyi, ashnuwnazhni ɓə gnyi n ɓo, jesnu dna n ashnuwnazhni vnyigwo woiwoyi ɓə dna n abaayi, n a to ɓə shni əza byidna n kwo m. 42Ntuge kwo ɓə zhni Ayahudiyi nyipyei aɓəzhnizhi nya nu jesnu shikwonyi vnyigwo ɓə wo vyivyiwyi n abaayii, ɓaa Yeisu byidna n abaayi.
ទើបបានជ្រើសរើសហើយ៖
Yohana 19: OGNB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Yohana 19
19
Owa znunya Yeisu znuznudu nya
1Nlonu Byilatusu wa la Yeisu ga nge a la wo gyinaya. 2Akwnuyi ɓa pmyi fnunyi aknawui nya ɓaa kwo kwnu wo n tukwo. Ɓa kpe wo əje-kpadalai jeɓwada, 3jesnu ɓa lo da wo ɓai bmakpe-bmakpe, ɓai gna, “Haamwasa, Ayahudiyi əsu!” Njesnu ɓa ce wo əpmi n awyeba.
4Byilatusu wa je gbmiya ɓe wa gna Ayahudiyi n ɓa ɓə yezhi n abaayi nyi wa gna, “Fye gyewye, mi gbmi wo ɓe fye ncei nu, nabai fya kwu kpe nge mi too ɓwa ɓəgyi ho tu n əwo tukwo m.” 5She Yeisu ɓə gbmiɓe n fnunyi aknawui nyai kwnu jesnu n əje-kpadalai jeɓwadai kpe, Byilatusu wa gna ɓa, “To, əza ye gnyi nyi!”
6Shi apirisiti atukwoda n əɓa abyegyiyii ɓə zè n əwo wyegyei, ɓa ɓəwyi, “A la wo znudu! A la wo znudu!”
Ama Byilatusu wa dnaɓəgbe, “Fye la wo la fyee la wo znudu! Ama əmi, mi too ɓwa ɓəgyi ho tu n əwo tukwo m.”
7Ayahudiyi atukwoda ɓa kwu gyima, “Yi n owai lo jesnu owa kwa gna ɓəshishi nu wa fyí, ntuge wo yi əwohni nge wo zhni Shekwoyi Nugwnu nu.”
8She Byilatusu ɓə wo əɓo ye, ədna kwa gna wo wowo, 9jesnu wa jezelo galukwo əmi. Wa nya Yeisu əɓo, “Ho gbmi ń nanu a?” Ama to Yeisu wa dna wo ɓəgbe m. 10Byilatusu wa gna, “Ho ta ye lo ha dna mi ɓəgbe m? Ho ta kpəlo nge mi n ikwoi lo maa ho loya kwo ma znu ho du m?”
11Yeisu wa dnaɓəgbe, “Ho taa ɓwa ikwo tu n əmi to ai ga ho kwo n əshemi nu m. Ntucenu əza n wa dna mi n əho akwnu nyi, əwo nu n ɓəgyi leifyi yaakwo gnadui lo.”
12Ənya n kwo laka nsayii kwoi lo n abyei, Byilatusu wa zhnatna nge wa lo Yeisu ya, ama Ayahudiyi atukwoda ɓa gwodu n wyiɓei, “N ha fa əza ye waa lo, a gye ho to zhni Kaisa nugwnudo nu m. Əza n wa gna wo zhni əsu nu, wo gnyiapaapa n Kaisa nu.”
13She Byilatusu ɓə wo ɓəye, wa gbmi Yeisu ɓe ncei jesnu wa sasetu n owada shnikpegye n aba n a yi nge Kwuta Patai nyi (n Aramyiyii yi nge Gabbata). 14Əwyi yi ɓə zhni nyipyei nu n a vyi anya ɓo zhi ntu n Gnanaznu ɓo; nyipyei atukwogwnu əsa nu ɓə gnyi.
Byilatusu wa gna Ayahudiyi, “Əfye əsu n əfyei gnyi nyi.”
15Ama ɓa ɓəwyi, “A lo n woi! A lo n woi! Ə la wo znudu!” Byilatusu wa nyaɓo, “Mi la əfye əsu znudu?” Apirisiti atukwoda ɓa dnaɓəgbe, “Yi to n əsui lo m, akpəge Kaisa.”
16N kpmasnu Byilatusu wa wo taya ga ɓa, a lo ə la wo znudu.
Yeisu znuznudu
Ntulonu akwnuyi ɓa gwo Yeisu dna n əɓa akwnu.
17Yeisu wa gbmilo Atukwobwe aba (n Aramyiyii yi ge Gwolgwota nyi) n əwohni znudui shi. 18N abaayi nu n ɓa ɓə la wo znudu, jesnu azaje ɓə nyi ngwnu-aba; gbmanyi n əwo ɓwaizhe, gbmanyi n əwo ɓwapmi, n Yeisui dna n əɓa atasni.
19Byilatusu wa kwu ɓəgyinyáka ka waa kwo gyitu n znudu. Əkwo nu nyi:
Yeisu Nazeretiyi, Ayahudiyi Əsu.
20Ayahudiyi bəgyé ɓə la əznù ye ba, ntuge aba n a ɓə n Yeisui znudu tu nyi, kwo ɓə wo vyivyiwyi n əzhiyaakwoi, jesnu a ɓə n əznù yei ka shi n Aramyiyi nu, Latin ɓədo n Girik abyei. 21Ayahudiyi apirisiti atukwoda ɓa kwukazhi da Byilatusu ɓa gna, “To kakpe ge, ‘Ayahudiyi əsu m,’ ama nge, əza ye yi əwohni nge əwo nu zhni Ayahudiyi əsu.”
22Byilatusu wa dnaɓəgbe, “Ənya n mi kwu ka, mi kwu ka.”
23She akwnuyi ɓə lá Yeisu znudu, ɓa kwu əwo aje, ɓa gna ɓa akwu ngwnu-anyi, okwu gbmanyi ntu n əzahozahoyi ɓo, n əje əmìnyai cezhi. Əje ye to ɓə cicii n ɓwaho m, n lului shi gbmanyi kwoi ya ń əshe lo snuta.
24Ɓa gna aje, “Yi to sa kwo ya m. Fa ya knyi əza n əbashei n wo ɓa ɓwa kwo.”
Dəye ɓə zhni nabai kwa nu nyakagyigyiyi nu n kwo gna,
“Ɓa ɓə la əmi ajekpe gnaya ga əɓahni
njesnu ntu əmi əje-kpadalai ɓo ɓa she əba.”
Ntulonu əɓo nu nyi n akwnuyi ɓə zhni.
25Yeisu əya, n əwo əya zadoi, Mariyamwu Kleyopas nyikwo n Mariyamwu Magadalayii, ɓa ɓə zhi n wo vyivyiwyi n Yeisu znudu abai. 26She Yeisu ɓə gye əwo əya gnyi n ɓo, jesnu n mwutuyii n wo ɓə zhni woi ye wo nyi, n gnyi vyivyiwyi n ɓo, wa gna wo, “Nyikwoza, əho nugwnu nu gnyi nyi,” 27jesnu wa gna mwutuyi yi, “Əho əya nu gnyi nyi.” Ənya n kwo ɓə laka nsayii, mwutuyi yi wa lo n Yeisu əyai n əwo pwuwa.
Yeisu fyífyi
28Əsa fyewyi, woi kwu kpe nge ɓəhoɓəhoi kwo kwu zozhni, jesnu nabai nge Shekwoyi nyakagyigyiyi kwa kwu nu, Yeisu wa gna, “Nuwna myikwnu wo mi lo.” 29Nyikwnu anamnuwna mamai ɓə shi n abaayi, ntulonu ɓa da sooso fyi n kwo, ɓa kwu sooso yi gyi n bwusi, ɓa la kwo wulo ncei n Yeisu əgbe. 30She wo ɓə la anamnuwna mamai towo, Yeisu wa gna, “A kwu zozhni.” N dəyei, wa shni əwo tukwo kwnu jesnu wa dna əsnu.
31Əwyi yi ɓə zhni nyipyei aɓozhnizhi nya nu ń əkwo fyegyi ɓə zhni Sibyiwyii knyiknyii. Ntuge Ayahudiyi atukwoda to ɓə ncei ye a ya nayi tu n znudu n Sibyiwyi m, ɓa nya Byilatusu nge a bma əɓa apita ya, jesnu aa əɓa anayi kazhi. 32Ntucenu akwnuyi ɓa ɓe, ɓa bma əza kpmisnuyi apita ya, n a ɓə n woi znudu tu n kwnusnu n Yeisui nyi, jesnu n əzabaayi nyai. 33Ama she ɓa ɓə ɓe da Yeisu, ɓa gye wo la lu fyí, to ɓa bma əwo apita ya m. 34N əkwoɓwi, zagbmanyi n akwnuyi wa fnyi Yeisu əshabwusi n abmayi, kwa zhni ami ɓa cepwo n nuwnai. 35Əza n wo ɓə kwu dəye gyewye, wo la əkwo ɓəgbmi, jesnu əwo ɓəgbmi zhni ɓəhnihni nu. Wo kpəlo nge wo da gaiciyanunui nu, jesnu wo gbmiɓo nabai əhohni ce n ho ɓa myi ha ga gaiciya nu. 36Aɓo ye ɓə zhni nabai nge nyakagyigyiyi kwa nú nu: “A taa bma əwo snúkwnu gbmanyi ho ya m,” 37jesnu, ngye shi nyakashi ədo ncei da, “Ɓa ɓə shi əza awye n ɓa ɓə fnyi wo ənya nyi.”
Yeisu byibyi
38Əsa fyewyi, Yusufu Arimatiyai wa nya Yeisu nayi ɓo n Byilatusu aba. Yusufu ɓə zhni Yeisu mwutuyi nu, ama n ɓwiɓwi ntu n ədna Ayahudiyi atukwoda ɓo. She Byilatusu ɓə ga əgbe, wa ɓe, wa la nayi lo ncei. 39Ɓa ɓə kwnusnu n Nikwodimwusii nu, əza n wo ɓə lo Yeisu aba n sukwoi nyi. Nikwodimwus wa ɓe n myirii n gbmiaje n aloyii, n əkwo əshnawo ɓə nyi ngye akilo shiita-ceatnu nu. 40Əɓa ngwnu-aba ɓa shni Yeisu nayi ɓa pa kwo, n anyasnidaii, dna n aje luweluweii. Dəye ɓə vyi Ayahudiyi əzabyi kwnunu nu. 41Aba n a ɓə znu Yeisu du nyi, ashnuwnazhni ɓə gnyi n ɓo, jesnu dna n ashnuwnazhni vnyigwo woiwoyi ɓə dna n abaayi, n a to ɓə shni əza byidna n kwo m. 42Ntuge kwo ɓə zhni Ayahudiyi nyipyei aɓəzhnizhi nya nu jesnu shikwonyi vnyigwo ɓə wo vyivyiwyi n abaayii, ɓaa Yeisu byidna n abaayi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.