Yohana 18
18
A lá Yeisu wna
1She wo ɓə la pwo aduwazhni ɓo, Yeisu n kwnusnu n əwo amwutuyii ɓa kwuka ɓa piyalo Kidiron Bminu. Tu n əkpma dəyi, əkna ɓə dna n abaayi, Yeisu n əwo amwutuyii ɓa lofyi n kwo.
2Nsayi Yahuda, n wo ɓə ɓwu wo nyi, wo ɓə kpe abaayi aba, ntuge Yeisu n əwo amwutuyii ɓə zhni ɓai yezhi ciici n abaayi. 3Ntulonu Yahuda wa ɓe əkna yi, woi wu akwnuyi əkwu zokwo ɓədo n atukwoda hoi ɓai kwnu n apirisiti atukwoda aba n Afarisiyii. Ɓa ɓe n abwusii shi n apyitilai ɓədo n anyagalai.
4Yeisu, woi kpé əɓo ye vnyanya n kwo ye kwa snú wo, wa gbmilo wa nya ɓa əɓo, “Nyika nu n fye ye a?”
5Ɓa dnaɓəgbe, “Yeisu Nazeretiyi.”
Yeisu wa gna, “Əmi nu gnyi nyi.” (Jesnu Yeisu ɓwuyí Yahuda ɓə gnyi n abaayi n kwnusnu n ɓai.) 6She Yeisu ɓə gna, “Əmi nu gnyi nyi,” ɓa jeze n avnui jesnu ɓa myiya zhi n əknyi.
7Njesnu wa nya ɓa əɓo, “Fye ye nyika nu a?”
Ɓa gna, “Yeisu Nazeretiyi.”
8Yeisu wa dnaɓəgbe, “Mi kwu gna fye ge əmi nu gnyi nyi. Ngye fye zna əmi nu shni, akpəge fye fa aza ye ɓa lo.” 9Dəye ɓə zhni nabai aɓədagbma n wo ɓəə kwu da nyi, n ɓa ɓá kwu nu: “Mi too ɓwu əzaho nuwna n aza yi n ho ɓə ga mi nyi m.”
10Nlonu Sima Byitusu, n wo ɓə n əbeyaakwoi shi nyi, wà wa kwo jesnu wa znu pirisiti dnagbmai tnutnuyi kwo, wa ka əwo tnubwa ɓwaizhe nya ya. (Tnutnuyi yi əwo əye ɓə nyi ge Malkwus nu.)
11Yeisu wa tu Byitusu əgbe, “La əho əbeyaakwo fye n əkwo apwi! Mi taa sni bwoɓyi n Dada wo la ga mi nyi m?”
12Nlonu akwnuyi okwu ɓədo n okwu yi tukwodai jesnu n Ayahudiyi atukwodai ɓa wna Yeisu. Ɓaa wo pa, 13jesnu ɓa ɓe n woi n kpmisnu n Anas aba Kayafas yézhi; əwo nu ɓə zhni pirisiti dnagbmai əye yi nya. 14Kayafas nu ɓə zhni əza n wo ɓə ga Ayahudiyi atukwoda shaula nge kwo ɓaa du zaknayi wa fyí ntu n aza ɓo.
Byitusu aɓəna kpmisnuyi
15Sima Byitusu n mwutuyi dəhoi ɓa vyi Yeisu lo. Ntuge pirisiti dnagbmai ɓə kpe mwutuyi ye əye, wa kwnu lodna n Yeisui n pirisiti yaakwo ashilagyí, 16ama Byitusu waa pmignyi n abwokwnumi. Mwutuyi dəyi n pirisiti dnagbmai ɓə kpe wo əye nyi, wa jezeɓe, wa daɓo n ɓyinyikwoi tnutnuyi n abaayi dna n əwo atnutnu aba, jesnu wa lo ɓe n Byitusui.
17Wa nya Byitusu əɓo, “Ho to zhni əza ye mwutuyi nu m, kwo ho dnalo n əɓa nu a?”
Wa dnaɓəgbe, “Mi to dnalo n ɓa m.”
18Əse ɓə fu, jesnu atnutnuyi n atukwodai ɓə zhi n shegwnu ɓai wyena n ɓa ɓə ncei fnyizhi ɓai wo gwugwurugwu nyi. Byitusu ɓə gnyi n kwnusnu n ɓai, woi wyena ce.
Pirisiti dnagbmai nya Yeisu aɓo
19Əsa fyewyi, pirisiti dnagbmai wa nya Yeisu aɓo ntu n əwo amwutuyi ɓo jesnu n əwo nyawui.
20Yeisu wa dnaɓəgbe, “Mi kwu aɓo da pəipəi ga anyì. Mi ɓə kwu nyawu ciici dna n Ayahudiyibwokwnu kwo dna n Dagayipwuwa, aba n Ayahudiyi yezhi vnyanya. Mi to ɓə da ɓəhoɓəhoi n ɓwuɓwu m. 21Knyiyi nu zhni hoi nya mi əɓo a? Nya aza yi n ɓa ɓə kwu wo mi nyi. Ɓəhnihni ɓa kpe əɓo əye lo n mi ɓəə da.”
22She Yeisu ɓə da ɓəye, tukwoda ho n wo ɓə gnyi vyivyiwyi n woi, wa dna wo əpmi n awyeba. Wa nyaɓo, “Ho ɓa dna Pirisiti yaakwo ɓəgbe n wu nlai nu?”
23Yeisu wa dnaɓəgbe, “Ngye mi kwu əɓo nukwoi da akpəge ho gbmi əɓo nukwoi ɓe ncei n mi kwu da nyi. Ama ngye gaiciyanunui nu n ma da, knyiyi nu zhni ho nyi dna mi əpmi a?” 24Nlonu Anas wa tnu n woi n papai lo Kayafas pirisiti dnagbmai aba.
Byitusu aɓəna əɓwa baayi n taayii
25Aɓwazhilo, Sima Byitusu woi ye gnyi n abaayi woi wyena. Ntulonu ɓa nya wo əɓo, “Ho zhni əwo mwutuyi nu cee?” Waa əkwo aɓo na, woi gna, “Əmi nu to m.”
26Zaknayi n pirisiti dnagbmai atnutnuyi, n wo ɓə todo n əzai n Byitusu ɓə ka wo tnubwa ya nyi, wa cewo awye wa nyaɓo, “Mi to ɓə kwu ho gyewye n kwnusnu n woi dna n əkna m?” 27Njesnu Byitusu wa na əkwo aɓo, n əsayii pisenugba kwa ya əkwuce.
Yeisu gnyi n Byilatusu abye
28Nlonu Ayahudiyi tukwoda ɓa gbmi Yeisu n Kayafas aba ɓa lo n woi n Aromayi gwomna galukwo. Əsa n kwo ɓə gnyi nyi, laabmi nu ɓə gnyi, jesnu nabai to ɓa kwu zè aza acegyeda m, to ɓa lofyi n galukwo m, ntuge ɓa ɓə ncei pma ɓa gyi Gnanaznu nyagyi. 29Ntulonu Byilatusu wa gbmiɓe da ɓa wa nyaɓo, “Aknyiɓəi nu n fye wna əza ye ncei a?”
30Ɓa dnaɓəgbe, “Wo to ɓəə gna nge wo zhni akalákpeyi nu m; yi to ɓəə ɓaa wo taya ga ho m.”
31Byilatusu wa gna, “Fye lo n woi fye da wo owa n əfyehni owai.”
Ɓa naɓo, “Ama yi to n ikwoi lo ya wu zahozahoyi m.” 32Dəye ɓə zhni nabai əɓo n Yeisu ɓə da ntu n əfyi pya ɓo nu, n wo ɓə ye wa fyí nyi, nabai kwa nu.
33Nlonu Byilatusu wa jezelo wa lodna n galukwo, wa tnu Yeisu ɓo, wa nya wo əɓo, “Əho nu zhni Ayahudiyi əsu?”
34Yeisu wa nyaɓo, “Dəye nu zhni əhohni ɓənubwozhni, kwo azaje nu n kwu əɓo da n hoi n əmi ɓo a?”
35Byilatusu wa dnaɓəgbe “Mi zhni Yahudiyi nu? Əho aza n apirisiti atukwodai nu n la ho dna n əmi akwnu. Ho kwu knyiɓei nu zhni a?”
36Yeisu wa gna, “Əmi əbemi to zhni anyì ye nya nu m. Kwo ɓəə gna ge kwo zhni əkwo nya nu, əmi atnutnuyi ɓəə ɓa snugwu to ɓa ye Ayahudiyi atukwoda ɓa wna mi m. Ama nsaiye əmi əbemi kwo gbmi n abado nu.”
37Byilatusu wa gna, “A gye ho zhni əsu nu!” Yeisu wa dnaɓəgbe, “Ho kwu da nge mi zhni əsu nu. Ɓəhnihni, əɓo n kwo ɓə zhni a ma mi dna n anyì nyi, əkwo nu ge, ma gbmiɓo tu n gaiciyanunui tukwo. Zahozahoyi n wo ma n gaiciyanunui səpa, wo ɓa kna mi tnubwa.”
38Byilatusu wa nyaɓo, “Knyiyi nu zhni gaiciyanunui a?” N dəyei wa gbmiya lo da Ayahudiyi n ɓa ɓə yezhi nyi wa gna ɓa, “Mi too gye ɓəho tu n əwo tukwo m. 39Ama dəye nu zhni əfye kwnunu, nge ma lo zhaluda ho ya ga fye n Gnanaznu sa yi. Fye ye ma lo ‘Ayahudiyi əsu nu ya’?”
40Ɓa ɓəwyi kpe wo, “Aawo, toge əwo m! Ga yi Barabas nu!” Nsayii Barabas ɓə n əɓwai dna n gyikici ɓo.
ទើបបានជ្រើសរើសហើយ៖
Yohana 18: OGNB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Yohana 18
18
A lá Yeisu wna
1She wo ɓə la pwo aduwazhni ɓo, Yeisu n kwnusnu n əwo amwutuyii ɓa kwuka ɓa piyalo Kidiron Bminu. Tu n əkpma dəyi, əkna ɓə dna n abaayi, Yeisu n əwo amwutuyii ɓa lofyi n kwo.
2Nsayi Yahuda, n wo ɓə ɓwu wo nyi, wo ɓə kpe abaayi aba, ntuge Yeisu n əwo amwutuyii ɓə zhni ɓai yezhi ciici n abaayi. 3Ntulonu Yahuda wa ɓe əkna yi, woi wu akwnuyi əkwu zokwo ɓədo n atukwoda hoi ɓai kwnu n apirisiti atukwoda aba n Afarisiyii. Ɓa ɓe n abwusii shi n apyitilai ɓədo n anyagalai.
4Yeisu, woi kpé əɓo ye vnyanya n kwo ye kwa snú wo, wa gbmilo wa nya ɓa əɓo, “Nyika nu n fye ye a?”
5Ɓa dnaɓəgbe, “Yeisu Nazeretiyi.”
Yeisu wa gna, “Əmi nu gnyi nyi.” (Jesnu Yeisu ɓwuyí Yahuda ɓə gnyi n abaayi n kwnusnu n ɓai.) 6She Yeisu ɓə gna, “Əmi nu gnyi nyi,” ɓa jeze n avnui jesnu ɓa myiya zhi n əknyi.
7Njesnu wa nya ɓa əɓo, “Fye ye nyika nu a?”
Ɓa gna, “Yeisu Nazeretiyi.”
8Yeisu wa dnaɓəgbe, “Mi kwu gna fye ge əmi nu gnyi nyi. Ngye fye zna əmi nu shni, akpəge fye fa aza ye ɓa lo.” 9Dəye ɓə zhni nabai aɓədagbma n wo ɓəə kwu da nyi, n ɓa ɓá kwu nu: “Mi too ɓwu əzaho nuwna n aza yi n ho ɓə ga mi nyi m.”
10Nlonu Sima Byitusu, n wo ɓə n əbeyaakwoi shi nyi, wà wa kwo jesnu wa znu pirisiti dnagbmai tnutnuyi kwo, wa ka əwo tnubwa ɓwaizhe nya ya. (Tnutnuyi yi əwo əye ɓə nyi ge Malkwus nu.)
11Yeisu wa tu Byitusu əgbe, “La əho əbeyaakwo fye n əkwo apwi! Mi taa sni bwoɓyi n Dada wo la ga mi nyi m?”
12Nlonu akwnuyi okwu ɓədo n okwu yi tukwodai jesnu n Ayahudiyi atukwodai ɓa wna Yeisu. Ɓaa wo pa, 13jesnu ɓa ɓe n woi n kpmisnu n Anas aba Kayafas yézhi; əwo nu ɓə zhni pirisiti dnagbmai əye yi nya. 14Kayafas nu ɓə zhni əza n wo ɓə ga Ayahudiyi atukwoda shaula nge kwo ɓaa du zaknayi wa fyí ntu n aza ɓo.
Byitusu aɓəna kpmisnuyi
15Sima Byitusu n mwutuyi dəhoi ɓa vyi Yeisu lo. Ntuge pirisiti dnagbmai ɓə kpe mwutuyi ye əye, wa kwnu lodna n Yeisui n pirisiti yaakwo ashilagyí, 16ama Byitusu waa pmignyi n abwokwnumi. Mwutuyi dəyi n pirisiti dnagbmai ɓə kpe wo əye nyi, wa jezeɓe, wa daɓo n ɓyinyikwoi tnutnuyi n abaayi dna n əwo atnutnu aba, jesnu wa lo ɓe n Byitusui.
17Wa nya Byitusu əɓo, “Ho to zhni əza ye mwutuyi nu m, kwo ho dnalo n əɓa nu a?”
Wa dnaɓəgbe, “Mi to dnalo n ɓa m.”
18Əse ɓə fu, jesnu atnutnuyi n atukwodai ɓə zhi n shegwnu ɓai wyena n ɓa ɓə ncei fnyizhi ɓai wo gwugwurugwu nyi. Byitusu ɓə gnyi n kwnusnu n ɓai, woi wyena ce.
Pirisiti dnagbmai nya Yeisu aɓo
19Əsa fyewyi, pirisiti dnagbmai wa nya Yeisu aɓo ntu n əwo amwutuyi ɓo jesnu n əwo nyawui.
20Yeisu wa dnaɓəgbe, “Mi kwu aɓo da pəipəi ga anyì. Mi ɓə kwu nyawu ciici dna n Ayahudiyibwokwnu kwo dna n Dagayipwuwa, aba n Ayahudiyi yezhi vnyanya. Mi to ɓə da ɓəhoɓəhoi n ɓwuɓwu m. 21Knyiyi nu zhni hoi nya mi əɓo a? Nya aza yi n ɓa ɓə kwu wo mi nyi. Ɓəhnihni ɓa kpe əɓo əye lo n mi ɓəə da.”
22She Yeisu ɓə da ɓəye, tukwoda ho n wo ɓə gnyi vyivyiwyi n woi, wa dna wo əpmi n awyeba. Wa nyaɓo, “Ho ɓa dna Pirisiti yaakwo ɓəgbe n wu nlai nu?”
23Yeisu wa dnaɓəgbe, “Ngye mi kwu əɓo nukwoi da akpəge ho gbmi əɓo nukwoi ɓe ncei n mi kwu da nyi. Ama ngye gaiciyanunui nu n ma da, knyiyi nu zhni ho nyi dna mi əpmi a?” 24Nlonu Anas wa tnu n woi n papai lo Kayafas pirisiti dnagbmai aba.
Byitusu aɓəna əɓwa baayi n taayii
25Aɓwazhilo, Sima Byitusu woi ye gnyi n abaayi woi wyena. Ntulonu ɓa nya wo əɓo, “Ho zhni əwo mwutuyi nu cee?” Waa əkwo aɓo na, woi gna, “Əmi nu to m.”
26Zaknayi n pirisiti dnagbmai atnutnuyi, n wo ɓə todo n əzai n Byitusu ɓə ka wo tnubwa ya nyi, wa cewo awye wa nyaɓo, “Mi to ɓə kwu ho gyewye n kwnusnu n woi dna n əkna m?” 27Njesnu Byitusu wa na əkwo aɓo, n əsayii pisenugba kwa ya əkwuce.
Yeisu gnyi n Byilatusu abye
28Nlonu Ayahudiyi tukwoda ɓa gbmi Yeisu n Kayafas aba ɓa lo n woi n Aromayi gwomna galukwo. Əsa n kwo ɓə gnyi nyi, laabmi nu ɓə gnyi, jesnu nabai to ɓa kwu zè aza acegyeda m, to ɓa lofyi n galukwo m, ntuge ɓa ɓə ncei pma ɓa gyi Gnanaznu nyagyi. 29Ntulonu Byilatusu wa gbmiɓe da ɓa wa nyaɓo, “Aknyiɓəi nu n fye wna əza ye ncei a?”
30Ɓa dnaɓəgbe, “Wo to ɓəə gna nge wo zhni akalákpeyi nu m; yi to ɓəə ɓaa wo taya ga ho m.”
31Byilatusu wa gna, “Fye lo n woi fye da wo owa n əfyehni owai.”
Ɓa naɓo, “Ama yi to n ikwoi lo ya wu zahozahoyi m.” 32Dəye ɓə zhni nabai əɓo n Yeisu ɓə da ntu n əfyi pya ɓo nu, n wo ɓə ye wa fyí nyi, nabai kwa nu.
33Nlonu Byilatusu wa jezelo wa lodna n galukwo, wa tnu Yeisu ɓo, wa nya wo əɓo, “Əho nu zhni Ayahudiyi əsu?”
34Yeisu wa nyaɓo, “Dəye nu zhni əhohni ɓənubwozhni, kwo azaje nu n kwu əɓo da n hoi n əmi ɓo a?”
35Byilatusu wa dnaɓəgbe “Mi zhni Yahudiyi nu? Əho aza n apirisiti atukwodai nu n la ho dna n əmi akwnu. Ho kwu knyiɓei nu zhni a?”
36Yeisu wa gna, “Əmi əbemi to zhni anyì ye nya nu m. Kwo ɓəə gna ge kwo zhni əkwo nya nu, əmi atnutnuyi ɓəə ɓa snugwu to ɓa ye Ayahudiyi atukwoda ɓa wna mi m. Ama nsaiye əmi əbemi kwo gbmi n abado nu.”
37Byilatusu wa gna, “A gye ho zhni əsu nu!” Yeisu wa dnaɓəgbe, “Ho kwu da nge mi zhni əsu nu. Ɓəhnihni, əɓo n kwo ɓə zhni a ma mi dna n anyì nyi, əkwo nu ge, ma gbmiɓo tu n gaiciyanunui tukwo. Zahozahoyi n wo ma n gaiciyanunui səpa, wo ɓa kna mi tnubwa.”
38Byilatusu wa nyaɓo, “Knyiyi nu zhni gaiciyanunui a?” N dəyei wa gbmiya lo da Ayahudiyi n ɓa ɓə yezhi nyi wa gna ɓa, “Mi too gye ɓəho tu n əwo tukwo m. 39Ama dəye nu zhni əfye kwnunu, nge ma lo zhaluda ho ya ga fye n Gnanaznu sa yi. Fye ye ma lo ‘Ayahudiyi əsu nu ya’?”
40Ɓa ɓəwyi kpe wo, “Aawo, toge əwo m! Ga yi Barabas nu!” Nsayii Barabas ɓə n əɓwai dna n gyikici ɓo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.