Balomɛ́ŋ 2
2
Nugélényi nuá gindényé nuá Uhaluá
1Ɛɛ́ɛ, aŋuá gɔg egélenyinyeé, adiábianan giyibinina, ta abá ányá, ugélenyeé bɔsɔ́gá, gá gueleé, uguá ginɛŋ igiɛ́ égélenyeé bɔsɔ́gá, aásúmba gisan giáhɔ aŋuá mbánan, gá gueleé, aáguala buand búmomi aŋuá egélenyinyeé. 2Diálinsan gɔg áneé nugélényi nuá Uhaluá nuábíala uguá hómohómue meliŋ gá busió buá abálanɔ́ bilɔŋ ibigányɛ. 3Ɛɛ́ɛ! Aŋuá gɔg egélenyeé abálanɔ́ bilɔŋ ibigányɛ, ond ala hana bámuanyɛ, eégedenye áneé ɔnɔ́bínɔhɛn nugélényi nuá Uhaluá? 4Ugúnya ana, aásíŋa Uhaluá haná únya beseé nsesi, ond asíŋa nubídémbényi nuég na mpuán yeg, na kandalinsa áneé, beseé wa Uhaluá ugányɛ weédídídígen gá bígúŋɔ́n ɔdɛ́m a? 5Gɔgaá uguáhɔ guá gual uguɔ́g, uguáhɔ guá ɔdɛ́m gulal, eébígíŋen giod giá ilúnd giá Uhaluá uguá buɔ́sɛ ubuɔ́ ilúnd na nugélényi nuá gindényé nuá Uhaluá nuénébídíyenú. 6Uhaluá wonóndonyinye sig mɔndɔ uguég guá melélíe, 7bómodi nusɔ́da nuá ságásagá, bandɔ abáganaá ɔdɛ́m gá guala beseé, nigúmi na mpínényi na nuɔ́l unúdiéguen. 8Gá bódodi, gilɔg giá ilúnd gá abálanɔ́ ɔduá gulal agá busió buá hómohómue meliŋ, bɔ́bɔnɛn ubúdiabá gindényé, 9giɔ́bíga na meyú gá mɔndɔ gidigid uwalanɔ́ gilɔg, gisiósio gá maná bayúdɛn, baglɛ́k bébinen. 10Nigúmi, mpínényi na bumbénu gá mɔndɔ gidigid uwalanɔ́ beseé, gisiósio maná bayúdɛn, baglɛ́k bébinen, 11gá giagiá, Uhaluá udiéguén eŋís. 12Bandɔ gidigid abámala gilɔga kanda gigodi giá Mɔ́sɛsa, bánáhɔh súsɔ́n kanda gigodi igigányɛ, bandɔ gidigid abámala gilɔga, bálinsan gigodi giá Mɔ́sɛsa, uguá gigodi igigányɛ bénégélenyeé bɔ́. 13Búdibá gɔg ɔbɔ́bídɔ́lígɔnaá gigodi giá Mɔ́sɛsa bɔ́ bánya gindényé agá eŋís ya Uhaluá. Gɔgaá abálanɔ́ haná gigodi giá Mɔ́sɛsa giɔ́yɔnɔ́, bɔ́ bánábánɔ́ gindényé egég gá eŋís. 14Uguá ginɛŋ igiɛ́ abádiabá bayúdɛn, abánya kanda gigodi giá Mɔ́sɛsa abálanɔ́ uguá ginɛŋ gidigid haná gigodi gíɔ́yɔnɔ́, bámuanyɛ mbánan bányɛ gigodi, gigodi gɔ́b gá busió, ta hana bádiábianan gigodi. 15Bédíyenye áneé, melélíe ɔmɔɔ́ gigodi gíɔ́yɔnɔ́ mányɛ ɔmɔ́ŋɔ́n ugɔ́b guá idɛ́m. Bugaga buɔ́b buá saluna naá buá beseé naá buá gilɔg, búédíyenye dugélényi duɔ́b duá gadá áneé, aga dúéfudenyinye, egéné dúáháŋan bɔ́. 16Anagányɛ búánábanɔ́ buɔ́sɛ ubuɔ́ Uhaluá wénégélenyeé bandɔ, uguá Yésuse Klístus uguɔ́b guá melélíe amányá amanambánɔ, haná Ginɔ́g giámɛ giá Nsɔ́m gíɔ́yɔnɔ́.
Íslayɛ́l umɔ́súguɔ́bɛ́n Uhaluá
17Mmába gɔg, aŋuá abídúganaá ɔhɛ́n huá Yúdɛn, ebígígéneé uguá gigodi giá Mɔ́sɛsa, ond ebígide gisasɔ uguá Uhaluá wahɔ, 18aŋuá alinsanaá guɔyɛd guég, aŋuá adándúnanɔ́ ubúnya beseé, gá giagiá amahɔ́nhɔ́n gigodi giá Mɔ́sɛsa, 19aŋuá alinsanaá áneé ogódi áneé endenye beheghégu, anyɛ gise giá abánya uguá mbíne, 20ehuínyihuínyi waá abánya nyaá, ehuínyihuínyi wa biayɔ, gá busió buá gueleé uguá gigodi ábiananaá ndínyi ya nulinsa na hómohómue meliŋ. 21Igigányɛ ginɛŋ, aŋuá ehuínyihuínyeé bɔsɔ́gá, adiáhɔ́nhɔn aŋuá mbánan! Eéhuínyihuinye áneé mɔndɔ udiéb henyé eéguében! 22Eéguenyenye gidáŋa henyé aáguala gidáŋa! Aáguánan biaŋana manyanyɛ henyé eéguében uguɔ́b guá mudúl! 23Aáguala nihadɛ uguá gigodi giá Mɔ́sɛsa henyé eéguéŋén Uhaluá wahɔ ɔduá gunɔ́h gá fénínefenin gigodi! 24Anagányɛ gɔg búnya ubúɔ́ŋɔ́n áneé: «Gánɔ gá busio, abádiabá bayúdɛn béfénínefenin ɔhɛ́n huá Uhaluá.» 25Búnyɛ meliŋ áneé nuansana núnyɛ beseé ámála haná gigodi giá Mɔ́sɛsa gíɔ́yɔnɔ́, ámáyalɛn gɔg gigodi igigányɛ, na nuansana nuáhɔ aganyɛ hana obólból. 26Obólból úmebinen muand umuɔ́ gigodi giá Mɔ́sɛsa gíɔ́yɔnɔ́, bádianáhan bubólból buég hana nuansana a? 27Úmuanyɛ gɔg uguá busió obólból, uhónonyeé gigodi giá Mɔ́sɛsa wenégélenye aŋuá anyaá na yubu hiá gigodi na nuansana efénínefenin gigodi. 28Ɛɛ́ɛ, búdibá ubúáníganigaá búmuanyɛ búbúalanɔ́ maná bayúdɛn, ugúnya ana gilɛns igíáníganigaá uguá mmegu gígíalanɔ́ nuansana. 29Búnyɛ gɔg ubúnya ubúnambánɔ búbúalanɔ́ bayúdɛn, súsɔ́n, nuansana núábíala agá ɔdɛ́m, unúólonineé uguá Gileénde, búdibá nuá yubu. Ndénu gɔg mɔndɔ ubíananaá gibúlúgie giá Uhaluá ugányɛ, búdibá giá bandɔ.
ទើបបានជ្រើសរើសហើយ៖
Balomɛ́ŋ 2: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Balomɛ́ŋ 2
2
Nugélényi nuá gindényé nuá Uhaluá
1Ɛɛ́ɛ, aŋuá gɔg egélenyinyeé, adiábianan giyibinina, ta abá ányá, ugélenyeé bɔsɔ́gá, gá gueleé, uguá ginɛŋ igiɛ́ égélenyeé bɔsɔ́gá, aásúmba gisan giáhɔ aŋuá mbánan, gá gueleé, aáguala buand búmomi aŋuá egélenyinyeé. 2Diálinsan gɔg áneé nugélényi nuá Uhaluá nuábíala uguá hómohómue meliŋ gá busió buá abálanɔ́ bilɔŋ ibigányɛ. 3Ɛɛ́ɛ! Aŋuá gɔg egélenyeé abálanɔ́ bilɔŋ ibigányɛ, ond ala hana bámuanyɛ, eégedenye áneé ɔnɔ́bínɔhɛn nugélényi nuá Uhaluá? 4Ugúnya ana, aásíŋa Uhaluá haná únya beseé nsesi, ond asíŋa nubídémbényi nuég na mpuán yeg, na kandalinsa áneé, beseé wa Uhaluá ugányɛ weédídídígen gá bígúŋɔ́n ɔdɛ́m a? 5Gɔgaá uguáhɔ guá gual uguɔ́g, uguáhɔ guá ɔdɛ́m gulal, eébígíŋen giod giá ilúnd giá Uhaluá uguá buɔ́sɛ ubuɔ́ ilúnd na nugélényi nuá gindényé nuá Uhaluá nuénébídíyenú. 6Uhaluá wonóndonyinye sig mɔndɔ uguég guá melélíe, 7bómodi nusɔ́da nuá ságásagá, bandɔ abáganaá ɔdɛ́m gá guala beseé, nigúmi na mpínényi na nuɔ́l unúdiéguen. 8Gá bódodi, gilɔg giá ilúnd gá abálanɔ́ ɔduá gulal agá busió buá hómohómue meliŋ, bɔ́bɔnɛn ubúdiabá gindényé, 9giɔ́bíga na meyú gá mɔndɔ gidigid uwalanɔ́ gilɔg, gisiósio gá maná bayúdɛn, baglɛ́k bébinen. 10Nigúmi, mpínényi na bumbénu gá mɔndɔ gidigid uwalanɔ́ beseé, gisiósio maná bayúdɛn, baglɛ́k bébinen, 11gá giagiá, Uhaluá udiéguén eŋís. 12Bandɔ gidigid abámala gilɔga kanda gigodi giá Mɔ́sɛsa, bánáhɔh súsɔ́n kanda gigodi igigányɛ, bandɔ gidigid abámala gilɔga, bálinsan gigodi giá Mɔ́sɛsa, uguá gigodi igigányɛ bénégélenyeé bɔ́. 13Búdibá gɔg ɔbɔ́bídɔ́lígɔnaá gigodi giá Mɔ́sɛsa bɔ́ bánya gindényé agá eŋís ya Uhaluá. Gɔgaá abálanɔ́ haná gigodi giá Mɔ́sɛsa giɔ́yɔnɔ́, bɔ́ bánábánɔ́ gindényé egég gá eŋís. 14Uguá ginɛŋ igiɛ́ abádiabá bayúdɛn, abánya kanda gigodi giá Mɔ́sɛsa abálanɔ́ uguá ginɛŋ gidigid haná gigodi gíɔ́yɔnɔ́, bámuanyɛ mbánan bányɛ gigodi, gigodi gɔ́b gá busió, ta hana bádiábianan gigodi. 15Bédíyenye áneé, melélíe ɔmɔɔ́ gigodi gíɔ́yɔnɔ́ mányɛ ɔmɔ́ŋɔ́n ugɔ́b guá idɛ́m. Bugaga buɔ́b buá saluna naá buá beseé naá buá gilɔg, búédíyenye dugélényi duɔ́b duá gadá áneé, aga dúéfudenyinye, egéné dúáháŋan bɔ́. 16Anagányɛ búánábanɔ́ buɔ́sɛ ubuɔ́ Uhaluá wénégélenyeé bandɔ, uguá Yésuse Klístus uguɔ́b guá melélíe amányá amanambánɔ, haná Ginɔ́g giámɛ giá Nsɔ́m gíɔ́yɔnɔ́.
Íslayɛ́l umɔ́súguɔ́bɛ́n Uhaluá
17Mmába gɔg, aŋuá abídúganaá ɔhɛ́n huá Yúdɛn, ebígígéneé uguá gigodi giá Mɔ́sɛsa, ond ebígide gisasɔ uguá Uhaluá wahɔ, 18aŋuá alinsanaá guɔyɛd guég, aŋuá adándúnanɔ́ ubúnya beseé, gá giagiá amahɔ́nhɔ́n gigodi giá Mɔ́sɛsa, 19aŋuá alinsanaá áneé ogódi áneé endenye beheghégu, anyɛ gise giá abánya uguá mbíne, 20ehuínyihuínyi waá abánya nyaá, ehuínyihuínyi wa biayɔ, gá busió buá gueleé uguá gigodi ábiananaá ndínyi ya nulinsa na hómohómue meliŋ. 21Igigányɛ ginɛŋ, aŋuá ehuínyihuínyeé bɔsɔ́gá, adiáhɔ́nhɔn aŋuá mbánan! Eéhuínyihuinye áneé mɔndɔ udiéb henyé eéguében! 22Eéguenyenye gidáŋa henyé aáguala gidáŋa! Aáguánan biaŋana manyanyɛ henyé eéguében uguɔ́b guá mudúl! 23Aáguala nihadɛ uguá gigodi giá Mɔ́sɛsa henyé eéguéŋén Uhaluá wahɔ ɔduá gunɔ́h gá fénínefenin gigodi! 24Anagányɛ gɔg búnya ubúɔ́ŋɔ́n áneé: «Gánɔ gá busio, abádiabá bayúdɛn béfénínefenin ɔhɛ́n huá Uhaluá.» 25Búnyɛ meliŋ áneé nuansana núnyɛ beseé ámála haná gigodi giá Mɔ́sɛsa gíɔ́yɔnɔ́, ámáyalɛn gɔg gigodi igigányɛ, na nuansana nuáhɔ aganyɛ hana obólból. 26Obólból úmebinen muand umuɔ́ gigodi giá Mɔ́sɛsa gíɔ́yɔnɔ́, bádianáhan bubólból buég hana nuansana a? 27Úmuanyɛ gɔg uguá busió obólból, uhónonyeé gigodi giá Mɔ́sɛsa wenégélenye aŋuá anyaá na yubu hiá gigodi na nuansana efénínefenin gigodi. 28Ɛɛ́ɛ, búdibá ubúáníganigaá búmuanyɛ búbúalanɔ́ maná bayúdɛn, ugúnya ana gilɛns igíáníganigaá uguá mmegu gígíalanɔ́ nuansana. 29Búnyɛ gɔg ubúnya ubúnambánɔ búbúalanɔ́ bayúdɛn, súsɔ́n, nuansana núábíala agá ɔdɛ́m, unúólonineé uguá Gileénde, búdibá nuá yubu. Ndénu gɔg mɔndɔ ubíananaá gibúlúgie giá Uhaluá ugányɛ, búdibá giá bandɔ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល