Balomɛ́ŋ 3
3
Bandɔ gidigid bámal idú
1Giagɛ igídíyenye áneé bayúdɛn bányɛ biyáŋáŋá gudɔ́mb bɔsɔ́gá? Beseé wa nuasana unyɛ hanyɛ? 2Biyáŋáŋá uguá buá gidigid! Uguɔ́b gɔg Uhaluá úmebué gudóŋinye nugálɔ nuég, 3gɔgaá, mmába bómodi bɔ́mɔlɔb kandabígɔ́d na Uhaluá, kásɛ búnyɛ buá guenye áneé Uhaluá unyaá gilád ubígɔ́d nɔɔ́nɔb a? 4Ɛ́ɛɛ́, búdibá nɔ́. Gɔgaá búgódi áneé búbá budányɛ gá díye áneé Uhaluá waáguala hana hómohómue wɔ́yɔnɔ́, ta hana mɔndɔ gidigid unyɛ abánbán haná búnya ubúɔ́ŋɔ́n áneé: «Mɔndɔ gidigid ugódi áneé ubá gindényé uguá dugálɔ wond ugáyinan uguá ginɛŋ igiɛ́ bégélenyeé yɔ́.» 5Mmába bumbágía buásɔ gɔg búédíyenye gindényé wa Uhaluá, giagɛ igiɛ́ dínya diá guɔyɛd gɔg? Uhaluá gɔg udibá mbágía gá diodugunin ilúnd hiég? Yaágálgal uguá bilɔŋ biá bandɔ. 6Ɛ́ɛɛ́! Gá giagiá búámabá nɔ́, naánanyá Uhaluá wánásúmbanɔ́ gisan giá guísi? 7Mmába gɔg uguámɛ guá bibán meliŋ má Uhaluá mebídiyenye hómohómue meliŋ gég gá nigúmi, gá giagɛ bányɛ andá bá sɔ́mb gisan giámɛ haná eŋelibilɔga? 8Andá gɔg, gá giagɛ didiabá dia guala gilɔg gá gueleé gíébulíe beseé, haná babánbán bómodi básúŋanaá áneé diɔ́guɔya? Bandɔ abagányɛ bánigimanan na nusésényi nuɔ́b. 9Gá giagɛ gɔg basuá bayúdɛn dínya biyáŋáŋá gudɔ́mb bɔsɔ́gá bódodi? Búdibá nɔ́. Bánusálúnan áneé bayúdɛn haná baglɛ́k bányɛ obóbíómbínón uguá ɔmbɛ́l huá gilɔga. 10Haná búnya ubúɔ́ŋɔ́n áneé: Ta mɔndɔ udibá gindényé, ta omoómi ana, 11ta omoómi udigódi nulinsa, ta omódi udiáguamba Uhaluá. 12Bem wɔb bámanihɛ́n ginɔ́g giá ŋŋil, abáfɔm wɔ́s ta omoómi wa gual buá beseé, ta omoómi ana. 13Ugelu huɔ́b húnyɛ haná gibɛ́l igínya gembúnégémbúné, bilɛ́mb biɔ́b bíébuhe mɔnɔŋɔna, biódódi biɔ́b biá niíd hana ŋkimba ya nnyɔ́g. 14Eŋíd yɔ́b yányɛ tásɛ na bilɔm na bilɔg biá dugálɔ, 15dugɔ́nd duɔ́b dúnyɛ masía gá guɛ́d guonod manɔ́ŋ, 16na meyú na gigada múnyɛ uguɔ́b guá ŋŋil, 17bédiényi gɔg ŋŋil ya bumbénu. 18Bódigódi bugádɔ na eŋís ya Uhaluá, 19henyé diálinsan áneé buá gidigid ubuɔ́ gigodi gíɔ́yɔnɔ́, búnyɛ gá bandɔ bem abánya uguá ihiligine hiá gigodi, egélém gá gueleé sig niíd níbá inibugén gá gueleé bandɔ bem bálɛns áneé bányɛ uguá gigua agá eŋís ya Uhaluá. 20Gúu búnya áneé ta mɔndɔ udianábá gindényé egég gá busió uguá melélíe má gigodi, gigodi gíódóŋonye nulinsa nuá gilɔga.
Ta mɔndɔ udibá gindényé
21Dabdab gɔg Uhaluá, weédiyenye haná údiéyenyeé bindényé egég gá busió kandadúmbína uguá gigodi, mubu muá gigodi na mubu muá bebunebúné múɔ́guɔya buɔ́. 22Uhaluá weéguéyenye bandɔ bindényé gá guágɔdɛ́m uguá Yésuse Klístus. Waáguala buɔ́ gá bandɔ abáganaá ɔdɛ́m gá giagiá nsala idibá hɔ́. 23Bem bámal bilɔga, gúu bémebíbégíe nigúmi niá Uhaluá. 24Uguá beseé wa Uhaluá úmeyé bɔ́ bandɔ bá gindényé egég gá eŋís gá gilé uguá gisódie igímónoólín uguá Yésuse Klístus. 25Úmuanyɛ yɔ́ Uhaluá umadɔ́m áneé wesigué, uwód manɔ́ŋ még uguég guá giɔ́bína gá díye bugindényé hana úmadíníhɛ́n nsuá kanda nusésényi. 26Uguá ginɛŋ igiɛ́ Uhaluá úmanyaá gá bídémbenye, umanyɛ gá díyenye bugindényé buég uguá ginɛŋ giá dabdab, gá gueleé weéyé abámaág ɔdɛ́m uguá Yésuse Klístus bindényé. 27Digódi gɔg áneé dibíbúlúgenye a? Ɛ́ɛɛ́, búnyɛ ubúólón gá busió buá giagɛ? Buá melélíe má gigodi a? Búdibá uguá guágɔdɛ́m uguá gigodi gɔgaá, uguá guádáab Yésuse Klístus. 28Basuá diégedenye áneé mɔndɔ unyɛ gindényé uguá guágɔdɛ́m, búdibá uguá melélíe má gigodi. 29Ugúnya ana Uhaluá unyɛ pɛ́ŋ Uhaluá wa bayúdɛn a? Mbuen unyɛ súsɔ́n Uhaluá waá abádiabá bayúdɛn? Mmába unyɛ súsɔ́n Uhaluá waá abádiabá bayúdɛn, 30haná únya gɔg Uhaluá waáguɔ́ omoómi, wenéye abánsánɔ bobólból gindényé uguá guágɔdɛ́m uguá Yésuse Klístus. 31Kásɛ guágɔdɛ́m guásɔ gúóguólonye bugaga buá gigodi a? Búdibá nɔ́. Henyé gɔg áneé diégimbe gigodi.
ទើបបានជ្រើសរើសហើយ៖
Balomɛ́ŋ 3: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Balomɛ́ŋ 3
3
Bandɔ gidigid bámal idú
1Giagɛ igídíyenye áneé bayúdɛn bányɛ biyáŋáŋá gudɔ́mb bɔsɔ́gá? Beseé wa nuasana unyɛ hanyɛ? 2Biyáŋáŋá uguá buá gidigid! Uguɔ́b gɔg Uhaluá úmebué gudóŋinye nugálɔ nuég, 3gɔgaá, mmába bómodi bɔ́mɔlɔb kandabígɔ́d na Uhaluá, kásɛ búnyɛ buá guenye áneé Uhaluá unyaá gilád ubígɔ́d nɔɔ́nɔb a? 4Ɛ́ɛɛ́, búdibá nɔ́. Gɔgaá búgódi áneé búbá budányɛ gá díye áneé Uhaluá waáguala hana hómohómue wɔ́yɔnɔ́, ta hana mɔndɔ gidigid unyɛ abánbán haná búnya ubúɔ́ŋɔ́n áneé: «Mɔndɔ gidigid ugódi áneé ubá gindényé uguá dugálɔ wond ugáyinan uguá ginɛŋ igiɛ́ bégélenyeé yɔ́.» 5Mmába bumbágía buásɔ gɔg búédíyenye gindényé wa Uhaluá, giagɛ igiɛ́ dínya diá guɔyɛd gɔg? Uhaluá gɔg udibá mbágía gá diodugunin ilúnd hiég? Yaágálgal uguá bilɔŋ biá bandɔ. 6Ɛ́ɛɛ́! Gá giagiá búámabá nɔ́, naánanyá Uhaluá wánásúmbanɔ́ gisan giá guísi? 7Mmába gɔg uguámɛ guá bibán meliŋ má Uhaluá mebídiyenye hómohómue meliŋ gég gá nigúmi, gá giagɛ bányɛ andá bá sɔ́mb gisan giámɛ haná eŋelibilɔga? 8Andá gɔg, gá giagɛ didiabá dia guala gilɔg gá gueleé gíébulíe beseé, haná babánbán bómodi básúŋanaá áneé diɔ́guɔya? Bandɔ abagányɛ bánigimanan na nusésényi nuɔ́b. 9Gá giagɛ gɔg basuá bayúdɛn dínya biyáŋáŋá gudɔ́mb bɔsɔ́gá bódodi? Búdibá nɔ́. Bánusálúnan áneé bayúdɛn haná baglɛ́k bányɛ obóbíómbínón uguá ɔmbɛ́l huá gilɔga. 10Haná búnya ubúɔ́ŋɔ́n áneé: Ta mɔndɔ udibá gindényé, ta omoómi ana, 11ta omoómi udigódi nulinsa, ta omódi udiáguamba Uhaluá. 12Bem wɔb bámanihɛ́n ginɔ́g giá ŋŋil, abáfɔm wɔ́s ta omoómi wa gual buá beseé, ta omoómi ana. 13Ugelu huɔ́b húnyɛ haná gibɛ́l igínya gembúnégémbúné, bilɛ́mb biɔ́b bíébuhe mɔnɔŋɔna, biódódi biɔ́b biá niíd hana ŋkimba ya nnyɔ́g. 14Eŋíd yɔ́b yányɛ tásɛ na bilɔm na bilɔg biá dugálɔ, 15dugɔ́nd duɔ́b dúnyɛ masía gá guɛ́d guonod manɔ́ŋ, 16na meyú na gigada múnyɛ uguɔ́b guá ŋŋil, 17bédiényi gɔg ŋŋil ya bumbénu. 18Bódigódi bugádɔ na eŋís ya Uhaluá, 19henyé diálinsan áneé buá gidigid ubuɔ́ gigodi gíɔ́yɔnɔ́, búnyɛ gá bandɔ bem abánya uguá ihiligine hiá gigodi, egélém gá gueleé sig niíd níbá inibugén gá gueleé bandɔ bem bálɛns áneé bányɛ uguá gigua agá eŋís ya Uhaluá. 20Gúu búnya áneé ta mɔndɔ udianábá gindényé egég gá busió uguá melélíe má gigodi, gigodi gíódóŋonye nulinsa nuá gilɔga.
Ta mɔndɔ udibá gindényé
21Dabdab gɔg Uhaluá, weédiyenye haná údiéyenyeé bindényé egég gá busió kandadúmbína uguá gigodi, mubu muá gigodi na mubu muá bebunebúné múɔ́guɔya buɔ́. 22Uhaluá weéguéyenye bandɔ bindényé gá guágɔdɛ́m uguá Yésuse Klístus. Waáguala buɔ́ gá bandɔ abáganaá ɔdɛ́m gá giagiá nsala idibá hɔ́. 23Bem bámal bilɔga, gúu bémebíbégíe nigúmi niá Uhaluá. 24Uguá beseé wa Uhaluá úmeyé bɔ́ bandɔ bá gindényé egég gá eŋís gá gilé uguá gisódie igímónoólín uguá Yésuse Klístus. 25Úmuanyɛ yɔ́ Uhaluá umadɔ́m áneé wesigué, uwód manɔ́ŋ még uguég guá giɔ́bína gá díye bugindényé hana úmadíníhɛ́n nsuá kanda nusésényi. 26Uguá ginɛŋ igiɛ́ Uhaluá úmanyaá gá bídémbenye, umanyɛ gá díyenye bugindényé buég uguá ginɛŋ giá dabdab, gá gueleé weéyé abámaág ɔdɛ́m uguá Yésuse Klístus bindényé. 27Digódi gɔg áneé dibíbúlúgenye a? Ɛ́ɛɛ́, búnyɛ ubúólón gá busió buá giagɛ? Buá melélíe má gigodi a? Búdibá uguá guágɔdɛ́m uguá gigodi gɔgaá, uguá guádáab Yésuse Klístus. 28Basuá diégedenye áneé mɔndɔ unyɛ gindényé uguá guágɔdɛ́m, búdibá uguá melélíe má gigodi. 29Ugúnya ana Uhaluá unyɛ pɛ́ŋ Uhaluá wa bayúdɛn a? Mbuen unyɛ súsɔ́n Uhaluá waá abádiabá bayúdɛn? Mmába unyɛ súsɔ́n Uhaluá waá abádiabá bayúdɛn, 30haná únya gɔg Uhaluá waáguɔ́ omoómi, wenéye abánsánɔ bobólból gindényé uguá guágɔdɛ́m uguá Yésuse Klístus. 31Kásɛ guágɔdɛ́m guásɔ gúóguólonye bugaga buá gigodi a? Búdibá nɔ́. Henyé gɔg áneé diégimbe gigodi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល