Balomɛ́ŋ 1
1
Mbígélíd
1Yaŋuá Póle, ŋŋóli ya bidí ya Yésuse Klístus#1.1 Bíyɛ́g melélíe 26.16-18. iyɛɛ́ bɔ́mɔdɔ́ŋɛ́ɛn áneé ibá medenyi még, uyɔɔ́ Uhaluá úmeyid gá dógonye Ginɔ́g giég giá Nsɔ́m. 2Ginɔ́g giá Nsɔ́m giá Uhaluá giáguɔ́, igiɛ́ úmabá umádídánɛ́n uguá bebunebúné bég uguá biŋɔ́nsa biá Ŋŋɔ́ŋɛ, 3gíábíyigan Muɔ́n weg umoólín uguá nugɔg nuá Dáfide hana mɔndɔ, 4Yésuse Klístus Ɔgúná wasɔ uyɔɔ́ Uhaluá úmedénígínyé egélém gá hám uguá bilɔ́ŋ uguá buŋaŋa buá Gileénde giá Budányɛ. 5Uguég dímabiá magɔg má bá medenyi gá guendenye maán gidigid, amádiabá má bayúdɛn áneé mág ɔdɛ́m móond mɔ́bɔnɛn Uhaluá gá gueleé nigúmi niá Yésuse Klístus níbá. 6Banuá súsɔ́n ɔbɔɔ́ Yésuse Klístus úmɔdɔ́ŋɛ́ɛn, nudibá bayúdɛn. 7Gánɔ gidigid ɔbɔɔ́ Uhaluá wɔ́yɔnɔ́ naá abámabiá ɔdɔ́ŋína hana badányɛdányɛ uguég, ánaá na magɔg na bumbénu guonoólín uguá Uhaluá, Síe wasɔ na Yésuse Klístus Ɔgúná wasɔ múbá naánanɔ.
Na Póle na beédébi bá Lóm
8Yeébuen guéŋin Uhaluá wamɛ mbíyigie uguá Yésuse Klístus gánɔ gá busió banuá gidigid gá giagiá, uguísi gidigid, bénúhínenye áneé nuáguágan ɔdɛ́m. 9Uhaluá uyɔɔ́ yálanaá buóli na ɔdɛ́m huámɛ gidigid na dógónyinye Ginɔ́g giá Nsɔ́m giá Muɔ́n wég, unyɛ amaáná wamɛ, yoónúomon kanda nidɔgíná. 10Uguég guá guɔyɛd, yoóguóhon binɛŋ gidigid uguámɛ guá mbísógóli áneé, gá nsúgie mbia giásɛ giá guól uguánɔ. 11Ɛɛ́ɛ, yaábianan giandá giá niída áneé nnuán, gá gueleé nnúdúmbínye baán bá mpuán bá magɔg bá Gileénde gá bá abagúnínán, 12anagányɛ gúnya áneé, guágɔdɛ́m ugúnya guánɔ ɔlɔŋ naánamɛ, gúénédígínyíginye yanágányɛ ɔlɔŋ naánanɔ. 13Beliméen, ndiáguamba áneé nuanyanyɛ áneé yaábá yamba áneé yoól uguánɔ. Guesiegén uguɔ, muand múmodi muéŋimbín. Yáabáŋá áneé mbia gidám giá bibɔg uguánɔ súsɔ́n, hana uguá bidɔŋ biá bindiádába ibíólbíóndeé. 14Ta gá busió buá baglɛ́k naá gá buá bolué, ta gá buá abádialínsán naá buá abálinsanaá, yaánúbianɛn ginɔ́h. 15Buand buáguɔ́ yámbanɔ́ áneé nnúdóginye Ginɔ́g giá Nsɔ́m, banuá súsɔ́n nunyaá Lóm.
Bugindényé buá Uhaluá
16Gá giagiá ndiɔ́guɔ́bɔn ɔduá gunɔ́h na Ginɔ́g giá Nsɔ́m, gínyɛ buŋaŋa buá Uhaluá gá busió buá gidúgúne giá mɔndɔ gidigid uwaáganaá ɔdɛ́m, gisiósio bayúdɛn, egélém baglɛ́k bébinen. 17Búnyɛ gɔg uguélém guá Ginɔ́g giá Nsɔ́m bugindényé buá Uhaluá búbídíyenyeé uguá guágɔdɛ́m na guágɔdɛ́m, hana búnya ubúɔ́ŋɔ́n áneé: «Unyaá gindényé, wanábia nusɔ́da uguélém guá guágɔdɛ́m.»
Gilɔga giá bindiádába
18Ɔdɛ́m gusugɛn huá Uhaluá húébídíyenye uguá ndogodódie ya gumɔn, gá busió buá bilɔg biá melélíe na bugindényé buá mbágía buá bandɔ ebégimbenú mɔ́ tíŋ, hómohómue uguá bugindényé buá mbágía, 19gá giagiá, ubuɔ́ dínya dialɛns gá busió buá Uhaluá, búébídíyenye gɔ́g. Uhaluá mbánan úmedíyé buɔ́. 20Gɔgaá, guenebul agá magunsa má guísi, muand muég umúdianíganinaá na buŋaŋa buá ságásagá na buá Uhaluá, muáguáníganɛn nugedie nuá bandɔ uguélém guá melélíe má Uhaluá. Bádiánigimanan na giyibinina, 21gá giagiá, bálinsan Uhaluá, bémeségúmenye yɔ́, bámasáhuán yɔ́ mbíyigie isínigimananaá neéneg, bémesúgín pɛ́ŋ uguɔ́b guá meéne má buegu, idɛ́m siɔ́b siá gudɔɔ́ isíáyɛ mɔlɔ́g má mbíne. 22Bámaán áneé bógódi meéne, henyé bányɛ bɔduɔ́duá, 23bémenúgíe nigúmi niá Uhaluá udiéguén na bineéŋun ibídíyenyeé mɔndɔ uguéneé, munonyi, manyam amándanɔ́ na bifan bíníhi, manyam amándanɔ́ na amuɛnd. 24Buand buáguɔ́ Uhaluá úmanihɛ́n bɔ́, gɔ́b gá idɛ́m guálɛ́ɛg gá guala muand muá biíle uguɔ́b guá duɔ́l bámuanyɛ muɛ́d. 25Bémenúgie hómohómue meliŋ má Uhaluá na bibán, ebébúlúgenye obónd abálan biaŋana buóli na dɔ́mb áneé bála nɔ́ gá busió buá Eluŋímum unyaá asayán gá ságásagá. Anagányɛ. 26Buand buáguɔ́, bagándɔ bɔ́b, gá gueleé bábídíman na banúmɔndɔ haná búnya ubuɔyídɔ́n, ebénúgie gá bídíganɛn bámuanyɛ na bámuanyɛ. 27Banúmɔndɔ súsɔ́n bilɔŋ bimoómi, na gueleé bábídígan bagándɔ haná búnya ubuɔyídɔ́n, ɔbɔ́biɔ́b, abɛ́d gá guɔyɔnɛn bámuanyɛ na bámuanyɛ obónd abɛ́d gá bídíganɛn banúmɔndɔ na banúmɔndɔ, anagányɛ bádáŋáab bisuɛ́n biɔ́b biá fɔ́m. 28Haná bámasúguán áneé búnyɛ beseé gá bídígɛn nulinsa nuá Uhaluá, uwanihɛn bɔ́ uguɔ́b guá nugedie nuá mbágía, buand buáguɔ́ bálanɔ́ ubúdiánigiman áneé bála. 29Bányɛ obóhónón na bugindényé buá mbágía gidigid, bilɔga, giandá giá ɔdɛ́m, ɔdɛ́m gilɔg, ɔdɛ́m guálɛ́ɛg, mɔɔ́nɔ́na, nsáŋ, mamb, ombuŋímbuŋié, bendímuala, 30imbayɛ, babɛlɛ́bɛl bá Uhaluá, bosogísógínyi, báhadɛ́hádɛ, bandɔ bá bumál, bádandedánd, 31kanda nugedie, ɔnɔŋɔnina, kanda ɔdɛ́m, kanda guánanɛn bulɔ́b. 32Ta haná Uhaluá úmeédéníginye áneé abálanɔ́ amagányɛ melélíe bánigimanan na nigué, bédiésúgenin pɛ́ŋ gá guala, béndegígenin bɔsɔ́gá abálanɔ́ mɔ́ ɔmbɔ́g.
ទើបបានជ្រើសរើសហើយ៖
Balomɛ́ŋ 1: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Balomɛ́ŋ 1
1
Mbígélíd
1Yaŋuá Póle, ŋŋóli ya bidí ya Yésuse Klístus#1.1 Bíyɛ́g melélíe 26.16-18. iyɛɛ́ bɔ́mɔdɔ́ŋɛ́ɛn áneé ibá medenyi még, uyɔɔ́ Uhaluá úmeyid gá dógonye Ginɔ́g giég giá Nsɔ́m. 2Ginɔ́g giá Nsɔ́m giá Uhaluá giáguɔ́, igiɛ́ úmabá umádídánɛ́n uguá bebunebúné bég uguá biŋɔ́nsa biá Ŋŋɔ́ŋɛ, 3gíábíyigan Muɔ́n weg umoólín uguá nugɔg nuá Dáfide hana mɔndɔ, 4Yésuse Klístus Ɔgúná wasɔ uyɔɔ́ Uhaluá úmedénígínyé egélém gá hám uguá bilɔ́ŋ uguá buŋaŋa buá Gileénde giá Budányɛ. 5Uguég dímabiá magɔg má bá medenyi gá guendenye maán gidigid, amádiabá má bayúdɛn áneé mág ɔdɛ́m móond mɔ́bɔnɛn Uhaluá gá gueleé nigúmi niá Yésuse Klístus níbá. 6Banuá súsɔ́n ɔbɔɔ́ Yésuse Klístus úmɔdɔ́ŋɛ́ɛn, nudibá bayúdɛn. 7Gánɔ gidigid ɔbɔɔ́ Uhaluá wɔ́yɔnɔ́ naá abámabiá ɔdɔ́ŋína hana badányɛdányɛ uguég, ánaá na magɔg na bumbénu guonoólín uguá Uhaluá, Síe wasɔ na Yésuse Klístus Ɔgúná wasɔ múbá naánanɔ.
Na Póle na beédébi bá Lóm
8Yeébuen guéŋin Uhaluá wamɛ mbíyigie uguá Yésuse Klístus gánɔ gá busió banuá gidigid gá giagiá, uguísi gidigid, bénúhínenye áneé nuáguágan ɔdɛ́m. 9Uhaluá uyɔɔ́ yálanaá buóli na ɔdɛ́m huámɛ gidigid na dógónyinye Ginɔ́g giá Nsɔ́m giá Muɔ́n wég, unyɛ amaáná wamɛ, yoónúomon kanda nidɔgíná. 10Uguég guá guɔyɛd, yoóguóhon binɛŋ gidigid uguámɛ guá mbísógóli áneé, gá nsúgie mbia giásɛ giá guól uguánɔ. 11Ɛɛ́ɛ, yaábianan giandá giá niída áneé nnuán, gá gueleé nnúdúmbínye baán bá mpuán bá magɔg bá Gileénde gá bá abagúnínán, 12anagányɛ gúnya áneé, guágɔdɛ́m ugúnya guánɔ ɔlɔŋ naánamɛ, gúénédígínyíginye yanágányɛ ɔlɔŋ naánanɔ. 13Beliméen, ndiáguamba áneé nuanyanyɛ áneé yaábá yamba áneé yoól uguánɔ. Guesiegén uguɔ, muand múmodi muéŋimbín. Yáabáŋá áneé mbia gidám giá bibɔg uguánɔ súsɔ́n, hana uguá bidɔŋ biá bindiádába ibíólbíóndeé. 14Ta gá busió buá baglɛ́k naá gá buá bolué, ta gá buá abádialínsán naá buá abálinsanaá, yaánúbianɛn ginɔ́h. 15Buand buáguɔ́ yámbanɔ́ áneé nnúdóginye Ginɔ́g giá Nsɔ́m, banuá súsɔ́n nunyaá Lóm.
Bugindényé buá Uhaluá
16Gá giagiá ndiɔ́guɔ́bɔn ɔduá gunɔ́h na Ginɔ́g giá Nsɔ́m, gínyɛ buŋaŋa buá Uhaluá gá busió buá gidúgúne giá mɔndɔ gidigid uwaáganaá ɔdɛ́m, gisiósio bayúdɛn, egélém baglɛ́k bébinen. 17Búnyɛ gɔg uguélém guá Ginɔ́g giá Nsɔ́m bugindényé buá Uhaluá búbídíyenyeé uguá guágɔdɛ́m na guágɔdɛ́m, hana búnya ubúɔ́ŋɔ́n áneé: «Unyaá gindényé, wanábia nusɔ́da uguélém guá guágɔdɛ́m.»
Gilɔga giá bindiádába
18Ɔdɛ́m gusugɛn huá Uhaluá húébídíyenye uguá ndogodódie ya gumɔn, gá busió buá bilɔg biá melélíe na bugindényé buá mbágía buá bandɔ ebégimbenú mɔ́ tíŋ, hómohómue uguá bugindényé buá mbágía, 19gá giagiá, ubuɔ́ dínya dialɛns gá busió buá Uhaluá, búébídíyenye gɔ́g. Uhaluá mbánan úmedíyé buɔ́. 20Gɔgaá, guenebul agá magunsa má guísi, muand muég umúdianíganinaá na buŋaŋa buá ságásagá na buá Uhaluá, muáguáníganɛn nugedie nuá bandɔ uguélém guá melélíe má Uhaluá. Bádiánigimanan na giyibinina, 21gá giagiá, bálinsan Uhaluá, bémeségúmenye yɔ́, bámasáhuán yɔ́ mbíyigie isínigimananaá neéneg, bémesúgín pɛ́ŋ uguɔ́b guá meéne má buegu, idɛ́m siɔ́b siá gudɔɔ́ isíáyɛ mɔlɔ́g má mbíne. 22Bámaán áneé bógódi meéne, henyé bányɛ bɔduɔ́duá, 23bémenúgíe nigúmi niá Uhaluá udiéguén na bineéŋun ibídíyenyeé mɔndɔ uguéneé, munonyi, manyam amándanɔ́ na bifan bíníhi, manyam amándanɔ́ na amuɛnd. 24Buand buáguɔ́ Uhaluá úmanihɛ́n bɔ́, gɔ́b gá idɛ́m guálɛ́ɛg gá guala muand muá biíle uguɔ́b guá duɔ́l bámuanyɛ muɛ́d. 25Bémenúgie hómohómue meliŋ má Uhaluá na bibán, ebébúlúgenye obónd abálan biaŋana buóli na dɔ́mb áneé bála nɔ́ gá busió buá Eluŋímum unyaá asayán gá ságásagá. Anagányɛ. 26Buand buáguɔ́, bagándɔ bɔ́b, gá gueleé bábídíman na banúmɔndɔ haná búnya ubuɔyídɔ́n, ebénúgie gá bídíganɛn bámuanyɛ na bámuanyɛ. 27Banúmɔndɔ súsɔ́n bilɔŋ bimoómi, na gueleé bábídígan bagándɔ haná búnya ubuɔyídɔ́n, ɔbɔ́biɔ́b, abɛ́d gá guɔyɔnɛn bámuanyɛ na bámuanyɛ obónd abɛ́d gá bídíganɛn banúmɔndɔ na banúmɔndɔ, anagányɛ bádáŋáab bisuɛ́n biɔ́b biá fɔ́m. 28Haná bámasúguán áneé búnyɛ beseé gá bídígɛn nulinsa nuá Uhaluá, uwanihɛn bɔ́ uguɔ́b guá nugedie nuá mbágía, buand buáguɔ́ bálanɔ́ ubúdiánigiman áneé bála. 29Bányɛ obóhónón na bugindényé buá mbágía gidigid, bilɔga, giandá giá ɔdɛ́m, ɔdɛ́m gilɔg, ɔdɛ́m guálɛ́ɛg, mɔɔ́nɔ́na, nsáŋ, mamb, ombuŋímbuŋié, bendímuala, 30imbayɛ, babɛlɛ́bɛl bá Uhaluá, bosogísógínyi, báhadɛ́hádɛ, bandɔ bá bumál, bádandedánd, 31kanda nugedie, ɔnɔŋɔnina, kanda ɔdɛ́m, kanda guánanɛn bulɔ́b. 32Ta haná Uhaluá úmeédéníginye áneé abálanɔ́ amagányɛ melélíe bánigimanan na nigué, bédiésúgenin pɛ́ŋ gá guala, béndegígenin bɔsɔ́gá abálanɔ́ mɔ́ ɔmbɔ́g.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល