Lúkas 8
8
Bagándɔ ebémélényé Yésuse gá guɛ́d guɔya Nsɔ́m
(Mat 9.35; Mál 1.39; Lúk 4.43-44)
1Egélém agányɛ, Yésuse uwiídan uguá bidɔŋ na uguá bɔtísɔna wɛɛ́d usésényé Ginɔ́g giá Nsɔ́m giá Niguili niá Uhaluá ɔlɔŋ na medenyi még máad na máandɛ. 2Bagándɔ bómodi bámabá uguɔ́b guá ɔlɔŋ, ɔbɔɔ́ Yésuse úmabá uméhémie bilɔg biá bileénde uguɔ́b guá duɔ́l, ihɛ́n siɔ́b áneé: «Malía, uyɔɔ́ bɔ́mɔ́ndɔ́dɔ́ŋɔn áneé Malía wa gidɔŋ giá Magdala.» Yésuse umehémíe bilɔg biá bileénde bítíndádɔ nomue uguég guá nuɔ́l. 3Sán, ugándɔ wa Susa, umaábá eŋelibuóli wa Helód. Susána na giod giá bagándɔ gímodi, igímabá gígígenin bɔ́ ɔmbɔ́g na bunɛ́m buɔ́b.
Nsab ya ebuhi
(Mat 13.1-9; Mál 4.1-9)
4Haná giod giá bandɔ gímoónólónín uguá bidɔŋ biá hádɛ gá binen Yésuse, uwedúmín bɔ́ nsab iyɛ áneé: 5«Mɔndɔ omodi umahám gá buhe. Umeégébuhe, mbuh símodi isíáguɛn uguá ŋŋil, bandɔ abámánígan, munonyi umúónoól, umúányá. 6Nsám siá mbuh símodi isíáguɛn uguá ɔgugɔyɔ. Isíébumug, isíónd isíɔ́yɔ́ɔg na ɔhɛ́nyɛ, gá giagiá magayɔ mámasábá bubímbíl. 7Nsám símodi isíáguɛn agá gimaáŋana, isíébumug ɔlɔŋ na gimaáŋana isíáguman ɔlɔŋ, gimaáŋana igíéhúgígen siɛ́, igíɔ́da siɛ́. 8Nsám símodi isíáguɛn agá ginɔ́g giá magayɔ, isíébumug, isíáguman, isíéhúme dubab, ndínyi imoómi dubab edín átánɔ.» Yésuse umaámáman gugálgal anagányɛ, uwɔyɛd ugelu ugumɔn áneé: «Ánaá mɔndɔ ugódiónu idú siá guɔ́b wɔɔ́b!»
Gá giagɛ Yésuse ugálgalaá uguá nsab
(Mat 13.10-11, 13; Mál 4.10-12)
9Bebinene bég obóhún yɔ́ áneé udambunɛn bɔ́ nsab igányɛ. 10Yésuse uwondinye bɔ́ áneé: «Bámanúhuá banuá bugaga buá lɛns muand muá ninamba niá Niguili niá Uhaluá, gá busió buá bandɔ obólbóndeé gɔg, bágálgalɛn bɔ́ uguá nsab áneé ta bábila eŋís bádián, ta bɔ́bídɔ́lígɔnɔn, bɔ́diɔ́b.» 11Ndénu gɔg buand ubuɔ́ nsab igányɛ yaámbanɔ́ guɔyɛd: Mbuh, bunyɛ nugálɔ nuá Uhaluá. 12Bandɔ abánya uguá buáyɛ buá ŋŋil, bábánya bandɔ ɔbɔ́bídɔ́lígɔnɔnaá nugálɔ, Sátan wonoól, woólie nugálɔ uguɔ́b guá idɛ́m gá giagiá bágámádáab bábá abaháŋánɔ. 13Mbuh isímaguɛ́n agá ɔgugɔyɔ, búbúnya bandɔ ɔbɔ́bɔnaá nugálɔ, bágíndígɛn nuɔ́ na bidɔdɛn, gɔgaá bódigódi iŋaŋ, báguádáaban gá maná ginɛŋ, bámaánabia maná meyú, bébíélidie nuɔ́. 14Mbuh isímaguɛ́n agá gimaáŋana, búbúnya bandɔ ɔbɔ́bɔnaá nugálɔ, gɔgaá mesígíl, bunɛ́m na beseé wa nusɔ́da, muénye bɔ́ gugúnɛ́n gá húme binɔ́g biá bibɔg. 15Mbuh isímaguɛ́n agá ginɔ́g giá magayɔ, búbúnya bandɔ ɔbɔ́bɔnaá Ginɔ́g giá Nsɔ́m na ɔdɛ́m beseé, bábídígɛn giɛ́, bágag ɔdɛ́m, síhúme binɔ́g biá bibɔg.
Nsab ya ilámba
(Mál 4.21-25)
16«Mɔndɔ udiédímbígen ilámba, wond ugindigin hiɛ́ uguá isínyi, ugúnya ana, wanaág hiɛ́ uguá mbílígís. Waádúŋa hiɛ́ gá gueleé mɔndɔ gidigid usébíŋín uguá giansɛ híbunya yɔ́. 17Gá gueleé buand gidigid ubúnya uguá ninamba buánáhám agá budányɛ, ubúnya guá ginsunyé, búɔ́nɔ́mɔ́g. 18Bídédínyénu gɔg na bilɔŋ biánɔ biá bídɔ́lígɔnɔn Nugálɔ. Gá giagiá mɔndɔ ubiananaá bɔ́nɔ́híginɛn yɔ́, udiábianan, bɔ́nɔ́gɔ́l ta ubuɔ́ úgedenyeé áneé búnyɛ buég.»
Ndága ya nuɔnd nuá Yésuse
(Mat 12.46-50; Mál 3.31-35)
19Noódíe Yésuse na beliméen abán yɔ́, gɔgaá bámasábia giásɛ giá guɛ́d gueneg agaá úmabá, gá giagiá bandɔ bámabá giod. 20Ɔbɔ́yidɛn yɔ́ áneé: «Noódíe wahɔ unyɛ agá nígadá na beliméen báhɔ, báguamba guguán.» 21Yésuse uwɔyidɛn bɔ́ bem wɔb áneé: «Iyaá na beliméen bámɛ, bábánya bandɔ ɔbɔ́bɔnaá Nugálɔ nuá Uhaluá bónd bóhónonye nuɔ́.»
Yésuse uméhédenye ómbógónyé
(Mat 8.23-27; Mál 4.35-41)
22Buɔ́sɛ búmodi, Yésuse uwayumɛn uguá ŋŋumba ɔlɔŋ na bebinene bég, úmuanyɛ gɔ́b áneé: «Ánaá díyɔg nagɔ́n unó wa máŋ.» Abɛ́d. 23Bámaábánda, eŋís ya Yésuse ɔyɔ́gɔ́l dunɔ́. Giandá giá gihínyi giá isánána igiónoól uguá máŋ, ŋŋumba siɔ́b isíásɛɛ́d gá hónon na mimbi síliken, bugádɔ ubúégimbin bɔ́. 24Abákilɛn yɔ́ obónd abáhuɛnyɛ yɔ́ bɔ́yɔn yɔ́ áneé: «Ehuínyihuínyi! Ehuínyhuínyi! Dimáhɔ́h!» Uwahunyɛg, uwaánsídɛn gihínyi na mimbi, umúáhádan yeéyuyu. 25Uwabígagalɛd bɔ́, úmuanyɛ gɔ́b áneé: «Guágɔdɛ́m guánɔ gúnyɛ hanyɛ?» Haná bámabia bugádɔ, ebéséhén na buɔ́, bábígálgalɛn, bɔ́ya áneé: «Búbúnya kasɛ́ bumɔndɔ ubúánsanaá gihínyi na mimbi, múɔ́bɔnɛn yɔ́?»
Gióndúgie giá mɔndɔ wa gilɔg giá gileénde
(Mat 8.28-34; Mál 5.1-20)
26Abáyugɛn uguá gidɔŋ giá Gelasení, gínyɛ nsíndinsíndia na Galilé. 27Umaágáyúgán uguá ŋŋumba, mɔndɔ umabá agá tísɔna ugányɛ uwonoól gá gólie yɔ́, mɔndɔ ugányɛ umabianán bilɔg biá bileénde. Búmabá búganyɛ giandá giá ginɛŋ udibísɔ́n, udibídímán uguá giansɛ, pɛ́ŋ uguá bibɛ́l. 28Umaánaguánɛn Yésuse, uwaguɛn yɔ́ agá dugɔ́nd, uwaánsan wɔya áneé: «Áŋamba na giagɛ, Yésuse, uhaŋ huá Uhaluá unyaá hádɛ ugumɔn? Mmóbísógólídíe, adiŋal buand.» 29Yésuse uwɔyidɛn gilɔg giá gileénde áneé gíhám uguá nuɔ́l nuá mɔndɔ. Gá giagiá gímabá gímégímbin yɔ́, bágúda yɔ́ na duoli duá duayɛ, ta bág yɔ́ gidɛ́ waád, gilɔg giá gileénde igigányɛ giídan neéneg pɛ́ŋ agá onsoŋol. 30Yésuse uwoóhún yɔ́ áneé: «Ɔhɛ́n huáhɔ húnyɛ ányá?» Uwondinye áneé: «Gimbé» gá giagiá umabianán gimbi giá bilɔg biá bileénde uguég guá nuɔ́l. 31Uwobísógólidie gɔg Yésuse áneé udinɔh bɔ́ uguá bunyɛ nnyɔlɛ.
32Henyé gɔg áneé, gimbi giá ŋŋunéb gímabá agányɛ gínyánan ugumɔn guá ɔŋuɛnyɛ. Bilɔg bía bileénde ibíóbísógólidie Yésuse áneé udɔ́m biɛ́ guɔ́, Yésuse uwaádáabɛn biɛ́. 33Bilɔg biá bileénde ibíáhám uguá mɔndɔ ibíénebíŋín uguá gimbi giá ŋŋunéb. Ŋŋunéb isíénetúlúg ugumɔn guá ɔŋuɛnyɛ isíónobíómbín uguá gisumb isíáhɔ́h.
34Begíg ŋŋunéb bámaámán anagányɛ, ɔbɔ́gɔ́l ɔdɛ́d gá guɛ́d guɔnɔyɛ́d agá tísɔna, naá uguá mufák. 35Bandɔ obónoól gá guán buand ubúbídúmbanaá, ebésieg agá buáyɛ buá Yésuse, ebégégie mɔndɔ umáánúma agányɛ dugumine pém agá dugɔ́nd duá Yésuse, usamana bílaŋa, ɔbɔ́b bugádɔ. 36Bandɔ abámabá hɔ́ ɔbɔ́yɔn bɔ́ hana ɔduɔ́duá úmɔ́ndɔ́ɔg.
37Agányɛ gɔg, bandɔ gidigid bá gidɔŋ giá Gelasení ɔbɔ́yidɛn Yésuse áneé uhám uguɔ́b guá gidɔŋ, gá giagiá bámabia bugádɔ giod, Yésuse uwayumɛn uguá ŋŋumba uwond na gélém.
38Ɔduɔ́duá uwabísagɛn gubinidin Yésuse, gɔgaá uwondie yɔ́ úmuanyɛ gég áneé: 39«Gúg agáhɔ gá nihiá, ɔya buand ubuɔ́ Uhaluá úmágual ubugányɛ.» Mɔndɔ uwɛɛ́d, wɛɛ́d usésényé na guɔya buand ubuɔ́ Yésuse úmal gég gá busió. 40Giíŋ igíábígúsa gá gígan guosiond guá Yésuse na nagɔ́n unó wa usaá, umeémésieg abágíndígɛn yɔ́.
Gióndúgie giá ugándɔ umáháman manɔ́ŋ na gihunya giá ŋŋɔndɛ ya Yalús
(Mat 9.18-26; Mál 5.21-43)
41Gúu mɔndɔ omodi úmonoól, ɔhɛ́n áneé Yalús, umabá ɔgɔ́n wa gigúl giá bayúdɛn, uwaguɛn Yésuse agá dugɔ́nd uwagánganɛn yɔ́ áneé woól egég gá nihiá, 42gá giagiá umabianán idéŋ hiég hiá ŋŋɔndɛ ihímabá híɔ́ŋka na nigué, umabá uganyɛ na duɔŋ dúad na dúandɛ. Uguá gínɛŋ igiɛ́ Yésuse úmándá gá guɛ́d, wanda bandɔ bɔ́ɔda yɔ́, bédídígen yɔ́.
43Gúu súsɔ́n, ugándɔ umabá uguá ɔlɔŋ uguɔ́g, uhémenye manɔ́ŋ, umabá umámánúgual na manúma duɔŋ dúad na dúandɛ. Uwehémie bunɛ́m buég gidigid ubuɔ́ úmabianán gá bílɔnda ta guɔ́ndɔ́ɔg. 44Uwakilɛn Yésuse gɔg uguélém, uwɔbígɔ́dɛn odú huég huá gisɔn, hɔ́nɔhɔ́ manɔ́ŋ emédélíminye guháman yɔ́. 45Yésuse uwoóhún bandɔ áneé: «Ányá úmɔ́mbígɔ́dɛ́n?» Bandɔ gidigid abábísásɛ́ɛg, Piéle uwɔyɛd áneé: «Ehuínyihuínyi, búnyɛ bandɔ ɔbɔ́guɔ́dɔnɔ́, bédídígen.» 46Ta anagányɛ Yésuse uwɔyɛd áneé: «Bibán, mɔndɔ umɔ́mbígɔ́dɛ́n, mmɔ́b beseé na beseé hana bugaga búmáhám uguámɛ guá nuɔ́l.» 47Ugándɔ umaán áneé bémételun yɔ́, uwoól agá busió buá Yésuse uwaguɛn yɔ́ agá dugɔ́nd na bilígímin, uwɔya agá eŋís ya bandɔ gidigid buand ubúmáal áneé ubígɔ́dɛn yɔ́, naá haná úmɔ́ndɔ́ɔg hɔ́nɔhɔ́. 48Yésuse uwɔyidɛn yɔ́ áneé: «Guágɔdɛ́m guáhɔ gúmédúgún ŋŋɔndɛ yamɛ, idá uguá bumbénu.»
49Umaágálgal anagányɛ, mɔndɔ uwonoólín agá nihiá niá ɔgɔ́n wa gigúl, uwɔyɔn yɔ́ áneé: «Ediendésésenye Ehuínyihuínyi ŋŋɔndɛ yahɔ isemenegué.» 50Gɔgaá Yésuse umabá umɔ́mɔ́núguɔ́b buónyi, uwɔyidɛn Yalús áneé: «Adibia bugádɔ, ádáabán pɛ́ŋ ugɔɔ́sɔ́d.» 51Yésuse umeéméneg agá nihiá, uwenye bandɔ gubíŋín uguá giansɛ uwebíŋín pɛ́ŋ na Piéle, Sáŋa, Sák na síe na noódíe wa muúŋayɔ. 52Bámuanyɛ gidigid bámabaŋá, Yésuse uwɔyidɛn bɔ́ áneé: «Nudibaŋá, uméségué, unyɛ gá dúnɔ́.» 53Abɛ́d gá hɔna yɔ́, gá giagiá bámalinsán áneé usemenegué. 54Yésuse uwegimbin yɔ́ gɔg uguá ɔmbɔ́g, uwɔdɔ́ŋɛ́ɛn yɔ́ áneé: «Muɔ́n wamɛ, húnyɛ́g.» 55Gileénde giég igíósiond hɔ́nɔhɔ́. Uwɔyɛd áneé: ánaá núéŋin yɔ́ gunyá. 56Bebíényi bég ebéséhén naá buɔ́, uwond uwegíndídin bɔ́ áneé: «Nudiɔyɛ́d buand ubúmándábídúmban ubugányɛ.»
ទើបបានជ្រើសរើសហើយ៖
Lúkas 8: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkas 8
8
Bagándɔ ebémélényé Yésuse gá guɛ́d guɔya Nsɔ́m
(Mat 9.35; Mál 1.39; Lúk 4.43-44)
1Egélém agányɛ, Yésuse uwiídan uguá bidɔŋ na uguá bɔtísɔna wɛɛ́d usésényé Ginɔ́g giá Nsɔ́m giá Niguili niá Uhaluá ɔlɔŋ na medenyi még máad na máandɛ. 2Bagándɔ bómodi bámabá uguɔ́b guá ɔlɔŋ, ɔbɔɔ́ Yésuse úmabá uméhémie bilɔg biá bileénde uguɔ́b guá duɔ́l, ihɛ́n siɔ́b áneé: «Malía, uyɔɔ́ bɔ́mɔ́ndɔ́dɔ́ŋɔn áneé Malía wa gidɔŋ giá Magdala.» Yésuse umehémíe bilɔg biá bileénde bítíndádɔ nomue uguég guá nuɔ́l. 3Sán, ugándɔ wa Susa, umaábá eŋelibuóli wa Helód. Susána na giod giá bagándɔ gímodi, igímabá gígígenin bɔ́ ɔmbɔ́g na bunɛ́m buɔ́b.
Nsab ya ebuhi
(Mat 13.1-9; Mál 4.1-9)
4Haná giod giá bandɔ gímoónólónín uguá bidɔŋ biá hádɛ gá binen Yésuse, uwedúmín bɔ́ nsab iyɛ áneé: 5«Mɔndɔ omodi umahám gá buhe. Umeégébuhe, mbuh símodi isíáguɛn uguá ŋŋil, bandɔ abámánígan, munonyi umúónoól, umúányá. 6Nsám siá mbuh símodi isíáguɛn uguá ɔgugɔyɔ. Isíébumug, isíónd isíɔ́yɔ́ɔg na ɔhɛ́nyɛ, gá giagiá magayɔ mámasábá bubímbíl. 7Nsám símodi isíáguɛn agá gimaáŋana, isíébumug ɔlɔŋ na gimaáŋana isíáguman ɔlɔŋ, gimaáŋana igíéhúgígen siɛ́, igíɔ́da siɛ́. 8Nsám símodi isíáguɛn agá ginɔ́g giá magayɔ, isíébumug, isíáguman, isíéhúme dubab, ndínyi imoómi dubab edín átánɔ.» Yésuse umaámáman gugálgal anagányɛ, uwɔyɛd ugelu ugumɔn áneé: «Ánaá mɔndɔ ugódiónu idú siá guɔ́b wɔɔ́b!»
Gá giagɛ Yésuse ugálgalaá uguá nsab
(Mat 13.10-11, 13; Mál 4.10-12)
9Bebinene bég obóhún yɔ́ áneé udambunɛn bɔ́ nsab igányɛ. 10Yésuse uwondinye bɔ́ áneé: «Bámanúhuá banuá bugaga buá lɛns muand muá ninamba niá Niguili niá Uhaluá, gá busió buá bandɔ obólbóndeé gɔg, bágálgalɛn bɔ́ uguá nsab áneé ta bábila eŋís bádián, ta bɔ́bídɔ́lígɔnɔn, bɔ́diɔ́b.» 11Ndénu gɔg buand ubuɔ́ nsab igányɛ yaámbanɔ́ guɔyɛd: Mbuh, bunyɛ nugálɔ nuá Uhaluá. 12Bandɔ abánya uguá buáyɛ buá ŋŋil, bábánya bandɔ ɔbɔ́bídɔ́lígɔnɔnaá nugálɔ, Sátan wonoól, woólie nugálɔ uguɔ́b guá idɛ́m gá giagiá bágámádáab bábá abaháŋánɔ. 13Mbuh isímaguɛ́n agá ɔgugɔyɔ, búbúnya bandɔ ɔbɔ́bɔnaá nugálɔ, bágíndígɛn nuɔ́ na bidɔdɛn, gɔgaá bódigódi iŋaŋ, báguádáaban gá maná ginɛŋ, bámaánabia maná meyú, bébíélidie nuɔ́. 14Mbuh isímaguɛ́n agá gimaáŋana, búbúnya bandɔ ɔbɔ́bɔnaá nugálɔ, gɔgaá mesígíl, bunɛ́m na beseé wa nusɔ́da, muénye bɔ́ gugúnɛ́n gá húme binɔ́g biá bibɔg. 15Mbuh isímaguɛ́n agá ginɔ́g giá magayɔ, búbúnya bandɔ ɔbɔ́bɔnaá Ginɔ́g giá Nsɔ́m na ɔdɛ́m beseé, bábídígɛn giɛ́, bágag ɔdɛ́m, síhúme binɔ́g biá bibɔg.
Nsab ya ilámba
(Mál 4.21-25)
16«Mɔndɔ udiédímbígen ilámba, wond ugindigin hiɛ́ uguá isínyi, ugúnya ana, wanaág hiɛ́ uguá mbílígís. Waádúŋa hiɛ́ gá gueleé mɔndɔ gidigid usébíŋín uguá giansɛ híbunya yɔ́. 17Gá gueleé buand gidigid ubúnya uguá ninamba buánáhám agá budányɛ, ubúnya guá ginsunyé, búɔ́nɔ́mɔ́g. 18Bídédínyénu gɔg na bilɔŋ biánɔ biá bídɔ́lígɔnɔn Nugálɔ. Gá giagiá mɔndɔ ubiananaá bɔ́nɔ́híginɛn yɔ́, udiábianan, bɔ́nɔ́gɔ́l ta ubuɔ́ úgedenyeé áneé búnyɛ buég.»
Ndága ya nuɔnd nuá Yésuse
(Mat 12.46-50; Mál 3.31-35)
19Noódíe Yésuse na beliméen abán yɔ́, gɔgaá bámasábia giásɛ giá guɛ́d gueneg agaá úmabá, gá giagiá bandɔ bámabá giod. 20Ɔbɔ́yidɛn yɔ́ áneé: «Noódíe wahɔ unyɛ agá nígadá na beliméen báhɔ, báguamba guguán.» 21Yésuse uwɔyidɛn bɔ́ bem wɔb áneé: «Iyaá na beliméen bámɛ, bábánya bandɔ ɔbɔ́bɔnaá Nugálɔ nuá Uhaluá bónd bóhónonye nuɔ́.»
Yésuse uméhédenye ómbógónyé
(Mat 8.23-27; Mál 4.35-41)
22Buɔ́sɛ búmodi, Yésuse uwayumɛn uguá ŋŋumba ɔlɔŋ na bebinene bég, úmuanyɛ gɔ́b áneé: «Ánaá díyɔg nagɔ́n unó wa máŋ.» Abɛ́d. 23Bámaábánda, eŋís ya Yésuse ɔyɔ́gɔ́l dunɔ́. Giandá giá gihínyi giá isánána igiónoól uguá máŋ, ŋŋumba siɔ́b isíásɛɛ́d gá hónon na mimbi síliken, bugádɔ ubúégimbin bɔ́. 24Abákilɛn yɔ́ obónd abáhuɛnyɛ yɔ́ bɔ́yɔn yɔ́ áneé: «Ehuínyihuínyi! Ehuínyhuínyi! Dimáhɔ́h!» Uwahunyɛg, uwaánsídɛn gihínyi na mimbi, umúáhádan yeéyuyu. 25Uwabígagalɛd bɔ́, úmuanyɛ gɔ́b áneé: «Guágɔdɛ́m guánɔ gúnyɛ hanyɛ?» Haná bámabia bugádɔ, ebéséhén na buɔ́, bábígálgalɛn, bɔ́ya áneé: «Búbúnya kasɛ́ bumɔndɔ ubúánsanaá gihínyi na mimbi, múɔ́bɔnɛn yɔ́?»
Gióndúgie giá mɔndɔ wa gilɔg giá gileénde
(Mat 8.28-34; Mál 5.1-20)
26Abáyugɛn uguá gidɔŋ giá Gelasení, gínyɛ nsíndinsíndia na Galilé. 27Umaágáyúgán uguá ŋŋumba, mɔndɔ umabá agá tísɔna ugányɛ uwonoól gá gólie yɔ́, mɔndɔ ugányɛ umabianán bilɔg biá bileénde. Búmabá búganyɛ giandá giá ginɛŋ udibísɔ́n, udibídímán uguá giansɛ, pɛ́ŋ uguá bibɛ́l. 28Umaánaguánɛn Yésuse, uwaguɛn yɔ́ agá dugɔ́nd, uwaánsan wɔya áneé: «Áŋamba na giagɛ, Yésuse, uhaŋ huá Uhaluá unyaá hádɛ ugumɔn? Mmóbísógólídíe, adiŋal buand.» 29Yésuse uwɔyidɛn gilɔg giá gileénde áneé gíhám uguá nuɔ́l nuá mɔndɔ. Gá giagiá gímabá gímégímbin yɔ́, bágúda yɔ́ na duoli duá duayɛ, ta bág yɔ́ gidɛ́ waád, gilɔg giá gileénde igigányɛ giídan neéneg pɛ́ŋ agá onsoŋol. 30Yésuse uwoóhún yɔ́ áneé: «Ɔhɛ́n huáhɔ húnyɛ ányá?» Uwondinye áneé: «Gimbé» gá giagiá umabianán gimbi giá bilɔg biá bileénde uguég guá nuɔ́l. 31Uwobísógólidie gɔg Yésuse áneé udinɔh bɔ́ uguá bunyɛ nnyɔlɛ.
32Henyé gɔg áneé, gimbi giá ŋŋunéb gímabá agányɛ gínyánan ugumɔn guá ɔŋuɛnyɛ. Bilɔg bía bileénde ibíóbísógólidie Yésuse áneé udɔ́m biɛ́ guɔ́, Yésuse uwaádáabɛn biɛ́. 33Bilɔg biá bileénde ibíáhám uguá mɔndɔ ibíénebíŋín uguá gimbi giá ŋŋunéb. Ŋŋunéb isíénetúlúg ugumɔn guá ɔŋuɛnyɛ isíónobíómbín uguá gisumb isíáhɔ́h.
34Begíg ŋŋunéb bámaámán anagányɛ, ɔbɔ́gɔ́l ɔdɛ́d gá guɛ́d guɔnɔyɛ́d agá tísɔna, naá uguá mufák. 35Bandɔ obónoól gá guán buand ubúbídúmbanaá, ebésieg agá buáyɛ buá Yésuse, ebégégie mɔndɔ umáánúma agányɛ dugumine pém agá dugɔ́nd duá Yésuse, usamana bílaŋa, ɔbɔ́b bugádɔ. 36Bandɔ abámabá hɔ́ ɔbɔ́yɔn bɔ́ hana ɔduɔ́duá úmɔ́ndɔ́ɔg.
37Agányɛ gɔg, bandɔ gidigid bá gidɔŋ giá Gelasení ɔbɔ́yidɛn Yésuse áneé uhám uguɔ́b guá gidɔŋ, gá giagiá bámabia bugádɔ giod, Yésuse uwayumɛn uguá ŋŋumba uwond na gélém.
38Ɔduɔ́duá uwabísagɛn gubinidin Yésuse, gɔgaá uwondie yɔ́ úmuanyɛ gég áneé: 39«Gúg agáhɔ gá nihiá, ɔya buand ubuɔ́ Uhaluá úmágual ubugányɛ.» Mɔndɔ uwɛɛ́d, wɛɛ́d usésényé na guɔya buand ubuɔ́ Yésuse úmal gég gá busió. 40Giíŋ igíábígúsa gá gígan guosiond guá Yésuse na nagɔ́n unó wa usaá, umeémésieg abágíndígɛn yɔ́.
Gióndúgie giá ugándɔ umáháman manɔ́ŋ na gihunya giá ŋŋɔndɛ ya Yalús
(Mat 9.18-26; Mál 5.21-43)
41Gúu mɔndɔ omodi úmonoól, ɔhɛ́n áneé Yalús, umabá ɔgɔ́n wa gigúl giá bayúdɛn, uwaguɛn Yésuse agá dugɔ́nd uwagánganɛn yɔ́ áneé woól egég gá nihiá, 42gá giagiá umabianán idéŋ hiég hiá ŋŋɔndɛ ihímabá híɔ́ŋka na nigué, umabá uganyɛ na duɔŋ dúad na dúandɛ. Uguá gínɛŋ igiɛ́ Yésuse úmándá gá guɛ́d, wanda bandɔ bɔ́ɔda yɔ́, bédídígen yɔ́.
43Gúu súsɔ́n, ugándɔ umabá uguá ɔlɔŋ uguɔ́g, uhémenye manɔ́ŋ, umabá umámánúgual na manúma duɔŋ dúad na dúandɛ. Uwehémie bunɛ́m buég gidigid ubuɔ́ úmabianán gá bílɔnda ta guɔ́ndɔ́ɔg. 44Uwakilɛn Yésuse gɔg uguélém, uwɔbígɔ́dɛn odú huég huá gisɔn, hɔ́nɔhɔ́ manɔ́ŋ emédélíminye guháman yɔ́. 45Yésuse uwoóhún bandɔ áneé: «Ányá úmɔ́mbígɔ́dɛ́n?» Bandɔ gidigid abábísásɛ́ɛg, Piéle uwɔyɛd áneé: «Ehuínyihuínyi, búnyɛ bandɔ ɔbɔ́guɔ́dɔnɔ́, bédídígen.» 46Ta anagányɛ Yésuse uwɔyɛd áneé: «Bibán, mɔndɔ umɔ́mbígɔ́dɛ́n, mmɔ́b beseé na beseé hana bugaga búmáhám uguámɛ guá nuɔ́l.» 47Ugándɔ umaán áneé bémételun yɔ́, uwoól agá busió buá Yésuse uwaguɛn yɔ́ agá dugɔ́nd na bilígímin, uwɔya agá eŋís ya bandɔ gidigid buand ubúmáal áneé ubígɔ́dɛn yɔ́, naá haná úmɔ́ndɔ́ɔg hɔ́nɔhɔ́. 48Yésuse uwɔyidɛn yɔ́ áneé: «Guágɔdɛ́m guáhɔ gúmédúgún ŋŋɔndɛ yamɛ, idá uguá bumbénu.»
49Umaágálgal anagányɛ, mɔndɔ uwonoólín agá nihiá niá ɔgɔ́n wa gigúl, uwɔyɔn yɔ́ áneé: «Ediendésésenye Ehuínyihuínyi ŋŋɔndɛ yahɔ isemenegué.» 50Gɔgaá Yésuse umabá umɔ́mɔ́núguɔ́b buónyi, uwɔyidɛn Yalús áneé: «Adibia bugádɔ, ádáabán pɛ́ŋ ugɔɔ́sɔ́d.» 51Yésuse umeéméneg agá nihiá, uwenye bandɔ gubíŋín uguá giansɛ uwebíŋín pɛ́ŋ na Piéle, Sáŋa, Sák na síe na noódíe wa muúŋayɔ. 52Bámuanyɛ gidigid bámabaŋá, Yésuse uwɔyidɛn bɔ́ áneé: «Nudibaŋá, uméségué, unyɛ gá dúnɔ́.» 53Abɛ́d gá hɔna yɔ́, gá giagiá bámalinsán áneé usemenegué. 54Yésuse uwegimbin yɔ́ gɔg uguá ɔmbɔ́g, uwɔdɔ́ŋɛ́ɛn yɔ́ áneé: «Muɔ́n wamɛ, húnyɛ́g.» 55Gileénde giég igíósiond hɔ́nɔhɔ́. Uwɔyɛd áneé: ánaá núéŋin yɔ́ gunyá. 56Bebíényi bég ebéséhén naá buɔ́, uwond uwegíndídin bɔ́ áneé: «Nudiɔyɛ́d buand ubúmándábídúmban ubugányɛ.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល