Lúkas 7
7
Guágɔdɛ́m guá ɔgɔ́n wa nsénsi
(Mat 8.5-13; Sáŋ 4.45-54)
1Yésuse umaámáman guɔyɔn bandɔ anagányɛ, uwɛɛ́d Kafalnawúm. 2Ɔgɔ́n wa nsénsi edín átánɔ, umabianán giɔ́lɛ giég igiɛ́ úmabá wɔya giod gínúma, gíɔ́ŋka na nigué. 3Umɔɔ́mɔ́b nigúmi niá Yésuse, uwadúmɛ́n yɔ́ bɔgɔ́ga bá bayúdɛn áneé bónobísógólidie yɔ́ gá gueleé woól wosisódie giɔ́lɛ giég. 4Bémeémésieg mɔdɔg na Yésuse, abɛ́d gá gánganɛn yɔ́ giod, bɔ́yɔn yɔ́ áneé: «Waánigimanan áneé aádáabɛn yɔ́ buand ubuɔ́ úguɔŋɔnaá, 5gá giagiá wɔɔ́guɔya gidɔŋ giásɔ, úmaádíhágɛn gigúl.» 6Yésuse umanda ɔlɔŋ nɔɔ́nɔb. Bámaágányɛ mɔdɔg na nihiá, ɔgɔ́n wa nsénsi edín átánɔ uwadɔ́m begúl bég áneé bɔ́nɔyídɛ́n yɔ́ áneé: «Ɔgúná, ɔdigɔ́l meyú má guólésieg agá, gá giagiá ndiábianan bugaga buá gueleé ebíŋín uguámɛ guá giansɛ. 7Buand buáguɔ́ nsɔ́ndigɔ́l súsɔ́n gidɔga giá gueleé yaŋuá mbánan yoól agáhɔ, gɔgaá gálɛ́ɛd nugálɔ pɛ́ŋ númomi edúmébi wamɛ wɔɔ́ndɔ́ɔg. 8Anagányɛ yaŋuá súsɔ́n nnya ya guɔ́bɔnɛn bagɔ́n bámɛ, yéegimbe súsɔ́n nsénsi isínya uguámɛ guá ihiligine, mmɔ́mɔ́yidɛn omodi áneé: Ídá, wɛɛ́d, yɔsiɔyídɛ́n unó áneé “Ógún”, woól ta giɔ́lɛ giámɛ yɔyidɛn giɛ́ áneé: “Ál ubuɔ”, gíal.» 9Yésuse umɔɔ́mɔ́b dugálɔ udugányɛ, uwayíka mɔndɔ ugányɛ hómohómue, uwabígagalɛd giíŋ igímebinen yɔ́ úmuanyɛ gá giɛ́ áneé: «Mmanyɛ ndián bilɔŋ biá guágɔdɛ́m ibiɛ ta uguá Íslayɛ́l mbánan.» 10Bandɔ ɔbɔɔ́ úmadɔ́m bómoómósiond agá nihiá, ebégégie giɔ́lɛ gísɔmɔnuguɔ́ndɔ́ɔg.
Guhuɛnyɛ guá gilɔ́ŋ giá muúŋayɔ ginɔ́g
11Egélém agányɛ, Yésuse uwɛɛ́d agá tísɔna omódi uyɔɔ́ bɔ́dɔ́ŋɔnaá áneé Nayín na bebinene bég ɔlɔŋ na giíŋ. 12Umeéméneg agá mbíŋínín ya tísɔna, uwaádán na bandɔ bídan na gilɔ́ŋ gá nyo. Búmabá idéŋ hiá muɔ́n hiá gisí giá ugándɔ, giod giá bandɔ giá tísɔna ugányɛ gímabá gá ginyo. 13Yésuse umaámán gilɔ́ŋ, bulɔ́b ubúégimbin yɔ́ gá busió buá ugándɔ ugányɛ, uwɔyidɛn yɔ́ áneé: «Ádiandábaŋa!» 14Uwakɛl, uwɔbígɔ́dɛn gisímb, bandɔ abámabídúgɛn gisímb ebédélímin, uwɔyɛd áneé: «Gidɛnd giá mɔndɔ, mmɔ́guɔyídɛ́n, hunyɛ́g!» 15Gilɔ́ŋ giá mɔndɔ igíádigɛn igíónd igíédugumin igíɛ́d gá gálgal, Yésuse uwasúgídɛn yɔ́ gá noódíe. 16Bugádɔ ubúégimbin bandɔ gidigid abámabá hɔ́, abɛ́d gá gúmenye Uhaluá, bɔ́ya áneé: «Giandá giá ebunebúné gíáhám uguásɔ, gúu Uhaluá wɔ́yɔ́l buán buég.» 17Nigúmi niá Yésuse iníésegidinye uguá gibéyi giá guísi giá Yudé gidigid na hɔɔ́m gidigid.
Sáŋa eyumínyi umádúmɛ́ɛn Yésuse bandɔ
18Bebinene bá Sáŋa ɔbɔ́yɔn yɔ́ muand gidigid umuɔ́ Yésuse úmalá, Sáŋa uwɔdɔ́ŋɛ́ɛn bebinene bég báandɛ, 19uwadɔ́m bɔ́ agá Ɔgúná gá guóhún yɔ́ áneé: «Aŋuá anyaá uyɔɔ́ dígíganaá lí, dimanyɛ gá gígan waáguɔ́?» 20Bandɔ bémeéménegín Yésuse, ɔbɔ́yidɛn yɔ́ áneé: «Sáŋa Eyumínyi umádídɔ́m agáhɔ áneé diguóhún mmába: Aŋuá ányá uyɔɔ́ dígíganaá, ugúnya ana dimanyɛ gá gígan waáguɔ́ a?» 21Uguá ginɛŋ giaguɔ́ igigányɛ, Yésuse uwoóndúgie giod giá banúmanuma, bióŋi na abámabianán bilɔg biá bileénde, giod giá beheguhégu igíɛ́d gá guánan. 22Uwondinye gɔg bandɔ bá Sáŋa áneé: «Ánaá núond nuɔnɔyídɛ́n Sáŋa buand ubuɔ́ númán numond numɔ́b: Beheguhégu báguánan, bióŋi bíanda gindényé, beŋúnuŋún bɔ́ndúgɔn, bedúdú bɔ́bɔn, bilɔ́ŋ bíhunyigan, basúgasuga bɔ́bɔn Ginɔ́g giá Nsɔ́m. 23Gúu, mɔndɔ uwɔnɔ́ŋɔ́bína wanábánɔ́ beseé.» 24Bebinene bá Sáŋa bómoómond, Yésuse uwɛɛ́d gá gálgal na biíŋ gá busió buá Sáŋa, uwoóhón bɔ́ áneé: «Giagɛ igiɛ́ númiídan gá yímína agá uhambɛ? Nubal unuɔ́ gihínyi gídɔ́lɔnɔ́ a? 25Ahá! Giagɛ gɔg igiɛ́ númiídan gá bíyigan? Mɔndɔ bíláŋábíláŋá na binɔ́g biá bisɔn a? Mbuen bandɔ abánya na binɔ́g biá bisɔn bɔ́sɔ́dɔn beseé bónd bágíga uguá biansɛ biá ifuŋ. 26Giagɛ gɔg númiídan gá bíyígan? Ebunebúné a? Ɛɛ́ɛ! Waádúmban ebunebúné, yaŋuá yɔɔ́núɔyɔn buɔ́. 27Búnyɛ gég búnya ubúɔ́ŋɔ́n áneé: Ndé mmádɔ́m oŋoyinsɔ́m wamɛ uguáhɔ guá busió, gá guaŋanan ŋŋil yahɔ uguáhɔ guá busió. 28Yɔɔ́núɔyɔn buɔ́ áneé, uguá bandɔ gidigid ebémebíbíéne uguá nimuɛnd niá ugándɔ, ta omoómi udibá hɔ́ giyáŋáŋá gudɔ́mb Sáŋa, gúu gɔg maná mɔndɔ wa bugídígíd unyaá uguá Niguili niá Uhaluá únya giyáŋáŋá gudɔ́m Sáŋa.»
Bugíndígínyé ubuɔ́ bámagíndígɛn Sáŋa Eyumínyi na Yésuse
(Mat 11.16-19)
29Bandɔ gidigid ɔbɔ́mɔbídɔ́lígɔ́n Sáŋa, ta beduísilampɔ́ abálɛns gindényé giá Uhaluá, na bíyumenye giyuminye giá Sáŋa.
30Na bafalisiɛ́ŋ gɔg na bóoŋi ebéen guɔyɛd guá Uhaluá uguɔ́ úmɔyɛ́d gɔ́b gá busió, obónd ebéen giyuminye giá Sáŋa. 31Yésuse uwobíóhón áneé: Na giagɛ nnya wa gedie bandɔ bá hínen? Bányɛ mpónyé na giagɛ? 32Bányɛ mpónyé na biayɔ ibínya dugumine agá giɔ́mb, bɔ́dɔ́ŋɔnɛn hɔ́: bɔ́ya áneé: «Díɔ́núdɔ́ŋɔn núlimbía unuen gubíne, idiaŋkɔn masiana unuen gubaŋa.»
33Nɔ́ búnya. Sáŋa Eyumínyibandɔ umoól, umasányánan bilɛ́d, ta gubíhuán magɛ́b, nuɔya áneé: «Unyɛ giegu!» 34Muɔ́n wa mɔndɔ uwesieg uwanyánan, uwabíhuán, unuɔya áneé: «Ndénu ɔlɔtlɔ́t ugányɛ, gihuɔ́gíba igigányɛ, ogúl beduísilampɔ́, na belíbilɔga.» 35Gɔgaá bandɔ bem abádáabanaá nugedie nuá Uhaluá báguádáaban áneé núáguala beseé.
Yésuse na eŋelíbilɔga wa ugándɔ
36Maná bafalisiɛ́ŋ uwɔdɔ́ŋɛ́ɛn Yésuse gá gunyá, Yésuse uwebíŋín uguá giansɛ giá maná bafalisiɛ́ŋ, uwedugumin agá nubáŋ gá nyánan. 37Ugándɔ omodi umabá eŋelíbilɔga agá tísɔna ugányɛ uwonoól, gá giagiá umalinsan áneé Yésuse unyɛ agá nihiá niá maná bafalisiɛ́ŋ, uwonoól na gidódé giá megúd má óhind ɔmɔɔ́ bɔ́dɔ́ŋɔnaá áneé albátlɛ. 38Uwedélíminin yɔ́ uguélém, uwɛɛ́d gá baŋa agá dugɔ́nd duá Yésuse, usuga duɔ́ na mosínye még, uhóne duɔ́ na ŋŋíde siég, ubílága duɔ́, usugunen megúd má óhind guɔ́.
39Guán uguɔ́ mɔndɔ úmɔɔ́dɔ́ŋɛ́ɛn Yésuse gá gunyá úmaán anagányɛ, uwɔyɛd áneé: «Mɔndɔ uyɔ, udibá mbuísi, wámabá mbuísi wálɛns bugándɔ ubúbígɔ́dɔnaá yɔ́ ubúnó, wond ulɛns áneé unyɛ eŋelíbilɔga.» 40Yésuse uwondinye yɔ́ áneé: «Símune, ŋŋódi buónyi buá guɔyidɛn.» Símune uwondinye áneé: «Gálgál Ɔgúná yɔɔ́bídɔ́lígɔnɔn.» 41Mɔndɔ omodi umabianán bandɔ súsɔ́n báandɛ abámabianɛ́n yɔ́ ŋŋúme, omodi umabianɛ́n yɔ́ edín átánɔ ya ŋŋúme, omodi, edín áhandɛ na yáad. 42Haná bámasábia ŋŋúme ya guondinye yɔ́, uwanihinɛn bɔ́ bámuanyɛ gidigid ŋŋúme igányɛ. Uguá bandɔ abagányɛ bem báandɛ, ulúm uwɔnɔ́bína yɔ́ beseé gudɔ́mb? 43Símune uwondinye yɔ́ áneé: «Yaábídága áneé ugódinyeé yɔ́ giod giá ŋŋúme.» Yésuse uwondinye yɔ́ áneé: «Amásɔ́mb beseé.»
44Uwebíségélidinye ugándɔ, úmuanyɛ gá Símune áneé: «Aábíyigan ugándɔ uyɔ a? Nsebíŋín uguáhɔ uguá giansɛ, amásánsɔg dugɔ́nd, gɔgaá, úmuanyɛ umándánsuga dugɔ́nd na mosínye még, umpóne na ŋŋíde siég 45Nsoól agá ɔmɔ́sɔ́ŋɔ́l ŋŋuind, úmuanyɛ gɔg, usówólon agá, udiɔ́dɔgɔn gumbíbága dugɔ́nd.» 46Esesémpúé megúd má ohind uguá ɔduá, úmuanyɛ, umóŋodin megúd má ohind uguá dugɔ́nd. 47Ɛɛ́ɛ yɔ́guɔyɔn áneé bámáníhínɛ́n yɔ́ giod giég giá bigua, gá giagiá umédíyé giod giég giá gigɔ́nɛ́n. Gɔgaá, uyɔɔ́ básánihinɛn bugédégedi, weédíyenye maná ginɔ́nɛ́n. 48Uwɔyidɛn Ugándɔ áneé: «Bámánihínɛ́n bilɔga biáhɔ.»
49Bandɔ abámanyánán neéneg abɛ́d gá guoŋuinyoŋuinyi, bɔ́ya áneé: «Kasɛ́ bumɔndɔ ubuɔ, ubúyibinaninaá súsɔ́n ta bilɔga?» 50Yésuse uwɔnduguɔ́hígɛn áneé: «Idá, guágɔdɛ́m guáhɔ gúmédúgún, idá uguá bumbénu.»
ទើបបានជ្រើសរើសហើយ៖
Lúkas 7: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkas 7
7
Guágɔdɛ́m guá ɔgɔ́n wa nsénsi
(Mat 8.5-13; Sáŋ 4.45-54)
1Yésuse umaámáman guɔyɔn bandɔ anagányɛ, uwɛɛ́d Kafalnawúm. 2Ɔgɔ́n wa nsénsi edín átánɔ, umabianán giɔ́lɛ giég igiɛ́ úmabá wɔya giod gínúma, gíɔ́ŋka na nigué. 3Umɔɔ́mɔ́b nigúmi niá Yésuse, uwadúmɛ́n yɔ́ bɔgɔ́ga bá bayúdɛn áneé bónobísógólidie yɔ́ gá gueleé woól wosisódie giɔ́lɛ giég. 4Bémeémésieg mɔdɔg na Yésuse, abɛ́d gá gánganɛn yɔ́ giod, bɔ́yɔn yɔ́ áneé: «Waánigimanan áneé aádáabɛn yɔ́ buand ubuɔ́ úguɔŋɔnaá, 5gá giagiá wɔɔ́guɔya gidɔŋ giásɔ, úmaádíhágɛn gigúl.» 6Yésuse umanda ɔlɔŋ nɔɔ́nɔb. Bámaágányɛ mɔdɔg na nihiá, ɔgɔ́n wa nsénsi edín átánɔ uwadɔ́m begúl bég áneé bɔ́nɔyídɛ́n yɔ́ áneé: «Ɔgúná, ɔdigɔ́l meyú má guólésieg agá, gá giagiá ndiábianan bugaga buá gueleé ebíŋín uguámɛ guá giansɛ. 7Buand buáguɔ́ nsɔ́ndigɔ́l súsɔ́n gidɔga giá gueleé yaŋuá mbánan yoól agáhɔ, gɔgaá gálɛ́ɛd nugálɔ pɛ́ŋ númomi edúmébi wamɛ wɔɔ́ndɔ́ɔg. 8Anagányɛ yaŋuá súsɔ́n nnya ya guɔ́bɔnɛn bagɔ́n bámɛ, yéegimbe súsɔ́n nsénsi isínya uguámɛ guá ihiligine, mmɔ́mɔ́yidɛn omodi áneé: Ídá, wɛɛ́d, yɔsiɔyídɛ́n unó áneé “Ógún”, woól ta giɔ́lɛ giámɛ yɔyidɛn giɛ́ áneé: “Ál ubuɔ”, gíal.» 9Yésuse umɔɔ́mɔ́b dugálɔ udugányɛ, uwayíka mɔndɔ ugányɛ hómohómue, uwabígagalɛd giíŋ igímebinen yɔ́ úmuanyɛ gá giɛ́ áneé: «Mmanyɛ ndián bilɔŋ biá guágɔdɛ́m ibiɛ ta uguá Íslayɛ́l mbánan.» 10Bandɔ ɔbɔɔ́ úmadɔ́m bómoómósiond agá nihiá, ebégégie giɔ́lɛ gísɔmɔnuguɔ́ndɔ́ɔg.
Guhuɛnyɛ guá gilɔ́ŋ giá muúŋayɔ ginɔ́g
11Egélém agányɛ, Yésuse uwɛɛ́d agá tísɔna omódi uyɔɔ́ bɔ́dɔ́ŋɔnaá áneé Nayín na bebinene bég ɔlɔŋ na giíŋ. 12Umeéméneg agá mbíŋínín ya tísɔna, uwaádán na bandɔ bídan na gilɔ́ŋ gá nyo. Búmabá idéŋ hiá muɔ́n hiá gisí giá ugándɔ, giod giá bandɔ giá tísɔna ugányɛ gímabá gá ginyo. 13Yésuse umaámán gilɔ́ŋ, bulɔ́b ubúégimbin yɔ́ gá busió buá ugándɔ ugányɛ, uwɔyidɛn yɔ́ áneé: «Ádiandábaŋa!» 14Uwakɛl, uwɔbígɔ́dɛn gisímb, bandɔ abámabídúgɛn gisímb ebédélímin, uwɔyɛd áneé: «Gidɛnd giá mɔndɔ, mmɔ́guɔyídɛ́n, hunyɛ́g!» 15Gilɔ́ŋ giá mɔndɔ igíádigɛn igíónd igíédugumin igíɛ́d gá gálgal, Yésuse uwasúgídɛn yɔ́ gá noódíe. 16Bugádɔ ubúégimbin bandɔ gidigid abámabá hɔ́, abɛ́d gá gúmenye Uhaluá, bɔ́ya áneé: «Giandá giá ebunebúné gíáhám uguásɔ, gúu Uhaluá wɔ́yɔ́l buán buég.» 17Nigúmi niá Yésuse iníésegidinye uguá gibéyi giá guísi giá Yudé gidigid na hɔɔ́m gidigid.
Sáŋa eyumínyi umádúmɛ́ɛn Yésuse bandɔ
18Bebinene bá Sáŋa ɔbɔ́yɔn yɔ́ muand gidigid umuɔ́ Yésuse úmalá, Sáŋa uwɔdɔ́ŋɛ́ɛn bebinene bég báandɛ, 19uwadɔ́m bɔ́ agá Ɔgúná gá guóhún yɔ́ áneé: «Aŋuá anyaá uyɔɔ́ dígíganaá lí, dimanyɛ gá gígan waáguɔ́?» 20Bandɔ bémeéménegín Yésuse, ɔbɔ́yidɛn yɔ́ áneé: «Sáŋa Eyumínyi umádídɔ́m agáhɔ áneé diguóhún mmába: Aŋuá ányá uyɔɔ́ dígíganaá, ugúnya ana dimanyɛ gá gígan waáguɔ́ a?» 21Uguá ginɛŋ giaguɔ́ igigányɛ, Yésuse uwoóndúgie giod giá banúmanuma, bióŋi na abámabianán bilɔg biá bileénde, giod giá beheguhégu igíɛ́d gá guánan. 22Uwondinye gɔg bandɔ bá Sáŋa áneé: «Ánaá núond nuɔnɔyídɛ́n Sáŋa buand ubuɔ́ númán numond numɔ́b: Beheguhégu báguánan, bióŋi bíanda gindényé, beŋúnuŋún bɔ́ndúgɔn, bedúdú bɔ́bɔn, bilɔ́ŋ bíhunyigan, basúgasuga bɔ́bɔn Ginɔ́g giá Nsɔ́m. 23Gúu, mɔndɔ uwɔnɔ́ŋɔ́bína wanábánɔ́ beseé.» 24Bebinene bá Sáŋa bómoómond, Yésuse uwɛɛ́d gá gálgal na biíŋ gá busió buá Sáŋa, uwoóhón bɔ́ áneé: «Giagɛ igiɛ́ númiídan gá yímína agá uhambɛ? Nubal unuɔ́ gihínyi gídɔ́lɔnɔ́ a? 25Ahá! Giagɛ gɔg igiɛ́ númiídan gá bíyigan? Mɔndɔ bíláŋábíláŋá na binɔ́g biá bisɔn a? Mbuen bandɔ abánya na binɔ́g biá bisɔn bɔ́sɔ́dɔn beseé bónd bágíga uguá biansɛ biá ifuŋ. 26Giagɛ gɔg númiídan gá bíyígan? Ebunebúné a? Ɛɛ́ɛ! Waádúmban ebunebúné, yaŋuá yɔɔ́núɔyɔn buɔ́. 27Búnyɛ gég búnya ubúɔ́ŋɔ́n áneé: Ndé mmádɔ́m oŋoyinsɔ́m wamɛ uguáhɔ guá busió, gá guaŋanan ŋŋil yahɔ uguáhɔ guá busió. 28Yɔɔ́núɔyɔn buɔ́ áneé, uguá bandɔ gidigid ebémebíbíéne uguá nimuɛnd niá ugándɔ, ta omoómi udibá hɔ́ giyáŋáŋá gudɔ́mb Sáŋa, gúu gɔg maná mɔndɔ wa bugídígíd unyaá uguá Niguili niá Uhaluá únya giyáŋáŋá gudɔ́m Sáŋa.»
Bugíndígínyé ubuɔ́ bámagíndígɛn Sáŋa Eyumínyi na Yésuse
(Mat 11.16-19)
29Bandɔ gidigid ɔbɔ́mɔbídɔ́lígɔ́n Sáŋa, ta beduísilampɔ́ abálɛns gindényé giá Uhaluá, na bíyumenye giyuminye giá Sáŋa.
30Na bafalisiɛ́ŋ gɔg na bóoŋi ebéen guɔyɛd guá Uhaluá uguɔ́ úmɔyɛ́d gɔ́b gá busió, obónd ebéen giyuminye giá Sáŋa. 31Yésuse uwobíóhón áneé: Na giagɛ nnya wa gedie bandɔ bá hínen? Bányɛ mpónyé na giagɛ? 32Bányɛ mpónyé na biayɔ ibínya dugumine agá giɔ́mb, bɔ́dɔ́ŋɔnɛn hɔ́: bɔ́ya áneé: «Díɔ́núdɔ́ŋɔn núlimbía unuen gubíne, idiaŋkɔn masiana unuen gubaŋa.»
33Nɔ́ búnya. Sáŋa Eyumínyibandɔ umoól, umasányánan bilɛ́d, ta gubíhuán magɛ́b, nuɔya áneé: «Unyɛ giegu!» 34Muɔ́n wa mɔndɔ uwesieg uwanyánan, uwabíhuán, unuɔya áneé: «Ndénu ɔlɔtlɔ́t ugányɛ, gihuɔ́gíba igigányɛ, ogúl beduísilampɔ́, na belíbilɔga.» 35Gɔgaá bandɔ bem abádáabanaá nugedie nuá Uhaluá báguádáaban áneé núáguala beseé.
Yésuse na eŋelíbilɔga wa ugándɔ
36Maná bafalisiɛ́ŋ uwɔdɔ́ŋɛ́ɛn Yésuse gá gunyá, Yésuse uwebíŋín uguá giansɛ giá maná bafalisiɛ́ŋ, uwedugumin agá nubáŋ gá nyánan. 37Ugándɔ omodi umabá eŋelíbilɔga agá tísɔna ugányɛ uwonoól, gá giagiá umalinsan áneé Yésuse unyɛ agá nihiá niá maná bafalisiɛ́ŋ, uwonoól na gidódé giá megúd má óhind ɔmɔɔ́ bɔ́dɔ́ŋɔnaá áneé albátlɛ. 38Uwedélíminin yɔ́ uguélém, uwɛɛ́d gá baŋa agá dugɔ́nd duá Yésuse, usuga duɔ́ na mosínye még, uhóne duɔ́ na ŋŋíde siég, ubílága duɔ́, usugunen megúd má óhind guɔ́.
39Guán uguɔ́ mɔndɔ úmɔɔ́dɔ́ŋɛ́ɛn Yésuse gá gunyá úmaán anagányɛ, uwɔyɛd áneé: «Mɔndɔ uyɔ, udibá mbuísi, wámabá mbuísi wálɛns bugándɔ ubúbígɔ́dɔnaá yɔ́ ubúnó, wond ulɛns áneé unyɛ eŋelíbilɔga.» 40Yésuse uwondinye yɔ́ áneé: «Símune, ŋŋódi buónyi buá guɔyidɛn.» Símune uwondinye áneé: «Gálgál Ɔgúná yɔɔ́bídɔ́lígɔnɔn.» 41Mɔndɔ omodi umabianán bandɔ súsɔ́n báandɛ abámabianɛ́n yɔ́ ŋŋúme, omodi umabianɛ́n yɔ́ edín átánɔ ya ŋŋúme, omodi, edín áhandɛ na yáad. 42Haná bámasábia ŋŋúme ya guondinye yɔ́, uwanihinɛn bɔ́ bámuanyɛ gidigid ŋŋúme igányɛ. Uguá bandɔ abagányɛ bem báandɛ, ulúm uwɔnɔ́bína yɔ́ beseé gudɔ́mb? 43Símune uwondinye yɔ́ áneé: «Yaábídága áneé ugódinyeé yɔ́ giod giá ŋŋúme.» Yésuse uwondinye yɔ́ áneé: «Amásɔ́mb beseé.»
44Uwebíségélidinye ugándɔ, úmuanyɛ gá Símune áneé: «Aábíyigan ugándɔ uyɔ a? Nsebíŋín uguáhɔ uguá giansɛ, amásánsɔg dugɔ́nd, gɔgaá, úmuanyɛ umándánsuga dugɔ́nd na mosínye még, umpóne na ŋŋíde siég 45Nsoól agá ɔmɔ́sɔ́ŋɔ́l ŋŋuind, úmuanyɛ gɔg, usówólon agá, udiɔ́dɔgɔn gumbíbága dugɔ́nd.» 46Esesémpúé megúd má ohind uguá ɔduá, úmuanyɛ, umóŋodin megúd má ohind uguá dugɔ́nd. 47Ɛɛ́ɛ yɔ́guɔyɔn áneé bámáníhínɛ́n yɔ́ giod giég giá bigua, gá giagiá umédíyé giod giég giá gigɔ́nɛ́n. Gɔgaá, uyɔɔ́ básánihinɛn bugédégedi, weédíyenye maná ginɔ́nɛ́n. 48Uwɔyidɛn Ugándɔ áneé: «Bámánihínɛ́n bilɔga biáhɔ.»
49Bandɔ abámanyánán neéneg abɛ́d gá guoŋuinyoŋuinyi, bɔ́ya áneé: «Kasɛ́ bumɔndɔ ubuɔ, ubúyibinaninaá súsɔ́n ta bilɔga?» 50Yésuse uwɔnduguɔ́hígɛn áneé: «Idá, guágɔdɛ́m guáhɔ gúmédúgún, idá uguá bumbénu.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល