Lúkas 9
9
Buóli buá bá báad na báandɛ
(Mat 10.1-9, 11-14; Mál 6.7-13)
1Yésuse uwɔdɔ́ŋɛ́ɛn báad na báandɛ, gá guéŋin bɔ́ buŋaŋa na bugaga buá hiligenin bilɔg biá bileénde gidigid na guóndúgonye manúma. 2Uwadɔ́m bɔ́ gá sesenye Ginɔ́g giá Nsɔ́m giá Niguili niá Uhaluá na guóndúgonye, 3gúu úmɔyídɛ́n bɔ́ áneé: «Nudiyugɛ́n buand, ta nudímbe, ta gunyá, ta ŋŋúme, ta bisɔn bíandɛ mɔndɔ udigɔ́l.» 4Uguá giansɛ igiɛ́ núsébue gubíŋín, nudugumin hɔ́ gueneg hana nuánádúmbanɔ́. 5Bámábádinúgíndígɛn, nuyíŋkidin dugɔ́nd duánɔ gá gueleé odúudu huá tísɔna ugányɛ húdinúládímɛ́n búánábá gidóginye gɔ́b gá busió. 6Abádigɛn, gá guídan uguá bidɔŋ, bábá gá igiɛ, bádɔ́mb gá igigányɛ, bɔ́ya Ginɔ́g giá Nsɔ́m giá Niguili niá Uhaluá, bóndúgonye bandɔ bá manúma.
Helód gá busió buá nigúmi niá Yésuse
(Mat 14.1-2; Mál 6.14-16)
7Uguá ginɛŋ giáguɔ́, Ofuŋ uhugɔ́n Helód uhúɔ́b buand gidigid ubúmabídúmban, húmasándalɛns buand buá guɔyɛd. Gá giagiá bandɔ bómodi bámabá bɔ́ya áneé Sáŋa Eyumínyi úwaáhám uguá bunyɛ nnyɔlɛ 8Bódodi bɔ́siɔya áneé, búnyɛ Elí úwoósiond, ebené bɔ́nɔya áneé búnyɛ ebunebúné wa bá nsuá úwaáhám uguá gibɛ́l. 9Helód uwɔyɛd áneé: «Sáŋa, yaŋuá mbánan mmoódóŋínyé bugaga buá sɔ́mb yɔ́ ɔduá. Ányá gɔg uyɔɔ́ yɔ́bɔnaá bɔ́ya moónyi ɔmɔ gég?» Gúu úmébúl gɔg guamba áneé waán Yésuse.
Yésuse woóguoye giíŋ
(Mat 14.13-21; Mál 6.30-44)
10Bedúmébi bómoómósiond, ɔbɔ́yɔn Yésuse buand gidigid ubuɔ́ bámalá. Uwɔbígɔ́gɛ́ɛd nɔɔ́nɔb agá tísɔna wa Bɛtsayída. 11Giíŋ gímɔɔ́mɔ́b, igíébinidin yɔ́. Yésuse uwagíndígɛn giɛ́, uwɔyɔn bɔ́ masɔ́m má Niguili niá Uhaluá, woóndúgonye abámanúmá.
12Ginɛŋ igíébul guliden. Bá báad na báandɛ abákilɛn yɔ́ ɔbɔ́yidɛn yɔ́ áneé: «Gúgié bandɔ ɔbɔ bánabídímɛn uguɔ́b guá bidɔŋ naá uguá bilál ibínya uguá máaŋíla uguɔ bónd bámba buand buá nyá, gá giagiá dinyɛ agá uhambɛ.» 13Uwɔyidɛn bɔ́ gɔg áneé: «Banuá mbánan éŋínénu bɔ́ gunyá.» Ɔbɔ́yɛd gɔg áneé: «Digódi aga pɛ́ŋ bilɛ́d bítánɔ na muɔb múand, esíe áneé diɛ́d basuá mbánan gá guɔ́nd gunyá guá guoye buán ubuɔ.» 14Gá giagiá bandɔ bámabá bábá buand buá duɔns dútánɔ. Yésuse uwɔyidɛn bɔ́ gɔg áneé: «Dúgúményénénu bɔ́ uguá bimbi biá bandɔ edín áhandɛ na báad.» 15Abál hana úmɔyɛd, ebédugumenye bɔ́ wɔ́s. 16Yésuse uwɔgɔ́l bilɛ́d bim bítánɔ na muɔb mum múandɛ uwabíbúlímɛn, uwasayɛ muɔ́, uwabáyɛ, uweéŋin bebinene bég gá guaban giíŋ. 17Abányanan abábíhálan, bibéyi ibímesíen abábáda ibíóhón mudɛd múad na múandɛ.
Piéle umálɛns áneé Yésuse unyɛ Bémeyíde
(Mat 16.13-21; Mál 8.27-31)
18Yésuse uwɔbígɔ́gɛ́ɛd buéŋenyi gá bísógólonye, bebinene bég abákilɛn yɔ́, uwoóhún bɔ́ áneé: «Bandɔ bɔ́guɔya uguɔ́g áneé nnyɛ ányá?» 19Obóndinye áneé: «Bómodi bɔ́guɔya áneé anyɛ Sáŋa Eyumínyibandɔ, bódodi bɔ́ya áneé Elí, ebéné bɔ́nɔya áneé anyɛ ebunebúné wa bá nsuá úwaáhám uguá gibɛ́l.»
20Úmuanyɛ gɔ́b áneé: «Gúu banuá núɔyɔnɔ́ gɔg áneé nnyɛ ányá?» Piéle uwɔgɔ́l nugálɔ úmuanyɛ áneé: «Anyɛ Bémeyíde wa Uhaluá.» 21Yésuse uwegíndídin bɔ́ gɔg na ihiligine áneé bɔ́diɔyídɛ́n mɔndɔ áneé unyɛ Bémeyíde. 22Egélém agányɛ, uwɔɔ́hígɛn áneé: «Búáguamba áneé Muɔ́n wa mɔndɔ wɔɔ́bɛ́ɛg giod, bɔgɔ́ga na bɔgúná bá bedúmbinusámb bá Uhaluá na boóŋi bómb yɔ́, bɔ́n yɔ́ bónyo, egélém gá mɔɔ́sɛ mádádɔ, uhám uguá gibɛ́l.»
Gubinidin guá Yésuse
(Mat 16.24-28; Mál 8.34-38)
23Egélém agányɛ uwɔyidɛn bɔ́ bem wɔb áneé: «Mmába mɔndɔ waáguamba gumbinidin, ánaá úbíyɛb, usamban nuag nuég buɔ́sɛ gidigid gá mbinen. 24Muɛ́d, mɔndɔ uwanbanɔ́ guhánda nusɔ́da nuég wenénímie nuɔ́, gɔgaá, mɔndɔ uwenénímienú nusɔ́da nuég gámɛ gá busió, wanáháŋ nuɔ́. 25Kasɛ́ bubeseé ubuɔ́ mɔndɔ únya wa bia, bunɛ́m buá guísi gidigid úmenímie bɔndɔ buég? 26Gá giagiá mɔndɔ úmɔ́bɔn ɔduá gunɔ́h naánamɛ ugúnya ana na nugálɔ nuámɛ, Muɔ́n wa mɔndɔ wɔnɔ́b ɔduá gunɔ́h neéneg uguá ginɛŋ igiɛ́ wánɛ́d onoól uguég guá nigúmi, naá niá Síe, naá niá bidányɛdányɛ biá bilúna. 27Hómohómue mbánan yɔɔ́núɔyɔn buɔ́ áneé uguá bandɔ abánya aga, bómodi bányɛ hɔ́ ebédienéguénú kandabá áneé bámán Niguili niá Uhaluá.»
Nigúmi niá Muɔ́n wa mɔndɔ
(Mat 17.1-8; Mál 9.2-8)
28Egélém gá mɔɔ́sɛ mánímanyɛ má dugálɔ udugányɛ gɔg, Yésuse uwɔdɔ́ŋɛ́ɛn Piéle na Sák, abámágád uguá ɔŋuɛnyɛ gá bísógólonye. 29Umoógóbísógólónyeé, busió buég ubúénúgie, bisɔn biég ibíósiond budányɛ fuúm, bubudányɛ ubuɔ́ bádiábá bégedie na budányɛ búmodi. 30Hɔ́nɔhɔ́, bandɔ báandɛ agányɛ bɔ́ya mayɔ neéneg, búmabá Mɔ́sɛsa neéneg na Elí, 31bámahámínɛn uguá nigúmi bɔ́ya uŋand huég hana húgabánɔ́ gá guɛ́d Yelusalɛ́m. 32Piéle na bɔ́gɔ́b bɔ́lɔ́ŋa dunɔ́, bámaámáhunyɛg abán nigúmi niá Yésuse na bandɔ báandɛ abámabá gindényé neéneg. 33Uguá gínɛŋ igiɛ́ bandɔ abagányɛ bámadándúgan na Yésuse, Piéle uwɔyidɛn yɔ́ áneé: «Ehuínyihuínyi, búnyɛ beseé áneé digíga aga, dihág bilál bídádɔ, giáhɔ gímomi, giá Mɔ́sɛsa gímomi, giá Elí gímomi.» Piéle umasálinsan buand ubuɔ́ úmɔyá. 34Umaágágálgal anagányɛ, gilɔnd igíésihúgígen bɔ́. Bugádɔ ubúégimbin bɔ́ uguá ginɛŋ igiɛ́ gílɔnd gímehúgígen bɔ́. 35Ɔbɔ́b ugelu súsɔ́n húónoólónín uguá gilɔnd húɔya áneé: «Uyɔ unyɛ Muɔ́n wámɛ uyɔɔ́ yéyíd, ɔ́bɔ́nínɔ́n yɔ́.» 36Uguá ginɛŋ igiɛ́ ugelu húmagálgal, Yésuse amasɛ́d úmuanyɛ omoómi. Bebinene ebébug niíd ta guɔyidɛn mɔndɔ buand ubuɔ́ bámán uguá mɔɔ́sɛ amagányɛ.
Gióndúgie giá muúŋayɔ umaábianán gilɔg giá gileénde
(Mat 17.14-18; Mál 9.14-27)
37Bémeémédúnúg ɔŋuɛnyɛ, buɔ́sɛ ubúmɔdɔ́bígɔn gɔg, giandá giá giíŋ igíól gá guán Yésuse. 38Uguá giíŋ uguɔ́g, mɔndɔ uwadádɛ́d guɔ́ áneé: «Ehuínyihuínyi, mmóbísógólidie, bíyɛ́g manámɛ ugányɛ, gá giagiá unyɛ ímosíe hiámɛ hiá muɔ́n. 39Búóguól buála yɔ́, ginɛŋ gímodi, gileénde gígimbin yɔ́, uhéhenye, ugɔ́nd ubúsen, gíánanihɛ́n yɔ́ dɔgɔdɔga, gísío gímándágula yɔ́. 40Mmóndóbísógólonye bebinene báhɔ áneé bágúŋɛ́ɛd giɛ́, gímágáŋ bɔ́.» 41Yésuse uwɔgɔ́l nugálɔ, úmuanyɛ áneé: «Gilɔg giá nunam igiɛ, igídiagan ɔdɛ́m, ŋŋagíga naánanɔ gueneg hanyɛ? Yɔnɔ́bígɔn naánanɔ gueneg hanyɛ? Ógún na muɔ́n wahɔ aga.» 42Muúŋayɔ umeégésiegén agaá Yésuse úmabá, gilɔg giá gileénde igíádiá yɔ́, igíéyiŋken yɔ́ na bugaga, uwagɔ́nd. Gɔgaá, Yésuse uwaánsídɛn gilɔg giá gileénde, uwoóndúgie muúŋayɔ, uweéŋin yɔ́ gá síe. 43Bandɔ gidigid abámabá hɔ́, abálɛ́ɛg niíd na buyáŋáŋá buá Uhaluá.
Gudógínye guá gáandɛ guá giɔ́bíga giá Yésuse
(Mat 17.22-23; Mál 9.30-32)
Haná sig mɔndɔ úmabá uyíka melélíe má Yésuse, uwɔyidɛn bebinene bég áneé: 44«Bídɔ́lígɔ́nɔ́nɔ́n beseé na beseé buand ubuɔ́ ŋŋɔɔ́núɔyidinaá: Bágasílɛ́ɛg Muɔ́n wa mɔndɔ uguá imbɔ́g siá bandɔ.» 45Gɔgaá, bɔ́mɔsúgúɔ́bɔn nugálɔ unugányɛ, númabá uguá ninamba gá gueleé bɔ́diɔ́b onsib huá nuɔ́, ɔbɔ́bɔn bugádɔ gá guóhún yɔ́ huɔ́.
Ányá unyaá ɔgúnɔ́gɔ́n?
(Mat 18.1-5; Mál 9.33-37; Lúk 22.24; Mat 10.40; Lúk 10.16; Sáŋ 13.20)
46Bebinene abágɔns guségenye gá lɛns mɔndɔ unyaá ɔgúnɔ́gɔ́n uguɔ́b guá ɔlɔŋ. 47Haná Yésuse úmalinsan buŋóhúnín ubuɔ́ bómobíóhon, uwɔgɔ́l muúŋayɔ, uwedélíminye yɔ́ egég gá buáyɛ, 48úmuanyɛ gɔ́b gɔg áneé: «Mɔndɔ unyaá wa gíndígɛn muúŋayɔ uyɔ uguámɛ guá ɔhɛ́n, tábɔ́ áneé umáŋíndígɛn yaŋuá mbánan, súsɔ́n mɔndɔ usáŋíndígɛn, umágíndígɛn umaándɔ́m, gá giagiá unyaá bugídígíd uguánɔ guá ɔ́lɔŋ, únyaá giandá nsesi.»
Udiénúnúsényé unyɛ uguánɔ guélém
49Sáŋa uwɔgɔ́l nugálɔ, úmuanyɛ áneé: «Ehuínyihuínyi, dimaán mɔndɔ egéné ugúŋa bilɔg biá bileénde uguáhɔ guá ɔhɛ́n, gúu dímábá áneé dienye yɔ́, gá giagiá udibá uguásɔ guá ɔlɔŋ.» 50Gɔgaá, Yésuse uwondinye yɔ́ áneé: «Nudienyé yɔ́ gá giagiá mɔndɔ udiénúnúsényé unyɛ uguánɔ guélém.»
Guɛ́d guá Yésuse Yelusalɛ́m, gidɔŋ giá Samalí gímodi gíméen gugíndígɛn yɔ́
51Hana ginɛŋ giá guólie Yésuse eguísi aga gímásɛɛ́d mɔdɔg, uwaádáab guɛ́d Yelusalɛ́m. 52Uwadɔ́m basɔ́msɔm uguá busió. Bámaágányɛ uguá ŋŋil, abásán uguá gidɔŋ gímodi giá Samalí gá guaŋanan guól guég. 53Gidɔŋ igigányɛ gímaságíndígɛn yɔ́ gɔg gá giagiá umiídán Yelusalɛ́m. 54Bámaámáan anagányɛ, bebinene bég, Sák na Sáŋa ɔbɔ́yɛd áneé: «Ɔgúná, aáguádáaban áneé díɔyɛd áneé yoógi híónoólín ugumɔn híbegesie bɔ́ wɔ́s a?» 55Uwabígagalɛd, uwaánsídɛn bɔ́. 56Abɛ́d uguá gidɔŋ gídodi.
Guyɛb buand gidigid gá binidin Yésuse
(Mat 8.19-22)
57Bámaábánda, uguá ŋŋil mɔndɔ omódi uwɔyidɛn Yésuse áneé: «Ŋŋebinen hɔɔ́m gidigid ɔhɔɔ́ ágídanaá.» 58Yésuse uwondinye yɔ́ áneé: «Mpága sígódi bihɔ́, munonyi muá gumɔn, múgódi bigad, Muɔ́n wa mɔndɔ úmuanyɛ udigódi ta hɔɔ́m hɔ́ dɔ́bíginɛn ɔduá.»
59Uwɔyidɛn sɔ́gá omódi áneé: «Aŋuá, mbinídín.» Sɔ́gá ugányɛ uwondinye yɔ́ áneé: «Aágagumpuá bugaga buá guɛ́d guononyoó síe wamɛ.» 60Yésuse uwondinye yɔ́ áneé: «Nihɛ́n bilɔ́ŋ bínyonon bilɔ́ŋ biɔ́b, aŋuá gɔg idá gá sesenye Ginɔ́g giá Nsɔ́m giá Niguili niá Uhaluá.»
61Mɔndɔ omódi uwɔyidɛn yɔ́ súsɔ́n áneé: «Ŋŋébinidin Ɔgúná, gɔgaá, aágunihɛn yenédébíe bandɔ bámɛ.» 62Yésuse uwondinye yɔ́ áneé: «Mɔndɔ usémenegimbin isɔ́l hiá búlúke gá yɔga, wond gá bíyigan uguélém, bámaságuáŋan yɔ́ gá busió buá Níguli niá gumɔn.»
ទើបបានជ្រើសរើសហើយ៖
Lúkas 9: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkas 9
9
Buóli buá bá báad na báandɛ
(Mat 10.1-9, 11-14; Mál 6.7-13)
1Yésuse uwɔdɔ́ŋɛ́ɛn báad na báandɛ, gá guéŋin bɔ́ buŋaŋa na bugaga buá hiligenin bilɔg biá bileénde gidigid na guóndúgonye manúma. 2Uwadɔ́m bɔ́ gá sesenye Ginɔ́g giá Nsɔ́m giá Niguili niá Uhaluá na guóndúgonye, 3gúu úmɔyídɛ́n bɔ́ áneé: «Nudiyugɛ́n buand, ta nudímbe, ta gunyá, ta ŋŋúme, ta bisɔn bíandɛ mɔndɔ udigɔ́l.» 4Uguá giansɛ igiɛ́ núsébue gubíŋín, nudugumin hɔ́ gueneg hana nuánádúmbanɔ́. 5Bámábádinúgíndígɛn, nuyíŋkidin dugɔ́nd duánɔ gá gueleé odúudu huá tísɔna ugányɛ húdinúládímɛ́n búánábá gidóginye gɔ́b gá busió. 6Abádigɛn, gá guídan uguá bidɔŋ, bábá gá igiɛ, bádɔ́mb gá igigányɛ, bɔ́ya Ginɔ́g giá Nsɔ́m giá Niguili niá Uhaluá, bóndúgonye bandɔ bá manúma.
Helód gá busió buá nigúmi niá Yésuse
(Mat 14.1-2; Mál 6.14-16)
7Uguá ginɛŋ giáguɔ́, Ofuŋ uhugɔ́n Helód uhúɔ́b buand gidigid ubúmabídúmban, húmasándalɛns buand buá guɔyɛd. Gá giagiá bandɔ bómodi bámabá bɔ́ya áneé Sáŋa Eyumínyi úwaáhám uguá bunyɛ nnyɔlɛ 8Bódodi bɔ́siɔya áneé, búnyɛ Elí úwoósiond, ebené bɔ́nɔya áneé búnyɛ ebunebúné wa bá nsuá úwaáhám uguá gibɛ́l. 9Helód uwɔyɛd áneé: «Sáŋa, yaŋuá mbánan mmoódóŋínyé bugaga buá sɔ́mb yɔ́ ɔduá. Ányá gɔg uyɔɔ́ yɔ́bɔnaá bɔ́ya moónyi ɔmɔ gég?» Gúu úmébúl gɔg guamba áneé waán Yésuse.
Yésuse woóguoye giíŋ
(Mat 14.13-21; Mál 6.30-44)
10Bedúmébi bómoómósiond, ɔbɔ́yɔn Yésuse buand gidigid ubuɔ́ bámalá. Uwɔbígɔ́gɛ́ɛd nɔɔ́nɔb agá tísɔna wa Bɛtsayída. 11Giíŋ gímɔɔ́mɔ́b, igíébinidin yɔ́. Yésuse uwagíndígɛn giɛ́, uwɔyɔn bɔ́ masɔ́m má Niguili niá Uhaluá, woóndúgonye abámanúmá.
12Ginɛŋ igíébul guliden. Bá báad na báandɛ abákilɛn yɔ́ ɔbɔ́yidɛn yɔ́ áneé: «Gúgié bandɔ ɔbɔ bánabídímɛn uguɔ́b guá bidɔŋ naá uguá bilál ibínya uguá máaŋíla uguɔ bónd bámba buand buá nyá, gá giagiá dinyɛ agá uhambɛ.» 13Uwɔyidɛn bɔ́ gɔg áneé: «Banuá mbánan éŋínénu bɔ́ gunyá.» Ɔbɔ́yɛd gɔg áneé: «Digódi aga pɛ́ŋ bilɛ́d bítánɔ na muɔb múand, esíe áneé diɛ́d basuá mbánan gá guɔ́nd gunyá guá guoye buán ubuɔ.» 14Gá giagiá bandɔ bámabá bábá buand buá duɔns dútánɔ. Yésuse uwɔyidɛn bɔ́ gɔg áneé: «Dúgúményénénu bɔ́ uguá bimbi biá bandɔ edín áhandɛ na báad.» 15Abál hana úmɔyɛd, ebédugumenye bɔ́ wɔ́s. 16Yésuse uwɔgɔ́l bilɛ́d bim bítánɔ na muɔb mum múandɛ uwabíbúlímɛn, uwasayɛ muɔ́, uwabáyɛ, uweéŋin bebinene bég gá guaban giíŋ. 17Abányanan abábíhálan, bibéyi ibímesíen abábáda ibíóhón mudɛd múad na múandɛ.
Piéle umálɛns áneé Yésuse unyɛ Bémeyíde
(Mat 16.13-21; Mál 8.27-31)
18Yésuse uwɔbígɔ́gɛ́ɛd buéŋenyi gá bísógólonye, bebinene bég abákilɛn yɔ́, uwoóhún bɔ́ áneé: «Bandɔ bɔ́guɔya uguɔ́g áneé nnyɛ ányá?» 19Obóndinye áneé: «Bómodi bɔ́guɔya áneé anyɛ Sáŋa Eyumínyibandɔ, bódodi bɔ́ya áneé Elí, ebéné bɔ́nɔya áneé anyɛ ebunebúné wa bá nsuá úwaáhám uguá gibɛ́l.»
20Úmuanyɛ gɔ́b áneé: «Gúu banuá núɔyɔnɔ́ gɔg áneé nnyɛ ányá?» Piéle uwɔgɔ́l nugálɔ úmuanyɛ áneé: «Anyɛ Bémeyíde wa Uhaluá.» 21Yésuse uwegíndídin bɔ́ gɔg na ihiligine áneé bɔ́diɔyídɛ́n mɔndɔ áneé unyɛ Bémeyíde. 22Egélém agányɛ, uwɔɔ́hígɛn áneé: «Búáguamba áneé Muɔ́n wa mɔndɔ wɔɔ́bɛ́ɛg giod, bɔgɔ́ga na bɔgúná bá bedúmbinusámb bá Uhaluá na boóŋi bómb yɔ́, bɔ́n yɔ́ bónyo, egélém gá mɔɔ́sɛ mádádɔ, uhám uguá gibɛ́l.»
Gubinidin guá Yésuse
(Mat 16.24-28; Mál 8.34-38)
23Egélém agányɛ uwɔyidɛn bɔ́ bem wɔb áneé: «Mmába mɔndɔ waáguamba gumbinidin, ánaá úbíyɛb, usamban nuag nuég buɔ́sɛ gidigid gá mbinen. 24Muɛ́d, mɔndɔ uwanbanɔ́ guhánda nusɔ́da nuég wenénímie nuɔ́, gɔgaá, mɔndɔ uwenénímienú nusɔ́da nuég gámɛ gá busió, wanáháŋ nuɔ́. 25Kasɛ́ bubeseé ubuɔ́ mɔndɔ únya wa bia, bunɛ́m buá guísi gidigid úmenímie bɔndɔ buég? 26Gá giagiá mɔndɔ úmɔ́bɔn ɔduá gunɔ́h naánamɛ ugúnya ana na nugálɔ nuámɛ, Muɔ́n wa mɔndɔ wɔnɔ́b ɔduá gunɔ́h neéneg uguá ginɛŋ igiɛ́ wánɛ́d onoól uguég guá nigúmi, naá niá Síe, naá niá bidányɛdányɛ biá bilúna. 27Hómohómue mbánan yɔɔ́núɔyɔn buɔ́ áneé uguá bandɔ abánya aga, bómodi bányɛ hɔ́ ebédienéguénú kandabá áneé bámán Niguili niá Uhaluá.»
Nigúmi niá Muɔ́n wa mɔndɔ
(Mat 17.1-8; Mál 9.2-8)
28Egélém gá mɔɔ́sɛ mánímanyɛ má dugálɔ udugányɛ gɔg, Yésuse uwɔdɔ́ŋɛ́ɛn Piéle na Sák, abámágád uguá ɔŋuɛnyɛ gá bísógólonye. 29Umoógóbísógólónyeé, busió buég ubúénúgie, bisɔn biég ibíósiond budányɛ fuúm, bubudányɛ ubuɔ́ bádiábá bégedie na budányɛ búmodi. 30Hɔ́nɔhɔ́, bandɔ báandɛ agányɛ bɔ́ya mayɔ neéneg, búmabá Mɔ́sɛsa neéneg na Elí, 31bámahámínɛn uguá nigúmi bɔ́ya uŋand huég hana húgabánɔ́ gá guɛ́d Yelusalɛ́m. 32Piéle na bɔ́gɔ́b bɔ́lɔ́ŋa dunɔ́, bámaámáhunyɛg abán nigúmi niá Yésuse na bandɔ báandɛ abámabá gindényé neéneg. 33Uguá gínɛŋ igiɛ́ bandɔ abagányɛ bámadándúgan na Yésuse, Piéle uwɔyidɛn yɔ́ áneé: «Ehuínyihuínyi, búnyɛ beseé áneé digíga aga, dihág bilál bídádɔ, giáhɔ gímomi, giá Mɔ́sɛsa gímomi, giá Elí gímomi.» Piéle umasálinsan buand ubuɔ́ úmɔyá. 34Umaágágálgal anagányɛ, gilɔnd igíésihúgígen bɔ́. Bugádɔ ubúégimbin bɔ́ uguá ginɛŋ igiɛ́ gílɔnd gímehúgígen bɔ́. 35Ɔbɔ́b ugelu súsɔ́n húónoólónín uguá gilɔnd húɔya áneé: «Uyɔ unyɛ Muɔ́n wámɛ uyɔɔ́ yéyíd, ɔ́bɔ́nínɔ́n yɔ́.» 36Uguá ginɛŋ igiɛ́ ugelu húmagálgal, Yésuse amasɛ́d úmuanyɛ omoómi. Bebinene ebébug niíd ta guɔyidɛn mɔndɔ buand ubuɔ́ bámán uguá mɔɔ́sɛ amagányɛ.
Gióndúgie giá muúŋayɔ umaábianán gilɔg giá gileénde
(Mat 17.14-18; Mál 9.14-27)
37Bémeémédúnúg ɔŋuɛnyɛ, buɔ́sɛ ubúmɔdɔ́bígɔn gɔg, giandá giá giíŋ igíól gá guán Yésuse. 38Uguá giíŋ uguɔ́g, mɔndɔ uwadádɛ́d guɔ́ áneé: «Ehuínyihuínyi, mmóbísógólidie, bíyɛ́g manámɛ ugányɛ, gá giagiá unyɛ ímosíe hiámɛ hiá muɔ́n. 39Búóguól buála yɔ́, ginɛŋ gímodi, gileénde gígimbin yɔ́, uhéhenye, ugɔ́nd ubúsen, gíánanihɛ́n yɔ́ dɔgɔdɔga, gísío gímándágula yɔ́. 40Mmóndóbísógólonye bebinene báhɔ áneé bágúŋɛ́ɛd giɛ́, gímágáŋ bɔ́.» 41Yésuse uwɔgɔ́l nugálɔ, úmuanyɛ áneé: «Gilɔg giá nunam igiɛ, igídiagan ɔdɛ́m, ŋŋagíga naánanɔ gueneg hanyɛ? Yɔnɔ́bígɔn naánanɔ gueneg hanyɛ? Ógún na muɔ́n wahɔ aga.» 42Muúŋayɔ umeégésiegén agaá Yésuse úmabá, gilɔg giá gileénde igíádiá yɔ́, igíéyiŋken yɔ́ na bugaga, uwagɔ́nd. Gɔgaá, Yésuse uwaánsídɛn gilɔg giá gileénde, uwoóndúgie muúŋayɔ, uweéŋin yɔ́ gá síe. 43Bandɔ gidigid abámabá hɔ́, abálɛ́ɛg niíd na buyáŋáŋá buá Uhaluá.
Gudógínye guá gáandɛ guá giɔ́bíga giá Yésuse
(Mat 17.22-23; Mál 9.30-32)
Haná sig mɔndɔ úmabá uyíka melélíe má Yésuse, uwɔyidɛn bebinene bég áneé: 44«Bídɔ́lígɔ́nɔ́nɔ́n beseé na beseé buand ubuɔ́ ŋŋɔɔ́núɔyidinaá: Bágasílɛ́ɛg Muɔ́n wa mɔndɔ uguá imbɔ́g siá bandɔ.» 45Gɔgaá, bɔ́mɔsúgúɔ́bɔn nugálɔ unugányɛ, númabá uguá ninamba gá gueleé bɔ́diɔ́b onsib huá nuɔ́, ɔbɔ́bɔn bugádɔ gá guóhún yɔ́ huɔ́.
Ányá unyaá ɔgúnɔ́gɔ́n?
(Mat 18.1-5; Mál 9.33-37; Lúk 22.24; Mat 10.40; Lúk 10.16; Sáŋ 13.20)
46Bebinene abágɔns guségenye gá lɛns mɔndɔ unyaá ɔgúnɔ́gɔ́n uguɔ́b guá ɔlɔŋ. 47Haná Yésuse úmalinsan buŋóhúnín ubuɔ́ bómobíóhon, uwɔgɔ́l muúŋayɔ, uwedélíminye yɔ́ egég gá buáyɛ, 48úmuanyɛ gɔ́b gɔg áneé: «Mɔndɔ unyaá wa gíndígɛn muúŋayɔ uyɔ uguámɛ guá ɔhɛ́n, tábɔ́ áneé umáŋíndígɛn yaŋuá mbánan, súsɔ́n mɔndɔ usáŋíndígɛn, umágíndígɛn umaándɔ́m, gá giagiá unyaá bugídígíd uguánɔ guá ɔ́lɔŋ, únyaá giandá nsesi.»
Udiénúnúsényé unyɛ uguánɔ guélém
49Sáŋa uwɔgɔ́l nugálɔ, úmuanyɛ áneé: «Ehuínyihuínyi, dimaán mɔndɔ egéné ugúŋa bilɔg biá bileénde uguáhɔ guá ɔhɛ́n, gúu dímábá áneé dienye yɔ́, gá giagiá udibá uguásɔ guá ɔlɔŋ.» 50Gɔgaá, Yésuse uwondinye yɔ́ áneé: «Nudienyé yɔ́ gá giagiá mɔndɔ udiénúnúsényé unyɛ uguánɔ guélém.»
Guɛ́d guá Yésuse Yelusalɛ́m, gidɔŋ giá Samalí gímodi gíméen gugíndígɛn yɔ́
51Hana ginɛŋ giá guólie Yésuse eguísi aga gímásɛɛ́d mɔdɔg, uwaádáab guɛ́d Yelusalɛ́m. 52Uwadɔ́m basɔ́msɔm uguá busió. Bámaágányɛ uguá ŋŋil, abásán uguá gidɔŋ gímodi giá Samalí gá guaŋanan guól guég. 53Gidɔŋ igigányɛ gímaságíndígɛn yɔ́ gɔg gá giagiá umiídán Yelusalɛ́m. 54Bámaámáan anagányɛ, bebinene bég, Sák na Sáŋa ɔbɔ́yɛd áneé: «Ɔgúná, aáguádáaban áneé díɔyɛd áneé yoógi híónoólín ugumɔn híbegesie bɔ́ wɔ́s a?» 55Uwabígagalɛd, uwaánsídɛn bɔ́. 56Abɛ́d uguá gidɔŋ gídodi.
Guyɛb buand gidigid gá binidin Yésuse
(Mat 8.19-22)
57Bámaábánda, uguá ŋŋil mɔndɔ omódi uwɔyidɛn Yésuse áneé: «Ŋŋebinen hɔɔ́m gidigid ɔhɔɔ́ ágídanaá.» 58Yésuse uwondinye yɔ́ áneé: «Mpága sígódi bihɔ́, munonyi muá gumɔn, múgódi bigad, Muɔ́n wa mɔndɔ úmuanyɛ udigódi ta hɔɔ́m hɔ́ dɔ́bíginɛn ɔduá.»
59Uwɔyidɛn sɔ́gá omódi áneé: «Aŋuá, mbinídín.» Sɔ́gá ugányɛ uwondinye yɔ́ áneé: «Aágagumpuá bugaga buá guɛ́d guononyoó síe wamɛ.» 60Yésuse uwondinye yɔ́ áneé: «Nihɛ́n bilɔ́ŋ bínyonon bilɔ́ŋ biɔ́b, aŋuá gɔg idá gá sesenye Ginɔ́g giá Nsɔ́m giá Niguili niá Uhaluá.»
61Mɔndɔ omódi uwɔyidɛn yɔ́ súsɔ́n áneé: «Ŋŋébinidin Ɔgúná, gɔgaá, aágunihɛn yenédébíe bandɔ bámɛ.» 62Yésuse uwondinye yɔ́ áneé: «Mɔndɔ usémenegimbin isɔ́l hiá búlúke gá yɔga, wond gá bíyigan uguélém, bámaságuáŋan yɔ́ gá busió buá Níguli niá gumɔn.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល