Lúkas 6
6
Yésuse únyaá ɔgɔ́n wa giíndía giá bayúdɛn
(Mat 12.1-8; Mál 2.23-28)
1Buɔ́sɛ buá giíndía giá bayúdɛn búmodi, Yésuse uwandan uguá mesíge má belée. Bebinene bég abágɔns gusɔ́gá nsám siá belée, béhíge uguá imbɔ́g bányanan. 2Gidám giá bafalisiɛ́ŋ igímabá hɔ́ igíɔ́yɛd áneé: «Gá giagɛ núálanɔ́ buand ubúnya ŋŋenyi buɔ́sɛ buá giíndía giá bayúdɛn?» 3Yésuse uwondinye bɔ́ áneé: «Numanyɛ nudianɔ́n buand ubúnya ubúɔ́ŋɔ́n uguá yubu, ubuɔ́ Dáfide úmal uguá ginɛŋ igiɛ́ nsan ímanúmɛ́d yɔ́ ɔlɔŋ na biendinyi biég a? 4Haná úmebíŋín uguá giansɛ giá Uhaluá, uwɔgɔ́l bilɛ́d, uwanyá, uwond uweéŋin biendinyi biég a? Bilɛ́d ibiɛ́ ta mɔndɔ omódi údiábianan bugaga buá nyá pɛ́ŋ bedumbínusámb a?» 5Uwɔ́hígɛn áneé: «Muɔ́n wa mɔndɔ unyɛ ɔgɔ́n wa giíndía giá bayúdɛn.»
Yésuse umóndúgie mɔndɔ wa ɔmbɔ́g kádádá buɔ́sɛ buá giíndía giá bayúdɛn
(Mat 12.9-14; Mál 3.1-6)
6Buɔ́sɛ búmodi buá giíndía giá bayúdɛn, Yésuse uwebíŋín uguá gigúl gá huínyihuinye, mɔndɔ omodi umabá guɔ́ uyɔɔ́ ɔmbɔ́g húmabá kádádá. 7Na boóŋi na bafalisiɛ́ŋ abádámb eŋís gá guán mmába ugoóguóndúgie mɔndɔ buɔ́sɛ buá giíndía giá bayúdɛn, bábádabia buand buá fudie yɔ́. 8Umalinsan gɔg nubídágídɛ́n nuɔ́b. Uwɔyidɛn mɔndɔ umaábá ɔmbɔ́g kádádá áneé: «Adígɛ́n! Délímín, ɔgɔ́b gá ɔdɛ́m na ɔdɛ́m agányɛ.» Mɔndɔ uwadigɛn, uwedélímin. 9Yésuse uwɔyidɛn bɔ́ áneé: «Gigodi giásɔ gíɔ́guɔya áneé mɔndɔ wal beseé buɔ́sɛ buá giíndía giá bayúdɛn lí wal gilɔg, usódie mɔndɔ lí wɔɔ́n?» 10Uwabíyigan bɔ́ gá omoómi gá omoómi, uwɔyidɛn mɔndɔ áneé: «Gánɔ́n ɔmbɔ́g.» Uwaganɔn ɔmbɔ́g uhúónd kééŋ. 11Bandɔ abagányɛ ɔbɔ́b ilúnd, abɛ́d gá guoŋuinyoŋuinyi bámuanye na bámuanyɛ, bámba buand ubuɔ́ bámabá bá gual na Yésuse.
Gieyide giá Medenyi máad na máandɛ
(Mat 5.1; 10.1-4; Mál 3.13-19)
12Uguá mɔɔ́sɛ máguɔ́ amagányɛ, Yésuse uwamágaád uguá ɔŋuɛnyɛ gá bísógólonye, uwobísógólonye Uhaluá budúg gidigid. 13Guɔ́m gúmaámábál, uwɔdɔ́ŋɛ́ɛn bebinene bég, uweyid báad na báandɛ, uweéŋin bɔ́ ɔhɛ́n huá bebinene. 14Uwalɔg Símune áneé Piéle, gisɔ́nd giég Andlé, Sák na Sáŋa, Fílibe, Batelemí, 15Matiós, Túmasia, Sák uhaŋ wa Alfé, Símune mɔndɔ wa gidɔŋ, 16Yúdas uhaŋ wa Sák na Yúdas Iskaliɔ́t umoógió yɔ́.
Yésuse uguá ɔlɔŋ huá bandɔ
(Mat 4.24-25; Mál 3.7-11)
17Yésuse umeégédúnúgen ɔŋuɛnyɛ na bebinene bég, uwedélímin agá gilambas, uwegégie bebinene bég hɔ́ na giandá giá giíŋ giá gímodi, giónoólón uguá gibéyi giá guísi giá Yudé na Yelusalɛ́m, uguá ŋŋɛnd ya usaá huá Tíl na Sídɔŋ. 18Bómólón gá bídɔ́lígɔ́nɔn yɔ́, bónd bóbíóndúgonye manúma mɔ́b, bandɔ ɔbɔɔ́ gílɔg giá gileénde gímabá gísésenye bɔ́ndúgɔn súsɔ́n, 19gúu bandɔ gidigid abámabá hɔ́ bámamba pɛ́ŋ áneé bɔ́bígɔ́dɔn yɔ́, gá giagiá buŋaŋa búmahámán uguég guá nuɔ́l búóndúgonye bɔ́ bámuanyɛ gidigid.
Na beseé na gilɔga
(Mat 5.1-12)
20Yésuse uwabíbúlímɛn gɔg bebinene bég uwɔgɔ́l nugálɔ uwɔya áneé:
«Beseé na basúgasuga, Niguili niá Uhaluá nínyɛ niánɔ
21Beseé naánanɔ́ nunúmanɔ́ nsan dabdab: Nuánábíhálan.
Beseé naánanɔ nubaŋanɔ́ dabdab: Nuɔnɔ́hɔna.
22Nunyɛ uguá beseé uguá ginɛŋ igiɛ́ bánúbinanɔ́, bánúsíŋa, bánúsúŋanɛn bimal biá moónyi, bénúgényigenye gá busió buá Muɔ́n wa mɔndɔ,
23ánaá núbalaga, nufunde na ibal gá giagiá binam biánɔ bíánabá giandá ugumɔn, bilɔŋ bímomi anagányɛ besíe bɔ́b bámálá na bebunebúné.
24Banuá nnuɛ́m gɔg nunyɛ bulɔ́b, gá giagiá nuámánábia binam biánɔ.
25Bulɔ́b naánanɔ, banuá nubíhálanaá dabdab, nuenégué nsan.
Bulɔ́b naánanɔ banuá nuhɔnɔnɔ́ dabdab, masiana má nigué mɔ́nɔ́núɔ́n.
26Bulɔ́b naánanɔ uguá ginɛŋ igiɛ́ bandɔ gidigid bénúhínenyeé, bégúmenye ɔhɛ́n huánɔ: anagányɛ bámala na babánbán bá bebunebúné.
Ginɔ́nɛ́n na babɛlɛ́bɛl
(Mat 5.39-47)
27Gɔgaá, yɔɔ́núɔyɔn banuá numbídɔ́lígɔnɔnaá áneé: Ánaá núbianan ginɔ́nɛ́n na babɛlɛ́bɛl bánɔ, nuala bandɔ abánúbinanɔ́ beseé, 28nusaya ɔbɔ́núlɔmɔnɔ́, nubísógólonye gá busió buá bandɔ ɔbɔ́lɔ́gɔnɔ́ ɔhɛ́n huánɔ.
29Mɔndɔ ugubɔm ɔmbɛ́l uguá nidam, asinsiginɛn yɔ́ niá nímomi. Mɔndɔ umɔ́gɔ́l gisɔn giáhɔ giá nidál, nihínɛ́n yɔ́ súsɔ́n giá gumɔn. 30Usɔ́guɔŋɛn, éŋín yɔ́. Usɔ́gɔ́l buand buáhɔ odióhún. 31Alánánɔ bɔsɔ́gá buand ubuɔ́ núɔyɔnɔ́ áneé bánúala banuá súsɔ́n.
32Númábianan ginɔ́nɛ́n pɛ́ŋ na bandɔ ɔbɔ́núɔyɔnɔ́, bubeseé bulum gɔg, ubuɔ́ núnya nua bia? Gá giagiá ta bɔlɔga bɔ́guɔya bandɔ ɔbɔ́yɔnɔ́ bɔ́ súsɔ́n. 33Númónd nuala pɛ́ŋ bandɔ abánúalanɔ́ banuá súsɔ́n beseé, kásɛ bubinam núnya gɔg nuá gígan? Ta bɔlɔga báguala buɔ́ nɔ́. 34Númónd nuala pɛ́ŋ beseé gá bandɔ abánya bónúóndinye bányɛ bónúóndinye beseé wánɔ. Kasɛ́ bubinam núánágíganaá gɔg? Ta bɔlɔga béguéŋen bɔsɔ́gá bɔlɔga, bóndonyinye bɔ́. 35Gɔgaá, ánaá núbianan ginɔ́nɛ́n na babɛlɛ́bɛl bánɔ, nuala bɔ́ beseé, nuéŋen bɔ́, nudibídágá áneé bónúodinye. Agányɛ gɔg binam biánɔ bíánábánɔ́ giandá, nuond nubá baán bá unyaá hádɛ ugumɔn, gá giagiá, unyɛ ɔdɛ́m beseé na bandɔ obódiondonyinye beseé na belúndlúnd.
Nubue na ndiméen wahɔ
(Mat 5.48; 7.1-12; 15.14; 10.24-25; 7.3-5)
36Ánaá núbianan nubue na bágánɔ hana Síe wánɔ únya na nubue. 37Adisɔ́mb gísan giá sɔ́gá, Uhaluá udianásɔ́mb giáhɔ, adiág sɔ́gá uguá nusésényi, Uhaluá udianáguág aŋuá súsɔ́n uguá nusésényi, níhínánɛ́n bɔsɔ́gá, Uhaluá wanánihinɛn. 38Huánɛ́n bánáhuán, bánáhuá uguá nugedínyi nuá beseé unuhónón, gíndéngíndén, núbalagadan. Bánáguágɛ́ɛn uguáhɔ guá gibadá giá ndífɔn, gá giagiá bunugedínyi ubuɔ́ aŋuá áhuáninaá guɔ́, buɔ́ Uhaluá wánáhuánɔ́ guɔ́.»
39Uwendedúmín bɔ́ nsab iyɛ áneé: «Kásɛ, eheguhégu unyɛ wa guendenye sɔ́gá eheguhégu a? Bódionóbíómbin bámuanyɛ bem uguá ɔmbɛ́l a?» 40Ebinene udiádúmban ehuínyhuínyi weg, gúu gɔg, ebinene gidigid usáhɔ́nhɔn beseé, úwanábánɔ́ hana ehuínyihuínyi weg.
41Gá giagɛ ábíyiganaá giguid igínya uguá niís niá ndiméen wahɔ? Henyé gɔg áneé adiáguánan giandá giá igɔn igínya igigúnánɔ́ gá niáhɔ? 42Naánanyá ányá wa guɔyidɛn ndiméen wahɔ áneé: «Ndiméen, ɔ́b ŋŋuólie giguid igigányɛ uguáhɔ guá niís», aŋuá ta guán igɔn ihínya gá niáhɔ niís? Mɔndɔ wa mamb, aágagubál igɔn ihínya uguáhɔ guá niís aánan beseé, obódosiólíe ndiméen wahɔ giguid igínya gá niég. 43«Ginɔ́g giá budɛ́ gídíéhúme bilɔg biá bibɔg, gúu gilɔg giá budɛ́ gídíéhúme súsɔ́n binɔ́g biá bibɔg.» 44Bálinsan sig budɛ́ gég gá bibɔg, bádiágása bibɔg biá fínyi uguá ohug, ta lesɛ́ŋ bádiágása yɔ́ uguá ohug. 45Ginɔ́g giá mɔndɔ giá guala pɛ́ŋ melélíe má beseé omólonineé egég gá ɔdɛ́m, gilɔg giá mɔndɔ giá hémenye pɛ́ŋ bilɔg biá melélíe ibínya egég gá ɔdɛ́m, gá giagiá ubuɔ́ ɔdɛ́m húgedenyeé buɔ́ niíd níhémenyeé.
46Gá giagɛ núndɔ́ŋɔnaá áneé: «Ɔgúná, Ɔgúná», nudiala buand ubuɔ́ nnúɔyɔnaá?
(Mat 7.24-27)
47Mɔndɔ gidigid uwoóloneé agámɛ, wond wɔɔ́bɔn dugálɔ duámɛ uhónónye dúɔ, ɔ́bɔ́nɔ́n nnúɔyidɛn bumɔndɔ ubuɔ́ únya mpónyé na buɔ́.
48Unyɛ mpónyé na mɔndɔ umaáhága giansɛ giég, uwedímenin giɛ́ uweneg uguá nidányɛ, uwabádagɔns guhága. Giandá giá nubɔ́l igíónoól, mimbi eménenye, giansɛ igíágáŋ gubugig gá giagiá gímabá igíhágán beseé.
49Gúu gɔg, mɔndɔ uwɔɔ́bɔnaá wen guala hana yɔ́yɔnɔ́, unyɛ mpónyé na mɔndɔ umaáhága giansɛ uguá ombúm ta gudímíd, nubɔ́l unuónoól, mimbi eménenye, giansɛ igíébugig gidigid ta buand buá síen.
ទើបបានជ្រើសរើសហើយ៖
Lúkas 6: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkas 6
6
Yésuse únyaá ɔgɔ́n wa giíndía giá bayúdɛn
(Mat 12.1-8; Mál 2.23-28)
1Buɔ́sɛ buá giíndía giá bayúdɛn búmodi, Yésuse uwandan uguá mesíge má belée. Bebinene bég abágɔns gusɔ́gá nsám siá belée, béhíge uguá imbɔ́g bányanan. 2Gidám giá bafalisiɛ́ŋ igímabá hɔ́ igíɔ́yɛd áneé: «Gá giagɛ núálanɔ́ buand ubúnya ŋŋenyi buɔ́sɛ buá giíndía giá bayúdɛn?» 3Yésuse uwondinye bɔ́ áneé: «Numanyɛ nudianɔ́n buand ubúnya ubúɔ́ŋɔ́n uguá yubu, ubuɔ́ Dáfide úmal uguá ginɛŋ igiɛ́ nsan ímanúmɛ́d yɔ́ ɔlɔŋ na biendinyi biég a? 4Haná úmebíŋín uguá giansɛ giá Uhaluá, uwɔgɔ́l bilɛ́d, uwanyá, uwond uweéŋin biendinyi biég a? Bilɛ́d ibiɛ́ ta mɔndɔ omódi údiábianan bugaga buá nyá pɛ́ŋ bedumbínusámb a?» 5Uwɔ́hígɛn áneé: «Muɔ́n wa mɔndɔ unyɛ ɔgɔ́n wa giíndía giá bayúdɛn.»
Yésuse umóndúgie mɔndɔ wa ɔmbɔ́g kádádá buɔ́sɛ buá giíndía giá bayúdɛn
(Mat 12.9-14; Mál 3.1-6)
6Buɔ́sɛ búmodi buá giíndía giá bayúdɛn, Yésuse uwebíŋín uguá gigúl gá huínyihuinye, mɔndɔ omodi umabá guɔ́ uyɔɔ́ ɔmbɔ́g húmabá kádádá. 7Na boóŋi na bafalisiɛ́ŋ abádámb eŋís gá guán mmába ugoóguóndúgie mɔndɔ buɔ́sɛ buá giíndía giá bayúdɛn, bábádabia buand buá fudie yɔ́. 8Umalinsan gɔg nubídágídɛ́n nuɔ́b. Uwɔyidɛn mɔndɔ umaábá ɔmbɔ́g kádádá áneé: «Adígɛ́n! Délímín, ɔgɔ́b gá ɔdɛ́m na ɔdɛ́m agányɛ.» Mɔndɔ uwadigɛn, uwedélímin. 9Yésuse uwɔyidɛn bɔ́ áneé: «Gigodi giásɔ gíɔ́guɔya áneé mɔndɔ wal beseé buɔ́sɛ buá giíndía giá bayúdɛn lí wal gilɔg, usódie mɔndɔ lí wɔɔ́n?» 10Uwabíyigan bɔ́ gá omoómi gá omoómi, uwɔyidɛn mɔndɔ áneé: «Gánɔ́n ɔmbɔ́g.» Uwaganɔn ɔmbɔ́g uhúónd kééŋ. 11Bandɔ abagányɛ ɔbɔ́b ilúnd, abɛ́d gá guoŋuinyoŋuinyi bámuanye na bámuanyɛ, bámba buand ubuɔ́ bámabá bá gual na Yésuse.
Gieyide giá Medenyi máad na máandɛ
(Mat 5.1; 10.1-4; Mál 3.13-19)
12Uguá mɔɔ́sɛ máguɔ́ amagányɛ, Yésuse uwamágaád uguá ɔŋuɛnyɛ gá bísógólonye, uwobísógólonye Uhaluá budúg gidigid. 13Guɔ́m gúmaámábál, uwɔdɔ́ŋɛ́ɛn bebinene bég, uweyid báad na báandɛ, uweéŋin bɔ́ ɔhɛ́n huá bebinene. 14Uwalɔg Símune áneé Piéle, gisɔ́nd giég Andlé, Sák na Sáŋa, Fílibe, Batelemí, 15Matiós, Túmasia, Sák uhaŋ wa Alfé, Símune mɔndɔ wa gidɔŋ, 16Yúdas uhaŋ wa Sák na Yúdas Iskaliɔ́t umoógió yɔ́.
Yésuse uguá ɔlɔŋ huá bandɔ
(Mat 4.24-25; Mál 3.7-11)
17Yésuse umeégédúnúgen ɔŋuɛnyɛ na bebinene bég, uwedélímin agá gilambas, uwegégie bebinene bég hɔ́ na giandá giá giíŋ giá gímodi, giónoólón uguá gibéyi giá guísi giá Yudé na Yelusalɛ́m, uguá ŋŋɛnd ya usaá huá Tíl na Sídɔŋ. 18Bómólón gá bídɔ́lígɔ́nɔn yɔ́, bónd bóbíóndúgonye manúma mɔ́b, bandɔ ɔbɔɔ́ gílɔg giá gileénde gímabá gísésenye bɔ́ndúgɔn súsɔ́n, 19gúu bandɔ gidigid abámabá hɔ́ bámamba pɛ́ŋ áneé bɔ́bígɔ́dɔn yɔ́, gá giagiá buŋaŋa búmahámán uguég guá nuɔ́l búóndúgonye bɔ́ bámuanyɛ gidigid.
Na beseé na gilɔga
(Mat 5.1-12)
20Yésuse uwabíbúlímɛn gɔg bebinene bég uwɔgɔ́l nugálɔ uwɔya áneé:
«Beseé na basúgasuga, Niguili niá Uhaluá nínyɛ niánɔ
21Beseé naánanɔ́ nunúmanɔ́ nsan dabdab: Nuánábíhálan.
Beseé naánanɔ nubaŋanɔ́ dabdab: Nuɔnɔ́hɔna.
22Nunyɛ uguá beseé uguá ginɛŋ igiɛ́ bánúbinanɔ́, bánúsíŋa, bánúsúŋanɛn bimal biá moónyi, bénúgényigenye gá busió buá Muɔ́n wa mɔndɔ,
23ánaá núbalaga, nufunde na ibal gá giagiá binam biánɔ bíánabá giandá ugumɔn, bilɔŋ bímomi anagányɛ besíe bɔ́b bámálá na bebunebúné.
24Banuá nnuɛ́m gɔg nunyɛ bulɔ́b, gá giagiá nuámánábia binam biánɔ.
25Bulɔ́b naánanɔ, banuá nubíhálanaá dabdab, nuenégué nsan.
Bulɔ́b naánanɔ banuá nuhɔnɔnɔ́ dabdab, masiana má nigué mɔ́nɔ́núɔ́n.
26Bulɔ́b naánanɔ uguá ginɛŋ igiɛ́ bandɔ gidigid bénúhínenyeé, bégúmenye ɔhɛ́n huánɔ: anagányɛ bámala na babánbán bá bebunebúné.
Ginɔ́nɛ́n na babɛlɛ́bɛl
(Mat 5.39-47)
27Gɔgaá, yɔɔ́núɔyɔn banuá numbídɔ́lígɔnɔnaá áneé: Ánaá núbianan ginɔ́nɛ́n na babɛlɛ́bɛl bánɔ, nuala bandɔ abánúbinanɔ́ beseé, 28nusaya ɔbɔ́núlɔmɔnɔ́, nubísógólonye gá busió buá bandɔ ɔbɔ́lɔ́gɔnɔ́ ɔhɛ́n huánɔ.
29Mɔndɔ ugubɔm ɔmbɛ́l uguá nidam, asinsiginɛn yɔ́ niá nímomi. Mɔndɔ umɔ́gɔ́l gisɔn giáhɔ giá nidál, nihínɛ́n yɔ́ súsɔ́n giá gumɔn. 30Usɔ́guɔŋɛn, éŋín yɔ́. Usɔ́gɔ́l buand buáhɔ odióhún. 31Alánánɔ bɔsɔ́gá buand ubuɔ́ núɔyɔnɔ́ áneé bánúala banuá súsɔ́n.
32Númábianan ginɔ́nɛ́n pɛ́ŋ na bandɔ ɔbɔ́núɔyɔnɔ́, bubeseé bulum gɔg, ubuɔ́ núnya nua bia? Gá giagiá ta bɔlɔga bɔ́guɔya bandɔ ɔbɔ́yɔnɔ́ bɔ́ súsɔ́n. 33Númónd nuala pɛ́ŋ bandɔ abánúalanɔ́ banuá súsɔ́n beseé, kásɛ bubinam núnya gɔg nuá gígan? Ta bɔlɔga báguala buɔ́ nɔ́. 34Númónd nuala pɛ́ŋ beseé gá bandɔ abánya bónúóndinye bányɛ bónúóndinye beseé wánɔ. Kasɛ́ bubinam núánágíganaá gɔg? Ta bɔlɔga béguéŋen bɔsɔ́gá bɔlɔga, bóndonyinye bɔ́. 35Gɔgaá, ánaá núbianan ginɔ́nɛ́n na babɛlɛ́bɛl bánɔ, nuala bɔ́ beseé, nuéŋen bɔ́, nudibídágá áneé bónúodinye. Agányɛ gɔg binam biánɔ bíánábánɔ́ giandá, nuond nubá baán bá unyaá hádɛ ugumɔn, gá giagiá, unyɛ ɔdɛ́m beseé na bandɔ obódiondonyinye beseé na belúndlúnd.
Nubue na ndiméen wahɔ
(Mat 5.48; 7.1-12; 15.14; 10.24-25; 7.3-5)
36Ánaá núbianan nubue na bágánɔ hana Síe wánɔ únya na nubue. 37Adisɔ́mb gísan giá sɔ́gá, Uhaluá udianásɔ́mb giáhɔ, adiág sɔ́gá uguá nusésényi, Uhaluá udianáguág aŋuá súsɔ́n uguá nusésényi, níhínánɛ́n bɔsɔ́gá, Uhaluá wanánihinɛn. 38Huánɛ́n bánáhuán, bánáhuá uguá nugedínyi nuá beseé unuhónón, gíndéngíndén, núbalagadan. Bánáguágɛ́ɛn uguáhɔ guá gibadá giá ndífɔn, gá giagiá bunugedínyi ubuɔ́ aŋuá áhuáninaá guɔ́, buɔ́ Uhaluá wánáhuánɔ́ guɔ́.»
39Uwendedúmín bɔ́ nsab iyɛ áneé: «Kásɛ, eheguhégu unyɛ wa guendenye sɔ́gá eheguhégu a? Bódionóbíómbin bámuanyɛ bem uguá ɔmbɛ́l a?» 40Ebinene udiádúmban ehuínyhuínyi weg, gúu gɔg, ebinene gidigid usáhɔ́nhɔn beseé, úwanábánɔ́ hana ehuínyihuínyi weg.
41Gá giagɛ ábíyiganaá giguid igínya uguá niís niá ndiméen wahɔ? Henyé gɔg áneé adiáguánan giandá giá igɔn igínya igigúnánɔ́ gá niáhɔ? 42Naánanyá ányá wa guɔyidɛn ndiméen wahɔ áneé: «Ndiméen, ɔ́b ŋŋuólie giguid igigányɛ uguáhɔ guá niís», aŋuá ta guán igɔn ihínya gá niáhɔ niís? Mɔndɔ wa mamb, aágagubál igɔn ihínya uguáhɔ guá niís aánan beseé, obódosiólíe ndiméen wahɔ giguid igínya gá niég. 43«Ginɔ́g giá budɛ́ gídíéhúme bilɔg biá bibɔg, gúu gilɔg giá budɛ́ gídíéhúme súsɔ́n binɔ́g biá bibɔg.» 44Bálinsan sig budɛ́ gég gá bibɔg, bádiágása bibɔg biá fínyi uguá ohug, ta lesɛ́ŋ bádiágása yɔ́ uguá ohug. 45Ginɔ́g giá mɔndɔ giá guala pɛ́ŋ melélíe má beseé omólonineé egég gá ɔdɛ́m, gilɔg giá mɔndɔ giá hémenye pɛ́ŋ bilɔg biá melélíe ibínya egég gá ɔdɛ́m, gá giagiá ubuɔ́ ɔdɛ́m húgedenyeé buɔ́ niíd níhémenyeé.
46Gá giagɛ núndɔ́ŋɔnaá áneé: «Ɔgúná, Ɔgúná», nudiala buand ubuɔ́ nnúɔyɔnaá?
(Mat 7.24-27)
47Mɔndɔ gidigid uwoóloneé agámɛ, wond wɔɔ́bɔn dugálɔ duámɛ uhónónye dúɔ, ɔ́bɔ́nɔ́n nnúɔyidɛn bumɔndɔ ubuɔ́ únya mpónyé na buɔ́.
48Unyɛ mpónyé na mɔndɔ umaáhága giansɛ giég, uwedímenin giɛ́ uweneg uguá nidányɛ, uwabádagɔns guhága. Giandá giá nubɔ́l igíónoól, mimbi eménenye, giansɛ igíágáŋ gubugig gá giagiá gímabá igíhágán beseé.
49Gúu gɔg, mɔndɔ uwɔɔ́bɔnaá wen guala hana yɔ́yɔnɔ́, unyɛ mpónyé na mɔndɔ umaáhága giansɛ uguá ombúm ta gudímíd, nubɔ́l unuónoól, mimbi eménenye, giansɛ igíébugig gidigid ta buand buá síen.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល