Lúkas 5
5
Ɔdɔ́ŋína huá bebinene béníhi
(Mat 4.18-22; Mál 1.16-20; Sáŋ 21.1-11)
1Buɔ́sɛ búmodi gɔg, Yésuse uwedélímin uguá ŋŋɛnd ya usaá huá Genesalɛ́d, giíŋ igíónoól gá bídɔ́lígɔ́nɔn Ginɔ́g giá Nsɔ́m giá Uhaluá. 2Uwaán ŋŋumba íhandɛ uguá ŋŋɛnd ya usaá. Bológi muɔb abáyɔg guɔ́ gá suga mooli mɔ́b. 3Uwayumɛn uguá ŋŋumba imodi, imabá ya Símune. Uwɔyidɛn yɔ́ áneé woólígie uguá ŋŋɛnd, ukɛl uguadá guá usaá, uwedugumin uguá ŋŋumba uwɛɛ́d gɔg gá huínyihuinye giíŋ. 4Umaámáman gugálgal, uwɔyidɛn Símune áneé: «Kɛ́l uguá oŋímb ugúnó, nunɔh mooli gá gimbin muɔb.» 5Símune uwondinye yɔ́ áneé: «Ehuínyihuínyi, disɔ́bígɔn budúg gidigid na nɔhɔn buoli ta gugimbin maná nuhigehíge, gá guɔyɛd guáhɔ gɔg, ŋŋɔɔ́nɔh mooli.» 6Ɔbɔ́nɔh buoli, ebégimbin giod giá muɔb, igíɛ́d gá lahuna mooli mɔ́b. 7Ɔbɔ́dɔ́ŋɛ́ɛn bɔ́gɔ́b abámabá uguá ŋŋumba ya imoómi gá gígin bɔ́ ɔmbɔ́g. Obólie muɔb umúóhón uguá ŋŋumba sim íhandɛ, isíébul guliken. 8Símune Piéle umaánaguán anagányɛ, uwanaguɛ́n Yésuse agá ambanɔ, uwɔyidɛn yɔ́ áneé: «Ɔgúná! Ólígíe agámɛ gá buáyɛ, gá giagiá nnyɛ eŋelibilɔga.» 9Umɔyɛ́d anagányɛ gá giagiá bugádɔ búmegimbin bɔ́ bámuanyɛ gidigid na bandɔ abámabá neéneg, haná bámán gimbi giá muɔb igiɛ́ bémegimbin, 10bilɔŋ bímomi na Sák na Sáŋa baán bá Sebede abámabá biendinyi biá Símune, bugádɔ ubúégimbin bɔ́ súsɔ́n. Yésuse uwɔyidɛn Símune áneé: «Ɔdiɔ́b bugádɔ, gubúl dabdab bandɔ bɔ́ ágídánɔ́ gá lɔ́ga.» 11Ebéyugie ŋŋumba uguá ŋŋɛnd, abánihɛn muand umugányɛ gidigid ebébinidin Yésuse.
Gióndúgie giá eŋúnuŋún
(Mat 8.1-14; Mál 1.40-45)
12Henyé gɔg áneé agá tísɔna uyɔɔ́ úmabá, eŋúnuŋún umabá hɔ́, ŋŋún imabá iméhúgígén yɔ́. Umaánaguánɛn Yésuse, uwɔbɔmbigɛn busió uguísi, uwobísógólonye yɔ́ áneé: «Ɔgúná, ɔ́mɔ́ya anyɛ wa ŋŋóndúgie.» 13Yésuse uwaganɔn ɔmbɔ́g, uwɔbígɔ́dɛn yɔ́, úmuanyɛ gég áneé: «Yɔɔ́guɔya, ɔ́ndɔ́g.» Hɔ́nɔhɔ́, ŋŋún ya mɔndɔ ugányɛ iyedúmbie guman. 14Yésuse uwɔyidɛn yɔ́ áneé: «Ɔdiɔyídɛ́n mɔndɔ buand ubúmábíal. Ídá pɛ́ŋ enebídíyé agá bedúmbinusámb, ond odóŋinye buand ubuɔ́ gigodi giá Mɔ́sɛsa gíɔ́yɔnɔ́. Bandɔ bábádalɛns áneé ɔɔ́ndɔ́g.» 15Nigúmi niá Yésuse iníéndesegidinye hɔɔ́m gidigid gudɔ́mb, giod giá bandɔ gíásibígúsán yɔ́ gá bídɔ́lígɔnɔn yɔ́, woóndúgonye mɔgɔn mɔ́b. 16Yésuse umabá ubíseŋelenye agá uhambɛ gá bísógólonye.
Gióndúgie giá giŋádúnyá
(Mat 9.1-8; Mál 2.1-12)
17Buɔ́sɛ búmodi gɔg ubuɔ́ úmabá uganyɛ gá huínyihuinye, uguá ɔlɔŋ huá bandɔ ɔbɔ́mɔbídɔ́lígɔnɔn yɔ́, bafalisiɛ́ŋ bámabá guɔ́, bómonólónín uguá bidɔŋ biá Galilé, biá Yudé na Yelusalɛ́m. Buŋaŋa buá Uhaluá ubúábá neéneg gá guala biseyi biá guóndúgonye banúmanuma. 18Bandɔ obónoól na mɔndɔ giŋándúnyá, bámasamb yɔ́ uguá giláŋa, bámba ŋŋil ya bíŋínye yɔ́ áneé bánásinsiginɛn Yésuse yɔ́. 19Haná bámasúguán giásɛ giá bíŋínye yɔ́, gá giagiá bandɔ bámabá giod, abábúlɛ́ɛg uguá ɔdɔ́nd, ebégús giési, ebésusinye yɔ́ agadá gá ɔdɛ́m na ɔdɛ́m huá bandɔ, agá busió buá Yésuse. 20Yésuse umaámáan guágɔdɛ́m guɔ́b, uwɔyidɛn mɔndɔ ugányɛ áneé: «Mmáyibínɛ́n bilɔga biáhɔ.» 21Na boóŋi na bafalisiɛ́ŋ, abɛ́d gá guoŋuinyoŋuinyi, bɔ́ya áneé: «Ányá unyaá naá uyɔ mɔndɔ ufénfenineé Uhaluá? Ányá unyaá wa yibinɛn mɔndɔ bilɔga biég eguísi agá, búmábúdibá pɛ́ŋ Uhaluá táŋ omoómi?» 22Haná Yésuse úmalinsan nugedie nuɔ́b, uwondinye bɔ́ áneé: «Gá giagɛ núbiananaá budugedie ubugányɛ uguánɔ guá idɛ́m? 23Kásɛ búnyɛ meyú gá guɔyɛd áneé: “Mmáyibínɛ́n bilɔga biáhɔ”, ugúnya ana guɔyɛd áneé: “Adígɛ́n andá” a? 24Ahá gɔg, gá gueleé bálɛns áneé Muɔ́n wa mɔndɔ ugódi bugaga eguísi agá buá yibinanɛn bandɔ bilɔga biɔ́b, uwɔyidɛn giŋándúnyá igigányɛ áneé: Mmɔ́guɔyídɛ́n áneé adígɛ́n, gɔ́l giláŋa giáhɔ idá agáhɔ gá nihiá!» 25Hɔ́nɔhɔ́, mɔndɔ ugányɛ uwadigɛn ɔgɔ́b gá eŋís uwɔgɔ́l giláŋa giég, uwegúg egég gá nihiá wɛɛ́d ugúmenye Uhaluá. 26Bugádɔ ubúégimbin bɔ́ bámuanyɛ gidigid, abɛ́d gá gúmenye Uhaluá na bumbíla agá ɔdɛ́m bɔ́ya áneé: «Ɛɛ́ɛ uguóm! Dimánduguán bimué biá muand hínen.»
Ɔdɔ́ŋína huá Léfi
(Mat 9.9-13; Mál 2.13-17)
27Egélém agányɛ, uwahám, uwaán eduísilampɔ́, ɔhɛ́n áneé Léfi dugumine egég gá niís niá buóli uduénen lampɔ́, uwɔyidɛn yɔ́ áneé: «Mbinídín.» 28Léfi uwanihɛn buá gidigid uwebinidin yɔ́.
29Uwal giandá giá budɔ́mb gá gíndígɛn Yésuse egég gá nihiá, giod giá beduísilampɔ́ na giod giá bandɔ bómodi gímabá hɔ́ igímányánán na Yésuse agá nubáŋ. 30Na boóŋi na bafalisiɛ́ŋ bóŋuinyoŋuinyi, bɔ́yɔn bebinene bég áneé: «Gá giagɛ núnyánanaá nuond nubíhuán ɔlɔŋ na beduísilampɔ́ na bafal?» 31Yésuse uwɔgɔ́l nugálɔ, úmuanyɛ gɔ́b áneé: «Búdibá bandɔ bá huényhuényi bɔ́ bámbanɔ́ olondi, búnyɛ bandɔ bá manúma. 32Mmosúguól gá busió buá bandɔ abánya gindényé, gɔgaá mmoól gá busió buá belibilɔga gá gueleé bénúgie bilɔŋ.»
Ŋŋóhúnín gá busió buá ŋŋenyi
(Mat 9.14-15; Mál 2.18, 20)
33Na boóŋi na bafalisiɛ́ŋ, obónduguóhún Yésuse áneé: «Bebinene bá Sáŋa na bebinene bá bafalisiɛ́ŋ báguala ŋŋenyi ya gunyá bónd bóbísógólonye, báhɔ bányanan bónd bá bíhuán.» 34Yésuse uwondinye bɔ́ áneé: «Kásɛ, nunyɛ nua guenye bandɔ ɔbɔɔ́ bɔ́sɔdɔ́ŋɔ́n gá budɔ́mb buá nuɔ́ndɔ́n gunyá uguá ginɛŋ igiɛ́ mɔndɔ usádán nuɔ́ndɔ́n úmanyaá hɔ́ nɔɔ́nɔb a? 35Mɔɔ́sɛ móguólon gɔ́g ɔmɔɔ́ bónónúólinyenú mɔndɔ wa budɔ́mb, bénébédesíen bála ŋŋenyi ya gunyá uguá mɔɔ́sɛ máguɔ́.»
Ubuguén naá ubugɔ́sɛ
(Mat 9.16-17; Mál 2.21-22)
36Yésuse uwɔnduguɔyidɛn bɔ́ nsab iyɛ áneé: «Mɔndɔ udibá wa gɔ́l gibéyi giá ndífɔn igigɔ́sɛ gá mama gilun giá gisɔn na giɛ́, gá giagiá gibéyi giá ndífɔn igigɔ́sɛ gigɔɔ́gɔ́ga gilun giá gisɔn gíándalahɔg gudɔ́mb. 37Mɔndɔ udiáguágan giŋɔ́nsa giá magɛ́b uguá gilun giá isɔmb hiá giɔmp gá giagiá giŋɔ́nsa giá magɛ́b gínyɛ giá guád gilun giá isɔmb, magɛ́b módug, musɔmb múbílɔg. 38Gɔgaá, báguágan giŋɔ́nsa giá magɛ́b uguá musɔmb umugɔ́sɛ. 39Mɔndɔ ubíhuánaá nnumpe ya magɛ́b, udibánd wa bíhuá giŋɔ́nsa giá magɛ́b, gá giagiá wɔɔ́guɔya áneé nnumpe ya magɛ́b iganyɛ bunɔ́g.»
ទើបបានជ្រើសរើសហើយ៖
Lúkas 5: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkas 5
5
Ɔdɔ́ŋína huá bebinene béníhi
(Mat 4.18-22; Mál 1.16-20; Sáŋ 21.1-11)
1Buɔ́sɛ búmodi gɔg, Yésuse uwedélímin uguá ŋŋɛnd ya usaá huá Genesalɛ́d, giíŋ igíónoól gá bídɔ́lígɔ́nɔn Ginɔ́g giá Nsɔ́m giá Uhaluá. 2Uwaán ŋŋumba íhandɛ uguá ŋŋɛnd ya usaá. Bológi muɔb abáyɔg guɔ́ gá suga mooli mɔ́b. 3Uwayumɛn uguá ŋŋumba imodi, imabá ya Símune. Uwɔyidɛn yɔ́ áneé woólígie uguá ŋŋɛnd, ukɛl uguadá guá usaá, uwedugumin uguá ŋŋumba uwɛɛ́d gɔg gá huínyihuinye giíŋ. 4Umaámáman gugálgal, uwɔyidɛn Símune áneé: «Kɛ́l uguá oŋímb ugúnó, nunɔh mooli gá gimbin muɔb.» 5Símune uwondinye yɔ́ áneé: «Ehuínyihuínyi, disɔ́bígɔn budúg gidigid na nɔhɔn buoli ta gugimbin maná nuhigehíge, gá guɔyɛd guáhɔ gɔg, ŋŋɔɔ́nɔh mooli.» 6Ɔbɔ́nɔh buoli, ebégimbin giod giá muɔb, igíɛ́d gá lahuna mooli mɔ́b. 7Ɔbɔ́dɔ́ŋɛ́ɛn bɔ́gɔ́b abámabá uguá ŋŋumba ya imoómi gá gígin bɔ́ ɔmbɔ́g. Obólie muɔb umúóhón uguá ŋŋumba sim íhandɛ, isíébul guliken. 8Símune Piéle umaánaguán anagányɛ, uwanaguɛ́n Yésuse agá ambanɔ, uwɔyidɛn yɔ́ áneé: «Ɔgúná! Ólígíe agámɛ gá buáyɛ, gá giagiá nnyɛ eŋelibilɔga.» 9Umɔyɛ́d anagányɛ gá giagiá bugádɔ búmegimbin bɔ́ bámuanyɛ gidigid na bandɔ abámabá neéneg, haná bámán gimbi giá muɔb igiɛ́ bémegimbin, 10bilɔŋ bímomi na Sák na Sáŋa baán bá Sebede abámabá biendinyi biá Símune, bugádɔ ubúégimbin bɔ́ súsɔ́n. Yésuse uwɔyidɛn Símune áneé: «Ɔdiɔ́b bugádɔ, gubúl dabdab bandɔ bɔ́ ágídánɔ́ gá lɔ́ga.» 11Ebéyugie ŋŋumba uguá ŋŋɛnd, abánihɛn muand umugányɛ gidigid ebébinidin Yésuse.
Gióndúgie giá eŋúnuŋún
(Mat 8.1-14; Mál 1.40-45)
12Henyé gɔg áneé agá tísɔna uyɔɔ́ úmabá, eŋúnuŋún umabá hɔ́, ŋŋún imabá iméhúgígén yɔ́. Umaánaguánɛn Yésuse, uwɔbɔmbigɛn busió uguísi, uwobísógólonye yɔ́ áneé: «Ɔgúná, ɔ́mɔ́ya anyɛ wa ŋŋóndúgie.» 13Yésuse uwaganɔn ɔmbɔ́g, uwɔbígɔ́dɛn yɔ́, úmuanyɛ gég áneé: «Yɔɔ́guɔya, ɔ́ndɔ́g.» Hɔ́nɔhɔ́, ŋŋún ya mɔndɔ ugányɛ iyedúmbie guman. 14Yésuse uwɔyidɛn yɔ́ áneé: «Ɔdiɔyídɛ́n mɔndɔ buand ubúmábíal. Ídá pɛ́ŋ enebídíyé agá bedúmbinusámb, ond odóŋinye buand ubuɔ́ gigodi giá Mɔ́sɛsa gíɔ́yɔnɔ́. Bandɔ bábádalɛns áneé ɔɔ́ndɔ́g.» 15Nigúmi niá Yésuse iníéndesegidinye hɔɔ́m gidigid gudɔ́mb, giod giá bandɔ gíásibígúsán yɔ́ gá bídɔ́lígɔnɔn yɔ́, woóndúgonye mɔgɔn mɔ́b. 16Yésuse umabá ubíseŋelenye agá uhambɛ gá bísógólonye.
Gióndúgie giá giŋádúnyá
(Mat 9.1-8; Mál 2.1-12)
17Buɔ́sɛ búmodi gɔg ubuɔ́ úmabá uganyɛ gá huínyihuinye, uguá ɔlɔŋ huá bandɔ ɔbɔ́mɔbídɔ́lígɔnɔn yɔ́, bafalisiɛ́ŋ bámabá guɔ́, bómonólónín uguá bidɔŋ biá Galilé, biá Yudé na Yelusalɛ́m. Buŋaŋa buá Uhaluá ubúábá neéneg gá guala biseyi biá guóndúgonye banúmanuma. 18Bandɔ obónoól na mɔndɔ giŋándúnyá, bámasamb yɔ́ uguá giláŋa, bámba ŋŋil ya bíŋínye yɔ́ áneé bánásinsiginɛn Yésuse yɔ́. 19Haná bámasúguán giásɛ giá bíŋínye yɔ́, gá giagiá bandɔ bámabá giod, abábúlɛ́ɛg uguá ɔdɔ́nd, ebégús giési, ebésusinye yɔ́ agadá gá ɔdɛ́m na ɔdɛ́m huá bandɔ, agá busió buá Yésuse. 20Yésuse umaámáan guágɔdɛ́m guɔ́b, uwɔyidɛn mɔndɔ ugányɛ áneé: «Mmáyibínɛ́n bilɔga biáhɔ.» 21Na boóŋi na bafalisiɛ́ŋ, abɛ́d gá guoŋuinyoŋuinyi, bɔ́ya áneé: «Ányá unyaá naá uyɔ mɔndɔ ufénfenineé Uhaluá? Ányá unyaá wa yibinɛn mɔndɔ bilɔga biég eguísi agá, búmábúdibá pɛ́ŋ Uhaluá táŋ omoómi?» 22Haná Yésuse úmalinsan nugedie nuɔ́b, uwondinye bɔ́ áneé: «Gá giagɛ núbiananaá budugedie ubugányɛ uguánɔ guá idɛ́m? 23Kásɛ búnyɛ meyú gá guɔyɛd áneé: “Mmáyibínɛ́n bilɔga biáhɔ”, ugúnya ana guɔyɛd áneé: “Adígɛ́n andá” a? 24Ahá gɔg, gá gueleé bálɛns áneé Muɔ́n wa mɔndɔ ugódi bugaga eguísi agá buá yibinanɛn bandɔ bilɔga biɔ́b, uwɔyidɛn giŋándúnyá igigányɛ áneé: Mmɔ́guɔyídɛ́n áneé adígɛ́n, gɔ́l giláŋa giáhɔ idá agáhɔ gá nihiá!» 25Hɔ́nɔhɔ́, mɔndɔ ugányɛ uwadigɛn ɔgɔ́b gá eŋís uwɔgɔ́l giláŋa giég, uwegúg egég gá nihiá wɛɛ́d ugúmenye Uhaluá. 26Bugádɔ ubúégimbin bɔ́ bámuanyɛ gidigid, abɛ́d gá gúmenye Uhaluá na bumbíla agá ɔdɛ́m bɔ́ya áneé: «Ɛɛ́ɛ uguóm! Dimánduguán bimué biá muand hínen.»
Ɔdɔ́ŋína huá Léfi
(Mat 9.9-13; Mál 2.13-17)
27Egélém agányɛ, uwahám, uwaán eduísilampɔ́, ɔhɛ́n áneé Léfi dugumine egég gá niís niá buóli uduénen lampɔ́, uwɔyidɛn yɔ́ áneé: «Mbinídín.» 28Léfi uwanihɛn buá gidigid uwebinidin yɔ́.
29Uwal giandá giá budɔ́mb gá gíndígɛn Yésuse egég gá nihiá, giod giá beduísilampɔ́ na giod giá bandɔ bómodi gímabá hɔ́ igímányánán na Yésuse agá nubáŋ. 30Na boóŋi na bafalisiɛ́ŋ bóŋuinyoŋuinyi, bɔ́yɔn bebinene bég áneé: «Gá giagɛ núnyánanaá nuond nubíhuán ɔlɔŋ na beduísilampɔ́ na bafal?» 31Yésuse uwɔgɔ́l nugálɔ, úmuanyɛ gɔ́b áneé: «Búdibá bandɔ bá huényhuényi bɔ́ bámbanɔ́ olondi, búnyɛ bandɔ bá manúma. 32Mmosúguól gá busió buá bandɔ abánya gindényé, gɔgaá mmoól gá busió buá belibilɔga gá gueleé bénúgie bilɔŋ.»
Ŋŋóhúnín gá busió buá ŋŋenyi
(Mat 9.14-15; Mál 2.18, 20)
33Na boóŋi na bafalisiɛ́ŋ, obónduguóhún Yésuse áneé: «Bebinene bá Sáŋa na bebinene bá bafalisiɛ́ŋ báguala ŋŋenyi ya gunyá bónd bóbísógólonye, báhɔ bányanan bónd bá bíhuán.» 34Yésuse uwondinye bɔ́ áneé: «Kásɛ, nunyɛ nua guenye bandɔ ɔbɔɔ́ bɔ́sɔdɔ́ŋɔ́n gá budɔ́mb buá nuɔ́ndɔ́n gunyá uguá ginɛŋ igiɛ́ mɔndɔ usádán nuɔ́ndɔ́n úmanyaá hɔ́ nɔɔ́nɔb a? 35Mɔɔ́sɛ móguólon gɔ́g ɔmɔɔ́ bónónúólinyenú mɔndɔ wa budɔ́mb, bénébédesíen bála ŋŋenyi ya gunyá uguá mɔɔ́sɛ máguɔ́.»
Ubuguén naá ubugɔ́sɛ
(Mat 9.16-17; Mál 2.21-22)
36Yésuse uwɔnduguɔyidɛn bɔ́ nsab iyɛ áneé: «Mɔndɔ udibá wa gɔ́l gibéyi giá ndífɔn igigɔ́sɛ gá mama gilun giá gisɔn na giɛ́, gá giagiá gibéyi giá ndífɔn igigɔ́sɛ gigɔɔ́gɔ́ga gilun giá gisɔn gíándalahɔg gudɔ́mb. 37Mɔndɔ udiáguágan giŋɔ́nsa giá magɛ́b uguá gilun giá isɔmb hiá giɔmp gá giagiá giŋɔ́nsa giá magɛ́b gínyɛ giá guád gilun giá isɔmb, magɛ́b módug, musɔmb múbílɔg. 38Gɔgaá, báguágan giŋɔ́nsa giá magɛ́b uguá musɔmb umugɔ́sɛ. 39Mɔndɔ ubíhuánaá nnumpe ya magɛ́b, udibánd wa bíhuá giŋɔ́nsa giá magɛ́b, gá giagiá wɔɔ́guɔya áneé nnumpe ya magɛ́b iganyɛ bunɔ́g.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល