Lúkas 4
4
Yɔɔ́bídɛ́n hiá Yésuse
(Mat 4.1-11; Mál 1.12-13)
1Yésuse umoógólígie agá Yuldɛ́ŋ, umabá uganyɛ ohónón na Gileénde giá Budányɛ, igíédídígen yɔ́ gá guɛ́d agá uhambɛ, 2uwagíga hɔ́ mɔɔ́sɛ edín áhandɛ, abɛlɛ́bɛl usɔga yɔ́. Uguá mɔɔ́sɛ amagányɛ umasányá ta buand, egélém nsan iyanúmɛ́ɛd yɔ́. 3Abɛlɛ́bɛl uwakilɛn yɔ́, uwɔyidɛn yɔ́ gɔg áneé: «Mmába anyɛ Muɔ́n wa mɔndɔ, dóŋínye bugaga áneé nidányɛ iniɛ níáyɛ gilɛ́d.» 4Yésuse uwondinye yɔ́ áneé: «Búnyɛ ubúɔ́ŋɔ́n áneé: “Mɔndɔ udiɔ́sɔ́dɔn pɛ́ŋ na bilɛ́d.”» 5Abɛlɛ́bɛl uwebúlígie yɔ́ hádɛ, na igáŋ uwedíye yɔ́ eguíli gidigid ya guísi. 6Uwɔyidɛn yɔ́ áneé: «Ŋŋáhuá buŋaŋa ubuɔ gidigid na nigúmi niá eguíli uyɔ gá giagiá bámansúgídɛ́n muɔ́, nnyɛ wa guéŋin mɔndɔ uyɔ́ yɔ́yɔnɔ́. 7Aŋuá gɔg éméŋunsiginin dunúnú, embúlúgenye, muand umugányɛ gidigid muáyɛ muáhɔ.» 8Yésuse uwondinye yɔ́ áneé: «Búnyɛ ubúɔ́ŋɔ́n áneé: “Enébúlúgenye Ɔgúná Uhaluá wahɔ, pɛ́ŋ úmuanyɛ anádúmábanɔ́.”» 9Abɛlɛ́bɛl uwɛɛ́d neéneg agá gidányɛdányɛ giá tísɔna, uwebúlúgie yɔ́ uguá ndogodoódie ya idúl, uwɔyidɛn yɔ́ áneé: «Mmába anyɛ Muɔ́n wa Uhaluá, bíníhɛ́n anaguá uguísi ugúnó, 10gá giagiá búnyɛ ubúɔ́ŋɔ́n áneé: “Uhaluá, wenéŋin bilúna bugaga buá dédínye.” 11Búnyɛ andá ubúɔ́ŋɔ́n áneé: “Bánásamban uguɔ́b guá imbɔ́g gá gueleé nugɔ́nd nuáhɔ núdíbígɔ́d uguá nidányɛ.”» 12Yésuse uwondinye yɔ́ áneé: «Búnyɛ ubúɔ́ŋɔ́n áneé: “Adianág Ɔgúná Uhaluá wahɔ uguá yɔɔ́bídɛ́n.”» 13Abɛlɛ́bɛl umaámáman guhémenye medís még gidigid, uwanihɛn yɔ́ gueneg uguá ginɛŋ igiɛ́ wánándabianɔ́ giásɛ.
Magunsa má buóli buá Yésuse Galilé
(Mat 4.12-17; Mál 1.14-15)
14Gɔgaá, na buŋaŋa buá Gileénde giá Budányɛ igiɛ́ Yésuse úmabá na giɛ́, uwosiond Galilé, nigúmi niég iníésegidinye uguá gibéyi giá guísi gidigid. 15Uwɛɛ́d uhuínyihuínye uguá bigúl, bandɔ gidigid béhínenye yɔ́.
Bámásálɛns Yésuse Nasalɛ́d
(Mat 13.54-58; Mál 6.1-6)
16Yésuse uwɛɛ́d Nasalɛ́d, tísɔna uyɔɔ́ úmagumɛ́n. Uwebíŋín uguá gigúl buɔ́sɛ buá giíndía giá bayúdɛn hana úmabá woól wala. Uwadigɛn gá guanuna Ŋŋɔ́ŋɛ. 17Ebéŋin yɔ́ yubu hiá ebunebúné Esayí. Umeéméhulun uwanɔn ɔlɔŋ huá ŋŋɔ́ŋɛ uhúɔ́yɔnɔ́ áneé:
18Gileénde giá Ɔgúná gínyɛ uguámɛ,
gá gueleé umeŋeyíd
gá dúmbenyinye basúgasuga Ginɔ́g giá Nsɔ́m.
Umandɔ́m gá dógonyinye bandɔ abánya uguá gigimbine áneé bénédúgúg,
gá guɔyidɛn behéguhégu bónd gá guánan,
gá dúgúne ɔbɔɔ́ bégényígenyeé,
19yɔyɔn bandɔ áneé bábia nuɔŋ nuá magɔg má Ɔgúná#4.19 Isa 61.1-2.
20Uwond gá gɔ́d yubu uwondinye edúmébi, uwedugumin. Bandɔ gidigid abámabá uguá gigúl abɛ́d gá bíyigan yɔ́. 21Uwebul gɔg guɔyɔn bɔ́ áneé: «Hínen, Ŋŋɔ́ŋɛ iyɛɛ́ númɔ́b igányɛ imóbíhónyé.» 22Bandɔ gidigid béhínenye yɔ́, báyíka binɔ́g biá dugálɔ ibímaháman uguég guá niíd, bɔ́ya áneé: «Búdibá muɔ́n wa Yɔ́sɛba a?» 23Uwondinye bɔ́ gɔg áneé: «Ɛɛ́ɛ! Búnyɛ nɔ́, gúu nugendúmíne nsab iyɔyɔnɔ́ áneé: “Olondi, bíóndúgíe aŋuá mbánan.”» Diɔ́bɔ́n buand gidigid ubuɔ́ álá agá tísɔna wa Kafalnawúm, ál buɔ́ súsɔ́n uguáhɔ guá gidɔŋ. 24Uwɔnduguɔ́hígɛn gɔg áneé: «Ɛɛ́ɛ! Yɔɔ́núɔyɔn buɔ́ áneé ta ebunebúné omoómi udiégúme uguég guá gidɔŋ. 25Uguá hómohómue yɔɔ́núɔyɔn buɔ́ áneé: bisí biá bagándɔ bímabá giod uguá gibéyi giá guísi giá Íslayɛ́l uguá ginɛŋ giá Elí, uguá ginɛŋ igiɛ́ nubɔ́l númasánúdinua gá duɔŋ dúdádɔ na gibéyi, giandá giá ɔndɔ́m igíond igíágua uguá gidɔŋ gidigid, 26ta anagánye gɔg, Uhaluá umasádɔ́m Elí ta agá wa omoómi. Gɔgaá, uwádɔ́m yɔ́ uguá gidɔŋ giá sídɔŋ, agá gisí giá ugándɔ giá tísɔna wa Salɛ́pta. 27Giod giá beŋúnŋún gímabá uguá gidɔŋ giá Íslayɛ́l uguá ginɛŋ giá ebunebúné Elisé, ta anagányɛ gɔg ta omoómi umɔsúguɔ́ndɔ́ɔg, esíe Namán wa gidɔŋ giá Silí.» 28Bandɔ gidigid abámabá uguá gigúl, bɔ́mɔɔ́mɔ́b dugálɔ udugányɛ ebéhílíg. 29Abádigan, ebédídígen yɔ́ gá hémie yɔ́ uguɔ́b guá ɔmɛnd huá tísɔna, abɛ́d neéneg ugumɔn guá ginyɛ igiɛ́ bámahág tísɔna wɔb áneé bédídígin yɔ́, wanaguá uguá gibólóbóŋ. 30Yésuse gɔg uwɔɔ́lúgugɛn bɔ́ ɔgɔ́b gá ɔdɛ́m na ɔdɛ́m uwɛɛ́d.
Yésuse umóndúgie mɔndɔ wa gilɔg giá gileénde Kafalnawúm
(Mat 7.28-29; Mál 1.21-28)
31Yésuse uwedúnúg gɔg Kafalnawúm, tísɔna wa Galilé. Uwehuínyihuinye bɔ́ buɔ́sɛ buá giíndía giá bayúdɛn. 32Bandɔ abámabá hɔ́, báyíka. Gá giagiá umehuínyihuínyé nugálɔ na ihiligine. 33Mɔndɔ umabá uguá gigúl uguɔ́g, umabianán gilɔg giá gileénde. Uwehéhídinye áneé: 34«Áháy! Yésuse wa Nasalɛ́d aádíamba na giagɛ? Anyɛ oólón gá díhúhie a? Yaŋuá, yaálinsan bumɔndɔ ubuɔ́ ányá, anyɛ Adányɛdányɛ guónoólín agá Uhaluá.» 35Yésuse uwaánsídɛn gilɔg giá gileénde igigányɛ, uwɔyidɛn giɛ́ áneé: «Hádán! Hám uguá nuɔ́l nuá mɔndɔ ugányɛ.» Gilɔg giá gileénde igíésúdinye mɔndɔ ugányɛ eguísi, igíáhám ta guámɔ́n yɔ́. 36Bandɔ gidigid abámabá hɔ́ abábia bugádɔ, bágálgal bɔ́ya bámunyɛ na bámuanyɛ áneé: «Kasɛ́ bugélígélié ubúnó? Weéhiligenin bilɔg biá bileénde na bugaga na buŋaŋa bíháman.» 37Nigúmi niég iníéségidinye uguá gibéyi giá guísi igigányɛ gidigid.
Gióndúgie giá isɔm hiá muɔ́n hiá Símune
(Mat 8.14-17; Mál 1.29-43)
38Yésuse umoónoguólígie uguá gigúl, uwɛɛ́d agá nihiá niá Símune. Uwegégie áneé gisínyi gíánúma isɔm hiá muɔ́n hiá Símune, obóbísógólidie yɔ́ áneé wal buand gég gá busió. 39Uwakilɛn yɔ́, uwagálídɛn gisínyi igigányɛ na bugaga igíédúmbie guhám uguég guá nuɔ́l, uwedúmbie guadigɛn uwɛɛ́d gá dúmabá bɔ́.
Yésuse umóndúgie giod giá bandɔ
(Mat 8.16-17; Mál 1.32-34)
40Buɔ́sɛ búmaágányɛ nsílía, giod giá bandɔ igíónoólónín Yésuse na giod giá banúmanuma bá bunyɛ mɔgɔn, uwɔdɔ́bígɔn sig mɔndɔ imbɔ́g, wóndúgonye bɔ́. 41Giod giá bilɔg biá bileénde igíáháman uguá duɔ́l duá giod giá bandɔ bíɛ́d bíánsán bíɔ́ya áneé: «Anyɛ Muɔ́n wa mɔndɔ.» Uwaánsan biɛ́, umasánihinan biɛ́ áneé bígálɛ́ɛd gá giagiá bímalinsan áneé únyaá Bémeyíde.
Yésuse umólígie Kafalnawúm
(Mat 4.23; Mál 1.35-39)
42Guɔ́m gúmaámábál, Yésuse uwahám uwɛɛ́d agá uhambɛ, giíŋ igíɛ́d gá guamba yɔ́, gímaámánaán yɔ́, egélém agányɛ igíámba gulɔbɛn neéneg gá gueleé udiand guídɛ́n bɔ́ hádɛ. 43Yésuse uwɔyidɛn bɔ́ gɔg áneé: «Búáguamba áneé yɛɛ́d súsɔ́n uguá bɔtísɔna bómodi gá guɛ́d gá sesenye Ginɔ́g giá Nsɔ́m giá Niguili niá Uhaluá, gá giagiá buɔ́ Síe wamɛ únya andúman gá buɔ́.» 44Uwɛɛ́d gɔg gá guɛ́d guɔya Ginɔ́g giá Nsɔ́m uguá bigúl biá gibéyi giá guísi giá Yudé.
ទើបបានជ្រើសរើសហើយ៖
Lúkas 4: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkas 4
4
Yɔɔ́bídɛ́n hiá Yésuse
(Mat 4.1-11; Mál 1.12-13)
1Yésuse umoógólígie agá Yuldɛ́ŋ, umabá uganyɛ ohónón na Gileénde giá Budányɛ, igíédídígen yɔ́ gá guɛ́d agá uhambɛ, 2uwagíga hɔ́ mɔɔ́sɛ edín áhandɛ, abɛlɛ́bɛl usɔga yɔ́. Uguá mɔɔ́sɛ amagányɛ umasányá ta buand, egélém nsan iyanúmɛ́ɛd yɔ́. 3Abɛlɛ́bɛl uwakilɛn yɔ́, uwɔyidɛn yɔ́ gɔg áneé: «Mmába anyɛ Muɔ́n wa mɔndɔ, dóŋínye bugaga áneé nidányɛ iniɛ níáyɛ gilɛ́d.» 4Yésuse uwondinye yɔ́ áneé: «Búnyɛ ubúɔ́ŋɔ́n áneé: “Mɔndɔ udiɔ́sɔ́dɔn pɛ́ŋ na bilɛ́d.”» 5Abɛlɛ́bɛl uwebúlígie yɔ́ hádɛ, na igáŋ uwedíye yɔ́ eguíli gidigid ya guísi. 6Uwɔyidɛn yɔ́ áneé: «Ŋŋáhuá buŋaŋa ubuɔ gidigid na nigúmi niá eguíli uyɔ gá giagiá bámansúgídɛ́n muɔ́, nnyɛ wa guéŋin mɔndɔ uyɔ́ yɔ́yɔnɔ́. 7Aŋuá gɔg éméŋunsiginin dunúnú, embúlúgenye, muand umugányɛ gidigid muáyɛ muáhɔ.» 8Yésuse uwondinye yɔ́ áneé: «Búnyɛ ubúɔ́ŋɔ́n áneé: “Enébúlúgenye Ɔgúná Uhaluá wahɔ, pɛ́ŋ úmuanyɛ anádúmábanɔ́.”» 9Abɛlɛ́bɛl uwɛɛ́d neéneg agá gidányɛdányɛ giá tísɔna, uwebúlúgie yɔ́ uguá ndogodoódie ya idúl, uwɔyidɛn yɔ́ áneé: «Mmába anyɛ Muɔ́n wa Uhaluá, bíníhɛ́n anaguá uguísi ugúnó, 10gá giagiá búnyɛ ubúɔ́ŋɔ́n áneé: “Uhaluá, wenéŋin bilúna bugaga buá dédínye.” 11Búnyɛ andá ubúɔ́ŋɔ́n áneé: “Bánásamban uguɔ́b guá imbɔ́g gá gueleé nugɔ́nd nuáhɔ núdíbígɔ́d uguá nidányɛ.”» 12Yésuse uwondinye yɔ́ áneé: «Búnyɛ ubúɔ́ŋɔ́n áneé: “Adianág Ɔgúná Uhaluá wahɔ uguá yɔɔ́bídɛ́n.”» 13Abɛlɛ́bɛl umaámáman guhémenye medís még gidigid, uwanihɛn yɔ́ gueneg uguá ginɛŋ igiɛ́ wánándabianɔ́ giásɛ.
Magunsa má buóli buá Yésuse Galilé
(Mat 4.12-17; Mál 1.14-15)
14Gɔgaá, na buŋaŋa buá Gileénde giá Budányɛ igiɛ́ Yésuse úmabá na giɛ́, uwosiond Galilé, nigúmi niég iníésegidinye uguá gibéyi giá guísi gidigid. 15Uwɛɛ́d uhuínyihuínye uguá bigúl, bandɔ gidigid béhínenye yɔ́.
Bámásálɛns Yésuse Nasalɛ́d
(Mat 13.54-58; Mál 6.1-6)
16Yésuse uwɛɛ́d Nasalɛ́d, tísɔna uyɔɔ́ úmagumɛ́n. Uwebíŋín uguá gigúl buɔ́sɛ buá giíndía giá bayúdɛn hana úmabá woól wala. Uwadigɛn gá guanuna Ŋŋɔ́ŋɛ. 17Ebéŋin yɔ́ yubu hiá ebunebúné Esayí. Umeéméhulun uwanɔn ɔlɔŋ huá ŋŋɔ́ŋɛ uhúɔ́yɔnɔ́ áneé:
18Gileénde giá Ɔgúná gínyɛ uguámɛ,
gá gueleé umeŋeyíd
gá dúmbenyinye basúgasuga Ginɔ́g giá Nsɔ́m.
Umandɔ́m gá dógonyinye bandɔ abánya uguá gigimbine áneé bénédúgúg,
gá guɔyidɛn behéguhégu bónd gá guánan,
gá dúgúne ɔbɔɔ́ bégényígenyeé,
19yɔyɔn bandɔ áneé bábia nuɔŋ nuá magɔg má Ɔgúná#4.19 Isa 61.1-2.
20Uwond gá gɔ́d yubu uwondinye edúmébi, uwedugumin. Bandɔ gidigid abámabá uguá gigúl abɛ́d gá bíyigan yɔ́. 21Uwebul gɔg guɔyɔn bɔ́ áneé: «Hínen, Ŋŋɔ́ŋɛ iyɛɛ́ númɔ́b igányɛ imóbíhónyé.» 22Bandɔ gidigid béhínenye yɔ́, báyíka binɔ́g biá dugálɔ ibímaháman uguég guá niíd, bɔ́ya áneé: «Búdibá muɔ́n wa Yɔ́sɛba a?» 23Uwondinye bɔ́ gɔg áneé: «Ɛɛ́ɛ! Búnyɛ nɔ́, gúu nugendúmíne nsab iyɔyɔnɔ́ áneé: “Olondi, bíóndúgíe aŋuá mbánan.”» Diɔ́bɔ́n buand gidigid ubuɔ́ álá agá tísɔna wa Kafalnawúm, ál buɔ́ súsɔ́n uguáhɔ guá gidɔŋ. 24Uwɔnduguɔ́hígɛn gɔg áneé: «Ɛɛ́ɛ! Yɔɔ́núɔyɔn buɔ́ áneé ta ebunebúné omoómi udiégúme uguég guá gidɔŋ. 25Uguá hómohómue yɔɔ́núɔyɔn buɔ́ áneé: bisí biá bagándɔ bímabá giod uguá gibéyi giá guísi giá Íslayɛ́l uguá ginɛŋ giá Elí, uguá ginɛŋ igiɛ́ nubɔ́l númasánúdinua gá duɔŋ dúdádɔ na gibéyi, giandá giá ɔndɔ́m igíond igíágua uguá gidɔŋ gidigid, 26ta anagánye gɔg, Uhaluá umasádɔ́m Elí ta agá wa omoómi. Gɔgaá, uwádɔ́m yɔ́ uguá gidɔŋ giá sídɔŋ, agá gisí giá ugándɔ giá tísɔna wa Salɛ́pta. 27Giod giá beŋúnŋún gímabá uguá gidɔŋ giá Íslayɛ́l uguá ginɛŋ giá ebunebúné Elisé, ta anagányɛ gɔg ta omoómi umɔsúguɔ́ndɔ́ɔg, esíe Namán wa gidɔŋ giá Silí.» 28Bandɔ gidigid abámabá uguá gigúl, bɔ́mɔɔ́mɔ́b dugálɔ udugányɛ ebéhílíg. 29Abádigan, ebédídígen yɔ́ gá hémie yɔ́ uguɔ́b guá ɔmɛnd huá tísɔna, abɛ́d neéneg ugumɔn guá ginyɛ igiɛ́ bámahág tísɔna wɔb áneé bédídígin yɔ́, wanaguá uguá gibólóbóŋ. 30Yésuse gɔg uwɔɔ́lúgugɛn bɔ́ ɔgɔ́b gá ɔdɛ́m na ɔdɛ́m uwɛɛ́d.
Yésuse umóndúgie mɔndɔ wa gilɔg giá gileénde Kafalnawúm
(Mat 7.28-29; Mál 1.21-28)
31Yésuse uwedúnúg gɔg Kafalnawúm, tísɔna wa Galilé. Uwehuínyihuinye bɔ́ buɔ́sɛ buá giíndía giá bayúdɛn. 32Bandɔ abámabá hɔ́, báyíka. Gá giagiá umehuínyihuínyé nugálɔ na ihiligine. 33Mɔndɔ umabá uguá gigúl uguɔ́g, umabianán gilɔg giá gileénde. Uwehéhídinye áneé: 34«Áháy! Yésuse wa Nasalɛ́d aádíamba na giagɛ? Anyɛ oólón gá díhúhie a? Yaŋuá, yaálinsan bumɔndɔ ubuɔ́ ányá, anyɛ Adányɛdányɛ guónoólín agá Uhaluá.» 35Yésuse uwaánsídɛn gilɔg giá gileénde igigányɛ, uwɔyidɛn giɛ́ áneé: «Hádán! Hám uguá nuɔ́l nuá mɔndɔ ugányɛ.» Gilɔg giá gileénde igíésúdinye mɔndɔ ugányɛ eguísi, igíáhám ta guámɔ́n yɔ́. 36Bandɔ gidigid abámabá hɔ́ abábia bugádɔ, bágálgal bɔ́ya bámunyɛ na bámuanyɛ áneé: «Kasɛ́ bugélígélié ubúnó? Weéhiligenin bilɔg biá bileénde na bugaga na buŋaŋa bíháman.» 37Nigúmi niég iníéségidinye uguá gibéyi giá guísi igigányɛ gidigid.
Gióndúgie giá isɔm hiá muɔ́n hiá Símune
(Mat 8.14-17; Mál 1.29-43)
38Yésuse umoónoguólígie uguá gigúl, uwɛɛ́d agá nihiá niá Símune. Uwegégie áneé gisínyi gíánúma isɔm hiá muɔ́n hiá Símune, obóbísógólidie yɔ́ áneé wal buand gég gá busió. 39Uwakilɛn yɔ́, uwagálídɛn gisínyi igigányɛ na bugaga igíédúmbie guhám uguég guá nuɔ́l, uwedúmbie guadigɛn uwɛɛ́d gá dúmabá bɔ́.
Yésuse umóndúgie giod giá bandɔ
(Mat 8.16-17; Mál 1.32-34)
40Buɔ́sɛ búmaágányɛ nsílía, giod giá bandɔ igíónoólónín Yésuse na giod giá banúmanuma bá bunyɛ mɔgɔn, uwɔdɔ́bígɔn sig mɔndɔ imbɔ́g, wóndúgonye bɔ́. 41Giod giá bilɔg biá bileénde igíáháman uguá duɔ́l duá giod giá bandɔ bíɛ́d bíánsán bíɔ́ya áneé: «Anyɛ Muɔ́n wa mɔndɔ.» Uwaánsan biɛ́, umasánihinan biɛ́ áneé bígálɛ́ɛd gá giagiá bímalinsan áneé únyaá Bémeyíde.
Yésuse umólígie Kafalnawúm
(Mat 4.23; Mál 1.35-39)
42Guɔ́m gúmaámábál, Yésuse uwahám uwɛɛ́d agá uhambɛ, giíŋ igíɛ́d gá guamba yɔ́, gímaámánaán yɔ́, egélém agányɛ igíámba gulɔbɛn neéneg gá gueleé udiand guídɛ́n bɔ́ hádɛ. 43Yésuse uwɔyidɛn bɔ́ gɔg áneé: «Búáguamba áneé yɛɛ́d súsɔ́n uguá bɔtísɔna bómodi gá guɛ́d gá sesenye Ginɔ́g giá Nsɔ́m giá Niguili niá Uhaluá, gá giagiá buɔ́ Síe wamɛ únya andúman gá buɔ́.» 44Uwɛɛ́d gɔg gá guɛ́d guɔya Ginɔ́g giá Nsɔ́m uguá bigúl biá gibéyi giá guísi giá Yudé.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល