Lúkas 23
23
Yésuse umédélímín gá gisan gugála agá Pilát
(Mat 27.2, 11-14; Mál 15.1-5)
1Abádigɛn bámuanyɛ gidigid gá guɛ́d na Yésuse agá Pilát. 2Abɛ́d gɔg gá fudenye yɔ́ básúŋanɛn yɔ́ áneé: «Dimegégié mɔndɔ uyɔ waágan ombuŋimbúŋíe uguásɔ guá buán. Wɔɔ́yɔn bandɔ áneé bádisuanán lampɔ́ wa ofuŋ uhugɔ́n, wond wɔya áneé unyɛ ofuŋ, unyɛ Bémeyíde.» 3Pilát uwoóhún yɔ́ áneé: «Anyɛ ofuŋ huá bayúdɛn a?» Yésuse uwondinye áneé: «Aŋuá ɔyɔnɔ́.» 4Pilát uwɔyidɛn bedúmbinusámb bá Uhaluá abagɔ́n na giíŋ áneé: «Mmásúguán buand buá gilɔg gá sésídinye mɔndɔ uyɔ.» 5Gɔgaá, ebédumbenye na guɔ́ya áneé: «Waáguágan ombuŋímbuŋíe na huínyihuinye guég uguá gibéyi giá guísi giá Yudé gidigid, guɔ́nɔgɔ́lɛ́n uguá gibéyi giá guísi giá Galilé guesieg aga.»
Bámɛɛ́d na Yésuse agá Helód
6Pilát umɔɔ́mɔɔ́b dugálɔ udugányɛ uwoóhún mmába mɔndɔ ugányɛ unyɛ wa bagalileyɛ́ŋ. 7Pilát umɔɔ́mɔɔ́b áneé wɔɔ́guɔ́bɔnɛn na Helód, uwadɔ́m yɔ́ agá Helód haná úmabá Yelusalɛ́m uguá mɔɔ́sɛ máguɔ́. 8Helód umaámán Yésuse, uwɔɔ́b beseé hómohómue, gá giagiá umabianán nsan ya guán yɔ́ búganyɛ giandá giá ginɛŋ, gá busió buá muand umuɔ́ úmabá wɔɔ́bɔn áneé Yésuse umabá wala. Helód umabídága áneé Yésuse ugaágualɛn yɔ́ giseyi. 9Uwoóhon yɔ́ giod giá ŋŋóhúnín, gɔgaá, Yésuse uwen guondinye yɔ́. 10Na bagɔ́n bedúmbinusámb nuá Uhaluá na boóŋi bámabá hɔ́ ebéfudenye yɔ́ na budabal. 11Helód ɔlɔŋ na begíg bég abásɛ́ŋ yɔ́ obónd ɔbɔ́hɔna yɔ́, abág yɔ́ gisɔn giá menyimenyi, obóndinye Pilát yɔ́. 12Ubúganyɛ buɔ́sɛ, na Pilát na Helód abáyɛ begúl, henyé nsua bámasábá bóhógonin yoógi.
Yésuse kandalinsa bámásɔ́mb gisan giég
13Pilát gɔg uwɔdɔ́ŋɛ́ɛn na bagɔ́n bedúmbinusámb nuá Uhaluá na ifuŋ na buán, 14úmuanyɛ gɔ́b áneé: «Numóŋólin na mɔndɔ uyɔ, hana núɔ́yɔnɔ́ áneé weédídígen buán gá guala ɔduá gulal. Ahá gɔg, gá muand gidigid umuɔ́ númɔ́nduguɔya gég gá busió, mméndégélenye yɔ́ agánɔ gá eŋís, mmásúguán buand buá gilɔg ubuɔ́ únigimananaá na nusésényi gá buɔ́, 15ta Helód, haná úsódíóndínye yɔ́. Mɔndɔ uyɔ gɔg waásúgual buand ubuɔ́ únigimanaá na nigué. 16Ŋŋaágual áneé bénúbíd yɔ́ mbádanihɛn yɔ́.» [ 17Sig budɔ́mb buá Páska wa bayúdɛn, Pilát umabá unihinanɛn bɔ́ gimbɔg gímomi.]
(Mat 27.15-26; Mál 15.6-15)
18Bandɔ gidigid ebéhéhenye ɔlɔŋ, bɔ́ya áneé: «Ɔ́n mɔndɔ ugányɛ ond adínihinɛn Balábas.» 19Bámaág Balábas uguá giansɛ giá mbíne gá busió buá ombuŋímbuŋíe uhúmabá agá tísɔna naá gá busió buá giɔ́na giá mɔndɔ. 20Haná Pilát úmamba dudádɛ duá nihɛn Yésuse, uwandagálídɛn bandɔ abagányɛ. 21Ebéhéhídinye áneé: «Ɔ́ndɔ́n yɔ́ uguá nuag, ɔ́ndɔ́n yɔ́ uguá nuag.» 22Gá uŋand huá gádádɔ, Pilát uwɔyidɛn bɔ́ áneé: «Mɔndɔ uyɔ waál gɔg giagɛ giá gilɔg? Mmáságuán buand buá gilɔg ubuɔ́ únigimanaá na nigué gá buɔ́. Ŋŋaágual áneé bénúbíd yɔ́ mbádanihɛn yɔ́.» 23Bandɔ ebédúmbenye na héhenye na magɔ́n, bɔ́ya áneé bɔ́ndɔn Yésuse uguá nuag. Guhéhenye guɔ́b uguányɛ́n. 24Gúu Pilát umáadábɛn bɔ́ ubuɔ́ bɔ́mɔŋɔ́n. 25Uwehémie Balábas uyɔɔ́ bómóhón, umaábá uguá giansɛ giá mbíne gá busió buá ombuŋímbuŋíe naá buá giɔ́na giá mɔndɔ, uwedídíginin bɔ́ Yésuse gɔ́b gá guɔyɛd.
Yésuse umábídúgɛ́n nuag
(Mat 27.32; Mál 15.21)
26Bámaágiídan na Yésuse gá guɔ́n yɔ́, abádán na mɔndɔ omodi ɔhɛ́n áneé Símune, mɔndɔ wa gidɔŋ giá Silɛ́n, wosiondón uguá mesíge, ebégimbin yɔ́ uguá bugaga gá hagɔn Yésuse nuag. 27Giandá giá giíŋ giá buán gímebinen yɔ́. Bagándɔ abámabá guɔ́ bɛ́d básiana, bóbísomonyé, bábaŋa bulɔ́b buá Yésuse. 28Yésuse uwabígagalɛd bɔ́ úmuanyɛ gɔ́b áneé: «Bagándɔ bá Yelusalɛ́m, nudibaŋá gámɛ gá busió, báŋánɔ gá buánɔ naá buá baán bánɔ. 29Gá giagiá mɔɔ́sɛ móguólon ɔmɔɔ́ bɔ́nɔ́yɔnɔ́ áneé: “Beseé na bimbígídíge biá bagándɔ na bagándɔ ebémédibíéne, ta ebémeébedihúŋídie.” Máganyɛ mɔdɔg. 30Agányɛ gɔg bandɔ bániídanɔ́ gá guɔyɔn iŋuɛnyɛ áneé: “Díguánínánɔ.” Bɔ́yɔn binyɛ áneé: “Dínámbánánɔ.” 31Gá giagiá, bámála ana na budɛ́ ubugɔ́sɛ, búbá naánanyá na oguínyi?» 32Bámiídán súsɔ́n na bafal báandɛ gá guɔ́n bɔ́ ɔlɔŋ na Yésuse.
Bɔ́guɔ́ndɔn Yésuse uguá nuag
(Mat 27.33-34; Mál 15.22-32)
33Bémeéméneg agá hɔɔ́m ɔhɔɔ́ bɔ́dɔ́ŋɔnaá áneé «Bigólogólé biá iduá.» Ɔbɔ́ndɔn Yésuse uguá nuag, ɔbɔ́ndɔn súsɔ́n bafal bá báandɛ, uyɔ ɔmbɔ́g uhunɛ́m unó ɔmbɔ́g uhudádɛ. 34Yésuse uwɔyɛd áneé: «Baba, yibínɛ́n bɔ́ gá giagiá bédiényi ubuɔ́ bálanɔ́.» Abába bisɔn biég, básílígan ibiɛ gá ɔtɔ. 35Buán ubúɔ́lɔbɛn agányɛ gá bíyigan, ifuŋ siá bayúdɛn símuanyɛ síhɔna síɔya áneé: «Weédúgúné bɔsɔ́gá. Ánaá úbídúgún úmuanyɛ mbánan mmába unyɛ Mesí wa Uhaluá, Bémeyíde.» 36Nsénsi súsɔ́n síhɔna yɔ́, síkilanɛn yɔ́ gá guéŋin yɔ́ magɛ́b má gukál, síɔya áneé: 37«Mmába anyɛ ofuŋ huá bayúdɛn, bísódíe aŋuá mbánan.» 38Ŋŋɔ́ŋɛ símabá daligina egég gá ɔduá na ɔduá símɔya áneé: «Búnyɛ ofuŋ huá bayúdɛn.»
39Ufal omodi umabá uguá nuag, umasigá Yésuse wɔya áneé: «Adibá Mesí a? Bísódíe aŋuá mbánan ond odisódíe súsɔ́n!» 40Gɔgaá sɔgá wa omoómi umaábá uguá nuag uwondinye yɔ́ áneé: «Ediétegudíne Uhaluá, aŋuá anyaá uguá nusésényi nuaguɔ́ númomi a? 41Gásɔ gá busió búnyɛ gindényé, gá giagiá diádáŋáab buand ubúnigimanaá na melélíe másɔ, úmuanyɛ gɔg waásúgual buand buá gilɔg.» 42Uwɔnduguɔyɛd áneé: «Yésuse, mbídúménye onógól hana ofuŋ.» 43Yésuse uwondinye yɔ́ áneé: «Hómohómue mbánan yɔ́guɔyɔn buɔ́ áneé hínen agaábá náanamɛ uguá paladís.»
Nigué niá Yésuse
(Mat 27.45-56; Mál 15.33-41)
44Búmabá búganyɛ búábá ɔdɛ́m huá buɔ́sɛ, mbíne iyagua uguísi gidigid gueneg uguá bisigɛl bídádɔ, 45ɔhɛ́nyɛ uhúéhue. Giímbé igímabá uguá idúl igíásálɛg agá ɔdɛ́m na ɔdɛ́m. 46Yésuse uwehéhídinye áneé: «Síe wamɛ, mmóndie gileéndé giámɛ uguáhɔ guá imbɔ́g.» Umaámágálɛ́ɛd anagányɛ, uwaguanɛn. 47Haná bámaán buand ubúmábídúmbán, ɔgúnɔ́gɔ́n wa nsénsi edín átánɔ uwebúlúgie Uhaluá, uwɔya áneé: «Hómohómue mbánan mɔndɔ uyɔ waábá mɔndɔ wa gindényé.» 48Bandɔ gidigid abámabígúsa gá bíyigan melélíe amagányɛ, bámaámán, buand ubúmábídúmban, obóndon bɛ́d bóbísómonyé. 49Begúl bég gidigid bámabá delimine hádɛ na bagándɔ ebémébinén yɔ́ guenebulín Galilé bábíyigan súsɔ́n.
Ginyo giá Yésuse
(Mat 27.57-61; Mál 15.42-47)
50Gúu mɔndɔ omodi ɔhɛ́n áneé Yɔ́sɛba úmónól, umabá uguá idɔg, mɔndɔ wa ɔdɛ́m beseé úmuanyɛ súsɔ́n gindényé. 51Umasúguádáab ta nugúda, ta melélíe má bɔ́gɔ́b. Umabá mɔndɔ wa gidɔŋ giá Alimaté, tísɔna wa bayúdɛn, umabá ugígan gugilebe guá Uhaluá. 52Mɔndɔ ugányɛ uwɛɛ́d uwanaán Pilát gá guóhún gilɔ́ŋ giá Yésuse. 53Uwesusie gilɔ́ŋ giá Yésuse uguá nuag, uwemíŋe giɛ́ uguá giása, uwononyoó uguá gibɛ́l igiɛ́ bámáduá uguá nidányɛ. Bámabá bámanyɛ bódinyoó mɔndɔ omodi guɔ́. 54Búmabá buɔ́sɛ buá bíaŋanan gá bélié guá giíndía giá bayúdɛn. 55Bagándɔ ebémélényé Yésuse guónoólín Galilé, ebébinidin Yɔ́sɛba, abábíyigan gibɛ́l obónd abáan hana bémébídíginye gilɔ́ŋ giég. 56Ebégúg gá guaŋanan megúd má ohind.
Nsɔ́m iyɛɛ́ bɔ́mɔɔ́b agá gibɛ́l
(Mat 28.1-9; Mál 16.1-8)
Obóhoge buɔ́sɛ buá giíndía giá bayúdɛn hana gigodi giɔ́b gíɔ́yɔnɔ́.
ទើបបានជ្រើសរើសហើយ៖
Lúkas 23: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkas 23
23
Yésuse umédélímín gá gisan gugála agá Pilát
(Mat 27.2, 11-14; Mál 15.1-5)
1Abádigɛn bámuanyɛ gidigid gá guɛ́d na Yésuse agá Pilát. 2Abɛ́d gɔg gá fudenye yɔ́ básúŋanɛn yɔ́ áneé: «Dimegégié mɔndɔ uyɔ waágan ombuŋimbúŋíe uguásɔ guá buán. Wɔɔ́yɔn bandɔ áneé bádisuanán lampɔ́ wa ofuŋ uhugɔ́n, wond wɔya áneé unyɛ ofuŋ, unyɛ Bémeyíde.» 3Pilát uwoóhún yɔ́ áneé: «Anyɛ ofuŋ huá bayúdɛn a?» Yésuse uwondinye áneé: «Aŋuá ɔyɔnɔ́.» 4Pilát uwɔyidɛn bedúmbinusámb bá Uhaluá abagɔ́n na giíŋ áneé: «Mmásúguán buand buá gilɔg gá sésídinye mɔndɔ uyɔ.» 5Gɔgaá, ebédumbenye na guɔ́ya áneé: «Waáguágan ombuŋímbuŋíe na huínyihuinye guég uguá gibéyi giá guísi giá Yudé gidigid, guɔ́nɔgɔ́lɛ́n uguá gibéyi giá guísi giá Galilé guesieg aga.»
Bámɛɛ́d na Yésuse agá Helód
6Pilát umɔɔ́mɔɔ́b dugálɔ udugányɛ uwoóhún mmába mɔndɔ ugányɛ unyɛ wa bagalileyɛ́ŋ. 7Pilát umɔɔ́mɔɔ́b áneé wɔɔ́guɔ́bɔnɛn na Helód, uwadɔ́m yɔ́ agá Helód haná úmabá Yelusalɛ́m uguá mɔɔ́sɛ máguɔ́. 8Helód umaámán Yésuse, uwɔɔ́b beseé hómohómue, gá giagiá umabianán nsan ya guán yɔ́ búganyɛ giandá giá ginɛŋ, gá busió buá muand umuɔ́ úmabá wɔɔ́bɔn áneé Yésuse umabá wala. Helód umabídága áneé Yésuse ugaágualɛn yɔ́ giseyi. 9Uwoóhon yɔ́ giod giá ŋŋóhúnín, gɔgaá, Yésuse uwen guondinye yɔ́. 10Na bagɔ́n bedúmbinusámb nuá Uhaluá na boóŋi bámabá hɔ́ ebéfudenye yɔ́ na budabal. 11Helód ɔlɔŋ na begíg bég abásɛ́ŋ yɔ́ obónd ɔbɔ́hɔna yɔ́, abág yɔ́ gisɔn giá menyimenyi, obóndinye Pilát yɔ́. 12Ubúganyɛ buɔ́sɛ, na Pilát na Helód abáyɛ begúl, henyé nsua bámasábá bóhógonin yoógi.
Yésuse kandalinsa bámásɔ́mb gisan giég
13Pilát gɔg uwɔdɔ́ŋɛ́ɛn na bagɔ́n bedúmbinusámb nuá Uhaluá na ifuŋ na buán, 14úmuanyɛ gɔ́b áneé: «Numóŋólin na mɔndɔ uyɔ, hana núɔ́yɔnɔ́ áneé weédídígen buán gá guala ɔduá gulal. Ahá gɔg, gá muand gidigid umuɔ́ númɔ́nduguɔya gég gá busió, mméndégélenye yɔ́ agánɔ gá eŋís, mmásúguán buand buá gilɔg ubuɔ́ únigimananaá na nusésényi gá buɔ́, 15ta Helód, haná úsódíóndínye yɔ́. Mɔndɔ uyɔ gɔg waásúgual buand ubuɔ́ únigimanaá na nigué. 16Ŋŋaágual áneé bénúbíd yɔ́ mbádanihɛn yɔ́.» [ 17Sig budɔ́mb buá Páska wa bayúdɛn, Pilát umabá unihinanɛn bɔ́ gimbɔg gímomi.]
(Mat 27.15-26; Mál 15.6-15)
18Bandɔ gidigid ebéhéhenye ɔlɔŋ, bɔ́ya áneé: «Ɔ́n mɔndɔ ugányɛ ond adínihinɛn Balábas.» 19Bámaág Balábas uguá giansɛ giá mbíne gá busió buá ombuŋímbuŋíe uhúmabá agá tísɔna naá gá busió buá giɔ́na giá mɔndɔ. 20Haná Pilát úmamba dudádɛ duá nihɛn Yésuse, uwandagálídɛn bandɔ abagányɛ. 21Ebéhéhídinye áneé: «Ɔ́ndɔ́n yɔ́ uguá nuag, ɔ́ndɔ́n yɔ́ uguá nuag.» 22Gá uŋand huá gádádɔ, Pilát uwɔyidɛn bɔ́ áneé: «Mɔndɔ uyɔ waál gɔg giagɛ giá gilɔg? Mmáságuán buand buá gilɔg ubuɔ́ únigimanaá na nigué gá buɔ́. Ŋŋaágual áneé bénúbíd yɔ́ mbádanihɛn yɔ́.» 23Bandɔ ebédúmbenye na héhenye na magɔ́n, bɔ́ya áneé bɔ́ndɔn Yésuse uguá nuag. Guhéhenye guɔ́b uguányɛ́n. 24Gúu Pilát umáadábɛn bɔ́ ubuɔ́ bɔ́mɔŋɔ́n. 25Uwehémie Balábas uyɔɔ́ bómóhón, umaábá uguá giansɛ giá mbíne gá busió buá ombuŋímbuŋíe naá buá giɔ́na giá mɔndɔ, uwedídíginin bɔ́ Yésuse gɔ́b gá guɔyɛd.
Yésuse umábídúgɛ́n nuag
(Mat 27.32; Mál 15.21)
26Bámaágiídan na Yésuse gá guɔ́n yɔ́, abádán na mɔndɔ omodi ɔhɛ́n áneé Símune, mɔndɔ wa gidɔŋ giá Silɛ́n, wosiondón uguá mesíge, ebégimbin yɔ́ uguá bugaga gá hagɔn Yésuse nuag. 27Giandá giá giíŋ giá buán gímebinen yɔ́. Bagándɔ abámabá guɔ́ bɛ́d básiana, bóbísomonyé, bábaŋa bulɔ́b buá Yésuse. 28Yésuse uwabígagalɛd bɔ́ úmuanyɛ gɔ́b áneé: «Bagándɔ bá Yelusalɛ́m, nudibaŋá gámɛ gá busió, báŋánɔ gá buánɔ naá buá baán bánɔ. 29Gá giagiá mɔɔ́sɛ móguólon ɔmɔɔ́ bɔ́nɔ́yɔnɔ́ áneé: “Beseé na bimbígídíge biá bagándɔ na bagándɔ ebémédibíéne, ta ebémeébedihúŋídie.” Máganyɛ mɔdɔg. 30Agányɛ gɔg bandɔ bániídanɔ́ gá guɔyɔn iŋuɛnyɛ áneé: “Díguánínánɔ.” Bɔ́yɔn binyɛ áneé: “Dínámbánánɔ.” 31Gá giagiá, bámála ana na budɛ́ ubugɔ́sɛ, búbá naánanyá na oguínyi?» 32Bámiídán súsɔ́n na bafal báandɛ gá guɔ́n bɔ́ ɔlɔŋ na Yésuse.
Bɔ́guɔ́ndɔn Yésuse uguá nuag
(Mat 27.33-34; Mál 15.22-32)
33Bémeéméneg agá hɔɔ́m ɔhɔɔ́ bɔ́dɔ́ŋɔnaá áneé «Bigólogólé biá iduá.» Ɔbɔ́ndɔn Yésuse uguá nuag, ɔbɔ́ndɔn súsɔ́n bafal bá báandɛ, uyɔ ɔmbɔ́g uhunɛ́m unó ɔmbɔ́g uhudádɛ. 34Yésuse uwɔyɛd áneé: «Baba, yibínɛ́n bɔ́ gá giagiá bédiényi ubuɔ́ bálanɔ́.» Abába bisɔn biég, básílígan ibiɛ gá ɔtɔ. 35Buán ubúɔ́lɔbɛn agányɛ gá bíyigan, ifuŋ siá bayúdɛn símuanyɛ síhɔna síɔya áneé: «Weédúgúné bɔsɔ́gá. Ánaá úbídúgún úmuanyɛ mbánan mmába unyɛ Mesí wa Uhaluá, Bémeyíde.» 36Nsénsi súsɔ́n síhɔna yɔ́, síkilanɛn yɔ́ gá guéŋin yɔ́ magɛ́b má gukál, síɔya áneé: 37«Mmába anyɛ ofuŋ huá bayúdɛn, bísódíe aŋuá mbánan.» 38Ŋŋɔ́ŋɛ símabá daligina egég gá ɔduá na ɔduá símɔya áneé: «Búnyɛ ofuŋ huá bayúdɛn.»
39Ufal omodi umabá uguá nuag, umasigá Yésuse wɔya áneé: «Adibá Mesí a? Bísódíe aŋuá mbánan ond odisódíe súsɔ́n!» 40Gɔgaá sɔgá wa omoómi umaábá uguá nuag uwondinye yɔ́ áneé: «Ediétegudíne Uhaluá, aŋuá anyaá uguá nusésényi nuaguɔ́ númomi a? 41Gásɔ gá busió búnyɛ gindényé, gá giagiá diádáŋáab buand ubúnigimanaá na melélíe másɔ, úmuanyɛ gɔg waásúgual buand buá gilɔg.» 42Uwɔnduguɔyɛd áneé: «Yésuse, mbídúménye onógól hana ofuŋ.» 43Yésuse uwondinye yɔ́ áneé: «Hómohómue mbánan yɔ́guɔyɔn buɔ́ áneé hínen agaábá náanamɛ uguá paladís.»
Nigué niá Yésuse
(Mat 27.45-56; Mál 15.33-41)
44Búmabá búganyɛ búábá ɔdɛ́m huá buɔ́sɛ, mbíne iyagua uguísi gidigid gueneg uguá bisigɛl bídádɔ, 45ɔhɛ́nyɛ uhúéhue. Giímbé igímabá uguá idúl igíásálɛg agá ɔdɛ́m na ɔdɛ́m. 46Yésuse uwehéhídinye áneé: «Síe wamɛ, mmóndie gileéndé giámɛ uguáhɔ guá imbɔ́g.» Umaámágálɛ́ɛd anagányɛ, uwaguanɛn. 47Haná bámaán buand ubúmábídúmbán, ɔgúnɔ́gɔ́n wa nsénsi edín átánɔ uwebúlúgie Uhaluá, uwɔya áneé: «Hómohómue mbánan mɔndɔ uyɔ waábá mɔndɔ wa gindényé.» 48Bandɔ gidigid abámabígúsa gá bíyigan melélíe amagányɛ, bámaámán, buand ubúmábídúmban, obóndon bɛ́d bóbísómonyé. 49Begúl bég gidigid bámabá delimine hádɛ na bagándɔ ebémébinén yɔ́ guenebulín Galilé bábíyigan súsɔ́n.
Ginyo giá Yésuse
(Mat 27.57-61; Mál 15.42-47)
50Gúu mɔndɔ omodi ɔhɛ́n áneé Yɔ́sɛba úmónól, umabá uguá idɔg, mɔndɔ wa ɔdɛ́m beseé úmuanyɛ súsɔ́n gindényé. 51Umasúguádáab ta nugúda, ta melélíe má bɔ́gɔ́b. Umabá mɔndɔ wa gidɔŋ giá Alimaté, tísɔna wa bayúdɛn, umabá ugígan gugilebe guá Uhaluá. 52Mɔndɔ ugányɛ uwɛɛ́d uwanaán Pilát gá guóhún gilɔ́ŋ giá Yésuse. 53Uwesusie gilɔ́ŋ giá Yésuse uguá nuag, uwemíŋe giɛ́ uguá giása, uwononyoó uguá gibɛ́l igiɛ́ bámáduá uguá nidányɛ. Bámabá bámanyɛ bódinyoó mɔndɔ omodi guɔ́. 54Búmabá buɔ́sɛ buá bíaŋanan gá bélié guá giíndía giá bayúdɛn. 55Bagándɔ ebémélényé Yésuse guónoólín Galilé, ebébinidin Yɔ́sɛba, abábíyigan gibɛ́l obónd abáan hana bémébídíginye gilɔ́ŋ giég. 56Ebégúg gá guaŋanan megúd má ohind.
Nsɔ́m iyɛɛ́ bɔ́mɔɔ́b agá gibɛ́l
(Mat 28.1-9; Mál 16.1-8)
Obóhoge buɔ́sɛ buá giíndía giá bayúdɛn hana gigodi giɔ́b gíɔ́yɔnɔ́.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល