Lúkas 24
24
1Budúg na budúg buá buɔ́sɛ buá busió buá gɛnyɛ, bagándɔ ɔbɔ́gɔ́l megúd ma ohind ɔmɔɔ́ bámaŋanan, abɛ́d agá gibɛ́l. 2Ebégigie áneé bémebíŋílidie nidányɛ inímegindigen gibɛ́l. 3Bémeémébíŋín, bémeséndegégie gilɔ́ŋ giá Yésuse, Ɔgúná. 4Hana bámasándalɛns buand buá gual, bandɔ báandɛ na bisɔn biá menyimenyi ebébiéníginye bɔ́. 5Hana bangádɔ bɔ́mɔɔ́b bugádɔ, obóloŋimonye mosió uguísi, bandɔ abagányɛ ɔbɔ́yidɛn bɔ́ áneé: «Gá giagɛ nuámbanɔ́ unyaá ɔgɔ́sɛ uguá ɔlɔŋ huá ebeguén? 6Udibá agá gɔgaá, usáhám uguá gibɛ́l. Bídúmúdenyenu hana umabá unúgálgalɛn agaá úmabá umanyɛ Galilé, 7umɔyá áneé: “Búánigímanan áneé bédué Muɔ́n wa mɔndɔ gá bafal, bɔ́ndɔn yɔ́ uguá nuag wond uhám uguá gibɛ́l buɔ́sɛ buá gádádɔ.” » 8Ebébídúmdenye gɔg dugálɔ duá Yésuse. 9Bómoómónoólígie agá gibɛ́l, abɛ́d gá guɔyɔn bebinene bá báad nomue na bɔsɔ́gá bómodi muand umugányɛ gidigid. 10Búmabá Malía wa gidɔŋ giá Magdala, Sáne, Malía noódíe wa Sák na bagándɔ bómodi súsɔ́n, ɔbɔ́yɔn bebinene muand umugányɛ gidigid. 11Bebinene abán áneé bagándɔ abagányɛ bámabídámbálá, bámasúguádáab ŋŋɔyida yɔb. 12Ta anagányɛ, Piéle uwadigɛn na ɔdɛ́d gá guɛ́d agá gibɛ́l, uwɔbíyɔŋimɛn, uwaán pɛ́ŋ biása ibiɛ́ bémemíŋé yɔ́ na biɛ́. Uwegúg egég gá nihiá wɛɛ́d uyíka buónyi ubúmabíal.
Uguá ŋŋil ya guɛ́d Emayús
13Buɔ́sɛ buáguɔ́ ubugányɛ, bebinene báandɛ bámiídan uguá gidɔŋ igiɛ́ bɔ́dɔ́ŋɔnaá áneé Emayús. Gá guóligie Yelusalɛ́m, gá guídeneg Emayús andɛd bisigɛl bíandɛ. 14Bámabá bɛ́d bɔ́ya bámuanyɛ na bámuanyɛ muand gidigid umúmabídúmbán. 15Hana bámabá bágálgal gɔg bónd béségenye, Yésuse mbánan uwakilɛn bɔ́, uwɔŋ ɔlɔŋ nɔɔ́nɔb. 16Gɔgaá, bámuanyɛ na mehegu, bámasálɛns yɔ́.
17Yésuse uwoóhún gɔ́b áneé: «Giagɛ igiɛ́ núnya nuanda nuségenye?» Ebédélímin, na mesígíl. 18Mɔndɔ omodi uguɔ́b guá ɔlɔŋ ɔhɛ́n áneé Kleópas, uwondinye yɔ́ áneé: «Anyɛ aŋuá omoómi anyaá Yelusalɛ́m adiálínsan buand ubúábídúmban uguá mɔɔ́sɛ ɔmɔ!» 19Yésuse uwoóhún bɔ́ áneé: «Giagɛ gɔg?» Obóndinye yɔ́ áneé: «Buand ubúbíyiganaá Yésuse wa Nasalɛ́d, uwaábá ŋŋaŋa ya ebunebúné naá uguá melélíe naá uguá dugálɔ agá eŋís ya Uhaluá naá ya buán gidigid. 20Na bagɔ́n bedúmbinusámb na bɔgɔ́ga básɔ bédué yɔ́, abásɔ́mb gisan giég áneé waánigimanan na nigué obónd ɔbɔ́ndɔn yɔ́ uguá nuag. 21Basuá gɔg diágán nubídágídɛ́n áneé úgaháŋanɔ́ Íslayɛ́l. Gɔgaá, uguá muand umúganyɛ gidigid búganyɛ mɔɔ́sɛ mádádɔ uyɔɔ́ muand umugányɛ múmabídúmbán. 22Ta nɔ́, gidám giásɔ giá bagándɔ gímodi igíédísúmbígie manɔ́ŋ gímoómósiond agá gibɛ́l budúg na budúg. 23Gɔgaá, gíéségégie gilɔ́ŋ giá Yésuse. Gíɔ́sidiɔ́yɔ́n áneé gíábiá nuénígie, igíán bilúna bíɔya áneé Yésuse unyɛ ɔgɔ́sɛ. 24Bagásɔ́ bómodi básɛɛ́d agá gibɛ́l, ubuɔ́ béségegie, búsabá bilɔŋ bímomi hana bagándɔ bɔ́sɔ́guɔya, gɔgaá, úmuanyɛ básasúguán yɔ́.» 25Yésuse uwondinye bɔ́ áneé: «Éyi, bandɔ bá kanda nugedie ɔbɔɔ́ idɛ́m siɔ́b sínya gunɔ́h gá guádáab buand gidigid ubuɔ́ bebunebúné bɔ́mɔya! 26Kásɛ búmasánigimanan áneé Bémeyíde wɔgɔguɔ́bɛ́ɛg ubédebíŋín uguég guá nigúmi a? 27Guenebul agá Mɔ́sɛsa, gueneneg agá bebunebúné, Yésuse umanúnán bɔ́ buand gidigid ubúmabá ubúɔ́ŋɔ́n gég gá busió.»
28Bámaáganyɛ mɔdɔg na gidɔŋ igiɛ́ bámiídan, Yésuse uwábísúgád hana waáguídan hádɛ gudɔ́mb. 29Bebinene bég abáfála yɔ́ bɔ́yɔn yɔ́ áneé: «Síen naánasɔ, gá giagiá ginɛ́ŋ gímámanagua, súsɔ́n buɔ́sɛ búganyɛ hádɛ.» Yésuse gɔg uwebíŋín gá síen nɔɔ́nɔb. 30Henyé bámaágányánán, Yésuse uwɔgɔ́l gilɛ́d uwasayɛ uwabáya uweéŋin bɔ́. 31Agányɛ gɔg eŋís yɔ́b yémebíbún, obónd abálɛns yɔ́, uwedúmbie guságínɛn bɔ́. 32abɛ́d gá guɔya bámuanyɛ na bámuanyɛ áneé: «Idɛ́m siásɔ símándálula uguadá guásɔ, uguá ginɛŋ igiɛ́ umɔ́ndɔ́díɔyɔn mayɔ uguá ŋŋil umond umándadísalunan Ŋŋɔ́ŋɛ.»
33Hɔ́nɔhɔ́, abádigɛn gá guond Yelusalɛ́m, ebégégie bebinene bá báad nomue, béseménebídidid na biendinyi biɔ́b, 34ɔbɔ́yɔn bɔ́ áneé: «Búnyɛ nɔ́ hómohómue! Ɔgúná waáhám uguá gibɛ́l, weébíénígínyé Símune.»
35Bámuanyɛ súsɔ́n ɔbɔ́yɔn bɔ́ buand ubúmabídúmbán uguá ŋŋil, na hana bámalinsɛ́n yɔ́ uguá báya guá gilɛ́d.
Yésuse umánígɛn bebinene bá báad nomue
36Bámaábágálgal anagányɛ, Yésuse uwahámínɛn bɔ́ agá ɔdɛ́m na ɔdɛ́m wɔyɔn bɔ́ áneé: «Bumbénu búbá naánanɔ.» 37Bumbíla na bugádɔ umúégimbin bɔ́, ebégedenye áneé bámán nnyɔlɛ. 38úmuanyɛ gɔ́b gɔg áneé: «Gá giagɛ númesúlúŋén? Gá giagɛ núnyaá súsɔn na mpálɔ agá ɔdɛ́m? 39Bíyígánánɔ imbɔ́g síamɛ na dugɔ́nd duámɛ: Búnyɛ yaŋuá beseé na beseé. Mbígɔ́dɔ́nɔ́nɔ, bíyígánánɔ, nnyɔlɛ idigódi ta mmegu, ta gigoóge hana núŋánanaá yaŋuá naá muɔ́.» 40Umaámágálɛ́d anagányɛ uwedíye bɔ́ imbɔ́g siég na dugɔ́nd duég. 41Uguɔ́b guá ibal, haná bémén guádáab súsɔ́n hana bámabíyíká, Yésuse uwoóhún bɔ́ áneé: «Nugódi buand buá nyá aga a?» 42Ebéŋin yɔ́ gibéyi giá yɔb igihuán. 43Uwɔgɔ́l giɛ́ uwanyá ɔgɔ́b gá eŋís.
44Yésuse uwɔnduguɔyidɛn bɔ́ gɔg áneé: «Ndénu, dugálɔ uduɔ́ mmɔnúɔyɔn agaá mmabá mmanyɛ naánanɔ: Búánigimanan áneé muand gidigid umúmabá umúɔ́ŋɔ́n gámɛ gá busió uguá yubu hiá bigodi biá Mɔ́sɛsa, biá bebunebúné naá hiá bilɛ́l múbíhónye.» 45Uwebun bɔ́ gɔg meéne gá guɔ́b Ŋŋɔ́ŋɛ, 46uwond uwɔyidɛn bɔ́ áneé: «Búnyɛ hana búnya ubúɔ́ŋɔ́n áneé: Bémeyíde wɔnɔ́bɛ́ɛg wond uhám uguá bunyɛ nnyɔlɛ uguá buɔ́sɛ buá gádádɔ, 47uguég guá ɔhɛ́n gɔg bénésesenye gunúgie bilɔŋ na giyibinina giá bilɔga uguá maán gidigid, guanagunsɛ́n Yelusalɛ́m. 48Banuá núnya bamaáná bá muand umugányɛ. 49Yaŋuá gɔg yanánúdúmɛ́n buand ubuɔ́ Síe wamɛ úmanúdánɛ́n. Banuá gɔg, gígánánɔ agá tísɔna gueneg hana nuánábánɔ ebéhúgígén na búŋaŋa ubúólonineé ugumɔn.»
50Egélém agányɛ, Yésuse uwɛɛ́d na bebinene bég ɔmbɔ́g huá Betaní, umeémédiginye imbɔ́g uwasayɛ bɔ́. 51Umaágásaya bɔ́, uwadándúgan nɔɔ́nɔb, Uhaluá uwɔgɔ́l yɔ́ ugumɔn. 52Bámuanyɛ, egélém gá bɔmbigɔnɛn yɔ́ dudúg, obónd Yelusalɛ́m na mefunde, 53bámabá ginɛŋ gidigid uguá idúl gá búlúgenye Uhaluá.
ទើបបានជ្រើសរើសហើយ៖
Lúkas 24: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkas 24
24
1Budúg na budúg buá buɔ́sɛ buá busió buá gɛnyɛ, bagándɔ ɔbɔ́gɔ́l megúd ma ohind ɔmɔɔ́ bámaŋanan, abɛ́d agá gibɛ́l. 2Ebégigie áneé bémebíŋílidie nidányɛ inímegindigen gibɛ́l. 3Bémeémébíŋín, bémeséndegégie gilɔ́ŋ giá Yésuse, Ɔgúná. 4Hana bámasándalɛns buand buá gual, bandɔ báandɛ na bisɔn biá menyimenyi ebébiéníginye bɔ́. 5Hana bangádɔ bɔ́mɔɔ́b bugádɔ, obóloŋimonye mosió uguísi, bandɔ abagányɛ ɔbɔ́yidɛn bɔ́ áneé: «Gá giagɛ nuámbanɔ́ unyaá ɔgɔ́sɛ uguá ɔlɔŋ huá ebeguén? 6Udibá agá gɔgaá, usáhám uguá gibɛ́l. Bídúmúdenyenu hana umabá unúgálgalɛn agaá úmabá umanyɛ Galilé, 7umɔyá áneé: “Búánigímanan áneé bédué Muɔ́n wa mɔndɔ gá bafal, bɔ́ndɔn yɔ́ uguá nuag wond uhám uguá gibɛ́l buɔ́sɛ buá gádádɔ.” » 8Ebébídúmdenye gɔg dugálɔ duá Yésuse. 9Bómoómónoólígie agá gibɛ́l, abɛ́d gá guɔyɔn bebinene bá báad nomue na bɔsɔ́gá bómodi muand umugányɛ gidigid. 10Búmabá Malía wa gidɔŋ giá Magdala, Sáne, Malía noódíe wa Sák na bagándɔ bómodi súsɔ́n, ɔbɔ́yɔn bebinene muand umugányɛ gidigid. 11Bebinene abán áneé bagándɔ abagányɛ bámabídámbálá, bámasúguádáab ŋŋɔyida yɔb. 12Ta anagányɛ, Piéle uwadigɛn na ɔdɛ́d gá guɛ́d agá gibɛ́l, uwɔbíyɔŋimɛn, uwaán pɛ́ŋ biása ibiɛ́ bémemíŋé yɔ́ na biɛ́. Uwegúg egég gá nihiá wɛɛ́d uyíka buónyi ubúmabíal.
Uguá ŋŋil ya guɛ́d Emayús
13Buɔ́sɛ buáguɔ́ ubugányɛ, bebinene báandɛ bámiídan uguá gidɔŋ igiɛ́ bɔ́dɔ́ŋɔnaá áneé Emayús. Gá guóligie Yelusalɛ́m, gá guídeneg Emayús andɛd bisigɛl bíandɛ. 14Bámabá bɛ́d bɔ́ya bámuanyɛ na bámuanyɛ muand gidigid umúmabídúmbán. 15Hana bámabá bágálgal gɔg bónd béségenye, Yésuse mbánan uwakilɛn bɔ́, uwɔŋ ɔlɔŋ nɔɔ́nɔb. 16Gɔgaá, bámuanyɛ na mehegu, bámasálɛns yɔ́.
17Yésuse uwoóhún gɔ́b áneé: «Giagɛ igiɛ́ núnya nuanda nuségenye?» Ebédélímin, na mesígíl. 18Mɔndɔ omodi uguɔ́b guá ɔlɔŋ ɔhɛ́n áneé Kleópas, uwondinye yɔ́ áneé: «Anyɛ aŋuá omoómi anyaá Yelusalɛ́m adiálínsan buand ubúábídúmban uguá mɔɔ́sɛ ɔmɔ!» 19Yésuse uwoóhún bɔ́ áneé: «Giagɛ gɔg?» Obóndinye yɔ́ áneé: «Buand ubúbíyiganaá Yésuse wa Nasalɛ́d, uwaábá ŋŋaŋa ya ebunebúné naá uguá melélíe naá uguá dugálɔ agá eŋís ya Uhaluá naá ya buán gidigid. 20Na bagɔ́n bedúmbinusámb na bɔgɔ́ga básɔ bédué yɔ́, abásɔ́mb gisan giég áneé waánigimanan na nigué obónd ɔbɔ́ndɔn yɔ́ uguá nuag. 21Basuá gɔg diágán nubídágídɛ́n áneé úgaháŋanɔ́ Íslayɛ́l. Gɔgaá, uguá muand umúganyɛ gidigid búganyɛ mɔɔ́sɛ mádádɔ uyɔɔ́ muand umugányɛ múmabídúmbán. 22Ta nɔ́, gidám giásɔ giá bagándɔ gímodi igíédísúmbígie manɔ́ŋ gímoómósiond agá gibɛ́l budúg na budúg. 23Gɔgaá, gíéségégie gilɔ́ŋ giá Yésuse. Gíɔ́sidiɔ́yɔ́n áneé gíábiá nuénígie, igíán bilúna bíɔya áneé Yésuse unyɛ ɔgɔ́sɛ. 24Bagásɔ́ bómodi básɛɛ́d agá gibɛ́l, ubuɔ́ béségegie, búsabá bilɔŋ bímomi hana bagándɔ bɔ́sɔ́guɔya, gɔgaá, úmuanyɛ básasúguán yɔ́.» 25Yésuse uwondinye bɔ́ áneé: «Éyi, bandɔ bá kanda nugedie ɔbɔɔ́ idɛ́m siɔ́b sínya gunɔ́h gá guádáab buand gidigid ubuɔ́ bebunebúné bɔ́mɔya! 26Kásɛ búmasánigimanan áneé Bémeyíde wɔgɔguɔ́bɛ́ɛg ubédebíŋín uguég guá nigúmi a? 27Guenebul agá Mɔ́sɛsa, gueneneg agá bebunebúné, Yésuse umanúnán bɔ́ buand gidigid ubúmabá ubúɔ́ŋɔ́n gég gá busió.»
28Bámaáganyɛ mɔdɔg na gidɔŋ igiɛ́ bámiídan, Yésuse uwábísúgád hana waáguídan hádɛ gudɔ́mb. 29Bebinene bég abáfála yɔ́ bɔ́yɔn yɔ́ áneé: «Síen naánasɔ, gá giagiá ginɛ́ŋ gímámanagua, súsɔ́n buɔ́sɛ búganyɛ hádɛ.» Yésuse gɔg uwebíŋín gá síen nɔɔ́nɔb. 30Henyé bámaágányánán, Yésuse uwɔgɔ́l gilɛ́d uwasayɛ uwabáya uweéŋin bɔ́. 31Agányɛ gɔg eŋís yɔ́b yémebíbún, obónd abálɛns yɔ́, uwedúmbie guságínɛn bɔ́. 32abɛ́d gá guɔya bámuanyɛ na bámuanyɛ áneé: «Idɛ́m siásɔ símándálula uguadá guásɔ, uguá ginɛŋ igiɛ́ umɔ́ndɔ́díɔyɔn mayɔ uguá ŋŋil umond umándadísalunan Ŋŋɔ́ŋɛ.»
33Hɔ́nɔhɔ́, abádigɛn gá guond Yelusalɛ́m, ebégégie bebinene bá báad nomue, béseménebídidid na biendinyi biɔ́b, 34ɔbɔ́yɔn bɔ́ áneé: «Búnyɛ nɔ́ hómohómue! Ɔgúná waáhám uguá gibɛ́l, weébíénígínyé Símune.»
35Bámuanyɛ súsɔ́n ɔbɔ́yɔn bɔ́ buand ubúmabídúmbán uguá ŋŋil, na hana bámalinsɛ́n yɔ́ uguá báya guá gilɛ́d.
Yésuse umánígɛn bebinene bá báad nomue
36Bámaábágálgal anagányɛ, Yésuse uwahámínɛn bɔ́ agá ɔdɛ́m na ɔdɛ́m wɔyɔn bɔ́ áneé: «Bumbénu búbá naánanɔ.» 37Bumbíla na bugádɔ umúégimbin bɔ́, ebégedenye áneé bámán nnyɔlɛ. 38úmuanyɛ gɔ́b gɔg áneé: «Gá giagɛ númesúlúŋén? Gá giagɛ núnyaá súsɔn na mpálɔ agá ɔdɛ́m? 39Bíyígánánɔ imbɔ́g síamɛ na dugɔ́nd duámɛ: Búnyɛ yaŋuá beseé na beseé. Mbígɔ́dɔ́nɔ́nɔ, bíyígánánɔ, nnyɔlɛ idigódi ta mmegu, ta gigoóge hana núŋánanaá yaŋuá naá muɔ́.» 40Umaámágálɛ́d anagányɛ uwedíye bɔ́ imbɔ́g siég na dugɔ́nd duég. 41Uguɔ́b guá ibal, haná bémén guádáab súsɔ́n hana bámabíyíká, Yésuse uwoóhún bɔ́ áneé: «Nugódi buand buá nyá aga a?» 42Ebéŋin yɔ́ gibéyi giá yɔb igihuán. 43Uwɔgɔ́l giɛ́ uwanyá ɔgɔ́b gá eŋís.
44Yésuse uwɔnduguɔyidɛn bɔ́ gɔg áneé: «Ndénu, dugálɔ uduɔ́ mmɔnúɔyɔn agaá mmabá mmanyɛ naánanɔ: Búánigimanan áneé muand gidigid umúmabá umúɔ́ŋɔ́n gámɛ gá busió uguá yubu hiá bigodi biá Mɔ́sɛsa, biá bebunebúné naá hiá bilɛ́l múbíhónye.» 45Uwebun bɔ́ gɔg meéne gá guɔ́b Ŋŋɔ́ŋɛ, 46uwond uwɔyidɛn bɔ́ áneé: «Búnyɛ hana búnya ubúɔ́ŋɔ́n áneé: Bémeyíde wɔnɔ́bɛ́ɛg wond uhám uguá bunyɛ nnyɔlɛ uguá buɔ́sɛ buá gádádɔ, 47uguég guá ɔhɛ́n gɔg bénésesenye gunúgie bilɔŋ na giyibinina giá bilɔga uguá maán gidigid, guanagunsɛ́n Yelusalɛ́m. 48Banuá núnya bamaáná bá muand umugányɛ. 49Yaŋuá gɔg yanánúdúmɛ́n buand ubuɔ́ Síe wamɛ úmanúdánɛ́n. Banuá gɔg, gígánánɔ agá tísɔna gueneg hana nuánábánɔ ebéhúgígén na búŋaŋa ubúólonineé ugumɔn.»
50Egélém agányɛ, Yésuse uwɛɛ́d na bebinene bég ɔmbɔ́g huá Betaní, umeémédiginye imbɔ́g uwasayɛ bɔ́. 51Umaágásaya bɔ́, uwadándúgan nɔɔ́nɔb, Uhaluá uwɔgɔ́l yɔ́ ugumɔn. 52Bámuanyɛ, egélém gá bɔmbigɔnɛn yɔ́ dudúg, obónd Yelusalɛ́m na mefunde, 53bámabá ginɛŋ gidigid uguá idúl gá búlúgenye Uhaluá.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល