Lúkas 18
18
Nsab ya gilɔg giá esúmbíbisan
1Yésuse uwedúmín bebinene bég nsab ya gueleé áneé bóbísógólonye binɛŋ gidigid kanda nidɔgínaá. 2Uwɔyidɛn bɔ́ áneé: «Ofuŋ húmodi húmabá agá tísɔna omodi, húmesédíne ta Uhaluá, húmasúguánan ta mɔndɔ buand. 3Gisí giá ugándɔ gímabá agá tísɔna waáguɔ́, giídan agá esúmbíbisan, gíɔ́yɔn yɔ́ áneé: “Sɔ́mb gisan giámɛ na abɛlɛ́bɛl wamɛ.” 4Ofuŋ uhúal giandá giá ginɛŋ kanda guádáabɛn gisí igigányɛ. Egélém agányɛ uhúábígálídɛn áneé: “Ndiédíne ta Uhaluá, ta mɔndɔ omoómi ndiáguánan hana buand, 5hana gisí giá ugándɔ gɔg igiɛ gínsésenyeé, ŋŋaásɔ́mb gisan giég gá gueleé áneé udiandasiŋáda meéne.” » 6Ɔgúná uwɔɔ́hígɛn áneé: «Ánaá núbídɔ́lígɛn buand ubuɔ́ esúmbíbisan wa kanda bugindényé wɔ́yɔnɔ́. 7Kásɛ Uhaluá udianásɔ́mb gisan giá bebémeyíde, abábaŋanaá yɔ́ budúg hana buɔ́sɛ a? Wanágígɛ́ɛd kendegígin bɔ́ ɔmbɔ́g a? 8Yɔɔ́núɔyɔn áneé wanásɔ́mb gisan giɔ́b gunsáns. Uguá ginɛŋ gɔg igiɛ́ Muɔ́n wa mɔndɔ wónólonú, kásɛ wenégégie beédébi eguísi aga a?»
Maná bafalisiɛ́ŋ na eduísilampɔ́
9Yésuse uwɔnduguɔyɛd súsɔ́n nsab iyɛ gá busió buá bandɔ ɔbɔ́yɔnɔ́ áneé bányɛ gindényé, básíŋa bɔsɔ́gá áneé: 10«Bandɔ báandɛ bámɛɛ́d uguá gigúl gá bísógólónye, omoómi maná bafalisiɛ́ŋ, omodi eduísilampɔ́. 11Maná bafalisiɛ́ŋ delimine, ubísógólonye egég gá ɔdɛ́m áneé: “Uhaluá wamɛ, yáhuán giod giá mbíyigie gá giagiá ndibá hana bɔsɔ́gá bómodi, abánya beébi, belíbidáŋa, babánbán, ugúnya ana hana eduísilampɔ́ uyɔ. 12Yeébíényenye gunyá iŋand íhandɛ uguá gɛnyɛ, ŋŋuhuán búad uguá étín átánɔ wámɛ wa bunɛ́m ubuɔ́ mbúdanɔ́.” 13Eduísilampɔ́ hádɛ enéné umɔsúguɔya ta gubíbúlímɛn. Ubísómónye pɛ́ŋ gɔg wɔya áneé: “Uhaluá wamɛ, ŋŋán bulɔ́b nnyɛ eŋelibilɔga.” » 14Yésuse uwɔɔ́hígɛn áneé: «Ɛɛ́ɛ, mmɔ́núɔyídɛ́n buɔ́ áneé, eduísilampɔ́ umeégégúgén Uhaluá umabá umaán yɔ́ áneé unyɛ gindényé. Búmasábá gɔg maná bafalisiɛ́ŋ. Gá giagiá mɔndɔ ubíbúlúgenyeé bénésusie yɔ́, ubísusenyeé bénébúlígie yɔ́.»
Yésuse waásaya bá bugadiá
(Mat 19.12-15; Mál 10.13-16)
15Bandɔ obólónin Yésuse na babugadiá áneé ubígɔ́dɔn bɔ́. Bebinene bég bámaámán anagányɛ, abɛ́d gá sise bɔ́. 16Yésuse uwɔyɛd áneé bólín yɔ́ na babugadiá. Úmuanyɛ áneé: «Níhínánánɔ biayɔ bíŋólín, nudienyé biɛ́, gá giagiá Niguili niá gumɔn níɔ́guɔ́bɔnɛn na bandɔ abánya hana bámuanyɛ. 17Yɔɔ́núɔyɔn buɔ́, búnyɛ hómohómue, mɔndɔ udiábá wa gíndígɛn Niguili niá gumɔn hana muúŋayɔ, udibá wá bíŋín guɔ́.»
Nnuɛ́m ya mɔndɔ
(Mat 19.16-22; Mál 10.17-22)
18Ɔdɔŋdɔ́ŋ omodi uwoóhún Yésuse áneé: «Ndága ya ehuínyihuínyi, giagɛ igiɛ́ nnya wa gual mbádabia nusɔ́da nuá ságásagá?» 19Yésuse uwondinye yɔ́ áneé: «Gá giagɛ ɔ́mɔ́ndɔ́ŋɛ́ɛn áneé ndága? Mɔndɔ udibá ndága eguísi aga, pɛ́ŋ Uhaluá. 20Aálinsan bigodi: adial gidáŋa, ɔdiɔ́n, ediéb, adisúŋɛ́n sɔ́gá buónyi, Hínényé síe wahɔ na noódíe wahɔ.» 21Ɔdɔŋdɔ́ŋ uwondinye áneé: «Ubugányɛ gidigid mmebul gugimbe buɔ́ gá buábuaya wamɛ.» 22Yésuse umɔɔ́mɔ́b anagányɛ, úmuanyɛ gég áneé: «Buand búmanyɛ gá guóhón pɛ́ŋ búmomi, buá gidigid ubuɔ́ ógódionu, dué buɔ́, aban basúgasuga anábia bunɛ́m ugumɔn, ond oól embinidin.» 23Mɔndɔ umɔɔ́mɔ́b anagányɛ uwehílíg, gá giagiá umabianán giod giá bunɛ́m. 24Yésuse umaámán yɔ́ anagányɛ uwɔyɛd áneé: «Búnyɛ meyú gá gueleé nnuɛ́m siá bandɔ síbíŋín uguá Niguili niá Uhaluá. 25Ɛɛ́ɛ, Búnyɛ lágɔlágɔ gá bunyam ubuɔ́ bɔ́dɔ́ŋɔ́naá áneé samó, gá dúmbɛ́n agá giési giá ɔndɔnd, gudɔ́mb gubíŋín guá nnuɛ́m ya mɔndɔ uguá Niguili niá Uhaluá.» 26Bandɔ ɔbɔ́mɔ́bídɔ́lígɔ́nɔ́n Yésuse obóndinye yɔ́ áneé: «Agányɛ gɔg ányá unyaá wa bá aháŋánɔ?» 27Yésuse uwondinye bɔ́ áneé: «Ubúgáŋanaá bandɔ búdiágáŋan Uhaluá.»
28Piéle uwɔyɛd áneé: «Basuá dimanihɛ́n muand muásɔ gá binidin.» 29Yésuse uwondinye yɔ́ áneé: «Hómohómue mbánan yɔ́núɔyɔn buɔ́: Mɔndɔ unyaá wa nihɛn na giansɛ giég, na ugányɛ, na bebíényi, na baán na beliméen gá busió buá Niguili niá Uhaluá, 30wanábia giod gudɔ́mb uguá ginɛŋ igiɛ, wond ubia nusɔ́da nuá ságásagá gá igíóloneé.»
Gidóginye giá nsúgie giá giɔ́bíga giá Yésuse
(Mat 20.17-19; Mál 10.28-30)
31Yésuse uwɔbígɔ́gídɛn bebinene bá báad na bándɛ gá guɔyidɛn bɔ́ áneé: «Basuá ɔbɔ diídanaá, Yelusalɛ́m agaá buand gidigid ubuɔ́ bebunebúné bɔ́mɔyá gá busió buá Muɔ́n wa mɔndɔ búgóbíhónyenú. 32Ɛɛ́ɛ, Bágasílɛ́ɛg yɔ́ uguá imbɔ́g siá bindiádába, bágasíga yɔ́, bɔ́gɔhɔna yɔ́ bónd bágasan yɔ́ bidá. 33Bégenúbe yɔ́ na bifáfína, bond bɔ́n yɔ́. Egélém gá mɔɔ́sɛ mádádɔ uhám uguá gibɛ́l.» 34Gɔgaá, bámuanyɛ bɔ́mɔsúguɔ́b ta buand uguá nugálɔ unugányɛ, numabá gɔ́b nsab, gúu bámabádilinsan buand ubuɔ́ Yésuse úmambá guɔyidɛn bɔ́.
Yésuse umóndúgié eheguhégu
(Mat 20.29-34; Mál 10.46-52)
35Yésuse umagányɛ mɔdɔg na Yelikó, uwaán eheguhégu dugumine agá buáyɛ buá ŋŋil ulula. 36Eheguhégu uwɔ́b giíŋ gídúmban, uwond uwoóhún bandɔ ubúmábídúmban. 37Obóndínye yɔ́ áneé: «Búnyɛ Yésuse wa Nasalɛ́d údúmbanaá.» 38Uwabídáyídɛn gɔg áneé: «Yésuse, uhaŋ huá Dáfide, ŋŋán bulɔ́b!» 39Bandɔ abámandá uguá busió béginden yɔ́ áneé uhádan. Eheguhégu uwandabídáyídɛn na bugaga áneé: «Uhaŋ huá Dáfide ŋŋán bulɔ́b!» 40Yésuse uwedélímin uwond uwodóŋínye bugaga áneé bólín yɔ́ neéneg. Eheguhégu umeémésieg mɔdɔg na Yésuse, Yésuse uwoóhún yɔ́ áneé: 41«Giagɛ igiɛ́ ábaŋanɔ́ áneé ŋŋualɛn?» Eheguhégu uwondinye áneé: «Ɔgúná al áneé yond gá guánan.» 42Yésuse uwondinye yɔ́ áneé: «Ond gá guánan. Guágɔdɛ́m guáhɔ gúmósódie.» 43Hɔ́nɔhɔ́, eheguhégu uwond gá guánan, uwedúmbie uwebinidin Yésuse, wɛɛ́d ugúményé Uhaluá. buán gidigid búmámaán anagányɛ ubúɛ́d gá lélenye nigúmi niá Uhaluá.
ទើបបានជ្រើសរើសហើយ៖
Lúkas 18: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkas 18
18
Nsab ya gilɔg giá esúmbíbisan
1Yésuse uwedúmín bebinene bég nsab ya gueleé áneé bóbísógólonye binɛŋ gidigid kanda nidɔgínaá. 2Uwɔyidɛn bɔ́ áneé: «Ofuŋ húmodi húmabá agá tísɔna omodi, húmesédíne ta Uhaluá, húmasúguánan ta mɔndɔ buand. 3Gisí giá ugándɔ gímabá agá tísɔna waáguɔ́, giídan agá esúmbíbisan, gíɔ́yɔn yɔ́ áneé: “Sɔ́mb gisan giámɛ na abɛlɛ́bɛl wamɛ.” 4Ofuŋ uhúal giandá giá ginɛŋ kanda guádáabɛn gisí igigányɛ. Egélém agányɛ uhúábígálídɛn áneé: “Ndiédíne ta Uhaluá, ta mɔndɔ omoómi ndiáguánan hana buand, 5hana gisí giá ugándɔ gɔg igiɛ gínsésenyeé, ŋŋaásɔ́mb gisan giég gá gueleé áneé udiandasiŋáda meéne.” » 6Ɔgúná uwɔɔ́hígɛn áneé: «Ánaá núbídɔ́lígɛn buand ubuɔ́ esúmbíbisan wa kanda bugindényé wɔ́yɔnɔ́. 7Kásɛ Uhaluá udianásɔ́mb gisan giá bebémeyíde, abábaŋanaá yɔ́ budúg hana buɔ́sɛ a? Wanágígɛ́ɛd kendegígin bɔ́ ɔmbɔ́g a? 8Yɔɔ́núɔyɔn áneé wanásɔ́mb gisan giɔ́b gunsáns. Uguá ginɛŋ gɔg igiɛ́ Muɔ́n wa mɔndɔ wónólonú, kásɛ wenégégie beédébi eguísi aga a?»
Maná bafalisiɛ́ŋ na eduísilampɔ́
9Yésuse uwɔnduguɔyɛd súsɔ́n nsab iyɛ gá busió buá bandɔ ɔbɔ́yɔnɔ́ áneé bányɛ gindényé, básíŋa bɔsɔ́gá áneé: 10«Bandɔ báandɛ bámɛɛ́d uguá gigúl gá bísógólónye, omoómi maná bafalisiɛ́ŋ, omodi eduísilampɔ́. 11Maná bafalisiɛ́ŋ delimine, ubísógólonye egég gá ɔdɛ́m áneé: “Uhaluá wamɛ, yáhuán giod giá mbíyigie gá giagiá ndibá hana bɔsɔ́gá bómodi, abánya beébi, belíbidáŋa, babánbán, ugúnya ana hana eduísilampɔ́ uyɔ. 12Yeébíényenye gunyá iŋand íhandɛ uguá gɛnyɛ, ŋŋuhuán búad uguá étín átánɔ wámɛ wa bunɛ́m ubuɔ́ mbúdanɔ́.” 13Eduísilampɔ́ hádɛ enéné umɔsúguɔya ta gubíbúlímɛn. Ubísómónye pɛ́ŋ gɔg wɔya áneé: “Uhaluá wamɛ, ŋŋán bulɔ́b nnyɛ eŋelibilɔga.” » 14Yésuse uwɔɔ́hígɛn áneé: «Ɛɛ́ɛ, mmɔ́núɔyídɛ́n buɔ́ áneé, eduísilampɔ́ umeégégúgén Uhaluá umabá umaán yɔ́ áneé unyɛ gindényé. Búmasábá gɔg maná bafalisiɛ́ŋ. Gá giagiá mɔndɔ ubíbúlúgenyeé bénésusie yɔ́, ubísusenyeé bénébúlígie yɔ́.»
Yésuse waásaya bá bugadiá
(Mat 19.12-15; Mál 10.13-16)
15Bandɔ obólónin Yésuse na babugadiá áneé ubígɔ́dɔn bɔ́. Bebinene bég bámaámán anagányɛ, abɛ́d gá sise bɔ́. 16Yésuse uwɔyɛd áneé bólín yɔ́ na babugadiá. Úmuanyɛ áneé: «Níhínánánɔ biayɔ bíŋólín, nudienyé biɛ́, gá giagiá Niguili niá gumɔn níɔ́guɔ́bɔnɛn na bandɔ abánya hana bámuanyɛ. 17Yɔɔ́núɔyɔn buɔ́, búnyɛ hómohómue, mɔndɔ udiábá wa gíndígɛn Niguili niá gumɔn hana muúŋayɔ, udibá wá bíŋín guɔ́.»
Nnuɛ́m ya mɔndɔ
(Mat 19.16-22; Mál 10.17-22)
18Ɔdɔŋdɔ́ŋ omodi uwoóhún Yésuse áneé: «Ndága ya ehuínyihuínyi, giagɛ igiɛ́ nnya wa gual mbádabia nusɔ́da nuá ságásagá?» 19Yésuse uwondinye yɔ́ áneé: «Gá giagɛ ɔ́mɔ́ndɔ́ŋɛ́ɛn áneé ndága? Mɔndɔ udibá ndága eguísi aga, pɛ́ŋ Uhaluá. 20Aálinsan bigodi: adial gidáŋa, ɔdiɔ́n, ediéb, adisúŋɛ́n sɔ́gá buónyi, Hínényé síe wahɔ na noódíe wahɔ.» 21Ɔdɔŋdɔ́ŋ uwondinye áneé: «Ubugányɛ gidigid mmebul gugimbe buɔ́ gá buábuaya wamɛ.» 22Yésuse umɔɔ́mɔ́b anagányɛ, úmuanyɛ gég áneé: «Buand búmanyɛ gá guóhón pɛ́ŋ búmomi, buá gidigid ubuɔ́ ógódionu, dué buɔ́, aban basúgasuga anábia bunɛ́m ugumɔn, ond oól embinidin.» 23Mɔndɔ umɔɔ́mɔ́b anagányɛ uwehílíg, gá giagiá umabianán giod giá bunɛ́m. 24Yésuse umaámán yɔ́ anagányɛ uwɔyɛd áneé: «Búnyɛ meyú gá gueleé nnuɛ́m siá bandɔ síbíŋín uguá Niguili niá Uhaluá. 25Ɛɛ́ɛ, Búnyɛ lágɔlágɔ gá bunyam ubuɔ́ bɔ́dɔ́ŋɔ́naá áneé samó, gá dúmbɛ́n agá giési giá ɔndɔnd, gudɔ́mb gubíŋín guá nnuɛ́m ya mɔndɔ uguá Niguili niá Uhaluá.» 26Bandɔ ɔbɔ́mɔ́bídɔ́lígɔ́nɔ́n Yésuse obóndinye yɔ́ áneé: «Agányɛ gɔg ányá unyaá wa bá aháŋánɔ?» 27Yésuse uwondinye bɔ́ áneé: «Ubúgáŋanaá bandɔ búdiágáŋan Uhaluá.»
28Piéle uwɔyɛd áneé: «Basuá dimanihɛ́n muand muásɔ gá binidin.» 29Yésuse uwondinye yɔ́ áneé: «Hómohómue mbánan yɔ́núɔyɔn buɔ́: Mɔndɔ unyaá wa nihɛn na giansɛ giég, na ugányɛ, na bebíényi, na baán na beliméen gá busió buá Niguili niá Uhaluá, 30wanábia giod gudɔ́mb uguá ginɛŋ igiɛ, wond ubia nusɔ́da nuá ságásagá gá igíóloneé.»
Gidóginye giá nsúgie giá giɔ́bíga giá Yésuse
(Mat 20.17-19; Mál 10.28-30)
31Yésuse uwɔbígɔ́gídɛn bebinene bá báad na bándɛ gá guɔyidɛn bɔ́ áneé: «Basuá ɔbɔ diídanaá, Yelusalɛ́m agaá buand gidigid ubuɔ́ bebunebúné bɔ́mɔyá gá busió buá Muɔ́n wa mɔndɔ búgóbíhónyenú. 32Ɛɛ́ɛ, Bágasílɛ́ɛg yɔ́ uguá imbɔ́g siá bindiádába, bágasíga yɔ́, bɔ́gɔhɔna yɔ́ bónd bágasan yɔ́ bidá. 33Bégenúbe yɔ́ na bifáfína, bond bɔ́n yɔ́. Egélém gá mɔɔ́sɛ mádádɔ uhám uguá gibɛ́l.» 34Gɔgaá, bámuanyɛ bɔ́mɔsúguɔ́b ta buand uguá nugálɔ unugányɛ, numabá gɔ́b nsab, gúu bámabádilinsan buand ubuɔ́ Yésuse úmambá guɔyidɛn bɔ́.
Yésuse umóndúgié eheguhégu
(Mat 20.29-34; Mál 10.46-52)
35Yésuse umagányɛ mɔdɔg na Yelikó, uwaán eheguhégu dugumine agá buáyɛ buá ŋŋil ulula. 36Eheguhégu uwɔ́b giíŋ gídúmban, uwond uwoóhún bandɔ ubúmábídúmban. 37Obóndínye yɔ́ áneé: «Búnyɛ Yésuse wa Nasalɛ́d údúmbanaá.» 38Uwabídáyídɛn gɔg áneé: «Yésuse, uhaŋ huá Dáfide, ŋŋán bulɔ́b!» 39Bandɔ abámandá uguá busió béginden yɔ́ áneé uhádan. Eheguhégu uwandabídáyídɛn na bugaga áneé: «Uhaŋ huá Dáfide ŋŋán bulɔ́b!» 40Yésuse uwedélímin uwond uwodóŋínye bugaga áneé bólín yɔ́ neéneg. Eheguhégu umeémésieg mɔdɔg na Yésuse, Yésuse uwoóhún yɔ́ áneé: 41«Giagɛ igiɛ́ ábaŋanɔ́ áneé ŋŋualɛn?» Eheguhégu uwondinye áneé: «Ɔgúná al áneé yond gá guánan.» 42Yésuse uwondinye yɔ́ áneé: «Ond gá guánan. Guágɔdɛ́m guáhɔ gúmósódie.» 43Hɔ́nɔhɔ́, eheguhégu uwond gá guánan, uwedúmbie uwebinidin Yésuse, wɛɛ́d ugúményé Uhaluá. buán gidigid búmámaán anagányɛ ubúɛ́d gá lélenye nigúmi niá Uhaluá.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល