Lúkas 17
17
Na gilɔga na giyibinina
(Mat 18.5-7; Mál 9.42)
1Yésuse uwɔyɔn bebinene bég áneé: «Nibínúŋínɛ́n nídibá hɔ́ niá gual áneé mɔndɔ udibia giásɛ giá guɛn uguá gilɔga, gúu búnya gɔg meyú gá mɔndɔ unya wa gusenyinyeé bɔ́sɔ́gá gá guala bilɔga.» 2«Búnyɛ andá beseé áneé bágɔ́d yɔ́ giandá giá nidányɛ aga ugélu bónombín yɔ́ uguá máŋ gudɔ́mb áneé ugusinye ta maná muúŋayɔ omoómi uguá gilɔga. 3Núbídédínye gɔg.»
(Mat 18.15, 21-22)
«Ndimeén wahɔ umágual gilɔg giá buand, gálɛ́d gég, úmalɛns gigua giég yibínɛ́n yɔ́. 4Umágual gilɔg giá buand iŋand ítíndádɔ nomue ugúa buɔ́sɛ wond uguɔŋɛn giyibinina nɔ́ iŋand ítíndádɔ nomue, yibínɛ́n yɔ́ nɔ́ súsɔ́n.»
(Mat 17.20)
5Bebinene ɔbɔ́yidɛn Ɔgúná áneé: «Diɔ́hígɛ́n guágɔdɛ́m.» 6Ɔgúná uwondinye bɔ́ áneé: «Núámábianan ta maná guágɔdɛ́m ta gulɔ́mb hana nsám ya mutáld, késíe nunyɛ nuɔguɔyidɛn budɛ́ ubuɔ́ bɔ́dɔ́ŋɔ́naá áneé sikɔmɔ́l áneé: “Bálɔ́g anabígɔ́n uguá usaá.” Búond búnúɔ́bɛ́n.»
Edúmébi uwalanɔ́ pɛ́ŋ buóli buég
7«Ányá uguánɔ guá ɔlɔŋ, unyaá wa gueleé áneé eŋelibuóli weg wosiond gá dinde, ugúnya ana gá nínsenye manyam, wɔyidɛn yɔ́ áneé: “Ídá enedugúmín agá nubáŋ anyánan?” 8Mbuen ugɔɔ́guɔyidɛn yɔ́ áneé: “Nnámbán gunyá, ond ebínúgie bisɔn asiŋafínán, nnyánan mbíhúan. Aŋuá agaábádanyánan, abíhuán egélém.” 9Moóli gidigid ɔmɔɔ́ eŋelibuóli wahɔ wálanɔ́, eéguéŋén yɔ́ mbíyigie a? 10Bilɔŋ bímomi gánɔ, uguá ginɛŋ igiɛ́ núságual buand ubuɔ́ bɔ́sɔ́núɔyídɛn áneé nual, nuɔyɛd pɛ́ŋ áneé: “Dinyɛ belibuóli begilégilé. Dimál ubuɔ́ disábá áneé digaágual.”»
Yésuse umóndúgie beŋúnuŋún báad
11Yésuse uwɔgɔ́l ŋŋil gá guɛ́d Yelusalɛ́m. Uwadúmbɛ́n uguá gibéyi giá guísi giá Samalí naá giá Galilé. 12Umeénebíŋín uguá gidɔŋ gímodi beŋúnuŋún báad obósigólíe yɔ́. Ebédélímin hádɛ, 13abɛ́d gá gálgal ugelu ugumɔn bɔ́ya áneé: «Yésuse, ehuínyihuínyi, dián bulɔ́b.» 14Yésuse umaámán bɔ́, úmuanyɛ gɔ́b áneé: «Idánánɔ nuenebídíye agá bedúmbinusámb.» Bámaábándáa, ɔbɔ́ndɔ́ɔg. 15Omoómi uguɔ́b guá ɔlɔŋ, umaámán áneé úmɔ́ndɔ́ɔg, uwond na gélém agá Yésuse. wɔya ugelu ugumɔn áneé nigúmi níbá na Uhaluá. 16Uwaguɛn Yésuse uguá dugɔ́nd busió uguísi uweéŋen yɔ́ mbíyigie. Umabá maná basamalitɛ́ŋ. 17Yésuse uwoóhún gɔg áneé: «Bem báad bɔ́sɔsúguɔ́ndɔ́ɔg a? Bá banímanyɛ nomue bányɛ hanyɛ? 18Uguɔ́b guá ɔlɔŋ ta omoómi umósuguond gá guéŋin Uhaluá nigúmi, pɛ́ŋ uŋenyi uyɔ.» 19Yésuse uwɔyidɛn gɔg maná basamalitɛ́ŋ áneé: «Adígɛ́n, idá, guágɔdɛ́m guáhɔ gúmédúgún.»
Guól guá Niguili niá gumɔn
20Bafalisiɛ́ŋ obóhún Yésuse áneé: «Niguili niá gumɔn níóguólon nig?» Yésuse uwondinye bɔ́ áneé: «Niguili niá gumɔn nídionól hana buand ubuɔ́ bánanaá geŋulgeŋul.»
21«Bɔ́diɔnɔ́ya áneé: “níniényé aga” ugúnya ana “Níné egéné”. Niguili niá gumɔn nínyɛ muɛ́d agánɔ gá ɔdɛ́m na ɔdɛ́m.»
Buɔ́sɛ buá Muɔ́n wa mɔndɔ
(Mál 13.21)
22Yésuse uwɔnduguɔyidɛn bebinene bég áneé: «Ginɛŋ gíónoól igiɛ́ nuánámbanɔ́ áneé nuánaán Muɔ́n wa mɔndɔ ta gá buɔ́sɛ búmomi, nudianaán yɔ́.»
(Mat 24.23, 26-27)
23«Bɔ́nɔ́núɔyɔn áneé: “Unó” ugúnya ana “Uyeényé” gɔgaá nudiɛ́d, nudiídán na idɛ́d. 24Buɔ́sɛ mbánan ubuɔ́ Muɔ́n wa mɔndɔ wónoólónú, buánábá haná bálanya wálanɔ́, usuluŋenye bandɔ gise giég gíbunyɛd egéndu eŋim ya guísi, nɔ́ Muɔ́n wanábánɔ uguég guá buɔ́sɛ. 25Búánábá gɔg áneé Muɔ́n wa mɔndɔ wagaguɔ́bɛ́ɛg giod, bandɔ bá hínen bómb yɔ́. 26Buɔ́sɛ ubuɔ́ Muɔ́n wa mɔndɔ wónólonu, búánábá hana uguá buɔ́sɛ buá Noé. 27Bandɔ bámabá bányanan bábíhuán, bɔ́dɔ́ga bagándɔ, bédúénen ŋŋɔndɛ siɔ́b, gueneg hana Noé úmébíŋín uguá ŋŋumba. Nubɔ́l unúágásɛ́g, unuánuánan, mimbi eménenye, giod giá bandɔ igiéguén. 28Búánábá hana uguá ginɛŋ giá Lót: Bandɔ bámabá bányanan bábíhuán, bɔ́nda bédúenen, bágúna, báhága. 29Gɔgaá, buɔ́sɛ ubuɔ́ Lót umólígie agá Sɔdɔ́m, Uhaluá uwegésígie nubɔ́l nuá yoógi na mɔdɔ́ má guyɔ́gɛn, bandɔ gidigid abámabá hɔ́, ebegué wɔ́s. 30Búánábá nɔ́ bilɔŋ bímomi buɔ́sɛ ubuɔ́ Muɔ́n wa mɔndɔ wɔ́nɔ́dɔnugugaá. 31Buɔ́sɛ ubugányɛ mɔndɔ uwanábánɔ́ ugumɔn guá ndáŋia, udianásɔs gá guídɔnɔgɔ́l muand muég uguá giansɛ. Mɔndɔ uwanábánɔ́ uguá mesíge udienégúg agá nihía. 32Bídúményénu buand ubúmal ugányɛ Lót. 33Mɔndɔ uwɔnɔ́yɔnɔ́ gugága nusɔ́da nuég wenénimie nuɔ́, uwenénímienú nusɔ́da nuég wanábia nuɔ́. 34Mmɔ́núɔyídɛ́n buɔ́ áneé bandɔ báandɛ bánábá bidimina agá gidɛ́, bɔ́gɔ́l omoómi bánihɛn omodi. 35Bagándɔ báandɛ bágula agá nidányɛ ɔlɔŋ bɔ́gɔ́l omoómi bánihɛn omodi. 36[Bandɔ báandɛ bánábá uguá mesíge bɔ́gɔ́l omoómi bánihɛn omodi.]» 37Bebinene bá Yésuse obóhún yɔ́ áneé: «Hanyɛ gɔg muand umugányɛ gidigid múánábídúmbanaá? Yésuse uwondinye bɔ́ áneé: Ɔgɔgɛ yanábígusa hɔɔ́m ɔhɔɔ́ gilɔ́ŋ giánábánɔ.»
ទើបបានជ្រើសរើសហើយ៖
Lúkas 17: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkas 17
17
Na gilɔga na giyibinina
(Mat 18.5-7; Mál 9.42)
1Yésuse uwɔyɔn bebinene bég áneé: «Nibínúŋínɛ́n nídibá hɔ́ niá gual áneé mɔndɔ udibia giásɛ giá guɛn uguá gilɔga, gúu búnya gɔg meyú gá mɔndɔ unya wa gusenyinyeé bɔ́sɔ́gá gá guala bilɔga.» 2«Búnyɛ andá beseé áneé bágɔ́d yɔ́ giandá giá nidányɛ aga ugélu bónombín yɔ́ uguá máŋ gudɔ́mb áneé ugusinye ta maná muúŋayɔ omoómi uguá gilɔga. 3Núbídédínye gɔg.»
(Mat 18.15, 21-22)
«Ndimeén wahɔ umágual gilɔg giá buand, gálɛ́d gég, úmalɛns gigua giég yibínɛ́n yɔ́. 4Umágual gilɔg giá buand iŋand ítíndádɔ nomue ugúa buɔ́sɛ wond uguɔŋɛn giyibinina nɔ́ iŋand ítíndádɔ nomue, yibínɛ́n yɔ́ nɔ́ súsɔ́n.»
(Mat 17.20)
5Bebinene ɔbɔ́yidɛn Ɔgúná áneé: «Diɔ́hígɛ́n guágɔdɛ́m.» 6Ɔgúná uwondinye bɔ́ áneé: «Núámábianan ta maná guágɔdɛ́m ta gulɔ́mb hana nsám ya mutáld, késíe nunyɛ nuɔguɔyidɛn budɛ́ ubuɔ́ bɔ́dɔ́ŋɔ́naá áneé sikɔmɔ́l áneé: “Bálɔ́g anabígɔ́n uguá usaá.” Búond búnúɔ́bɛ́n.»
Edúmébi uwalanɔ́ pɛ́ŋ buóli buég
7«Ányá uguánɔ guá ɔlɔŋ, unyaá wa gueleé áneé eŋelibuóli weg wosiond gá dinde, ugúnya ana gá nínsenye manyam, wɔyidɛn yɔ́ áneé: “Ídá enedugúmín agá nubáŋ anyánan?” 8Mbuen ugɔɔ́guɔyidɛn yɔ́ áneé: “Nnámbán gunyá, ond ebínúgie bisɔn asiŋafínán, nnyánan mbíhúan. Aŋuá agaábádanyánan, abíhuán egélém.” 9Moóli gidigid ɔmɔɔ́ eŋelibuóli wahɔ wálanɔ́, eéguéŋén yɔ́ mbíyigie a? 10Bilɔŋ bímomi gánɔ, uguá ginɛŋ igiɛ́ núságual buand ubuɔ́ bɔ́sɔ́núɔyídɛn áneé nual, nuɔyɛd pɛ́ŋ áneé: “Dinyɛ belibuóli begilégilé. Dimál ubuɔ́ disábá áneé digaágual.”»
Yésuse umóndúgie beŋúnuŋún báad
11Yésuse uwɔgɔ́l ŋŋil gá guɛ́d Yelusalɛ́m. Uwadúmbɛ́n uguá gibéyi giá guísi giá Samalí naá giá Galilé. 12Umeénebíŋín uguá gidɔŋ gímodi beŋúnuŋún báad obósigólíe yɔ́. Ebédélímin hádɛ, 13abɛ́d gá gálgal ugelu ugumɔn bɔ́ya áneé: «Yésuse, ehuínyihuínyi, dián bulɔ́b.» 14Yésuse umaámán bɔ́, úmuanyɛ gɔ́b áneé: «Idánánɔ nuenebídíye agá bedúmbinusámb.» Bámaábándáa, ɔbɔ́ndɔ́ɔg. 15Omoómi uguɔ́b guá ɔlɔŋ, umaámán áneé úmɔ́ndɔ́ɔg, uwond na gélém agá Yésuse. wɔya ugelu ugumɔn áneé nigúmi níbá na Uhaluá. 16Uwaguɛn Yésuse uguá dugɔ́nd busió uguísi uweéŋen yɔ́ mbíyigie. Umabá maná basamalitɛ́ŋ. 17Yésuse uwoóhún gɔg áneé: «Bem báad bɔ́sɔsúguɔ́ndɔ́ɔg a? Bá banímanyɛ nomue bányɛ hanyɛ? 18Uguɔ́b guá ɔlɔŋ ta omoómi umósuguond gá guéŋin Uhaluá nigúmi, pɛ́ŋ uŋenyi uyɔ.» 19Yésuse uwɔyidɛn gɔg maná basamalitɛ́ŋ áneé: «Adígɛ́n, idá, guágɔdɛ́m guáhɔ gúmédúgún.»
Guól guá Niguili niá gumɔn
20Bafalisiɛ́ŋ obóhún Yésuse áneé: «Niguili niá gumɔn níóguólon nig?» Yésuse uwondinye bɔ́ áneé: «Niguili niá gumɔn nídionól hana buand ubuɔ́ bánanaá geŋulgeŋul.»
21«Bɔ́diɔnɔ́ya áneé: “níniényé aga” ugúnya ana “Níné egéné”. Niguili niá gumɔn nínyɛ muɛ́d agánɔ gá ɔdɛ́m na ɔdɛ́m.»
Buɔ́sɛ buá Muɔ́n wa mɔndɔ
(Mál 13.21)
22Yésuse uwɔnduguɔyidɛn bebinene bég áneé: «Ginɛŋ gíónoól igiɛ́ nuánámbanɔ́ áneé nuánaán Muɔ́n wa mɔndɔ ta gá buɔ́sɛ búmomi, nudianaán yɔ́.»
(Mat 24.23, 26-27)
23«Bɔ́nɔ́núɔyɔn áneé: “Unó” ugúnya ana “Uyeényé” gɔgaá nudiɛ́d, nudiídán na idɛ́d. 24Buɔ́sɛ mbánan ubuɔ́ Muɔ́n wa mɔndɔ wónoólónú, buánábá haná bálanya wálanɔ́, usuluŋenye bandɔ gise giég gíbunyɛd egéndu eŋim ya guísi, nɔ́ Muɔ́n wanábánɔ uguég guá buɔ́sɛ. 25Búánábá gɔg áneé Muɔ́n wa mɔndɔ wagaguɔ́bɛ́ɛg giod, bandɔ bá hínen bómb yɔ́. 26Buɔ́sɛ ubuɔ́ Muɔ́n wa mɔndɔ wónólonu, búánábá hana uguá buɔ́sɛ buá Noé. 27Bandɔ bámabá bányanan bábíhuán, bɔ́dɔ́ga bagándɔ, bédúénen ŋŋɔndɛ siɔ́b, gueneg hana Noé úmébíŋín uguá ŋŋumba. Nubɔ́l unúágásɛ́g, unuánuánan, mimbi eménenye, giod giá bandɔ igiéguén. 28Búánábá hana uguá ginɛŋ giá Lót: Bandɔ bámabá bányanan bábíhuán, bɔ́nda bédúenen, bágúna, báhága. 29Gɔgaá, buɔ́sɛ ubuɔ́ Lót umólígie agá Sɔdɔ́m, Uhaluá uwegésígie nubɔ́l nuá yoógi na mɔdɔ́ má guyɔ́gɛn, bandɔ gidigid abámabá hɔ́, ebegué wɔ́s. 30Búánábá nɔ́ bilɔŋ bímomi buɔ́sɛ ubuɔ́ Muɔ́n wa mɔndɔ wɔ́nɔ́dɔnugugaá. 31Buɔ́sɛ ubugányɛ mɔndɔ uwanábánɔ́ ugumɔn guá ndáŋia, udianásɔs gá guídɔnɔgɔ́l muand muég uguá giansɛ. Mɔndɔ uwanábánɔ́ uguá mesíge udienégúg agá nihía. 32Bídúményénu buand ubúmal ugányɛ Lót. 33Mɔndɔ uwɔnɔ́yɔnɔ́ gugága nusɔ́da nuég wenénimie nuɔ́, uwenénímienú nusɔ́da nuég wanábia nuɔ́. 34Mmɔ́núɔyídɛ́n buɔ́ áneé bandɔ báandɛ bánábá bidimina agá gidɛ́, bɔ́gɔ́l omoómi bánihɛn omodi. 35Bagándɔ báandɛ bágula agá nidányɛ ɔlɔŋ bɔ́gɔ́l omoómi bánihɛn omodi. 36[Bandɔ báandɛ bánábá uguá mesíge bɔ́gɔ́l omoómi bánihɛn omodi.]» 37Bebinene bá Yésuse obóhún yɔ́ áneé: «Hanyɛ gɔg muand umugányɛ gidigid múánábídúmbanaá? Yésuse uwondinye bɔ́ áneé: Ɔgɔgɛ yanábígusa hɔɔ́m ɔhɔɔ́ gilɔ́ŋ giánábánɔ.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល