Lúkas 19
19
Na Yésuse na Saseé
1Yésuse umebíŋín agá tísɔna wa Yelikó, uwafílɛ́d yɔ́ mambalamaándiá. 2Mɔndɔ umabá hɔ́ ɔhɛ́n áneé Sasée. Umabá ɔgɔ́n wa beduísilampɔ́. 3Umambá gulɛns Yésuse, umasábá wa guán yɔ́ gá busió buá giíŋ súsɔ́n haná úmabá bulúg. 4Uwɔgɔ́l ɔdɛ́d gá guɛ́d uguá busió gámágád uguá budɛ́ ubuɔ́ bɔ́dɔ́ŋɔ́naá áneé sikɔmɔ́l, gá guán Yésuse haná úmadúmbánɛ́n hɔ́. 5Yésuse umeémésieg agá hɔɔ́m ahagányɛ uwabíbúlímɛn, uwɔyidɛn Saseé áneé: «Sasée sɔ́s gunsáns, hínen uyɔ ŋŋeédélímin agáhɔ gá nihiá.» 6Saseé uwasɔs gunsáns, uwagíndígɛn Yésuse na ibal. 7Bandɔ gidigid abámabá hɔ́ abɛ́d gá guóŋuinyoŋuinyi bɔ́ya áneé: «Búnyɛ agá eŋelibilɔga úmédélímin.» 8Sasée delimine gɔg agá busió buá Ɔgúná wɔyɔn yɔ́ áneé: «Ɔgúná, bídɔ́lígɛ́n ŋŋahuá basúgasuga gibéyi giámɛ giá bunɛ́m. Mmába mmɔnɔŋɔnɔ́ŋ ŋŋúme ya mɔndɔ, yonódinye yɔ́ yɛ́ gá iŋand íníhi gudɔ́mb.» 9Yésuse Uwɔyidɛn yɔ́ gɔg áneé: «Giansɛ igiɛ gímédúgúg hínen gá giagiá Saseé unyɛ súsɔ́n muɔ́n wa Áblahám. 10Muɔ́n wa mɔndɔ muɛ́d umoól gá guamba wond uháŋ abámabá ebeníménu.»
Nsab ya bedúmébi bádádɔ
(Mat 25.14-30)
11Haná bandɔ bámabá bɔ́bídɔ́lígɔ́nɔn Yésuse, uwɛɛ́d na busió gá guɔyɔn bɔ́ andá nsab iyɛ gá giagiá umabá ugányɛ mɔdɔg na Yelusalɛ́m, bandɔ bégedenye gilé áneé gugilebe guá Uhaluá gugeédúmbie gubídíye. 12Yésuse Uwɔyidɛn bɔ́ gɔg áneé: «Giyáŋáŋá giá mɔndɔ gímodi gímɛɛ́d uguá gidɔŋ giá hádɛ áneé bɔ́nɔlɔna giɛ́ gá guáyɛ ofuŋ gíbódosiond.» 13Uwɔdɔ́ŋɛ́ɛn belibuóli bég báadɛ, uwaban bɔ́ sig mɔndɔ giod giá ŋŋúme. Uwɔyidɛn sig mɔndɔ áneé: «Síénénénu nuala buóli gueneg haná ŋŋólosiondónú.» 14Gɔgaá bandɔ bég bá gidɔŋ bámabá bábina yɔ́. Ebésien bádɔ́m bandɔ uguég guélém áneé bɔ́nɔyɛd áneé: «Basuá didiáguamba áneé mɔndɔ ugányɛ ubá ofuŋ huásɔ.» 15Ta anagányɛ, bémedénígínyé yɔ́ ofuŋ, uwosiond. Uwɔdɔ́ŋɛ́ɛn belibuóli bég ɔbɔɔ́ úmeéŋén ŋŋúme, gá lɛns buand ubuɔ́ bémésíen bábɔ́d na yɛ́. 16Eŋelibuóli wa busió uwoól úmuanyɛ áneé: «Ɔgúnɔ́gɔ́n Yaábɔ́d andá ŋŋúme síad naá iyɛɛ́ ámampuá.» 17Ŋŋɔ́mɔna uwondinye yɔ́ áneé: «Búnyɛ beseé, anyɛ ginɔ́g giá edúmébi, haná aábá gilád gá maná buand, mmáhuá gugimbe guá bidɔŋ bíad.» 18Wa gáandɛ uwonoól, úmuanyɛ áneé: «Ɔgúnɔ́gɔ́n, yaábɔ́d ŋŋúme ítánɔ naá iyɛɛ́ ámampuá.» 19Ŋŋɔ́mɔna uwondinye yɔ́ áneé: «Aŋuá súsɔ́n mmahuá bufuŋ buá bidɔŋ bítánɔ.» 20Eŋelibuóli omodi uwoól úmuanyɛ áneé: «Ɔgúnɔ́gɔ́n, ndé ŋŋúme yahɔ iyeényé haná ámampuá mmagɔ́d yɛ́ uguá gibéyi giá ndífɔn iyehunigin. 21Mmabiá bugádɔ naánahɔ, gá giagiá anyɛ gulal, ɔɔ́gɔ́lɔn ubuɔ́ asádibídígɛn, oge ubuɔ́ esédibuhe.» 22Ofuŋ uhúóndinye yɔ́ áneé: «Anyɛ gilɔg giá edúmébi. Ŋŋégélenye uguáhɔ guá dugálɔ. Amalinsán áneé nnyɛ mɔndɔ unyaá gulal, yɔɔ́gɔ́lɔn ubuɔ́ nsándibídígɛn, yoóge ubuɔ́ nséndibuhe. 23Gá giagɛ gɔg émen guág ŋŋúme yamɛ agá nibídígina? Gá guólósiond ŋŋégie áneé imémbíénin?» 24Egélém agányɛ ofuŋ uhúɔ́yidɛn bandɔ abámabá hɔ́ áneé: «Gɔ́lɔ́nɔ́n ŋŋúme yeg igányɛ núéŋin ugódionu ŋŋúme síad.» 25Ɔbɔ́yidɛn yɔ́ áneé: «Ɔgúnɔ́gɔ́n, ugányɛ na siɛ́ síad.» 26Ofuŋ uhúóndinye áneé: «Mɔndɔ ugódionu, bɔ́nɔhíginɛn yɔ́ giod. Gɔgaá, udiábiánán, bɔ́nɔ́hɔg ta maná gidám wa buand uyɔɔ́ úgódionu. 27Mmába hana gá babɛlɛ́bɛl bámɛ ɔbɔ́mɔyɛ́d áneé ndibá ofuŋ huɔ́b, ógúnónón nɔɔ́nɔb aga, nusúmba bɔ́ agámɛ gá busío aga.» 28Egélém gá nugálɔ unugányɛ, Yésuse uwɔgɔ́gɛ́ɛd ɔlɔŋ gá guɛ́d Yelusalɛ́m.
Gubíŋín guá Ofuŋ Bémeyíde Yelusalɛ́m
(Mat 21.1-11; Mál 11.1-11; Sáŋ 12.13-16)
29Umaágányɛ mɔdɔg na hɔɔ́m ɔhɔɔ́ bɔ́dɔ́ŋɔnaá áneé Bɛtfagé, naá ɔhɔɔ́ bɔ́dɔ́ŋɔnaá áneé Betaní, gibéyi giá ɔŋuɛnyɛ huá madɛ́ má megúd, uwadɔ́m bebinene báandɛ. 30Úmuányɛ gɔ́b áneé: «Idánánɔ uguá gidɔŋ igínya uguá busió igíné. Nugénebíŋín nugaáguán, muɔ́n wa abaŋabinúhá asúgán agá buyal, uyɔɔ́ ta mɔndɔ úmanyaá udidadímɛ́n guɔ́. Súlúnénénu yɔ́, nuól na yɔ́. 31Bómónúóhún áneé: “Gá giagɛ igiɛ́ núsulunenú yɔ́?” Nuondinye áneé: “Ɔgúná únyaá nsan na yɔ́.” 32Bebinene abɛ́d abán buand gidigid haná Yésuse úmɔyɔ́n bɔ́. 33Uguá ginɛŋ igiɛ́ bémésulúné muɔ́n wa abaŋabinúhá, bandɔ obóhún bɔ́ áneé: “Gá giagɛ igiɛ́ núsulunenú muɔ́n wa abaŋabinúhá ugányɛ?” 34Obóndinye bɔ́ áneé: “Búnyɛ Ɔgúná únyaá nsan na yɔ́.”» 35Abídɛ́n Yésuse na yɔ́, ɔbɔ́dɔ́bígɔn ndífɔn siɔ́b uguélém guá muɔ́n wa abaŋabinúhá, ebédédiminye Yésuse guɔ́. 36Bámabá bánda, bábanigan bisɔn biɔ́b uguá ŋŋil. 37Yésuse umaágányɛ gá dúnúgen ɔŋuɛnyɛ huá madɛ́ má megúd, gimbi giá bebinene igíóhón na ibal, igíɛ́d gá gumenye Uhaluá ugelu ugumɔn gá busió buá biseyi ibiɛ́ bámanaán. 38Bɔ́ya áneé: «Ánaá Uhaluá úsayɛ ofuŋ uhúóloneé uguá ɔhɛ́n huá Ɔgúná, bumbénu búbá ugumɔn, nigúmi níbá na Uhaluá.» 39Gidám giá bafalisiɛ́ŋ gímodi igímabá agá ɔdɛ́m na ɔdɛ́m huá giíŋ, igíɔ́yidɛn Yésuse áneé: «Ehuínyihuínyi, hédényé bebinene báhɔ!» 40Yésuse uwondinye bɔ́ áneé: «Yɔɔ́núɔyɔn áneé, ta bámuanyɛ báhádan, adányɛ yágaáguánsan.»
Yésuse waábaŋa gá busió buá Yelusalɛ́m
41Yésuse umaágányɛ mɔdɔ́g na Yelusalɛ́m uwond uwaán tísɔna, uwabaŋa gég gá busió. 42Úmuanyɛ áneé: «Yelusalɛ́m, búámabá áneé amalinsán, hana ányá wa bia bumbénu uguá buɔ́sɛ buá hínen, bámanambɛ́n buɔ́ gɔg, adibá wa guán. 43Ɛɛ́ɛ, mɔɔ́sɛ móguólon gáhɔ gá busió, ɔmɔɔ́ babɛlɛ́bɛl báhɔ bénégéŋélidienú na bigaga biá imɛnd. Bágágál, bɔ́guɔ́da maáyɛ mem. 44Bénéhúhíe na baán báhɔ, agáhɔ gá eŋís. Bádianánihinɛn ta nidányɛ nímomi dɔbigina uguá sɔ́gá nidányɛ. Gá giagiá amasálɛns ginɛŋ igiɛ́ Uhaluá umoól gá gígin ɔmbɔ́g.»
Yésuse waágúŋa beduísimuand uguá gigúl
(Mat 21.12-13; Mál 11.11-17; Sáŋ 2.14-16)
45Yésuse uwebíŋín uguá gigúl uwɛɛ́d gá gúŋa beduísimuand. 46Wɔyɔn bɔ́ áneé: «Búnyɛ ubúɔ́ŋɔ́n áneé: giansɛ giámɛ gíánábá giá mbísógóli.» Gúu banuá nuéyé giɛ́ nibínamba niá beébí. 47Yésuse umabá uhuínyihuinye mɔɔ́sɛ gidigid uguá idúl. bagɔ́n bá bedúmbinusámb, na belinsibigodi na bɔdɔŋdɔ́ŋ, bámba guɔ́n yɔ́. 48Gɔgaá, bámasálinsan hana bámabá bá gual, gá giagiá bandɔ gidigid bámabá bɔ́bídɔ́lígɔnɔn yɔ́ na ɔdɛ́m huɔ́b gidigid.
ទើបបានជ្រើសរើសហើយ៖
Lúkas 19: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkas 19
19
Na Yésuse na Saseé
1Yésuse umebíŋín agá tísɔna wa Yelikó, uwafílɛ́d yɔ́ mambalamaándiá. 2Mɔndɔ umabá hɔ́ ɔhɛ́n áneé Sasée. Umabá ɔgɔ́n wa beduísilampɔ́. 3Umambá gulɛns Yésuse, umasábá wa guán yɔ́ gá busió buá giíŋ súsɔ́n haná úmabá bulúg. 4Uwɔgɔ́l ɔdɛ́d gá guɛ́d uguá busió gámágád uguá budɛ́ ubuɔ́ bɔ́dɔ́ŋɔ́naá áneé sikɔmɔ́l, gá guán Yésuse haná úmadúmbánɛ́n hɔ́. 5Yésuse umeémésieg agá hɔɔ́m ahagányɛ uwabíbúlímɛn, uwɔyidɛn Saseé áneé: «Sasée sɔ́s gunsáns, hínen uyɔ ŋŋeédélímin agáhɔ gá nihiá.» 6Saseé uwasɔs gunsáns, uwagíndígɛn Yésuse na ibal. 7Bandɔ gidigid abámabá hɔ́ abɛ́d gá guóŋuinyoŋuinyi bɔ́ya áneé: «Búnyɛ agá eŋelibilɔga úmédélímin.» 8Sasée delimine gɔg agá busió buá Ɔgúná wɔyɔn yɔ́ áneé: «Ɔgúná, bídɔ́lígɛ́n ŋŋahuá basúgasuga gibéyi giámɛ giá bunɛ́m. Mmába mmɔnɔŋɔnɔ́ŋ ŋŋúme ya mɔndɔ, yonódinye yɔ́ yɛ́ gá iŋand íníhi gudɔ́mb.» 9Yésuse Uwɔyidɛn yɔ́ gɔg áneé: «Giansɛ igiɛ gímédúgúg hínen gá giagiá Saseé unyɛ súsɔ́n muɔ́n wa Áblahám. 10Muɔ́n wa mɔndɔ muɛ́d umoól gá guamba wond uháŋ abámabá ebeníménu.»
Nsab ya bedúmébi bádádɔ
(Mat 25.14-30)
11Haná bandɔ bámabá bɔ́bídɔ́lígɔ́nɔn Yésuse, uwɛɛ́d na busió gá guɔyɔn bɔ́ andá nsab iyɛ gá giagiá umabá ugányɛ mɔdɔg na Yelusalɛ́m, bandɔ bégedenye gilé áneé gugilebe guá Uhaluá gugeédúmbie gubídíye. 12Yésuse Uwɔyidɛn bɔ́ gɔg áneé: «Giyáŋáŋá giá mɔndɔ gímodi gímɛɛ́d uguá gidɔŋ giá hádɛ áneé bɔ́nɔlɔna giɛ́ gá guáyɛ ofuŋ gíbódosiond.» 13Uwɔdɔ́ŋɛ́ɛn belibuóli bég báadɛ, uwaban bɔ́ sig mɔndɔ giod giá ŋŋúme. Uwɔyidɛn sig mɔndɔ áneé: «Síénénénu nuala buóli gueneg haná ŋŋólosiondónú.» 14Gɔgaá bandɔ bég bá gidɔŋ bámabá bábina yɔ́. Ebésien bádɔ́m bandɔ uguég guélém áneé bɔ́nɔyɛd áneé: «Basuá didiáguamba áneé mɔndɔ ugányɛ ubá ofuŋ huásɔ.» 15Ta anagányɛ, bémedénígínyé yɔ́ ofuŋ, uwosiond. Uwɔdɔ́ŋɛ́ɛn belibuóli bég ɔbɔɔ́ úmeéŋén ŋŋúme, gá lɛns buand ubuɔ́ bémésíen bábɔ́d na yɛ́. 16Eŋelibuóli wa busió uwoól úmuanyɛ áneé: «Ɔgúnɔ́gɔ́n Yaábɔ́d andá ŋŋúme síad naá iyɛɛ́ ámampuá.» 17Ŋŋɔ́mɔna uwondinye yɔ́ áneé: «Búnyɛ beseé, anyɛ ginɔ́g giá edúmébi, haná aábá gilád gá maná buand, mmáhuá gugimbe guá bidɔŋ bíad.» 18Wa gáandɛ uwonoól, úmuanyɛ áneé: «Ɔgúnɔ́gɔ́n, yaábɔ́d ŋŋúme ítánɔ naá iyɛɛ́ ámampuá.» 19Ŋŋɔ́mɔna uwondinye yɔ́ áneé: «Aŋuá súsɔ́n mmahuá bufuŋ buá bidɔŋ bítánɔ.» 20Eŋelibuóli omodi uwoól úmuanyɛ áneé: «Ɔgúnɔ́gɔ́n, ndé ŋŋúme yahɔ iyeényé haná ámampuá mmagɔ́d yɛ́ uguá gibéyi giá ndífɔn iyehunigin. 21Mmabiá bugádɔ naánahɔ, gá giagiá anyɛ gulal, ɔɔ́gɔ́lɔn ubuɔ́ asádibídígɛn, oge ubuɔ́ esédibuhe.» 22Ofuŋ uhúóndinye yɔ́ áneé: «Anyɛ gilɔg giá edúmébi. Ŋŋégélenye uguáhɔ guá dugálɔ. Amalinsán áneé nnyɛ mɔndɔ unyaá gulal, yɔɔ́gɔ́lɔn ubuɔ́ nsándibídígɛn, yoóge ubuɔ́ nséndibuhe. 23Gá giagɛ gɔg émen guág ŋŋúme yamɛ agá nibídígina? Gá guólósiond ŋŋégie áneé imémbíénin?» 24Egélém agányɛ ofuŋ uhúɔ́yidɛn bandɔ abámabá hɔ́ áneé: «Gɔ́lɔ́nɔ́n ŋŋúme yeg igányɛ núéŋin ugódionu ŋŋúme síad.» 25Ɔbɔ́yidɛn yɔ́ áneé: «Ɔgúnɔ́gɔ́n, ugányɛ na siɛ́ síad.» 26Ofuŋ uhúóndinye áneé: «Mɔndɔ ugódionu, bɔ́nɔhíginɛn yɔ́ giod. Gɔgaá, udiábiánán, bɔ́nɔ́hɔg ta maná gidám wa buand uyɔɔ́ úgódionu. 27Mmába hana gá babɛlɛ́bɛl bámɛ ɔbɔ́mɔyɛ́d áneé ndibá ofuŋ huɔ́b, ógúnónón nɔɔ́nɔb aga, nusúmba bɔ́ agámɛ gá busío aga.» 28Egélém gá nugálɔ unugányɛ, Yésuse uwɔgɔ́gɛ́ɛd ɔlɔŋ gá guɛ́d Yelusalɛ́m.
Gubíŋín guá Ofuŋ Bémeyíde Yelusalɛ́m
(Mat 21.1-11; Mál 11.1-11; Sáŋ 12.13-16)
29Umaágányɛ mɔdɔg na hɔɔ́m ɔhɔɔ́ bɔ́dɔ́ŋɔnaá áneé Bɛtfagé, naá ɔhɔɔ́ bɔ́dɔ́ŋɔnaá áneé Betaní, gibéyi giá ɔŋuɛnyɛ huá madɛ́ má megúd, uwadɔ́m bebinene báandɛ. 30Úmuányɛ gɔ́b áneé: «Idánánɔ uguá gidɔŋ igínya uguá busió igíné. Nugénebíŋín nugaáguán, muɔ́n wa abaŋabinúhá asúgán agá buyal, uyɔɔ́ ta mɔndɔ úmanyaá udidadímɛ́n guɔ́. Súlúnénénu yɔ́, nuól na yɔ́. 31Bómónúóhún áneé: “Gá giagɛ igiɛ́ núsulunenú yɔ́?” Nuondinye áneé: “Ɔgúná únyaá nsan na yɔ́.” 32Bebinene abɛ́d abán buand gidigid haná Yésuse úmɔyɔ́n bɔ́. 33Uguá ginɛŋ igiɛ́ bémésulúné muɔ́n wa abaŋabinúhá, bandɔ obóhún bɔ́ áneé: “Gá giagɛ igiɛ́ núsulunenú muɔ́n wa abaŋabinúhá ugányɛ?” 34Obóndinye bɔ́ áneé: “Búnyɛ Ɔgúná únyaá nsan na yɔ́.”» 35Abídɛ́n Yésuse na yɔ́, ɔbɔ́dɔ́bígɔn ndífɔn siɔ́b uguélém guá muɔ́n wa abaŋabinúhá, ebédédiminye Yésuse guɔ́. 36Bámabá bánda, bábanigan bisɔn biɔ́b uguá ŋŋil. 37Yésuse umaágányɛ gá dúnúgen ɔŋuɛnyɛ huá madɛ́ má megúd, gimbi giá bebinene igíóhón na ibal, igíɛ́d gá gumenye Uhaluá ugelu ugumɔn gá busió buá biseyi ibiɛ́ bámanaán. 38Bɔ́ya áneé: «Ánaá Uhaluá úsayɛ ofuŋ uhúóloneé uguá ɔhɛ́n huá Ɔgúná, bumbénu búbá ugumɔn, nigúmi níbá na Uhaluá.» 39Gidám giá bafalisiɛ́ŋ gímodi igímabá agá ɔdɛ́m na ɔdɛ́m huá giíŋ, igíɔ́yidɛn Yésuse áneé: «Ehuínyihuínyi, hédényé bebinene báhɔ!» 40Yésuse uwondinye bɔ́ áneé: «Yɔɔ́núɔyɔn áneé, ta bámuanyɛ báhádan, adányɛ yágaáguánsan.»
Yésuse waábaŋa gá busió buá Yelusalɛ́m
41Yésuse umaágányɛ mɔdɔ́g na Yelusalɛ́m uwond uwaán tísɔna, uwabaŋa gég gá busió. 42Úmuanyɛ áneé: «Yelusalɛ́m, búámabá áneé amalinsán, hana ányá wa bia bumbénu uguá buɔ́sɛ buá hínen, bámanambɛ́n buɔ́ gɔg, adibá wa guán. 43Ɛɛ́ɛ, mɔɔ́sɛ móguólon gáhɔ gá busió, ɔmɔɔ́ babɛlɛ́bɛl báhɔ bénégéŋélidienú na bigaga biá imɛnd. Bágágál, bɔ́guɔ́da maáyɛ mem. 44Bénéhúhíe na baán báhɔ, agáhɔ gá eŋís. Bádianánihinɛn ta nidányɛ nímomi dɔbigina uguá sɔ́gá nidányɛ. Gá giagiá amasálɛns ginɛŋ igiɛ́ Uhaluá umoól gá gígin ɔmbɔ́g.»
Yésuse waágúŋa beduísimuand uguá gigúl
(Mat 21.12-13; Mál 11.11-17; Sáŋ 2.14-16)
45Yésuse uwebíŋín uguá gigúl uwɛɛ́d gá gúŋa beduísimuand. 46Wɔyɔn bɔ́ áneé: «Búnyɛ ubúɔ́ŋɔ́n áneé: giansɛ giámɛ gíánábá giá mbísógóli.» Gúu banuá nuéyé giɛ́ nibínamba niá beébí. 47Yésuse umabá uhuínyihuinye mɔɔ́sɛ gidigid uguá idúl. bagɔ́n bá bedúmbinusámb, na belinsibigodi na bɔdɔŋdɔ́ŋ, bámba guɔ́n yɔ́. 48Gɔgaá, bámasálinsan hana bámabá bá gual, gá giagiá bandɔ gidigid bámabá bɔ́bídɔ́lígɔnɔn yɔ́ na ɔdɛ́m huɔ́b gidigid.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល