Lúkas 16
16
Adádɔdádɔ wa eŋelibuóli
1Egélém, Yésuse uwɔyidɛn bebinene bég nsab iyɛ áneé: «Nnuɛ́m ya mɔndɔ imabianán egíg bunɛ́m buég. Bandɔ obónoól gá guɔyɔn yɔ́ áneé: “Eŋelibuóli wahɔ umɔ́lɔg bunɛ́m buáhɔ wɔ́s.” 2Ɔgúnɔ́gɔ́n uwɔdɔ́ŋɛ́ɛn eŋelibuóli weg gá guóhún yɔ́ áneé: “ Giagɛ igiɛ́ bólɔsiŋɔyɔ́n aga gáhɔ gá busió? Mpanán bunɛ́m buámɛ, hínen uyɔ adigánduguala buóli aga!” 3Egíg bunɛ́m uwabígálídɛn áneé: “Ɔgúnɔ́gɔ́n wamɛ úmóŋolie gá buóli, ŋŋal naánanyá gɔg? Ndigódi bugaga buá dínde guísi. Yɔŋɔn a? Ɔduá gunɔ́h. 4Yeényi buand ubuɔ́ ŋŋalanɔ́! Gá gueleé uguá ginɛŋ igiɛ́ bógóŋólienú gá buóli, bandɔ báŋíndígɛn uguɔ́b guá duhía.” 5Uwɔdɔ́ŋɔ́n bandɔ abámabianɛ́n ɔgúnɔgɔ́n weg bunɛ́m omoómi omoómi. Uwoóhún mɔndɔ wa busío áneé: “Giagɛ igiɛ́ ábianinaá ɔgúnɔ́gɔ́n wamɛ?” 6Mɔndɔ uwondinye yɔ́, áneé: “edín átánɔ ya musínyi muá megúd.” Eŋelibuóli uwondinye yɔ́ áneé: “Ndé gibílínsígínyi giáhɔ igiɛ. Dúgúmín aga gunsáns, ɔ́ŋ áneé musínyi edín éníhi na múad.” 7Egélém agányɛ uwonduguóhún omodi áneé: “Aŋuá, aábianɛn yɔ́ giagɛ?” Mɔndɔ uwondinye áneé: “ŋkude siá mbasia edín átánɔ.” Eŋelibuóli uwɔyidɛn yɔ́ áneé: “Ndé gibílínsígínyi giáhɔ, ɔ́ŋ áneé edín éníhi.” 8Agányɛ, ɔgúnɔ́gɔ́n weg uwebíhínídie dudádɛ duá ɔnɔŋɔnina weg wa egíg bunɛ́m. Gá giagiá waál dudádɛ giod. Gúu bandɔ bá guísi uguɔ bɔ́dɔnaá gualanɛn dudádɛ bámuanyɛ na bámuanyɛ, gudɔ́mb bandɔ ɔbɔ́bɔninaá na gise.»
Na Uhaluá na ŋŋúme
(Mat 25.21; Lúk 19.17)
9Yésuse uwɔɔ́hígɛn nugálɔ unuɔ áneé: «Yɔɔ́núɔyɔn áneé nubɔ́ŋɔ́n bugúl na ŋŋúme inɔŋɔninaá. Agányɛ, uguá ginɛŋ igiɛ́ yanáságínínaá, begúl abagányɛ bánúgíndígɛn uguɔ́b guá biansɛ gá ságásagá. 10Uguá ginɛŋ igiɛ́ mɔndɔ únya gilád uguá maná buand, unyɛ súsɔ́n gilád uguá biandá biá muand. Úmábá abánbán uguá baán bá muand, unyɛ súsɔ́n abánbán uguá biandá biá muand 11Mmába gɔg numasábá bilád uguá bilɔŋ biá guendenye bunɛ́m buá mɔnɔŋɔna buá guísi uguɔ, ányá uwanánúhuánɔ́ guendenye guá bunɛ́m buá hómohómue? Buand buáguɔ́ búnya áneé, bámábádiág ɔdɛ́m uguánɔ gá busió buá ŋŋúme ya mɔnɔŋɔna, ányá unyaá wanúhuá buá hómohómue? 12Mmába numasábá gilád gá bunɛ́m buá bɔsɔ́gá, ányá uwanánúhuánɔ́ bunɛ́m ubúnya buánɔ?»
(Mat 6.24)
13Eŋelibuóli omoómi udibá wa gualan bandɔ báandɛ buóli. Ɛɛ́ɛ! Ugɔɔ́guɔya omoómi ubɛn omodi. Ugúnya ana ugaábá gilád giá omoómi, usíŋa omodi. Nudibá nua gualan na Uhaluá na ŋŋúme buóli uguá ginɛŋ gímomi.
Na gigodi na Niguili
14Bafalisiɛ́ŋ ɔbɔ́yɔnɔ́ ŋŋúme giod bɔ́mɔɔ́mɔ́b nugálɔ unugányɛ ɔbɔ́hɔna Yésuse. 15Uwɔyídɛn bɔ́ gɔg áneé: «Banuá nuédíyenye bugindényé buánɔ agá eŋís ya bandɔ henyé gɔg áneé Uhaluá waálinsan idɛ́m siánɔ. Ɛɛ́ɛ, buand ubuɔ́ nuanánaá giandá agánɔ gá eŋís, Uhaluá waáguánan buɔ́ manyanyɛ.»
(Mat 11.12, 13)
16Ginɛŋ giá gigodi na giá bebunebúné gíésúgenye uguá ginɛŋ giá Sáŋa eyumínyi. Gubulin agá Sáŋa eyumínyi gɔg, bésesenye Ginɔ́g giá Nsɔ́m giá Niguili niá Uhaluá, gúu bandɔ gidigid bágánaá bugaga buá bíŋín guɔ. 17Henyé gɔg áneé na gumɔn na guísi múánádɔ́mb gunsáns, gudɔ́mb hana maná ŋŋɔ́ŋɛ omoómi gá ním uguá yubu hiá gigodi.
(Mat 5.32; 19.9; Mál 10.11-12)
18Uguá ginɛŋ igiɛ́ mɔndɔ uséhémie ugányɛ, udɔ́ga omodi, umáal gidáŋa. Uguá ginɛŋ igiɛ́ ɔnúmɔndɔ usɔ́guɔ́ndɔ́nɔndɔn na ugándɔ uyɔɔ́ béséhémie, umáal gidáŋa.
Na nnuɛ́m ya mɔndɔ na asúgasuga Lasál
19Egélém agányɛ Yésuse uwɔnduguɔyɛd nsab iyɛ áneé: «Nnuɛ́m ya mɔndɔ imabá ibílaŋa na binɔ́g biá bisɔn, yala giandá giá budɔ́mb mɔɔ́sɛ gidigid. 20asúgasuga wa mɔndɔ ɔhɛ́n áneé Lasál, ubídíman egég gá mbíŋínín, bibɔgɛl nuɔ́l gidigid. 21Umabá hɔ́ áneé ubáda nsa isimáguán agá nubáŋ nuá nnuɛ́m ya mɔndɔ. Gɔgaá, mbuá sísímabá síbílága bibɔgɛl biég. 22Buɔ́sɛ búmodi, asúgasuga uwegué, bilúna ibíɔ́sigɔ́l yɔ́, ibíɛ́d neéneg agá buáyɛ buá Áblahám. Nnuɛ́m ya mɔndɔ iyegué súsɔ́n obónyo yɛ́. 23Nnuɛ́m iyɔɔ́bígɔn giod uguá bunyɛ nnyɔlɛ, iyabíbúlímɛn, iyaán Lasál dugumine hádɛ agá nnyaŋ ya Áblahám. 24Nnuɛ́m iyɛɛ́d gá héhenye yɔya áneé: “Síe wamɛ Áblahám, ŋŋán bulɔ́b dɔ́m Lasál weneyúminye inaána hiég uguá mimbi wesindénye uguá gilɛ́mb. Yɔɔ́guɔ́bígɔn giod agá gilɛ́mb giá yoógi aga.” 25Áblahám uwondinye yɔ́ áneé: “Manámɛ, bídúményé haná ámabá uguá nusɔ́da uguísi, amabá uguá beseé, Lasál uguá meyú. Dabdab uyɔ, úmuanyɛ unyɛ uguá nihoge, aŋuá uguá giɔ́bíga. 26Giandá giá ɔmbɛ́l gínyɛ muɛ́d agásɔ gá ɔdɛ́m na ɔdɛ́m, igíálanɔ́ áneé banuá nunyaá uguɔ́g nudiól uguɔ ta basuá didibá diayɔg uguɔ́g.” 27Nnuɛ́m iyɔyidɛn yɔ́ áneé: “Baba sígoli mmóbísógólídie dɔ́m gɔg Lasál agá nihiá niá baba. 28Ŋŋódi beliméen hɔ́ bátánɔ. Ánaá wonodógínye bɔ́ gá gueleé bɔ́diɔndɔ́siɔ́bígɔ́n agá hɔɔ́m aga.” 29Áblahám uwondinye yɔ́ áneé: “Beliméen báhɔ bógódi na Mɔ́sɛsa na bebunebúné ánaá bɔ́bɔnɛn bɔ́.” 30Nnuɛ́m iyondinye yɔ́ áneé: “Baba Áblahám, ubugányɛ búdiéguegen, mɔndɔ úmasiádígínɛ́n uguá bunyɛ nnyɔlɛ uguɔ wɔnɔyídɛ́n bɔ́, bégenúgie bilɔŋ.” 31Gɔgaá Áblahám uwondinye yɔ́ áneé: Bɔ́mɔ́bɔ́diɔ́bɛ́n Mɔ́sɛsa, bɔ́diɔ́bɛ́n bebúnebúne, ta mɔndɔ wosiólín uguá bunyɛ nnyɔlɛ uguɔ, bádibá bá guɔ́bɛ́n yɔ́.»
ទើបបានជ្រើសរើសហើយ៖
Lúkas 16: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkas 16
16
Adádɔdádɔ wa eŋelibuóli
1Egélém, Yésuse uwɔyidɛn bebinene bég nsab iyɛ áneé: «Nnuɛ́m ya mɔndɔ imabianán egíg bunɛ́m buég. Bandɔ obónoól gá guɔyɔn yɔ́ áneé: “Eŋelibuóli wahɔ umɔ́lɔg bunɛ́m buáhɔ wɔ́s.” 2Ɔgúnɔ́gɔ́n uwɔdɔ́ŋɛ́ɛn eŋelibuóli weg gá guóhún yɔ́ áneé: “ Giagɛ igiɛ́ bólɔsiŋɔyɔ́n aga gáhɔ gá busió? Mpanán bunɛ́m buámɛ, hínen uyɔ adigánduguala buóli aga!” 3Egíg bunɛ́m uwabígálídɛn áneé: “Ɔgúnɔ́gɔ́n wamɛ úmóŋolie gá buóli, ŋŋal naánanyá gɔg? Ndigódi bugaga buá dínde guísi. Yɔŋɔn a? Ɔduá gunɔ́h. 4Yeényi buand ubuɔ́ ŋŋalanɔ́! Gá gueleé uguá ginɛŋ igiɛ́ bógóŋólienú gá buóli, bandɔ báŋíndígɛn uguɔ́b guá duhía.” 5Uwɔdɔ́ŋɔ́n bandɔ abámabianɛ́n ɔgúnɔgɔ́n weg bunɛ́m omoómi omoómi. Uwoóhún mɔndɔ wa busío áneé: “Giagɛ igiɛ́ ábianinaá ɔgúnɔ́gɔ́n wamɛ?” 6Mɔndɔ uwondinye yɔ́, áneé: “edín átánɔ ya musínyi muá megúd.” Eŋelibuóli uwondinye yɔ́ áneé: “Ndé gibílínsígínyi giáhɔ igiɛ. Dúgúmín aga gunsáns, ɔ́ŋ áneé musínyi edín éníhi na múad.” 7Egélém agányɛ uwonduguóhún omodi áneé: “Aŋuá, aábianɛn yɔ́ giagɛ?” Mɔndɔ uwondinye áneé: “ŋkude siá mbasia edín átánɔ.” Eŋelibuóli uwɔyidɛn yɔ́ áneé: “Ndé gibílínsígínyi giáhɔ, ɔ́ŋ áneé edín éníhi.” 8Agányɛ, ɔgúnɔ́gɔ́n weg uwebíhínídie dudádɛ duá ɔnɔŋɔnina weg wa egíg bunɛ́m. Gá giagiá waál dudádɛ giod. Gúu bandɔ bá guísi uguɔ bɔ́dɔnaá gualanɛn dudádɛ bámuanyɛ na bámuanyɛ, gudɔ́mb bandɔ ɔbɔ́bɔninaá na gise.»
Na Uhaluá na ŋŋúme
(Mat 25.21; Lúk 19.17)
9Yésuse uwɔɔ́hígɛn nugálɔ unuɔ áneé: «Yɔɔ́núɔyɔn áneé nubɔ́ŋɔ́n bugúl na ŋŋúme inɔŋɔninaá. Agányɛ, uguá ginɛŋ igiɛ́ yanáságínínaá, begúl abagányɛ bánúgíndígɛn uguɔ́b guá biansɛ gá ságásagá. 10Uguá ginɛŋ igiɛ́ mɔndɔ únya gilád uguá maná buand, unyɛ súsɔ́n gilád uguá biandá biá muand. Úmábá abánbán uguá baán bá muand, unyɛ súsɔ́n abánbán uguá biandá biá muand 11Mmába gɔg numasábá bilád uguá bilɔŋ biá guendenye bunɛ́m buá mɔnɔŋɔna buá guísi uguɔ, ányá uwanánúhuánɔ́ guendenye guá bunɛ́m buá hómohómue? Buand buáguɔ́ búnya áneé, bámábádiág ɔdɛ́m uguánɔ gá busió buá ŋŋúme ya mɔnɔŋɔna, ányá unyaá wanúhuá buá hómohómue? 12Mmába numasábá gilád gá bunɛ́m buá bɔsɔ́gá, ányá uwanánúhuánɔ́ bunɛ́m ubúnya buánɔ?»
(Mat 6.24)
13Eŋelibuóli omoómi udibá wa gualan bandɔ báandɛ buóli. Ɛɛ́ɛ! Ugɔɔ́guɔya omoómi ubɛn omodi. Ugúnya ana ugaábá gilád giá omoómi, usíŋa omodi. Nudibá nua gualan na Uhaluá na ŋŋúme buóli uguá ginɛŋ gímomi.
Na gigodi na Niguili
14Bafalisiɛ́ŋ ɔbɔ́yɔnɔ́ ŋŋúme giod bɔ́mɔɔ́mɔ́b nugálɔ unugányɛ ɔbɔ́hɔna Yésuse. 15Uwɔyídɛn bɔ́ gɔg áneé: «Banuá nuédíyenye bugindényé buánɔ agá eŋís ya bandɔ henyé gɔg áneé Uhaluá waálinsan idɛ́m siánɔ. Ɛɛ́ɛ, buand ubuɔ́ nuanánaá giandá agánɔ gá eŋís, Uhaluá waáguánan buɔ́ manyanyɛ.»
(Mat 11.12, 13)
16Ginɛŋ giá gigodi na giá bebunebúné gíésúgenye uguá ginɛŋ giá Sáŋa eyumínyi. Gubulin agá Sáŋa eyumínyi gɔg, bésesenye Ginɔ́g giá Nsɔ́m giá Niguili niá Uhaluá, gúu bandɔ gidigid bágánaá bugaga buá bíŋín guɔ. 17Henyé gɔg áneé na gumɔn na guísi múánádɔ́mb gunsáns, gudɔ́mb hana maná ŋŋɔ́ŋɛ omoómi gá ním uguá yubu hiá gigodi.
(Mat 5.32; 19.9; Mál 10.11-12)
18Uguá ginɛŋ igiɛ́ mɔndɔ uséhémie ugányɛ, udɔ́ga omodi, umáal gidáŋa. Uguá ginɛŋ igiɛ́ ɔnúmɔndɔ usɔ́guɔ́ndɔ́nɔndɔn na ugándɔ uyɔɔ́ béséhémie, umáal gidáŋa.
Na nnuɛ́m ya mɔndɔ na asúgasuga Lasál
19Egélém agányɛ Yésuse uwɔnduguɔyɛd nsab iyɛ áneé: «Nnuɛ́m ya mɔndɔ imabá ibílaŋa na binɔ́g biá bisɔn, yala giandá giá budɔ́mb mɔɔ́sɛ gidigid. 20asúgasuga wa mɔndɔ ɔhɛ́n áneé Lasál, ubídíman egég gá mbíŋínín, bibɔgɛl nuɔ́l gidigid. 21Umabá hɔ́ áneé ubáda nsa isimáguán agá nubáŋ nuá nnuɛ́m ya mɔndɔ. Gɔgaá, mbuá sísímabá síbílága bibɔgɛl biég. 22Buɔ́sɛ búmodi, asúgasuga uwegué, bilúna ibíɔ́sigɔ́l yɔ́, ibíɛ́d neéneg agá buáyɛ buá Áblahám. Nnuɛ́m ya mɔndɔ iyegué súsɔ́n obónyo yɛ́. 23Nnuɛ́m iyɔɔ́bígɔn giod uguá bunyɛ nnyɔlɛ, iyabíbúlímɛn, iyaán Lasál dugumine hádɛ agá nnyaŋ ya Áblahám. 24Nnuɛ́m iyɛɛ́d gá héhenye yɔya áneé: “Síe wamɛ Áblahám, ŋŋán bulɔ́b dɔ́m Lasál weneyúminye inaána hiég uguá mimbi wesindénye uguá gilɛ́mb. Yɔɔ́guɔ́bígɔn giod agá gilɛ́mb giá yoógi aga.” 25Áblahám uwondinye yɔ́ áneé: “Manámɛ, bídúményé haná ámabá uguá nusɔ́da uguísi, amabá uguá beseé, Lasál uguá meyú. Dabdab uyɔ, úmuanyɛ unyɛ uguá nihoge, aŋuá uguá giɔ́bíga. 26Giandá giá ɔmbɛ́l gínyɛ muɛ́d agásɔ gá ɔdɛ́m na ɔdɛ́m, igíálanɔ́ áneé banuá nunyaá uguɔ́g nudiól uguɔ ta basuá didibá diayɔg uguɔ́g.” 27Nnuɛ́m iyɔyidɛn yɔ́ áneé: “Baba sígoli mmóbísógólídie dɔ́m gɔg Lasál agá nihiá niá baba. 28Ŋŋódi beliméen hɔ́ bátánɔ. Ánaá wonodógínye bɔ́ gá gueleé bɔ́diɔndɔ́siɔ́bígɔ́n agá hɔɔ́m aga.” 29Áblahám uwondinye yɔ́ áneé: “Beliméen báhɔ bógódi na Mɔ́sɛsa na bebunebúné ánaá bɔ́bɔnɛn bɔ́.” 30Nnuɛ́m iyondinye yɔ́ áneé: “Baba Áblahám, ubugányɛ búdiéguegen, mɔndɔ úmasiádígínɛ́n uguá bunyɛ nnyɔlɛ uguɔ wɔnɔyídɛ́n bɔ́, bégenúgie bilɔŋ.” 31Gɔgaá Áblahám uwondinye yɔ́ áneé: Bɔ́mɔ́bɔ́diɔ́bɛ́n Mɔ́sɛsa, bɔ́diɔ́bɛ́n bebúnebúne, ta mɔndɔ wosiólín uguá bunyɛ nnyɔlɛ uguɔ, bádibá bá guɔ́bɛ́n yɔ́.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល