Sáŋa 8
8
1Gɔgaá, Yésuse uwɛɛ́d agá ɔŋuɛnyɛ huá madɛ́ ɔmɔɔ́ bɔ́dɔ́ŋɔnaá áneé olíf. 2Na guɔ́m gubál, uwédúnúg gá guɛ́d uguá idúl, hana bandɔ gidigid abámabá hɔ́ bámakilɛn yɔ́, uwedugumin uwɛɛ́d gá huínyihuinye bɔ́. 3Bafalisiɛ́ŋ na belinsibigodi obónoólín yɔ́ na ugándɔ uyɔɔ́ bémetélie wala gidáŋa, ebédélíminye yɔ́ agá ɔdɛ́m na ɔdɛ́m huá bandɔ gidigid. 4Ɔbɔ́yidɛn yɔ́ áneé: «Ehuínyihuínyi, dimétélie ugándɔ uyɔ wala gidáŋa. 5Mɔ́sɛsa uguá gigodi, umádíhuá bugaga buá gueleé diɔ́na bagándɔ hana uyɔ na adányɛ. Aŋuá gɔg ɔɔ́guɔya giagɛ?» 6Bámagálgal anagányɛ gá busió buá gueleé bɔ́dɔ́ligɔn yɔ́, bábádabia giásɛ giá gueleé béfudie yɔ́. Gɔgaá, Yésuse uwɔlɔŋimɛn uwɛɛ́d gá guɔ́ŋa na inaána eguísi. 7Haná bémedúmbényé na guóhón ŋŋóhúnín, Yésuse uwabíbúnɔ́n, uwɔyidɛn bɔ́ áneé: «Ánaá mɔndɔ uguánɔ guá ɔlɔŋ, umanyaá udial gilɔga buɔ́sɛ, ubue gudɔ́d yɔ́ nidányɛ.» 8Uwɔndɔlɔŋimɛn uwɛɛ́d gá guɔ́ŋa eguísi. 9Bandɔ obómoól gá fudie ugándɔ, bɔ́mɔɔ́mɔɔ́b dugálɔ udugányɛ, abágɔns gá guadigan omoómi omoómi, gugunsen gá bilun, Yésuse uwɔsilɔb agányɛ pɛ́ŋ na ugándɔ delimine egég gá busió. 10Uwabíbúnɔ́n uwɔyidɛn yɔ́ áneé: «Ugándɔ, bányɛ hanyɛ? Ta mɔndɔ umásúgudɔ́d nidányɛ a?» 11Ugándɔ uwondinye áneé: «Ehuínyihuínyi, ta mɔndɔ umásándɔ́d nidányɛ.» Yésuse uwondinye yɔ́ áneé: «Ta yaŋuá ndigádɔ́d nidányɛ, idá, gugɔns dabdab adiandúgual gilɔga.»
Yésuse unyɛ gise giá guísi
12Yésuse uwɔndɔgɔ́l nugálɔ uwɔyidɛn giíŋ áneé: «Nnyɛ gise giá guísi, mɔndɔ umbineneé udianánda uguá mbíne, wanábia gise egíénéndenyeé yɔ́ gá guɛ́d uguá nusɔ́da.» 13Bafalisiɛ́ŋ ɔbɔ́yidɛn yɔ́ gɔg áneé: «Ɔɔ́guɔya buónyi ubuɔ́ ényénú gáhɔ gá busió aŋuá mbánan, didiáguádaában guɔyɛd guáhɔ guá buónyi ubuɔ́ ényénú gáhɔ gá busió.» 14Yésuse uwondinye bɔ́ áneé: «Ta hana mbíɔyɔnaá buónyi buámɛ yaŋuá mbánan, henyé guɔyɛd guámɛ guá buónyi ubuɔ́ yényénú gámɛ gá busió gúnyɛ gindényé, gá giagiá yeényi hɔɔ́m ɔhɔɔ́ yólonineé na buhɔɔ́m ubuɔ́ yiídaninaá. Banuá gɔg nudiálinsan ta buhɔɔ́m ubuɔ́ yoólonineé ta buhɔɔ́m ubuɔ́ yiídaninaá. 15Nuégélenye bandɔ uguá bilɔŋ biá bunyɛ bandɔ, yaŋuá gɔg ndiégélenye mɔndɔ. 16Ta mmabá wa gélenye mɔndɔ búnyɛ uguá gindényé gá giagiá, ndibá yaŋuá omoómi gá gélenye, dinyɛ na Baba umaándɔ́m. 17Uguánɔ guá gigodi mbánan, búnyɛ ubúɔ́ŋɔ́n áneé guɔyɛd guá buónyi guá bamaáná báandɛ gúmabá buand búmomi báguádaában áneé búnyɛ hómohómue. 18Yɔɔ́bíɔyɔn buónyi ubuɔ́ yényénú gámɛ gá busió yaŋuá mbánan, nɔ́ súsɔ́n Baba umaándɔ́m wɔ́yɔnɔ́ buónyi ubuɔ́ wényénú gámɛ gá busió.» 19Ɔbɔ́yidɛn yɔ́ gɔg áneé: «Síe wahɔ unyɛ hanyɛ?» Yésuse uwondinye bɔ́ áneé: «Nudiŋényi, nudiálinsan Baba, núámánlinsan, nuálɛns súsɔ́n Baba.» 20Yésuse umabá uguá idúl, mɔdɔg na nsad ya nusámb, uhuínyihuinye. Uguá ginɛŋ igiɛ́ úmɔyá dugálɔ udugányɛ, ta mɔndɔ umɔsɔ́dɔ́bígɛn yɔ́ ɔmbɔ́g gá giagiá, gisigɛl giég gímabá gímanyɛ gídiésíeg.
Yésuse na nugélényi
21Yésuse uwɔnduguɔyidɛn bɔ́ áneé: «Yaŋuá mmɛɛ́d, nuanáŋamba gɔgaá, nuenéguén uguánɔ guá gilɔga. Nudibá nua guɛ́d hɔɔ́m ɔhɔɔ́ yídanaá» 22Bayúdɛn abɛ́d gá bíóhon áneé: «Wɔɔ́guɔya áneé hɔɔ́m ɔhɔɔ́ wídanaá didibá dia guɛ́d hɔ́, kásɛ ugabia nugedie nuá gueleé ubíɔ́n lí?» 23Yésuse uwɔyidɛn bɔ́ áneé: «Banuá bandɔ núóguólonin uguísi uguɔ. Yaŋuá yoóguólonin ugumɔn, nunyɛ bandɔ bá guísi, yaŋuá ndibá mɔndɔ wa guísi. 24Buand buáguɔ́ núɔyɔnaá áneé nuenéguénin uguánɔ guá bilɔga, númánudiádáaban áneé yaŋuá bɔ́dɔ́ŋɔ́naá áneé Nnyɛ#8.24Búnyɛ ɔhɛ́n uhuɔ́ Uhaluá úbídɔ́ŋɔnaá úmuanyɛ mbánan., nuenéguín uguánɔ guá bilɔga.» 25Obóhún yɔ́ áneé: «Aŋuá anyaá ányá?» Yésuse uwondinye bɔ́ áneé: «Nnyɛ mɔndɔ uyɔɔ́ ndiɔ́dɔgɔn gunúɔyɔn guenebul agá magunsa. 26Ŋŋódi giod giá muand giá guɔya na gelénye gánɔ gá busió. Gɔgaá Yoódógonyinye bandɔ bá guísi pɛ́ŋ muand umuɔ́ mmahɔ́nhɔ́n agá mɔndɔ umaándɔ́m, úmuanyɛ gɔg wɔɔ́guɔya gindényé.» 27Bɔ́mɔsúguɔ́b áneé waágálgal gá busió buá Síe. 28Yésuse uwɔyidɛn bɔ́ gɔg áneé: «Nuenémébúlúgie Muɔ́n wa mɔndɔ, nuanábádalɛns áneé yaŋuá nnyaá Nnyɛ, nuanábádalɛns súsɔ́n áneé ndiábíalan muand yaŋuá mbánan, yɔɔ́guɔya pɛ́ŋ ubuɔ́ Baba úmempuínyimpuinye. 29Úmaándɔ́m unyɛ naánamɛ, waásánihen yaŋuá omoómi gá giagiá, binɛŋ gidigid yaáguala ubúálanɔ́ yɔ́ beseé.» 30Uguá dugálɔ udugányɛ, giod giá bandɔ igíádáab yɔ́.
Bandɔ bá buhélélé na biɔ́lɛ
31Yésuse gɔg uwɔyidɛn bayúdɛn abámadáab yɔ́ áneé: «Númégimbe dugálɔ duámɛ udugányɛ uguánɔ guá idɛ́m, tábɔ́ áneé nunyɛ hómohómue bebinene bámɛ. 32Nuanálɛns hómohómue, hómohómue ugányɛ unúág uguá buhélélé.» 33Obóndinye yɔ́ áneé: «Dinyɛ uguá nugɔg nuá Áblahám, dimanyɛ didibá biɔ́lɛ biá mɔndɔ ta buɔ́sɛ. Naánanyá ányá wa guɔyɛd áneé digond uguá buhélélé?» 34Yésuse uwɔyidɛn bɔ́ áneé: «Uguá hómohómue, uguá hómohómue, yɔɔ́núɔyɔn, mɔndɔ uwalanɔ́ gilɔga unyɛ giɔ́lɛ giá gilɔga. 35Giɔ́lɛ gídiágíga uguá yál gá ságásagá gɔgaá, muɔ́n úmuanyɛ waágíga gá ságásagá. 36Mmába Muɔ́n usenúdúgún gɔg, uguá hómohómue nuanábá uguá buhélélé. 37Yeényi áneé nuóguólonin uguá nugɔg nuá Áblahám gɔgaá, nuáguamba guŋɔ́n gá giagiá, núɔ́biɔ́bɔn nugálɔ nuámɛ. 38Yaŋuá yɔɔ́guɔya ubuɔ́ mmánaán agá buáyɛ buá Baba, banuá nuáguala ubuɔ́ númɔ́bɔn agá buáyɛ buá síe wanɔ.» 39Obóndinye yɔ́ áneé: «Síe wásɔ unyaá Áblahám.» Yésuse uwɔyidɛn bɔ́ áneé: «Mmába núnyɛ baán bá Áblahám, ánaá núala gɔg bumelélíe buég. 40Henyé, yaŋuá nnúɔyɔnaá hómohómue uyɔɔ́ mmɔɔ́b agá Uhaluá, nuamba guŋɔ́n, ubugányɛ Áblahám umasúgual buɔ́. 41Gɔgaá, banuá nuáguala bilɔŋ biá melélíe má síe wanɔ.» Obóndinye yɔ́ áneé: «Didibá baán bá isɔm, digódi pɛ́ŋ Síe omoómi únyaá Uhaluá.» 42Yésuse uwondinye bɔ́ áneé: «Uhaluá wámabá Síe wanɔ késíe núɔ́ŋɔya gá giagiá, egég hɔ́ mmonoólín, mmosóbíólín uguámɛ guá bugaga, Baba úmaándɔ́m. 43Gá giagɛ núdiɔ́bɔn nuámɛ nugálɔ? Gá giagiá, nudibá nua bídɔ́lígɛn dugálɔ duámɛ. 44Abɛlɛ́bɛl únyaá síe wanɔ, gúu núámbanɔ́ guala guɔyɛd guá síe wanɔ. Unyɛ oŋónónyi guanagɔns agá magunsa, udibá uguá hómohómue, hana hómohómue udiábá uguég. Uguá ginɛŋ igiɛ́ úgesigesíe bibán biég, wɔɔ́gɔ́lɔn biɛ́ uguég guá bá gá giagiá unyɛ abánbán úmuanyɛ súsɔ́n síe wa bibán. 45Gɔgaá, yaŋuá yɔɔ́guɔya hómohómue buand buáguɔ́ núdiáŋádáaban. 46Ányá uguánɔ guá ɔlɔŋ unyaá wa díye giguá igiɛ́ mmáal? Mmába yɔɔ́guɔya hómohómue gá giagɛ nudiaŋádáabán? 47Mɔndɔ unyaá wa Uhaluá, wɔɔ́bídɔ́lígɔnɔn dugálɔ duég, haná núdiábá bá Uhaluá buand buáguɔ́ núdiɔ́bídɔ́lígɔnɔn dugálɔ duámɛ.» 48Bayúdɛn ɔbɔ́yidɛn yɔ́ áneé: «Kásɛ didiégimbe uguá ŋŋɔ́d gá guɔyɛd guásɔ uguɔ́ diɔ́yɔnɔ́ áneé “Anyɛ maná basamalitɛ́ŋ, anyɛ súsɔ́n uguá gigimbine giá gilɔg giá gileénde a?”» 49Yésuse uwɔyidɛn bɔ́ áneé: «Ɛ́ɛɛ́, ndibá uguá gigimbine giá gilɔg giá gileénde, yeéhínenye Baba, henyé, banuá nuén gumpínenye. 50Muɛ́d ndiábíambanɔ nigúmi niámɛ yaŋuá mbánan gɔgaá, mɔndɔ unyɛ hɔ́ uŋambanaá niɛ́, wond usúmba bisan. 51Uguá hómohómue, uguá hómohómue, yɔɔ́núɔyɔn buɔ́, mɔndɔ uwandanɔ́ hana nugálɔ nuámɛ núɔyɔnɔ́, udienégué.»
52Bayúdɛn báguɔ́ ɔbɔ́yidɛn yɔ́ áneé: «Diálinsan dabdab áneé ogódi gilɔg giá gileénde, Áblahám na bebunebúné bémeguén, aŋuá asigálɛ́d áneé: “Mɔndɔ uwandanɔ́ hana dugálɔ duáhɔ dúɔ́yɔnɔ́ udienégué.” 53Kásɛ aŋuá aádúmban síe wasɔ Áblahám umeégué na bebunebúné súsɔ́n ebeméguén a? Aŋuá ɔɔ́bígɔ́lɔn áneé anyɛ giagɛ gɔg?» 54Yésuse uwondinye bɔ́ áneé: «Yémébíbúlúgenye yaŋuá mbánan, nigúmi niámɛ níábá agá gudɔɔ́ gɔgaá, Baba uyɔɔ́ banuá súsɔ́n núdɔ́ŋɔnaá áneé Uhaluá wanɔ úmbúlúgenyeé. 55Banuá nudiényi yɔ́, yaŋuá gɔg yeényi yɔ́. Mmɔ́yɛd áneé ndiényi yɔ́ tábɔ́ áneé nnyɛ abánbán hana banuá, gɔgaá yeényi yɔ́ yoóguond ŋŋimbe dugálɔ duég. 56Áblahám síe wanɔ umefunde hana úmabídágɛ́d áneé wanán buɔ́sɛ buámɛ buá guól, uwaán buɔ́ uwandabalaga gudɔ́mb.» 57Uguá dugálɔ udugányɛ bayúdɛn ɔbɔ́yidɛn yɔ́ áneé: «Amanyɛ adibia duɔŋ edín áhandɛ na dúad, ɔyɛd áneé amaán Áblahám a?» 58Yésuse uwondinye bɔ́ áneé: «Uguá hómohómue, uguá hómohómue, yɔɔ́núɔyɔn gá gueleé Áblahám wasibá Nnyɛ.» 59Abɛ́d gɔg gá báda adányɛ gá dúdan yɔ́ gɔgaá, Yésuse uwenímín bɔ́ uguá eŋís uwahám uguá idúl.
ទើបបានជ្រើសរើសហើយ៖
Sáŋa 8: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Sáŋa 8
8
1Gɔgaá, Yésuse uwɛɛ́d agá ɔŋuɛnyɛ huá madɛ́ ɔmɔɔ́ bɔ́dɔ́ŋɔnaá áneé olíf. 2Na guɔ́m gubál, uwédúnúg gá guɛ́d uguá idúl, hana bandɔ gidigid abámabá hɔ́ bámakilɛn yɔ́, uwedugumin uwɛɛ́d gá huínyihuinye bɔ́. 3Bafalisiɛ́ŋ na belinsibigodi obónoólín yɔ́ na ugándɔ uyɔɔ́ bémetélie wala gidáŋa, ebédélíminye yɔ́ agá ɔdɛ́m na ɔdɛ́m huá bandɔ gidigid. 4Ɔbɔ́yidɛn yɔ́ áneé: «Ehuínyihuínyi, dimétélie ugándɔ uyɔ wala gidáŋa. 5Mɔ́sɛsa uguá gigodi, umádíhuá bugaga buá gueleé diɔ́na bagándɔ hana uyɔ na adányɛ. Aŋuá gɔg ɔɔ́guɔya giagɛ?» 6Bámagálgal anagányɛ gá busió buá gueleé bɔ́dɔ́ligɔn yɔ́, bábádabia giásɛ giá gueleé béfudie yɔ́. Gɔgaá, Yésuse uwɔlɔŋimɛn uwɛɛ́d gá guɔ́ŋa na inaána eguísi. 7Haná bémedúmbényé na guóhón ŋŋóhúnín, Yésuse uwabíbúnɔ́n, uwɔyidɛn bɔ́ áneé: «Ánaá mɔndɔ uguánɔ guá ɔlɔŋ, umanyaá udial gilɔga buɔ́sɛ, ubue gudɔ́d yɔ́ nidányɛ.» 8Uwɔndɔlɔŋimɛn uwɛɛ́d gá guɔ́ŋa eguísi. 9Bandɔ obómoól gá fudie ugándɔ, bɔ́mɔɔ́mɔɔ́b dugálɔ udugányɛ, abágɔns gá guadigan omoómi omoómi, gugunsen gá bilun, Yésuse uwɔsilɔb agányɛ pɛ́ŋ na ugándɔ delimine egég gá busió. 10Uwabíbúnɔ́n uwɔyidɛn yɔ́ áneé: «Ugándɔ, bányɛ hanyɛ? Ta mɔndɔ umásúgudɔ́d nidányɛ a?» 11Ugándɔ uwondinye áneé: «Ehuínyihuínyi, ta mɔndɔ umásándɔ́d nidányɛ.» Yésuse uwondinye yɔ́ áneé: «Ta yaŋuá ndigádɔ́d nidányɛ, idá, gugɔns dabdab adiandúgual gilɔga.»
Yésuse unyɛ gise giá guísi
12Yésuse uwɔndɔgɔ́l nugálɔ uwɔyidɛn giíŋ áneé: «Nnyɛ gise giá guísi, mɔndɔ umbineneé udianánda uguá mbíne, wanábia gise egíénéndenyeé yɔ́ gá guɛ́d uguá nusɔ́da.» 13Bafalisiɛ́ŋ ɔbɔ́yidɛn yɔ́ gɔg áneé: «Ɔɔ́guɔya buónyi ubuɔ́ ényénú gáhɔ gá busió aŋuá mbánan, didiáguádaában guɔyɛd guáhɔ guá buónyi ubuɔ́ ényénú gáhɔ gá busió.» 14Yésuse uwondinye bɔ́ áneé: «Ta hana mbíɔyɔnaá buónyi buámɛ yaŋuá mbánan, henyé guɔyɛd guámɛ guá buónyi ubuɔ́ yényénú gámɛ gá busió gúnyɛ gindényé, gá giagiá yeényi hɔɔ́m ɔhɔɔ́ yólonineé na buhɔɔ́m ubuɔ́ yiídaninaá. Banuá gɔg nudiálinsan ta buhɔɔ́m ubuɔ́ yoólonineé ta buhɔɔ́m ubuɔ́ yiídaninaá. 15Nuégélenye bandɔ uguá bilɔŋ biá bunyɛ bandɔ, yaŋuá gɔg ndiégélenye mɔndɔ. 16Ta mmabá wa gélenye mɔndɔ búnyɛ uguá gindényé gá giagiá, ndibá yaŋuá omoómi gá gélenye, dinyɛ na Baba umaándɔ́m. 17Uguánɔ guá gigodi mbánan, búnyɛ ubúɔ́ŋɔ́n áneé guɔyɛd guá buónyi guá bamaáná báandɛ gúmabá buand búmomi báguádaában áneé búnyɛ hómohómue. 18Yɔɔ́bíɔyɔn buónyi ubuɔ́ yényénú gámɛ gá busió yaŋuá mbánan, nɔ́ súsɔ́n Baba umaándɔ́m wɔ́yɔnɔ́ buónyi ubuɔ́ wényénú gámɛ gá busió.» 19Ɔbɔ́yidɛn yɔ́ gɔg áneé: «Síe wahɔ unyɛ hanyɛ?» Yésuse uwondinye bɔ́ áneé: «Nudiŋényi, nudiálinsan Baba, núámánlinsan, nuálɛns súsɔ́n Baba.» 20Yésuse umabá uguá idúl, mɔdɔg na nsad ya nusámb, uhuínyihuinye. Uguá ginɛŋ igiɛ́ úmɔyá dugálɔ udugányɛ, ta mɔndɔ umɔsɔ́dɔ́bígɛn yɔ́ ɔmbɔ́g gá giagiá, gisigɛl giég gímabá gímanyɛ gídiésíeg.
Yésuse na nugélényi
21Yésuse uwɔnduguɔyidɛn bɔ́ áneé: «Yaŋuá mmɛɛ́d, nuanáŋamba gɔgaá, nuenéguén uguánɔ guá gilɔga. Nudibá nua guɛ́d hɔɔ́m ɔhɔɔ́ yídanaá» 22Bayúdɛn abɛ́d gá bíóhon áneé: «Wɔɔ́guɔya áneé hɔɔ́m ɔhɔɔ́ wídanaá didibá dia guɛ́d hɔ́, kásɛ ugabia nugedie nuá gueleé ubíɔ́n lí?» 23Yésuse uwɔyidɛn bɔ́ áneé: «Banuá bandɔ núóguólonin uguísi uguɔ. Yaŋuá yoóguólonin ugumɔn, nunyɛ bandɔ bá guísi, yaŋuá ndibá mɔndɔ wa guísi. 24Buand buáguɔ́ núɔyɔnaá áneé nuenéguénin uguánɔ guá bilɔga, númánudiádáaban áneé yaŋuá bɔ́dɔ́ŋɔ́naá áneé Nnyɛ#8.24Búnyɛ ɔhɛ́n uhuɔ́ Uhaluá úbídɔ́ŋɔnaá úmuanyɛ mbánan., nuenéguín uguánɔ guá bilɔga.» 25Obóhún yɔ́ áneé: «Aŋuá anyaá ányá?» Yésuse uwondinye bɔ́ áneé: «Nnyɛ mɔndɔ uyɔɔ́ ndiɔ́dɔgɔn gunúɔyɔn guenebul agá magunsa. 26Ŋŋódi giod giá muand giá guɔya na gelénye gánɔ gá busió. Gɔgaá Yoódógonyinye bandɔ bá guísi pɛ́ŋ muand umuɔ́ mmahɔ́nhɔ́n agá mɔndɔ umaándɔ́m, úmuanyɛ gɔg wɔɔ́guɔya gindényé.» 27Bɔ́mɔsúguɔ́b áneé waágálgal gá busió buá Síe. 28Yésuse uwɔyidɛn bɔ́ gɔg áneé: «Nuenémébúlúgie Muɔ́n wa mɔndɔ, nuanábádalɛns áneé yaŋuá nnyaá Nnyɛ, nuanábádalɛns súsɔ́n áneé ndiábíalan muand yaŋuá mbánan, yɔɔ́guɔya pɛ́ŋ ubuɔ́ Baba úmempuínyimpuinye. 29Úmaándɔ́m unyɛ naánamɛ, waásánihen yaŋuá omoómi gá giagiá, binɛŋ gidigid yaáguala ubúálanɔ́ yɔ́ beseé.» 30Uguá dugálɔ udugányɛ, giod giá bandɔ igíádáab yɔ́.
Bandɔ bá buhélélé na biɔ́lɛ
31Yésuse gɔg uwɔyidɛn bayúdɛn abámadáab yɔ́ áneé: «Númégimbe dugálɔ duámɛ udugányɛ uguánɔ guá idɛ́m, tábɔ́ áneé nunyɛ hómohómue bebinene bámɛ. 32Nuanálɛns hómohómue, hómohómue ugányɛ unúág uguá buhélélé.» 33Obóndinye yɔ́ áneé: «Dinyɛ uguá nugɔg nuá Áblahám, dimanyɛ didibá biɔ́lɛ biá mɔndɔ ta buɔ́sɛ. Naánanyá ányá wa guɔyɛd áneé digond uguá buhélélé?» 34Yésuse uwɔyidɛn bɔ́ áneé: «Uguá hómohómue, uguá hómohómue, yɔɔ́núɔyɔn, mɔndɔ uwalanɔ́ gilɔga unyɛ giɔ́lɛ giá gilɔga. 35Giɔ́lɛ gídiágíga uguá yál gá ságásagá gɔgaá, muɔ́n úmuanyɛ waágíga gá ságásagá. 36Mmába Muɔ́n usenúdúgún gɔg, uguá hómohómue nuanábá uguá buhélélé. 37Yeényi áneé nuóguólonin uguá nugɔg nuá Áblahám gɔgaá, nuáguamba guŋɔ́n gá giagiá, núɔ́biɔ́bɔn nugálɔ nuámɛ. 38Yaŋuá yɔɔ́guɔya ubuɔ́ mmánaán agá buáyɛ buá Baba, banuá nuáguala ubuɔ́ númɔ́bɔn agá buáyɛ buá síe wanɔ.» 39Obóndinye yɔ́ áneé: «Síe wásɔ unyaá Áblahám.» Yésuse uwɔyidɛn bɔ́ áneé: «Mmába núnyɛ baán bá Áblahám, ánaá núala gɔg bumelélíe buég. 40Henyé, yaŋuá nnúɔyɔnaá hómohómue uyɔɔ́ mmɔɔ́b agá Uhaluá, nuamba guŋɔ́n, ubugányɛ Áblahám umasúgual buɔ́. 41Gɔgaá, banuá nuáguala bilɔŋ biá melélíe má síe wanɔ.» Obóndinye yɔ́ áneé: «Didibá baán bá isɔm, digódi pɛ́ŋ Síe omoómi únyaá Uhaluá.» 42Yésuse uwondinye bɔ́ áneé: «Uhaluá wámabá Síe wanɔ késíe núɔ́ŋɔya gá giagiá, egég hɔ́ mmonoólín, mmosóbíólín uguámɛ guá bugaga, Baba úmaándɔ́m. 43Gá giagɛ núdiɔ́bɔn nuámɛ nugálɔ? Gá giagiá, nudibá nua bídɔ́lígɛn dugálɔ duámɛ. 44Abɛlɛ́bɛl únyaá síe wanɔ, gúu núámbanɔ́ guala guɔyɛd guá síe wanɔ. Unyɛ oŋónónyi guanagɔns agá magunsa, udibá uguá hómohómue, hana hómohómue udiábá uguég. Uguá ginɛŋ igiɛ́ úgesigesíe bibán biég, wɔɔ́gɔ́lɔn biɛ́ uguég guá bá gá giagiá unyɛ abánbán úmuanyɛ súsɔ́n síe wa bibán. 45Gɔgaá, yaŋuá yɔɔ́guɔya hómohómue buand buáguɔ́ núdiáŋádáaban. 46Ányá uguánɔ guá ɔlɔŋ unyaá wa díye giguá igiɛ́ mmáal? Mmába yɔɔ́guɔya hómohómue gá giagɛ nudiaŋádáabán? 47Mɔndɔ unyaá wa Uhaluá, wɔɔ́bídɔ́lígɔnɔn dugálɔ duég, haná núdiábá bá Uhaluá buand buáguɔ́ núdiɔ́bídɔ́lígɔnɔn dugálɔ duámɛ.» 48Bayúdɛn ɔbɔ́yidɛn yɔ́ áneé: «Kásɛ didiégimbe uguá ŋŋɔ́d gá guɔyɛd guásɔ uguɔ́ diɔ́yɔnɔ́ áneé “Anyɛ maná basamalitɛ́ŋ, anyɛ súsɔ́n uguá gigimbine giá gilɔg giá gileénde a?”» 49Yésuse uwɔyidɛn bɔ́ áneé: «Ɛ́ɛɛ́, ndibá uguá gigimbine giá gilɔg giá gileénde, yeéhínenye Baba, henyé, banuá nuén gumpínenye. 50Muɛ́d ndiábíambanɔ nigúmi niámɛ yaŋuá mbánan gɔgaá, mɔndɔ unyɛ hɔ́ uŋambanaá niɛ́, wond usúmba bisan. 51Uguá hómohómue, uguá hómohómue, yɔɔ́núɔyɔn buɔ́, mɔndɔ uwandanɔ́ hana nugálɔ nuámɛ núɔyɔnɔ́, udienégué.»
52Bayúdɛn báguɔ́ ɔbɔ́yidɛn yɔ́ áneé: «Diálinsan dabdab áneé ogódi gilɔg giá gileénde, Áblahám na bebunebúné bémeguén, aŋuá asigálɛ́d áneé: “Mɔndɔ uwandanɔ́ hana dugálɔ duáhɔ dúɔ́yɔnɔ́ udienégué.” 53Kásɛ aŋuá aádúmban síe wasɔ Áblahám umeégué na bebunebúné súsɔ́n ebeméguén a? Aŋuá ɔɔ́bígɔ́lɔn áneé anyɛ giagɛ gɔg?» 54Yésuse uwondinye bɔ́ áneé: «Yémébíbúlúgenye yaŋuá mbánan, nigúmi niámɛ níábá agá gudɔɔ́ gɔgaá, Baba uyɔɔ́ banuá súsɔ́n núdɔ́ŋɔnaá áneé Uhaluá wanɔ úmbúlúgenyeé. 55Banuá nudiényi yɔ́, yaŋuá gɔg yeényi yɔ́. Mmɔ́yɛd áneé ndiényi yɔ́ tábɔ́ áneé nnyɛ abánbán hana banuá, gɔgaá yeényi yɔ́ yoóguond ŋŋimbe dugálɔ duég. 56Áblahám síe wanɔ umefunde hana úmabídágɛ́d áneé wanán buɔ́sɛ buámɛ buá guól, uwaán buɔ́ uwandabalaga gudɔ́mb.» 57Uguá dugálɔ udugányɛ bayúdɛn ɔbɔ́yidɛn yɔ́ áneé: «Amanyɛ adibia duɔŋ edín áhandɛ na dúad, ɔyɛd áneé amaán Áblahám a?» 58Yésuse uwondinye bɔ́ áneé: «Uguá hómohómue, uguá hómohómue, yɔɔ́núɔyɔn gá gueleé Áblahám wasibá Nnyɛ.» 59Abɛ́d gɔg gá báda adányɛ gá dúdan yɔ́ gɔgaá, Yésuse uwenímín bɔ́ uguá eŋís uwahám uguá idúl.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល