Sáŋa 9
9
Gióndúgie giá eheguhégu
1Yésuse umaágádúmban, uwaán mɔndɔ omodi úmeébíbíén na mehegu. 2Bebinene bég obóhún yɔ́ áneé: «Ehuínyihuínyi, ányá umal gilɔga gá gueleé ubíbíén na mehegu, úmuanyɛ lí bebíén bég?» 3Yésuse uwondinye áneé: «Ta úmuanyɛ, ta bebíényi, mɔndɔ umasúgual gifal gɔgaá, búnyɛ gá gueleé melélíe má Uhaluá mébídíye uguég. 4Haná buɔ́sɛ búmanyaá, búánigimanan áneé diala buóli buá úmaándɔ́m, budúg búganyɛ mɔdɔg mɔndɔ udibá wa gual buóli. 5Uguá ginɛŋ igiɛ́ mmanyaá eguísi, nnyɛ gise giá bandɔ bá guísi.» 6Yésuse umaánagálɛ́d anagányɛ uwetúfídin bidá eguísi, uwɔdɔ́bɛ́d bidɛb naá biɛ́, uwesígíd eheguhégu uguá eŋís. 7Uwɔyidɛn yɔ́ áneé: «Idá anabísúgɛ́d busió agá itamba hiá Silué.» Ɔhɛ́n uhugányɛ húɔ́guɔya áneé bámadúmá. Eheguhégu uwɛɛ́d, uwabísúgɛd busió, gá guólosiond ugányɛ gá guánan. 8Bandɔ bég bá ifág abámabá bánan yɔ́ wɔŋɔn bɔ́ya áneé: «Búdibá úmuanyɛ úwaábá udugumen aga gá guɔŋɔn a?» 9Bómodi bɔ́ya áneé: «Búnyɛ úmuanyɛ beseé na beseé.» Bódodi bɔ́nɔya áneé: «Ɛ́ɛɛ́, búdibá úmuanyɛ, búnyɛ mpónyé yeg.» Gɔgaá eheguhégu wɔya áneé: «Búnyɛ yaŋuá mbánan.» 10Bandɔ obóhún yɔ́ áneé: «Naánanyá búábíal áganyaá gá guánan?» 11Eheguhégu uwondinye bɔ́ áneé: «Mɔndɔ uyɔɔ́ bɔ́dɔ́ŋɔnaá áneé Yésuse úsɔdɔ́bɛd bidɛb, uménsígíd uguá eŋís umɔ́ŋɔyidɛn áneé: “Idá Silué anabísúgɛ́d busió,” mmɛɛ́d gɔg mmábísugɛd mmágɔns guánan.» 12Obóhún yɔ́ áneé: «Mɔndɔ waáguɔ́ unyɛ hanyɛ?» Uwondinye áneé: «Ndiényi hɔɔ́m ɔhɔɔ́ únya.» 13Abɛ́d neéneg agá bafalisiɛ́ŋ. 14Henyé, búmabá buɔ́sɛ buá giíndía giá bayúdɛn, Yésuse úmɔdɔ́ba bidɛb uwebun eheguhégu eŋís. 15Buand buáguɔ́ bafalisiɛ́ŋ bómóhún mɔndɔ ugányɛ buand ubúmábídúmban gá gueleé wɛɛ́d gá guánan, uwondinye áneé: «Usénsígíd bidɛb uguá eŋís, mmánabísugɛd, mmɛ́d gá guánan.» 16Bandɔ bómodi uguá ɔlɔŋ huá bafalisiɛ́ŋ bɔ́ya áneé: «Mɔndɔ ugányɛ udiégimbe gigodi giá giíndía giá bayúdɛn, udibá gɔg mɔndɔ wa Uhaluá.» Bódodi gɔg bɔ́ya áneé: «Naánayá ufal wa mɔndɔ únya wa bia buŋaŋa buá guala ma biseyi ɔmɔ? Abásibia masalasala uguɔ́b guá ɔlɔŋ.» 17Obónduguóhún gɔg mɔndɔ umeébíbíén na mehegu áneé: «Aŋuá gɔg, giagɛ igiɛ́ ɔ́yɔnɔ́ gá busió buá mɔndɔ uweébun eŋís?» Úmuanyɛ áneé: «Búnyɛ ebunebúné.» 18Gɔgaá, bandɔ bá ihiligine hiá bayúdɛn bámasúguádáaban áneé mɔndɔ ugányɛ umébíbíén na mehegu gúu úganyaá gá guánan, buand buáguɔ́ bɔ́mɔ́dɔ́ŋɛ́ɛn bebiényi bég. 19Obóhún bebíényi bég ŋŋóhúnín áneé: «Kásɛ mɔndɔ uyɔ unyɛ muɔ́n wanɔ uyɔɔ́ núɔyɔnɔ́ áneé umebíbíén na mehegu a? Naánanyá úganyaá gá guánan gɔg dabdab?» 20Bebíényi bég obóndinye áneé: «Diényi beseé na beseé áneé búnyɛ muɔ́n wasɔ, umebíbíén na mehegu. 21Gá nuɔyidɛn dabdab buand ubúal áneé waánan didiálinsan, ugúnya ana ányá uweébun yɔ́ eŋís didiálinsan, ánaá núóhón yɔ́, uganyɛ giandá giá mɔndɔ gá gueleé wondonyinye buónyi buég. 22Bebíényi bég bámagálgal anagányɛ gá giagiá, bémedíne ihiligine hiá bayúdɛn. Gá giagiá bámabá bámagɔ́d áneé mɔndɔ, úmɔyɛd áneé Yésuse unyɛ Bémeyíde, béhémie yɔ́ uguɔ́b guá gigúl.» 23Buand buáguɔ́ bebíényi bég bɔ́mɔyɛd áneé: «Uganyɛ giandá, ánaá núóhon yɔ́.» 24Bafalisiɛ́ŋ ɔbɔ́ndɔdɔ́ŋɛ́ɛn mɔndɔ umeébíbién na mehegu gá uŋand huá gáandɛ, ɔbɔ́yidɛn yɔ́ áneé: «Ɔyɛ́d hómohómue agá eŋís ya Uhaluá, diálinsan áneé mɔndɔ ugányɛ unyɛ ufal.» 25Uwondinye áneé: «Ndiálinsan mmába unyɛ ufal wa mɔndɔ, yaálinsan pɛ́ŋ buand búmomi áneé, mmabá na mehegu, dabdab ŋŋanyɛ gá guánan.» 26Obóhún yɔ́ áneé: «Giagɛ igiɛ́ wa gual gɔg? Naánanyá wál gá gueleé aánan?» 27Uwondinye bɔ́ áneé: «Yɔɔ́mɔ́nɔ́núɔyidɛn, nudiáguamba guɔ́b, gá giagɛ núámbanɔ áneé yɔndɔnúɔyidɛn buɔ́? Banuá súsɔ́n nuáguamba guáyɛ bebinene bég a?» 28Bafalisiɛ́ŋ abɛ́d gá siga yɔ́, bɔ́ya áneé: «Aŋuá anyaá ebinene weg, basuá dinyɛ bebinene bá Mɔ́sɛsa. 29Diálinsan áneé Uhaluá umagálgál na Mɔ́sɛsa, ugányɛ gɔg didiényi buhɔɔ́m ubuɔ́ wólonineé.» 30Mɔndɔ ugányɛ uwondinye bɔ́ áneé: «Ndé hana búyiŋkanɔ́ áneé nudiálinsan buhɔɔ́m ubuɔ́ wólonineé henyé, weémbun eŋís. 31Diálinsan áneé Uhaluá udiɔ́bídɔ́lígɔnɔn mbísógóli ya bafal gɔgaá, wɔɔ́bídɔ́lígɔnɔn mɔndɔ gidigid uwɔɔ́bɔ́ninaá yɔ́ wond wala guɔyɛd guég. 32Ta nɔ́ gɔg, dimanyɛ didiɔ́b áneé sɔ́gá mɔndɔ usebun mɔndɔ umeébíbíén na mehegu eŋís. 33Mɔndɔ ugányɛ wámádibá wa Uhaluá udiál ta buand.» 34Obóndinye yɔ́ áneé: «Emebíbíén, agagumɛn uguá bufal amba guesidíhuínyihuinyé a?» Ɔbɔ́nɔh yɔ́ uguá nígadá.
35Yésuse uwɔnɔɔ́b áneé bɔ́mɔ́nɔh yɔ́ agá nígadá, uwesigégíe yɔ́ uwoóhún yɔ́ áneé: «Kásɛ aŋuá ugányɛ aguádáaban Muɔ́n wa mɔndɔ a?» 36Uwondinye áneé: «Únyaá ányá, Ɔgúná, gá gueleé yaádáaban yɔ́?» 37Yésuse uwondinye yɔ́ áneé: «Ɛɛ́ɛ, aáguánan yɔ́, úgálgalaá gáhɔ.» 38Mɔndɔ uwɔyɛd áneé: «Ɔgúná, yaáguádáaban.» Uwɔbɔmbiginɛn yɔ́ nudúg. 39Yésuse uwɔyɛd gɔg áneé: «Búnyɛ gá nugélényi mmól eguísi agá, gá gueleé abádianan, bánaán, abánanaá bágua na mehegu.» 40Bafalisiɛ́ŋ abámabá hɔ́, ɔbɔ́b nugálɔ unugányɛ, obóhún yɔ́ áneé: «Didimádilɛns, basuá súsɔ́n dinyɛ beheguhégu a?» 41Yésuse uwondinye áneé: «Núámabá beheguhégu, késíe nudigódi bilɔga gɔgaá, haná núɔ́yɔn áneé: “Diáguánan,” gúu gilɔga gínya igiládánánɔ naánanɔ.»
ទើបបានជ្រើសរើសហើយ៖
Sáŋa 9: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Sáŋa 9
9
Gióndúgie giá eheguhégu
1Yésuse umaágádúmban, uwaán mɔndɔ omodi úmeébíbíén na mehegu. 2Bebinene bég obóhún yɔ́ áneé: «Ehuínyihuínyi, ányá umal gilɔga gá gueleé ubíbíén na mehegu, úmuanyɛ lí bebíén bég?» 3Yésuse uwondinye áneé: «Ta úmuanyɛ, ta bebíényi, mɔndɔ umasúgual gifal gɔgaá, búnyɛ gá gueleé melélíe má Uhaluá mébídíye uguég. 4Haná buɔ́sɛ búmanyaá, búánigimanan áneé diala buóli buá úmaándɔ́m, budúg búganyɛ mɔdɔg mɔndɔ udibá wa gual buóli. 5Uguá ginɛŋ igiɛ́ mmanyaá eguísi, nnyɛ gise giá bandɔ bá guísi.» 6Yésuse umaánagálɛ́d anagányɛ uwetúfídin bidá eguísi, uwɔdɔ́bɛ́d bidɛb naá biɛ́, uwesígíd eheguhégu uguá eŋís. 7Uwɔyidɛn yɔ́ áneé: «Idá anabísúgɛ́d busió agá itamba hiá Silué.» Ɔhɛ́n uhugányɛ húɔ́guɔya áneé bámadúmá. Eheguhégu uwɛɛ́d, uwabísúgɛd busió, gá guólosiond ugányɛ gá guánan. 8Bandɔ bég bá ifág abámabá bánan yɔ́ wɔŋɔn bɔ́ya áneé: «Búdibá úmuanyɛ úwaábá udugumen aga gá guɔŋɔn a?» 9Bómodi bɔ́ya áneé: «Búnyɛ úmuanyɛ beseé na beseé.» Bódodi bɔ́nɔya áneé: «Ɛ́ɛɛ́, búdibá úmuanyɛ, búnyɛ mpónyé yeg.» Gɔgaá eheguhégu wɔya áneé: «Búnyɛ yaŋuá mbánan.» 10Bandɔ obóhún yɔ́ áneé: «Naánanyá búábíal áganyaá gá guánan?» 11Eheguhégu uwondinye bɔ́ áneé: «Mɔndɔ uyɔɔ́ bɔ́dɔ́ŋɔnaá áneé Yésuse úsɔdɔ́bɛd bidɛb, uménsígíd uguá eŋís umɔ́ŋɔyidɛn áneé: “Idá Silué anabísúgɛ́d busió,” mmɛɛ́d gɔg mmábísugɛd mmágɔns guánan.» 12Obóhún yɔ́ áneé: «Mɔndɔ waáguɔ́ unyɛ hanyɛ?» Uwondinye áneé: «Ndiényi hɔɔ́m ɔhɔɔ́ únya.» 13Abɛ́d neéneg agá bafalisiɛ́ŋ. 14Henyé, búmabá buɔ́sɛ buá giíndía giá bayúdɛn, Yésuse úmɔdɔ́ba bidɛb uwebun eheguhégu eŋís. 15Buand buáguɔ́ bafalisiɛ́ŋ bómóhún mɔndɔ ugányɛ buand ubúmábídúmban gá gueleé wɛɛ́d gá guánan, uwondinye áneé: «Usénsígíd bidɛb uguá eŋís, mmánabísugɛd, mmɛ́d gá guánan.» 16Bandɔ bómodi uguá ɔlɔŋ huá bafalisiɛ́ŋ bɔ́ya áneé: «Mɔndɔ ugányɛ udiégimbe gigodi giá giíndía giá bayúdɛn, udibá gɔg mɔndɔ wa Uhaluá.» Bódodi gɔg bɔ́ya áneé: «Naánayá ufal wa mɔndɔ únya wa bia buŋaŋa buá guala ma biseyi ɔmɔ? Abásibia masalasala uguɔ́b guá ɔlɔŋ.» 17Obónduguóhún gɔg mɔndɔ umeébíbíén na mehegu áneé: «Aŋuá gɔg, giagɛ igiɛ́ ɔ́yɔnɔ́ gá busió buá mɔndɔ uweébun eŋís?» Úmuanyɛ áneé: «Búnyɛ ebunebúné.» 18Gɔgaá, bandɔ bá ihiligine hiá bayúdɛn bámasúguádáaban áneé mɔndɔ ugányɛ umébíbíén na mehegu gúu úganyaá gá guánan, buand buáguɔ́ bɔ́mɔ́dɔ́ŋɛ́ɛn bebiényi bég. 19Obóhún bebíényi bég ŋŋóhúnín áneé: «Kásɛ mɔndɔ uyɔ unyɛ muɔ́n wanɔ uyɔɔ́ núɔyɔnɔ́ áneé umebíbíén na mehegu a? Naánanyá úganyaá gá guánan gɔg dabdab?» 20Bebíényi bég obóndinye áneé: «Diényi beseé na beseé áneé búnyɛ muɔ́n wasɔ, umebíbíén na mehegu. 21Gá nuɔyidɛn dabdab buand ubúal áneé waánan didiálinsan, ugúnya ana ányá uweébun yɔ́ eŋís didiálinsan, ánaá núóhón yɔ́, uganyɛ giandá giá mɔndɔ gá gueleé wondonyinye buónyi buég. 22Bebíényi bég bámagálgal anagányɛ gá giagiá, bémedíne ihiligine hiá bayúdɛn. Gá giagiá bámabá bámagɔ́d áneé mɔndɔ, úmɔyɛd áneé Yésuse unyɛ Bémeyíde, béhémie yɔ́ uguɔ́b guá gigúl.» 23Buand buáguɔ́ bebíényi bég bɔ́mɔyɛd áneé: «Uganyɛ giandá, ánaá núóhon yɔ́.» 24Bafalisiɛ́ŋ ɔbɔ́ndɔdɔ́ŋɛ́ɛn mɔndɔ umeébíbién na mehegu gá uŋand huá gáandɛ, ɔbɔ́yidɛn yɔ́ áneé: «Ɔyɛ́d hómohómue agá eŋís ya Uhaluá, diálinsan áneé mɔndɔ ugányɛ unyɛ ufal.» 25Uwondinye áneé: «Ndiálinsan mmába unyɛ ufal wa mɔndɔ, yaálinsan pɛ́ŋ buand búmomi áneé, mmabá na mehegu, dabdab ŋŋanyɛ gá guánan.» 26Obóhún yɔ́ áneé: «Giagɛ igiɛ́ wa gual gɔg? Naánanyá wál gá gueleé aánan?» 27Uwondinye bɔ́ áneé: «Yɔɔ́mɔ́nɔ́núɔyidɛn, nudiáguamba guɔ́b, gá giagɛ núámbanɔ áneé yɔndɔnúɔyidɛn buɔ́? Banuá súsɔ́n nuáguamba guáyɛ bebinene bég a?» 28Bafalisiɛ́ŋ abɛ́d gá siga yɔ́, bɔ́ya áneé: «Aŋuá anyaá ebinene weg, basuá dinyɛ bebinene bá Mɔ́sɛsa. 29Diálinsan áneé Uhaluá umagálgál na Mɔ́sɛsa, ugányɛ gɔg didiényi buhɔɔ́m ubuɔ́ wólonineé.» 30Mɔndɔ ugányɛ uwondinye bɔ́ áneé: «Ndé hana búyiŋkanɔ́ áneé nudiálinsan buhɔɔ́m ubuɔ́ wólonineé henyé, weémbun eŋís. 31Diálinsan áneé Uhaluá udiɔ́bídɔ́lígɔnɔn mbísógóli ya bafal gɔgaá, wɔɔ́bídɔ́lígɔnɔn mɔndɔ gidigid uwɔɔ́bɔ́ninaá yɔ́ wond wala guɔyɛd guég. 32Ta nɔ́ gɔg, dimanyɛ didiɔ́b áneé sɔ́gá mɔndɔ usebun mɔndɔ umeébíbíén na mehegu eŋís. 33Mɔndɔ ugányɛ wámádibá wa Uhaluá udiál ta buand.» 34Obóndinye yɔ́ áneé: «Emebíbíén, agagumɛn uguá bufal amba guesidíhuínyihuinyé a?» Ɔbɔ́nɔh yɔ́ uguá nígadá.
35Yésuse uwɔnɔɔ́b áneé bɔ́mɔ́nɔh yɔ́ agá nígadá, uwesigégíe yɔ́ uwoóhún yɔ́ áneé: «Kásɛ aŋuá ugányɛ aguádáaban Muɔ́n wa mɔndɔ a?» 36Uwondinye áneé: «Únyaá ányá, Ɔgúná, gá gueleé yaádáaban yɔ́?» 37Yésuse uwondinye yɔ́ áneé: «Ɛɛ́ɛ, aáguánan yɔ́, úgálgalaá gáhɔ.» 38Mɔndɔ uwɔyɛd áneé: «Ɔgúná, yaáguádáaban.» Uwɔbɔmbiginɛn yɔ́ nudúg. 39Yésuse uwɔyɛd gɔg áneé: «Búnyɛ gá nugélényi mmól eguísi agá, gá gueleé abádianan, bánaán, abánanaá bágua na mehegu.» 40Bafalisiɛ́ŋ abámabá hɔ́, ɔbɔ́b nugálɔ unugányɛ, obóhún yɔ́ áneé: «Didimádilɛns, basuá súsɔ́n dinyɛ beheguhégu a?» 41Yésuse uwondinye áneé: «Núámabá beheguhégu, késíe nudigódi bilɔga gɔgaá, haná núɔ́yɔn áneé: “Diáguánan,” gúu gilɔga gínya igiládánánɔ naánanɔ.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល