Melélíe 27
27
Guɛ́d guá Póle Lóm
1Bámaámágɔ́d áneé diáguídan uguá Italí uguá sitíme, abásúgídɛn Yulíus, ɔgúnɔ́gɔ́n wa nsénsi siá Lóm edín átánɔ, ŋŋóli símodi ɔlɔŋ na Póle. Bɔ́dɔ́ŋɔn gimbi giá nsénsi giáguɔ́ áneé: «Ndíd ya nsénsi siá ofuŋ uhugɔ́n.» 2Idiayumɛn gɔg uguá sitíme umoónólin ugúa tísɔna wa Adalamít. Umiídán ɔmbɔ́gɔmbɔ́gá huá ŋŋɛnd siá Así, idiɔgɔ́l ŋŋil. Dimabá ɔlɔŋ na Alistálk, maná bamasedoniɛ́ŋ wa Tesaloník. 3Mémbélibéli, idial síge Sidɔ́ŋ, haná Yulíus úmɔgɔ́lɔn Póle beseé, uweéŋin yɔ́ bugaga buá guɛ́d guánaán begúl bég gá gueleé bégígin yɔ́ ɔmbɔ́g. 4Dimaámádigɛn agányɛ, idiandan buáyɛ na buáyɛ buá ŋŋɛnd ya ilua hiá Síplɛ gá giagiá gihínyi gímodiólónín uguá busió. 5Dimaámáyɔg máŋ má gidɔŋ giá Silisí naá giá Paŋfilí, idieneg agá ŋŋɛnd ya tísɔna wa Míle uguá gidɔŋ giá Lisí. 6Agányɛ hɔ́ ɔ́gúnɔ́gɔ́n wa nsénsi siá Lóm úmaán sitíme wa tísɔna wa Alɛgsaŋdlí, wiídan uguá Italí, idiayumɛn guɔ́. 7Idianda uguá giod giá mɔɔ́sɛ bugédébugédé, uguá giod giá meyú idianahám nsíndinsindia na tísɔna wa Siníd. Haná gihínyi gímedíenyé guídɛ́n gindényindenye, idiandɛn uguá gibéyi giá guísi igíbíŋeneé uguá mimbi igiɛ́ bɔ́dɔ́ŋɔnaá áneé Salmoné, gá hámɛ́n ɔmbɔ́g huá gilind giá ilua hiá Klɛ́t. 8Idianda bugédébugédé, dilɔ́ndɔn uguá ŋŋɛnd na ŋŋɛnd, idieneg agá hɔɔ́m ɔhɔɔ́ bɔ́dɔ́ŋɔnaá áneé: Binɔ́g biá ombóŋ, mɔdɔg na tísɔna wa Lasé.
9Idienímie giandá giá ginɛŋ uguá ŋŋil, búmasɛ́d meyú áneé didúmbenye na uŋand, gá giagiá buɔ́sɛ buá ŋŋenyi#27.9 Ŋŋenyi inyɛ budɔ́mb buá bayúdɛn ubuɔ́ bámabá bála uguá ohóli huá gilum. Uŋand uguá mimbi húmabá gilɔg gugunsen uguá ohóli huá gilum gueneg gá huá buág, aán Lef 16.29. búmabá búmádɔ́mb. Gúu Póle úmɔyidɛ́n bɔ́ áneé: 10«Begúl bámɛ, yaáguánan áneé dímédúmbenye uŋand huásɔ húgaábá gilɔg, sitíme na binɔ́h biég gidigid múgaáhɔ́h, gúu ta basuá mbánan dínya diá guén.» 11Gɔgaá, ɔgúnɔ́gɔ́n wa nsénsi umɔɔ́bɔ́n buand ubuɔ́ ogógi sitíme na mɔndɔ wa sitíme bɔ́mɔyá gudɔ́mb buá Póle. 12Gúu nibóŋ iniɛ́ bámabá hɔ́ nímasábá beseé gá gueleé bágíga hɔ́ uguá gilɔg giá ginɛŋ. Giod giá bandɔ igímabá uguá sitíme igíáhám ugelu áneé bɔ́ndɔgɔ́l ŋŋil. Bámambá gueneg agá ŋŋɛnd ya Fénis, nibóŋ niá Klɛ́t iníbíyiganaá ɔmbɔ́gɔmbɔ́ga uhuɔ́ ɔhɛ́nyɛ húbídimaninaá uguá adág naá uguá ɔduá, gá gueleé bédúmbie gilɔg giá ginɛŋ hɔ́.
Gihínyi gímáguɛn sitíme
13Maná gihínyi uwonoólín uguá adág, uwɛɛ́d gá fife, ebégedenye áneé uŋand huɔ́b húgaábá beseé, ebédiginye sitíme, wanda, ubambala buáyɛ buá ŋŋɛnd ya ilua hiá Klɛ́t. 14Gɔgaá, maná ginɛŋ abán giandá giá gihínyi igiɛ́ bɔ́dɔ́ŋɔnaá áneé Elakilɔ́ŋ, guonoólín uguá iŋuɛnyɛ siá ilua, igiáguɛn bɔ́. 15Gihínyi igíédídígen sitíme, bugaga buá guenduguendenye yɔ́ búmasándabá, idiabínihinɛn gihínyi igíédíendenye. 16Idiandɛn uguá adág ya maná ilua uyɔɔ́ bɔ́dɔ́ŋɔnaá áneé Kodá, uwedílindig gá maná ginɛŋ. Egélém gá giandá giá meyú igigányɛ, idiabia bugaga buá gimbin ŋŋumba ya gisódie. 17Belibuóli bá sitíme ebébúlígíe yɛ́ uguá sitíme obónd abágɔ́d yɛ́ na duoli. Haná bámabianán bugádɔ áneé sitíme wɔb udienelík uguá ombúm huá ŋŋɛnd ya Libí, ɔbɔ́nɔh gilue igínáŋanɔ́ igiɛ́ bágúdanɔ́ uguá sitíme, abánihɛn gihínyi gíéndenye sitíme. 18Mémbélényi, haná ombógónyé húmiídan uguá busió na díbuŋulenye na bugaga, abɛ́d gá yuna muand muá nionyi uguá sitíme bómbon muɔ́ uguá máŋ. 19Gúu, uguá buɔ́sɛ buá gádádɔ, belibuóli mbánan obólonye na mugɔn na biímbe na imbɔ́g siɔ́b, obómbon muɔ́ uguá máŋ. 20Uguá giod giá mɔɔ́sɛ, dimasúguán ta buɔ́sɛ ta muódódi, gihínyi gífife na bugaga, nugedie nuá dísódie unuódíólíginye uguá meéne.
21Bandɔ abámabá uguá sitíme bámasándanyá buand uguá giandá giá ginɛŋ, Póle gɔg, delimine agá ɔdɛ́m na ɔdɛ́m huá bɔ́sɔ́gá abagányɛ, uganyɛ gɔ́b áneé: «Begúl bámɛ, nusabá nuá ŋɔ́bɛ́n, núómónudiólígíe Klɛ́t, késíe sitíme umɔ́sɔ́bílɔg, numósúguomb muand muá nionyi uguá máŋ. 22Gɔgaá, dabdab yeénúgínyiginye áneé numán ɔdɛ́m, gá giagiá ta mɔndɔ omoómi uguánɔ guá ɔlɔŋ udigeégué, pɛ́ŋ sitíme úgɔbílɔgɔnɔ́. 23Yɔɔ́guɔya nɔ́ gá giagiá, gilúna giá Uhaluá uyɔɔ́ yɔ́bɔninaá yond ndúmába gísembíéníginye na budúg, 24gímɔ́ŋɔyídɛ́n áneé: “Póle, adibia bugádɔ. Ogódi áneé edélímin agá busió buá ofuŋ uhugɔ́n, uguá beseé uyɔɔ́ Uhaluá úguánanaá, uguádáabɛn nusɔ́da nuá bandɔ gidigid abánya uguá sitíme uguɔ́g naánahɔ.” 25Begúl bámɛ, bígáyínánɔ gɔg, yɔɔ́dɔ́bígɔnɛn ɔduá uguá Uhaluá, búgabá hana wɔ́ŋɔyidɛ́n. 26Gɔgaá, gihínyi gígónodíomb uguá ŋŋɛnd ya ilua hímodi.»
Dimɔ́sɔ́d kandahúha
27Búmabá búganyɛ medúg máad na méníhi ɔmɔɔ́ gihínyi gímabá gídíbúndubundie uguá máŋ má Meditelané. Buand buá ɔdɛ́m huá budúg, bogógi sitíme ɔbɔ́b áneé báganyɛ gá bígɔ́dɔn magayɔ. 28Obómbin núsɔ́gá, abán áneé hɔɔ́m hányɛ ɔmbɛ́l huá bamída nitín na bunyo na báandɛ, abándakɛl, obónduguombin núsɔ́gá abánduguán áneé hányɛ bamída nitín na bánímanyɛ. 29Bámabianán bugádɔ áneé sitíme wɔb udiɔ́ndídɛn uguá adányɛ, buand buáguɔ́ bómombin bilue bíníhi uguélém guá sitíme, gá gígan guɔ́m ugubál gulgúl. 30Gɔgaá, belibuóli bá sitíme abásɛɛ́d gá guamba dudádɛ duá bínɔh, ebésusie ŋŋumba ya gisódie uguá mimbi, abásɔ́ŋ áneé bámɛ́d gá gɔ́d bilue uguá busió buá sitíme. 31Póle uwɔyidɛn nsénsi siá Lóm na ɔgúnɔ́gɔ́n wɔb áneé: «Bandɔ ɔbɔ bómólígie uguá sitíme uguɔ, nudigɔɔ́sɔ́d.» 32Nsénsi isiásɔ́mb duoli udúmegimbe ŋŋumba ya gisódie, iyɛɛ́d.
33Guɔ́m gúmabá gúmanyɛ gúdibál, Póle uwɔdɔ́ŋɛ́ɛn bandɔ gidigid gá gunyá, wɔyɔn bɔ́ áneé: «Ndénu hínen buɔ́sɛ buá gáad na géníhi uyɔɔ́ núgíganaá áneé muand múond beseé nuond nugíga kandanyá buand. 34Yɔɔ́núdɔ́ŋɔn gɔg gá gunyá, gá giagiá nuábaŋa guɔ́ gá bá abaháŋánɔ. Ta ŋŋíde ya mɔndɔ uguánɔ guá ɔlɔŋ idianábálɔ́ɔg uguég guá ɔduá.» 35Póle umaámágálɛ́ɛd anagányɛ, uwɔgɔ́l gilɛ́d uweéŋin Uhaluá mbíyigie ɔgɔ́b gá busió bámuanyɛ gidigid, uwabáya giɛ́ uwɛɛ́d gá nyánan. 36Bámuanyɛ gidigid abábíág bugaga, abɛ́d gá nyánan súsɔ́n. 37Dimabá uguá sitíme, bandɔ edín átánɔ áhandɛ na edín ádádɔ na bunyo nomue. 38Bámaámábíhál, obómbin binsénséne biá belée uguá máŋ gá légúmidie sitíme.
39Guɔ́m gúmaámábál, bogógi sitíme abán magayɔ bámasálɛns hɔɔ́m ɔhɔɔ́ bámabá, gɔgaá abábílíŋídɛn gibéyi giá máŋ igíbíŋeneé uguísi na ŋŋɛnd, abádáab áneé búmabá lágɔlágɔ, bénedélímínyé sitíme hɔ́. 40Ebésulun bilue abánihɛn biɛ́ ibíɛ́d uguá máŋ, ebésulun súsɔ́n duoli duá ŋkɛ́b iyendenyeé sitíme. Ebédelidie giandá giá giímbe uguá busió buá sitíme gá gueleé gihínyi gídídígen yɔ́, ɔbɔ́gɔ́l ŋŋil ya guɛ́d agá nibóŋ. 41Gɔgaá, ɔbɔ́bígɔ́dɛn gimbi giá ombúm, sitíme uwakákán. Busió buá sitíme ubúébíŋín uguadá guá ombúm ta guendegélídie, ombógónyé uhúágad gélém gá sitíme. 42Nsénsi isíábia nugedie áneé síɔ́na ŋŋóli gá gueleé ta imoómi idibínɔ́h na unáŋ. 43Gɔgaá, haná ɔgúnɔ́gɔ́n wa nsénsi úmambá gusódie Póle, uwenye bɔ́ gá gual nubídágídɛ́n nuɔ́b. Uwodóŋínye bugaga buá gueleé bandɔ abámalinsan unáŋ, bébue gubíombin uguá mimbi bánáŋa gá yɔg uguá ŋŋɛnd. 44Bɔsɔ́gá obólbóndeé bébinen bɔ́, bádadiman uguá bibéyi biá mabám, ugúnya ana uguá biédi biá sitíme. Anagányɛ mɔndɔ gidigid úmenég uguá ŋŋɛnd ɔgɔ́sɛ.
ទើបបានជ្រើសរើសហើយ៖
Melélíe 27: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Melélíe 27
27
Guɛ́d guá Póle Lóm
1Bámaámágɔ́d áneé diáguídan uguá Italí uguá sitíme, abásúgídɛn Yulíus, ɔgúnɔ́gɔ́n wa nsénsi siá Lóm edín átánɔ, ŋŋóli símodi ɔlɔŋ na Póle. Bɔ́dɔ́ŋɔn gimbi giá nsénsi giáguɔ́ áneé: «Ndíd ya nsénsi siá ofuŋ uhugɔ́n.» 2Idiayumɛn gɔg uguá sitíme umoónólin ugúa tísɔna wa Adalamít. Umiídán ɔmbɔ́gɔmbɔ́gá huá ŋŋɛnd siá Así, idiɔgɔ́l ŋŋil. Dimabá ɔlɔŋ na Alistálk, maná bamasedoniɛ́ŋ wa Tesaloník. 3Mémbélibéli, idial síge Sidɔ́ŋ, haná Yulíus úmɔgɔ́lɔn Póle beseé, uweéŋin yɔ́ bugaga buá guɛ́d guánaán begúl bég gá gueleé bégígin yɔ́ ɔmbɔ́g. 4Dimaámádigɛn agányɛ, idiandan buáyɛ na buáyɛ buá ŋŋɛnd ya ilua hiá Síplɛ gá giagiá gihínyi gímodiólónín uguá busió. 5Dimaámáyɔg máŋ má gidɔŋ giá Silisí naá giá Paŋfilí, idieneg agá ŋŋɛnd ya tísɔna wa Míle uguá gidɔŋ giá Lisí. 6Agányɛ hɔ́ ɔ́gúnɔ́gɔ́n wa nsénsi siá Lóm úmaán sitíme wa tísɔna wa Alɛgsaŋdlí, wiídan uguá Italí, idiayumɛn guɔ́. 7Idianda uguá giod giá mɔɔ́sɛ bugédébugédé, uguá giod giá meyú idianahám nsíndinsindia na tísɔna wa Siníd. Haná gihínyi gímedíenyé guídɛ́n gindényindenye, idiandɛn uguá gibéyi giá guísi igíbíŋeneé uguá mimbi igiɛ́ bɔ́dɔ́ŋɔnaá áneé Salmoné, gá hámɛ́n ɔmbɔ́g huá gilind giá ilua hiá Klɛ́t. 8Idianda bugédébugédé, dilɔ́ndɔn uguá ŋŋɛnd na ŋŋɛnd, idieneg agá hɔɔ́m ɔhɔɔ́ bɔ́dɔ́ŋɔnaá áneé: Binɔ́g biá ombóŋ, mɔdɔg na tísɔna wa Lasé.
9Idienímie giandá giá ginɛŋ uguá ŋŋil, búmasɛ́d meyú áneé didúmbenye na uŋand, gá giagiá buɔ́sɛ buá ŋŋenyi#27.9 Ŋŋenyi inyɛ budɔ́mb buá bayúdɛn ubuɔ́ bámabá bála uguá ohóli huá gilum. Uŋand uguá mimbi húmabá gilɔg gugunsen uguá ohóli huá gilum gueneg gá huá buág, aán Lef 16.29. búmabá búmádɔ́mb. Gúu Póle úmɔyidɛ́n bɔ́ áneé: 10«Begúl bámɛ, yaáguánan áneé dímédúmbenye uŋand huásɔ húgaábá gilɔg, sitíme na binɔ́h biég gidigid múgaáhɔ́h, gúu ta basuá mbánan dínya diá guén.» 11Gɔgaá, ɔgúnɔ́gɔ́n wa nsénsi umɔɔ́bɔ́n buand ubuɔ́ ogógi sitíme na mɔndɔ wa sitíme bɔ́mɔyá gudɔ́mb buá Póle. 12Gúu nibóŋ iniɛ́ bámabá hɔ́ nímasábá beseé gá gueleé bágíga hɔ́ uguá gilɔg giá ginɛŋ. Giod giá bandɔ igímabá uguá sitíme igíáhám ugelu áneé bɔ́ndɔgɔ́l ŋŋil. Bámambá gueneg agá ŋŋɛnd ya Fénis, nibóŋ niá Klɛ́t iníbíyiganaá ɔmbɔ́gɔmbɔ́ga uhuɔ́ ɔhɛ́nyɛ húbídimaninaá uguá adág naá uguá ɔduá, gá gueleé bédúmbie gilɔg giá ginɛŋ hɔ́.
Gihínyi gímáguɛn sitíme
13Maná gihínyi uwonoólín uguá adág, uwɛɛ́d gá fife, ebégedenye áneé uŋand huɔ́b húgaábá beseé, ebédiginye sitíme, wanda, ubambala buáyɛ buá ŋŋɛnd ya ilua hiá Klɛ́t. 14Gɔgaá, maná ginɛŋ abán giandá giá gihínyi igiɛ́ bɔ́dɔ́ŋɔnaá áneé Elakilɔ́ŋ, guonoólín uguá iŋuɛnyɛ siá ilua, igiáguɛn bɔ́. 15Gihínyi igíédídígen sitíme, bugaga buá guenduguendenye yɔ́ búmasándabá, idiabínihinɛn gihínyi igíédíendenye. 16Idiandɛn uguá adág ya maná ilua uyɔɔ́ bɔ́dɔ́ŋɔnaá áneé Kodá, uwedílindig gá maná ginɛŋ. Egélém gá giandá giá meyú igigányɛ, idiabia bugaga buá gimbin ŋŋumba ya gisódie. 17Belibuóli bá sitíme ebébúlígíe yɛ́ uguá sitíme obónd abágɔ́d yɛ́ na duoli. Haná bámabianán bugádɔ áneé sitíme wɔb udienelík uguá ombúm huá ŋŋɛnd ya Libí, ɔbɔ́nɔh gilue igínáŋanɔ́ igiɛ́ bágúdanɔ́ uguá sitíme, abánihɛn gihínyi gíéndenye sitíme. 18Mémbélényi, haná ombógónyé húmiídan uguá busió na díbuŋulenye na bugaga, abɛ́d gá yuna muand muá nionyi uguá sitíme bómbon muɔ́ uguá máŋ. 19Gúu, uguá buɔ́sɛ buá gádádɔ, belibuóli mbánan obólonye na mugɔn na biímbe na imbɔ́g siɔ́b, obómbon muɔ́ uguá máŋ. 20Uguá giod giá mɔɔ́sɛ, dimasúguán ta buɔ́sɛ ta muódódi, gihínyi gífife na bugaga, nugedie nuá dísódie unuódíólíginye uguá meéne.
21Bandɔ abámabá uguá sitíme bámasándanyá buand uguá giandá giá ginɛŋ, Póle gɔg, delimine agá ɔdɛ́m na ɔdɛ́m huá bɔ́sɔ́gá abagányɛ, uganyɛ gɔ́b áneé: «Begúl bámɛ, nusabá nuá ŋɔ́bɛ́n, núómónudiólígíe Klɛ́t, késíe sitíme umɔ́sɔ́bílɔg, numósúguomb muand muá nionyi uguá máŋ. 22Gɔgaá, dabdab yeénúgínyiginye áneé numán ɔdɛ́m, gá giagiá ta mɔndɔ omoómi uguánɔ guá ɔlɔŋ udigeégué, pɛ́ŋ sitíme úgɔbílɔgɔnɔ́. 23Yɔɔ́guɔya nɔ́ gá giagiá, gilúna giá Uhaluá uyɔɔ́ yɔ́bɔninaá yond ndúmába gísembíéníginye na budúg, 24gímɔ́ŋɔyídɛ́n áneé: “Póle, adibia bugádɔ. Ogódi áneé edélímin agá busió buá ofuŋ uhugɔ́n, uguá beseé uyɔɔ́ Uhaluá úguánanaá, uguádáabɛn nusɔ́da nuá bandɔ gidigid abánya uguá sitíme uguɔ́g naánahɔ.” 25Begúl bámɛ, bígáyínánɔ gɔg, yɔɔ́dɔ́bígɔnɛn ɔduá uguá Uhaluá, búgabá hana wɔ́ŋɔyidɛ́n. 26Gɔgaá, gihínyi gígónodíomb uguá ŋŋɛnd ya ilua hímodi.»
Dimɔ́sɔ́d kandahúha
27Búmabá búganyɛ medúg máad na méníhi ɔmɔɔ́ gihínyi gímabá gídíbúndubundie uguá máŋ má Meditelané. Buand buá ɔdɛ́m huá budúg, bogógi sitíme ɔbɔ́b áneé báganyɛ gá bígɔ́dɔn magayɔ. 28Obómbin núsɔ́gá, abán áneé hɔɔ́m hányɛ ɔmbɛ́l huá bamída nitín na bunyo na báandɛ, abándakɛl, obónduguombin núsɔ́gá abánduguán áneé hányɛ bamída nitín na bánímanyɛ. 29Bámabianán bugádɔ áneé sitíme wɔb udiɔ́ndídɛn uguá adányɛ, buand buáguɔ́ bómombin bilue bíníhi uguélém guá sitíme, gá gígan guɔ́m ugubál gulgúl. 30Gɔgaá, belibuóli bá sitíme abásɛɛ́d gá guamba dudádɛ duá bínɔh, ebésusie ŋŋumba ya gisódie uguá mimbi, abásɔ́ŋ áneé bámɛ́d gá gɔ́d bilue uguá busió buá sitíme. 31Póle uwɔyidɛn nsénsi siá Lóm na ɔgúnɔ́gɔ́n wɔb áneé: «Bandɔ ɔbɔ bómólígie uguá sitíme uguɔ, nudigɔɔ́sɔ́d.» 32Nsénsi isiásɔ́mb duoli udúmegimbe ŋŋumba ya gisódie, iyɛɛ́d.
33Guɔ́m gúmabá gúmanyɛ gúdibál, Póle uwɔdɔ́ŋɛ́ɛn bandɔ gidigid gá gunyá, wɔyɔn bɔ́ áneé: «Ndénu hínen buɔ́sɛ buá gáad na géníhi uyɔɔ́ núgíganaá áneé muand múond beseé nuond nugíga kandanyá buand. 34Yɔɔ́núdɔ́ŋɔn gɔg gá gunyá, gá giagiá nuábaŋa guɔ́ gá bá abaháŋánɔ. Ta ŋŋíde ya mɔndɔ uguánɔ guá ɔlɔŋ idianábálɔ́ɔg uguég guá ɔduá.» 35Póle umaámágálɛ́ɛd anagányɛ, uwɔgɔ́l gilɛ́d uweéŋin Uhaluá mbíyigie ɔgɔ́b gá busió bámuanyɛ gidigid, uwabáya giɛ́ uwɛɛ́d gá nyánan. 36Bámuanyɛ gidigid abábíág bugaga, abɛ́d gá nyánan súsɔ́n. 37Dimabá uguá sitíme, bandɔ edín átánɔ áhandɛ na edín ádádɔ na bunyo nomue. 38Bámaámábíhál, obómbin binsénséne biá belée uguá máŋ gá légúmidie sitíme.
39Guɔ́m gúmaámábál, bogógi sitíme abán magayɔ bámasálɛns hɔɔ́m ɔhɔɔ́ bámabá, gɔgaá abábílíŋídɛn gibéyi giá máŋ igíbíŋeneé uguísi na ŋŋɛnd, abádáab áneé búmabá lágɔlágɔ, bénedélímínyé sitíme hɔ́. 40Ebésulun bilue abánihɛn biɛ́ ibíɛ́d uguá máŋ, ebésulun súsɔ́n duoli duá ŋkɛ́b iyendenyeé sitíme. Ebédelidie giandá giá giímbe uguá busió buá sitíme gá gueleé gihínyi gídídígen yɔ́, ɔbɔ́gɔ́l ŋŋil ya guɛ́d agá nibóŋ. 41Gɔgaá, ɔbɔ́bígɔ́dɛn gimbi giá ombúm, sitíme uwakákán. Busió buá sitíme ubúébíŋín uguadá guá ombúm ta guendegélídie, ombógónyé uhúágad gélém gá sitíme. 42Nsénsi isíábia nugedie áneé síɔ́na ŋŋóli gá gueleé ta imoómi idibínɔ́h na unáŋ. 43Gɔgaá, haná ɔgúnɔ́gɔ́n wa nsénsi úmambá gusódie Póle, uwenye bɔ́ gá gual nubídágídɛ́n nuɔ́b. Uwodóŋínye bugaga buá gueleé bandɔ abámalinsan unáŋ, bébue gubíombin uguá mimbi bánáŋa gá yɔg uguá ŋŋɛnd. 44Bɔsɔ́gá obólbóndeé bébinen bɔ́, bádadiman uguá bibéyi biá mabám, ugúnya ana uguá biédi biá sitíme. Anagányɛ mɔndɔ gidigid úmenég uguá ŋŋɛnd ɔgɔ́sɛ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល