Melélíe 28
28
Póle unyɛ agá ilua ihiɛ́ bɔ́dɔ́ŋɔnaá áneé Mált
1Dimɔɔ́mɔ́sɔ́d, idiɔ́b áneé ilua ihiɛ́ dínya hɔ́, bɔ́dɔ́ŋɔn hiɛ́ áneé Mált. 2Bɔdɔŋdɔ́ŋ abádígíndígɛn beseé. Nubɔ́l unúébul gunuanan, ɔbɔ́gɔm giandá giá yoógi, idiegéŋélidie giɛ́ basuá gidigid gá biésébe gá giagiá gisínyi gímabá. 3Póle uwasamb gimbi giá dúgasia gá nɔh agá yoógi, gɔgaá, na gindɔnd giá yoógi, mpɛ́nyɛ iyahámɛn guɔ́, iyabílábímɛn Póle uguá ɔmbɔ́g. 4Bɔdɔŋdɔ́ŋ bá ilua bámaámáan nnyɔ́g isualsual uguá ɔmbɔ́g huá Póle, abɛ́d gá guɔya bámuanyɛ na bámuanyɛ áneé: «Ala mɔndɔ uyɔ unyɛ hómohómue oŋónónyi, gá giagiá buhaluá bɔ́diɔ́guɔya áneé usɔ́dɔn ta haná wésédigué mimbi.» 5Póle uwefimid nnyɔ́g, iyanaguá agá yoógi ta gual yɔ́ buand. 6Bandɔ abágígan áneé bágáguán ɔmbɔ́g huá Póle húóbe, ugúnya ana bán yɔ́ gugua, ugué hɔ́nɔhɔ́. Gɔgaá, haná bámagígan giandá giá ginɛŋ, ebénúgie niíd abɛ́d gá guɔya áneé unyɛ uhaluá omódi. 7Uguá maáŋíla, guísi gúmabá guɔ́bɔnɛn na ɔgúnɔ́gɔ́n wa bandɔ ebémebue guól agá ilua, ɔhɛ́n huég áneé Publiyús. Publiyús uwadígíndígɛn egég gá nihiá, idiabídímɛn hɔ́ medúg mádádɔ. 8Síe wa Publiyús umabá bidimina na gisínyi umuányɛ súsɔ́n na gifála giá manɔ́ŋ. Póle uwɛɛ́d gá guán yɔ́, uguá mbísógóli na dɔ́bígɛn yɔ́ imbɔ́g, uwɔɔ́ndɔ́ɔg. 9Egélém agányɛ, banúmanuma bá ilua gidigid obólon, woóndúgonye bɔ́. 10Bɔdɔŋdɔ́ŋ abádíhuá giandá giá nigúmi. Gásɔ gá dɔ́mb, abádíhuán buand gidigid ubuɔ́ dímabá diabia nsan na buɔ́ gásɔ gá uŋand.
Guólígie guá Póle Mált gá guɛ́d Lóm
11Egélém gá ihóli ídádɔ, idiadigɛn gɔg gá guyumɛn uguá sitíme wa tísɔna wa Alɛgsaŋdlí, umagíga hɔ́ uguá gilɔg giá ginɛŋ, bɔ́dɔ́ŋɔn yɔ́ áneé: «Buhaluá abánya bá nibásia.» 12Idiedélímin agá ŋŋɛnd ya Silkús, idial hɔ́ mɔɔ́sɛ mádádɔ. 13Agányɛ, idianda uguá buáyɛ na buáyɛ gá gueg Legió. Mémbélényi, gihínyi giá adág igíébul gufife, agá mɔɔ́sɛ máandɛ idieg Pusɔ́l. 14Idiegégie beliméen básɔ bómodi agá tísɔna ugányɛ, ɔbɔ́dídɔ́ŋɛ́n áneé dial gɛnyɛ nɔɔ́nɔb, anagányɛ gɔg dímɛɛ́d Lóm. 15Beédébi bá Klístus bá Lóm ɔbɔ́b áneé diganyɛ uguá ŋŋil, obósidígólie agá nionyi niá Apíus, bómodi agá biansɛ bídádɔ biá benyi. Póle umaánaguánɛn bɔ́, uweéŋin Uhaluá giod giá mbíyigie uwond gá bia nimadɛ.
Póle uméneg Lóm
16Dimeéméneg Lóm, ebéŋin Póle bugaga buá bídíman uguá giansɛ saáŋala na nsénsi ya gíga yɔ́. 17Egélém gá mɔɔ́sɛ mádádɔ, Póle uwɔdɔ́ŋɛ́ɛn ifuŋ siá bayúdɛn isínya Lóm egég gá nihiá. Bámaámábígúsígan, úmuanyɛ gɔ́b áneé: «Beliméen, ta haná mmasúgual buand buá gilɔg gá buán buásɔ, ta gá bigodi biá ndíndíl siásɔ, bémeŋimbín Yelusalɛ́m ebéndué gá balomɛ́ŋ. 18Balomɛ́ŋ bémeéménsúsúne, báganyɛ áneé bánihɛn, gá giagiá bámasúguán buand ubuɔ́ mmal ubúmabá buá gueleé bɔ́ŋɔ́n. 19Gɔgaá, bayúdɛn ebéen áneé bánihɛn. Iyabaŋidɛn ofuŋ uhúgɔ́n áneé húsɔ́mb buónyi buámɛ, mmɔsúguɔya gufudie gidɔŋ giámɛ. 20Buand buáguɔ́ yaámbá áneé nnuán, diɔyɛd mayɔ. Ɛɛ́ɛ, búnyɛ gá nubídágídɛ́n nuá Íslayɛ́l ŋŋódionú duoli duá duayɛ.» 21Obóndinye yɔ́ áneé: «Mmába hana gásɔ, diásábia mbɔba ya guídónoólín gibéyi giá guísi giá Yudé gáhɔ gá busió, ta ndiméen wasɔ omodi wa guídónoólín guɔ́, wɔɔ́súguɔyɛd buand buá gilɔg gáhɔ gá busió ta giyógód giá guóbie mɔndɔ gusugɛn. 22Gɔgaá, diáguamba guɔ́b gɔg ubuɔ́ aŋuá ábídágánɔ́, gá giagiá diálinsan áneé hɔɔ́m gidigid, bɔ́diɔ́guɔ́bɔn beseé na gimbi giáhɔ giá bebíseŋelenye igiɛ́ ánábígɔ́d ná giɛ́ igigányɛ.»
23Ɔbɔ́gɔ́l ndán na Póle, buɔ́sɛ buáguɔ́ búmeémég, oból giod guandadɔ́mb agaá Póle úmabídímán. Gubul na giamádá gueneg na ginɛ́ŋ, Póle uwadambunanɛn bɔ́ ubuɔ́ weényénú gá busió buá gilebe guá Uhaluá. Ubídímbígenin uguá ŋŋɔ́ŋɛ siá yubu hiá Mɔ́sɛsa, naá hiá bebunebúné áneé ugusinye bɔ́ gá ubúbíyiganaá Yésuse. 24Bómodi abáguɛn uguá dúgálɔ udugányɛ, bódodi ebén. 25Uguá ginɛŋ giá dɔ́mb, bámasáhám ugelu bámuanyɛ na bámuanyɛ. Póle uwɔyidɛn bɔ́ pɛ́ŋ áneé: «Gileénde giá Budányɛ gímegimbé uguá ŋŋɔ́d uguá ginɛŋ igiɛ́ gímɔyɔ́n ndíndíl siánɔ uguá niíd niá ebunebúné Esayí áneé:
26Idá ɔnɔyídɛ́n buán ubugányɛ áneé:
Nuɔnɔ́bídɔ́lígɔnɔn beseé na beseé, gɔgaá, nudiɔnɔ́bɔn.
Nuonóhodon beseé na beseé, gɔgaá, nudianánan.
27Gá giagiá, ɔdɛ́m huá buán ubugányɛ húganyɛ gulal,
bébígímbe idú,
bébúnígen eŋís,
gá gueleé bádiandúguánan na eŋís yɔ́b,
bɔ́diɔndúbídɔ́lígɔn ná idú siɔ́b,
bɔ́diɔndúguɔ́bɔn ná ɔdɛ́m huɔ́b,
guond bádianámbígagalɛd gá gueleé yoóndúgie bɔ́.»
28Póle uwɔnduguɔ́hígɛn áneé: «Linsánán gɔg áneé, Uhaluá umadɔ́m nsɔ́m ya gisódie gá busió buá bindiádába, bámuanyɛ bɔ́nɔ́bídɔ́lígɔnɔn.» [29Uguá nugálɔ nuá Póle unugányɛ, bayúdɛn abádándúgan bɛ́d béségenye na bilúndulúnd bámuanyɛ na bámuanyɛ.] 30Póle uwagíga duɔŋ dúandɛ uguá giansɛ igiɛ́ úmalɛ́nd. Ugíndígan bandɔ gidigid obómoólónín yɔ́. 31Usesenye Ginɔ́g giá Nsɔ́m giá Niguili niá Uhaluá, uhuínyihuinye ubúbíyiganaá buónyi buá Yésuse Klístus kanda bugádɔ uguá buhélélé gidigid.
ទើបបានជ្រើសរើសហើយ៖
Melélíe 28: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Melélíe 28
28
Póle unyɛ agá ilua ihiɛ́ bɔ́dɔ́ŋɔnaá áneé Mált
1Dimɔɔ́mɔ́sɔ́d, idiɔ́b áneé ilua ihiɛ́ dínya hɔ́, bɔ́dɔ́ŋɔn hiɛ́ áneé Mált. 2Bɔdɔŋdɔ́ŋ abádígíndígɛn beseé. Nubɔ́l unúébul gunuanan, ɔbɔ́gɔm giandá giá yoógi, idiegéŋélidie giɛ́ basuá gidigid gá biésébe gá giagiá gisínyi gímabá. 3Póle uwasamb gimbi giá dúgasia gá nɔh agá yoógi, gɔgaá, na gindɔnd giá yoógi, mpɛ́nyɛ iyahámɛn guɔ́, iyabílábímɛn Póle uguá ɔmbɔ́g. 4Bɔdɔŋdɔ́ŋ bá ilua bámaámáan nnyɔ́g isualsual uguá ɔmbɔ́g huá Póle, abɛ́d gá guɔya bámuanyɛ na bámuanyɛ áneé: «Ala mɔndɔ uyɔ unyɛ hómohómue oŋónónyi, gá giagiá buhaluá bɔ́diɔ́guɔya áneé usɔ́dɔn ta haná wésédigué mimbi.» 5Póle uwefimid nnyɔ́g, iyanaguá agá yoógi ta gual yɔ́ buand. 6Bandɔ abágígan áneé bágáguán ɔmbɔ́g huá Póle húóbe, ugúnya ana bán yɔ́ gugua, ugué hɔ́nɔhɔ́. Gɔgaá, haná bámagígan giandá giá ginɛŋ, ebénúgie niíd abɛ́d gá guɔya áneé unyɛ uhaluá omódi. 7Uguá maáŋíla, guísi gúmabá guɔ́bɔnɛn na ɔgúnɔ́gɔ́n wa bandɔ ebémebue guól agá ilua, ɔhɛ́n huég áneé Publiyús. Publiyús uwadígíndígɛn egég gá nihiá, idiabídímɛn hɔ́ medúg mádádɔ. 8Síe wa Publiyús umabá bidimina na gisínyi umuányɛ súsɔ́n na gifála giá manɔ́ŋ. Póle uwɛɛ́d gá guán yɔ́, uguá mbísógóli na dɔ́bígɛn yɔ́ imbɔ́g, uwɔɔ́ndɔ́ɔg. 9Egélém agányɛ, banúmanuma bá ilua gidigid obólon, woóndúgonye bɔ́. 10Bɔdɔŋdɔ́ŋ abádíhuá giandá giá nigúmi. Gásɔ gá dɔ́mb, abádíhuán buand gidigid ubuɔ́ dímabá diabia nsan na buɔ́ gásɔ gá uŋand.
Guólígie guá Póle Mált gá guɛ́d Lóm
11Egélém gá ihóli ídádɔ, idiadigɛn gɔg gá guyumɛn uguá sitíme wa tísɔna wa Alɛgsaŋdlí, umagíga hɔ́ uguá gilɔg giá ginɛŋ, bɔ́dɔ́ŋɔn yɔ́ áneé: «Buhaluá abánya bá nibásia.» 12Idiedélímin agá ŋŋɛnd ya Silkús, idial hɔ́ mɔɔ́sɛ mádádɔ. 13Agányɛ, idianda uguá buáyɛ na buáyɛ gá gueg Legió. Mémbélényi, gihínyi giá adág igíébul gufife, agá mɔɔ́sɛ máandɛ idieg Pusɔ́l. 14Idiegégie beliméen básɔ bómodi agá tísɔna ugányɛ, ɔbɔ́dídɔ́ŋɛ́n áneé dial gɛnyɛ nɔɔ́nɔb, anagányɛ gɔg dímɛɛ́d Lóm. 15Beédébi bá Klístus bá Lóm ɔbɔ́b áneé diganyɛ uguá ŋŋil, obósidígólie agá nionyi niá Apíus, bómodi agá biansɛ bídádɔ biá benyi. Póle umaánaguánɛn bɔ́, uweéŋin Uhaluá giod giá mbíyigie uwond gá bia nimadɛ.
Póle uméneg Lóm
16Dimeéméneg Lóm, ebéŋin Póle bugaga buá bídíman uguá giansɛ saáŋala na nsénsi ya gíga yɔ́. 17Egélém gá mɔɔ́sɛ mádádɔ, Póle uwɔdɔ́ŋɛ́ɛn ifuŋ siá bayúdɛn isínya Lóm egég gá nihiá. Bámaámábígúsígan, úmuanyɛ gɔ́b áneé: «Beliméen, ta haná mmasúgual buand buá gilɔg gá buán buásɔ, ta gá bigodi biá ndíndíl siásɔ, bémeŋimbín Yelusalɛ́m ebéndué gá balomɛ́ŋ. 18Balomɛ́ŋ bémeéménsúsúne, báganyɛ áneé bánihɛn, gá giagiá bámasúguán buand ubuɔ́ mmal ubúmabá buá gueleé bɔ́ŋɔ́n. 19Gɔgaá, bayúdɛn ebéen áneé bánihɛn. Iyabaŋidɛn ofuŋ uhúgɔ́n áneé húsɔ́mb buónyi buámɛ, mmɔsúguɔya gufudie gidɔŋ giámɛ. 20Buand buáguɔ́ yaámbá áneé nnuán, diɔyɛd mayɔ. Ɛɛ́ɛ, búnyɛ gá nubídágídɛ́n nuá Íslayɛ́l ŋŋódionú duoli duá duayɛ.» 21Obóndinye yɔ́ áneé: «Mmába hana gásɔ, diásábia mbɔba ya guídónoólín gibéyi giá guísi giá Yudé gáhɔ gá busió, ta ndiméen wasɔ omodi wa guídónoólín guɔ́, wɔɔ́súguɔyɛd buand buá gilɔg gáhɔ gá busió ta giyógód giá guóbie mɔndɔ gusugɛn. 22Gɔgaá, diáguamba guɔ́b gɔg ubuɔ́ aŋuá ábídágánɔ́, gá giagiá diálinsan áneé hɔɔ́m gidigid, bɔ́diɔ́guɔ́bɔn beseé na gimbi giáhɔ giá bebíseŋelenye igiɛ́ ánábígɔ́d ná giɛ́ igigányɛ.»
23Ɔbɔ́gɔ́l ndán na Póle, buɔ́sɛ buáguɔ́ búmeémég, oból giod guandadɔ́mb agaá Póle úmabídímán. Gubul na giamádá gueneg na ginɛ́ŋ, Póle uwadambunanɛn bɔ́ ubuɔ́ weényénú gá busió buá gilebe guá Uhaluá. Ubídímbígenin uguá ŋŋɔ́ŋɛ siá yubu hiá Mɔ́sɛsa, naá hiá bebunebúné áneé ugusinye bɔ́ gá ubúbíyiganaá Yésuse. 24Bómodi abáguɛn uguá dúgálɔ udugányɛ, bódodi ebén. 25Uguá ginɛŋ giá dɔ́mb, bámasáhám ugelu bámuanyɛ na bámuanyɛ. Póle uwɔyidɛn bɔ́ pɛ́ŋ áneé: «Gileénde giá Budányɛ gímegimbé uguá ŋŋɔ́d uguá ginɛŋ igiɛ́ gímɔyɔ́n ndíndíl siánɔ uguá niíd niá ebunebúné Esayí áneé:
26Idá ɔnɔyídɛ́n buán ubugányɛ áneé:
Nuɔnɔ́bídɔ́lígɔnɔn beseé na beseé, gɔgaá, nudiɔnɔ́bɔn.
Nuonóhodon beseé na beseé, gɔgaá, nudianánan.
27Gá giagiá, ɔdɛ́m huá buán ubugányɛ húganyɛ gulal,
bébígímbe idú,
bébúnígen eŋís,
gá gueleé bádiandúguánan na eŋís yɔ́b,
bɔ́diɔndúbídɔ́lígɔn ná idú siɔ́b,
bɔ́diɔndúguɔ́bɔn ná ɔdɛ́m huɔ́b,
guond bádianámbígagalɛd gá gueleé yoóndúgie bɔ́.»
28Póle uwɔnduguɔ́hígɛn áneé: «Linsánán gɔg áneé, Uhaluá umadɔ́m nsɔ́m ya gisódie gá busió buá bindiádába, bámuanyɛ bɔ́nɔ́bídɔ́lígɔnɔn.» [29Uguá nugálɔ nuá Póle unugányɛ, bayúdɛn abádándúgan bɛ́d béségenye na bilúndulúnd bámuanyɛ na bámuanyɛ.] 30Póle uwagíga duɔŋ dúandɛ uguá giansɛ igiɛ́ úmalɛ́nd. Ugíndígan bandɔ gidigid obómoólónín yɔ́. 31Usesenye Ginɔ́g giá Nsɔ́m giá Niguili niá Uhaluá, uhuínyihuinye ubúbíyiganaá buónyi buá Yésuse Klístus kanda bugádɔ uguá buhélélé gidigid.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល