Melélíe 15
15
Gidul Antiós gá busió buá nuansana
1Gidám giá bandɔ gímodi igíónoólín gɔg uguá gibéyi giá guísi giá Yudé, gíɔ́yɔn beédébi bá Klístus áneé: «Númánúdibíans haná gigodi giá Mɔ́sɛsa gíɔ́yɔnɔ́, nudibá nuá bá abaháŋánɔ.» 2Na Póle na Balnábas bámasáhám ugelu nɔɔ́nɔb gá buɔ́, gilɔg giá nsáŋ igíágua. Abágɔ́d gɔg áneé na Póle na Balnábas na bandɔ bómodi, bágɛɛ́d Yelusalɛ́m gá gégie medenyi na bɔdɔŋdɔ́ŋ gá buónyi buáguɔ́. 3Gimbi giá beédébi bá Klístus giá Antiós igíégígin bɔ́ ɔmbɔ́g gá uŋand uhugányɛ. Bámaágándan Fenisí na Samalí, bɔ́ya gunúgie bilɔŋ guá maán má bindiádába, búhúán beliméen giandá giá ibal. 4Bémeéméneg Yelusalɛ́m, Gimbí giá beédébi bá Klístus, medenyi na bogógi abágíndígɛn bɔ́, ɔbɔ́yɔn bɔ́ buand gidigid ubuɔ́ Uhaluá úmalá nɔɔ́nɔb.
Guɔ́mɔ́g guá buónyi
5Gidám giá bandɔ giá gimbi giá bafalisiɛ́ŋ, igímaáyɛ beédébi, igíɔ́gɔ́l gɔg nugálɔ, gíɔya áneé: «Búánigimanan áneé bánsa beédébi abádiabá bayúdɛn. Obónd ebésilen bɔ́ áneé bɛ́d gá bínen bigodi biá Mɔ́sɛsa.» 6Medenyi na bogógi ebébídídid gá bide buónyi ubugányɛ. 7Haná nségíe ímabá bugaga, Piéle uwadigɛn, úmuanyɛ áneé: «Beliméen, nuálinsan áneé búganyɛ giandá giá ginɛŋ igiɛ́ Uhaluá úmeŋeyíd uguánɔ guá ɔlɔŋ, gá gueleé yɔyɔn bindiádába Ginɔ́g giá Nsɔ́m, gá gueleé bɔ́b bónd bádaáb. 8Uhaluá ulinsanaá idɛ́m siá bandɔ, umedíye áneé waágíndígan bɔ́ na guéŋén bɔ́ Gileénde giá Budányɛ haná úmadíhuá basuá súsɔ́n. 9Umasúgual maná nsala naánasɔ nɔɔ́nɔb: Umeélígíe idɛ́m siɔ́b gá giagiá bámádáab. 10Dabdab gɔg, gá giagɛ núámbanɔ́ guág Uhaluá uguá yɔɔ́bídɛ́n, na dúgan bebinene buginɔ́h ubuɔ́ ta ndíndíl siásɔ ta basuá muɛ́d dímasábianan bugaga buá bídúgɛn? 11Diálinsan beseé na beseé áneé, búnyɛ gá busió buá magɔg má Ɔgúná Yésuse dínya abaháŋánɔ, bilɔŋ bímomi hana bámuanyɛ.»
12Bandɔ gidigid gɔg abámabá gá nibígúsa inigányɛ abáhádan, bɔ́bídɔ́lígɔnɔn na Piéle na Balnábas, bɔ́yɔn bɔ́ biseyi na bimué biá muand gidigid ibiɛ́ Uhaluá úmalá uguɔ́b guá gélém, uguá bimbi biá bindiádába.
13Bámuanyɛ bámaámáman gugálgal, Sák uwɔgɔ́l nugálɔ úmuanyɛ áneé: «Beliméen, mbídɔ́lígɔ́nɔ́n. 14Símiyone umédídúmudenye haná Uhaluá úmɔgɔ́l ginɛŋ agá magunsa, gá gueyid buán ubúnya buég uguá mɔnɔŋ má bindiádába.» 15Gúu búádánadanaá na nugálɔ nuá bebunebúné unúɔyɔnɔ́ áneé:
16«Egélém agányɛ yonólosiond gá guandahág giansɛ giá Dáfide igímebugíg,
yenédiginye bimpunde biá giɛ́, yond ndélíminye giɛ́.
17Gúu, bandɔ abádiabá bayúdɛn bánámba Ɔgúná,
ɔlɔŋ na maán gidigid ɔmɔɔ́ mmɔdɔ́ŋɛ́ɛn áneé mábá mámɛ.
Ubuɔ́ Ɔgúná úgálgalaá, búbugányɛ, anagányɛ waálanɔ́ mbídágídɛ́n siég.
18Umal áneé dilɛns muand umugányɛ feké.»
19Buand buáguɔ́ Sák úmɔndúguɔyɛd áneé: «Yaán beseé áneé nudióbígonye bindiádába ibíambanɔ́ gubíségélidie ɔmbɔ́g huá Uhaluá giod. 20Ánaá díɔ́ŋɛ́ɛn bɔ́ pɛ́ŋ áneé bádinyánan mɔlɔ́g má bidúg ibiɛ́ básúmbaninaá bahaluá, bábígɛ́ŋ gá bidáŋa, bádinyánan manyam eméguéneé mpiífi, ta manɔ́ŋ. 21Gá giagiá, nsuá na nsuá, bandɔ bódógónye gigodi giá Mɔ́sɛsa uguá sig tísɔna, báguanuna giɛ́ uguá bigúl buɔ́sɛ buá giíndía giá bayúdɛn gidigid.»
Mbɔba iyɛɛ́ bámadúmɛ́n bindiádába
22Na medenyi na bogógi na Gimbi giá beédébi bá Klístus gidigid abágɔ́d, áneé béyid bandɔ uguɔ́b uguá ɔlɔŋ gádɔ́m bɔ́ ɔlɔŋ na Póle na Balnábas Antiós. Ebéyid Sílas na Yúdas uyɔɔ́ bɔ́ndɔdɔ́ŋɔ́naá áneé Balsabás, bandɔ bá ɔhɛ́n uguá ɔlɔŋ huá beédébi. 23Ebéŋin bɔ́ mbɔba imɔyá áneé: «Basuá, medenyi ɔlɔŋ na bogógi na beliméen, diénúbígélígelie, banuá, beliméen básɔ bindiádába ibínya agá tísɔna wa Antiós naá uguá bibéyi biá guísi biá Silí naá biá Silisí. 24Diɔ́b áneé bágásɔ bómodi bósínúnoginogie obónd ebénúbuŋulenye bileénde biánɔ na ŋŋɔyida siɔ́b, dimasádɔ́m bɔ́. 25Gúu diáhám ugelu gá gueyid basɔ́msɔm gá núdúmɛ́n. Bégelenye ndága síasɔ siá beliméen na Balnábas na Póle. 26Bányɛ bandɔ abánya mɔdɔg gá dóŋinye nusɔ́da nuɔ́b gá busió buá ɔhɛ́n huá Ɔgúná wasɔ Yésuse Klístus. 27Dimánúdúmɛ́n gɔg na Yúdas na Sílas, bɔ́gɔnúɔyɔn na igelu siɔ́b ubuɔ́ díɔ́ŋá uguá mbɔba iyɛ. 28Ɛɛ́ɛ, Gileénde giá Budányɛ ɔlɔŋ naánasɔ, diágɔ́d áneé didigódi áneé diandanúdúgɛn binɔ́h bímodi guandadɔ́mb. Gɔgaá, nugódi áneé nugimbe bibídína ibiɛ: 29nubíényi gunyánan mɔlɔ́g má manyam ɔmɔɔ́ básúmbaninaá biaŋana, nubíényi manɔ́ŋ, nubíényi gunyánan mɔlɔ́g má manyam eméguéneé mpiífi, nubígɛ́ŋ gá bidáŋa. Númábígɛ́ŋ gá muand umugányɛ gidigid, tábɔ́ áneé nual beseé. Diménúbígélídíe!»
30Bémeémédébie gɔg basɔ́msɔm, abɛ́d Antiós, abágúsígan Gimbi giá beédébi bá Klístus, ebéŋin bɔ́ mbɔba. 31Abánunɛn bɔ́ yɛ́, ɔbɔ́b beseé na gínyiginye bɔ́ uguɔ́ ímegínyigínyé bɔ́. 32Haná na Yúdas na Sílas bámabá bebunebúné, ebégínyiginye beliméen abagányɛ kɔ́lɔ́dɔ́dɔ́, bégúnínenye bɔ́ uguá guágɔdɛ́m na giod giá dugálɔ. 33Ebédúmbie maná ginɛŋ Antiós. Egélém, beliméen bɔ́b abánya Antiós, ebédébie bɔ́ na guéŋen bɔ́ bumbénu gá guond ɔmbɔ́g huá bandɔ abámadɔ́m bɔ́. 34[Gɔgaá, Sílas uwaán beseé áneé usíen.] 35Na Póle na Balnábas ebédugumin gɔg Antiós. Ɔlɔŋ na giod giá bandɔ gímodi, béhuínyihuinye bónd bódógonye Ginɔ́g giá Nsɔ́m giá nugálɔ nuá Ɔgúná.
Póle umɛɛ́d gá busɔ́m ɔlɔŋ na Sílas
36Maná ginɛŋ umaámádɔ́mb, Póle uwɔyidɛn Balnábas áneé: «Ánaá diónd gɔg uguá sig tísɔna, dianaán beliméen básɔ ɔbɔɔ́ dímodógónyínyé nugálɔ nuá Ɔgúná, gá guán hana bánya.» 37Balnábas umamba áneé wɛɛ́d ɔlɔŋ na Sáŋa uyɔɔ́ bɔ́ndɔdɔ́ŋɔnaá áneé Málkus. 38Gɔgaá, Póle umasúguádáab guɛ́d na mɔndɔ umoólígíe uguɔ́b guá ɔlɔŋ Paŋfilí, ta guendeguelenye bɔ́ gá guala buóli ɔlɔŋ nɔɔ́nɔb. 39Abábia giandá giá nségíe nsesi, abádándúgan. Balnábas uwɔgɔ́l Málkus, abáyumɛn uguá sitíme gá guɛ́d Síplɛ. 40Póle uwɔgɔ́l súsɔ́n Sílas, gá gueleé beliméen bédébie bɔ́, abásúgídɛn bɔ́ uguá magɔg má Ɔgúná.
Timoté umébígídín na Póle na Sílas
41Póle uwayɔg bibéyi biá guísi biá Silí naá biá Silisí, wɛɛ́d ugúnínenye Bimbi biá beédébi bá Klístus.
ទើបបានជ្រើសរើសហើយ៖
Melélíe 15: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Melélíe 15
15
Gidul Antiós gá busió buá nuansana
1Gidám giá bandɔ gímodi igíónoólín gɔg uguá gibéyi giá guísi giá Yudé, gíɔ́yɔn beédébi bá Klístus áneé: «Númánúdibíans haná gigodi giá Mɔ́sɛsa gíɔ́yɔnɔ́, nudibá nuá bá abaháŋánɔ.» 2Na Póle na Balnábas bámasáhám ugelu nɔɔ́nɔb gá buɔ́, gilɔg giá nsáŋ igíágua. Abágɔ́d gɔg áneé na Póle na Balnábas na bandɔ bómodi, bágɛɛ́d Yelusalɛ́m gá gégie medenyi na bɔdɔŋdɔ́ŋ gá buónyi buáguɔ́. 3Gimbi giá beédébi bá Klístus giá Antiós igíégígin bɔ́ ɔmbɔ́g gá uŋand uhugányɛ. Bámaágándan Fenisí na Samalí, bɔ́ya gunúgie bilɔŋ guá maán má bindiádába, búhúán beliméen giandá giá ibal. 4Bémeéméneg Yelusalɛ́m, Gimbí giá beédébi bá Klístus, medenyi na bogógi abágíndígɛn bɔ́, ɔbɔ́yɔn bɔ́ buand gidigid ubuɔ́ Uhaluá úmalá nɔɔ́nɔb.
Guɔ́mɔ́g guá buónyi
5Gidám giá bandɔ giá gimbi giá bafalisiɛ́ŋ, igímaáyɛ beédébi, igíɔ́gɔ́l gɔg nugálɔ, gíɔya áneé: «Búánigimanan áneé bánsa beédébi abádiabá bayúdɛn. Obónd ebésilen bɔ́ áneé bɛ́d gá bínen bigodi biá Mɔ́sɛsa.» 6Medenyi na bogógi ebébídídid gá bide buónyi ubugányɛ. 7Haná nségíe ímabá bugaga, Piéle uwadigɛn, úmuanyɛ áneé: «Beliméen, nuálinsan áneé búganyɛ giandá giá ginɛŋ igiɛ́ Uhaluá úmeŋeyíd uguánɔ guá ɔlɔŋ, gá gueleé yɔyɔn bindiádába Ginɔ́g giá Nsɔ́m, gá gueleé bɔ́b bónd bádaáb. 8Uhaluá ulinsanaá idɛ́m siá bandɔ, umedíye áneé waágíndígan bɔ́ na guéŋén bɔ́ Gileénde giá Budányɛ haná úmadíhuá basuá súsɔ́n. 9Umasúgual maná nsala naánasɔ nɔɔ́nɔb: Umeélígíe idɛ́m siɔ́b gá giagiá bámádáab. 10Dabdab gɔg, gá giagɛ núámbanɔ́ guág Uhaluá uguá yɔɔ́bídɛ́n, na dúgan bebinene buginɔ́h ubuɔ́ ta ndíndíl siásɔ ta basuá muɛ́d dímasábianan bugaga buá bídúgɛn? 11Diálinsan beseé na beseé áneé, búnyɛ gá busió buá magɔg má Ɔgúná Yésuse dínya abaháŋánɔ, bilɔŋ bímomi hana bámuanyɛ.»
12Bandɔ gidigid gɔg abámabá gá nibígúsa inigányɛ abáhádan, bɔ́bídɔ́lígɔnɔn na Piéle na Balnábas, bɔ́yɔn bɔ́ biseyi na bimué biá muand gidigid ibiɛ́ Uhaluá úmalá uguɔ́b guá gélém, uguá bimbi biá bindiádába.
13Bámuanyɛ bámaámáman gugálgal, Sák uwɔgɔ́l nugálɔ úmuanyɛ áneé: «Beliméen, mbídɔ́lígɔ́nɔ́n. 14Símiyone umédídúmudenye haná Uhaluá úmɔgɔ́l ginɛŋ agá magunsa, gá gueyid buán ubúnya buég uguá mɔnɔŋ má bindiádába.» 15Gúu búádánadanaá na nugálɔ nuá bebunebúné unúɔyɔnɔ́ áneé:
16«Egélém agányɛ yonólosiond gá guandahág giansɛ giá Dáfide igímebugíg,
yenédiginye bimpunde biá giɛ́, yond ndélíminye giɛ́.
17Gúu, bandɔ abádiabá bayúdɛn bánámba Ɔgúná,
ɔlɔŋ na maán gidigid ɔmɔɔ́ mmɔdɔ́ŋɛ́ɛn áneé mábá mámɛ.
Ubuɔ́ Ɔgúná úgálgalaá, búbugányɛ, anagányɛ waálanɔ́ mbídágídɛ́n siég.
18Umal áneé dilɛns muand umugányɛ feké.»
19Buand buáguɔ́ Sák úmɔndúguɔyɛd áneé: «Yaán beseé áneé nudióbígonye bindiádába ibíambanɔ́ gubíségélidie ɔmbɔ́g huá Uhaluá giod. 20Ánaá díɔ́ŋɛ́ɛn bɔ́ pɛ́ŋ áneé bádinyánan mɔlɔ́g má bidúg ibiɛ́ básúmbaninaá bahaluá, bábígɛ́ŋ gá bidáŋa, bádinyánan manyam eméguéneé mpiífi, ta manɔ́ŋ. 21Gá giagiá, nsuá na nsuá, bandɔ bódógónye gigodi giá Mɔ́sɛsa uguá sig tísɔna, báguanuna giɛ́ uguá bigúl buɔ́sɛ buá giíndía giá bayúdɛn gidigid.»
Mbɔba iyɛɛ́ bámadúmɛ́n bindiádába
22Na medenyi na bogógi na Gimbi giá beédébi bá Klístus gidigid abágɔ́d, áneé béyid bandɔ uguɔ́b uguá ɔlɔŋ gádɔ́m bɔ́ ɔlɔŋ na Póle na Balnábas Antiós. Ebéyid Sílas na Yúdas uyɔɔ́ bɔ́ndɔdɔ́ŋɔ́naá áneé Balsabás, bandɔ bá ɔhɛ́n uguá ɔlɔŋ huá beédébi. 23Ebéŋin bɔ́ mbɔba imɔyá áneé: «Basuá, medenyi ɔlɔŋ na bogógi na beliméen, diénúbígélígelie, banuá, beliméen básɔ bindiádába ibínya agá tísɔna wa Antiós naá uguá bibéyi biá guísi biá Silí naá biá Silisí. 24Diɔ́b áneé bágásɔ bómodi bósínúnoginogie obónd ebénúbuŋulenye bileénde biánɔ na ŋŋɔyida siɔ́b, dimasádɔ́m bɔ́. 25Gúu diáhám ugelu gá gueyid basɔ́msɔm gá núdúmɛ́n. Bégelenye ndága síasɔ siá beliméen na Balnábas na Póle. 26Bányɛ bandɔ abánya mɔdɔg gá dóŋinye nusɔ́da nuɔ́b gá busió buá ɔhɛ́n huá Ɔgúná wasɔ Yésuse Klístus. 27Dimánúdúmɛ́n gɔg na Yúdas na Sílas, bɔ́gɔnúɔyɔn na igelu siɔ́b ubuɔ́ díɔ́ŋá uguá mbɔba iyɛ. 28Ɛɛ́ɛ, Gileénde giá Budányɛ ɔlɔŋ naánasɔ, diágɔ́d áneé didigódi áneé diandanúdúgɛn binɔ́h bímodi guandadɔ́mb. Gɔgaá, nugódi áneé nugimbe bibídína ibiɛ: 29nubíényi gunyánan mɔlɔ́g má manyam ɔmɔɔ́ básúmbaninaá biaŋana, nubíényi manɔ́ŋ, nubíényi gunyánan mɔlɔ́g má manyam eméguéneé mpiífi, nubígɛ́ŋ gá bidáŋa. Númábígɛ́ŋ gá muand umugányɛ gidigid, tábɔ́ áneé nual beseé. Diménúbígélídíe!»
30Bémeémédébie gɔg basɔ́msɔm, abɛ́d Antiós, abágúsígan Gimbi giá beédébi bá Klístus, ebéŋin bɔ́ mbɔba. 31Abánunɛn bɔ́ yɛ́, ɔbɔ́b beseé na gínyiginye bɔ́ uguɔ́ ímegínyigínyé bɔ́. 32Haná na Yúdas na Sílas bámabá bebunebúné, ebégínyiginye beliméen abagányɛ kɔ́lɔ́dɔ́dɔ́, bégúnínenye bɔ́ uguá guágɔdɛ́m na giod giá dugálɔ. 33Ebédúmbie maná ginɛŋ Antiós. Egélém, beliméen bɔ́b abánya Antiós, ebédébie bɔ́ na guéŋen bɔ́ bumbénu gá guond ɔmbɔ́g huá bandɔ abámadɔ́m bɔ́. 34[Gɔgaá, Sílas uwaán beseé áneé usíen.] 35Na Póle na Balnábas ebédugumin gɔg Antiós. Ɔlɔŋ na giod giá bandɔ gímodi, béhuínyihuinye bónd bódógonye Ginɔ́g giá Nsɔ́m giá nugálɔ nuá Ɔgúná.
Póle umɛɛ́d gá busɔ́m ɔlɔŋ na Sílas
36Maná ginɛŋ umaámádɔ́mb, Póle uwɔyidɛn Balnábas áneé: «Ánaá diónd gɔg uguá sig tísɔna, dianaán beliméen básɔ ɔbɔɔ́ dímodógónyínyé nugálɔ nuá Ɔgúná, gá guán hana bánya.» 37Balnábas umamba áneé wɛɛ́d ɔlɔŋ na Sáŋa uyɔɔ́ bɔ́ndɔdɔ́ŋɔnaá áneé Málkus. 38Gɔgaá, Póle umasúguádáab guɛ́d na mɔndɔ umoólígíe uguɔ́b guá ɔlɔŋ Paŋfilí, ta guendeguelenye bɔ́ gá guala buóli ɔlɔŋ nɔɔ́nɔb. 39Abábia giandá giá nségíe nsesi, abádándúgan. Balnábas uwɔgɔ́l Málkus, abáyumɛn uguá sitíme gá guɛ́d Síplɛ. 40Póle uwɔgɔ́l súsɔ́n Sílas, gá gueleé beliméen bédébie bɔ́, abásúgídɛn bɔ́ uguá magɔg má Ɔgúná.
Timoté umébígídín na Póle na Sílas
41Póle uwayɔg bibéyi biá guísi biá Silí naá biá Silisí, wɛɛ́d ugúnínenye Bimbi biá beédébi bá Klístus.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល