Melélíe 16
16
1Póle uweneg Dɛ́lb, na agaá Lístlɛ. Ebinene omodi umabá hɔ́ ɔhɛ́n huég áneé Timoté, noódíe weg umabá ŋŋɔndɛ ya bayúdɛn umaádáab Yésuse, síe weg maná baglɛ́k. 2Beédébi bá Klístus abágíganɔ́ Lístlɛ naá bá Ikoniyúm bámánán nusɔ́da nuá Timoté beseé, béhínenye yɔ́. 3Póle uwabaŋɛd áneé bánda ɔlɔŋ. Uwans yɔ́ gá gueleé bayúdɛn bádáab yɔ́, gá giagiá bayúdɛn abámabá uguá gibéyi giá guísi igigányɛ, bámalinsán áneé síe weg umabá maná baglɛ́k. 4Uguá bɔtísɔna ɔbɔɔ́ na Póle na Sílas bámabá bándan, bɔ́yɔn beédébi nugúda nuá medenyi naá nuá bogógi bá Yelusalɛ́m, bónd bésilen bɔ́ áneé bála haná nugúda unugányɛ núɔ́yɔnɔ́. 5Bimbi biá beédébi bá Klístus bímabá bígúnínan uguá guágɔdɛ́m, bandɔ bɔ́bíɔ́hígɔn mɔɔ́sɛ gidigid.
Bɔ́mɔ́dɔ́ŋɛ́ɛn Póle uguá gidɔŋ giá Maseduán
6Na Póle na Sílas ebégéndémidie bibéyi biá guísi biá Filisí naá Galát, gá giagiá Gileénde giá Budányɛ gímenye bɔ́ guonodógónyé Nugálɔ nuá Uhaluá uguá gibéyi giá guísi giá Así. 7Bémeéméneg mɔdɔg na gibéyi giá guísi giá Misí, abábídágɛ́ɛd guɛ́d Bitiní, gɔgaá, Gileénde giá Yésuse igíénye bɔ́. 8Abádúmbɛ́n uguá gibéyi giá guísi giá Misí gá guɛ́d agá tísɔna wa Tolwás. 9Budúg búmodi, Póle uwalimanan áneé usaán maná Masedoniɛ́ŋ, delimine, ubísógólonye yɔ́ áneé: «Dúmbɛ́n uguá gibéyi giá guísi giá Maseduán, edígígin ɔmbɔ́g!» 10Egélém gá ilɛm ihigányɛ, idiedúmbie guɛ́d gá guamba guɛ́d uguá gibéyi giá guísi giá Maseduán, gá giagiá dimamuɛ́nyɛ áneé Uhaluá úmɔdídɔ́ŋɛ́ɛn hɔ́ gá dógónye Ginɔ́g giá Nsɔ́m.
Lidí umebídún agá tísɔna wa Fílibe
11Idiayumɛn uguá sitíme Tolwás, gá guɛ́d agá ilua hiá Samotlás, méembélénye, idieg Neyapolís. 12Gugɔ́lɛ́n Neyapolís, idieneg agá tísɔna wa busió wa gibéyi giá guísi giá Maseduán, uyɔɔ́ bɔ́dɔ́ŋɔnaá áneé Fílibe, uwɔɔ́bɔninaá na balomɛ́ŋ. Idiédúmbie mɔɔ́sɛ hɔ́. 13Buɔ́sɛ buá giíndía giá bayúdɛn, idiólígie agá tísɔna gá guɛ́d uguá ŋŋɛnd ya usaá. Dimabá digedenye áneé digaáguán hɔɔ́m ɔhɔɔ́ bayúdɛn bóbísógólonyeé. Idiédugumin, idiágálgal gá bagándɔ abámabígúsígan hɔ́. 14Uguá ɔlɔŋ huá bagándɔ abagányɛ, omodi umabá guɔ́ ɔhɛ́n áneé Lidí, umabá eduísi wa ndífɔn siá manɔ́ŋɔmánɔ́ŋá isíɔ́ŋunɔnɔ́ giod giá ŋŋúme, woólonin uguá tísɔna uyɔɔ́ bɔ́dɔ́ŋɔnaá áneé Tiatíl, umabá ugányɛ gá búlúgenye Uhaluá wa bayúdɛn. Umabá udíbídɔ́lígɔnɔn, gá giagiá Ɔgúná umebun yɔ́ ɔdɛ́m gá gueleé wɔɔ́bɔn dugálɔ duá Póle beseé na beseé. 15Umaámábia giyuminye na bandɔ bég bá giansɛ gidigid, uwɔdídɔ́ŋɛ́ɛn, úmuanyɛ gásɔ áneé: «Haná núánanaá áneé yaáguágan ɔdɛ́m uguá Ɔgúná, ógúnónónu, nuasigíga agámɛ gá nihiá. » Uwadígúda áneé dieliminye.
Gigimbine na ginihina giá Póle agá tísɔna wa Fílibe
16Buɔ́sɛ búmodi ubuɔ́ dímiídan agá hɔɔ́m há mbísógóli, ŋŋɔndɛ ya ugándɔ giɔ́lɛ iyoól, iyaádán naánasɔ, imabianán gilɔg giá gileénde, ibúganɛn bandɔ. Bɔgúnɔ́gɔ́n bég ɔbɔ́mɔnd yɔ́ bámabúda giod giá ŋŋúme uguélém guég guá nubɔ́g. 17Ŋŋɔndɛ igányɛ iyagɔns gudíbinen, na Póle naánasɔ ihéhenye áneé: «Bandɔ ɔbɔ bányɛ belibuóli bá Uhaluá unyaá hádɛ ugumɔn, bónúdógonyinye ŋŋil ya gisódie!» 18Imala nɔ́ giod giá mɔɔ́sɛ. Póle umaámábíhál guɔ́bɔn yɔ́, uwabígagalɛd yɔ́, uwɔyidɛn gileénde igigányɛ áneé: «Yɔ́guɔyɔn buɔ́ uguá ɔhɛ́n huá Yésuse Klístus, hám uguá ŋŋɔndɛ igányɛ!» Hɔ́nɔhɔ́, gileénde igíáhám uguég guá nuɔ́l. 19Haná bɔ́gúnɔ́gɔ́n bá ŋŋɔndɛ igányɛ bámaán áneé bámáyɛ́n hɔɔ́m há búda ŋŋúme, ebégimbin na Póle na Sílas, ebédúdúle bɔ́ gá guɛ́d nɔɔ́nɔb agá besúmbibisan. 20Ebédíye bɔ́ gá besúmbibisan biá balomɛ́ŋ, bámuanyɛ áneé: «Bandɔ ɔbɔ bébuŋulenye tísɔna wasɔ. Bányɛ bayúdɛn, 21bóguond béhuínyihuinye bandɔ bilɔŋ ibídiabá biásɔ, ibiɛ́ gigodi giásɔ, basuá balomɛ́ŋ, gídíenyenyeé guádáab ta gubinen.» 22Giíŋ igíábíladɛn bɔ́ súsɔ́n. Besúmbibisan obólonye bɔ́ bisɔn biɔ́b, obódóŋinye bugaga buá gide bɔ́ na bifáfína. 23Bémeéméndegide bɔ́, ɔbɔ́nɔh bɔ́ uguá giansɛ giá mbíne, ebésilidin begíg áneé bágíga bɔ́ beseé. 24Egíg umɔɔ́mɔ́b gusilen ugugányɛ, uwɔnɔnɔh bɔ́ uguá mbíne uguadá ugúnó, uwɔɔ́ndídɛn dugɔ́nd duɔ́b uguá gidɛ́.
25Búmaágányɛ buand buá ɔdɛ́m huá budúg, na Póle na Sílas bámabá bóbísógólonye, bélélenye bilɛ́l biá mpínényi biá Uhaluá, bɔsɔ́gá bimbɔg bɔ́bídɔ́lígɔnɔn bɔ́. 26Hɔ́nɔhɔ́, guísi ugúéyiŋkimid na bugaga, bibunda biá giansɛ giá mbíne ibíémundumund. Eŋíd ya biansɛ biá mbíne gidigid eyédúmbie gubíbun, duoli duá duayɛ uduɔ́ bámagúda bimbɔg naá duɔ́ udúágásgas. 27Egíg umaámánahúnyɛg gá dunɔ́, uwaán eŋíd ya biansɛ biá mbíne biɔ́lɔlía, uwɔsɔ́gɔ́n nnyémél yeg áneé ubíɔ́n gá giagiá, umegedíe áneé bimbɔg bísɔbínɔh. 28Gɔgaá, Póle uwehéhídinye áneé: «Adibíámɔ́n! Dinyɛ aga basuá gidigid.» 29Egíg uwɔŋɛn gise, uwebíŋín na gunsáns uguá situá, na bilígímin gidigid uwɔbɔmbiginɛn na Póle na Sílas nudúg. 30Uwehémie bɔ́ uwoóhún bɔ́ áneé: «Ndága, giagɛ igiɛ́ nnya wa gual áneé mbá aháŋánɔ? » 31Obóndinye yɔ́ áneé: «Ádáab Ɔgúná Yésuse abádabá aháŋánɔ na giansɛ giáhɔ giá bandɔ gidigid.» 32Obódógónyinye yɔ́ gɔg nugálɔ nuá Ɔgúná ɔlɔŋ na bandɔ gidigid abámabá uguég guá giansɛ. 33Uguá ginɛŋ giáguɔ́, egíg uwɛɛ́d nɔɔ́nɔb na ɔdɛ́m huá budúg gá suga bɔ́ mege mɔ́b. Egíg uwedúmbie gubia giyuminye ɔlɔŋ na giansɛ giég giá bandɔ gidigid. 34Uwebúlígie na Póle na Sílas egég gá nihiá, uweéŋin bɔ́ gunyá mɔndɔ ugányɛ na giansɛ giég giá bandɔ obóhón na ibal haná bámaádáab Uhaluá.
35Guɔ́m gúmaámábál, besúmbibisan bá balomɛ́ŋ abádɔ́m bedúmébi áneé bɔ́nɔyídɛ́n egíg áneé: «Níhɛ́n bandɔ abagányɛ.» 36Egíg, uwɔsiɔyídɛ́n Póle áneé: «Besúmbibisan bómodóŋínyé bugaga buá núnihɛn. Nunyɛ núáhám gɔg, nuɛ́d uguá bumbénu.» 37Gɔgaá, Póle uwɔyidɛn yɔ́ áneé: «Bódóŋinye bugaga buá gueleé bédígide, basuá balomɛ́ŋ, agá eŋís ya gidɔŋ kendedígélenye! Obónd ɔbɔ́dínɔh uguá giansɛ giá mbíne. Gúu, dabdab, bámbanɔ́ gudíhémie uguá ninamba? Buand búmasábá anagányɛ. Ánaá ból bámuanyɛ mbánan, bésidíhémie!» 38Bedúmébi ɔbɔ́nɔyídɛ́n besúmbibisan bá balomɛ́ŋ. Bugádɔ ubúégimbin bɔ́, bɔ́mɔɔ́mɔ́b áneé na Póle na Sílas bányɛ balomɛ́ŋ. 39Besúmbibisan oból, ɔbɔ́ŋɛn na Póle na Sílas giyibinina obónd ebéhémie bɔ́ uguá giansɛ giá mbíne, na bísógólonye bɔ́ áneé bólígie uguá tísɔna. 40Na Póle na Sílas bámaámáhám uguá giansɛ giá mbíne, abɛ́d agá Lidí. Abádán na beliméen, ebégínyiginye bɔ́, abádɔ́mb.
ទើបបានជ្រើសរើសហើយ៖
Melélíe 16: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Melélíe 16
16
1Póle uweneg Dɛ́lb, na agaá Lístlɛ. Ebinene omodi umabá hɔ́ ɔhɛ́n huég áneé Timoté, noódíe weg umabá ŋŋɔndɛ ya bayúdɛn umaádáab Yésuse, síe weg maná baglɛ́k. 2Beédébi bá Klístus abágíganɔ́ Lístlɛ naá bá Ikoniyúm bámánán nusɔ́da nuá Timoté beseé, béhínenye yɔ́. 3Póle uwabaŋɛd áneé bánda ɔlɔŋ. Uwans yɔ́ gá gueleé bayúdɛn bádáab yɔ́, gá giagiá bayúdɛn abámabá uguá gibéyi giá guísi igigányɛ, bámalinsán áneé síe weg umabá maná baglɛ́k. 4Uguá bɔtísɔna ɔbɔɔ́ na Póle na Sílas bámabá bándan, bɔ́yɔn beédébi nugúda nuá medenyi naá nuá bogógi bá Yelusalɛ́m, bónd bésilen bɔ́ áneé bála haná nugúda unugányɛ núɔ́yɔnɔ́. 5Bimbi biá beédébi bá Klístus bímabá bígúnínan uguá guágɔdɛ́m, bandɔ bɔ́bíɔ́hígɔn mɔɔ́sɛ gidigid.
Bɔ́mɔ́dɔ́ŋɛ́ɛn Póle uguá gidɔŋ giá Maseduán
6Na Póle na Sílas ebégéndémidie bibéyi biá guísi biá Filisí naá Galát, gá giagiá Gileénde giá Budányɛ gímenye bɔ́ guonodógónyé Nugálɔ nuá Uhaluá uguá gibéyi giá guísi giá Así. 7Bémeéméneg mɔdɔg na gibéyi giá guísi giá Misí, abábídágɛ́ɛd guɛ́d Bitiní, gɔgaá, Gileénde giá Yésuse igíénye bɔ́. 8Abádúmbɛ́n uguá gibéyi giá guísi giá Misí gá guɛ́d agá tísɔna wa Tolwás. 9Budúg búmodi, Póle uwalimanan áneé usaán maná Masedoniɛ́ŋ, delimine, ubísógólonye yɔ́ áneé: «Dúmbɛ́n uguá gibéyi giá guísi giá Maseduán, edígígin ɔmbɔ́g!» 10Egélém gá ilɛm ihigányɛ, idiedúmbie guɛ́d gá guamba guɛ́d uguá gibéyi giá guísi giá Maseduán, gá giagiá dimamuɛ́nyɛ áneé Uhaluá úmɔdídɔ́ŋɛ́ɛn hɔ́ gá dógónye Ginɔ́g giá Nsɔ́m.
Lidí umebídún agá tísɔna wa Fílibe
11Idiayumɛn uguá sitíme Tolwás, gá guɛ́d agá ilua hiá Samotlás, méembélénye, idieg Neyapolís. 12Gugɔ́lɛ́n Neyapolís, idieneg agá tísɔna wa busió wa gibéyi giá guísi giá Maseduán, uyɔɔ́ bɔ́dɔ́ŋɔnaá áneé Fílibe, uwɔɔ́bɔninaá na balomɛ́ŋ. Idiédúmbie mɔɔ́sɛ hɔ́. 13Buɔ́sɛ buá giíndía giá bayúdɛn, idiólígie agá tísɔna gá guɛ́d uguá ŋŋɛnd ya usaá. Dimabá digedenye áneé digaáguán hɔɔ́m ɔhɔɔ́ bayúdɛn bóbísógólonyeé. Idiédugumin, idiágálgal gá bagándɔ abámabígúsígan hɔ́. 14Uguá ɔlɔŋ huá bagándɔ abagányɛ, omodi umabá guɔ́ ɔhɛ́n áneé Lidí, umabá eduísi wa ndífɔn siá manɔ́ŋɔmánɔ́ŋá isíɔ́ŋunɔnɔ́ giod giá ŋŋúme, woólonin uguá tísɔna uyɔɔ́ bɔ́dɔ́ŋɔnaá áneé Tiatíl, umabá ugányɛ gá búlúgenye Uhaluá wa bayúdɛn. Umabá udíbídɔ́lígɔnɔn, gá giagiá Ɔgúná umebun yɔ́ ɔdɛ́m gá gueleé wɔɔ́bɔn dugálɔ duá Póle beseé na beseé. 15Umaámábia giyuminye na bandɔ bég bá giansɛ gidigid, uwɔdídɔ́ŋɛ́ɛn, úmuanyɛ gásɔ áneé: «Haná núánanaá áneé yaáguágan ɔdɛ́m uguá Ɔgúná, ógúnónónu, nuasigíga agámɛ gá nihiá. » Uwadígúda áneé dieliminye.
Gigimbine na ginihina giá Póle agá tísɔna wa Fílibe
16Buɔ́sɛ búmodi ubuɔ́ dímiídan agá hɔɔ́m há mbísógóli, ŋŋɔndɛ ya ugándɔ giɔ́lɛ iyoól, iyaádán naánasɔ, imabianán gilɔg giá gileénde, ibúganɛn bandɔ. Bɔgúnɔ́gɔ́n bég ɔbɔ́mɔnd yɔ́ bámabúda giod giá ŋŋúme uguélém guég guá nubɔ́g. 17Ŋŋɔndɛ igányɛ iyagɔns gudíbinen, na Póle naánasɔ ihéhenye áneé: «Bandɔ ɔbɔ bányɛ belibuóli bá Uhaluá unyaá hádɛ ugumɔn, bónúdógonyinye ŋŋil ya gisódie!» 18Imala nɔ́ giod giá mɔɔ́sɛ. Póle umaámábíhál guɔ́bɔn yɔ́, uwabígagalɛd yɔ́, uwɔyidɛn gileénde igigányɛ áneé: «Yɔ́guɔyɔn buɔ́ uguá ɔhɛ́n huá Yésuse Klístus, hám uguá ŋŋɔndɛ igányɛ!» Hɔ́nɔhɔ́, gileénde igíáhám uguég guá nuɔ́l. 19Haná bɔ́gúnɔ́gɔ́n bá ŋŋɔndɛ igányɛ bámaán áneé bámáyɛ́n hɔɔ́m há búda ŋŋúme, ebégimbin na Póle na Sílas, ebédúdúle bɔ́ gá guɛ́d nɔɔ́nɔb agá besúmbibisan. 20Ebédíye bɔ́ gá besúmbibisan biá balomɛ́ŋ, bámuanyɛ áneé: «Bandɔ ɔbɔ bébuŋulenye tísɔna wasɔ. Bányɛ bayúdɛn, 21bóguond béhuínyihuinye bandɔ bilɔŋ ibídiabá biásɔ, ibiɛ́ gigodi giásɔ, basuá balomɛ́ŋ, gídíenyenyeé guádáab ta gubinen.» 22Giíŋ igíábíladɛn bɔ́ súsɔ́n. Besúmbibisan obólonye bɔ́ bisɔn biɔ́b, obódóŋinye bugaga buá gide bɔ́ na bifáfína. 23Bémeéméndegide bɔ́, ɔbɔ́nɔh bɔ́ uguá giansɛ giá mbíne, ebésilidin begíg áneé bágíga bɔ́ beseé. 24Egíg umɔɔ́mɔ́b gusilen ugugányɛ, uwɔnɔnɔh bɔ́ uguá mbíne uguadá ugúnó, uwɔɔ́ndídɛn dugɔ́nd duɔ́b uguá gidɛ́.
25Búmaágányɛ buand buá ɔdɛ́m huá budúg, na Póle na Sílas bámabá bóbísógólonye, bélélenye bilɛ́l biá mpínényi biá Uhaluá, bɔsɔ́gá bimbɔg bɔ́bídɔ́lígɔnɔn bɔ́. 26Hɔ́nɔhɔ́, guísi ugúéyiŋkimid na bugaga, bibunda biá giansɛ giá mbíne ibíémundumund. Eŋíd ya biansɛ biá mbíne gidigid eyédúmbie gubíbun, duoli duá duayɛ uduɔ́ bámagúda bimbɔg naá duɔ́ udúágásgas. 27Egíg umaámánahúnyɛg gá dunɔ́, uwaán eŋíd ya biansɛ biá mbíne biɔ́lɔlía, uwɔsɔ́gɔ́n nnyémél yeg áneé ubíɔ́n gá giagiá, umegedíe áneé bimbɔg bísɔbínɔh. 28Gɔgaá, Póle uwehéhídinye áneé: «Adibíámɔ́n! Dinyɛ aga basuá gidigid.» 29Egíg uwɔŋɛn gise, uwebíŋín na gunsáns uguá situá, na bilígímin gidigid uwɔbɔmbiginɛn na Póle na Sílas nudúg. 30Uwehémie bɔ́ uwoóhún bɔ́ áneé: «Ndága, giagɛ igiɛ́ nnya wa gual áneé mbá aháŋánɔ? » 31Obóndinye yɔ́ áneé: «Ádáab Ɔgúná Yésuse abádabá aháŋánɔ na giansɛ giáhɔ giá bandɔ gidigid.» 32Obódógónyinye yɔ́ gɔg nugálɔ nuá Ɔgúná ɔlɔŋ na bandɔ gidigid abámabá uguég guá giansɛ. 33Uguá ginɛŋ giáguɔ́, egíg uwɛɛ́d nɔɔ́nɔb na ɔdɛ́m huá budúg gá suga bɔ́ mege mɔ́b. Egíg uwedúmbie gubia giyuminye ɔlɔŋ na giansɛ giég giá bandɔ gidigid. 34Uwebúlígie na Póle na Sílas egég gá nihiá, uweéŋin bɔ́ gunyá mɔndɔ ugányɛ na giansɛ giég giá bandɔ obóhón na ibal haná bámaádáab Uhaluá.
35Guɔ́m gúmaámábál, besúmbibisan bá balomɛ́ŋ abádɔ́m bedúmébi áneé bɔ́nɔyídɛ́n egíg áneé: «Níhɛ́n bandɔ abagányɛ.» 36Egíg, uwɔsiɔyídɛ́n Póle áneé: «Besúmbibisan bómodóŋínyé bugaga buá núnihɛn. Nunyɛ núáhám gɔg, nuɛ́d uguá bumbénu.» 37Gɔgaá, Póle uwɔyidɛn yɔ́ áneé: «Bódóŋinye bugaga buá gueleé bédígide, basuá balomɛ́ŋ, agá eŋís ya gidɔŋ kendedígélenye! Obónd ɔbɔ́dínɔh uguá giansɛ giá mbíne. Gúu, dabdab, bámbanɔ́ gudíhémie uguá ninamba? Buand búmasábá anagányɛ. Ánaá ból bámuanyɛ mbánan, bésidíhémie!» 38Bedúmébi ɔbɔ́nɔyídɛ́n besúmbibisan bá balomɛ́ŋ. Bugádɔ ubúégimbin bɔ́, bɔ́mɔɔ́mɔ́b áneé na Póle na Sílas bányɛ balomɛ́ŋ. 39Besúmbibisan oból, ɔbɔ́ŋɛn na Póle na Sílas giyibinina obónd ebéhémie bɔ́ uguá giansɛ giá mbíne, na bísógólonye bɔ́ áneé bólígie uguá tísɔna. 40Na Póle na Sílas bámaámáhám uguá giansɛ giá mbíne, abɛ́d agá Lidí. Abádán na beliméen, ebégínyiginye bɔ́, abádɔ́mb.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល