Melélíe 13
13
Na Balnábas na Sól bámɛɛ́d gá busɔ́m
1Bebunebúné na behuínyihuínyi bámabá uguá Gimbi giá beédébi bá Klístus giá Antiós. Ihɛ́n siɔ́b símabá áneé: Balnábas, Simeyɔ́ŋ uyɔɔ́ bɔ́mɔndɔ́dɔ́ŋɔn áneé Enéŋunéŋ, Lusiús wa Silɛ́n, Manayɛ́ŋ giendinyi giá buábuáyɔ giá Helód úmeégilébé uguá Galilé na Sól. 2Buɔ́sɛ búmodi gɔg bámabá gá búlúgenye Ɔgúná, bébíényenye gunyá, Gileénde giá Budányɛ igíɔ́yidɛn bɔ́ áneé: «Ŋŋíŋígínánɔ na Balnábas na Sól gá ŋŋalan busɔ́m ubuɔ́ mmɔ́dɔ́ŋɛ́ɛn bɔ́ gá buɔ́. » 3Egélém gá ŋŋenyi na mbísógóli, ɔbɔ́dɔ́bígɔn bɔ́ imbɔ́g abánihɛn bɔ́ gá dɔ́mb.
Mbuísi Elimás
4Na Balnábas na sóle gɔg ɔbɔɔ́ Gileénde giá Budányɛ gímadɔ́m gá busɔ́m, ebédúnúg Selesí, abáyumɛn uguá sitíme gá guɛ́d ilua hiá Síplɛ. 5Bémeéméneg Salamín, abɛ́d gá sesenye nugálɔ nuá Uhaluá uguá bigúl biá bayúdɛn. Sáŋa umabá welenye bɔ́. 6Bámaámáyɔg ilua gidigid ebéneg Pafós, ebégégie mbuísi, abánbán wa ebunebúné, ɔhɛ́n huég áneé Bal Yésuse, maná bayúdɛn. 7Umabá ugíga agá buáyi buá ŋŋɔ́mɔna wa síplɛ ɔhɛ́n huég áneé Sɛlɛyús Polús, elinsi wa mɔndɔ. Uwɔdɔ́ŋɛ́ɛn na Balnábas na Sól gá giagiá, umambá guɔ́b Nugálɔ nuá Uhaluá. 8Gɔgaá, mbuísi Elímas, anagányɛ ɔhɛ́n huég húnya na nugálɔ nuá baglɛ́k, umabíbɛ́ndɛbɛ́nd bɔ́ áneé unéŋélidie ŋŋɔ́mɔna uguá guágɔdɛ́m. 9Sól gɔg uyɔɔ́ bɔ́ndɔdɔ́ŋɔnaá áneé Póle, umabá ohónón na Gileénde giá Budányɛ, uwosólímin Elimás. 10Uwɔyidɛn yɔ́ áneé: «Aŋuá anyaá tásɛ na mamb na gilɔg giá ɔdɛ́m, uhaŋ huá abɛlɛ́bɛl, udiɔyá buá gindényé, adibá wa nihɛn gudɔ́la ŋŋil siá Ɔgúná isínya gindényé a? 11Ndé gɔg, ɔmbɔ́g huá Ɔgúná húmémenégugimbin dabdab, ogoóguól mehegu gá maná ginɛŋ, adigánduguán ɔhɛ́nyɛ.» Hɔ́nɔhɔ́, eŋís yég ayalad mbíne uwabíán uganyɛ uguá budúg, uwɛɛ́d gá damdam hɔɔ́m gidigid gá guamba mɔndɔ wa guendenye yɔ́. 12Ŋŋɔ́mɔna umaámán buand ubúmábíál ubugányɛ, uwaáyɛ eŋédébi, gá giagiá, nuhuínyihuínyi gá busió buá Ɔgúná númebíŋín yɔ́ agá ɔdɛ́m hómohómue.
Gueneg guá Balnábas na Sól Antiós wa Pisidí
13Póle na biendinyi biég ebébíŋín uguá sitíme Pafós gá guɛ́d Pɛlye, uguá gibéyi giá guísi giá Paŋfilí. Gɔgaá, Sáŋa#13.13 Mubu múmodi múɔ́dɔŋɔ́n yɔ́ áneé Sáŋa Málekus. uwadándúgan nɔɔ́nɔb, úmuanyɛ uwond Yelusalɛ́m. 14Abádúmbɛ́n uguá tísɔna wa Pɛlye, gá guɛ́d gueneg Antiós wa Pisidí. Buɔ́sɛ buá giíndía giá bayúdɛn, ebébíŋín uguá gigúl ebédugumin. 15Egélém gá guanuna ŋŋɔ́ŋɛ uguá yubu hiá bigodi naá hiá bebunebúné, ifuŋ siá gigúl isíádúmɛ́n bɔ́ bandɔ gá guɔyidɛn bɔ́ áneé: «Beliméen, mmába nugódi nugálɔ nuá gínyiginye buán, ánaá núgálɛ́ɛd!» 16Póle uwadigɛn gɔg uwehégídinye ɔmbɔ́g úmuanyɛ áneé: «Bandɔ bá Íslayɛ́l naánanɔ nudínyénú Uhaluá, mbídɔ́lígínɔ́n! 17Uhaluá wa buán buásɔ buá Íslayɛ́l weéyíd ndíndíl siásɔ. Weégúmíe buán ubuɔ uguá ginɛŋ igiɛ́ búábá uguá gidɔŋ giá Egíbt. Egélém agányɛ uwehémie buɔ́ na buŋaŋa buég. 18Umoyé buɔ́ agá uhambɛ buand buá duɔŋ edín áhandɛ. 19Súsɔ́n, umeéméhúhíe maán mátíndádɔ nomue uguá gidɔŋ giá Kána, uwaban buán buég guísi guɔ́b hana bigínd.» 20Muand umugányɛ gidigid múmabídúmbán uguá buand buá duɔŋ edín átánɔ éníhi na edín áhandɛ na dúad. Egélém agányɛ, uweéŋin bɔ́ bandɔ abámabá bɔ́ hɔgɔnhɔgɔn bɔ́ gueneg uguá mɔɔ́sɛ má ebunebúné Samuɛ́l. 21Obónd obóhún ofuŋ, Uhaluá uweéŋin bɔ́ Sól, uhaŋ huá Kís, uguá bunɔŋ buá Bɛŋsamɛ́ŋ, umeégilébé hɔ́ duɔŋ edín áhandɛ. 22Egélém gá guólie Sól hana ofuŋ, Uhaluá uweyidin bɔ́ Dáfide gá bá ofuŋ. Búnyɛ gég gá busió úmagálɛ́ɛd áneé: «Dáfide, uhaŋ huá Yesé, mmán huɔ́, húmɔ́ŋɔ́bɛ́ɛg agámɛ gá ɔdɛ́m. Húhúónóhónyenú guɔyɛd guámɛ gidigid.» 23Búnyɛ uguég guá nugɔ́g Uhaluá, uguég guá ndán, úmal áneé Yésuse ubíbíén gá bá Osódie wa Íslayɛ́l. 24Gá gueleé Yésuse wesieg, Sáŋa umabá umómónódógonye uguá buán buá Ísalaɛ́l gidigid áneé: Bíyúményénénu gá díye áneé núénúgie bilɔŋ. 25Uguá mɔɔ́sɛ má Sáŋa má nsúgie má buóli, uwɔya áneé: «Nuégedenye áneé nnyɛ ányá? Ndibá mɔndɔ uyɔɔ́ núgíganaá. Gɔgaá, mɔndɔ woóguólon uguámɛ guélém, ndiánigiman ná guólie yɔ́ basílíbas bég.»
26Beliméen, banuá banana bá Áblahám, naánanɔ gidigid nubúlúgenyeé Uhaluá, búnyɛ gásɔ gá busió basuá gidigid bámadɔ́m nsɔ́m ya gisódie igányɛ. 27Gúu, bandɔ bá Yelusalɛ́m na ifuŋ siɔ́b bámanyányɛ Yésuse, bómohónyé dugálɔ duá bebunebúné uduɔ́ bánunanɔ́ sig buɔ́sɛ buá giíndía giá bayúdɛn. Gɔgaá, bómohónyé dugálɔ udugányɛ gá sɔ́mb gisan giá Yésuse. 28Bámasúguán giímbɛ́n gá guɔ́n yɔ́, ɔbɔ́yidɛn Pilát áneé wɔɔ́n yɔ́. 29Bómoómóhónyé gɔg buand gidigid ubúmabá ubúɔ́ŋɔ́n uguá mubu gég gá busió, abádɔn yɔ́ uguá nuag abánaág yɔ́ uguá gibɛ́l. 30Gɔgaá, Uhaluá umehémíe yɔ́ uguá gibɛ́l uwosiond uguá nusɔ́da, 31uguá giod giá mɔɔ́sɛ, uwebíénígenyinye bandɔ ɔbɔɔ́ úmonólígíe nɔɔ́nɔb Galilé gá búlɛ́ɛg Yelusalɛ́m. Bandɔ báguɔ́ bábánya bamaáná bég agá buán.
32Basuá súsɔ́n diónúdógonyinye Ginɔ́g giáguɔ́ giá Nsɔ́m: Buand ubuɔ́ Uhaluá úmadánɛ́n ndíndíl siásɔ. 33Uhaluá woóhónyé buá gidigid gásɔ gá busió, basuá baán bɔ́b, na hémie Yésuse uguá gibɛ́l haná búnya ubúɔ́ŋɔ́n uguá gilɛ́l giá gaándɛ áneé:
«Anyɛ muɔ́n wamɛ,
hinen, yaŋuá, mmaáyɛ Síe wahɔ.»
34Uhaluá umodógíe áneé wenéhémie yɔ́ uguá ebeguén gá gueleé udiond uguá gibɛ́l gá yɛg. Ana úmagálgal:
«Yanánúhuá bidányɛdányɛ
biá bifɔn ibiɛ́ mmádánɛ́n Dáfide.»
35Buand buáguɔ́ úmɔndúguɔyɛd uguá gibɔŋá gímodi áneé:
«Adianánihɛn Gidányɛdányɛ giáhɔ gíyɛg.»
36Henyé Dáfide, umaámáman guala buóli gá guɔyɛd guá Uhaluá, gá giég ginɛŋ, uwegué, abág yɔ́ uguá gibɛ́l agá buáyɛ buá ndíndíl siég, uwayɛg. 37Gɔgaá, uyɔɔ́ Uhaluá úmehémíe uguá gibɛ́l, umasáyɛg. 38Beliméen, linsánán gɔg áneé: búnyɛ uguá Yésuse bómónúdógínyé giyibinina giá bilɔga. Gigodi giá Mɔ́sɛsa gídiáguala áneé nubá bisámb agá eŋís ya Uhaluá, 39uguég mɔndɔ gidigid uwaádáabanaá yɔ́, únya gisámb agá eŋís ya Uhaluá.
40Bídédínyénénu gɔg áneé ubúnya ubúɔ́ŋɔ́n uguá yubu hiá bebunebúné búdinúegin:
41«“Bíyígánánɔ, banuá bandɔ bá isíŋa,
ánaá núyíka nuond nuságínɛn!
Gá giagiá, ŋŋal uguá ginɛŋ igiɛ́ númanyaá ɔbɔgɔ́sɛ, gá hónye buóli, buóli ubuɔ́ núdianádáabanaá,
mɔndɔ úmɔ́núɔyɔn.” »
42Na Póle na Balnábas bámaámáhám uguá gigúl, ɔbɔ́yidɛn bɔ́ áneé bɔ́nduguɔya buónyi buáguɔ́ uguá giíndía giá bayúdɛn igímebinen. 43Egélém gá gigɔ́s, giod giá bayúdɛn na bandɔ bómodi ebémebíŋín uguá giádábɛ́n giá bayúdɛn, ebébinidin na Póle na Balnábas, abɛ́d bɔ́ya mayɔ nɔɔ́nɔb, bégínyiginye bɔ́ áneé bábá abábígúdánɔ uguá magɔg má Uhaluá.
Na Póle na Balnábas bémebíségélídíe gibéyi giá bindiádába
44Giíndía giá bayúdɛn igímɔdɔ́bígɛ́n, ubuá bá hana bandɔ gidigid bá tísɔna bámabígúsígán gá bídɔ́lígɔnɔn nugálɔ nuá Ɔgúná. 45Bayúdɛn bámaámáan giíŋ, obóhón na yaág, bégebelenye dugálɔ duég, básiga yɔ́. 46Na Póle na Balnábas ɔbɔ́yidɛn bɔ́ kanda bugádɔ áneé: «Búmanigimanan áneé nugálɔ nuá Uhaluá núbulin gubídógonye uguánɔ! Haná núbíbisenyeé nuɔ́ nuond nuánan áneé nudiánigimanan na nusɔ́da nuá ságásagá, dibígagalɛd gɔg bindiádába. 47Gá giagiá, gibídína igiɛ́ Ɔgúná úmadíhuá gígíényé:
“Mmedénígínyé áneé anyɛ gise giá maán,
gá guéleé oól na gisódie
gueneg agá nsúgie ya guísi.”»
48Bindiádába bímɔɔ́mɔ́ɔb dugálɔ udugányɛ, na ibal gidigid ibíɛ́d gá gúmenye nugálɔ nuá Ɔgúná. Bandɔ gidigid ɔbɔɔ́ Uhaluá úmeyíd gá nusɔ́da nuá ságásagá, abágíndígɛn guágɔdɛ́m uguá Yésuse. 49Nugálɔ nuá Ɔgúná unúédúmbenye ná guídan uguá busió uguá gibéyi giá guísi igigányɛ gidigid. 50Gɔgaá, bayúdɛn ebédídígen biyáŋáŋá biá bagándɔ ibímebúlúgényé Uhaluá, ɔlɔŋ na bɔgúnɔ́gɔ́n bá tísɔna, ebébul gugényigenye Póle na Balnábas gueneg hana bémehémíe bɔ́ uguɔ́b guá guísi. 51Búmaámábíal anagányɛ, na Póle na Balnábas ebéyiŋkidin oduúdu huɔ́b huá dugɔ́nd, abɛ́d Ikoniyúm. 52Mmába hana gá bebinene, bámabá obóhónón na ibal na Gileénde giá Budányɛ.
ទើបបានជ្រើសរើសហើយ៖
Melélíe 13: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Melélíe 13
13
Na Balnábas na Sól bámɛɛ́d gá busɔ́m
1Bebunebúné na behuínyihuínyi bámabá uguá Gimbi giá beédébi bá Klístus giá Antiós. Ihɛ́n siɔ́b símabá áneé: Balnábas, Simeyɔ́ŋ uyɔɔ́ bɔ́mɔndɔ́dɔ́ŋɔn áneé Enéŋunéŋ, Lusiús wa Silɛ́n, Manayɛ́ŋ giendinyi giá buábuáyɔ giá Helód úmeégilébé uguá Galilé na Sól. 2Buɔ́sɛ búmodi gɔg bámabá gá búlúgenye Ɔgúná, bébíényenye gunyá, Gileénde giá Budányɛ igíɔ́yidɛn bɔ́ áneé: «Ŋŋíŋígínánɔ na Balnábas na Sól gá ŋŋalan busɔ́m ubuɔ́ mmɔ́dɔ́ŋɛ́ɛn bɔ́ gá buɔ́. » 3Egélém gá ŋŋenyi na mbísógóli, ɔbɔ́dɔ́bígɔn bɔ́ imbɔ́g abánihɛn bɔ́ gá dɔ́mb.
Mbuísi Elimás
4Na Balnábas na sóle gɔg ɔbɔɔ́ Gileénde giá Budányɛ gímadɔ́m gá busɔ́m, ebédúnúg Selesí, abáyumɛn uguá sitíme gá guɛ́d ilua hiá Síplɛ. 5Bémeéméneg Salamín, abɛ́d gá sesenye nugálɔ nuá Uhaluá uguá bigúl biá bayúdɛn. Sáŋa umabá welenye bɔ́. 6Bámaámáyɔg ilua gidigid ebéneg Pafós, ebégégie mbuísi, abánbán wa ebunebúné, ɔhɛ́n huég áneé Bal Yésuse, maná bayúdɛn. 7Umabá ugíga agá buáyi buá ŋŋɔ́mɔna wa síplɛ ɔhɛ́n huég áneé Sɛlɛyús Polús, elinsi wa mɔndɔ. Uwɔdɔ́ŋɛ́ɛn na Balnábas na Sól gá giagiá, umambá guɔ́b Nugálɔ nuá Uhaluá. 8Gɔgaá, mbuísi Elímas, anagányɛ ɔhɛ́n huég húnya na nugálɔ nuá baglɛ́k, umabíbɛ́ndɛbɛ́nd bɔ́ áneé unéŋélidie ŋŋɔ́mɔna uguá guágɔdɛ́m. 9Sól gɔg uyɔɔ́ bɔ́ndɔdɔ́ŋɔnaá áneé Póle, umabá ohónón na Gileénde giá Budányɛ, uwosólímin Elimás. 10Uwɔyidɛn yɔ́ áneé: «Aŋuá anyaá tásɛ na mamb na gilɔg giá ɔdɛ́m, uhaŋ huá abɛlɛ́bɛl, udiɔyá buá gindényé, adibá wa nihɛn gudɔ́la ŋŋil siá Ɔgúná isínya gindényé a? 11Ndé gɔg, ɔmbɔ́g huá Ɔgúná húmémenégugimbin dabdab, ogoóguól mehegu gá maná ginɛŋ, adigánduguán ɔhɛ́nyɛ.» Hɔ́nɔhɔ́, eŋís yég ayalad mbíne uwabíán uganyɛ uguá budúg, uwɛɛ́d gá damdam hɔɔ́m gidigid gá guamba mɔndɔ wa guendenye yɔ́. 12Ŋŋɔ́mɔna umaámán buand ubúmábíál ubugányɛ, uwaáyɛ eŋédébi, gá giagiá, nuhuínyihuínyi gá busió buá Ɔgúná númebíŋín yɔ́ agá ɔdɛ́m hómohómue.
Gueneg guá Balnábas na Sól Antiós wa Pisidí
13Póle na biendinyi biég ebébíŋín uguá sitíme Pafós gá guɛ́d Pɛlye, uguá gibéyi giá guísi giá Paŋfilí. Gɔgaá, Sáŋa#13.13 Mubu múmodi múɔ́dɔŋɔ́n yɔ́ áneé Sáŋa Málekus. uwadándúgan nɔɔ́nɔb, úmuanyɛ uwond Yelusalɛ́m. 14Abádúmbɛ́n uguá tísɔna wa Pɛlye, gá guɛ́d gueneg Antiós wa Pisidí. Buɔ́sɛ buá giíndía giá bayúdɛn, ebébíŋín uguá gigúl ebédugumin. 15Egélém gá guanuna ŋŋɔ́ŋɛ uguá yubu hiá bigodi naá hiá bebunebúné, ifuŋ siá gigúl isíádúmɛ́n bɔ́ bandɔ gá guɔyidɛn bɔ́ áneé: «Beliméen, mmába nugódi nugálɔ nuá gínyiginye buán, ánaá núgálɛ́ɛd!» 16Póle uwadigɛn gɔg uwehégídinye ɔmbɔ́g úmuanyɛ áneé: «Bandɔ bá Íslayɛ́l naánanɔ nudínyénú Uhaluá, mbídɔ́lígínɔ́n! 17Uhaluá wa buán buásɔ buá Íslayɛ́l weéyíd ndíndíl siásɔ. Weégúmíe buán ubuɔ uguá ginɛŋ igiɛ́ búábá uguá gidɔŋ giá Egíbt. Egélém agányɛ uwehémie buɔ́ na buŋaŋa buég. 18Umoyé buɔ́ agá uhambɛ buand buá duɔŋ edín áhandɛ. 19Súsɔ́n, umeéméhúhíe maán mátíndádɔ nomue uguá gidɔŋ giá Kána, uwaban buán buég guísi guɔ́b hana bigínd.» 20Muand umugányɛ gidigid múmabídúmbán uguá buand buá duɔŋ edín átánɔ éníhi na edín áhandɛ na dúad. Egélém agányɛ, uweéŋin bɔ́ bandɔ abámabá bɔ́ hɔgɔnhɔgɔn bɔ́ gueneg uguá mɔɔ́sɛ má ebunebúné Samuɛ́l. 21Obónd obóhún ofuŋ, Uhaluá uweéŋin bɔ́ Sól, uhaŋ huá Kís, uguá bunɔŋ buá Bɛŋsamɛ́ŋ, umeégilébé hɔ́ duɔŋ edín áhandɛ. 22Egélém gá guólie Sól hana ofuŋ, Uhaluá uweyidin bɔ́ Dáfide gá bá ofuŋ. Búnyɛ gég gá busió úmagálɛ́ɛd áneé: «Dáfide, uhaŋ huá Yesé, mmán huɔ́, húmɔ́ŋɔ́bɛ́ɛg agámɛ gá ɔdɛ́m. Húhúónóhónyenú guɔyɛd guámɛ gidigid.» 23Búnyɛ uguég guá nugɔ́g Uhaluá, uguég guá ndán, úmal áneé Yésuse ubíbíén gá bá Osódie wa Íslayɛ́l. 24Gá gueleé Yésuse wesieg, Sáŋa umabá umómónódógonye uguá buán buá Ísalaɛ́l gidigid áneé: Bíyúményénénu gá díye áneé núénúgie bilɔŋ. 25Uguá mɔɔ́sɛ má Sáŋa má nsúgie má buóli, uwɔya áneé: «Nuégedenye áneé nnyɛ ányá? Ndibá mɔndɔ uyɔɔ́ núgíganaá. Gɔgaá, mɔndɔ woóguólon uguámɛ guélém, ndiánigiman ná guólie yɔ́ basílíbas bég.»
26Beliméen, banuá banana bá Áblahám, naánanɔ gidigid nubúlúgenyeé Uhaluá, búnyɛ gásɔ gá busió basuá gidigid bámadɔ́m nsɔ́m ya gisódie igányɛ. 27Gúu, bandɔ bá Yelusalɛ́m na ifuŋ siɔ́b bámanyányɛ Yésuse, bómohónyé dugálɔ duá bebunebúné uduɔ́ bánunanɔ́ sig buɔ́sɛ buá giíndía giá bayúdɛn. Gɔgaá, bómohónyé dugálɔ udugányɛ gá sɔ́mb gisan giá Yésuse. 28Bámasúguán giímbɛ́n gá guɔ́n yɔ́, ɔbɔ́yidɛn Pilát áneé wɔɔ́n yɔ́. 29Bómoómóhónyé gɔg buand gidigid ubúmabá ubúɔ́ŋɔ́n uguá mubu gég gá busió, abádɔn yɔ́ uguá nuag abánaág yɔ́ uguá gibɛ́l. 30Gɔgaá, Uhaluá umehémíe yɔ́ uguá gibɛ́l uwosiond uguá nusɔ́da, 31uguá giod giá mɔɔ́sɛ, uwebíénígenyinye bandɔ ɔbɔɔ́ úmonólígíe nɔɔ́nɔb Galilé gá búlɛ́ɛg Yelusalɛ́m. Bandɔ báguɔ́ bábánya bamaáná bég agá buán.
32Basuá súsɔ́n diónúdógonyinye Ginɔ́g giáguɔ́ giá Nsɔ́m: Buand ubuɔ́ Uhaluá úmadánɛ́n ndíndíl siásɔ. 33Uhaluá woóhónyé buá gidigid gásɔ gá busió, basuá baán bɔ́b, na hémie Yésuse uguá gibɛ́l haná búnya ubúɔ́ŋɔ́n uguá gilɛ́l giá gaándɛ áneé:
«Anyɛ muɔ́n wamɛ,
hinen, yaŋuá, mmaáyɛ Síe wahɔ.»
34Uhaluá umodógíe áneé wenéhémie yɔ́ uguá ebeguén gá gueleé udiond uguá gibɛ́l gá yɛg. Ana úmagálgal:
«Yanánúhuá bidányɛdányɛ
biá bifɔn ibiɛ́ mmádánɛ́n Dáfide.»
35Buand buáguɔ́ úmɔndúguɔyɛd uguá gibɔŋá gímodi áneé:
«Adianánihɛn Gidányɛdányɛ giáhɔ gíyɛg.»
36Henyé Dáfide, umaámáman guala buóli gá guɔyɛd guá Uhaluá, gá giég ginɛŋ, uwegué, abág yɔ́ uguá gibɛ́l agá buáyɛ buá ndíndíl siég, uwayɛg. 37Gɔgaá, uyɔɔ́ Uhaluá úmehémíe uguá gibɛ́l, umasáyɛg. 38Beliméen, linsánán gɔg áneé: búnyɛ uguá Yésuse bómónúdógínyé giyibinina giá bilɔga. Gigodi giá Mɔ́sɛsa gídiáguala áneé nubá bisámb agá eŋís ya Uhaluá, 39uguég mɔndɔ gidigid uwaádáabanaá yɔ́, únya gisámb agá eŋís ya Uhaluá.
40Bídédínyénénu gɔg áneé ubúnya ubúɔ́ŋɔ́n uguá yubu hiá bebunebúné búdinúegin:
41«“Bíyígánánɔ, banuá bandɔ bá isíŋa,
ánaá núyíka nuond nuságínɛn!
Gá giagiá, ŋŋal uguá ginɛŋ igiɛ́ númanyaá ɔbɔgɔ́sɛ, gá hónye buóli, buóli ubuɔ́ núdianádáabanaá,
mɔndɔ úmɔ́núɔyɔn.” »
42Na Póle na Balnábas bámaámáhám uguá gigúl, ɔbɔ́yidɛn bɔ́ áneé bɔ́nduguɔya buónyi buáguɔ́ uguá giíndía giá bayúdɛn igímebinen. 43Egélém gá gigɔ́s, giod giá bayúdɛn na bandɔ bómodi ebémebíŋín uguá giádábɛ́n giá bayúdɛn, ebébinidin na Póle na Balnábas, abɛ́d bɔ́ya mayɔ nɔɔ́nɔb, bégínyiginye bɔ́ áneé bábá abábígúdánɔ uguá magɔg má Uhaluá.
Na Póle na Balnábas bémebíségélídíe gibéyi giá bindiádába
44Giíndía giá bayúdɛn igímɔdɔ́bígɛ́n, ubuá bá hana bandɔ gidigid bá tísɔna bámabígúsígán gá bídɔ́lígɔnɔn nugálɔ nuá Ɔgúná. 45Bayúdɛn bámaámáan giíŋ, obóhón na yaág, bégebelenye dugálɔ duég, básiga yɔ́. 46Na Póle na Balnábas ɔbɔ́yidɛn bɔ́ kanda bugádɔ áneé: «Búmanigimanan áneé nugálɔ nuá Uhaluá núbulin gubídógonye uguánɔ! Haná núbíbisenyeé nuɔ́ nuond nuánan áneé nudiánigimanan na nusɔ́da nuá ságásagá, dibígagalɛd gɔg bindiádába. 47Gá giagiá, gibídína igiɛ́ Ɔgúná úmadíhuá gígíényé:
“Mmedénígínyé áneé anyɛ gise giá maán,
gá guéleé oól na gisódie
gueneg agá nsúgie ya guísi.”»
48Bindiádába bímɔɔ́mɔ́ɔb dugálɔ udugányɛ, na ibal gidigid ibíɛ́d gá gúmenye nugálɔ nuá Ɔgúná. Bandɔ gidigid ɔbɔɔ́ Uhaluá úmeyíd gá nusɔ́da nuá ságásagá, abágíndígɛn guágɔdɛ́m uguá Yésuse. 49Nugálɔ nuá Ɔgúná unúédúmbenye ná guídan uguá busió uguá gibéyi giá guísi igigányɛ gidigid. 50Gɔgaá, bayúdɛn ebédídígen biyáŋáŋá biá bagándɔ ibímebúlúgényé Uhaluá, ɔlɔŋ na bɔgúnɔ́gɔ́n bá tísɔna, ebébul gugényigenye Póle na Balnábas gueneg hana bémehémíe bɔ́ uguɔ́b guá guísi. 51Búmaámábíal anagányɛ, na Póle na Balnábas ebéyiŋkidin oduúdu huɔ́b huá dugɔ́nd, abɛ́d Ikoniyúm. 52Mmába hana gá bebinene, bámabá obóhónón na ibal na Gileénde giá Budányɛ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល