Melélíe 12
12
Guɔ́n guá Sák, gigimbine na ginihina giá Piéle
1Uguá ginɛŋ giáguɔ́, ofuŋ Helód uwagɔns gugényigenye Gimbi giá beédébi bá Klístus. 2Uwodóŋínye bugaga buá guɔ́n Sák, gisɔ́nd giá Sáŋa, na nnyémél. 3Haná úmaán áneé bayúdɛn bɔ́guɔ́bɔn beseé na guala guég ugugányɛ, uwondodóŋínye bugaga buá gimbin Piéle. Búmabá uguá ginɛŋ giá gibín giá gilɛ́d giá kanda buanyɛ buá guedigenye oguŋ. 4Helód#12.4 Búmabá Helód wa Aglípa wa busió, ubién huá Helód Antipás. umaámál áneé bégimbin yɔ́, ɔbɔ́nɔh yɔ́ uguá giansɛ giá mbíne. Abág ilɔŋ siá nsénsi íníhi, sig ɔlɔŋ na nsénsi íníhi gá gíga yɔ́, gá giagiá umambá áneé ugélenye yɔ́ agá eŋís ya gidɔŋ gidigid, egélém gá budɔ́mb buá Páska. 5Piéle umabá gɔg uguá giansɛ giá mbíne, gɔgaá bɔ́gɔ́b beédébi bá Klístus bɔ́mɔsɔ́dɔg gubísógólonye Uhaluá gég gá busió.
6Na budúg buá bélie buɔ́sɛ ubuɔ́ Helód úmadán gá gélenye yɔ́ agá gidɔŋ, Piéle umabá ubídíman agá ɔdɛ́m ná ɔdɛ́m huá nsénsi íhandɛ. Umabá gúdágúdá na duoli duá duayɛ dúandɛ, begíg bágíga niíd niá giansɛ giá mbíne. 7Gɔgaá, hɔ́nɔhɔ́ gilúna giá Uhaluá igíáhámínɛn, gibéyi giá giansɛ igiɛ́ Piéle úmabá guɔ́, igíálɛ́ɛg na gise. Giluna igíéyiŋkidin Piéle uguá mebuébue gá huɛnyɛ yɔ́. Gímuanyɛ gég áneé: «Adígɛ́n gunsáns!» Duoli duá duayɛ udúmabá uguég guá imbɔ́g, udúágua. 8Gilúna igíɔ́nduguɔyidɛn yɔ́ áneé: «Bísílíndínyé kandá wahɔ ond abíág basílíbas báhɔ.» Piéle uwal haná giluna gímɔyɔn yɔ́. Gilúna igíɔ́nduguɔyidɛn yɔ́ áneé: «Bíág gihuya giáhɔ embinidin.» 9Piéle uwahám uguá giansɛ giá mbíne, ubinen gilúna. Gɔgaá, umaságuánan áneé buand ubuɔ́ gilúna gímabá giála búmabá hómohómue, umegedényé áneé búnyɛ nuénígie. 10Abáyal ɔlɔŋ huá begíg huá busió, abándayal huá gáandɛ, ebég agá niíd niá duayɛ iníhámaninaá agá tísɔna. Niíd inigányɛ iniébíbun nímuanyɛ na nímuanyɛ ɔgɔ́b gá busió, abáhám. Bámaágányɛ uguá nígadá, ebéneg agá nsúgie ya gibala, gilúna igíédúmbie guólíginye Piéle. 11Piéle uwedúmbie guɔ́b ubúmegín yɔ́, uwɔyɛd áneé: «Dabdab mmɔ́b, búnyɛ hómohómue áneé Ɔgúná usadɔ́m gilúna giég, gímónd gímésindúgún uguá imbɔ́g siá Helód naá gá gilɔga gidigid igiɛ́, buán buá bayúdɛn búámbá guŋal. » 12Umaámámuɛ́nyɛ udényi huég, uwɛɛ́d agá nihiá niá Malía, noódíe Sáŋa uyɔɔ́ bɔ́ndɔdɔ́ŋɔnaá áneé Málkus. Giod giá bandɔ gímabígúsɛ́d hɔ́ gá bísógólonye. 13Piéle umɔɔ́mɔ́ndídɛ́n agá nibíŋínín, edúmébi ŋŋɔndɛ ya ugándɔ ɔhɛ́n áneé Lóde, uwakɛl gá bun. 14Uwalɛns ugelu huá Piéle. Na ibal ihiɛ́ úmabiá, umesébun nibíŋínín. Gɔgaá, uwond na ɔdɛ́d gá guɛ́d guɔnɔyɛ́d áneé Piéle unyɛ agá nibíŋínín. 15Bandɔ abámabá uguadá obóndinye yɔ́ áneé: «Anyɛ ɔduɔ́duá. » Gɔgaá, uwegindenye na guɔya áneé búnyɛ hómohómue. Báganyɛ gɔg áneé: «Búnyɛ giluna giég.» 16Uguá ginɛŋ giáguɔ́, Piéle uwedúmbenye na guɔ́ndɔn. Bémeémébun gɔ́g, abán Piéle, abábíyíka. 17Piéle uwehégídinye ɔmbɔ́g gá hédenye bɔ́, uwɛɛ́d gá guɔyɔn bɔ́ hana Ɔgúná úmehémie yɔ́ uguá giansɛ giá mbíne. Úmuanyɛ gɔ́b áneé: «Idánánɔ nuɔyidɛn Sák na beliméen básɔ obólbóndeé buónyi ubuɔ. » Uwedúmbie guhám gá guɛ́d hɔɔ́m hódodi.
18Guɔ́m gúmaámábál, nsénsi isímagíga Piéle síganyɛ gá bíyamula, síbíóhon ubuɔ́ Piéle úságuáyɛ. 19Ofuŋ Helód uwádɔ́m bandɔ gá guamba yɔ́, gɔgaá bámasúguán yɔ́. Uwodóŋínye bugaga buá guóhon nsénsi hana búmabídúmbán, uwond uwodóŋínye bugaga buá gueleé bɔ́n siɛ́. Egélém, ofuŋ Helód uwoólígie gibéyi giá guísi giá Yudé gá guɛ́d wenedugúmín Sesalé, uwedúmbie maná ginɛŋ hɔ́.
Nigué niá ofuŋ Helód
20Ofuŋ Helód, umabianán giandá giá gidul na bandɔ bá tísɔna wa Tíl naá wa Sidɔ́ŋ, uliŋenin bɔ́ hómohómue. Bandɔ báguɔ́, abánabígɔ́d gá guɛ́d agá ofuŋ Helód. Abáhám ugelu na Blastús, egíginsúmba ya ofuŋ. Abádigɛn gɔg gá guɛ́d agá ofuŋ Helód gá gueleé báhuánɛn bumbénu, gá giagiá gidɔŋ giɔ́b gímabá giɔ́nda muand gá giá ofuŋ Helód. 21Buɔ́sɛ buá ndán, ofuŋ Helód uwabílaŋa na bisɔn biég biá bufuŋ, uwedugumin egég gá igɔ́y, uwɛɛ́d gá gálgal gá buán. 22Buán búóndonyinye ugelu ugumɔn áneé: «Búnyɛ ugelu huá uhaluá omodi, húdibá huá mɔndɔ!» 23Gɔgaá, gilúna giá Ɔgúná igíédúmbie gugɔ́b ofuŋ Helód gá giagiá, umen guéŋin Uhaluá nigúmi, biyeli ibíágɔns gudɔ́gíla yɔ́, uwegué.
24Gá Nugálɔ nuá Uhaluá númedúmbényé na bísesenye, núguman. 25Mmába hana gá Balnábas neéneg na Sól, bámaámáman buóli buɔ́b Yelusalɛ́m, obósiond ɔlɔŋ na Sáŋa uyɔɔ́ bɔ́ndɔdɔ́ŋɔnaá áneé Málkus.
ទើបបានជ្រើសរើសហើយ៖
Melélíe 12: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Melélíe 12
12
Guɔ́n guá Sák, gigimbine na ginihina giá Piéle
1Uguá ginɛŋ giáguɔ́, ofuŋ Helód uwagɔns gugényigenye Gimbi giá beédébi bá Klístus. 2Uwodóŋínye bugaga buá guɔ́n Sák, gisɔ́nd giá Sáŋa, na nnyémél. 3Haná úmaán áneé bayúdɛn bɔ́guɔ́bɔn beseé na guala guég ugugányɛ, uwondodóŋínye bugaga buá gimbin Piéle. Búmabá uguá ginɛŋ giá gibín giá gilɛ́d giá kanda buanyɛ buá guedigenye oguŋ. 4Helód#12.4 Búmabá Helód wa Aglípa wa busió, ubién huá Helód Antipás. umaámál áneé bégimbin yɔ́, ɔbɔ́nɔh yɔ́ uguá giansɛ giá mbíne. Abág ilɔŋ siá nsénsi íníhi, sig ɔlɔŋ na nsénsi íníhi gá gíga yɔ́, gá giagiá umambá áneé ugélenye yɔ́ agá eŋís ya gidɔŋ gidigid, egélém gá budɔ́mb buá Páska. 5Piéle umabá gɔg uguá giansɛ giá mbíne, gɔgaá bɔ́gɔ́b beédébi bá Klístus bɔ́mɔsɔ́dɔg gubísógólonye Uhaluá gég gá busió.
6Na budúg buá bélie buɔ́sɛ ubuɔ́ Helód úmadán gá gélenye yɔ́ agá gidɔŋ, Piéle umabá ubídíman agá ɔdɛ́m ná ɔdɛ́m huá nsénsi íhandɛ. Umabá gúdágúdá na duoli duá duayɛ dúandɛ, begíg bágíga niíd niá giansɛ giá mbíne. 7Gɔgaá, hɔ́nɔhɔ́ gilúna giá Uhaluá igíáhámínɛn, gibéyi giá giansɛ igiɛ́ Piéle úmabá guɔ́, igíálɛ́ɛg na gise. Giluna igíéyiŋkidin Piéle uguá mebuébue gá huɛnyɛ yɔ́. Gímuanyɛ gég áneé: «Adígɛ́n gunsáns!» Duoli duá duayɛ udúmabá uguég guá imbɔ́g, udúágua. 8Gilúna igíɔ́nduguɔyidɛn yɔ́ áneé: «Bísílíndínyé kandá wahɔ ond abíág basílíbas báhɔ.» Piéle uwal haná giluna gímɔyɔn yɔ́. Gilúna igíɔ́nduguɔyidɛn yɔ́ áneé: «Bíág gihuya giáhɔ embinidin.» 9Piéle uwahám uguá giansɛ giá mbíne, ubinen gilúna. Gɔgaá, umaságuánan áneé buand ubuɔ́ gilúna gímabá giála búmabá hómohómue, umegedényé áneé búnyɛ nuénígie. 10Abáyal ɔlɔŋ huá begíg huá busió, abándayal huá gáandɛ, ebég agá niíd niá duayɛ iníhámaninaá agá tísɔna. Niíd inigányɛ iniébíbun nímuanyɛ na nímuanyɛ ɔgɔ́b gá busió, abáhám. Bámaágányɛ uguá nígadá, ebéneg agá nsúgie ya gibala, gilúna igíédúmbie guólíginye Piéle. 11Piéle uwedúmbie guɔ́b ubúmegín yɔ́, uwɔyɛd áneé: «Dabdab mmɔ́b, búnyɛ hómohómue áneé Ɔgúná usadɔ́m gilúna giég, gímónd gímésindúgún uguá imbɔ́g siá Helód naá gá gilɔga gidigid igiɛ́, buán buá bayúdɛn búámbá guŋal. » 12Umaámámuɛ́nyɛ udényi huég, uwɛɛ́d agá nihiá niá Malía, noódíe Sáŋa uyɔɔ́ bɔ́ndɔdɔ́ŋɔnaá áneé Málkus. Giod giá bandɔ gímabígúsɛ́d hɔ́ gá bísógólonye. 13Piéle umɔɔ́mɔ́ndídɛ́n agá nibíŋínín, edúmébi ŋŋɔndɛ ya ugándɔ ɔhɛ́n áneé Lóde, uwakɛl gá bun. 14Uwalɛns ugelu huá Piéle. Na ibal ihiɛ́ úmabiá, umesébun nibíŋínín. Gɔgaá, uwond na ɔdɛ́d gá guɛ́d guɔnɔyɛ́d áneé Piéle unyɛ agá nibíŋínín. 15Bandɔ abámabá uguadá obóndinye yɔ́ áneé: «Anyɛ ɔduɔ́duá. » Gɔgaá, uwegindenye na guɔya áneé búnyɛ hómohómue. Báganyɛ gɔg áneé: «Búnyɛ giluna giég.» 16Uguá ginɛŋ giáguɔ́, Piéle uwedúmbenye na guɔ́ndɔn. Bémeémébun gɔ́g, abán Piéle, abábíyíka. 17Piéle uwehégídinye ɔmbɔ́g gá hédenye bɔ́, uwɛɛ́d gá guɔyɔn bɔ́ hana Ɔgúná úmehémie yɔ́ uguá giansɛ giá mbíne. Úmuanyɛ gɔ́b áneé: «Idánánɔ nuɔyidɛn Sák na beliméen básɔ obólbóndeé buónyi ubuɔ. » Uwedúmbie guhám gá guɛ́d hɔɔ́m hódodi.
18Guɔ́m gúmaámábál, nsénsi isímagíga Piéle síganyɛ gá bíyamula, síbíóhon ubuɔ́ Piéle úságuáyɛ. 19Ofuŋ Helód uwádɔ́m bandɔ gá guamba yɔ́, gɔgaá bámasúguán yɔ́. Uwodóŋínye bugaga buá guóhon nsénsi hana búmabídúmbán, uwond uwodóŋínye bugaga buá gueleé bɔ́n siɛ́. Egélém, ofuŋ Helód uwoólígie gibéyi giá guísi giá Yudé gá guɛ́d wenedugúmín Sesalé, uwedúmbie maná ginɛŋ hɔ́.
Nigué niá ofuŋ Helód
20Ofuŋ Helód, umabianán giandá giá gidul na bandɔ bá tísɔna wa Tíl naá wa Sidɔ́ŋ, uliŋenin bɔ́ hómohómue. Bandɔ báguɔ́, abánabígɔ́d gá guɛ́d agá ofuŋ Helód. Abáhám ugelu na Blastús, egíginsúmba ya ofuŋ. Abádigɛn gɔg gá guɛ́d agá ofuŋ Helód gá gueleé báhuánɛn bumbénu, gá giagiá gidɔŋ giɔ́b gímabá giɔ́nda muand gá giá ofuŋ Helód. 21Buɔ́sɛ buá ndán, ofuŋ Helód uwabílaŋa na bisɔn biég biá bufuŋ, uwedugumin egég gá igɔ́y, uwɛɛ́d gá gálgal gá buán. 22Buán búóndonyinye ugelu ugumɔn áneé: «Búnyɛ ugelu huá uhaluá omodi, húdibá huá mɔndɔ!» 23Gɔgaá, gilúna giá Ɔgúná igíédúmbie gugɔ́b ofuŋ Helód gá giagiá, umen guéŋin Uhaluá nigúmi, biyeli ibíágɔns gudɔ́gíla yɔ́, uwegué.
24Gá Nugálɔ nuá Uhaluá númedúmbényé na bísesenye, núguman. 25Mmába hana gá Balnábas neéneg na Sól, bámaámáman buóli buɔ́b Yelusalɛ́m, obósiond ɔlɔŋ na Sáŋa uyɔɔ́ bɔ́ndɔdɔ́ŋɔnaá áneé Málkus.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល