2 Kɔlɛŋɛtiɛ́ŋ 8
8
Ŋŋíge gá beédébi bá Yelusalɛ́m
1Beliméen, diɔ́guɔya áneé dínúlinsie magɔg ɔmɔɔ́ Uhaluá úmeéŋín Bimbi biá beédébi bá Klístus biá Maseduán. 2Beédébi abámabá guɔ́, bámabia giod giá meyú igímabá yɔɔ́bídɛ́n hiɔ́b, ta anagányɛ gɔg ibal ihíádɔ́mb bɔ́ bugaga, ebédíye guaba guɔ́b ta haná bámabá basúgasuga ba hómohómue. 3Nnyɛ amaáná, bómodóŋónyé gidám gá ubuɔ́ bámabianán muɛ́d gudɔ́mb, obódóŋonye hɔ́nɔhɔ́. 4Abábiand gudióhón magɔg gá dúmɛ́n beédébi bá gibéyi giá guísi giá yudé ŋŋíge. 5Obódóŋinye gudɔ́mb haná basuá dímegedenyé, abágága gubídóŋinye bámuanyɛ muɛ́d agá Ɔgúná, guond agásɔ gá guɔyɛd guá Uhaluá. 6Buand buáguɔ́ dímobísógólídíe Títe áneé udúmbenye na buóli buá dide bunɛ́m gueneg agá nsúgidinye. 7Haná núnya gɔg nnuɛ́m uguá muand gidigid úmunya áneé: Guágɔdɛ́m, bugéli, nulinsa, giŋkɔlɛm giá kanda nsúgie na ginɔ́nɛ́n igiɛ́ númadáŋáab uguásɔ ánaá núába súsɔ́n giodegiod. 8Ndíɔ́núɔyɔn uguá ihiligine, gɔgaá giŋkɔlɛm giá bɔsɔ́gá igiɛ́ yɔ́yɔnɔ́ gínyɛ gá gueleé nubia giásɛ giá hémie ginɔ́nɛ́n giánɔ agá budányɛ. 9Ɛɛ́ɛ, Nuálinsan magɔg má Ɔgúná Yésuse Klístus, úmabá nnuɛ́m uwobíondie gusɔ́g gánɔ gá busió, gá gueleé uguég guá gusɔ́g nubá nnuɛ́m.
10Nuámɛ nugedie gá buónyi ubugányɛ núnyɛ áneé ubúnya beseé gánɔ búbúényé: Numabá bandɔ bá busió gá gual buand gá beédebi ba Yelusalɛ́m, numabá súsɔ́n bá busió gá gɔ́d buóli buá niaba niáguɔ́ nnyɔ́m imaádɔ́mb. 11Dabdab uyɔ gɔg yíbénénu buóli buá gúsa bunɛ́m uguánɔ guá guɔyɛd na gidám igiɛ́ núgódionu. 12Uguá ginɛŋ igiɛ́ núbídágídɛ́n nuánɔ núnya beseé, bánúgíndígan beseé na ubuɔ́ núgódionu, bádiábíyígan ubuɔ́ núdiábianan. 13Búdibá áneé nubióndie gusɔ́g gá guéŋen bɔsɔ́gá, búnyɛ áneé nubá udényi húmomi. 14Uguá giŋɛŋ igigányɛ umbégíe huánɔ huá hínen húhónonye biásɛ biá abádiabianan. Gá gueleé buɔ́sɛ búmodi umbégíe huɔ́b húhónye biánɔ biásɛ hɔ́ nuánábánɔ́ buand búmomi. 15Hana búnya ubúɔ́ŋɔ́n uguá Ŋŋɔ́ŋɛ áneé: «Umeégíŋé gudeg gudɔ́mb umasábia umbégíe, úmeégíŋé bugídígíd umasábaŋɛd buand.»#8.15 Usa 16.18 16Éŋínénu Uhaluá mbíyigie haná úmaág uguá ɔdɛ́m huá Títe giŋkɔlɛm giáguɔ́ gánɔ gá busió. 17Títe umaádáab ŋŋɔŋina yasɔ, uwedúmbie uwɛɛ́d uguánɔ ta gubídúdúlíd. 18Idiadɔ́m yɔ́ na ndiméen wasɔ omódi uyɔɔ́ Bimbi biá beédébi bá Klístus gidigid bíhínenye gá giagiá weésesenye Ginɔ́g giá Nsɔ́m beseé. 19Andá súsɔ́n, Bimbi biá beédébi bá Klístus bímeyíd yɔ́ gá gueleé ubá giendinyi giásɔ gá uŋand gá guaba ŋŋíge, buóli ubuɔ́ díálanɔ́ gá busió buá nigúmi niá Ɔgúná mbánan naá gá díye ginɔ́g giásɔ giá guɔyɛd. 20Diébídédínye beseé na beseé áneé didibia nsɛg gá guendenye giod giá ŋŋúme igiɛ́ bámadídúgɛ́n igiɛ. 21Diáguamba guala ubúnya beseé, búdibá gɔg pɛ́ŋ agá eŋís ya Ɔgúná, búbá súsɔ́n agá eŋís ya bandɔ. 22Diádɔ́m ndiméen wasɔ nɔɔ́nɔb, ndiméen wasɔ ugányɛ diámánábia giod giá biásɛ gá guág yɔ́ uguá yɔɔ́bídɛ́n, gúu weéménédídíye bugiŋkɔlɛm buég. Dabdab gɔg umányɛ gá díyenye bugiŋkɔlɛm buég guandadɔ́mb gá giagiá waámina giod giá mɔgɔdɛ gánɔ. 23Títe gɔg unyɛ giendinyi giámɛ, sɔ́gá wamɛ wa buóli agánɔ gá buáyɛ. Beliméen básɔ obólbóndeé abánya neéneg, búnyɛ bandɔ ɔbɔɔ́ Gimbi giá beédébi bá Klístus gímadɔ́m gá nigúmi niá Klístus. 24Díyényénu bɔ́ áneé nugódi ginɔ́nɛ́n giá hómohómue, gá gueleé Bimbi biá beédébi bá Klístus bilɛns áneé diégimbe uguá ŋŋɔ́d gá biá ɔduá lágɔlágɔ gánɔ.
ទើបបានជ្រើសរើសហើយ៖
2 Kɔlɛŋɛtiɛ́ŋ 8: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
2 Kɔlɛŋɛtiɛ́ŋ 8
8
Ŋŋíge gá beédébi bá Yelusalɛ́m
1Beliméen, diɔ́guɔya áneé dínúlinsie magɔg ɔmɔɔ́ Uhaluá úmeéŋín Bimbi biá beédébi bá Klístus biá Maseduán. 2Beédébi abámabá guɔ́, bámabia giod giá meyú igímabá yɔɔ́bídɛ́n hiɔ́b, ta anagányɛ gɔg ibal ihíádɔ́mb bɔ́ bugaga, ebédíye guaba guɔ́b ta haná bámabá basúgasuga ba hómohómue. 3Nnyɛ amaáná, bómodóŋónyé gidám gá ubuɔ́ bámabianán muɛ́d gudɔ́mb, obódóŋonye hɔ́nɔhɔ́. 4Abábiand gudióhón magɔg gá dúmɛ́n beédébi bá gibéyi giá guísi giá yudé ŋŋíge. 5Obódóŋinye gudɔ́mb haná basuá dímegedenyé, abágága gubídóŋinye bámuanyɛ muɛ́d agá Ɔgúná, guond agásɔ gá guɔyɛd guá Uhaluá. 6Buand buáguɔ́ dímobísógólídíe Títe áneé udúmbenye na buóli buá dide bunɛ́m gueneg agá nsúgidinye. 7Haná núnya gɔg nnuɛ́m uguá muand gidigid úmunya áneé: Guágɔdɛ́m, bugéli, nulinsa, giŋkɔlɛm giá kanda nsúgie na ginɔ́nɛ́n igiɛ́ númadáŋáab uguásɔ ánaá núába súsɔ́n giodegiod. 8Ndíɔ́núɔyɔn uguá ihiligine, gɔgaá giŋkɔlɛm giá bɔsɔ́gá igiɛ́ yɔ́yɔnɔ́ gínyɛ gá gueleé nubia giásɛ giá hémie ginɔ́nɛ́n giánɔ agá budányɛ. 9Ɛɛ́ɛ, Nuálinsan magɔg má Ɔgúná Yésuse Klístus, úmabá nnuɛ́m uwobíondie gusɔ́g gánɔ gá busió, gá gueleé uguég guá gusɔ́g nubá nnuɛ́m.
10Nuámɛ nugedie gá buónyi ubugányɛ núnyɛ áneé ubúnya beseé gánɔ búbúényé: Numabá bandɔ bá busió gá gual buand gá beédebi ba Yelusalɛ́m, numabá súsɔ́n bá busió gá gɔ́d buóli buá niaba niáguɔ́ nnyɔ́m imaádɔ́mb. 11Dabdab uyɔ gɔg yíbénénu buóli buá gúsa bunɛ́m uguánɔ guá guɔyɛd na gidám igiɛ́ núgódionu. 12Uguá ginɛŋ igiɛ́ núbídágídɛ́n nuánɔ núnya beseé, bánúgíndígan beseé na ubuɔ́ núgódionu, bádiábíyígan ubuɔ́ núdiábianan. 13Búdibá áneé nubióndie gusɔ́g gá guéŋen bɔsɔ́gá, búnyɛ áneé nubá udényi húmomi. 14Uguá giŋɛŋ igigányɛ umbégíe huánɔ huá hínen húhónonye biásɛ biá abádiabianan. Gá gueleé buɔ́sɛ búmodi umbégíe huɔ́b húhónye biánɔ biásɛ hɔ́ nuánábánɔ́ buand búmomi. 15Hana búnya ubúɔ́ŋɔ́n uguá Ŋŋɔ́ŋɛ áneé: «Umeégíŋé gudeg gudɔ́mb umasábia umbégíe, úmeégíŋé bugídígíd umasábaŋɛd buand.»#8.15 Usa 16.18 16Éŋínénu Uhaluá mbíyigie haná úmaág uguá ɔdɛ́m huá Títe giŋkɔlɛm giáguɔ́ gánɔ gá busió. 17Títe umaádáab ŋŋɔŋina yasɔ, uwedúmbie uwɛɛ́d uguánɔ ta gubídúdúlíd. 18Idiadɔ́m yɔ́ na ndiméen wasɔ omódi uyɔɔ́ Bimbi biá beédébi bá Klístus gidigid bíhínenye gá giagiá weésesenye Ginɔ́g giá Nsɔ́m beseé. 19Andá súsɔ́n, Bimbi biá beédébi bá Klístus bímeyíd yɔ́ gá gueleé ubá giendinyi giásɔ gá uŋand gá guaba ŋŋíge, buóli ubuɔ́ díálanɔ́ gá busió buá nigúmi niá Ɔgúná mbánan naá gá díye ginɔ́g giásɔ giá guɔyɛd. 20Diébídédínye beseé na beseé áneé didibia nsɛg gá guendenye giod giá ŋŋúme igiɛ́ bámadídúgɛ́n igiɛ. 21Diáguamba guala ubúnya beseé, búdibá gɔg pɛ́ŋ agá eŋís ya Ɔgúná, búbá súsɔ́n agá eŋís ya bandɔ. 22Diádɔ́m ndiméen wasɔ nɔɔ́nɔb, ndiméen wasɔ ugányɛ diámánábia giod giá biásɛ gá guág yɔ́ uguá yɔɔ́bídɛ́n, gúu weéménédídíye bugiŋkɔlɛm buég. Dabdab gɔg umányɛ gá díyenye bugiŋkɔlɛm buég guandadɔ́mb gá giagiá waámina giod giá mɔgɔdɛ gánɔ. 23Títe gɔg unyɛ giendinyi giámɛ, sɔ́gá wamɛ wa buóli agánɔ gá buáyɛ. Beliméen básɔ obólbóndeé abánya neéneg, búnyɛ bandɔ ɔbɔɔ́ Gimbi giá beédébi bá Klístus gímadɔ́m gá nigúmi niá Klístus. 24Díyényénu bɔ́ áneé nugódi ginɔ́nɛ́n giá hómohómue, gá gueleé Bimbi biá beédébi bá Klístus bilɛns áneé diégimbe uguá ŋŋɔ́d gá biá ɔduá lágɔlágɔ gánɔ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល