2 Kɔlɛŋɛtiɛ́ŋ 7
7
1Beliméen bámɛ ba ginɔ́nɛ́n, haná dígimbenú anam ya ndán ayagányɛ, ánaá díbísuguna basuá muɛ́d biíle gidigid biá mmegu naá biá bɔndɔ, dibínuanan gá bíéye bisámb na bianan bumbíla buá Uhaluá.
Ibal hiá Póle gá busió buá bídun guá bakolɛŋtiɛ́ŋ
2Diagánánɔ uguánɔ guá idɛ́m, diásúgual mɔndɔ gilɔg, diásásigɛd mɔndɔ, diɔ́sɔ́nɔŋnɔŋ buand buá mɔndɔ. 3Búdibá gá núfudie yɔ́yɔnɔ́ buɔ́, gá giagiá nsɔmɔnuguɔyɛd buɔ́: Núnyɛ uguásɔ guá idɛ́m uguá nigué naá uguá nusɔ́da. 4Yɔɔ́dɔ́bígɔ́nɛn ɔduá uguánɔ, ɔduá huámɛ húnyɛ lágɔlágɔ naánanɔ, nnyɛ ohónón na dóndonye, ŋŋódi giandá giá ibal ta haná dínya uguá giod giá meyú. 5Muɛ́d agásɔ gá guɛ́d, gueneg aga tísɔna wa Maseduán dimasábiá nihogidie, gɔgaá, dimaádánádán na bunyɛ meyú. Bidul uguásɔ guá máŋkila, bugádɔ uguadá guásɔ guá idɛ́m. 6Gɔgaá, Uhaluá udombonye ebémesúlúgígíe imbɔ́g, uwodídombie idɛ́m na guólesieg guá Títe. 7Búdibá pɛ́ŋ gég gá guólésieg, gɔgaá gá gidombie igiɛ́ númeéŋín yɔ́, uwodióbie giandá giánɔ giá niída igiɛ́ núgódionu gásɔ na mosínye mánɔ na gilɔŋkɛm giánɔ gámɛ gá busió, buand buáguɔ́ búmal áneé yandabia giandá giá ibal. 8Ɛɛ́ɛ! Mmába yoónúóbígíe na mbɔba yamɛ, ndióbísómonye buɔ́, mmába yoóbísómonye búnyɛ gá gueleé nnúóbígie gá maná ginɛŋ. 9Yaábalaga dabdab, búdibá gɔg gánɔ gá giɔ́bíga, gɔgaá gá gueleé guɔ́bɛ́ɛg ugugányɛ gúal áneé nubídun nunúgie bilɔŋ. Gá giagiá mesígíl mánɔ mábá guɔyɛd guá Uhaluá, anagányɛ gibéyigíbéye giánɔ, dimasánúal ta gilɔg giá buand. 10Gá giagiá mesígíl gá guɔyɛd guá Uhaluá méhúme gubídun uguídanaá naánasɔ uguá gisódie, guond mádínihinɛn gubísómonye. Gɔgaá mesígíl uguá guɔyɛd guá bandɔ bá guísi gúódóŋonye nigué.
11Bíyígánánɔ dabdab buand ubuɔ́ mesígíl, gá guɔyɛd guá Uhaluá méhúmenú uguánɔ. Ɛɛ́ɛ gɔg, kasɛ́ bugunsáns ubuɔ́ númabiá gá bídáŋúnɛn sɔ́gá! Kasɛ́ bubísómónye! Kasɛ́ bubugádɔ! Kasɛ́ buniída! Kasɛ́ bugiŋkɔlɛm! Kasɛ́ bunusésénye! Anagányɛ gɔg núédíyé áneé nunyɛ bisámb uguá buónyi ubuɔ. 12Mmába mmɔnúɔ́ŋɛ́ɛn muɛ́d, búmasábá gá eŋelibilɔga, ta gá uyɔɔ́ bámal gilɔga, gɔgaá mmabá gá núdíye agá eŋís ya Uhaluá, bugilɔŋkɛm ubuɔ́ núgódionu gásɔ.
13Ndénu buand ubúdídóndonye búbugányɛ, disasábiá pɛ́ŋ gidóndonye, diándabálaga gudɔ́mb gá busió buá ibal hiá Títe. Títe uyɔɔ́ banuá gidigid númodombíe ɔdɛ́m. 14Mmába egég gá eŋís mmebíhínényé gánɔ gá busió, mmɔsúguɔ́b ɔduá gunɔ́h, gɔgaá haná díól dínúɔyɔn ginɛŋ gidigid uguá meliŋ, buand ubuɔ́ dímebíhínényé agá buáyɛ buá Títe búmabá súsɔ́n meliŋ. 15Yɛbyɛb weg gánɔ unyɛ hómohómue, búnyɛ andá giandá uguá ginɛŋ igiɛ́ ubídúmenye giɔ́bína giánɔ banuá bem na ninam niá bumbíla na bubílígímin ubuɔ́ númagíndígɛ́n yɔ́ na buɔ́. 16Yaábalaga gá muand gidigid gá giagiá nnyɛ wa mɛn mɔgɔdɛ gánɔ gá busió.
ទើបបានជ្រើសរើសហើយ៖
2 Kɔlɛŋɛtiɛ́ŋ 7: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
2 Kɔlɛŋɛtiɛ́ŋ 7
7
1Beliméen bámɛ ba ginɔ́nɛ́n, haná dígimbenú anam ya ndán ayagányɛ, ánaá díbísuguna basuá muɛ́d biíle gidigid biá mmegu naá biá bɔndɔ, dibínuanan gá bíéye bisámb na bianan bumbíla buá Uhaluá.
Ibal hiá Póle gá busió buá bídun guá bakolɛŋtiɛ́ŋ
2Diagánánɔ uguánɔ guá idɛ́m, diásúgual mɔndɔ gilɔg, diásásigɛd mɔndɔ, diɔ́sɔ́nɔŋnɔŋ buand buá mɔndɔ. 3Búdibá gá núfudie yɔ́yɔnɔ́ buɔ́, gá giagiá nsɔmɔnuguɔyɛd buɔ́: Núnyɛ uguásɔ guá idɛ́m uguá nigué naá uguá nusɔ́da. 4Yɔɔ́dɔ́bígɔ́nɛn ɔduá uguánɔ, ɔduá huámɛ húnyɛ lágɔlágɔ naánanɔ, nnyɛ ohónón na dóndonye, ŋŋódi giandá giá ibal ta haná dínya uguá giod giá meyú. 5Muɛ́d agásɔ gá guɛ́d, gueneg aga tísɔna wa Maseduán dimasábiá nihogidie, gɔgaá, dimaádánádán na bunyɛ meyú. Bidul uguásɔ guá máŋkila, bugádɔ uguadá guásɔ guá idɛ́m. 6Gɔgaá, Uhaluá udombonye ebémesúlúgígíe imbɔ́g, uwodídombie idɛ́m na guólesieg guá Títe. 7Búdibá pɛ́ŋ gég gá guólésieg, gɔgaá gá gidombie igiɛ́ númeéŋín yɔ́, uwodióbie giandá giánɔ giá niída igiɛ́ núgódionu gásɔ na mosínye mánɔ na gilɔŋkɛm giánɔ gámɛ gá busió, buand buáguɔ́ búmal áneé yandabia giandá giá ibal. 8Ɛɛ́ɛ! Mmába yoónúóbígíe na mbɔba yamɛ, ndióbísómonye buɔ́, mmába yoóbísómonye búnyɛ gá gueleé nnúóbígie gá maná ginɛŋ. 9Yaábalaga dabdab, búdibá gɔg gánɔ gá giɔ́bíga, gɔgaá gá gueleé guɔ́bɛ́ɛg ugugányɛ gúal áneé nubídun nunúgie bilɔŋ. Gá giagiá mesígíl mánɔ mábá guɔyɛd guá Uhaluá, anagányɛ gibéyigíbéye giánɔ, dimasánúal ta gilɔg giá buand. 10Gá giagiá mesígíl gá guɔyɛd guá Uhaluá méhúme gubídun uguídanaá naánasɔ uguá gisódie, guond mádínihinɛn gubísómonye. Gɔgaá mesígíl uguá guɔyɛd guá bandɔ bá guísi gúódóŋonye nigué.
11Bíyígánánɔ dabdab buand ubuɔ́ mesígíl, gá guɔyɛd guá Uhaluá méhúmenú uguánɔ. Ɛɛ́ɛ gɔg, kasɛ́ bugunsáns ubuɔ́ númabiá gá bídáŋúnɛn sɔ́gá! Kasɛ́ bubísómónye! Kasɛ́ bubugádɔ! Kasɛ́ buniída! Kasɛ́ bugiŋkɔlɛm! Kasɛ́ bunusésénye! Anagányɛ gɔg núédíyé áneé nunyɛ bisámb uguá buónyi ubuɔ. 12Mmába mmɔnúɔ́ŋɛ́ɛn muɛ́d, búmasábá gá eŋelibilɔga, ta gá uyɔɔ́ bámal gilɔga, gɔgaá mmabá gá núdíye agá eŋís ya Uhaluá, bugilɔŋkɛm ubuɔ́ núgódionu gásɔ.
13Ndénu buand ubúdídóndonye búbugányɛ, disasábiá pɛ́ŋ gidóndonye, diándabálaga gudɔ́mb gá busió buá ibal hiá Títe. Títe uyɔɔ́ banuá gidigid númodombíe ɔdɛ́m. 14Mmába egég gá eŋís mmebíhínényé gánɔ gá busió, mmɔsúguɔ́b ɔduá gunɔ́h, gɔgaá haná díól dínúɔyɔn ginɛŋ gidigid uguá meliŋ, buand ubuɔ́ dímebíhínényé agá buáyɛ buá Títe búmabá súsɔ́n meliŋ. 15Yɛbyɛb weg gánɔ unyɛ hómohómue, búnyɛ andá giandá uguá ginɛŋ igiɛ́ ubídúmenye giɔ́bína giánɔ banuá bem na ninam niá bumbíla na bubílígímin ubuɔ́ númagíndígɛ́n yɔ́ na buɔ́. 16Yaábalaga gá muand gidigid gá giagiá nnyɛ wa mɛn mɔgɔdɛ gánɔ gá busió.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល