2 Kɔlɛŋɛtiɛ́ŋ 9
9
Ŋŋíge gá busió buá beliméen básɔ
1Ndigódi áneé mbísésenye gá nuɔ́ŋɛ́ɛn gá ŋŋíge ya beédébi bá gibéyi giá guísi giá Yudé. 2Yaálinsan beseé na beseé binɔ́g biánɔ biá dugedie, yeébíhínenye gánɔ gá busió agá eŋís ya bandɔ bá Maseduán yɔya áneé: «Beliméen básɔ bá gidide giá Akáyɛ bábá báganyɛ mɔdɔg na dóŋinye yɔb ŋŋíge, guanagɔns nnyɔ́m imaádɔ́mb giod ɔgɔ́b gá gimbi igíáhunyigan gá busió buá giŋkɔlɛm giánɔ.» 3Mmánúdúmɛ́n gɔg beliméen básɔ gá gueleé mpínenyi iyɛɛ́ ŋŋódiónú gánɔ idibá ya gilé. Yaáguamba áneé nubá mɔdɔg hana mmɔyídɛ́n bandɔ bá Maseduán. 4Yeédíne áneé bágásɔ bá Maseduán, bómoól naánamɛ bégégie áneé nudibá mɔdɔg, dianábia ɔduá gunɔ́h, henyé mmabá mmámánámina mɔgɔdɛ gánɔ, nuálinsan súsɔ́n áneé búgabá ɔduá gunɔ́h huánɔ. 5Yaán beseé gɔg áneé mbísógólidie beliméen básɔ áneé bébue uguánɔ guá duhiá gá díde ŋŋíge iyɛɛ́ númadán. Agányɛ, ubuɔ́ núégédíe gudóŋinye búbá mɔdɔg. Yenémésieg ŋŋégie ŋŋíge yanɔ gúságúsá, yénédíye áneé núódóŋínyé yɛ́ na ɔdɛ́m budányɛ, búmasábá uguá magúda. 6Ánaá núlinsan áneé: Unimanɔ́ bugídígíd wonóge súsɔ́n bugídígíd, unimanɔ́ gɔg giod wonóge giod súsɔ́n! 7Ánaá sig mɔndɔ gɔg udóŋínye haná ɔdɛ́m huég húɔ́yɔnɔ́, udóŋínye kendesíŋe agá ɔdɛ́m, kanda magúda gá giagiá Uhaluá wɔɔ́guɔya udóŋónyeé na ibal. 8Uhaluá ugódi bugaga buá núhuán binɔ́g biá muand gidigid giodegiod, gá gueleé nudibaŋɛ́d buɔ́sɛ buand buá beseé nuond nubianan súsɔ́n muand múa guala ŋŋíge. 9Búnyɛ haná Ŋŋɔ́ŋɛ síɔyɔnɔ́ áneé: «Waáguaba, waáhuán basúgasúga hana búámbanɔ́.»#9.9 Gil 112.9 Gindényé giég gíanábá giá ságásagá. 10Uhaluá úweéŋeneé ebuhimanimɛ́d wond woye yɔ́ na mbuŋa. Búnyɛ Uhaluá úweéŋenineé, wanánúhuá mbuhu gidigid isiɛ́ núbaŋanɔ́, wanál áneé gindényé giánɔ gíguman gíhúme giod giá bibɔg. 11Wenénúéye nnuɛ́m siá bandɔ uguá binɛŋ gidigid gá gueleé nubá bandɔ bá ŋŋíge. Anagányɛ bandɔ bágabá gudeg gá huán Uhaluá giod giá mbíyigie gá nusámb nuánɔ unuɔ́ díénédúmbenyinyeé bɔ́. 12Gɔgaá buóli buá guaba ubuɔ́ núalanɔ́ búdibá pɛ́ŋ gá niída niá beédébi, gɔgaá búéguéŋen Uhaluá giod giá nigúmi. 13Uguánɔ guá ginɔ́g giá buóli, giod gíénégúmenye Uhauá gá giɔ́bína igiɛ́ núdíyenyée uguá Ginɔ́g giá Nsɔ́m giá Klístus. Bénébúlúgenye súsɔ́n Uhaluá gánɔ gá mpuán uguá guaba bunɛ́m nɔɔ́nɔb na bɔsɔ́gá gidigid. 14Bónóbísógólonye gánɔ gá busió gá díye beseé uyɔɔ́ bɔ́núɔ́bɔnínaá, gá busió buá giod giá magɔg giá Uhaluá igiɛ́ úmanúhuá. 15Mbíyigie ibá na Uhaluá gég gá mpuán idiábiánán mpónyé.
ទើបបានជ្រើសរើសហើយ៖
2 Kɔlɛŋɛtiɛ́ŋ 9: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
2 Kɔlɛŋɛtiɛ́ŋ 9
9
Ŋŋíge gá busió buá beliméen básɔ
1Ndigódi áneé mbísésenye gá nuɔ́ŋɛ́ɛn gá ŋŋíge ya beédébi bá gibéyi giá guísi giá Yudé. 2Yaálinsan beseé na beseé binɔ́g biánɔ biá dugedie, yeébíhínenye gánɔ gá busió agá eŋís ya bandɔ bá Maseduán yɔya áneé: «Beliméen básɔ bá gidide giá Akáyɛ bábá báganyɛ mɔdɔg na dóŋinye yɔb ŋŋíge, guanagɔns nnyɔ́m imaádɔ́mb giod ɔgɔ́b gá gimbi igíáhunyigan gá busió buá giŋkɔlɛm giánɔ.» 3Mmánúdúmɛ́n gɔg beliméen básɔ gá gueleé mpínenyi iyɛɛ́ ŋŋódiónú gánɔ idibá ya gilé. Yaáguamba áneé nubá mɔdɔg hana mmɔyídɛ́n bandɔ bá Maseduán. 4Yeédíne áneé bágásɔ bá Maseduán, bómoól naánamɛ bégégie áneé nudibá mɔdɔg, dianábia ɔduá gunɔ́h, henyé mmabá mmámánámina mɔgɔdɛ gánɔ, nuálinsan súsɔ́n áneé búgabá ɔduá gunɔ́h huánɔ. 5Yaán beseé gɔg áneé mbísógólidie beliméen básɔ áneé bébue uguánɔ guá duhiá gá díde ŋŋíge iyɛɛ́ númadán. Agányɛ, ubuɔ́ núégédíe gudóŋinye búbá mɔdɔg. Yenémésieg ŋŋégie ŋŋíge yanɔ gúságúsá, yénédíye áneé núódóŋínyé yɛ́ na ɔdɛ́m budányɛ, búmasábá uguá magúda. 6Ánaá núlinsan áneé: Unimanɔ́ bugídígíd wonóge súsɔ́n bugídígíd, unimanɔ́ gɔg giod wonóge giod súsɔ́n! 7Ánaá sig mɔndɔ gɔg udóŋínye haná ɔdɛ́m huég húɔ́yɔnɔ́, udóŋínye kendesíŋe agá ɔdɛ́m, kanda magúda gá giagiá Uhaluá wɔɔ́guɔya udóŋónyeé na ibal. 8Uhaluá ugódi bugaga buá núhuán binɔ́g biá muand gidigid giodegiod, gá gueleé nudibaŋɛ́d buɔ́sɛ buand buá beseé nuond nubianan súsɔ́n muand múa guala ŋŋíge. 9Búnyɛ haná Ŋŋɔ́ŋɛ síɔyɔnɔ́ áneé: «Waáguaba, waáhuán basúgasúga hana búámbanɔ́.»#9.9 Gil 112.9 Gindényé giég gíanábá giá ságásagá. 10Uhaluá úweéŋeneé ebuhimanimɛ́d wond woye yɔ́ na mbuŋa. Búnyɛ Uhaluá úweéŋenineé, wanánúhuá mbuhu gidigid isiɛ́ núbaŋanɔ́, wanál áneé gindényé giánɔ gíguman gíhúme giod giá bibɔg. 11Wenénúéye nnuɛ́m siá bandɔ uguá binɛŋ gidigid gá gueleé nubá bandɔ bá ŋŋíge. Anagányɛ bandɔ bágabá gudeg gá huán Uhaluá giod giá mbíyigie gá nusámb nuánɔ unuɔ́ díénédúmbenyinyeé bɔ́. 12Gɔgaá buóli buá guaba ubuɔ́ núalanɔ́ búdibá pɛ́ŋ gá niída niá beédébi, gɔgaá búéguéŋen Uhaluá giod giá nigúmi. 13Uguánɔ guá ginɔ́g giá buóli, giod gíénégúmenye Uhauá gá giɔ́bína igiɛ́ núdíyenyée uguá Ginɔ́g giá Nsɔ́m giá Klístus. Bénébúlúgenye súsɔ́n Uhaluá gánɔ gá mpuán uguá guaba bunɛ́m nɔɔ́nɔb na bɔsɔ́gá gidigid. 14Bónóbísógólonye gánɔ gá busió gá díye beseé uyɔɔ́ bɔ́núɔ́bɔnínaá, gá busió buá giod giá magɔg giá Uhaluá igiɛ́ úmanúhuá. 15Mbíyigie ibá na Uhaluá gég gá mpuán idiábiánán mpónyé.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល