2 Kɔlɛŋɛtiɛ́ŋ 6
6
1Haná díálanɔ́ buóli neéneg, diénúgínyiginye áneé nudilɔga magɔg ɔmɔɔ́ númadáŋáab agá Uhaluá: 2Gá giagiá wɔɔ́guɔya áneé#6.2 Isa 49.8: «Uguá buɔ́sɛ buá beseé yaáfuna, uguá buɔ́sɛ buá gisódie yeégígenin ɔmbɔ́g.» Ndé ginɛŋ giá beseé igiɛ. Ndé buɔ́sɛ buá gisódie ubuɔ. 3Nugedie nuásɔ núdibá áneé diág mɔndɔ uguá meyú, gá gueleé buóli buásɔ búbá budányɛ. 4Búnyɛ gɔg áneé dibídóŋinye na nsuálál basuá mbánan uguá buand gidigid gá gueleé bádiánan hana mbanda siá bedúmébi bá Uhaluá, buand buáguɔ́ diélimenyeé giɔ́bíga, meyú, nusésényi, 5megide, biansɛ biá mbíne, ombúŋibúŋie, bidɔga, igúle, ŋŋenyi. 6Diébídíyenye hana mbanda siá bedúmébi bá Uhaluá uguásɔ kanda biílé, nulinsa, nubídémbídínyi, ɔdɛ́m beseé, uguá Gileénde giá Budányɛ, mbanda ya ginɔ́nɛ́n, 7uguá nugálɔ nuá meliŋ, uguá buŋaŋa buá Uhaluá, na malaŋ má nuanan naá má bíhɔgɔnhɔgɔn gá gindényé, 8na nigúmi na isíŋa, na mpínényi ya beseé naá ya gilɔg, bɔ́dígɔ́lɔn haná babánbán henyé diɔ́guɔya meliŋ, 9bɔ́digɔ́lɔn hana bényi henyé bádílinsan beseé na beseé, hana diɔ́lɔ́ŋa henyé dinyɛ ɔbɔgɔ́sɛ, bédínúbe henyé bɔ́diɔ́diɔ́na, 10hana uguá mesígíl gɔgaá dinyɛ ginɛŋ gidigid uguá ibal, hómohómue gusɔ́g diond diéyenye bandɔ nnuɛ́m, hana didigódi buand, henyé basuá digódie buá gidigid. 11Diménúbúnin idɛ́m siásɔ hómohómue banuá bakolɛŋtiɛ́ŋ, diánúgálgalɛn uguá gindényé. 12Nugódi ondig uguásɔ guá idɛ́m, gɔgaá búnyɛ banuá mbánan numeébúg idɛ́m siánɔ. 13Yaánúgálgalɛn hana baán bámɛ, alánánɔ hana basuá, ánaá núdíbunin idɛ́m siánɔ giandá banuá súsɔ́n.
Gieyide giá beseé
14Nudibídúgán gidɛ́ gímomi na bindiádába, naánanyá gindényé gínya gíábia ŋŋúsa na buá gilɔg? Naánanyá gise gínya giá guala búlada na mbíne? 15Naánanyá Klístus únya wa guɔ́bɔnɛn na abɛlɛ́bɛl, ugúnya ana kasɛ́ bubuand ubuɔ́ wádáabanaá únya wa guala na gindiádába? 16Kasɛ́ bubúlada idúl hiá Uhaluá hínya híábia naá hiá biaŋana? Gá giagiá basuá dinyɛ idúl hiá Uhaluá wa bugɔ́sia, haná Uhaluá úmɔyɛ́d: «Yanágíga nɔɔ́nɔb, yond yanda nɔɔ́nɔb, yanábá Uhaluá wɔb bámuanyɛ buán buámɛ.»#6.16 Lef 26.12, Ese 37.27 17Buand buáguɔ́ Ɔgúná wɔ́yɔnɔ́ áneé: «Hámánán uguɔ́b guá gimbi nuond nubídándɔ́n, nudibígɔ́dɛ́n ubúnya biíle, yaŋuá yanánúgíndígɛn.#6.17 Isa 52.11 18Ɔgúná wa buŋaŋa gidigid uwonduguɔyɛd áneé:#6.18 Sam 7.14 Yanábá Síe wánɔ, banuá nuanábá baán bámɛ abanúmɔndɔ na abagándɔ.»
ទើបបានជ្រើសរើសហើយ៖
2 Kɔlɛŋɛtiɛ́ŋ 6: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
2 Kɔlɛŋɛtiɛ́ŋ 6
6
1Haná díálanɔ́ buóli neéneg, diénúgínyiginye áneé nudilɔga magɔg ɔmɔɔ́ númadáŋáab agá Uhaluá: 2Gá giagiá wɔɔ́guɔya áneé#6.2 Isa 49.8: «Uguá buɔ́sɛ buá beseé yaáfuna, uguá buɔ́sɛ buá gisódie yeégígenin ɔmbɔ́g.» Ndé ginɛŋ giá beseé igiɛ. Ndé buɔ́sɛ buá gisódie ubuɔ. 3Nugedie nuásɔ núdibá áneé diág mɔndɔ uguá meyú, gá gueleé buóli buásɔ búbá budányɛ. 4Búnyɛ gɔg áneé dibídóŋinye na nsuálál basuá mbánan uguá buand gidigid gá gueleé bádiánan hana mbanda siá bedúmébi bá Uhaluá, buand buáguɔ́ diélimenyeé giɔ́bíga, meyú, nusésényi, 5megide, biansɛ biá mbíne, ombúŋibúŋie, bidɔga, igúle, ŋŋenyi. 6Diébídíyenye hana mbanda siá bedúmébi bá Uhaluá uguásɔ kanda biílé, nulinsa, nubídémbídínyi, ɔdɛ́m beseé, uguá Gileénde giá Budányɛ, mbanda ya ginɔ́nɛ́n, 7uguá nugálɔ nuá meliŋ, uguá buŋaŋa buá Uhaluá, na malaŋ má nuanan naá má bíhɔgɔnhɔgɔn gá gindényé, 8na nigúmi na isíŋa, na mpínényi ya beseé naá ya gilɔg, bɔ́dígɔ́lɔn haná babánbán henyé diɔ́guɔya meliŋ, 9bɔ́digɔ́lɔn hana bényi henyé bádílinsan beseé na beseé, hana diɔ́lɔ́ŋa henyé dinyɛ ɔbɔgɔ́sɛ, bédínúbe henyé bɔ́diɔ́diɔ́na, 10hana uguá mesígíl gɔgaá dinyɛ ginɛŋ gidigid uguá ibal, hómohómue gusɔ́g diond diéyenye bandɔ nnuɛ́m, hana didigódi buand, henyé basuá digódie buá gidigid. 11Diménúbúnin idɛ́m siásɔ hómohómue banuá bakolɛŋtiɛ́ŋ, diánúgálgalɛn uguá gindényé. 12Nugódi ondig uguásɔ guá idɛ́m, gɔgaá búnyɛ banuá mbánan numeébúg idɛ́m siánɔ. 13Yaánúgálgalɛn hana baán bámɛ, alánánɔ hana basuá, ánaá núdíbunin idɛ́m siánɔ giandá banuá súsɔ́n.
Gieyide giá beseé
14Nudibídúgán gidɛ́ gímomi na bindiádába, naánanyá gindényé gínya gíábia ŋŋúsa na buá gilɔg? Naánanyá gise gínya giá guala búlada na mbíne? 15Naánanyá Klístus únya wa guɔ́bɔnɛn na abɛlɛ́bɛl, ugúnya ana kasɛ́ bubuand ubuɔ́ wádáabanaá únya wa guala na gindiádába? 16Kasɛ́ bubúlada idúl hiá Uhaluá hínya híábia naá hiá biaŋana? Gá giagiá basuá dinyɛ idúl hiá Uhaluá wa bugɔ́sia, haná Uhaluá úmɔyɛ́d: «Yanágíga nɔɔ́nɔb, yond yanda nɔɔ́nɔb, yanábá Uhaluá wɔb bámuanyɛ buán buámɛ.»#6.16 Lef 26.12, Ese 37.27 17Buand buáguɔ́ Ɔgúná wɔ́yɔnɔ́ áneé: «Hámánán uguɔ́b guá gimbi nuond nubídándɔ́n, nudibígɔ́dɛ́n ubúnya biíle, yaŋuá yanánúgíndígɛn.#6.17 Isa 52.11 18Ɔgúná wa buŋaŋa gidigid uwonduguɔyɛd áneé:#6.18 Sam 7.14 Yanábá Síe wánɔ, banuá nuanábá baán bámɛ abanúmɔndɔ na abagándɔ.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល