2 Kɔlɛŋɛtiɛ́ŋ 5
5
1Diálinsan gɔg áneé mmába nuɔ́l unuɔ́ dísɔ́dɔnaá uguánɔ uguísi núnyɛ gilal igíanágádigánɔ́, Uhaluá waádígágan giansɛ ugumɔn. Guhág guég gúdianágadɛg buɔ́sɛ, hana uguɔ́ bandɔ bámahág na imbɔ́g siɔ́b. 2Diélúle diond diségíme na niída áneé dibídɔ́bígɛn gisɔn gímodi ugumɔn, igínya giansɛ giásɔ igínya ugumɔn, 3beseé áneé Uhaluá udígégie disɔbísɔn gudɔ́mb áneé udígégie nuɔ́l gudɔɔ́. 4Uguá ginɛŋ igiɛ́ dímanyaá gá gíga uguá gilal giásɔ giá guísi, diéségíme na ginɔ́h, búnyɛ nɔ́, didiáguamba áneé dibídúgún gisɔn giásɔ, dibíɔ́hígɛn gímodi gá gueleé nuɔ́l nuá nusɔ́da númɛn unúyigánɔ. 5Búnyɛ Uhaluá úmaádídánɛ́n, úwadiádáabɛn Gileénde haná mpuán ya beseé iyɛɛ́ úmadígíŋígínɛ́n. 6Dinyɛ gɔg ginɛŋ gidigid obóhón na mina mɔgɔdɛ, diálinsan gɔg áneé uguá ginɛŋ igiɛ́ dígíganɔ́ uguá nuɔ́l unuɔ, dinyɛ gá usal, hádɛ na Ɔgúná. 7Diáguanda gɔg uguá guágɔdɛ́m, búdibá uguá bilɔŋ bíaguánan. 8Ɛɛ́ɛ, dinyɛ obóhónón na mina mɔgɔdɛ, gúu diánanaá beseé áneé diólígie uguá nuɔ́l unuɔ, gá guɛ́d gá gíga mɔdɔg na Ɔgúná. 9Ɛɛ́ɛ, Ta digíga uguá nuɔ́l unuɔ, ta búbá áneé disoólígie uguá nuɔ́, beseé unyɛ áneé diɔ́bígɔn Ɔgúná uguá eŋís. 10Gá giagiá uguá buɔ́sɛ buá súmba bisan, basuá gidigid dianádúmbanɛn gindambanyá agá Klístus gá gueleé sig mɔndɔ udáŋáab bisuɛ́n biég, ta biá beseé, ta biá gilɔg uguá ginɛŋ igiɛ́ úmabá eguísi aga.
Buóli buá bíaŋanan
11Diálinsan ubúnya áneé gudíne Ɔgúná, diáguamba gɔg gudónda bandɔ, guond dinyɛ gindambanyá agá Uhaluá, yeégedenye áneé uguada guánɔ guá meneé nuálinsan nɔ́ súsɔ́n. 12Diánduguamba áneé dibísúgídɛn gánɔ, gɔgaá diáguamba gunúhuá giásɛ gá gueleé núɔ́bɔn ibal naánasɔ, agányɛ nubádabiá ŋŋondínyi gá bandɔ ebébídíyenyeé gá muand umuɔ́ nuánanaá nsíndisindia, búdibá muand umúnya agá ɔdɛ́m. 13Mmába dimabá kanda nugedie búmabá gá busió buá Uhaluá, súsɔ́n mmába digódi nugedie búnyɛ gánɔ. 14Ginɔ́nɛ́n giá Klístus gíédígimbe agásɔ gá ɔdɛ́m, dímébídúmenye áneé mɔndɔ omómi umegué gásɔ gidigid, tábɔ́ áneé dimegué gɔg basuá gidigid súsɔ́n neéneg. 15Uwond uwegué gá bandɔ gidigid, gá gueleé bandɔ gidigid ɔbɔ́sɔ́dɔɔnaá, bɔ́diɔndɔ́sɔ́dɔn gɔ́b gá busió mbánan, gɔgaá gá umeégué uwond uwahám uguá gibɛ́l gɔ́b gá busió. 16Gugɔns dabdab, didiándalinsan mɔndɔ uguá bilɔŋ biá bunyɛ mɔndɔ, mmába dimálɛns Klístus uguá bilɔŋ biá bunyɛ mɔndɔ, dabdab didiándalinsan yɔ́ uguá bubilɔŋ ubugányɛ. 17Súsɔ́n mɔndɔ úmábá abígúdán uguá Klístus, uganyɛ giaŋana igigɔ́sɛ, muand muá nsuá músamanadɔ́mb, muand umugɔ́sɛ músɔmɔnɔgɔ́l ondig. 18Buá gidigid buóguólónin agá Uhaluá umaádíaŋán neéneg uguá Klístus, uwond uwadíhuá buóli buá bíáŋanan. 19Gá meliŋ, Uhaluá umabíaŋan na bandɔ gidigid uguá Klístus, udiándabíyígan bigua biɔ́b, uwadídúgɛn gusesenye nugálɔ nuá gibíaŋana. 20Dinyɛ medenyi ma Klístus, búnyɛ Uhaluá udúmbaninaá uguásɔ gá núdɔ́ŋɔn, búnyɛ uguá ɔhɛ́n huáguɔ́ huá Klístus, dínúbísógólónye áneé núbínihɛn gá bíaŋan na Uhaluá. 21Klístus úmaádial gifal, Uhaluá uwadúgɛn yɔ́ gifal giásɔ, gá gueleé uguég dibá gindényé agá Uhaluá.
ទើបបានជ្រើសរើសហើយ៖
2 Kɔlɛŋɛtiɛ́ŋ 5: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
2 Kɔlɛŋɛtiɛ́ŋ 5
5
1Diálinsan gɔg áneé mmába nuɔ́l unuɔ́ dísɔ́dɔnaá uguánɔ uguísi núnyɛ gilal igíanágádigánɔ́, Uhaluá waádígágan giansɛ ugumɔn. Guhág guég gúdianágadɛg buɔ́sɛ, hana uguɔ́ bandɔ bámahág na imbɔ́g siɔ́b. 2Diélúle diond diségíme na niída áneé dibídɔ́bígɛn gisɔn gímodi ugumɔn, igínya giansɛ giásɔ igínya ugumɔn, 3beseé áneé Uhaluá udígégie disɔbísɔn gudɔ́mb áneé udígégie nuɔ́l gudɔɔ́. 4Uguá ginɛŋ igiɛ́ dímanyaá gá gíga uguá gilal giásɔ giá guísi, diéségíme na ginɔ́h, búnyɛ nɔ́, didiáguamba áneé dibídúgún gisɔn giásɔ, dibíɔ́hígɛn gímodi gá gueleé nuɔ́l nuá nusɔ́da númɛn unúyigánɔ. 5Búnyɛ Uhaluá úmaádídánɛ́n, úwadiádáabɛn Gileénde haná mpuán ya beseé iyɛɛ́ úmadígíŋígínɛ́n. 6Dinyɛ gɔg ginɛŋ gidigid obóhón na mina mɔgɔdɛ, diálinsan gɔg áneé uguá ginɛŋ igiɛ́ dígíganɔ́ uguá nuɔ́l unuɔ, dinyɛ gá usal, hádɛ na Ɔgúná. 7Diáguanda gɔg uguá guágɔdɛ́m, búdibá uguá bilɔŋ bíaguánan. 8Ɛɛ́ɛ, dinyɛ obóhónón na mina mɔgɔdɛ, gúu diánanaá beseé áneé diólígie uguá nuɔ́l unuɔ, gá guɛ́d gá gíga mɔdɔg na Ɔgúná. 9Ɛɛ́ɛ, Ta digíga uguá nuɔ́l unuɔ, ta búbá áneé disoólígie uguá nuɔ́, beseé unyɛ áneé diɔ́bígɔn Ɔgúná uguá eŋís. 10Gá giagiá uguá buɔ́sɛ buá súmba bisan, basuá gidigid dianádúmbanɛn gindambanyá agá Klístus gá gueleé sig mɔndɔ udáŋáab bisuɛ́n biég, ta biá beseé, ta biá gilɔg uguá ginɛŋ igiɛ́ úmabá eguísi aga.
Buóli buá bíaŋanan
11Diálinsan ubúnya áneé gudíne Ɔgúná, diáguamba gɔg gudónda bandɔ, guond dinyɛ gindambanyá agá Uhaluá, yeégedenye áneé uguada guánɔ guá meneé nuálinsan nɔ́ súsɔ́n. 12Diánduguamba áneé dibísúgídɛn gánɔ, gɔgaá diáguamba gunúhuá giásɛ gá gueleé núɔ́bɔn ibal naánasɔ, agányɛ nubádabiá ŋŋondínyi gá bandɔ ebébídíyenyeé gá muand umuɔ́ nuánanaá nsíndisindia, búdibá muand umúnya agá ɔdɛ́m. 13Mmába dimabá kanda nugedie búmabá gá busió buá Uhaluá, súsɔ́n mmába digódi nugedie búnyɛ gánɔ. 14Ginɔ́nɛ́n giá Klístus gíédígimbe agásɔ gá ɔdɛ́m, dímébídúmenye áneé mɔndɔ omómi umegué gásɔ gidigid, tábɔ́ áneé dimegué gɔg basuá gidigid súsɔ́n neéneg. 15Uwond uwegué gá bandɔ gidigid, gá gueleé bandɔ gidigid ɔbɔ́sɔ́dɔɔnaá, bɔ́diɔndɔ́sɔ́dɔn gɔ́b gá busió mbánan, gɔgaá gá umeégué uwond uwahám uguá gibɛ́l gɔ́b gá busió. 16Gugɔns dabdab, didiándalinsan mɔndɔ uguá bilɔŋ biá bunyɛ mɔndɔ, mmába dimálɛns Klístus uguá bilɔŋ biá bunyɛ mɔndɔ, dabdab didiándalinsan yɔ́ uguá bubilɔŋ ubugányɛ. 17Súsɔ́n mɔndɔ úmábá abígúdán uguá Klístus, uganyɛ giaŋana igigɔ́sɛ, muand muá nsuá músamanadɔ́mb, muand umugɔ́sɛ músɔmɔnɔgɔ́l ondig. 18Buá gidigid buóguólónin agá Uhaluá umaádíaŋán neéneg uguá Klístus, uwond uwadíhuá buóli buá bíáŋanan. 19Gá meliŋ, Uhaluá umabíaŋan na bandɔ gidigid uguá Klístus, udiándabíyígan bigua biɔ́b, uwadídúgɛn gusesenye nugálɔ nuá gibíaŋana. 20Dinyɛ medenyi ma Klístus, búnyɛ Uhaluá udúmbaninaá uguásɔ gá núdɔ́ŋɔn, búnyɛ uguá ɔhɛ́n huáguɔ́ huá Klístus, dínúbísógólónye áneé núbínihɛn gá bíaŋan na Uhaluá. 21Klístus úmaádial gifal, Uhaluá uwadúgɛn yɔ́ gifal giásɔ, gá gueleé uguég dibá gindényé agá Uhaluá.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល