1 Kɔlɛŋɛtiɛ́ŋ 8
8
Bidúg ibiɛ́ básúmbaninaá biaŋana
1Gá busió buá bidúg ibiɛ́ básúmbanɔ́ gá silɛ́ɛg gá biaŋana, basuá gidigid, diényi, digódi nulinsa. Nulinsa nuóguóbonyinye, gɔgaá, ginɔ́nɛ́n gíáhága. 2Mɔndɔ úmégedenye áneé waálinsan buand, udiálinsan haná únigimanaá na lɛns. 3Gɔgaá, mɔndɔ úmɔ́ya Uhaluá, Uhaluá waálinsan yɔ́. 4Kásɛ, dinyɛ dianyánan gɔg mɔlɔ́g má bidúg ibiɛ́ dísílíganinaá biaŋana a? Diálinsan áneé ta giaŋana gímomi gídibá eguísi aga, guond Uhaluá unyɛ pɛ́ŋ omoómi. 5Gá giagiá, ta ɔbɔɔ́ bɔ́dɔ́ŋɔ́naá áneé buhaluá ta eguísi ta ugumɔn henyé na buhaluá na bɔgúná bányɛ giod, 6digódi Uhaluá pɛ́ŋ omoómi, unyaá Síe, uyɔɔ́ buand gidigid buólonineé, uyɔɔ́ dídaninaá, Ɔgúná súsɔ́n omoómi, Yésuse Klístus, uyɔɔ́ buand gidigid búnya, uyɔɔ́ dínya uguég. 7Gɔgaá, bámuanyɛ gidigid bódigódi nulinsa. Bómodi, abámanyaá na bilɔŋ biá guídónoólónín agá biaŋana, bányanan mɔlɔ́g má bidúg ibiɛ́ básílíganinaá biaŋana hana díódóŋonye mɔ́ hómohómue gá busió buá biaŋana biáguɔ́, bugaga buɔ́b buá salɔn naá buá gilɔg naá buá beseé, súsɔ́n hana búnya bugué, búnyɛ na biíle. 8Búdibá gunyá gúgúanálanɔ́ áneé dibá mɔdɔg na Uhaluá: dímádidinyá, didiánábá uguélém, dimányá, didianábá uguá busió. 9Gɔgaá, nubídédínye áneé ibembi hiáguɔ́, ihínya hiánɔ, hídiduá giásɛ gá gusie beguégué. 10Gá giagiá, eguégué uságuán, aŋuá ogódiónu nulinsa, dugumine uguá gigúl giá biaŋana, eguégué uságuán ugódi bugaga buá saluna naá buá beseé naá buá gilɔg, bugué buég búénédidigén yɔ́ áneé unyánan bidúg ibiɛ́ básásílígɛn biaŋana. 11Nɔ́ súsɔ́n uguáhɔ guá nulinsa, eguégué wa eŋédébi waágadigan. 12Uguá ginɛŋ igiɛ́ núálanɔ́ bilɔga gá beliméen bánɔ, nuond nuádáaban bɔ́ uguɔ́b guá bugaga buá saluna naá buá beseé naá buá gilɔg ubúnya bugué, búnyɛ Klístus núálanɔ́ bilɔga. 13Hɔɔ́m háguɔ́ búnya áneé, buand buá nyá búmabá buégusie ndiméen wamɛ, yanádáab áneé yen gunyá bulɔ́g ubuɔ́ básásilɛ́ɛg busió gidigid na gueleé áneé ndiméen wamɛ udigua uguá gilɔga.
ទើបបានជ្រើសរើសហើយ៖
1 Kɔlɛŋɛtiɛ́ŋ 8: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
1 Kɔlɛŋɛtiɛ́ŋ 8
8
Bidúg ibiɛ́ básúmbaninaá biaŋana
1Gá busió buá bidúg ibiɛ́ básúmbanɔ́ gá silɛ́ɛg gá biaŋana, basuá gidigid, diényi, digódi nulinsa. Nulinsa nuóguóbonyinye, gɔgaá, ginɔ́nɛ́n gíáhága. 2Mɔndɔ úmégedenye áneé waálinsan buand, udiálinsan haná únigimanaá na lɛns. 3Gɔgaá, mɔndɔ úmɔ́ya Uhaluá, Uhaluá waálinsan yɔ́. 4Kásɛ, dinyɛ dianyánan gɔg mɔlɔ́g má bidúg ibiɛ́ dísílíganinaá biaŋana a? Diálinsan áneé ta giaŋana gímomi gídibá eguísi aga, guond Uhaluá unyɛ pɛ́ŋ omoómi. 5Gá giagiá, ta ɔbɔɔ́ bɔ́dɔ́ŋɔ́naá áneé buhaluá ta eguísi ta ugumɔn henyé na buhaluá na bɔgúná bányɛ giod, 6digódi Uhaluá pɛ́ŋ omoómi, unyaá Síe, uyɔɔ́ buand gidigid buólonineé, uyɔɔ́ dídaninaá, Ɔgúná súsɔ́n omoómi, Yésuse Klístus, uyɔɔ́ buand gidigid búnya, uyɔɔ́ dínya uguég. 7Gɔgaá, bámuanyɛ gidigid bódigódi nulinsa. Bómodi, abámanyaá na bilɔŋ biá guídónoólónín agá biaŋana, bányanan mɔlɔ́g má bidúg ibiɛ́ básílíganinaá biaŋana hana díódóŋonye mɔ́ hómohómue gá busió buá biaŋana biáguɔ́, bugaga buɔ́b buá salɔn naá buá gilɔg naá buá beseé, súsɔ́n hana búnya bugué, búnyɛ na biíle. 8Búdibá gunyá gúgúanálanɔ́ áneé dibá mɔdɔg na Uhaluá: dímádidinyá, didiánábá uguélém, dimányá, didianábá uguá busió. 9Gɔgaá, nubídédínye áneé ibembi hiáguɔ́, ihínya hiánɔ, hídiduá giásɛ gá gusie beguégué. 10Gá giagiá, eguégué uságuán, aŋuá ogódiónu nulinsa, dugumine uguá gigúl giá biaŋana, eguégué uságuán ugódi bugaga buá saluna naá buá beseé naá buá gilɔg, bugué buég búénédidigén yɔ́ áneé unyánan bidúg ibiɛ́ básásílígɛn biaŋana. 11Nɔ́ súsɔ́n uguáhɔ guá nulinsa, eguégué wa eŋédébi waágadigan. 12Uguá ginɛŋ igiɛ́ núálanɔ́ bilɔga gá beliméen bánɔ, nuond nuádáaban bɔ́ uguɔ́b guá bugaga buá saluna naá buá beseé naá buá gilɔg ubúnya bugué, búnyɛ Klístus núálanɔ́ bilɔga. 13Hɔɔ́m háguɔ́ búnya áneé, buand buá nyá búmabá buégusie ndiméen wamɛ, yanádáab áneé yen gunyá bulɔ́g ubuɔ́ básásilɛ́ɛg busió gidigid na gueleé áneé ndiméen wamɛ udigua uguá gilɔga.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល