1 Kɔlɛŋɛtiɛ́ŋ 7
7
Biondínyi biá Póle gá busió buá nuɔ́ndɔ́n
1Dabdab gɔg, ánaá díɔya buónyi ubuɔ́ númoŋóhún uguánɔ guá mbɔba, ubúmabá áneé: búnyɛ beseé áneé ɔnúmɔndɔ ugíga kanda ugándɔ. 2Gá gueleé ɔnúmɔndɔ udinínábá, búóguóhon áneé sig ɔnúmɔndɔ ubia ugándɔ weg, sig ugándɔ súsɔ́n ubia ɔnɛ́m weg. 3Ánaá ɔnúmɔndɔ wála busɔ́m buá ugányɛ, ugándɔ wala súsɔ́n buá ɔnɛ́m. 4Ugándɔ udibá wa guala buand ubuɔ́ wɔ́yɔnɔ́ na nuɔ́l nuég, gá giagiá núnyɛ nuá ɔnɛ́m. Bilɔŋ bímomi gá ɔnúmɔndɔ, udigódie áneé wala hana wɔ́yɔnɔ́ na nuɔ́l nuég núnyɛ nuá ugányɛ weg. 5Nudibéndénín ɔmbɛ́d. Esíe uguá ginɛŋ igiɛ́ nuámbanɔ́ gubísógólonye, nuhám gɔg ugelu banuá bem áneé nuagudándúgan gá maná ginɛŋ. Egélém agányɛ nuonduguond ɔlɔŋ, kanda nɔ́ nudibá nuá guɔ́d guhigenin duɔ́l duánɔ, Sátan udiasíbia giásɛ giá núɔ́bídɔn.
6Ubuɔ́ yɔ́yɔnɔ́ ubugányɛ, búdibá gá núgúda naá buɔ́, búnyɛ ŋŋil ímodi nnúdíyenyeé. 7Yaŋuá muɛ́d yaáguamba áneé mɔndɔ gidigid ubá hana yaŋuá ana, gúu gɔg sig mɔndɔ waádáŋáaba mpuán ya magɔg iyɛɛ́ Uhaluá weéŋeneé yɔ́, weéŋin uyɔ ubuɔ weneéŋín unó ubúnó.
8Mmɔyídɛ́n abádiabá gá nuɔ́ndɔ́n na bisí áneé, númɔ́lɔb hana yaŋuá, búnyɛ beseé nsesi gánɔ gá busió. 9Mmába nudibá nua higenin gɔg duɔ́l duánɔ, nuɔ́ndɔ́nɔndɔn, beseé abá gá nuɔ́ndɔ́n, gudɔ́mb áneé núgíga na gunɛ́n 10Gá busió buá abánya gá nuɔ́ndɔ́n yendensilidin gá buɔ́, ɛ́ɛɛ́, búdibá yaŋuá gɔgaá, búnyɛ Ɔgúná úwɔyɔnɔ́ áneé: ugándɔ udidándúgán na ɔnɛ́m. 11Úmólígie gá nuɔ́ndɔ́n, ugiga buéŋenyi, ugúnya ana ubíaŋan na ɔnɛ́m. Súsɔ́n ɔnɛ́m udihémíe ugányɛ weg.
12Gá ubúólbuóndeé, mmɔyɛ́d áneé búnyɛ guɔyɛd guámɛ gúdibá guá Ɔgúná, ndiméen wasɔ úmábianan ugándɔ unyaá gindiádába, úmélimenye gugíga neéneg udihémíe yɔ́. 13Bilɔŋ bímomi gá ugándɔ, ɔnɛ́m umábá gindiádába, úmélimenye gugíga neéneg, udien yɔ́. 14Gá giagiá ɔnúmɔndɔ udiágán ɔdɛ́m unyɛ osiolón gá gueleé unyɛ abíládánɔ na ugándɔ uwaáganaá ɔdɛ́m, bilɔŋ bímomi na ugándɔ udiágán ɔdɛ́m unyɛ osiolón gá giagiá unyɛ abíládánɔ na ɔnúmɔndɔ uwaáganaá ɔdɛ́m, kandabá nɔ́ késie baán bánɔ bányɛ hádɛ na Uhaluá henyé gɔg áneé bányɛ bisámb. 15Ginɛŋ gímodi gɔg, mmába sɔ́gá údiágán ɔdɛ́m wɔɔ́guɔya guólígie, wɛɛ́d gilé, uguá bilɔŋ ibigányɛ, uwaáganaá ɔdɛ́m, ta ɔnúmɔndɔ ta ugándɔ bádándúgan, gá giagiá Uhaluá wɔɔ́núdɔ́ŋɔn gá gíga uguá bumbénu. 16Aŋuá ugándɔ aáganaá ɔdɛ́m ugányɛ, kásɛ búnyɛ hómohómue áneé anyɛ wa sódie ɔnɛ́m wahɔ a? Aŋuá ɔnúmɔndɔ aáganaá ɔdɛ́m anyɛ wa sódie ugányɛ wahɔ a?
Ɔdɔ́ŋína huá Uhaluá húdiénúgenye gubá guá mɔndɔ
17Uguá ginɛŋ igiɛ́ Ɔgúná úmɔ́núdɔ́ŋɛ́ɛn, numabá uguá udényi uhuɔ́ Uhaluá mbánan úmanúág gá huɔ́, buɔ́ yɔ́yɔnaá Bimbi biá Beédébi bá Klístus gidigid. 18Omodi úmabá uganyɛ aŋansán uguá ginɛŋ igiɛ́ úmabiá ɔdɔ́ŋína? Udinamb nuansana nuég, omodi úmabá umanyɛ udibíans, udibíans. 19Nuansana núdibá ta buand, kandabíansa súsɔ́n udibá buand, buand ubúnya hɔ́ búbúnya gugimbe gibídína giá Uhaluá 20Anaá sig mɔndɔ ugíga uguá udényi uhuɔ́ Uhaluá úmégégíe yɔ́ na huɔ́, uguá ginɛŋ igiɛ́ úmɔ́dɔ́ŋɛ́ɛn yɔ́. 21Ámabá giɔ́lɛ uguá ginɛŋ igiɛ́ bɔ́mɔ́dɔ́ŋɛ́ɛn a? Edibísésényé gɔg gá buɔ́, mmába anyɛ wa bá uguá ibembi, ɔɔ́b beseé. 22Ɛɛ́ɛ, giɔ́lɛ igiɛ́ ɔgúná úmɔ́dɔ́ŋɛ́ɛn gímond mɔndɔ wa ibembi, wɔɔ́gɔ́bɔnɛn na Ɔgúná. Anagányɛ súsɔ́n mɔndɔ wa ibembi uyɔɔ́ Ɔgúná úmɔ́dɔ́ŋɛ́ɛn waáyɛ giɔ́lɛ giá Klístus 23Uhaluá umɔnuɔ́nda biɔŋɔ́n gulal nsesi gá núháŋ gá nuóndie uguá ibembi, nudiáyɛ gɔg biɔ́lɛ biá bɔsɔ́gá bandɔ. 24Beliméen, ánaá sig mɔndɔ ugíga agá busió buá Uhaluá hana úmégégíe yɔ́, uguá ginɛŋ igiɛ́ úmɔ́dɔ́ŋɛ́ɛn yɔ́.
Ubúbíyiganaá abádiabá gá duɔ́ndɔ́n, bisɔg, na bisí
25Gá ubúbíyiganaá mpúge na mmeŋe, ndigódi bugaga buá Ɔgúná gá buɔ́: búnyɛ nugedie nuámɛ ndóŋónye, nugedie nuá mɔndɔ uyɔɔ́ Ɔgúná úmaán bulɔ́b, uwond uwaág yɔ́ niíd ndónye. 26Yeégedenye áneé búnyɛ beseé gá busió buá meyú amánya dabdab, ɛɛ́ɛ, búnyɛ beseé áneé agíga haná ánya. 27Ogódi ugándɔ a? Adiambá gudándúgan neéneg, adibá na ugándɔ a? Adiambá gubia ugándɔ. 28Mmába ɔsɔdɔ́ga ugándɔ amásúgual gigua. Guond mpúge na mmeŋe imɛɛ́d gá nuɔ́ndɔ́n imasúgual gilɔga, gɔgaá bandɔ abánya nyaá gá duɔ́ndɔ́n bánádánadan na bigaga biá muɔ́bídɛ́n uguɔ́b guá mɔɔ́sɛ má nusɔ́da gidigid. Yaŋuá yaáguamba áneé nudádɔ́g yɔɔ́bídɛ́n ihigányɛ. 29Bídɔ́lígɔ́nɔ́nɔ́n ubuɔ́ yaŋuá nnúɔyɔnaá beliméen bámɛ: ginɛŋ igigányɛ gínyɛ bulúg, gugɔns hínen guɛ́d na busió abánya na bagándɔ bábá hana bódigódonyi bagándɔ. 30Abábaŋanɔ́ bábá hana bádiábaŋa, abábalaganɔ́ bábá hana bádiábalaga, ɔbɔ́ndɔ́nɔ bábá hana bádiábianan. 31Abábiananaá binám biá guísi, bágíga hana bádiábianan búmbúm gá giagiá muand muá guísi guá hínen múádúmban. 32Yaáguamba áneé nuólígie uguá mesígíl. Udiábá gá nuɔ́ndɔ́n waáguala muand umuɔ́bígɔnaá Ɔgúná, waáguamba áneé Ɔgúná wɔɔ́bɔnɛn yɔ́ beseé. 33Únyaá gá nuɔ́ndɔ́n gɔg ugódi mesígíl má muand muá guísi, waáguamba pɛ́ŋ áneé ugányɛ weg wɔɔ́bɔnɛn yɔ́ beseé, 34agányɛ waábíába. Ugándɔ udiábá gá nuɔ́ndɔ́n, ugúnya ana mpúge na mmeŋe, báguala muand muá Ɔgúná, bámba gubídóŋónye gég búmbúm. Ugándɔ unyaá gá nuɔ́ndɔ́n waáguala muand muá guísi, wamba pɛ́ŋ áneé ɔnɛ́m uhínenye yɔ́.
35Yɔɔ́núɔ́yɔn buɔ́ gá beseé wánɔ búdibá gá núdámba. Yaáguamba áneé nueyid ŋŋil ya beseé yabá na inaáná na gigeégedíe na Ɔgúná kanda niaba. 36Mmába mɔndɔ ugódi gisɔg giég, gúu ɔdɛ́m huég húdúmanaá yɔ́ áneé ugɔ́d nuɔ́ndɔ́n nuég, ánaá waál haná ɔdɛ́m huég húɔ́yɔnɔ́, udiáguala gilɔga. 37Gɔgaá, ginɛŋ igiɛ́ mɔndɔ uségimbin egég gá ɔdɛ́m kandabá uguá magúda, úwalanɔ́ guɔyɛd guég uguɔ́ úsébígimbin agá ɔdɛ́m áneé ubúlúgenye gisɔg giég, ugányɛ wanála beseé. 38Gúu, usɔ́guɔ́ndɔ́nɔndɔn na gisɔg giég umáal beseé, uséguen guɔ́ndɔ́nɔndɔn wánduguala beseé guandadɔ́mb. 39Ugándɔ unyɛ gá nuɔ́ndɔ́n na ɔnɛ́m gá busió gidigid. Ɔnɛ́m weg úmégué unyɛ wa guɛ́d gá nuɔ́ndɔ́n agá mɔndɔ odoódi uyɔɔ́ wɔ́yɔnɔ́, ubá gɔg uguá Ɔgúná. 40Uguámɛ guá nugedie ugabá beseé guandadɔ́mb úmésíen gisí, yeégedenye áneé yaŋuá súsɔ́n ŋŋódi Gileénde giá Uhaluá.
ទើបបានជ្រើសរើសហើយ៖
1 Kɔlɛŋɛtiɛ́ŋ 7: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
1 Kɔlɛŋɛtiɛ́ŋ 7
7
Biondínyi biá Póle gá busió buá nuɔ́ndɔ́n
1Dabdab gɔg, ánaá díɔya buónyi ubuɔ́ númoŋóhún uguánɔ guá mbɔba, ubúmabá áneé: búnyɛ beseé áneé ɔnúmɔndɔ ugíga kanda ugándɔ. 2Gá gueleé ɔnúmɔndɔ udinínábá, búóguóhon áneé sig ɔnúmɔndɔ ubia ugándɔ weg, sig ugándɔ súsɔ́n ubia ɔnɛ́m weg. 3Ánaá ɔnúmɔndɔ wála busɔ́m buá ugányɛ, ugándɔ wala súsɔ́n buá ɔnɛ́m. 4Ugándɔ udibá wa guala buand ubuɔ́ wɔ́yɔnɔ́ na nuɔ́l nuég, gá giagiá núnyɛ nuá ɔnɛ́m. Bilɔŋ bímomi gá ɔnúmɔndɔ, udigódie áneé wala hana wɔ́yɔnɔ́ na nuɔ́l nuég núnyɛ nuá ugányɛ weg. 5Nudibéndénín ɔmbɛ́d. Esíe uguá ginɛŋ igiɛ́ nuámbanɔ́ gubísógólonye, nuhám gɔg ugelu banuá bem áneé nuagudándúgan gá maná ginɛŋ. Egélém agányɛ nuonduguond ɔlɔŋ, kanda nɔ́ nudibá nuá guɔ́d guhigenin duɔ́l duánɔ, Sátan udiasíbia giásɛ giá núɔ́bídɔn.
6Ubuɔ́ yɔ́yɔnɔ́ ubugányɛ, búdibá gá núgúda naá buɔ́, búnyɛ ŋŋil ímodi nnúdíyenyeé. 7Yaŋuá muɛ́d yaáguamba áneé mɔndɔ gidigid ubá hana yaŋuá ana, gúu gɔg sig mɔndɔ waádáŋáaba mpuán ya magɔg iyɛɛ́ Uhaluá weéŋeneé yɔ́, weéŋin uyɔ ubuɔ weneéŋín unó ubúnó.
8Mmɔyídɛ́n abádiabá gá nuɔ́ndɔ́n na bisí áneé, númɔ́lɔb hana yaŋuá, búnyɛ beseé nsesi gánɔ gá busió. 9Mmába nudibá nua higenin gɔg duɔ́l duánɔ, nuɔ́ndɔ́nɔndɔn, beseé abá gá nuɔ́ndɔ́n, gudɔ́mb áneé núgíga na gunɛ́n 10Gá busió buá abánya gá nuɔ́ndɔ́n yendensilidin gá buɔ́, ɛ́ɛɛ́, búdibá yaŋuá gɔgaá, búnyɛ Ɔgúná úwɔyɔnɔ́ áneé: ugándɔ udidándúgán na ɔnɛ́m. 11Úmólígie gá nuɔ́ndɔ́n, ugiga buéŋenyi, ugúnya ana ubíaŋan na ɔnɛ́m. Súsɔ́n ɔnɛ́m udihémíe ugányɛ weg.
12Gá ubúólbuóndeé, mmɔyɛ́d áneé búnyɛ guɔyɛd guámɛ gúdibá guá Ɔgúná, ndiméen wasɔ úmábianan ugándɔ unyaá gindiádába, úmélimenye gugíga neéneg udihémíe yɔ́. 13Bilɔŋ bímomi gá ugándɔ, ɔnɛ́m umábá gindiádába, úmélimenye gugíga neéneg, udien yɔ́. 14Gá giagiá ɔnúmɔndɔ udiágán ɔdɛ́m unyɛ osiolón gá gueleé unyɛ abíládánɔ na ugándɔ uwaáganaá ɔdɛ́m, bilɔŋ bímomi na ugándɔ udiágán ɔdɛ́m unyɛ osiolón gá giagiá unyɛ abíládánɔ na ɔnúmɔndɔ uwaáganaá ɔdɛ́m, kandabá nɔ́ késie baán bánɔ bányɛ hádɛ na Uhaluá henyé gɔg áneé bányɛ bisámb. 15Ginɛŋ gímodi gɔg, mmába sɔ́gá údiágán ɔdɛ́m wɔɔ́guɔya guólígie, wɛɛ́d gilé, uguá bilɔŋ ibigányɛ, uwaáganaá ɔdɛ́m, ta ɔnúmɔndɔ ta ugándɔ bádándúgan, gá giagiá Uhaluá wɔɔ́núdɔ́ŋɔn gá gíga uguá bumbénu. 16Aŋuá ugándɔ aáganaá ɔdɛ́m ugányɛ, kásɛ búnyɛ hómohómue áneé anyɛ wa sódie ɔnɛ́m wahɔ a? Aŋuá ɔnúmɔndɔ aáganaá ɔdɛ́m anyɛ wa sódie ugányɛ wahɔ a?
Ɔdɔ́ŋína huá Uhaluá húdiénúgenye gubá guá mɔndɔ
17Uguá ginɛŋ igiɛ́ Ɔgúná úmɔ́núdɔ́ŋɛ́ɛn, numabá uguá udényi uhuɔ́ Uhaluá mbánan úmanúág gá huɔ́, buɔ́ yɔ́yɔnaá Bimbi biá Beédébi bá Klístus gidigid. 18Omodi úmabá uganyɛ aŋansán uguá ginɛŋ igiɛ́ úmabiá ɔdɔ́ŋína? Udinamb nuansana nuég, omodi úmabá umanyɛ udibíans, udibíans. 19Nuansana núdibá ta buand, kandabíansa súsɔ́n udibá buand, buand ubúnya hɔ́ búbúnya gugimbe gibídína giá Uhaluá 20Anaá sig mɔndɔ ugíga uguá udényi uhuɔ́ Uhaluá úmégégíe yɔ́ na huɔ́, uguá ginɛŋ igiɛ́ úmɔ́dɔ́ŋɛ́ɛn yɔ́. 21Ámabá giɔ́lɛ uguá ginɛŋ igiɛ́ bɔ́mɔ́dɔ́ŋɛ́ɛn a? Edibísésényé gɔg gá buɔ́, mmába anyɛ wa bá uguá ibembi, ɔɔ́b beseé. 22Ɛɛ́ɛ, giɔ́lɛ igiɛ́ ɔgúná úmɔ́dɔ́ŋɛ́ɛn gímond mɔndɔ wa ibembi, wɔɔ́gɔ́bɔnɛn na Ɔgúná. Anagányɛ súsɔ́n mɔndɔ wa ibembi uyɔɔ́ Ɔgúná úmɔ́dɔ́ŋɛ́ɛn waáyɛ giɔ́lɛ giá Klístus 23Uhaluá umɔnuɔ́nda biɔŋɔ́n gulal nsesi gá núháŋ gá nuóndie uguá ibembi, nudiáyɛ gɔg biɔ́lɛ biá bɔsɔ́gá bandɔ. 24Beliméen, ánaá sig mɔndɔ ugíga agá busió buá Uhaluá hana úmégégíe yɔ́, uguá ginɛŋ igiɛ́ úmɔ́dɔ́ŋɛ́ɛn yɔ́.
Ubúbíyiganaá abádiabá gá duɔ́ndɔ́n, bisɔg, na bisí
25Gá ubúbíyiganaá mpúge na mmeŋe, ndigódi bugaga buá Ɔgúná gá buɔ́: búnyɛ nugedie nuámɛ ndóŋónye, nugedie nuá mɔndɔ uyɔɔ́ Ɔgúná úmaán bulɔ́b, uwond uwaág yɔ́ niíd ndónye. 26Yeégedenye áneé búnyɛ beseé gá busió buá meyú amánya dabdab, ɛɛ́ɛ, búnyɛ beseé áneé agíga haná ánya. 27Ogódi ugándɔ a? Adiambá gudándúgan neéneg, adibá na ugándɔ a? Adiambá gubia ugándɔ. 28Mmába ɔsɔdɔ́ga ugándɔ amásúgual gigua. Guond mpúge na mmeŋe imɛɛ́d gá nuɔ́ndɔ́n imasúgual gilɔga, gɔgaá bandɔ abánya nyaá gá duɔ́ndɔ́n bánádánadan na bigaga biá muɔ́bídɛ́n uguɔ́b guá mɔɔ́sɛ má nusɔ́da gidigid. Yaŋuá yaáguamba áneé nudádɔ́g yɔɔ́bídɛ́n ihigányɛ. 29Bídɔ́lígɔ́nɔ́nɔ́n ubuɔ́ yaŋuá nnúɔyɔnaá beliméen bámɛ: ginɛŋ igigányɛ gínyɛ bulúg, gugɔns hínen guɛ́d na busió abánya na bagándɔ bábá hana bódigódonyi bagándɔ. 30Abábaŋanɔ́ bábá hana bádiábaŋa, abábalaganɔ́ bábá hana bádiábalaga, ɔbɔ́ndɔ́nɔ bábá hana bádiábianan. 31Abábiananaá binám biá guísi, bágíga hana bádiábianan búmbúm gá giagiá muand muá guísi guá hínen múádúmban. 32Yaáguamba áneé nuólígie uguá mesígíl. Udiábá gá nuɔ́ndɔ́n waáguala muand umuɔ́bígɔnaá Ɔgúná, waáguamba áneé Ɔgúná wɔɔ́bɔnɛn yɔ́ beseé. 33Únyaá gá nuɔ́ndɔ́n gɔg ugódi mesígíl má muand muá guísi, waáguamba pɛ́ŋ áneé ugányɛ weg wɔɔ́bɔnɛn yɔ́ beseé, 34agányɛ waábíába. Ugándɔ udiábá gá nuɔ́ndɔ́n, ugúnya ana mpúge na mmeŋe, báguala muand muá Ɔgúná, bámba gubídóŋónye gég búmbúm. Ugándɔ unyaá gá nuɔ́ndɔ́n waáguala muand muá guísi, wamba pɛ́ŋ áneé ɔnɛ́m uhínenye yɔ́.
35Yɔɔ́núɔ́yɔn buɔ́ gá beseé wánɔ búdibá gá núdámba. Yaáguamba áneé nueyid ŋŋil ya beseé yabá na inaáná na gigeégedíe na Ɔgúná kanda niaba. 36Mmába mɔndɔ ugódi gisɔg giég, gúu ɔdɛ́m huég húdúmanaá yɔ́ áneé ugɔ́d nuɔ́ndɔ́n nuég, ánaá waál haná ɔdɛ́m huég húɔ́yɔnɔ́, udiáguala gilɔga. 37Gɔgaá, ginɛŋ igiɛ́ mɔndɔ uségimbin egég gá ɔdɛ́m kandabá uguá magúda, úwalanɔ́ guɔyɛd guég uguɔ́ úsébígimbin agá ɔdɛ́m áneé ubúlúgenye gisɔg giég, ugányɛ wanála beseé. 38Gúu, usɔ́guɔ́ndɔ́nɔndɔn na gisɔg giég umáal beseé, uséguen guɔ́ndɔ́nɔndɔn wánduguala beseé guandadɔ́mb. 39Ugándɔ unyɛ gá nuɔ́ndɔ́n na ɔnɛ́m gá busió gidigid. Ɔnɛ́m weg úmégué unyɛ wa guɛ́d gá nuɔ́ndɔ́n agá mɔndɔ odoódi uyɔɔ́ wɔ́yɔnɔ́, ubá gɔg uguá Ɔgúná. 40Uguámɛ guá nugedie ugabá beseé guandadɔ́mb úmésíen gisí, yeégedenye áneé yaŋuá súsɔ́n ŋŋódi Gileénde giá Uhaluá.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល